الفصل 11
البارات » 11 «
(( تّمَََّّسګ أّلَحٌزِّنِ بِنِأّ وِأّصٌبِحٌ يِّنِهِيِّنِأّ ……
وِ وِصٌأّر أّلَوِجِعٌ يِّطّلَقِ أّلَأّنِيِّنِأّ ……
لَأّ أّلَصٌمَتّ يَِّّستّرنِأّ ……
وِلَأّ أّلَبِوِحٌ يِّشٍرحٌ مَأّفِّيِّنِأّ……
فِّأّصٌبِحٌنِأّ بِيِّنِ أّلَاه وِأّلَزِّمَنِ أَّّسيِّريِّنِأّ …
وِأّصٌبِحٌ أّلَمَوِتّ أّقِصٌأّ أّمَأّنِيِّنِأّ …))
بقلمي ✍
………مساء يوم جميل……
بدر ……طبعا اجتمعنا كلنا ع العشاء عدا ليان وبيلسان الي اكلو فوق بغرفة سما ادري ما تبغا يخرب نظام البيت …وطبعا كلنا كنا ناكل بهدوء فقالت بتول بحيره:ليان وبيلو ليه ما اكلو معنا .
حسيت محمد تضايق من كلام بتول وقال بحده:بتوول تراها عادي يقعدون مع صديقتهم .
بتول بزعل:يبه ماقصدي بس بيتمون كذا .
ابوي قال بحب:ياجدو مو قصه بس البنت مهما كان ضيفه وواجبنا نكرمها وما نحسسها بشي.
ابتسمت من موقف ابوي واخوي …
مشاري قال بستغراب:يعني ماعندها احد ابد هنا.
امي قالت بحنان:هي عودها عمتها وسمعت انها سافرت والبنت ماتقعد لحالها.
مرت اخوي حسيت اسلوبها استفزازي:ليه يعني اهلها مو سألين عنها يروحو وبنتهم تتشحطط.
مسكت اعصابي بالقوه بس ابوي قال بهدوء:مهما كان البنت عندنا نكرمها وما ابغا احد يتكلم قدامها باي كلمه ممكن تحسيها بالشي ذا .
ارتحت من موقف ابوي …بس تذكرت اني ناسي شي فقمت وابوي ناظرني بستغراب:فين ياولدي.
قلت بحبوكذبت :ولا شي يبه بس اروح اجيب جوالي من السياره وراجع.
لحسن حظي ان جوالي كان فاصل شحن وطلعته غرفتي يشحن يعني ماحدا رح يشك وزاد عليه اني مبسوط بوجود سما هنا كذا بتكون تحت عيني ومافي شي يقدر يأذيها …توجهت للسياره وطالعت انبوبة الاوكسجين ودخلت من الباب الخلفي للبيت من المطبخ لين غرف النوم فوق بدون مامر عليهم وقدرت اطلعها بدون محد يشوفني وطقيت ع غرفة سما واعرف البنات عندها صح ماكنت ابغا احد غير ليان يكون بس بيلسان عادي وهي بعد دكتوره بتسهل علينا …
فتحت لي بيلسان وناظرتني بستغراب فقلت بهدوء :هذا لسما …
بيلسان بستغراب:اوكسجين ليه…
طلعت من وراها ليان وقالت:سما عندها القلب ومرت تصير عندها نوبه وهي بحاجة الانبوبه مانضمن شنو رح يصير لها في هالفتره .
