الفصل 24
أصـــبـــحـــت قـلــــــبــــگ لـــــ وطن ـــــي
البارات » 24 «
((لو فيني احضُنك قد مَ اغار وقد ما اخاف عليك وقد ما احبَك وقد أشياء كثيره فـ قلبِي لك؟ كان خبيتك بحضني للابد♥))
وفتحت جنبها سلسال امي ابغا اقول هذا تذكار عائلي بس هي كشرت وجهها وقالت:حبيبي ارجوك ابعد تلك القلاده انها بشعه .
حسيت شي انكسر جواتي بس حاولت اظهر العكس وقلت:لما لم يعجبك .
قالت:اذا كنت ترد ان تهديني فارجوك لا انه كئيب .
كان بالعكس راقي وموديله فخم فما علقت ورديته جيبي وقلت: الذي تحبينه …اتحبين المأكولات البحرية هنا مطعم يعد الذ السمك .
قلت بشمازاز:لا انا نباتيه .
ابتسمت وقلت :لابأس لنذهب لأي مطعم ..
وحركت السيارة وطبعا انا ماخذ اجازه عن الشغل والمدير مفكر اني مسويها عشان سما بس هو مايدرا … وحركت السيارة لاقرب مطعم رغم ان كان بودي اكل سمك ومشتهيهم ……
……/نرد جدة/……
عادل …… بعدما سوت بيلسان بمنيرة كذا اغتاضت وطلعت من المستشفى بكبره هي رح تحاول بس انا لها بالمرصاد هي تبغا تستغل ولدي ضدي … دخلت لغرفة مجد وقعدت اتأمل بيلسان ما اخطأت لمن قلت ابغاها ام لمجد لانها انسانة حنونه بكل معنى الكلمة … وطبعا انتظرت لين هدي مجد ونام وهي جت تطلع تفاجأت بوجودي فبتسمت وكنت مره متردد بس قلت:اء اعرف اني حطيتك بموقف حرج بس انا كنت مطر…
ناظرت لزاوية مجد وقالت:نحكي بمكتبك .
هزيت راسي بايه وتوجهنا لمكتبي وقعدنا قبال بعض وقبل اتكلم هي قالت:اول شي ابغا افهم شنو بينك وبينها من مشاكل لدرجة ان المتأذي طفل ماله ذنب.
قلت:اذا حكيتلك بعرف انك ممكن تعطي قرارك بموضوع الزواج .
حسيتها انحرجت بس هزت راسها بايه فقلت:اجل بحكي لك الي صار (( من تسع سنين كان توني دكتور مثلك تحت التدريب والي صار اني كان عندي صديق من ايام الثانوي وهو كمان معي بنفس المجموعه ومره من المرات رحت لبيتهم عشان نطلع مع بعض وكنت قاعد بالمجلس وانتظره والي دخل مو صديقي كانت بنت … كانت حلوة وانا اعجبت فيها وهي ارتبكت وطلعت بسرعة بس انا كنت متأثر مره بجمالها ولمن جا صاحبي طلعنا من البيت بس تفكيري ضل عند هذيك البنت وكنت اقول اخته لالا علاء خواته كبار مره ومتزوجات …بس مين تكون ويوم جتني الشجاعة وقلت:علاء انت عندك خوات صغار .
استغرب وقال:لا ليه السؤال.
حاولت ادور كذبه ماتخليه يشيل بقلبه علي فقلت:انتو مو اعز من الاخو .
قال:ايه انت اخوي ولو تطلب روحي ترخص لك .
ابتسمت وقلت بكذبه صنعتها: ياخي تعرف خالي سعد يبغا يلزقني بزواج بنته وانا ما اطيق حتى سيرتها ولما فاتحني بالموضوع قلت له اني فاتحت واحد من الربع باخته والتمست القبول وهو رجع صد عني وبصراحة اخاف يكشفني واتحمل الملامة ويقول اتي ما ابي بنته فمالقيت غيرك ياعلا .
بصراحة كانت القصة شبه حقيقية بس انا زودتها …اما هو ضحك وقال:تبغا وحدة من خواتي .
