الفصل 3
البارات » 3 «
((بكلمه نهدم حلماً ، نداوي جرحاً ، بكلمة نخسر شخصاً ، نكسب قلباً ، بكلمة نحقق أمراً ، نسعد بشراً))
…… السعوديه … جدة …
كانت تمشي في ذاك القصر الكبير بفرح وهي شوي ورح تطير من الفرح وشوي تصدم باختها الاكبر منها
اختها بعصبيه:عما ماتشوفين وش فيك كذا بتمشي زي المجانين … هي بابتسامة:مو مجنونه بس سمعت اخبار تطير العقل وانا مررره مبسوطه .
جاهم صوت اخوهم بحده: وش فيه اصواتكم واصله لبرا صجيتو اذانوني.
هي بفرح:خالتي سلوى جايه اليوم…
اختها بنص عين :وش فيها عادي تراها بتجي دايم .
هي بفرح:هاي المره لا (ناظروها بحيره) هاي المره بتسكن بجده خلاص بتستقر هنا …
اخوها بفرح: بيلسان بتحكين جد او تمزحي.
بيلسان بفرح:ايه اكيد وصفا اتصلت وكلمتني .
بيلسان ضحكت وبتول فهمت عليها ورجعت ضحكت وهو ناظرهن بشك وبيلسان بحب:فديته انا والله لين اشوفكم تعرسون *مش تتلحلح يا عم وتروح تتجوز*تقلد المصري وهو ناظرها بحده وهي ارتعبت وهربت وهو صار يلحقها وهي ميته ضحك عليه وهي تهرب:توبه توبه ما اعيدها .
وهو يلحقها : انا اخوك الكبير يالخبلا تقولي علي كذا.
بيلسان بابتسامه:ماقلت شي غلط تحبها تزوجها.
دخلت فاديه بالوسط وبتسأل:منو يحب منو.
بيلسان شقت ابتسامتها نص وجهها ومشاري ناظرها بمعنى «تكلمي وشوفي وش بيصير» ناظرت له ببراءه ورجعت كلمت عمتها وقالت:ولا احد ياعمتي بس الخبل اخوي قال ليش مندمجه للمسلسل وانا قلت كذا.
فاديه الي تعرف انها كذبه بس معديتها بمزاجها:هاه اجل كذا مو مشكله خلص عادي رجعي شوفي مسلسلك وانت يامشاري تراها عادي خلي البنت ع راحتها .
مشاري ابتسم وناظرها بمعنى «ياخطيره» وقال: ايه عادي بس مو اناديها وما ترد .
بيلسان ببرائه:توبه ما عيدها . وابتسمت …
ورجعت مشيت فاديه تقدمت بتول وهي مبلمه:شلون قلبتو الحوار بهاي الطريقه ممثلين وبقوه.
بيلسان بفخر:انا بيلسان محمد ال… فاكيد .…قطعها مشاري بستخفاف:حيلك علينا بس لولاي ماكنتي نجحتي بدورك .
بيلسان بثقه:بس كله كان عشانك ياناكر المعروف .
بتول بضحك:سكروها احسن عشان ماتجي عمتي وتفضحكم وكل تمثيلكم راح بلوشي.
بيلسان… فرحت مره بخبر جيت خالتي لجده وطبعا انا وصفا مره منسجمات مع بعض ع خلاف بتول الي دايم ماتنسجم الا مع خالتي ريهام في اغلب جمعاتنا فلذا ارتاح بوجودها …بصراحه ما نجتمع ونتسلا الا بالإجازات الجماعيه لان بالدراسه كل في بلد ليان بلندن بتدرس كيمياء وعمي بدر حقق امنيته وسافر عشان يخلص هندسه وخالتي بالرياض مع صفا وانا منشغله بدراستي ودوامي بالمستشفى وحتى بتول دايم منشغله بطلعاتها مع ريهام فلذا حسيت براحه او بحاول لان اقربهم لي هي ليان مو هنا وماتجي الا بالاجازه والحمدلله هاي اخر سنه لها…
بتول…… بعدما خبرتني بيلسان لبست عبايتي والشيله ورحت طيران لعند بيت جدي عبدلله عشان اروح اخبر خالتي ريهام ومنه اقعد شوي هناك
واول مادخلت كان راشد هناك ففرحت مره لاني شفته ورجعت مشيت طيران لعندها ولما دخلت دقيت ع جناحها بس مافي صوت " اكيد بالحمام " ففتحت ودخلت ورجت لغرفتها وسمعتها بتتكلم بالجوال فحاولت اعرف منو تحاكي »ايه …ادري ياقلبي…اوكيه …بايو حبيبي… «بلعت ريقي وطقيت ولما فتحت ابتسمت بوجهي وقالت:هذي انتي بتول .
