الفصل 26
البارات » 26 «
((أنا لا اكتب لك لأني
أحبك
وإنما احقنك حروفا من وريدي ليهدا نبضي وقلبي وأبقى على قيد الحياة
لأجلك انت سلطانت.گالماء أنت.
عندما اتحدث معك.
يرتؤي بي كل شيء))
ابوي بحب:لان الي خطبك مصر ع زواجك اليوم قبل بكره ولو ما توافقي ما ادري شنو يسوي.
هنا ارتعبت انا مو بنت اشلون اقبل فقلت:بس يابابا منو هذا الي مصر علي لهاذا الحد .
ابتسم ابوي بحب وقال: الي خطبك هو ولد خالك راشد ومصر عليك ويقول اذا وافقتي يصير بكرة الزواج.
ناظرته بصدمة وقلت :من يبه رااشد بس .
قال بابتسامة:هو جا للشركة لعندي وقالي انه يبغاكي ولازم اوافق وانه بيترك البيت اذا ماوافقنا على طلبه وسوينا الي يبغاه ...وانا عني راشد رجال والنعم ينشد فيه الظهر مو كافي انه شايل الشركة بكلها بعد عمك بدر ولمن تزوج مشاري وسافر صار حمله اثقل وانا ما ابغا اردة .
حسيت بالغصه خانقاني ابوي يمدح بالشخص الي طعنه بالظهر ولد اخته ابس انا مطره اوافق لانه هو الي غلط فقلت:انا موافقه يبه بالي تبغاه .
ابوي بابتسامة:رح تحسيه مجنون بس هو بغا ان الملكة تصير بكرة لذا بنروح نسوي التحليل بكرة الصبح وبالمغرب تصير الملكة ورح تكون عائليه .
ابتسمت وقلت:الي تشوفه يبه .
ابوي باسني ع راسي وبضحكه:سبحان لله كنت متخيل مارح افارقكم بس شوفي بيلسان بعد اسبوع ملكتها وانتي بكرة وبتتزوجون مره وحده .
ابتسمت وقلت:وهذاك صار معك مرت ولد .
ضحك ابوي وقال:بس مافي شي يحل محل بناتي …الله يرضا عليكي يبه .
وتركني ومشي انا هنا خلص انهرت من جديد الحقير يبغا يذلني اكثر بس عادي ولا الفضيحه ……
راشد …… ادري ان الي سويته مع بتول غلط بس لازم تتربا وانا الي بعيد تربيتها … رحت للشركة وطبعا كانو جدودي مع بعض فدعيت خالي وابوي …ورميت قنبلتي مع تثقيل العيار وقلت ان اذا ما وافقو بطلع من البيت وطبعا قلت ان مارح اخليها للغريب " ضحكت ع روحي ماسويته لبيلسان وانا الي اعشقها" وطبعا قلت:اذا وافقت الملكة بكرة.
جدي عبدالله:ياولدي مايصير خلها تكون مع اختها .
ماكنت ابغا اتعذب اكثر اشوف ملكت الي حبيت وانا املك ع اختها فقلت:مستحيل بتول الكبيرة فتتزوج قبل اختها فلذا الملكة بكره .
حسيتهم يأسو باقناعي ووافقو ع شروطي ان كل شي بيصير بكرة مع حفله عائليه طبعا واخيرا اقتنعو وبعدها طلعت ومشيت رجعت للبيت ولغرفتي شفت مصحفي الي امتلا بالغبار وسجادتي الي الهاني عنهم المعاصي واللعب باعراض الناس …دخلت الحمام(اكرمك الله) وتسبحت وتوضيت وصليت الصلوات الي فاتتني ودعيت دعيت بكل وجل ان ربي يسامحني ع اغلاطي وبعدما خلصت قرأت من القران لتهدا اهاتي وقرأت {( وَمَن يَعْمَلْ سُوءًا أَوْ يَظْلِمْ نَفْسَهُ ثُمَّ يَسْتَغْفِرِ اللَّهَ يَجِدِ اللَّهَ غَفُورًا رَّحِيمًا)}
حسيت اني ظلمت كثير بحياتي و تعاقبت ولازم ارد لربي واستغفر وهو رحيم رح يغفر لي … سكرت مصحفي وحطيته مكانه وقمت خلص ما ادري وش اسوي بس يبغالي فتره اصلح نفسي واستغفر ع ذنوبي ولازم اخليها هي بعد تتوب ………
………صباح يوم جديد………
بيلسان ……استغربت لمن ابوي اخذ بتول معه بعد الفطور حتى انها هادية مره ولمن سألت جدتي السبب انصدمت وقلت:شنوو راشد بيملك ع بتول.
جدتي:ايه والملكة اليوم هو مصر .
انا بعدم رضا:بس مشاري باقي عليه اسبوع لين يرد.
امي بقلت صبر:امس سوا مشكلة داخل الشركة.
انا استغربت"راشد يحب بتول حلوو" فقلت:رغم اني مو مقتنعه بس الله يوفقهم .