قلت:اصلا نسبك مشرف .
فقال بهدوء:عادل انا عندي بنت خالتي هي يتيمة وهي ساكنة عندنا وهي اختي من الرضاعة .
طبعا ابتسمت بس بنفسي ادعي اني ما اتورط اكثر وتكون بنت شينه . … وبعدها بيوم رحت له مع اخوي وخالي وطلبتها رسمي وطبعا جاني الرد بالليل انهم موافيقين وبعدها علاء قالي ان الشوفة تكون اليوم الثاني قلت فرصة اعرفها وفي اليوم الثاني رحت اشوفها واحنا قاعدين دخلها علاء وتفاجأة لما دخلت وارتخت ملامحي طلعت هي اتسعت ابتسامتي وعلاء قعدها مقابيلي وطبعا سألتها عن اخبارها وكنت مفكر انها خجلانه لذا ماردت وانا ماعلقت وطبعا انا عجلت العرس وخليته خلال شهرين والملكة بعد اسبوع وطبعا ماكان في اي اعتراض واملكنا وحتى ان اجنا تواصلنا بس اسلوبها كان بارد معاي ماقلت شي في ناس طبعهم بارد وجاءالعرس وكنت ابتسامتها مصطنعه انا كنت مستانس وشفرنا شهر العسل وقلت بخليها اسعد انسانه وبالفعل مشي شهر العسل ع خير وردينا جدة بس زاد جفاها ورغم اني ملاحظ بس فكرة انه طبع وحاولت اتكيف بس انقلب حالنا لمن عرفت بحملها كانت ماتبغاه لمن سألتها ليه كانت تتعذر مو وقته او توني صغيره وخايفة ما اقدر اشيل المسؤليه اما انا كنت رح اطير من الفرح بحملها وصرت اهتم فيها لين ولدت وجابت مجد لاحظت اهمالها له وضنيت انه بسبب انها صغيره فقدرت هذا الشي وجبت لها خدام زياده عشان مجد وماكان عندي اعتراض وفكرة انها متضايقه من طبعي الخشن اصلا انا افتقر للمسة الحنونة بحياتي لان امي ماتت وانا عمري14 واخوي عمره 10 وابوي الله يرحمه كان حازم فحاولت اكثر اكون لين معها وضلينا قرابت السنه والنص وانا معها ورغم كذا متحمل وساكت حتى اني سألت علاء بطرق غير مباشرة واستغربت ان تصرفها مو مبرر ولمن يكون علاء عندي تصير غير تحاول تكون مره سنعه وتظهر انها تهتم فيني فكرة "هي تزوجتني بدون رغبه لو كان كذا كان قالي علاء هو ما ارغمها " وانقلبت حياتي بهذاك اليوم … رجعت من الشغل بدري انا مخصص هاليوم لمجد ادر بدري العب ولدي ونطلع انا وياه وامه لاي مكان لانه خميس … بس لمن رديت ماكانت فيه استغربت هي تدري اني لازم اطلع باليوم ذا فرحت لعند مجد قعدت معه العبه وضليت لبعد العشاء وهي ما ردت وانا اتصل وكانت ماترد علي استغربت وخفت ان يكون صاير عليها شي وقلت بتصل لعلاء بس سمعت طق قوي باالباب والخدامة فتحت وسمعت صراخ وكان الصوت مو غريب ولمن نزلت اشوف كان علاء استغربت ليكون صار لها شي جيت اتكلم بس ما حسيت الا بالبوكس بوجهي تكلمت:علاء وش فيه .
ماعطاني فرصه اعرف وضل يضربني بلا رحمة وبكل قوته وانا خلص انهكت وماعندي قدرة ارد عليه ولمن خلص قال بحقد:تسوي كذا امنتك عليها وتخون الامانة تبهذلها ياكلب و تطردها وتاخذ ولدها .
انا كان توني استوعب هو شنو يتكلم منو هاذي بس هو تركني وطلع فوق وانا بالكاد افتح عيوني ومو قادر اقوم حتى بس رديت حسيت برفسته وهو شايل مجد وقال:انت مو كفو تصير اب ولا تشيل مسؤليه .