انا دخلت ورميت نفسي ع السرير:ايه منو يعني .
ريهام بلامباله:توقعتك امي او الخدامه.
انا قلت بمكر:منو كنتي تحاكين.
ناظرتني برتباك ورجعت ابتسمت بغرور:منو مالك علاقه فاهمه يا حلوه .
انا بمكر:بس انتي بتصيري زوجة عمي فلازم اعرف.
ريهام بتهديد:اها خليك بروحك ياحلوه احسن اقول لابوك بلاويكي انتي و…وبعدين انتي قدامهم باينه ملاك ماشاءلله وانتي شيطان وبعدين ادري عينك ع راشد وتبغيه فتبي مساعدتي اهجدي.
ناظرتها بنص عين: انا وانتي مثل بعض مانختلف .
ضحكت ريهام وحكتلي عن هذا وصدمتني بصراحه طلع واحد مره مركزه كبير وشكله معجب بريهام
فقلت بندهاش:واو اكيد بيسوا المستحيل عشانك هذا نايف ال… بس ع حد علمي هو متزوج صح…
ريهام بغرور:قال انه مستعد يطلقها بس بتسلا شوي وبعدين يروح عني ما ابغاه هدفي هو بدر.
ضحكت عليها وقلت:تدري لو عمي بدر يدرا بسواتك قسم مارح يرضا فيك ومو بس كذا بيعلق مشنقتك.
ريهام بخبث:وهذا شغلك انه مايدرا وبعدين لو يصير من نصيبي بتركهم كلهم بدر هو حب طفولتي .
وانا قلت بهيام:وراشد بعد حب طفولتي هاه.
••• نطير للندن •••.
سما … بعدما خلصت محاضراتي تذكرت ان ليان هي بعد عندها محاضرات لين الساعه خمسه يعني مارح تتغدا في البيت فقلت اروح اي الكفتيريا اكل وبصراحه مالي نفس بشي بس ضروري عشان الادويه فزفرت بملل ورحت للكفتيريا وطلبت لي ساندويتش وعصير مانجو ورجعت قعدت ع وحده من الطاولات وصرت اكل بهدوء متعوده ع الوحده واني ما اقعد معا احد وما حسيت الا ع ضل قبالي وصحن ينحط ع طاولتي…
بدر … بعدماخلصت المحاضره دورت سما فضاعت مني في الزحمه فمشيت ادورها فحسيت بالجوع فقلت اكل وبعدها يحلها ربي وانا ماشي ع كفتيريا لمحتها قاعده ابتسمت بنفسي ورحت طلبت اكل وقعدت مقابلها وهي رفعت راسها وفتحت فمها عرفت انها تحب تقعد لحالها وخفت تنزعج بس لازم تبعد روحها من وحدتها فبتسمت وقعدت وبمرح:هلوات صديقتي.
ناظرتني بنص عين وقالت:ماخذ مقلب بنفسك.
ضحكت وقلت: انا قد ثقتي بنفسي بس شنو ذنبي ان عندي صديقه عنيده وماتثق فيني.
ارتحت لما شفت ابتسامتها فقالت:هاه يعني تقولي بطلي عناد بطريقه غير مباشره مستر بدر.
فرحت لانها بدت تحكي معاي باريحيه فقلت:اممم ممكن ابغا نكون اصدقاء حقيقين ومارح ازعلك ابد وعد.
ضحكت وبصرحه لما تضحك يرتاح قلبي اني بقدر اغير مودها وردت قالت:خلص صديقي بدووور .
ارتحت من تقبلها لي ودخلنا في السوالف وطبعا حسيت للحظه اني اعرفها من كم سنه كنت متردد اسالها بالشغلتين الي براسي خفت تفهم غلط فلذا اجلت واحده والثانيه سالتها فيها بتردد:سامو شنو سبب كرهك للشقه الي اسكنها …
كانت ضحكتها متهكمه فقالت:لهاي الدرجة فضولك (ابتسمت باحراج)بقولك انا ما اكره شقتي ابد بالعكس هي المكان الوحيد الي احبه ولذا اروحها انا ليان بين الفتره والفتره انظفها واهتم فيها ولو اني كرهتها فعلا لكنت بعتها او اجرتها …هاي الشقه هديه جتني لما نجحت بالاعداديه من صديق ابوي الله يرحمه وبخصوص عدم سكنتي بالشقه ل……حكت سما القصه كلها لي وانا منذهل اشلون عاشت هاي التجربه هالبنت قويه رغم مرضها وتعبها…فبتسمت وقلت:اها وانتي تبغي اني انا اكون الضحيه الثانيه.
