الفصل 21
البارات » 21 «
((من السهل أن تطرد جيش استعمر وطنك.. ولكن من الصعب أن تطرد حب استعمر قلبك))
ليان ……جن جنوني لمن دخلت لعند بيلو وشفتها مسدحه ع السرير قعدت احقق معها شلون وكيف ومتى لين طفشت مني وقعدت عندها لين المغرب وطبعا بعذر الفستان وبعد انتظار وامي وعمتي كسرو جوالتنا اتصالات الدكتور هذاك عطانا اذن وتطمنا عليها وطلعنا وطبعا رحنا الحفله حق صفا واحنا جاهزات ع الاخير … طبعا حاولت ما اخلي بيلسان تتحرك ورغم اني سألت بيلسان كذا مره بس ماجاني الجواب الوافي بس حسيت ان هذا الدكتور معجب فيها وقلت بسألها: بيلو شنو صار وقلك الدكتورروش رح يسوي مع هذاك الرجل …
بيلسان بملل:قال بيدبر الموضوع وانا اطلع منها وبعدين هو واصل بيقدر …
قلت بمراوغة:بيلو انتي شنو تحسين تجاهه .
ارتبكت وقالت:ليلو شنو هالسؤال .
عرفت ارتباكها فقلت:تحبيه صح .
قالت وقد اشتعل وجهها بالاحمر :ليان…
هزيت راسي وقلت:ايه تحبيه لاتنكري .
زفرت بصيق وقالت:واذا بس هو ما اضمن .
حسيت الحزن فما حبيت ءأملها وقلت:عسا يارب .
زفرت وقالت:يااااااااااارب …
ضحكت ع اسلوبها ورجعنا لجو الحفله ورغم المتعه بس احنا هاديات اليوم …
سما …… بعدما مشي حسيت بروحي تنسحب مني لمن تركني …شديت حالي وركبت سيارتي ورديت البيت …كان ع وقت صلاة المغرب …دخلت الحمام(اكرمك الله) توضيت وصليت ولين العشاء وبعدما خلصت صلاة طويت سجادتي وجلالي وطلعت من غرفتي ودخلت غرفته اشتم ريحته …انسدحت ع سريره وماحسيت الا ونمت...……
………/ننط بالوقت/……… جدة 1:15صباحا …
نزل من الطائرة وتوجه لبرا المطار هو سبق وعطا ربعه موعد الرحلة بس الوقت متأخر مارح يجو … فطلع من المطار يبغا يدور له تكسي وبنفسه" اروح شقتي بس من سنتين ماعاد انسكنت اكيد غبار ويبغا لها تنظيف وكرف بروح احجز لي بالفندق احسن " بس اندهش لمن شاف فارس وهذي المره معه وشاب … اندهش وراح لعنده وسلم وقال:هلا فارس ماتوقعتك تجي فكرتك بتنام …
ضحك فارس وقال:لا انام واخوي بيجي من سفره لا جيت انا وفهد اخوي نستقبلك عاد…
ابتسم بدر وسلم ع فهد اخو فارس وبعدها طلعو سيارة فارس وتحركو …بدر بستغراب:ليتكون تعبان او شي لمن جا اخوك معك …
ضحك فهد وقال:لا مافيه الا العافيه شوفه مثل القرد قدامك بس سيارتي عطلت وكنت عند واحد من الربع بندرس عشان الامتحانات وهو مرني…
بدر ابتسم وقال:بتدرس بصف ايش …
فهد بضحكه:بالصف الثالث ثانوي الله يسهله …
ضحك بدر وقال:انت ادرس وخلي ثقتك بربك …بس غريبه يافارس هذا اخوك بياضي وحليوه ونعوم وانت اسمراني وجلف …
ضحك فهد وفارس رد: لان اخوي طالع لجدتي العرق التركي ثمر فيه اما انا طالع لاخوالي …
ضحك بدر لانه سبق وشاف ابوفارس وهو بعد ابيض وفيه العرق التركي فقال:اجل جدتكم تركيه ياحلاة .