وطلع خلص انهارت قوي واغمى علي كان لحسن حظي ان اخوي في هذاك الوقت راد من لندن انقذني ووداني المستشفى وكنت حالتي صعبة والضرب الي حصلته كان مو سهل وقال ارفع شكوى بس استحاله هذا صديقي وقعدت منوم بالمستشفى يومين ولمن طلعت عرفت انها رفعت علي دعوة طلاق وطبعا كان الاسباب التعذيب والاهانه …انا استغربت انا انسان عمري ما مديت ايدي ع احد شلون بمد يدي ع حرمه … وبالفعل كان الطلاق سهل بس انا طالبت بمجد انا اعرف اهمالها ورحت لاهلها عشان اروح اخذ ولدي وكان الكل تحول ضدي الكل صار يكرهني رغم اني كنت المحبب …هما مفكرين اني اذيتها ولان مافي فايدة رفعت دعوه بحضانة مجد بعذر انها مهمله ……وهي بعد طالبت بحضانة مجد جكارة فيني وكسبت القضية بدون انها دخل موضوع الضرب والاعتداء واني مو اهل اتحمل المسؤليه لاني بلا زوجة وانه لا يوجد مرة تهتم بالولد … كنت ابغا اتزوج بس خفت ع مجد اني ازيد عقدته وقلت بيجوز انه عندها بيرتاح … فخسرت الدعوة… وانا طلبت اقل شي اشوف ولدي مره بالاسبوع وطبعا المحكمة عطتني الاذن وكنت اروح لمجد مره بالاسبوع وما اشوفه الا برا البيت مع خاله الصغير عصام كان عصام متعاطف معاي … وكان يجيبه ع الموعد وهي بعد سنه من الي صار تزوجة ورغم كذا ضليت اشوف ولدي مع عصام بس عصام تزوج وسافر ولانه الوحيد الي كان يرضى يجيبه امتنعو عن جيت ولدي وكنت مرات اروح له للمدرسه ومانقطعت عنه بس مجد كتوم ماكان يخبرني اي شي يزعله ولذا ولدي مانساني ويعرفني ...هي اتهمتني باني ضربتها وطردتها من البيت واخذت ولدي منها حتى انها قدرت تثبت ادانتي وانا مالي ذنب فبعد ماطلعت من المستشفى ورغم اني طلقتها ضليت ادور ع دليل يثبت برائتي ففتشت بالبيت وباغراضها بكل شي اشتغلت لفتره محقق واخوي واكتشفت الالعن … طلعت انها عامله خطه وناها ضربت نفسها بشهدة من وحده من الخدم وانها شرت خدامات يشهدو معها عشان تقدر تطلب الطلاق بدون ما احد يحملها المسؤليه بس ماوجعني هالشي بقد ماقهرني انها كانت تخوني وتكلم رجال غيري وكانت ترسل لحبيبها فلوس وهو الي ساعدها باغلب الشغلات ولمن تطلقت مني …هههه وقدرت تبعدني عنها حبيبها تركها لانه شاف وحده اغنى تقدر تموله اخذ منها الي يبغا وتركها ومشي … فبعدها تزوجت بواحد خروف ماله كلمة ولا يصنف من جنس الرجال وراها وراها زوج الحرمة … بس ماقدرت اتكلم رغم انه بيثبت برائتي مهما كان اذا خبرت علاء بينكسر ظهره لانها اخته وسمعتها من سمعته فكتفيت بالسكوت)) بيلسان ابغا الكلام الي بينا يضل سر وما ابغا احد يدرا فيه وانا واثق فيك …
ناظرت لردت فعلها فقلت:سرك محفوظ بس انا ليه تدخلني بشي مالي علاقه فيه .
قلت بتردد:لاني شفت فيك مواصفات الزوجه المثاليه .
نزلت راسها بحرج وقلت بتأكيد:بيلسان بعطيك وقتك واتمنى انك توافقي اذا مو عشاني عشان مجد .