وبعدها بوست روسهم وودعتهم رايحة المستشفى صح حاسيه بحيا بس مهما كان لازم اروح … ولمن وصلت بدلت ورحت عند مجد وشفته عنده هو ناظرني بهدوء وانا نزلت راسي وتقدمت من مجد وبسته بخده وقلت:شلونك الحين .
مجد بابتسامة:عال العال .
عادل ناظرني وما تكلم وانا حسيت انه تضايق اني ماكلمته بس حيل خجلانه بس اذا ماكلمته بيظن اني رافضته وانا جد حابيته فهو قام يمشي وانا ودعت مجد وطلعت وراه وكان يمشي بس لسا ماعندي شجاعه اكلمه بس لمن وقف استغربت وقربت شوي شفت وحدة من الممرضات تحاكيه وشكلها بتتمايع قدامة فار دمي وقربت اكثر …هو ماكان عاطيها وجه بس هي لاصقه فيه وانا دخلت بينهم وقلت بحزم: شنو تسوين هنا انا مو قلت لك تحطي المغذي للمريضه دلال .
هي تحلطمت وانا قربت اكثر منها وهمست:اذا تقربين من الدكتور عادل بقص رجولك تراه خطيبي.
هي تحلطمت ومشيت وهو ناظرني بستغراب وانا ابتسمت بمحاوله للخروب بس هو مسك ايدي وقال:شنو همستي لها .
قلت بتردد:اء اهي مايعه وقلت اذا ماتبطل بقدم طلب للادارة تنفصل وهي خافت .
ناظرني بندهاش وقال:مو انا الادارة بسألك عن كامل اسبابك في طلب فصل ممرضه من عندي .
ارتبكت ما دريت شنو اقول بس بلمح له خليه يعرف اخذت نفس وقلت:بقول كامل اسبابي انها بتتمايع قدام خطيبي وانا اغار .
قلت كلمتي ومشيت بعدما شفت الصدمة بوجهه خليه يعرف ورحت اشوف مرضاي عشان اتهرب منه بصراحه كان لازم يحس ………
عادل ……تصرف بيلسان كان عاجبني وحبيت استفزها بس صدمتني بكلمتها بصراحة خلتني انبسط واحس بشعور غير احبها حيييل وكلمتها خلتني احس انه في مشاعر من جهتها …………
سما ……قمت الصبح وتوضيت وجيت ابدل صح تعبت بس خلصت بسرعه لازم اروح اجهز الفطور… ولمن خلصت طلعت من غرفتي بس انصدمت لمن شفت الاكل جاهز ومحطوط بالصحون وكل شي مرتب انبسطت للحظه لهتمام بدر ولمن شافني ضحك وقال:صباح النور والسرور ع اهلا سما .
ابتسمت وقلت:صباحي انت وابتسامة عذبه منك .
ما ادري ليه طلعت مني وهو ابتسم وقال:اجل بنسمع الكلام الحلو من الصبح بيصير المزاج عال.
ابتسمت وقعدت بمكاني وهو صبلي وقال:اليوم بنتبادل الادوار .
ضحكت وقلت:ايه من حقي مو انا ايدي تعورني .
ضحكا وقال:بدينا الدلع امري لله .
ضحكت وهو ابتسم ورد جلس بمكانه وكنت احاول ااكل روحي بس ماقدرت هو ضحك وبدا يأكلني حسيت بفرحه كبيره اهتمامه حنانه كل شي فيه يخليني اهيم واموت فيه بس لازم ما انسا انه مو حقي هو حقها … بدر بتذكر :سامو نسيت اخبرك راشد وبتول اليوم ملكتهم .
انا بندهاش:جد بس متى قررو وحكو.
ضحك وقال:حكتني ليان انه كذا عند ع الكل وطلبها ويبغا كل شي يخلص اليوم وبيروحو شهر العسل .
ضحكت وقلت:الاخ مستعجل ومعجب .
بدر بستغراب:ماسبق وراشد لمح لي بها رغم علاقتي القويه فيه بس نصيب .
قلت بابتسامة:سبحان لله النصيب شلون يجي .
ضحك وقال:باقي المشاغبة ليلو .
ضحكت وتذكرت موقف الي حكته لي بطايره واستغربت ذكراه وقلت:ما ادري وين رح يوديها نصيبها.
خلصنا فطورنا وطلعنا وقبل اركب سيارتي بدر:سامو تقدري تسوقي او اوديك انا .
ابتسمت وقلت:مافي داعي اقدر اسوق مشكور.
ركبنا وكلا تحرك للجامعه وكالعادة بدر لازم مايفارقني بالطريق لين اوصل . ………
………/نرد لبتولي /………
بتول……بعد الفطور طلعت انا وابوي للمستشفى عشان التحاليل ولمن ركبت السياره مع ابوي شفته ركب سيارته وع المستشفى رحنا عملنا التحاليل وطبعا كنت ملتزمه الهدوء وماتكلمت …بس قبل نوصل البيت ابوي وقف قبال المول وطلب انزل اختار فستان لليوم راشد وقف معنا وكان يناظرني بنظرات تحرق ناظرته بمعنى «انا مالي دخل» ابوي قال:يلا مادام استعجلنا بملكتك يلا اشتري لك الفستان الي تبغيه مو حلوه تملكي بدون حفله .