ضحكو كلهم وبعدها راحو للاستراحة الخاصة بفارس وبدر نام فيها هو وفارس واخوه وقبل ينام طمن سما برسالة وريح قلبها وقلبه ……
………/صباح يوم جديد/………
سما ……قمت بتكاسل ما ابغا اقوم بس شديت ع حيلي ولمن انتبهت اني بغرفة بدر ضحكت بتهكم وتنهدت بضيق وقمت ورتبت مكاني وطلعت من الغرفة ودخلت غرفتي توضيت وطلعت صليت فرضي والسنه و بعدها طوتهم وحطتهم مكانهم وطالعت لها ثياب بدلت بسرعه وجت تاخذ جوالها وشافت فيه كم رساله وكلهم من رقم بدر السعودي»سما وصلت الحين جده واستقبلني صديقي الي ودانا ماحبيت اصحيك لازم تنامي زين وياويلك تهملي صحتك «
ابتسمت من اهتمامه وتنهدت بحب اتمنى لو يحس بحبي له ويبادلني احساسي بس … نفخت بضيق واخذت اغراضي وطلعت مالي نفس اكل شي وبروح اليوم بدري مره لاني رح انكتم لان بدر مو فيه … طلعت من البيت ع الجامعه مباشرتا وقبل انزل من سيارتي رن جوالي لمن ناظرت الرقم حسيت قلبي يدق طبول … اترددت شوي وبعدين رديت حاولت ما اظهر لوعتي وجاني صوته:صباح النور ع سماي…
ابتسمت بحب وقلت:صباحك بدري كيفك …
قال بمرح :صرت بخير لمن سمعت صوتك يازين .
ضحكت وبنفسي"انت ماتحاسب ع كلامك بس هو مثل مايزيد عشقي يزيد وجعي" قفلت:حلو رايق …
قال:ايه نمت زين والحين قاعد افطر بس مارح يهنى فطوري لين اسمع صوتك فلذا اتصلت …
ضحكت وقلت:مصلحه يعني …
كنت بكلمة وانا ماشيه لداخل …وهو قال:مو مصلحه بس ادمان على صوتك … هاه فطرتي .
تلبكت لاني ما اقدر اكذب عليه فقلت:انا الحين داخلة الكافتيريا افطر وبعدها اروح محاضرتي .
ابتسم وقال:افطري وكلي ادويتك ولاتجهدي نفسك .
ابتسمت لاهتمامه وقلت:اوك يلا انت كمل فطورك وانا بروح افطر … مع السلامة .
وسكرت الخط وزفرت بقهر وبالفعل دخلت الكفتيريا طلبت لي فطور خفيف وعصير واكلت وبعدما خلصت اخذت كتابي وقعدت ادرس فيه …
بدر …… احسها عاده ما اقدر اتركها حتى لمن شفت فارس صديقي يناظرني بضحكه حاولت استعجل المكالمه وبعدما خلصت المكالمه … فارس بضحكه:اوووه ماتقدر تبدا يومك بدون ماتسمع صوت المدام ياعيني …الله يخليكم لبعض .
للحظه انحرجت … وفهد الي توه جا وقعد ع الكنب والنعاس ماليه قال:ليه انت متزوج .
فارس قعد بمكانه وقال:ايه متزوج وتوه مخلص مكالمته وياها الاخ مايقدر ع فراقها …
ابتسمت بمجامله بصراحه حقيقه ما اقدر ابدا يومي اذا ما تطمنت عليها … فقلت:ياخي زوجتي اش حشرك فيني .
ضحك فهد لان فارس عفس وجهه وقال فارس:الحب يفرق بين الاصحاب حسافه .
هنا انا وفهد ضجكنا وفهد قال بمكر:اجل وهذيك ااي صرت كل يوم تروح ع المجمع لعل وعسى تشوفها مره ثانيه … عاد لو كلمتك بريق حلو … كلمتك براس خشمها ما ادري منو مفكره عمرها …
تفاجأت بصراحه لمن شفت فارس حط ايده ع خده وزفر بضيق وقال:بس ودي اعرف هي منو والله بروح واخطبها انا عني ما احب اتلاعب بمشاعر البنات .
ابتسمت لان فارس شهم فقلت له:مادام كذا تفكيرك الله يجمعك فيها عن قريب ولو اقدر اساعدك مارح اقصر معك ياخوي .
