وأصبح قلبك لي وطن - الفصل 18 - بقلم اسيرة القدر - مكتملة | روايتك

البارات » 18 « بدر ……بعد العصر سما ضلت بغرفتها ترتب اغراضها وانا كنت حاسس بتعب فدخلت غرفتي وانسدحت لعل النوم يجيني تذكرت ان لي كم يوم ماحكيت ميرا واذا كلمتها كلمتين واسكر حتى الرسايل قليله ضحكت بتهكم ع وضعي مع ميرا واهمالي لها واحسها متفهمه لما اقول اسف انشغلت ترد علي بعادي مقدره … زفرت بضيق وعملت لها رساله من رقمي الدولي »حبيبتي لقد اتيت اليوم الى لندن« وجيت بنام وماهي الا خمس دقايق وجتني رساله من سما»ياغبائك يبدور حتى الرسايل صاير ترسلها عكس اعيد التوجيه « ناظرت الرساله بصدمة وضحكت ع عدم تركيزي اصلا سما صارت اكثر شخص احاكيه وممكن جتها الرساله بتلقائيه … وكتبت لي»صرت مضيع الله يعينك ياميرا « وسمعت ضحكتها من الغرفة الثانيه … كتبت لها »الي يعيش وضعي بيفقد عقله موبس يضيع « كتبت »وانت الصادق يلا ريح « … عرفت انها تبغا تنهي النقاش … تنهدت ورجعت اعدت الارسال لميرا وحطيت الجوال ع الكبت ونامت…… سما …… ما ادري ليه اول ماقريت كلمة حبيبتي فز قلبي للحظه بس كملت الرساله وضحكت لانها لميرا … فحبيت انبه بدر وبعدما كتبت له ريح كان ودي ابكي لان وضعنا الي عايشينه صعب وشلون ارتسم منحنى حياتنا بطريقه مغايره … خلصت الترتيب بسرعه لانها ماكانت الا ثيابي لان بدر سبق ورتبلي امكن السرير والكبت وحط جهازي وكل شي … حطيت راسي ع المخده وقلت بنام بس النوم مجافيني زفرت بملل و وقمت بطلع من غرفتي وتذكرت ان بيجامتي مو ساتره فرجعت غرفة التبديل طالعت لي ثياب ولبستهم ع السريع كان بنطلون جينز اسود بدي اسود خيوط ضيق وتيشرت ابيض لين منتصف الفخذ وموديله واسع ومالبست حجابي مهما كان مارح اظهر الضيق من بدر … طلعت من الغرفة ولاني حاسة بشوية جوع لان احنا ماتغدينا وصلنا مباشرتا نرتب … دخلت المطبخ وكان خالي من اي شي وطبعا البيت شوي مغبر لان لنا اسبوعين مارتبناه ولاني حاسة بشوية نشاط قلت انظف … وبالفعل "شمرت ع ساعدي "او بالاصح بعدت التيشرت لان بدر نايم ودخلت المطبخ طالعت عدت التنظيف من الخزانه وطالعت المنظفات وعشان اتحمس رحت جبت المسجل حقي وحطيته بجيبي والسماعات بذوني … ولبست الكفوف وقناع عشان الريحة وبديت انظف المطبخ ومسحت جدرانه وكل شي فيه وكان سهل لان نادر ماحد بيستخدمة والصاله مرتبطه بالمطبخ … ورجعت الصاله ولانها كبيرة تعبت شوي مسحتها كلها ورفعت المخدات الكبيره المنثوره جنب البلكون …هنا كبار نوعا ما … المهم خلصت البيت كللله باستثناء غرفة بدر في ساعتين وبعدما خلصت رتبت عدت التنظيف في مكانها وغسلت ايدي ورحت ع اول كنبه بالصاله ورميت ثقلي عليها كنت جد مرهقه بس منظر البيت وهو نظيف ريحني تذكرت كلمة ليان"مهووسة نظافه" انا مو لهذاك الحد رجعت راسي لورا وغمضت عيوني بسترخاء ورجعت فتحتهم بس وجه بدر