ناظرني بستحقار وقال:بختاره انا لعروسي .
بلعت ريقي هذا لسا ناوي ع شي اكبر …دخلنا ع محل للفساتين وطبعا ماعندي رغبه اشتري اي شي وكمان المضحك بالموضوع عروس رايحه تشتري فستانها مع عريسها وابوها الي يشوفني يقول ماعندي ام واخوات …انا ماكنت ابدي اي رائي والبايع كان يعرض الفستين علينا …راشد الي قرر واختار فستان حتى ماكان عندي نيه اشوفه …اشتريناه مع ملحقاته من صندل(اكرمكم الله) واكسسوارات الي عرفته ان الفستان لونه بيج وبعدما خلصنا كان ع وقت الغداء وطبعا ابوي اصر نتغدا برا والمصيبه انه بنفس المطعم بلعت ريقي بضيق وراشد الي كان يناظرني بستحقار ولمن قعدنا ع وحده من الطاولات بقسم العوائل طلبنا الاكل وطبعا ابوي قال اكشف وهو اساسا عندنا عادي نكشف وجهنا قدام عيال اخوالي وخلاتي… وبديت اكل وانا احاول ما ارفع نظري لراشد خوفي ذابحني هذا ناوي ع شر ابو كان بضحك متخليه خجل … ولما خلصنا جينا نطلع وابوي مشي قبلنا وراشد قرب مني وقال بخبث:جعله سم …هذي اخر ساعاتك تشوفي الضو.
بلعت ريقي وهو مشي وسبقني واخيرا وصلنا البيت وابوي عطا الخدامة الاغراض وكلم امي انها تجهز للحفله مارح تكون كبيره بس اقاربنا لا غير...وامي ابتسمت وحضنتني بفرح وهي تدعي لي طلعنا غرفتي وطبعا روحي بتطلع رح اموت من وجعي …صليت الظهر والسنه وقريت من القران لعل وجعي يبرد قال تعالى:{(فَإِذَا قَضَيْتُمُ الصَّلَاةَ فَاذْكُرُوا اللَّهَ قِيَامًا وَقُعُودًا وَعَلَىٰ جُنُوبِكُمْ ۚ فَإِذَا اطْمَأْنَنتُمْ فَأَقِيمُوا الصَّلَاةَ ۚ إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَّوْقُوتا)}
انا اهملت صلاتي واهملت حياتي ضيعت نفسي وظلمت نفسي وهذا عقاب من ربي …بعد العصر جت بيلسان وليان لانها ماخذه اذن وقعدو معي بيلسان وقالت بعتاب:كل هذا وما تخبريني وانا اختك.
قلت بمحاوله لللاقناع:امس ابوي قلي بطلب راشد.
ليان بضحكه:طلعت ياخوي مو قليل قالو انه قلب الشركة فوقاني تحتاني والكل رضيو.
بيلسان بفرحه:واو شكل اخوكي عاشق بس محد درا فيه مخبي عشقه .
ابتسمت بتهكم"هو عاشقنك انتي بس انا عشان يدمرني وماسوا كذا الا عشان يستعجل عذابي"
وماهي الا نص ساعة وجت الكوافير استغربت وقلت:مين جابك ماطلبتك .
الكوافير:المدام غاليه بعتتلي اجي عشان حفلتك .
ابتسمت بمجامله وليان وبيلسان مبسوطات لي والكوافير صارت تجهزني وانا كنت كاتمه اهاتي ما ابغا افضح عمري "اليوم مو عرسي اليوم جنازتي" ……
بندر ……ما ادريه ليه الشغله مادخلت راسي بس بمشيها … بس الغريب راشد ماجاب طاري الزواج قدامي وجت الفكرة كذا "غريبه " زفرت بضيق وحركت البيت بيجي المملك ولازم اكون هناك ولمن وصلت جاني اتصال من واحد من المخبرين وهو اكثر شخص اقدر اثق فيه وكاتم الاسرار فرديت وانا نازل من السيارة:هلا عدنان اخبارك .
عدنان بابتسامة:سيدي قدرنا نقبض ع واحد من مروجي المخدرات .
قلت بامر:حقق مع هذا الي معه وبيجوز يدلنا ع البقية المروجين او الخليه المسؤله.
المخبر بخيبه:سيدي هذا اسمه عبدالمنعم ال… وقبل نقبض عليه في احد طعنه قبل وهرب والحين هذا بالمستشفى وحالته خطيره مره وادعي انه يكون عايش.
زفرت بضيق وقلت:يارب لازم نقبض ع هذول الي بيدمرون بلادنا وشبابنا …خلص يلا اشوفك بكرة ونتفاهم بالمكتب وجيب باقي الاثباتات .
المخبر:حاضر سيدي .
سكرت منه ودخلت البيت بس الاسم طق براسي سبق وسمعته …زفرت بضيق ودخلت للمجلس وكان الكل مجتمع اخوي وازواج خواتي وابوي وعمي وعيالهم جلست بمكاني وناظرت لراشد الي مو باين عليه انه واحد جنن الكل عشانها استغربت بس ماعلقت …مشعل بضحكه:اقول راشد قلبه حرقه ان مشاري وبدر تزوجو وهوا لا قام جن .