ابتسم لي فارس وقال:كفو ياخوي كفو…
قلت بستعجال:يلا لازم نعجل لازم اروح اشوف مشاري وشوف اذا يبغا شي …
فارس وفهد ابتسمو واستعجلو عشاني……
بيلسان …… بعدما صحينا الصبح الكل في حالة استنفار … وانا بجهز فستاني الي شريته لعرس مشاري وليان وبترل نامو اليوم معي بغرفتي وطبعا كل وحده جهزت فستانها … بتول اتفقت هي وريهام اتفقو انهم بيروحو ع المشغل ةع بعض وانا قلت بروح انا وليان وخلص جهزت كل شي ولاني بلبس بالمشغل ومباشرتا ع القاعه …… جت ليان لعندي مع الخدامة والخدامه شالت الفستان والاغراض للسيارة وليان قربت لعندي وقلت بستغراب:من الحين مو توه بدري …ليان بابتسامة:بنروح اول ع المستشفى نتطمن عليك وبعدها نروح ع المشغل …
جيت اعارض بس هي مسكت ايدي وقالت:مابنخسر شي بنروح نتأكد ومنه تطمني ع البنت ورح نفحص ونرد نروح يلا عشاني.
ابتسمت بحب لها وهزيت راسي بايه وبالفعل لبسنا عبايتنا وطلعنا ……
بتول …… حدي متضايقه كنت مفكره انه رح يجي هاليوم وانا طايره من الوناسه هذا مشاري القلب … بس حزني واحساسي بالذنب والكوابيس ملاحقتني مخليه كل يومي زفت … بنطلع انا وريهام اليوم ع المشغل المعتاد وكمان عطيت خبر لصديقتي رزان تجي معنا وبالفعل اجت قبل للبيت وبعد القعده شوي انطلقنا ثلاثتنا للمشغل… بس الغريب ريهام ورازن نفس الطينه بس رازان ماتطيق ريهام ابد ودايم تقول خالتك حيه وزاد كرهها من بعدما خبرتها لموضوع الاتهام … رحنا ع المشغل وطبعا استغلينا الوقت بالسوالف صح رازان ماتطيق ريهام بس انسانه تعرف اسلوب التمثيل بحرفيه … رازان :ريهام حياتي مو كنتي تقولي ان بدر رح يصير لك هذاك صار لغيرك شنو شعورك ياقلبي .
ريهام اغتاضت وقالت بعكس غيضها:لا حبيبتي ماعاد يهمني هو بايعني انا برميه وبصراحه فيه الي يبوس تراب رجلي وبيسوي لي المستحيل .
رازان بمكر:منو هذا .
ريهام بغرور:لاااا مارح اقول اخاف تحاولي تاخذيه مني انتي خطافت رجال مو بعيده عنك .
رازان زتضايقت من كلام ريهام وماعاد تكلمت وانا حاولت الطف الجو:بنات شفتو الفستان الي وزل البارحه كان ودي اروح واشتريه بس انشغلت بالتحضير للعرس مع خالتي سلوى .
رازان بابتسامه: ولا يهمك حبيبتي بكلم سواقي يروح يجيبه لك انتي سمي المحل وعطيني صورت الفستان وبشتريه لك هديه ياعمري …
ما ادري احب رازان بالقوه طيبه حيل بس الدنيا اذتها كثييير …"بيكون معك ربي يارازان" … حاولت اكون مسايره الجو وكلما اشتعل اخمده ……
بيلسان …… وصلنا المستشفى وطبعا نزلت انا وليان وتوجهنا مباشرتا لمكتب الدكتوره روان كانت تبغا توديني عند الدكتور عادل بس فشيله … طقيت الباب واول ةاقالت تفضل دخلت وبأبتسامة:هلا دكتوره شلونك …
روان بابتسامة:هلا بيلسان شلون صرتي .
ليان بتدخل:هي تقول بخير بس ما تصدقيها لين تتأكدي بنفسك … مارح استانس لين اطمن عليها .
ضحكت الدكتوره وقالت:ابشري من عيوني.
وقعدت ع السرير وبدت تفحصني وبابتسامة:الحمدلله مافيكي الا العافيه كانر الضربه سطحيه والاغماء كان بسبب تأثير الخوف عليك .
زفرت ليان براحه وانا قلت بابتسامة:مشكورة دكتورة روان هذي بنت خالي عنيده وراسها يابس .
ضحكت الدكتوره وقالت:هي محبه لك .