كان قبالي توهقت ورفعت راسي وشكلي خبطت براس بدر لاني حسيت بالطقه … هو ضحك وقال:اجل وانا اسمع هالازاعاج طلعتي انتي بترتبي … ابتسمت وقلت:اكيد اكره القرف … بس تذكرت ان كتوفي عاريه احرجت مره وعشان ما ابين شي قلت:يلا الحين بدخل اتسبح صارت ريحتي منظفات. ابتسم بدر وقال:سامو انتبهي مره ثانيه تعيديها وحدك عشان لا تتعبي … هزيت راسي بفهم وابتسمت ودخلت غرفتي وطالعت لي ثياب ودخلت الحمام(اكرمك الله) تسبحت وطلعت ولبست بلوزه نيلي لتحت الظهر موديلها واسع …لاني اكره الضيق … وبنطلون ابيض ونشفت شعري بالاستشوار وبعدها عملته ذيل الحصان مع خصلات نازله بجهة اليمين من شعري وبعدما شيكت ع شكلي لمره اخيره طلعت من الغرفة وشفته مو موجود بالصاله فرجعت المطبخ وشيكت عشان اكتب شنو يحتاج وبصراحة انا ربة منزل فاشله وقلت بصوت شبه عالي:بدر بدر انت وين … ماسمعت له رد فطيقت غرفته عدت مرات ومافي رد ففتحتها وماكان فيه " اكيد طلع " كنت ابغا يروح يشتري لاني فاشلة جد … وعني ما اعرف اطبخ بس رح اتعلم لازم نخفف مصروف بدر ماعنده دخل وغير كذا احتمال ابوي يبطل يرسلي فلوس وعني ماكنت اصرف مره لذا عندي فلوس مره بحسابي … دخلت غرفتي سحبت بالطوه رمادي طويل لتحت الركبه ولبست ايشارب نيلي وشنطتي وطلعت من البيت بعدما تأكدت اني ماخذه الي احتاجه وطبعا المكان مو بعيد قريب العمارة في سوبر ماركت ونزلت هاي اول مره بحياتي انزل اشتري اغراض للبيت … ونزلت من العمارة ولانه مايحتاج سيارة فرحت مشي ولمن دخلت السوبر حسيت نفسي فاااشلة ماكنت ادري شنو الشغلات الاساسيه فشتريت الي كتبته وبصعوبة لقيتهم وطبعا شافتني حرمه وكانت تشتري خضار وبعض الحاجيات فكنت بصراحة اقلدها لاني فاشله مادري شنو يشترو للاكل وبالفعل …… بدر …… بعد مادخلت سما غرفتها طلعت من البيت لازم اروح ادور شغل ولازم يتوافق مع الجامعه ودخلت عدت محلات فيها مكتوب نبحث عن عامل وطبعا في الي ماقتنع وفي الي رفض عشان ديانتي و عني دورت في الاماكن القريبه وطبعا ابوي اخذ كل شغله باسمة ولاني ماكنت مهتم ماكان عندي شي باسمي لاني ما اهتم للاملاك بس عندي شقه صغيره بجده ساكن فيها واحد من الربع … وسيارتي الي بلندن ملكي فما اخذها ابوي … عني انا مو متهم لاني واثق ان الحق بيظهر … وضليت قرابت الساعه ادور ولما يأست وكمان قرب موعد الصلاة رجعت البيت اكيد سما رح تستغرب طلعتي … ولما دخلت البيت طقيت الباب عدت مرات بس مافي رد وفكرت " بيجوز نامت او…" لعب الشيطان بعقلي ممكن تعبت لانها ارهقت نفسها مره فتخبطت مادريت وين المفتاح من خوفي عليها واخيرا لقيته ولما فتحت الباب دخلت غرفتها وماكانت فيه ودورتها بكل زوايا البيت خفت عليها مره وين ممكن تروح والدنيا بدت تظلم هي مو عادتها تطلع … اخذت المفتاح ابغا اطلع ادورها …… سما ……… اشتريت خضار وفواكه وحاولت اني ما