ناظرت ردت فعلها فقالت:لا والله هذاك الحرامي دخل بمساعده من بواب العماره فلذا قدر يدخل وبسهوله انقبض عليه …اصلا ماكان رح يصيرلي شي لو ماكنت طلعت من غرفتي …سمعت اصوات برا فطلعت من الغرفه فعشان ما اصرخ طعني …
رديت عليها بضحكه:بس والله قط انتي بسبع ارواح.
ناظرتني بنص عين:اذكر ربك لا تصيبيني عين…
…………تمر الايام لتصبح اسابيع وتمرالاسابيع لتصبح اشهر…وهاي النصف الدراسي الاول ينتهي @بتقولو مستعجله بس موالاحداث بزود @طبعا بدر وسما صارو اصدقاء بقوه وسما اسلوبه مسترجل عاد دعمها بدر بهذا وليان كل مره تعلن انسحابها اذا اثنينهم نوو ع شي …ريهام لساها بتلعب ع نايف وكم واحد غيره …
……/امتحانات الترم الاول ع نهايتها/……
في مطعم عربي …كانو ثلاثتهم بيتغدو …
بدر بلع لقمته وقال:هو انا وسما باقي معنا مادتين بنخلصهم باسبوع الجاي وانتي ليون كم باقي.
ليان بفرح:بكره اخر ماده وبصراحه حجزت ع جده في نفس اليوم اشتقت للبنات حيل وخصوصا ان عمتي سلوى خلص انتقلت ع جده…
سما بزعل:يعني مابلحق اقعد معك .
ليان بزعل:اسفه سامو بس والله الغربه كربه شو رايك هالمره ترجعي السعوديه بدل انك بتقضي اغلب وقتك بلندن ما بتملي القعده لحالك.
بدر بستغراب:ليئ سامو انتي ماتسافري في الاجازه .
سما بعدم اهتمام:بصراحه نادرا ما اروح ع السعوديه اصلا بيكونو اهلي يا بتركيا يا بسويد او في مكان ثاني في الاجازه وانا بصراحه ما ارجع الا لما يكونو بالسعوديه اريح لي وهما اصلا مايطولو فيها لان اغلب وقتهم سفرات وبس.
بدر ابتسم وقال:اطمني هذاني لسا عندك بقعد لين اخلص الامتحانات وبعد كم يوم وبرد جده …
فقعت سما ضحك وقالت:ياعيني بدور بتخاف علي.
بدر ناظر سما بوعيد وهي ضحكت وليا مثل الاطرش بالزفه وبتسأل:في شي بينكم.
سما …… انا فقعت ضحكه لما سألت ليان فماقدرت امسك اكثر وقلت:الاخ بدر احم احم عاشق متيم.
ليان بندهاش: جد بدر ومين هي سعيده الحظ.
رديت بلقافه:تعيست الحظ هذا خالك خبل.
بدر ناظرني بوعيد ورجع قال:ليان لا تسمعي للخبلا.
انا بفتنه:والله اقول الصدق لو مو مصدقه اسألي ميرا.
هنا بدر ناظرني بنظرات حارقه وانا بلعت ريقي بخوف ورجعت نزلت راسي وليان سألت:ومين ميرا.
هنا حسيت بدر رح يذبحني ورطته مع ليان فقال:خلي صديقتك تجاوبك .…وناظرني بزعل وقام وانا حسيت بزعل فقلت لليان:ليون اكيد بدر زعل لاني حكيت لك بس احسه معجب بزميله لنا اسمها ميرا مو سعوديه ع ما اعتقد تونسيه وهي مره حلوه …
ليان بحماس:وهي شنو مشاعرها ناحيته.
بصراحه ماقدرت اقول لليان ان بدر معجب ببنت مو عاطيته وجه فقلت بكذب:احسها تبادله لان بدر ماتجرأ لسا وسألها بس انا كذا اشوف نظراتها له.