ضحكت وتمنيت وجود بدر …راشد الي رد ع مشعل وقال:وانت الي محسسني مو قلبك محروق بس توك صغير اهجد .
ضحكت عليه وقلت: بس والله هو لو واحد فكر يتزوج الكل يتزوج سبحان لله .
راشد بنبره غريبه:سبحان لله . …………
بتول…… صار الوقت وشوي امي وعمتي ينادوني للمجلس الخارجي وانا مسكت بطرف فستاني ونزلت لتحت كان ابوي يناظرني بابتسامه وعطاني الدفتر وقلم اوقع اخذت نفس ووقعت وهنا انطلقت الزغاريد ابتسمت بمجامله "لو كان امس ماصار وراشد هو المعرس كنت طايرة من الوناسه " بس تذكرت شغلتين هو امس والثانيه حبه لاختي... بعدما خلص وقعت رديت فوق اكمل لبسي …امي دخلت بستغراب:بتول ليه جوالك مسكر وينه .
تلبكت بس كذبت وقلت:اليوم الصبح انكسر علي.
ليان باسف:اوه اكثر شي يقهر الارقام تضيع ودوريهم.
بيلسان بضحكه:معها راشد وما رح تهتم للبشر .
ليان ضحكت وانا ابتسمت بمجامله …ولمن خلصت البنات كانو حولي بيلسان وليان الي احس فرحتهم حقيقيه من محبتهم لي …ريهام معي بس مثل المغصوبه وتناظرني بعدم اهتمام انا شلون طاوعتها وكنت اسمع كلامها ونصايحها تنهدت ولمن البنات ناظروني ابتسمت لازم اظهر الفرح … وع الساعة 9ونص صار موعد الزفه ناظرت لشكلي للمره الاخيره في المرايه الي بطولي((فستاني البيج الطويل ضيق من الصدر لين منتصف الفخذ وبعدها نازل بدنتيل للارض وكانت كتوفه عاريه والظهر شفاف وعملت الكوافير شعري تكاسير مروفوعه وتاج وميكياجي لبناني بس بروج احمر صارخ)) بعدما شفت شكلي تحركت عشان اطلع والبنات طبعا جهزو الديجي ولما نزلت كانت موسيقى هاديه وبنات اقربنا وبعض صديقات امي وجيرانا …تحركت للكوشه وبعدها الكل جا يبارك …صدق اني حاسه بخنقه وجت ريهام وبضحكه:شلون قدرتي تخلي راشد يقلب الدنيا عليك ويتزوجك وفرضها ع الكل .
كنت للحظه ابغا ادفها بعيد هي الشخص الي كان لازم يمنعني بس هي دمرتني فكتمت غصتي وقلت من بين اسنوني:مادخلك اوكيه .
ضحكت وقالت:اخذتي الي تبغيه ماعاد لخالتك لزوم.
زفرت بقهر وصديت عنها وجت خالتي سلوى بفرح:مبروك حياتي والله انبسطت لك صح مادري ليه مستعجل بس حقه انتي قمر ويخاف تنخطفي منه.
نزلت راسي وضحكت هي فكرت اني بضحك من الخجل بس انا بضحك ع حظي الردي ……
راشد……… الكل مبسوط والكل مفكرني عاشق متيم وانا بصراحه هالشي يخليني اضحك بس هذا طبعي الي يشوفني ما يعرف الي بداخلي … واخيرا جا المملك وبعدما خلصنا والكل جا وبارك لي …نطرت لحوالي الساعة 10ونص وكان لازم ادخل"بعض المظاهر "لاني لو ارفض ادخل رح ينشك بالموضوع فاظهرت حماسي وعني متحمس عشان اذوقها المر وقفت وعمي وابوي واجدادي وحتى عمي بندر بحكم انه خالها كلنا …دخلنا للصاله والكل متحجب كنت بدور بعيوني بيلسان بس مالقيتها ورديت ناظرت بتول كان شكلها حلو بس الخوف باين بعيونها هي تدري مصيرها … وصلت للكوشه ومسكتها ومن هاي الخربيط …الكبار سلمو علينا وباركو لنا وطبعا انا لبستها الشبكه الي جهزتها لها وقطعنا الكيك ……
بتول ……لمن دخل راشد حسيت الشر بعيونه ولمن كان يناظر للحريم بعيونه عرفت انه بيدورها بلعت غصتي ورديت اظهرت ابتسامتي …جا ومس ايدي وشد عليها كنه يبغا يقطعها ولمن لبسني العقد حسيته يبغا يخنقني وحسيت انها بتكتم نفسي ولمن قطعنا الكيك حسيت بضغطت ايده ع ايدي وارتحت لمن فكني وطبعا المصوره جت وصورت ما ادري هم لحقو يسوو كل هذا متى وهو يناظرني بابتسامة خبيثه وقال:انتي بديتي قصة عذابك الابدي اليوم يابتول .