ازود لان انا وبدر بس واشتريت شاي والسكر صابون وشغلات كثيره … ولأول مره بحياتي اشتري وشكلي طولت فرحت وحاسبت وكانت شغلات كثيره مره وبعدما خلصت تمنيت لو جبت السياره لانهم كثار … بس عادي تهون … واخيرا وصلت العماره وطلعت بالاصنصير وبعدما وصل للطابق اخذت الشغلات وطلعت من الاصنصير رايحه ع الشقه حطيت الاغراض وقبل ادخل المفتاح في الباب انفتح الباب بوجهي وانا بلعت ريقي بخوف كان بدر مو ع بعضه مادريت شنو اتكلم بس هو تكلم وبحده:انتي وين كنتي لي ساعة ادور عليك … مادريت شنو احكي فاشرت للاغراض الي بالارض وهو ناظرهم بستغراب ورجع قال:شنو هذول … اخذت نفس وقلت:هذول اغراض شريتهم من السوبر ماركت الي قريب من العمارة لان البيت فاضي. زفر بدر براحه وقال:خفت لاني مارديتي علي زيادة لمن ماشفتك بالبيت ولانه مو طبعك الطلعه… ابتسمت وقلت:بس حبيت اروح اشتري شغلات للبيت لاني ما اقدر اقعد بدونها … ضحك وقال:اجل مصاريف للبيت يامدام… ضحكت وقلت:يلا شيل بدل كثر الغلبه … ضحك ع اسلوبي وشال اغلب الاكياس وانا شلت الباقي ودخلناهم المطبخ وقال:شاريه السوبر ماركت كله او شنو … عطيته القائمة وقلت :هذول ما شوية شغلات ماكنت اعرف انهم ينشرو للبيت … ضحك وقال:اجل خلينا نرتبهم قبل الاذان … وما اخذ فينا ترتيب الاغراض اكثر من ربع ساعة وضحك لما شاف خضار وفواكيه وبهارات وقال:اشك انك بتطبخي عاد الشاي تبغي مين يسويه لك … كشرت بوجهه وقلت:لا تشك بقدراتي … بتعلم . قال بابتسامةدافي:اجل انا بعلمك … ابتسمت له براحة وهو رد ابتسامتي بس نبهني الاذان قمت وتركت مابقى بايدي ودخلت غرفتي وهو بعد دخل غرفته … انا توضيت ولبست جلالي وسمعت صوته يناديني فرحت لعنده قبل الصلاة وشفته في الصاله وقال:سامو تعالي نصالي مع بعض … ابتسمت وهزيت راسي بايجاب واخذت سجادتي ومديتها جنبه بس للخلف شوي وبدينا صلاة وهو يائم فيني … كنت حاسة براحة حلوه وغريبه سواء بوجودي معه او بفكرة ان بدر هو صار محرم لي وسند وكنت ادعي له مع كل سجود … وبعدما خلصنا الصلاة الفرض وبعدها كل واحد صلا سنته نتظرني بابتسامة واندهشت انه عنده نفس الطبع الجلوس بين هذول الصلاتين …حسيت بالسكينه والرحمة لان كل واحد صار يستذكر الاذكار وكل واحد بينا اخذ مصحفه وصار يقرا فيه لين اذان العشاء وصلينا الفرض والسنه والوتر وبعدها ابتسم وقال:شنو رايك نصلي مع بعض … ابتسمت وقلت:انا عني عادي بنصلي مع بعض … وما ادري ليه حسيت بالحزن وقلت:انا ابوي ماكان يحثني ع الصلاة مثل كل الابهات ويصلون مع عيالهم ويأمو فيهم …(رفعت راسي له وقلت بتذكر لعمو ياسر) تعرف مين كان يحثني ع صلاتي وعلمني ايها كان عمو ياسر صديق ابوي كان معاي ويحبني مثل بنته الي ماتت …قالي ان الصلاة شي كبير وانها لقاء مع رب العالمين احكي له كل الي بخاطري هو رح يسمعني ويحقق لي كل الي ابغاه ولو تأخر … تدري لدرجة كنت انتظر موعيد الصلاة عشان احكي لربي كل الي بخاطري حتى لما ابوي كان يعاقبني او يضربني كنت احكي لربي … دعيت ابوي يبعد عني وماعاد يضربني وربي استجاب لي دعيت شغلات صارت وشغلات ما صارت بس تدري يابدر شنو الشغله الي تمنيتها وادري انها مارح تكون …(بدر ناظرني بدفا وانا الدموع طلعو من حالهم) انه يكون ابوي تمنيت انه ابوي وتمنيت انه مايموت بس ربي اخذه مني ورديت وحيده مثل قبل كان يحميني من الكل …حتى ابوي ماكان يمنعني منه حبيته وتمنيته يكون ابوي وياخذني من عذابي بس ماصار وراح عني ومات وماعد احد يحميني منهم كلهم (قلت بأمل) بس مافقدت ثقتي بربي ودعيت له ودعيت ان ربي يكون معاي والقاء سند وربي استجاب لي وجابكم لي انت وليان وصرتو قطعة من قلبي(وبحشرجه طلع صوتي والدموع بعيوني) بدري اوعدني ماتخليني،.. بدر ناظرني وابتسم بدفئ وماحسيت الا بايديه تحاوطني وضمني له وصار يمسح ع شعري وقال:انا سندك انا اهلك ماتخافي رح احميكي من الكل اوعدك ما اتخلا عنك لحتى اموت وعد … شديت ع حضنه اكثر حسيت بالامان حسيت بشعور غريب ما احسه الا مع بدر غير كل البشر غير ليان بس بيجوز لان بدر مس قلبي بالصميم … … بس لازم ابعد عنه لازم ما انسى الحدود الي صرت ارسمها بينا مهما كان بدر زواجي منه بس ظاهري اما احنا بس اصحاب ولما تنحل المشكلة كلا بيروح في حال سبيله … بعدت عن حضنه وحسيت بحاراج من نظراته الحنونه وهو فك مني و انا قمت وقلت:يلا لازم تعلمني شلون اسوي اكل لازم نوفر… ابتسم وقال:اجل كذا المره السنعه بعلمك … وقام … ابتسمت ودخلت غرفتي طويت جلالي وسجادتي بمكانهم وحطيت مصحفي في مكانه وطلعت للمطبخ وهو كان فيه وابتسم لمن شاف شكلي وصفر وقال:وش ه الحلو الي قدامي … استحيت منه بس حاولت بين عادي وقلت:يسلمو كلك ذوووق … وضحكت ودخلت المطبخ وبدا يعلمني ع الشغلات الاساسيه لاني للحقيقه انا ما اعرف استخدم معضم ادوات المطبخ …كنت طالبه جيده تعلمت بسرعه وسوينا عشا خفيف … وتعشينا وبعد العشاء سولفنا شوي وقالي:ايه سامو بخصوص زواجنا بالجامعه ابغا … قاطعته وقلت:ادري مارح يدرا فيه احد وخصوصا ميرا وغير كذا … ابتسم وقال:شطوره …(ورجع كشر بحزن حسيت انه فيه شي ومو بس اخفاء الزواج فقلت:بدر شنو فيه . بلع بدر ريقه وبلل شفايفه "من هالحركة عرفت ان الموضوع كبير" وقال بتردد:سما قبل اجي جدة تكلمت انا وميرا وكان انه متضايقه من وجودك معاي اغلب الوقت لان طلاب الكليه بيطلعو اشاعات ان احنا حبايب ومن كذا الكلام وانها ماتبغا اقل شي قدام الطلاب نكون انا وانتي مع بعض عشان كذا . كان بدر يناظرني مع كل كلمة بحرج … بصراحه في البداية تضايقت بس قدرت موقف بدر هو ابد مايبغا يخسرها بعد محاولاته لكسبها فابتسمت وقلت:وهذا مارح يغير غلاتك بقلبي انت صديقي المقرب ولذا انا مقدره الوضع وبحاول اسوي كذا … ابتسم