ابتسمت وليان قالت:ربنا يديمنا لبعض ونعرس ع اخوان عشان ماتفارقني .
ضحكت وقلت:مو مفشوحه ع الزواج .
ضحكت ليان وضمتني من ورا ودت قالت:هاه دكتوره ياويلك اذا ماحضرتي العرس بزعل .
الدكتوره بضحكه:بجي كله ولا زغلك .
ابتسمت وقلت:يلا سلام لا اشغلك .
قالت الدكتوره:عادي ماسويت الا واجبي .
طلعنا انا وليان وحنا بنمشي بالممر … ليان:بيلو شنو رايك تمرين ع البنت مسكينه.
ابتسمت ورحبت بالفكره ورحنا للغرفه الي حطو فيها غزل وطقيت وفتحت وشفتها ممددة ع سريرها وعندها حرمه وطفلين صغار … شكلهم عيلتها فبتسمت ودخلت ولمن شافتني بفرح:دكتورتي .
قربت منها وهي ضمتني وبدت تبكي وانا هديتها وقلت:وليه البكا ياحلوتي .
بلعت بكائها وقالت:بس خفت انك تأذيتي بسببي،.
قلت بحب:ماتخافي هذاني قدامك بس انا طالبه اجازة عشان عندي انشغال بس وبرد بكره اطمني حياتي بس اهم شي هالوجه الحلو مايبكي .
ابتسمت براحه وناظرت ام غزل وهي قالت:شكرا لكم ما اقدر اوافيكم حقكم بالي سويتوه لي انا وبنتي بفضلكم طلعت من هذاك البيت …
ابتسمت وقلت:ماسويت الا واجبي …
ارتاحت المره وانا استاذنتها وطلعت ليان ناظرت كل شي بابتسامة وردت قالت لمن طلعنا:والله كسرو بخاطري مساكين …
ضحكت وقلت:فديت الحنون انا …
وجينا نمشي لقينا الدكتور … انا ما ادري ليه ابتسمت تلقائي وهو تقدم لعندنا وقال بابتسامة:دكتوره بيلسان الحمدلله ع سلامتك .
قلت:الله يسلمك …جيت افحص ورد البيت .
ابتسم وقال:اجل الف مبروك زواج اخوك وعقبالك .
حسيت بأحراج كبير وقلت:مشكور … وسحبت ليان ومشيت بهرب منه … طلعنا من المستشفى وع المشغل مباشرتا ………
سما …… بعدما خلصت محاضراتي رديت الشقه وبصراحة حسيت بفراغها بعدم وجود بدر دخلت غرفتي صليت فرضي والسنه وقريت ماتيسر من القران … وبعدما خلصت قمت وطويتهم وقمت اكلي شي شغله دايم اسوي الي بيقوله بدر احترم كلامه دخلت المطبخ سويت سندوتش وعصير واكلت بدون نفس بس عشان ادويتي بصراحة انا ابغا اخف … بعدما خلصت مالي رغبه حتى امسك كتاب واذاكر بس شدتني الروايه الرومنسيه الي كانت الرساله محطوطه جواتها انسدحت ع الكنب وبديت اقرا فيها انا مو ميولي للرومانسي زياده … بس بقرا … وعجبتني القصة بس كنت ماله ما ابغا اكمل وفيني نوم … توجهت للغرفه بس رجولي ساقتني لغرفته وبالفعل فتحتها ودخلت تحت المفرش ونمت ع ريحته
((گم هو مؤلم أنّ أحتاجك ولآ أجدك، وأن أشتاقٌ لك وَلا أحادثك، وأنّ أحبّك وأن لآ أگون معك ))
………/بنسرع الوقت/………جدة …
صار المغرب والكل صار بالقاعة … وبدر ضل مع مشاري بس حاول ان ابوه مايشوفه … راشد الي لمن عرف بوجود بدر صار يتحاشاه ……لمن صار المغرب بدر تحت الامر الواقع انه بيقابل ابوه وطبعا تواجد مع اخوه عشان يسلم ع الضيوف بس لمن شاف ابوه كان يبغا يمشي بس الاب بحدة:مارح اخرب عرس حفيدي فلذا ماتروح كمل وبعدها مثلما جيت ارجع …
وجعت بدر هالكلمة وقال بحزن: لهاي الدرجة شايل علي يبه وانا دلوعك يبه … رح يجي يوم وتفهمني .