بلعت ريقي بخوف وحاولت اظهر عكس وابتسمت بس هو فهمها كنها بداية تحدي وزاد غيضه وانا غمضت عيوني بنكسار ………
راشد ……زاد غيضي لمن ابتسمت وشديت قبضتي ع ايدها وهي غمضت عيونها واخيرا خلصت هالخربيط ومسكت ايدها وطلعنا مع بعض مع زفه وطبعا طلعنا للغرفة الي جنب المجلس وامي وعمتي صارو يلبسوها العبايه وطبعا بست راس امي وعمتي وجداتي الي دخلو سلمو علينا وودعونا وكمان ليان وبيلسان بضحكهم كنت اناظر بيلسان وشفت فرحتها كسرت قلبي "هي عمرها مافكرت فيني هي مبسوطه عشان زواجي" قالت بابتسامة:انتبة لاختي ولو تزعلها ياويلك مني .
ابتسمت بمجامله وليان مسكت بذراعي وقالت:توتي ورشودي ربي يسعدكم حبايبي .
ضحكت لها وبست خدها وقلت:عقبالك حياتي .
ابتسمت لي وبعدما خلصو لبتول وودعوها ودخل ابوي وجدودي وعمومي سلمو عليها وودعونا ووصلونا لين السيارة ركبنا وحركت السيارة كانت ساكته وانا ماتكلمت لين وصلنا للفندق الي حجزته الصبح …ودخلته انا وياها ووصلنا للجناح المخصص لنا واول مادخلنا سكرت الباب وهي كانت متسمره بمكانها ناظرتها بستحقار وقلت:فسخي عبايتك ترا صرت زوجك وتراني شايفك مثلما خلقك ربي لذا مارح تغريني لو تسوي شنو ماسويتي .
بتول ……كان يطعن بكلامه وانا ساكته ماعاد ابغا ابكي فقلت بهدوء:ماعندي نيه لها الشي قبولي فيك عشان ما ابغا يصير فضايح .
قال بستحقار:لااااا صدقتك والصايعه الي عشتيها والوصخ هذاك مو فضايح .
مسكت نفسي لابكي وقربت منه وقلت بحدة:انت بعد مو اقل مني كم بنت لعبت فيها او الخمر الي عرفت كل انواعه تقريبا عاد بيوت الدعاره والفجور الي تعرفها … انا غلطت بس انت غلطت وظلمت .
هو عصب ومسكني من فكي وقال:من وين تعرفي كل هالشغلات تكلمي .
توترت انا اعرف هالشغلات لما مره دخلت غرفته وسمعت مره ريهام تهدده غير اني اخر فتره استغليت ان اغلب وقتي في بيت جدي عبدلله فكنت ارقبه …فرتبكت وقلت بتردد:سمعتك تكلم الجوال اكثر من مره وعرفت .
رماني ع اطرف كنبه لما حسيت ظهري انكسر وقال بحده:قسم بالله يابتول اذا الكلام طلع ورب البيت بدفنك…اذلفي من وجهي .
ماكنت قادره اقوم وكنت اتنفس بوجع هو مشي وتركني وانا انهرت خلص كتمت طول اليوم وضليت ابكي لين غفت عيني ………
راشد ……جن جنوني لمن تكلمت عن الي سويته هي شلون درت … ما بغيت احد يدرا بس لتكون ريهام قالت لها بس هي قالت انها سمعتني …
ضربتها وطلعت ما ابغا اطلع حرتي فيها لاني ادري ان محد بيفكها مني وبذبحها فطلعت اخذ نفس برا ……
……/يوم جديد/………
راشد ……مارديت الفندق نمت بالسيارة وماصحيت الا ع صوت اذان الفجر…رددت مع الاذان وحركت السيارة لاقرب مسجد نزلت وصليت الفرض والسنه ودعيت وقريت ماتيسر من القران ولمن خلصت ع طلعت الضو …رديت الفندق ولمن دخلت الجناح انصدمت لمن شفتها لساها ع وضعيتها قربت شوي كانت نايمة تنفست براحه وكانت الدموع حافره مجراها ع خدودها …ما اقدر انسا انها انسانة وبنت وانا ضد العنف بس ما اقدر انكر كرهي الي صار بعد الي عرفته زفرت بضيق ووقفت ورفستها ع الخفيف وهي ارتعبت وناظرتني بصدمة فقلت بحتقار:مافي صلاه صار الصبح والفجر ولى وانتي لساتك نايمة .
هي اتخرعت وقلت:ليه ماصحيتني اول .
ناضرتها بنص عين:لا بعد اجهز لك القهوه …قومي.
بلعت ريقها بخوف وقامت بتعب ودخلت الغرفه وانا ماحبيت ادخل لين تطلع وانتظرت تقريبا ساعة ولمن دخلت شفتها قاعده ع السرير ولابسه جلالها وحاضنه المصحف بس كانت ساكته …ماهتميت لها ورحت للشنطه وطالعت لي ثوب وغيارات ودخلت الحمام(اكرمك الله) تسبحت ع السريع وطلعت وشفتها لسا ع وضعيتها فقلت بصراخ:معك ربع ساعة القيكي جاهزه لازم نروح نسلم عليهم عشان مسافرين …يلا .