بدر وقال بفرح:احلا سامو ماخاب ضني فيك. ضحكت وقلت:يلا بروح انام عشان حيلي مهدود وبكرة ابغا امر ع الجامعه اجهز لمشروعي … وانت بعد روح نام لانك بعد تعبان … قلت كلامي ودخلت غرفتي …ما ادري ليه حسيت بوجع جواتي وللحظه الدنيا صارت تدور فيني ونفسي بدا يضيق عرفت ان النوبه رح تجيني فسويت جهازي بسرعه وانفاسي تتضارب واكلت حبة وركبت جهازي وعاد نفسي لي استغربت ليه جتني وانا ماحسيت بتعب اليوم ابد رغم ان من بدايته ارهاق وشغل بس كنت مبسوطه ونشيطه بعدت جهازي ودخلت بدلت البيجامه ورميت بثقلي ع السرير وتلحفت ونمت … بدر …… ارتحت لقبول سما للموضوع وحسيت انه صرت اقرب لحبي … بس صرت محتار ما ادري لو تزوجت ميرا مستحيل اترك سما وهي لحالها مستحيل بس اذا تزوجت ممكن زوجها يبعدها عني كمان مافيني اتركها وحيدة …صرت بصراع وقلت ابركلي انام بدل كثر التفكير قمت ودخلت غرفتي ابتسمت بيني وبين نفسي صار عندي شريك بالسكن وهي سامو توجهت للدولاب طالعت لي بيجامة مريحة ولبستها ودخلت تحت المفرش وقريت اذكار النوم ونمت ……… ………/مر اسبوع/…… ((احداثه … بدر لقا شغل كاشير في سوبر ماركت متوسط الحجم ودوامه من 12 الظهر لين 8 بالمساء والراتب كان نوعا ما تمام لبدر وعنده عطله يوم الاحد وطبعا سما تبرعت انها رح تشرح له لانه بتفوته بعض المحاظرات … وطبعا ماخبر ميرا بالموضوع … سما بدت تتعلم الطبخ بس لسا ماكان عندها شجاعة تطبخ وتقدمة لبدر … ليان استمرت حياتها رغم كرهها للمكان الي تتواجد فيه ريهام بس بتتحاشاها …… بيلسان مابين بيتهم وبيت جدها عبدلله وطبعا زعلت لان ليان مارح تكمل هالترم بس ارتاحت نوعا ما لمن اكدو انها بتأجله مو تبطل لانه حرام تترك دراستها …… راشد الي صار اغلب وقته يابالشغل ياعند اصحبه وشلته الفاسده لانه لسا حاسس بالذنب … وبتول الي ماتختلف عنه وطبعا بتول بتحاول تنسا راشد عشان هي تدري انه ما يحبها ولذا بتمحيه بس بتقدر ما ادري )) ………/ يوم دراسي/……… سما قامت بكل نشاط ومن بعد الصلاة دخلت المطبخ ولانها بدت تعتمد ع نفسها شوي سوت كوفي لبدر وكوب شاي لها سوت البيض و حطتهم ع الطاوله وكان اول مره تتشجع وتسويه …بدر الي طلع قبل الفجر عشان يلحقه بالمسجد ولما رد اندهش بان سما سوت الفطور بدون مساعدة ولما تقدم قعد ع كرسي المطبخ وسحب صحن وقال بدهشه:لا اا انتي مسوية كل هذا يعني تأثير الدراسه عليكي ايجابي ماخلاكي تحرقيهم . سما خبطته ع راسه بالخفيف:لا تتريق علي كوول… وقدمت له كوب كوفي وصحن بيض عيون وتوست … وهي رجعت وقعدت ع الكرسي الي جنبه وبدت تاكل بسرعه وهدوء عشان تلحق الجامعه وهو تذكر انها تحب تروح بدري فقال بابتسامة:بتوفيق سامو … ابتسمت وقالت:لا تقول انك ما بتروح الجامعه … بدر بضحكه:لا بروح بس مارح التقيك في الجامعة مثل العادة في البريك وكذا … ابتسمت سما وقالت:عادي عاد لا تكبرها