ماتوقعت ردها فوقفت وقالت:اجل انا موافقه ومتى ماحبيت فيك تطق بيتنا وتطلب ايدي رسمي .
ومشيت … انا توني بستوعب الي قالته "يعني موافقه بيلسان امراة بكل المقاييس جمال وخلق ودين وعقل " زفرت براحة بس لازم تدرا ان رغبتي فيها مو بس عشان مجد انا بعد فكرت فيها من قبل بس المشكله ومجد شتتوني ………
سما …… رديت البيت وشلت كتابي وقلت اقرا فيه بس مالي نفس ففتحت التلفزيون وصرت اغير القنوات بملل واستقريت ع برنامج طبخ فضحكت لانجذابي وكان ببدايته وكانت الشيف تشرح طبخه وانا اندمجت انا اعشق المؤكولات البحريه فبعدما خلصت من اندماجي حفظتها كامله وطبعا ربة المنزل الي فيني حركتني وقالت"انتي تحبي السمك اطبخيه " فقمت بسرعه ولبست واخذت مفاتيحي وبوقي وطلعت ورحت اشتري اغراض الطبخه كلها وانا مستمتعه ع الاخير بيجوز بدر مارح يجي لانه رح يتغدا مع ميرا هو قلي … وبعدما خلصت تسوقي السريع رديت البيت وبعدها "شمرت عن ساعدي " وعاولت استعيد الطريقه بذاكرتي وشكلي نسيت ففتحت جوالي ودورت الطريقه بالنت ولقيتها.. بديت اطبخ بندماج واخيرا حطيتها بالفرن … فسخت المريول ودخلت الحمام غسلت ايديني بالصابون وبعدها توضيت لصلاة الظهر لاني تأخرت شوي صليت فرضي والسنه ورديت ناظرت الساعة وباقي دقيقتين عشان يجهز قمت وطويتهن ورديت المطبخ ولما صار طالعته من الفرن والحمدلله ريحته حلوه والاكله جديده وغريبه علي فتذوقتها وكانت مثالية فقلت بدلع عمري شوي لاني لوحدي اذازماحد يحبني بحب روحي ضحكت ع هبلي وعملت المقبلات "مين بياكل كل هذول بدر برا" زفرت بضيق وقلت بخلي حصته يذوق وطبعا ماخلصت كل شي تماما الا ع 2 والنص مع تزيين الاطباق ونالشغلات اخذت صحن بدر وبديت اغلفه بكيس النايلون عشان يحفظه وما يخرب ………
بدر …… بعدما خلصت الغدا مع ميرا بدري حتى ماجاني نفس اكل وتعذرت اني تعبان لاني بصراحة منقهر من حركتها وخايف اطلع هاليوم من عيوني …ووصلتها للسكن ورديت البيت ارتاح ولمن وصلت البيت ودخلت المفتاح في الباب تذكرت اني لسا ماشريت لسما هدية بس نفسيتي مو زينه وعن الفلوس ماعندي ولسا احنا بنص الشهر زفرت بضيق وفتحت الباب بس استقبلتني ريحه مشهيه ولمن دخلت شفت سما في المطبخ وبايدها صحن وقاعده تغلفه وقدامها اكل مشهي فقلت:شوهالريحه الحلو.
ضحكت وقالت:توني بغلف صحنك اخاف تتأخر وابغاك تذوقه بس حلو انك جيت بالوقت .
رميت جاكيتي ع الكنب وناظرتها ما ادري كنها حاسه ان جاي عبالي سمك قلت بابتسامة: مشكوووره الحين بدخل ابدل ثيابي وارد مره مشتهيها .
ابتسمت بفرح وقالت: عجل وانا بحطهم ع الطاوله واجهز العصير .
هزيت راسي بايه ودخلت بدلت بسرعه وطلعت وكان كل شي جاهز قعدت بمكاني وهي بعد وكان باين عليها فرحتها وقلت:شكل حماتي بحبني .
ضحكت وقالت:مين فيهم ع امي ما اضمن .