هي بستغراب:وين مسافربن .
قلت بعصبيه:جهنم الحمرا يلا .
طلعت من عندها وانتظرت بالصاله وبالفعل ماكملت ربع الساعة الا وهي جاهزه … عطيت الفندق خبر ينزلو الاغراض ونزلت انا وياها …طبعا حسيت بالجوع وكنا رح نتحرك للسيارة فقلت بستحقار:نروح نفطر اول مو مستعد اقعد بدون اكل عشانك .
هزت راسها بايه ولحقتني بكل هدوء ودخلنا للمطعم تبع الفندق ع احد الطاولات في قسم العوائل …طلبت لنا فطور حتى ماشاورتها وكانت جلستنا صامته واخيرا جا الطلب و انا بديت اكل وناظرتها كانت تاكل بهدوء بس انا خلصت وهي حتى ربع صحنها ماخلصته …قمنا وبعدها تحركنا للسيارة وكل الاغراض صارت فيها… حركت السيارة ومازال الهدوء سيد الموقف …واخيرا وصلنا البيت وكان الكل متواجد ينتظرنا دخلنا بيت خالي اول وسلمت ع الكل وهي بعد وودعناهم … بيلسان بفضول:وين رح تسافرو .
قلت بابتسامة:بصراحة فكرت اروح الرياض .
جدتي بستغراب:بس يمة انتو بشهر العسل وتروحو الرياض بس يمه .
قلت بابتسامة:استاجرت شهر هناك مزرعه متكامله وكلمت بتول وهي اعجبتها الفكره .
عمتي:مادام هذا يرضيها فما عندي مانع .
ابتسمت بمجامله وبعدها استاذنا وطلعنا بيت ابوي وسلمنا ع الكل ونفس الاسئله وكمان اقنعتهم وبتول الي ضلت ساكته ولمن جيت اسلم ع عمتي ريهام بهمس خبيث: تحب اختها وتتزوجها هي اشلون .
قلت بهمس :انا حر انتي ضلي ساكته .
حسيت غيضها وانا عاجبني اشوفها تنقهر بس لو اقدر ابعد الادله علي من عندها كنت رح اربيها حتى لوهي عمتي عرفت سبب كره ليلن لها لانها خبيثه… وبعدما خلص بنطلع …سمعت ليان تكلم بتول:انا بيلو بنشتري لك اغراض لانك ماتجهزتي وكمان بنقل كل اغراضك لغرفة راشد اوكيه بتجي وكل شي جاهز.
ابتسمت ع طيبة اختي ورديت قلت بهدوء:يلا بتول .
بتول تبعتني وطلعنا من البيت ع السيارة ………
……بنعجل الوقت ونروح للرياض……
بتول …… وصلنا اخيرا المزرعه ولمن قالي انزلي نزلت وانا متخوفه هي مزرعه كبيره وداخلها فيلا صغيره وحلوه وتصميمها رهيب …يقدر يستاجر مزرعه بجده بس ليه وداني الرياض …نزلت انا وياه وهو شال شنطته ورد ناظرني بحده:شيلي اغراضك مو حمال .
دخلنا الفيلا وبالكاد اشيل الشنطه ودخلنا لجوا وكنت امشي وراه وصعدنا الدرج وبعدها وقف قدام غرفه وقال بحدة:هذي غرفتك ولمن اقولك اطلعي تطلعي ولو اقول لا يعني لا …فاهمه .
هزيت راسي بايه وقلت:فاهمه …
ودخلت الغرفة ودخلت اغراضي وبعدها رتبت اغراضي وتسبحت وبدلت ثيابي … وماهي الا نص ساعة ويجي راشد و ناظرني بستحقار وقال:اليوم اخر يوم تشوفي الضوء .
مافهمت كلمته الا لمن رفع المفتاح وسكر باب الغرفة شهقت بابكاء ولممت نفسي ببكاء هذا بداية عذابي ولسا ماشفت شي ………
………تمر الايام لتتساقط كاوراق الخريف،وهاهو قد مر شهر ونص على الاحداث ………
……: حبيبتي بيلسان قربيه اكثر لمتى بنتظر .
ضحكت بيلسان وقالت:لازم تنتظر اقل شي لين يجي عمي وزوجته من لندن هو عمي الوحيد ومارح اقدر اعرس وهو مو فيه وزوجته صديقتي .
عادل بقهر:بيلو بس مو كثيره شهر عاد .
بيلسان بضحكه:لا تستعجل رمضان ع الابواب وعمي بيرد في 12شوال لانهم رح يخلصو امتحانات في رابع ايام العيد ومارح يردو لين يسو التخرج .
عادل بملل:امري لله رح اتحمل كله عشانك حياتي.
بيلسان بضحكه:فديتك ياقلبي .
عادل بفرح:اذا بتهديني شويه كلام حلو بصبر …مو كافي حارمتيني شوفتك في المستشفى وناقله قسم ثاتي .
بيلسان:عادي حبيبي اتحمل وبعدين انت تدرا عشان القيل والقال وتراني بقسم النساء والولاده عند خالتي وعشان لا تغار .