احنا مع بعض كل يومنا وساكنين مع بعض وبينا اتصال … ابتسم بدر وقال:اجل مادام كذا عادي … خلصو فطورهم وسما رتبت المطبخ وطلعو …سما ع سيارتها وبدر بسيارته …… ……/نروح لجدة/……… كانت قاعدة ومتململه من الوضع وخصوصا انها بتضيع عليها ترم وتسب وتلع بالي كان السبب …وهي بتتحلطم بالصالة ووقاعدة بتطقطق بجوالها بملل … جا اخوها وشافها وحس بلحظه بالذنب لانه بسبب الي صار ليان ممنوعه من السفر …تقدم منها وجاها من ورا وهي بتلعب بالجوال وغمى عيونها:منو انا … ليان بضجر:رشود ترا صوتك اميزه من بين الف. ضحك راشد وقال:من جدك هذا غلا او تعود… ليان بابتسامة:راشد تراك اخوي شلون ما اغليك… راشد يقلد الزعل :بس افكر انك تغلين مشاري اكثر… ليان بوهقه:افا انا لااا … كل واحد منكم له مكانه بقلبي مافيها مقارنه … راشد ابتسم وقال:اجل كذا …بس الحلو ليه زعلان. ابتسمت ليان بذبول وقالت:مافي موضوع جديد . حس راشد للحظه بالذنب ورجع قال لتغيير مودها:شنو رايك اوديك مشورا … ليان :بس والشغل وجدي وابوي… راشد بابتسامة:رح يعذروني عشان اميرتي لينو… ابتسمت ليان بحب لاخوها وقالت:اجل متى … ابتسم راشد وقال:يلا الحين نروح نفطر بماغدونلز ونطلع اي مكان تختاريه … فرحت ووقفت ليان وقال:ثواني وبكون جاهزه … ضحك راشد وقال:يلا يلا لأغير رئيي… طلعت ليان بفرح وراشد قعد ينتظرها لين تنزل وهو مبتسم لانه شافها مبسوطه … بس سمع ضحكه بسخريه:هههه شنو هالحنيه ياعمي ماعرفتك … راشد امسك غيضه وناظر لمصدر الصوت ريهام ماغيرها وقال من بين سنونه:شنو بغيتي مني. ريهام بخبث:لا ما ابغا منك شي بس لاتمثل الحنيه قدامي صراحة بيقشعر جسمي راشد مو عوايده … راشد بلع غيضه وقال:انتي بعد مثلي متورطه … ريهام بثقه:اها جد … بس انا معي اشياء تخليك تروح في شربت مي … فلا تحاول تتحداني ولا تفكر انك بيوم تعترف بالي صار لانه رح يوصل ملفك الشرطة بكل انجازاتك … فسكت ضميرك الغبي شوي لانك مو بس بتنفضح كمان بتطيح من عيون الكل … تتوقع بدر او ليان يرجعو يناظروك بعد ما يعروفو تورطك … زفر راشد وقال:بسوي اي شي بس انكتمي … ابتسمت ريهام بغرور وقالت:انا عني سايلنت … ولفت تمشي بس ع نزول ليان بابتسامة بس لمن شافت ريهام كشرت ورجعت لعند اخوها وقالت بحلطمه:ع انها عمتي بس كرهي لها قد حبي لاهل البيت كلهم لا تزعل اوك … ابتسم راشد بمسايره وبنفسه"عاد محد يكرها كثري" وطلع هو وليان …… بيلسان …… حالتي صارت مو طبيعية هالبني ادم الي قدامي ماعاد فهمته مرات بارد ومرات عصبي ولذا انا محتاره باي اسلوب اكلمة …قطع تفكيري وهو يقول بعصبيه :دكتوره شلون تغوتك هذي النقطه … قلت بمحاوله لضبط انفعالاتي: انا سويت كل شي مطلوب مني وزياده وكتبت كامل النقرير عن المريض بس في الفحوصات الي حصلنا عليها ماظهر ان عنده هالشي يا اما هو صار له قبل العملية بشوي او في خطأ في