هزت بيلسان راسها بحزن وانا قلت:يلا قولو لسما تتغطا عشان اقدر ادخل الانبوبه وحطها بمكان مناسب ومحد يشوفه …
فسحو البنات لي المجال بعدما تغطت سما وانا ناظرتها بابتسامة وهي ردتها لي وحطيت الانبوبه جنب السرير وطبعا البنات سوو الجهاز عليها زين وبعدها اخذو قطعه قماش كبيره وغطوها فيها بشك طبيعي ماحد ينتبه ع الانبوبه واصلا حجمها مو صغير ولا كبير مره ورجعت استاذنتهم وطلعت… ارتحت لما شفت ملامحها صارت احسن …
بيلسان……انبسطت بجيت سما وانها رح تقعد عندنا وطبعا رح احاول اخليها ترتاح طول قعدتها عندنا …الي استغربته ابتسامة بدر لها الي يشوفهم يقول عشاق بس لمن سألت ليان نفت الموضوع تماما واكدت لي ان مابينهم اي شي فحاولت اقنع نفسي بالموضوع لكن استحاله …
______صباح يوم جديد______
الكل صحى بنشاط لستقبال يوم جديد @ورح نزور ابطالنا بغرفهم واحد واحد^-^@
عند سما …صحيت ولما ناظرت الغرفه ضحكت تذكرت اني مو ببيتنا ما ادري شلون بيكون حياتي هنا …هههه بس الحلو ان ليان وبدر من اهل هالبيت ووجودهم يكفيني …
بدر …… صحيت الصبح وماعندي اي نيه اصحا حييل تعبان ابغا انام بس اليوم لازم اسوي الي براسي ولو انسجنت فيه بروح له وعلمه اشلون يطاول ع اسياده …ومو هو بس كل واحد بكاها … ابتسمت لما جتني رسالتين الاولى كانت من سامو »صباح النور …يامن لصداقتي بهم تلونت حياتي« ورديت عليها »صباحك حلو مثل وجهك الحلو«
ورجعت شفت الرساله الثانيه كانت من ميرا »صباح الحب لحبيبي …كيف حالك اشتقت لك «
فرحت لان ميرا خلص اعترفت لي بالحب فرديت بالانجليزيه »صباحك حبيبتي اسعد ووجودك هو السعاده الحقيقية وانا حقا اشتقت لك« وهالرسالتين من هذول البنتين رفعو من معنوياتي اولى صديقتي وتؤمي والثانيه البنت الي احبها … رجعت ملامحي اعتفست خبرت سما بكل شي يصير بيني ربين ميرا حتى رسايلنا بس ماقدرت احكي لها عن طلب ميرا اخاف سما تزعل وانا ما اقدر ع زعلها ابدا والله احترت……
بيلسان ……صحيت ولما طالعت الساعه انصدمت كانت 8 والدوام يبدا الجين شلون رح الحق ع المستشفى دخلت الحمام(اكرمك الله) غسلت وجهي وطلعت بدلت ثيابي بسرعه ولبست عبايتي ونزلت وانا اعدل النقاب وبسرعه لبرا البيت ادري الي يشوفني يقول مخفه بس معي مدير مستفز حيل وطبعا قوانين صارمه …
ليان ……صحيت من نومي بكسل مابغا اقوم وخصوصا ان امس سهرنا انا وبيلسان عند سما واكيد توهن نايمات بس ضحكت بنفسي بيلو عودها دوام فاميد تورطت …انا بصراحة عني صرت مرتاحه بوجود سما عندي بالبيت وخصوصا ان كذا بكون اعرف صحتها لانها ماتقدر تهتم بنفسها اعرفها ه البنت مهمله لصحتها … قلت ارجع للنومه بس مسكت جوالي وتذكرت اني كنت مشغله النت ونمت وانا مشغله فتحت الرسايل والكل بقول ليه مارديت عليه راشد وصديقاتي غزل ومنار …رجعت كتبت لهم اني نمت ونسيته شغال ورجعت بسكر النت لكن قلت اشوف الي جاني من الفيس …شفت التعليقات وهالشغلات عشان الصور والمنشورات الي بنزلهم كلهم يمدحو بكتاباتي وتصويري الممتاز للمناظر الطبيعيه بس استغربت التعليق الاخير من واحد اسمة»اسير الانتظار « اسمه كان غريب وتعليقه غريب»انستي منشورات جميله ورائعه لكن انتي لم تشعري يوما بها فأنتي تتكلمين عن الشوق وانتي لا تبدين مشتاقه وتتكلمين عن الحب وليس لديك حبيب…فنصيحه مني لا تكتبي عن شيء ليس بك فأنتي لاتقدري مشاعر من بهم هذا …تحياتي «