ضحك عادل وقال:حلو الي يعرف غلاته وترا مجد مجنني وصادع راسي يبغا يشوفك .
بيلسان بضحكه:مين الي يبغا مجد او ابوه .
عادل بحب:اثنينهم بس رح يتحملو اهم شي قربك.
ضحكت بيلسان وستمرت سوالفها مع عادل الي تضل للساعات فموقف عادل يوم الملكه والكلمة الي هزت كيانها واعترافه بالحب كان بدايه لرسم طريقهم. فقد اصبحت تعشقه اكثر ……
………راشد وبتول ………
راشد بحتقار:اجمدي ربك اني لسا بعطيك الاكل .
ورما لها الصحن وسكر الباب …بتول ببكاء :راشد حرام عليك لمتى بضل بالسجن هاذا انا غلطت واعترفت مو كافي طقك لي صبح وليل حرام عليك حتى المجرم له فترت سجن وافراج انت شكلك تبغا تعيشني بالعذاب هذا انا غلطت واعترفت انت ليه ماترحمني مو كافي حارمني اكلم اهلي .
راشد الي ركا ظهره للجدار بقهر هو مايبغا يسوي كذا بس كل مايتذكر شكلها متبرجه وان صديقه شافها كذا يجن جنونه عليها هي عرضه وهي الحين صارت زوجته …هو خايف اذا تركها ترد للي سوته بس كمان مستصعب الحبسه …حتى الاهل خدعهم بانه مبسوطين وانها متأقلمه مع المزرعه … ضرب بالجدار بقهر ومشي …مو بس حابسها كمان حبس نفسه يروح بس يجيب اكل من برا لهم ويرد يرجع غرفته واحيان يوصل فيه انه يضرب نفسه يبغا هو بعد يتعذب مثلها هو لا يقل عنها هي ظلمت نفسها وهو ظلم نفسه وناس وايد ذنبه اعظم من ذنبها ……
………نروح لبندر ……
القضيه لسا معلقه لين يصحى عبدالمنعم من الغيبوبه والدكتور قال لبندر بيأس:اشك انه بيعيش بس بنحاول معه لاخر لحظه .
بندر بضيق:يارب هذا الشخص بيوصلنا لمجموعه خلايا كبيره .
الدكتور الي موفاهم شي:هاه اي خلايا .
ضحك بندر وقال:كلام مارح تفهمه انت شوف شغلك.
وبنفسه بندر"يارب سهل المهمه" وشوي وجاه اتصال ولمن شافه المخبر:السلام عليكم سيدي.
بندر:وعليكم السلام هاه بشر .
المخبر:لقينا مكان كان اغلب وقته يتواجد فيه بس المكان ماعاد احد فيه من مده مو بعيده شكلهم عرفو بالموضوع او احد بلغهم .
بندر باهتمام: حاول تلقى ادله ترصلك الاشخاص الي كانو يروحو لهالبيت من الجيران والبواب وغيره .
المخبر:حاضر سيدي بجمع المعلومات وبيكونو عندك بالمكتب بكرة الصبح .
سكر بندر منه وهو متنمي هالقضيه تخلص بس شاف مجموعه من الممرضات والدكاتره داخلين لغرفة هذا عبدالمنعم … استغرب ولحقهم وكانت الممرضه بتمنعه بس هو دخل غصب ولمن شاف الدكتور رفع المفرش ع وجهه وبخيبه:فقدنا المريض .
ضرب بندر بالجدار بقهر وبنفسه" والحظ "
………نروح للندن ……
سما ماسكه المسطره ادواتها وفارشهم بالصاله وقاعده ترسم وشوي تحط ايدها ع فمها بتفكير …دخل بدر وناظرها وضحك …كان شعرها ملموم ووسطه ثلاث اقلام وبفمها قلم وبايدها وبجامتها الي شكلها مو مرتب وقعدتها المضحكه ع الارض قال:اقول سما كل هذا عشان المشروع مسوي فيكي عمايله.
سما ناظرت له وزفرت بقهر:بدر لا تتمسخر ابغا اخلصه قبل يجي رمضان ما اقدر اشتغل وانا صايمه مو كافي اسبوعين بالجبس و غير كذا التسليم بعد اسبوع والامتحانات بعد اسبوعين ورمضان بعد يومين.
ضحك بدر وقال:اجل مقدر شعورك بس خليني اساعدك ولو شوي بالشغلات الظاهريه .
سما بقهر:بدر انت خلصت مشروعك وبتقدمه قبلي اما انا لسا باقي اخلص شغلات كثيره فيه فيك تساعدني بسكوتك وبلا زن الله يخليك .
ضحك بدر وقال:خلص مارح ازن عليك بس بساعدك اني انا الي رح اشتغل شغل البيت اوك .
سما بستسلام:اوك …بدر وميرا خلصت مشروعها.
ابتسم بدر وقال:ايه باقي شغلات بسيطه يلا كملي.
وتركها وراح للمطبخ وبنفسه"ثلاث ارباع مشروع ميرا انا مسويته بس هذا غش بس ما اقدر ارد لها طلب والغريبه انها صارت جافيه شوي " زفر بدر وفتح الثلاجه وشاف كم برتقاله اخذهم وقطعهم وعصرهم وراح لعند سما وبابتسامة:عصير فرش يجدد المزاج .