ضحكت ع كلمتها وحسيت بالنبره الحزينه بكلامها فقلت:عادي بيجوز ام ميرا تحبني .…بس المهم ان سما الحين تحبني هي الي سوت الاكل .
وناظرتها بابتسامة وهي بلعت ريقها بحرج …ما ادري ليه ارتباكها بيهز كياني فبديت اكل وكان مره لذيذ وقلت:تسلم ادينك كنت مشتهيه وانا حدي جوعان.
قالت بستغراب: ليه مو تغديت مع ميرا .
قلت بصراحه:ميرا نباتيه وماحبيت اطلب قدامها .
ابتسمت سما وقالت:حلو عشان تتغدا معي .
ضحكت وشفت ان سما تستاهل كل خير وقعدت اكل وانا مستمتع بالاكل وما ادري بين اللحظه واللحظه اناظرها ابتسامتها فيها شي مميز بخدودها المتورده وثغرها الكرزي ابتسمت ع ملامحها وجت تلتفت لي ورديت ناظرت صحني وبعدما خلصنا الاكل انا قمت وقعدت ع الكنب وهي رتبت المطبخ بسرعه وشفت جاكيتي قلت اخذ جوالي منه بس وقعت منه العلبة حق السلسال حسيت بقهر لرفضها وجيت اخذها ع جيت سما الي وقفت عندها وجت تاخذها بس انا سبقتها وهي ناظرتني بستغراب وقالت:شنو هاي .
اخذت نفس وكنت بقول لها بس هي فضوليه قربت بابتسامة وبتودد لين صارت لاصقه فيني ما ادري حسيت برجفه بكل جسمي قربها يربكني ماحسيت الا بايدها وراي ...عرفت نيتها تبغا تاخذ العلبه اول ماحسيتها مسكتها مسكت بيدي الثانيه بخصرها هي بحرج بعدت وانا هنا فقعت ضحك اقدر اربكها وقلت:ياشين الفضول .
هي عفست ملامحها ولفت متوجهه لغرفتها وانا حاسس اني زعلتها فتحركت لعندها ومسكتها من كتفها هي زفرت وانا ما ادري ليه ايدي بعدت وفتحت العلبه حسيت بشي جواتي خلاني اطالع السلسال وسحبت سما من وراها لصدري وحركت شعرها ع جنب…حسيت برجفتها من حركتي وانا ضحكت وطالعته ولبستها وهمست:ما يليق بأميرة .
حسيت برجفتها وتسارع انفاسها وانا ماسك كتوفها بديني …كان في شعور غريب حسيته …بس حاولت اطرد الافكار هذي ...وقلت:عجبتك هديتي .
ضحكت ولفت لعندي وقالت: تلعب باعصابي وبعدها تهديني غثيث .
ومشيت بس انا سحبتها وضميتها وشديت وقلت:وين كلمة شكرا يا هبلا .
حاولت تفك مني وبضحكه:تبغا تخنقني عقاب .
ما ادري وش فيني فستوعبت وفكيتها ومسكت انفها:انتي دايم تجننيني الله المعين بس .
ضحكت وقالت:مو وقتك الحين بروح اشوف السلسال.
ضحكت ع فرحتها بالسلسال واخذت جوالها وصارت تشوف شكلها وقالت بفرح:واو يخبل فخم ورقيق .
ضحكت وحبيت اسايرها وقلت:هذا لانك تحبي اللون الفضي والاسود .
قالت بضحكه:لا بالعكس هو تصميمة راقي جدا وما يفهمه الا اصحاب الذوق الرفيع ومعناه فيه.
ضحكت وكلامها صح ذوق ميرا …متكلف وانسانه متصنعه بشغلات كثيرة فابتسمت وقلت:اهم شي عجبتك وع فكرة هي تذكارية من امي .