ابتسمت لما شفت ليان مبسوطه وقالت:واو فديتهم ربي يسعدو بدور يستاهل كل خير هي احسن من ريهام…
ابتسمت بضيق مخفي ماكنت ابي اورط بدر فقلت:يصير خير اهم شي الموضوع ماحد يدرا فيه.
هزت ليان راسها بايه ورجعت كملت اكلها وانا كملت بس ماعاد لي نفس وما خبيت الحق بدر عشان ليان ماتشك اني كذبت …
•••السعوديه•••
بيلسان ……كنت رح اطير من الفرح لما اتصلت لي ليان وخبرتني بموضوع انها راده بكره فنزلت لتحت ابشر مشاري وبتول وخصوصا ان ليان اختنا من الرضاعه وحتى ان غرفتها عندنا في فلتنا وساكنه عندنا نزلت لتحت بالبيجامه ونزلت بفرح:مشاريييي بتووول هاتو البشا…وبلعت ريقي لما شفت راشد ولد عمتي فاديه تحت ما عاد دريت اودي وجهي وين والفشيله فاخذت نفسي وطلعت غرفتي طيران قبل احد يشوفني والله لو شافني مشاري بيذبحني … وانا ماشيه خبطت ببتول ورجعت استوعبت …بتول سألتني بستغراب:وش فيك سمعت صوتك تناديني…
بلعت ريقي انها ماشافتني بتصرخ علي فقلت بتذكر للموضوع:اها ليان بتجي بكره بالليل …
بتول فرحت بس مو مثلي وقالت:حلو ترجع بالسلامة.
مااهتميت لان بعرفها ماتهتم لاحد فرجعت لغرفتي اكمل مذاكرتي لان عندي كورس …
راشد……بصراحه لما شفتها نازله من الدرج نسيت اش جابني كان شكلها خيال ببيجامتها الزهري الي تعكس بشرتها البيضا وعيونها الصغار العسلي وملامحها الناعمه والبريئه تأسرني بثقرها الزهري وجسمها الصغير))اضحك دايم لما اذكر انها دكتوره وهاي اخر سنه لها بالطب اعشقها حيل بس ما احب ابين لاحد حتى اختي ماتدري …صحاني مشاري:هااااي راشد.
التفتت لعنده وقلت:هاه وش قيك.
قال لي بستغراب:لي ساعه اناديك وينك.
حاولت ادور موضوع اخاف يدرا فقلت:لا بس بفكر اشلون بدر قدر يقنع جدي وسافر.…بصراحه مالقيت غير هي الكذبه …مشاري بتفكير:انا مثلك ما توقعته لان جدي ما يقوا ع فراقه بس هو يحبه وماوافق الا عشان بدر يحقق حلمه بالهندسه…
سألته بتفكير:هو بدر متى رح يرجع ع جده…
مشاري:ع حد علمي بعد اسبوع او عشر ايام وليان رح ترجع معاه.
انا تذكرت سالفت ليان:ايه ليان بترد بكره حجزت ع اول رحله ع جده ورح تطلع من الامتحان ع المطار كذا خبرتني .
مشاري فرح لان علاقته بليان مره قويه فقال:توصل يارب بالسلامة بنروح بكره انا وانت نستقبلها .
هزيت راسي بايه ورجعنا طلعنا انا وياه الشركه…
•••نرجع لندن •••
ليان …فرحت وايد بردتي ع السعوديه واول ماوصلت الشقه صرت اجهز بالاغراض وسما صارت تساعدني بس حسيتها مومعي شكلها زعلانه لاني بسافر ع طول لجده فبعد ماخلصنا قلت لها:سامو حياتي لا تزعلي.
ابتسمت بذبول:بس والله رح اوله عليك.
قلت بقتراح:ليه ماتجين بعد الامتحانات لجده ونتسلا مع بعض هناك وبعدين صرت موجوده يعني مو مهم وجود اهلك انا هناك…
ابتسمت سما وقالت:بشوف وبردلك خبر .
حضنتها وبحب قلت:حاولي عشاني خلينا نتسلا هناك.
استغربت ذبولها:وين اقعد طول ما انا هناك.
استغربت هي اهلها كلهم بجده اشلون وين تقعد فما علقت وقلت: وبيتكم ليه ماتروحيه.
سما بحزن:ما احب اقعد فيه واهلي موفيه.
احترت شلون ارد فقلت:تعالي اقعدي عندنا وش فيها بنجتمع احنا وبنات عماتي ونتسلا مره .