استغربت تعليقه "هذا وش له علاقه انا احب الكتابه متختل شكله " فرديت عليه»الذي لا يريد التأثر بمنشوراتي لا يتابعني …انا اكتب لحبي للكتابه فقط فلا عليك …« فكرته مسكر بس طلع الاخ لساه صاحي فجاني اشعار برد »يعني اني صادق بكلامي انتي لا تعشقين ولا تشتاقين فقط تكتبين لأرضاء هوس الكتابة لديك …لكن بصراحة فانتي تبالغين احيانا في فرط الحنين …«
بصراحة عصبني فزفرت بضيق قلت اعملو بلوك واخلص بس صدمني الرد الثاني»انستي ارجو عدم حظري من حسابك مازلت ارغب بمشاهدت منشوراتك لانها تحكي مشاعري بكل حرفيه فلذا اتمنا ان لا تنزعجي مني « فتحت فمي بفهاوه ورجعت كتبت »اذا اردت عدم حظرك فلتزم الصمت افضل لك « وهو رد»حسنا « وبعدها سكرت النت بصراحة نرفزني هالشخص اوووف … …
بتول ……بعد العشاء رحت ع اساس اقعد مع ريهام بس جدتي قالت لي انها راحت البارتي حق صاحبتها فابتسمت ورجعت بخيبه وانا اعرف اصلا وين رايحه "اوف انا اهلي ةايسمحو لي اطلع بالليل مع صحباتي بجد ملل" …فرجعت غرفتي وفتحت الحساب حقي بالانستغرام وطبعا دخلت الدردشات الجماعيه معي قروب شباب وبنات من اغلب الدول وطبعا اسمي وهمي فما يهمني دخلت ادردش وياهم وطبعا مرات كلامهم فيه غزل بس يعجبني يحسسني بكوني بنت والكل يفول عني حبوبه ومرحه وطالبين صور لي بس لسا معندي الجرئه ارسل صورتي بس حاكيت صاحبتي رزان وقلت لها صح عصبت علي وقالت جبانه بس طبعا جابت لي صور لها وقالت هذول ارسليهم يعني انهم صوري وبصراحة هي اجرئ مني بكثير اخذني الوقت لين ماصارت ثنتين ونص بعدها سكرت النت ودخلت انام حتى صلاة الفجر ماقمت لها ولمن صحيت الساعه 8 وربع اخذت جوالي ودقيت ع ريهام ابغا اعرف وين راحت امس وبعد كم رنه ردت واخيرا …ريهام : الو بتول ليه داقه علي بالوقت هذا ابغا انام مانمت امس زين.
كان صوتها ناعس بس استحاله مااقدر فضولي فقلت:مارح تفمي مني لين تقولي لي وين رحتي.
ريهام بكسل:اوك رحت مع نايف الفندق …
شهقت بقوه وقلت:سوا معك شي.
ريهام بملل:انتي غبيه شكلك مستحيل اسمح له بس كان لازم احرقه اكثر فلذا رحت معه .
قلت بقلق:لو كان غصبك ع شي وقتها ما تقدري تسوي شي بتكون مصيبه .
ريهام بعدم اهتمام:ما يهمني وبعدين انا اقدر عليه ومو هو اول واحد بيتو لذا لا تخافي .
قلت :ع راحتك ذس خايفه حد يدرا بس.
ردت يملل:اقول بتول اذلفي ابغا اكمل نوم اوف…
وسكرت مني بصراحة مستغربة جرئتها ومو عاجباني مره انا ثح اتسلا بكلام الغزل والطلعات بس استحاله ارافق رجال وانا وحدي لازم رزان او سهام معاي هم الي بيعرفوني بالشباب وهم بيكوني وياي مهما كان انا خوافه ما ابغا فضايح…
راشد ……امس ماتعشيت مع الاهل رحت مع الربع ابغا اونس نفسي شوي وبعدين مروه هذي معكره مزاجي هي للحين ماقد قرت اوصل لها وبعد ماعطيتها الا صوره وحده لي قلت اعذبها شوي عشان تتحرا شوفتي بس كله راح مع الريح البنت منغلقه زياده بس بوريها انا مادام قبلت تكلمني … ضربني معتز ع كتفي وقال:وين رحت يا اخو.