ناظرتني سما بابتسامة وكانت فرحتها بالسلسال كبيره وهالشي ريحني بشكل كبير ………
بيلسان …… كنت محتاره بشكل كبير بس لمن حكا لي كل شي عرفت عادل بصورته الحقيقيه واستغربت اختيارة لي بس بررته هو تعلق مجد فيني "الحين فهمت انه كان يضل جنب غرفته طول الوقت " لمن عطيت جوابي ماستوعبته الا لمن طلعت "انا وافقت " مادريت وين اروح بس لازم مااخليه يشوفني دخلت غرفة فاضيه وقعدت استرجع احدث اليوم الي غير حياتي ما انكر اعجابي بعادل بس مهما كان هالشي كبير …انا خلص وافقت ولو جا وطلبني رسمي بقول موافقتي عشان مجد…
……بعد اسبوع ……
عادل عطى بيلسان خبر بانه بيجو هو وخاله وطبعا زوجة خاله وبيلسان ماتعرف وش بتسوي هي متورتره خيل وخصوصا انه سبق وراح لابوها للشركة وكلمة وابوها شاورها واخذ الموافقه واليوم الخطبة رسمي …… ليان وبتول الي بيطيرو من الوناسة ومجهزين لستقبال الضيوف وبيلسان الي ماهدي توترها بس البنات بيهدوها واخيرا جا الوقت …الرجال راحو للمجلس في بيت الجد عبدلله والحريم في الصالة حق بيت الجدعبدالباري وطبعا كان الكل متواجد وعادل كان مبسوط …راشد الي كان ماكل عادل بعيونه هو يعشق بيلسان بس هي وافقت وهذا الي قاهره … الجد عبدلله:بالمهلي ياولدي .
ابتسم عادل: مشكور وايد.
ابومحمد:عرفنا ع الاخوه .
عادل بابتسامة:هذا خالي وهو الي باقي لنا من اقاربنا ومتواجد بالسعوديه واخوي مو موجود هذا صلاح ولد خالي وبحسبت اخو .
بندر ابتسم وقال:حياكم منورين .
ناظروه بابتسامة وطبعا راشد قام وقدم الضيافه وهو بيتحلطم"انا اقدم ضيافة اهل خطيب الي احبها" زفر بضيق وعادل انتبه ورد راشد مكانه وبمحاوله لاستفزاز عادل:ع حد علمي انك عندك ولد .
الكل كان يدري وعندهم خبر مسبق ماعدا راشد الي ماكان يدري بهذا الشي فرد عادل بابتسامة:ايه عندي ولد اسمة مجد وهو متقبل زواجي ومبسوط .
استغاض راشد وكان يستمعهم وقلبه بيشتعل هو يحب بيلسان بس ما دامها وافقت ع عادل فانها ماتحبه …ضل راشد يراقب الوضع بهدوء ……
عند الحريم … بعد الترحيب والتسليم وتقديم الضيافه قالت بابتسامة:وين العروس ابغا املي عيوني .
الجدة ام محمد بابتسامة: بخلي البنات ينادوها .
وطبعا بتول وليان الي متونسات ع الاخير طلعو بسرعه ونادوها وهي معنده ماتبغا اطلع من الغرفة .
ليان ناظرت لبتول واثنينهم مسكوها مره وحده وطلعوها ومشوها لين الدرج وخلوها تشوف الحرمة من فوق …بتول:شكلها حبوبه ليه الحرج .
ليان بمكر:توتي اذا ما نزلت نرميها من هنا .
بتول ابتسمت بمكر وبيلسان:خلص نازله اوف نشبه.
ومسكت طرف فستانها ونزلت …ام صلاح ناظرت لبيلسان باعجاب …(كانت عامله ميك اب خفيف ولابسه فستان تفاحي موديل فرنسي مفصل جسمها وكان الفستان كمه لمنتصف الذراع وشعرها الملموم ونازله منه خصلات مخلي شكله جذاب)) نزلت بيلسان وسلمت ع ام صلاح وبنتها الي بعد تناظرها باعجاب وقالت بضحكه:عرف يختار ماشاءلله.
بيلسان انحرجت وام صلاح قاعده تسولف معها وهي اجابتها مختصره مره …ضحكت ام صلاح:لبيه ع الحيا.