الفحوصات الي جتنا … صار يمشي قبالي روحه رده وشكلة مره معصب فقلت عشان اخفف من حدته:الحمدلله نجحت العمليه بنسبة ممتازه . اخذ نفس بحدة وقرب وجهة مني وهنا انشليت وقال:مين الي كان مسؤول عن المريض قبل يحولوه عندنا بالقسم …تكلمي… بلعت ريقي،وتجمد الدم بعروقي ما ادري ليه فقلت بتلعثم:ءء الددكتتور علاء ال… هو كان قبل . تجهم وجهة ولف للجهة الثانيه شكلة يكره ه الدكتور لاني سبق وسمعت هالموضوع من بعض الممرضات … ناظرته بخوف وهو قال:فيك تروحي كملي شغلك . بلعت ريقي وطلعت من مكتبه وانا استغرب هالشخص … وبالفعل مشيت في الممر حق المستشفى بروح اشوف مرضاي بس ما ادري قلبي مو مرتاح حاسه انه رح يصير شي فلفيت ورجعت…… عادل …… عصبت بقوة لمن عرفت انه علاء الي كان ماسك الحالة هو يدري انه رح يتحول عندي هو تعمدها والا ايش مهما كانت عداوتنا فما توصل انه يسوي كذا …امرت بيلسان تطلع من مكتبي وبعدها طلعت من قسم الجراحة لقسم الي فيه علاء كان معدل النبض عندي متسارع والغضب وصل اشده ورحت لمكتب علاء وكان فيه وعنده حالة ناظرني وقال بحتقار : فيك تطلع عندي شغل . ناظرته بحدة ورجعت اشرت للي عنده يطلعو وهو خاف مني وطلع وهنا علاء وقف وهو يناظرني بحتقار وقال:وش بغيت ليه جاي تزعجني بمكتبي. قلت والدم بيغلي جواتي:انت وش ساويت ليه تستهتر بحياة انسان وتستغله بعداوتنا ليه … علاء وضح انه ارتبك بس قال ببرود:انا ليه ماعندي مصلحة عشان هالشي وبعدين مو انا غبي … مسطته من ياقته وقلت:علاء لا تلف ودور ترا حركاتك كلها مكشوفه ليه تتلعب بمرضاك . علاء بحقد: لانك تركتها وضيعتها … ضحكت وقلت: لا بعد بعت صداقتنا عشان ما صدقتني و لا وثقت فيني واحنا من كنا صغار مانخبي عن بعض شي … هي تركتنا اثنينا وطعنتنا بالظهر … علاء بعدم اهتمام:انت عذرك مو مقبول ولو كان مقبول كنت ربحت القضية في المحكمة . قلت بثقة:مو عذر ولا شي بس لاني وحيد ما عندي احد معاي لا ام ولا اب ولا اخت واخوي الوحيد برا السعودية ساكن … فتتوقع اني اكسب … موقفها اقوى من موقفي مو معتمد ع عذري … وتركته ومشيت ادري نفس كل مره من خمس سنين رح يسمع وكنه ماسمع … طلعت من مكتبة بس صدمت لمن شفة بيلسان واقفه قدامي انشل لساني مهما صار ما احب احد يدرا بمشاكلي الخاصه مين ما كان عاد هي ……… بيلسان …… بعدما رجعت للمكتب شفته موفيه فتوجهة للقسم الي فيه الدكتور علاء ورحت المكتب بسرعه بس قبل افتح سمعت(تستهتر بحياة انسان وتستغله بعداوتنا ليه … ) انصدمت مو باين ع الدكتور عادل ان عنده عداوه مع احد فجاني فضولي وسمعت كل الكلام وستغربة محكمة وهي وقضيه والدكتور ماعنده احد انا كنت ندهشه كلامة لعب براسي لما قال(ان احنا نرمي مشاكلنا باب المستشفى وندخله بشخصيه مختلفه ) تأكدت انه مانصني من فراغ … ولما خلصو كلام كنت بمشي بس هو فتح الباب وشافني وانا تسمرت مكاني