ابتسمت بذبول وقالت:بشوف اوكيه واذا زوج عمتي موفيه بروح عند عمتي هي الشغله ثلاث اسابيع …
حسيت براحه لكلامها بس البنت رغم معرفتي فيها بس لسا ناقصه بس رح ادرا ع الاكيد …
سما…ضل بالي مشغول ع بدر وخصوصا انه كان مره زعلان مني فما حبيت الحقه خليه يهدا وبعدين برجع اكلمه …كلام ليان زاد همي وبصراحه كلامها حقيقه الكل لاحظ عدم روحتي ع جده في الاجازه فقلت بنفسي راح احاول وبعدماخلصت معها رديت غرفتي ابي اريح انسدحت ع السرير وغمضت عيوني بتفكير بحياتي المشتته خلص باقي كم شهر وتخلص جامعتي وبعدها شنو برد السعوديه او اتعذر بالمجستير وغيره صرت اهرب من كل شي تعبت من التفكير في هاي الشغلات ورجعت اخذت نفس واخذت جوالي من الكبت ودقيت ع بدر»صديقي الوفي« وهو رد بصوت ذابل:هلا سما بغيتي شي.
حاولت اتكلم بطريقه تحسن موده فقلت:اوه شنو هاي الطريقه ماكله حلالك ياخي او ايش.
وبنفسي اقول"يارب يتغير موده مو ازيد الطين بله" فرد بستهزاء:ماعاش من ياخذ حلالي يا حلوه.
ابتسمت بفرح عرفت انه هدي فقلت:يلا قول وينك نتعشا ميته من جوعي والساعه صارت 10 .
رد بتفكير:اممم انا بالساحه مو بعيد مره.
قلت بقتراح:خلص اوك اطلب لنا عشا وتعال .
قالي بقتناع:اوك يلا سلام.
رديت بفرح:يلا مع السلامه حبوب.
رد بغيض:حبوب بعينك شفتيني دبدوبك.
فقعت ضحكه وقلت:احلا دبدوب بعد.
رد علي بضحكه:احلا ترقيعه شفتها.
ضحكت وقلت:يلا سلام دورلنا اكل يلا.
وسكرت منه وبعدما خلصت من مكالمته دخلت المطبخ اسوي شاي وشوي وجت ليان وبضحكه:اوووه سما في المطبخ ما اصدق اقرصوني.
نرفزتني فتقدمت منها وقرصتها بخدها بقوه وقلت:صدقي الحين .
ليان بشهقه:وجع عورتي خدي .
قلت بنصر:انا سويت الي طلبتي مني ماعلي.
ناظرتني بنص عين وانا ضحكت وهي سحبت كرسي وجلست عليه وقالت:اجل بتسوي لنا عشا.
هزيت راسي بالنفي فناظرتني بتعجب:اجل ليه هنا.
قلت ببرود:انا هنا بسوي شاي اما العشا بدر بيجيبه.
ليان بتعجب:جد بس بدر كان زعلان.
قلت ببرود:والحين لا فلذا قال بيجيب العشاء .
ضحكت وقالت:كيف قدرتي تغيري موده هذا بدر لوزعلان حتى جدي مايقدر يغير موده .
التسمت بثقه وقلت:انا سما مين قدي وبدر يستاهل.
واحنا نسولف سمعنا طق الباب فقلت:ليان روحي افتحي وانا بلبس جلالي .
هزت ليان راسها بايه وراحت تفتح وانا دخلت لبست جلال الصلاه لاني كنت لابسه بنطلون.
ولما طلعت كان بدر بيحط الاكياس ع الطاوله وبمرح قال:يلا بنات اكل .
ليان قالت بلقافه:وسما سوت شاي عجيبه.
بدر بحماس اجل بدل البيبسي شاي.
وانا ناظرتهم بتعجب وبدر دخل المطبخ جاب دلت الشاي والكاسات وقعد في الكنب المنفرد وانا قعدت في الكنب مع ليان وصرنا نفتح الاكياس وبدينا اكل وطبعا مع قعدتنا دايم السوالف …بدر بابتسامه:الشاي رهيب.
ابتسمت بفرح وليان بلقافه :اجل بدت الاخت تتسنع.
ناظرتها بستخفاف وبدر قال:عادي ياسماي انا اعلمك.
ناظرته بصدمه:ليش تقدر تسوي اكل بدري.
ضحك بدر وقال:ايه لانه لما كنت اجي لهنا وليان مو فيه كنت اطبخ لاني مو من محبي اكل المطاعم.