وشوي ابومشاري اتصل لغاليه وبعدما خلصت المكالمة ناظرت لبيلسان وقالت: بيلسان ابوكي يبغاكي للمجلس الخارجي للفيلا .
بلعت بيلسان ريقها وراحت مع امها للمجلس الخارجي لفلة جدها عبدالباري وقبل تدخل المجلس امها باستها وقالت:ربي يسعدك يمة ويوفقك .
وطقت الباب طلع ابومشاري ومسك ايدها ودخلها وكان عادل جوا وبيلسان كانت منحرجه وتخبت ورا ابوها وهو سحبها بهدوء وجلسها ع الزاويه المقابله لعادل وعادل ناظرها بابتسامة وبيلسان كانت رح تموت من الحيا وبنفسها "مو زواجنا عشان مجد ليه هالشغلات المحرجه" …جاها صوت عادل الي ذوب قلبها:شلونك بيلسان عساكي طيبه .
بيلسان استحت وماقدرت ترد وهو ضحك وشوي بيلسان قامت بحرج وطلعت ووجها مصبوغ وهو ابتسم وابوها قال:البنت انحرجت .
عادل بحب:عادي حقها .
وسولف هو وابوها شوي وبعدها طلع هو واهله
……لندن……
سما ماسكه الجوال وبتحكي "ايمو" وبضحكه:لا وش بعد سوت ..ليان بضحكه:عاد هربت ولمن طلعت ماعاد تكلمت من الحيا .
ضحكت سما وقالت:الله يسعدها فرحت لها من قلب.
ليان بضحكه:وينه بدر .
سما تذكرت انه طلع يتعشى مع ميرا وقالت:هو طلع يتعشى مع ربعه الي هنا ليه .
ليان بابتسامة:بلغيه سلامي وسلام البنات .
سما بابتسامة:يوصل وانتي بلغي البنات سلامي .
وبعدها سكرو من بعض وقبل تحط سما اللاب سمعت صوت الباب وكان بدر وهي ابتسمت وقالت:عمرك طويل تونا بسيرتك .
بدر بستغراب:انتي ومنو .
ضحكت وقالت:انا ومين يعني انا وليان بتوافيني الاخبار اول باول وتبلغك السلام الكثير .
ابتسم وقال:الله يسلمها والله انبسطت لبيلو تستاهل كل خير .
سما حست بحزنه انه ماشاركهم هاي الفرحة فقالت:تعرف حتى اوها المسكين مالقي حجز .
ابتسم لسما الي حس بترقيعتها فقال:خير …
ورما نفسه بالكنبه بتعب وناظر سما وغير وضعيته بحيث انه حط راسه فوق فخذها وقال بترجي:سما راسي يعورني ممكن تعملي لي مساج .
سما الي كانت متوتره بقربه فابتسمت وقالت:اوك بس اروح اجيب لك زيت .
ابتسم ورفيع راسه وسما راحت جابت الزيت وردت جلست وحطت المخده الصغيره وقالت:نزل راسك .
ابتسم بدر وحس باحراجها وحط راسه وسما بدت تسوي له مساج وملامحه بدت ترتخي ورد قال:سامو ممكن تقرأي لي قران لانه يريح .
سحبت سما ايشربها القريب وحطته ع راسها وبدت ترتل الايات بصوتها العذب مما اراح بدر وخلاه ينام بهدوء ولمن خلصت شافته خلص نام واستغربت" وش فيه بدر ليه حالته كذا " تنهدت بضيق ومابعدت ايدها من راسه قعدت تتأمل وجهه بحب تعشق ملامحه الحلوة "وش مضايق بدر "
انتهى البارات الرابع والعشرون
اتمنى انه عجبكم وتوقعاتكم
شنو سبب حزن بدر ؟
هل بينتهي زواج بيلسان ع خير ؟
ايش رح يسوي راشد ؟
انتظروني ^_^
★ أــﻴـــــــŞαȑαـڕۃ اﻟــــــﻖــــډڕ★
و أصـــبـــحـــت قـلــــــبــــگ لـــــ وطن ـــــي