مادريت وش اسوي …جاني صوته ببرود:انتي ليه هنا … مادريت وش ارد وقلت:اءاء … قلي بستخفاف:البس اكل لسانك تكلمي … بس ما قدرت اتكلم وجا الدكتور علاء من وراه وقال بضحكه غريبه:لا هذي صيده جديده دكتور عادل . مافهمت وش بيعني بس انا رديت:دكتور عادل كنت ابغا اسألك عن شنو اسوي مع المريضه عواطف … ناظرني الدكتور علاء:ممرضه انتي او شنو … تذكرت اني مو لابسه بالطوني الابيض وكنت بتكلم بس الدكتور سبقني:دكتوره تحت التدريب … وين بالطوكي الابيض دكتوره بيلسان … تذكرت انه انكب القهوه عليه فنحرجت وقلت:ااانا انكبت علي القهوه ووديته المغاسل وشوي وبيجيني بس بغيت اسألك عشان اكمل شغلي لان …… قاطعني وقال:اوك جاي بس اخذت وعطيت مع الدكتور علاء وطلع خطأ عارض مو مشكله لان المريض نجحت العمليته … ابتسمت وايدته بالكلام بس استغربت جرئة الدكتور علاء: ع كذا انتي حلوة وذكية … الدكتور ناظره بحدة وقال:دكتور علاء التزم حدودك مهما كان ما ابغاك تتعرض لاي دكتوره وإلا … قاطعه الدكتور علاء:اوه رح تطردني عشانها اوه … انا بستغراب :طرد … حسيت د/عادل شوي ورح يكفخه بس هو ماسك اعصابة للاخير انا استغربت بس الدكتور علاء رد علي وقال:اكيد بيطردني موهو صاحب هالمستشفى بكبره واحنا مجرد موضفين عنده …عادل ابن رجل الاعمال المتوفي سعود ال… هو واخوه ورثو ثروه كل املاكه بلا منازع اخوه الصغير اخذ الشركات في اغلب الدول وهو لحبة للطب اخذ المنشآت الطبيه ودعمها … واكبر مستشفيات والمرافق الصحية الخاصة بالسعوديه ملك لهم … انا كنت مندهشه بصراحة هالشخص كبر بعيني … عادل ……اليوم علاء يبغا يخلي بيلسان تعرف كل شي ومالقا غيرها … وما ابغا احد يدرا بملكيتي المستشفى عشان ماتتغير علاقتي مع زملاءي الدكاتره ابغا تعاملنا عادي … ما ادري شنو رح تناظرني هذي البنت بس شفت الدهشه بعيونها بلعت ريقي وقلت لعادل:كافي خلص ارتحت … وهو ابتسم بنصر وناظرت لبيلسان وقلت:دكتوره مو عندك شغل روحي له … ناظرتني بفهاوه وهزت راسها بايه … وانا مشيت وهي لحقتني … ادعي من ربي انها ماتخبر احد عاد خبر البنات تقولها الخبر الحين ماتخلص اليوم الا وصار بكل المستشفى … وحنا ماشيين خبرتها بهدوء:دكتوره بيلسان ابغا الي سمعتيه يضل سر … ناظرتني بابتسامة غريبه:انا شنو سمعت … انا وقفت من صدمتي ماتوقعت ردها وهي ضحكت بنعومة ومشيت وتركتني بحيرتي تعجبت هالبنت وردها اغرب … حركاتها البريئه تسحر … لالا ياعادل شنو هالكلام البنات كلهم مثل بعض … نفضت افكاري وتوجهت لمكتبي بس صورة بيلسان هذاك اليوم لسا محفوره براسي ………… انتهى البارات الثامن عشر اتمنى انه عجبكم وتوقعاتكم شنو سر عادل ؟ هل هي بداية شي بين عادل وبيلسان ؟ راشد وبتول هل سيسكتا صوت الضمير ؟ سما وبدر وشلون رح يتأقلمو مع الوضع ؟ ليان وصراعها مع عمتها هل بيأثر عليها ؟ انتظروني^_^ ورمضانكم مب