ورد ناظر لمكان ثاني خايف دمعته تخونه ويبكي .... والاب رد لمكانه وضل الكل يجو ويباركو لمشاري ويسلمو ع بدر ومحمد والجد … واحد من المعارف بعدما سلم عليهم كلهم قال لبدر بعتاب:افا عليك يالبدر تعرس وماتخبرنا كنا نبغا نفرح فيك .
بدر تورط بس ابتسم وقال:كنت مستعجل ابغا ارد لندن بسرعه عشان دراستي .
ابتسم وقال:اجل ربي يسعدك وتوك عريس .
ابتسم بدر وبنفسه " عريس بلا عرس" وكان في عتاب كثير جا لبدر عشان انه ما اعرس والاب وبدر واخوه ماعندهم الا يبتسمو بمجامله ……
………/قاعة الحريم /………
ليان وبيلسان يطغا حضورهن بفساتينهن المتشابهه بالشكل واللون كمان بتول … بس هي مو معهن طبعا العيون كانت ماكله البنات وكل مالها وحده تجي تسألهم كذا وكذا … وليان وبيلسان مو مستمتعات ابد … ليان:بيلو شنو رايك نطلع لصفا .
بيلسان:الي تشوفيه انا بموت من الطفش .
وطلعو وهما في الدرج وحده بستفسار:بنات سمعت ان بدر تزوج هالخبر صحيح او لا .
ليان بابتسامة بدون نفس:ايه تزوج وسافر.
المره:بس ليه ماسويتو عرس مثل مشاري.
بيلسان بكذب:لانه يكره هالمظاهر ويبغا يسافر يكمل دراسته وكان لازم يسافر بسرعه .
الحرمة:ومنو البنت نعرفها .
ليان بقلت صبر:ايه اسمها سما عامر ال… عرفتيها .
الحرمة:بنت ناس فووق مره هو من كبار هوامير السعوديه عيل زين ماختار حلا ومال .
ليان وبيلسان ناظروها بسخط وطلعو وهن ماسكات اعصابهن بالحيل …… وطلعو لصفا وسلمو عليها …كانت ريهام وبتول ورازان متواجدات عندها … ليان همست باذن بيلسان:هذيك المايعه وش جابها .
بيلسان بنفس الهمس:مو هي صديقة بتول .
ليان بضجر:ما ادري صديقات بتول ماني طايقتهم .
بيلسان ابتسمت وقالت بنفس الهمس:ليلو رح يعرفو ان احنا بنحش فيهم اهجدي يابنت .
ابتسمت ليان بمجامله وبنفسها ودها لو تهف صديقة بتول المايعه … بس مستغربه هي قبل ماكانتزكذا هي تعرفها من ايام ماكانو بالثانوي ……
………مر الوقت وصار موعد زف العروس ……
نزلت صفا ع زفه لراشد الماجد وتتابعت بعدها الزغاريد والتهالايل لين وصلت للكوشه …… وبعدها اعلنو عن دخول العريس وتغطو الحريم ودخل مشاري ببشته والابتسامة ع وجهه لين وصل لها … مسك ايدها وقعدو ع الكوشه وجت المصوره وصورتهم وجابو الكيك وقطعوه وكل دقيقه المصوره تصور والكل مبسوط لهم وبعدها جو الاقارب يباركو لهم … ولما جت ليان وسلمت …مشاري بضحكه:ليلو بدر هنا .
ليان بفرح:من صدقك اجل وينه .
مشاري: قالي اكلمك انك لمن تفضي افتحي جوالك يكلمك يبغا يشوفك انتي والبنات يسلم عليكم لانه بيسافر بكرة الصبح الساعه9 ولذا يبغا يسلم عليك هو بالصالات الخارجيه …
فرحت ليان وقالت:مبروووووك ربي يسعدكم .
وسحبت بيلسان وراحو للصالات الخارجيه وبالفعل كان بدر موجود وسلمو عليه بفرح وهو قال:ولهت عليكم وكمان سما تبلغكم السلام الكثير…وقالت اعطو هالهدية لصفاء …
البنات كانو طايرات من الوناسه وطبعا سولف وياهم وهو مبسوط … بيلسان بحزن:دور شلون عايشين .