ابتسمت سما بحب وقالت:مشكوووور .
وشربت العصير دفعه وحده ضحك بدر وعرف انها عطشانه ورد للمطبخ وعصر لها بجاك وردهم لعندها وقال:خذي هذول لمن تعطشي اشربيهم عندي شغل بس ياويلاك اذا ماتعشتي اوكيه .
ابتسمت سما بحب وهزت راسها بايه …وهو طلع وتركها …بدر صار يحاول يتحاشا سما بكثير من الاحيان بعد كلام منصور بس الظروف تجبره يرد لها وحرك متوجه للشغله لانه صار يشتغل اضافي……
……………صباح يوم جميل ………
راشد ……بعدما خلصت الصلاه رديت البيت اليوم برد جدة ومنه خليني ابعد عن بتول شوي عشان ما ارد اضربها … طقيت غرفتها وجاني صوتها وبوجع:ايش تبغا امس ماضربتني بتجي الحين.
حسيت اني مأذيها بقوه"بس تستاهل لا تتساهل وياها " زفرت بضيق وقلت:تجهزي بعد نص ساعه برد وافتح لك القيكي جاهزه تماما برد جده …ورب البيت اذا احد درا بشي بدفنك فاهمه .
جاني صوتها:فهمت والله فهمت بس انت الي مو مقتنع اني ما رح احكي عليك ولا رح جيب طاريك بشين قدام احد فاهم .
لعنده وهو قال بصرامة:حسك عينك تنفتح الدريشه او تتحركي ما اضمن شنو اسوي فيك .
هزيت راسي بايه وناظرت هو وين رايح وكان داخل بمطعم … رديت ظهري لورا وغمضت عيوني …وشكلي غفيت…وماحسيت غير بايده في كتفي تهزني:بتول بتول قومي عمى .
اتخرعت وقالت:بسم الله الرحمن الرحيم .
هو قال بحتقار:جني ياخذك .
زفرت وناظرته وقلت بخوف:بس غفيت .
ما رد علي وعطاني كيس وقال:اطفحي .
فتحت الكيس وكان فيه سندوتش كبير فلافل وعصير كوكتيل بصراحه كنت بطير من الفرح هو مايدري اني احبهم لانه يحبهم اشترا بس انا بعد احبهم ابتسمت وبديت اكل وبصراحه كنت ميته من جوعي وهو كان بيسوق وناظرته بتسأل:فطرت انت .
قال ببرود:مالك دخل ايه فطرت .
رديت لاكلي وخلصت ورديت اناظره وهو بيسوق بهدوء وناظرني وبعدها رمى علبه لحضني …استغربت وقلت:وش هذا .
قال بعدم اهتمام:هذا جوال …عشان ماحد يشك …بس حسك عينك الرقم يروح لغير الاهل واخوانك حتى مشعل ولد عمتي سلوى مايعرف رقمك …واشوف رقم ما اعرفه بتكون نهايتك …افتحيه .
بلعت ريقي وحركت راسي بابه وفتحت الجوال واخر مانزل…الي عاجبني انه مثل جواله وعند انا وراشد ميول لللون الاحمر هو ما يدري بس انا ادري...فتحت الجوال وبديت اسجل الارقام الي حافظتها …رغم امي وابوي ومشاري وبيلسان ورقمه وكنت بكتب رقم ريهام بس ماعاد كتبته …عندي ميزه الحفظ السربع… وناظرته وقلت:رراشد ممكن اتصل لامي .
ناظرني ببرود وقال:فيكي .
فرحت ودقيت ع رقم امي وانا بطير من الوناسه وبعد ثاني رنه جاني صوتها:الو منو معاي .
انا بفرح:ماما انا بتول .
امي بفرح:بتول يالقاطعه وينك يمه اخذك ونسيتينا.
ابتسمت بفرح وقلت:وحشتيني يمه كيفك وكيف الكل ابوي وجدتي وجدي وبيلو .
امي بفرح:كلهم الحمدلله ومنتظرين جيتكم وبيلسان بتعرس رح يصير بنهاية شوال ومشاري زوجته حامل.
فتحت فمي ع وسعه وقلت:كل هذا حصل بغيابي والله فرحتيني الله يسعده ويرزقه الخلف الصالح .
سولفت مع امي بندماج لدرجه نسيت وجود راشد اشتقت لها حيل ولسوالفها وبعدما خلصت سكرت منها وطبعا تكلمنا بكل شي ونسيت اخبرها اني جايه …ناظرني بستخفاف:صجيتي اذني .
استحيت منه ودخلت الجوال بالشنطه ورديت ظهري لورا وتنفست براحه صح مو خروجي من هناك افراج بس اقل شي اكون بين اهلي ……
انتهى البارات السادس والعشرون
اتمنى انه عجبكم وهو مررره طويل صح وتوقعاتكم
شنو مصير راشد وبتول ؟
سما وبدر ؟
بيلسان وعادل ؟
بندر والقضيه تبعه ؟
انتظروني ^_^