قلت بضحكه:عندك بس قاتلني الملل ابغا اثاره.
ضحك عزام وقال:هههههه تبغا وناسه يعني طروق جيب وناستك الي لك ساعه تكلمنا عنها .
ضحك طارق وقال: الحين … واتصل :ايه …جيبهم …حلووووو …من اي جنسيه …اوه …حلو.
سألته :هاه شنو المفاجئه ياخي .
ضحك طارق وقال:جايب لكم بنات فله من جنسيات متعدده اجنبيات يعني …رح يجيبهم عبود الحين وطبعا القعده كلها من والى ع حسابي.
ضحكت وقلت بنسا المواضيع السخيفه مع الشرب والبنات وبالفعل تونسنا لين اذان الفجر وطبعا اول ما وصلت كنت خلص بموت من التعب ومازودت شرب عشان لا احد يحس فدخلت من الباب الخلفي للبيت وانصدمت بشوفة ريهام وانا لسا ريحة الشرب عالقه فيني … حاولت اعديها بس هي مسكتني وقالت:اكيد رحت تشرب وتضيع.
قلت لها بغيض:مالك علاقه فيني .
قالت: افا راشد انت تدري اني الوحيدة الي بتغطي عليك فلذا لي علاقه وين كنت.
قلت بملل هذا دايم تبتزني:رحت ااونس مع الربع ارتحتي الحين ابغا ارد غرفتي انام …وتركتها ومشيت حتى الصلاة طافت علي … ونمت لين الساعه 8 وقمت بسرعه لاني لو اقوم متأخر ابوي وجدي بيشكو …بصراحة انا عايش جوي بس انا اخاف من جدي وابوي مره خصوصا ان جدي عصبي حيل وبعد اخاف عمي بندر يدرا وخصوصا انه يشتغل بالمباحث … قمت بسرعه ودخلت الحمام(اكرمك الله) وتروشت ع السريع وبعدها طلعت بدلت ثيابي بسرعه وعدلت كشختي واخذت اغراضي ونزلت كانو امي وجدتي وزوجة عمي واخوي وعيال عمي الصغار مجتمعين تحت بيفطرو اما ابوي وجدي راحو الشركة وعمي راح المركز قلت بجهر: صباح الخير ياجماعه …
الكل رد عليوانا بست راس امي وجدتي ورجعت جلست جنب امي وهي همست لي:ليه متأخر .
ابتسمت وقلت بترقيع:قعدت ع النت ونسيت الوقت ونمت متأخر وصحيت متأخر.
امي بخوف:فاتتك صلاة الفجر.
ادري كله ولا صلاة الفجر عندنا فقلت بكذب:لا يمه ماقدرت اصليها جماعه صليتها بغرفتي.
امي همست بحدة:اخر مره لا عاد تعيدها.
ابتسمت وقلت:ولا يهمك يمة.
وبديت اكل وقعدت مقابل لي ريهام وابتسمت بخبث وانا ابتسمت لها بمعنا «بيجي يوم وتحتاجيني» هي فهمت مغزا ابتسامتي ونظراتي واكلت بسرعه وبعدها طلعت متوجه للشركة …
انتهى البارات الحادي عشر
اتمنى انه نال اعجابكم وتوقعاتكم
شنو رح تكون نهاية ريهام مع نايف ؟
وما الفكره الي رح ترتسم للعايله بخصوص سما ؟
وش رح يسوي بدر لراجو ؟
انتظروني ^-^
@ملاحظه صغيره……
ادري صرت بوضح الشخصيات الحقيقيه لابطالي وانطباعاتهم بس لازم عشان تفرقون بين الخير والشر ولسا باقي كثير واحداث اكثر ما ابغاكم تملو من روايتي بالسهوله هاذي لان في احداث بتتحول في البارتات الجايه واعذروني باراتاتي بتكون طويله وبحاول اختصر وبذكر الاهم …@
★ أــيـــــــŞαȑαـڕۃ الــــــقــــډڕ★