بدر بابتسامة:عايشين انا اشتغل وسما تطبخ وكلنا ندرس مع بعض تشرحلي المحاضرات الي تفوتني .
ليان بفرح:واو مشاركة حلوه مافي نونو .
بدر انحرج وقال:مو وقته خلنا نكمل اول…"كنت بقولك ان زواجنا شكلي ياليان بس ما اقدر اكسر فرحتك "
ليان بزعل:لو خبرتني بجيتك كنت مجهزه هدية زواجكم من اول بس منتظره جيتك .
ابتسم بدر وسحب انف ليان وقال:مشكوره ياقلب خالك لمن اسافر ودعوني بالمطار اوك .
بيلسان:اوكيه وانا بعد ابغا اعطيكم هديتكم .
ضحك بدر وقال:ياليل الهدايا اوكيه … يلا بستأذنكن ربعي معي ولازم اروح هو ماخذني بسيارته …
البنات عطوه الاذن وهو ودعهم ومشي ……
وهن راجعات بفرح وقبل يدخلو القاعه شافو جدتهم وهما بهتو وهي بهدوء :شفتو بدر صح .
بيلسان بحزن:ايه شفناه ويسلم عليك .
ام محمد بجزن:متى بيرد لندن .
ليان:بكره الصبح طيارته …
الجده:اجل بتاخذوني اودعه بكره .
البنات ناظرو بعضهم بدهشه وقالو:ايه …
ابتسمت وقالت:يلا ردو ما ابغا احد ينتبه ع غيابكم مو انتو خوات المعرس يلا …
باسو جدتهم بفرح ودخلو القاعه وقد ردت نفسيتهم لها وشافو بتول الي ناظرت فرحتهم وقالت:شنو سر الابتسامة الي شاقه حلوقكم .
بيلسان بعتاب:كان بدر يبغا يشوفك ويسلم عليك .
بتول ارتبكت وقالت:وانا بعد بس ماحدا خبرني وينه .
ليان :مشي بس بكره الصبح ونودعه تجي معنا .
بتول ماتقدر تطالع بدر بس مطره عشان محد يشك وقالت:اوكيه بجي معكم بس اخاف يدور ويزعل جدي.
بيلسان:مارح نقله اوك يلا …
هزت بتول راسها بايجاب وقالت:اوكيه .
………نروح لندن ………
سما الي لسا ع وضعها تصلي وترد تنام بغرفة بدر تبغا تحس بوجوده وبعدما خلص النوم مجافيها طلعت من الغرفه واخذت كتبها وحاولت تعيد تركيزها وتذاكر وماقعدت الا نص ساعة الا وغفت ع الكنب ……
………/صباح اليوم التالي/………
بدر …… رحت المطار مع فارس وودعني بحراره ونا انبسطت لان عندي صديق مثله هو رجال شهم …وتمنيت ان ربي يجمعه بالي قلبه حبها … وطبعا هو عرف ان الاهل بيجون فمشي وطبعا ما ان مشي حتى شفت اربع حريم جايات بجهتي عرفت البنات والحرمه كانت كبيره "هاذي امي" فرحت لمن شفتها ومانتظرتها لين جت رحت لعندهم وانا بطير من وناستي وما ان قربت منها حتى ماقدرت اضمها وابوس راسها سمعت شهقاتها وزاد ضمي لها شوقي لها فاق كل الحدود بوست راسها ووجهها وايديها وانا شوي ورح ابكي ما اقدر ارتاح وهم زعلانين علي … بعدما سلمت ع امي سلمت عالبنات بس استغربت لمن سلمت ع بتول انها بكت وبكل حرقه بس انا اكتفيت بضمها وتهديتها … وبعدها ليان وبيلسان جابو هدايهم وانا اخذتها وكان النداء الاخير … سلمت ع البنات وبست راس امي وجيت بمشي الا و …………
انتهى البارات
اتمنى انه عجبكم وتوقعاتكم
شنو رح يصير مع بدر ؟
وهل رح ينكشف حب سما لبدر ؟
وهل احساس الذنب عند بتول بيخليها تعترف ؟
انتظروني ^_^
★ أــﻴـــــــŞαȑαـڕۃ اﻟــــــﻖــــډڕ★
و أصـــبـــحـــت قـلــــــبــــگ لـــــ وطن ـــــي