وانا تعجبت وابتسمت وليان بتعجب:بدري وسماي وانا وين بالموضوع تتغزلون ببعض.
ضحكت انا وبدر وقال بدر:شوفي يا ليان البدر لولا السما ماكان طالع …وانا كملت:والسما لولا البدر ماكانت مضويه …وليان تناظرنا بتعجب وبدر قال:صداقتنا انا وسما صداقه اسطوريه.
ناظرتنا ليان بنص عين:لا بعد وانا وين رحت .
حبيت اراضيها:في القلب يا قلبي.
ضحك بدر وانا ناظرته بمعنى «وش فيك» فقال:انتو البنات عندكم اسلوب ترقيع رهيب وخصوصا انتي.
ناظرته بفخر وقلت:مو انا دفش مثلك .
وصرنا نسولف ونضحك بمرح وبعد العشا سهرنا اشوي والي يشوفنا ما يقول عندنا امتحانات عني انا وبدر ماعندنا بكره اما ليان الله يستر…
………/يوم جديد/……بنط معكم لين المطار…
ليان……بعدما خلصت الامتحان رحت الشقه اخذت الاغراض واتصلت ع بدر وهو وسما ودوني ع المطار وانا بودعهم قلت بحب:بدوري سامو اشوفكم ع خير .
وجضنت سما الي كان الحزن باين عليها وقلت بهمس:انتظرك بجده سامو.
ابتسمت سما بذبول وانا بستها ع خدها ورجعت تقدمت من بدر وحضنته:اشوفك ع خير بدور (وبهمس) انتبه لسما هي ماتهتم لروحها زين …ابتسم بدر وهز راسه بايه وانا ارتحت وبعدها ودعتهم وتوجهة لصاله الانتظار وطبعا ماانتظرت مره وصار موعد الاقلاع فرحت للطياره وقعدت بمقعدي وناظرت بدريشه وتنهدت "يارب سما تقتنع وتجي السعوديه" وصرت ادعي وما حسيت الا بحد قعد في المقعد الي جنبي فلفيت اشوف وكان رجال بلعت ريقي مو متعوده فلفيت جهة الدريشه وبصراحه شكله خقه "بضل كم ساعه وهو هنا " نفخت بضجر وسمعت صوت:حيلك لا تطيرينا بنفختك هذي.
بلعت ريقي "عربي" ولفيت وناظرته بنص عين:مالك خص فيني اوك يااخ.
قتلتني جرئته فقال:اسمي راكان ال… ومن السعوديه .
ناضرته بستحقار وقلت:ومين طلب اسمك.
حك ذقنه بتفكير:اممم قلت بيجوز يجي يوم وتحبي تعرفي عني شي وتراني من عايله حيل معروفه.
كنت بفقد اعصابي بس هديت حالي بالقوه وقلت:جد ماخصني اوف ممكن تسكت صجيتني.
ضحك هذاك وناظرني بنظره غريبه ورجع قال:اوك مارح اتكلم بس بشرط تقولي اسمك.
ناظرته بصدمه "هذا جرئ مره":انت …قطعني وقال:بسكت لين اعرف اسمك هذا شرطي.
الله ياخذه فقلت بعصبيه:حامض ببوزك تعرف اسمي.
ولفيت جهة الدريشه وهو قال:انتي الباديه .
رعبتني كلمته بصراحه جرئ ومتوقعه منه اي حركه… وشوي ويعلن كبتن الرحله عن الرحله وتبدا الطياره بالاقلاع بصراحه هذي اكثر لحظه بتخوف فمسكت بمقعدي لين استقرت الطياره بالجو ورتحت …هو بلقافه:شكلك مو من النوع الي يسافر كثير.
ناظرته بنص عين:لا تسوي روحك فاهم انا اسافردايم.
ابتسم بثقه وقال:انا اقدر اطلع الحكي مو كذا …استغربت كلمته بس فهمت لما تذكرت انه قدر يطالع مني كلام فناظرته بعصبيه وقلت:انت شو طينتك.
لفيت صوب الدريشه احاول اكون هاديه …
بدر… حسيت سما مو بخير من طلعنا من المطار وهي ساكته فحبيت اغير مودها ولفيت لعندها:سامو…
ناظرتني بابتسامة ذابله فقلت لها:تبغي اوديك ع مكان انا وسيارتي اليوم تحت امرك.
ابتسمت سما وقالت: مو ناسي ان عندنا بكره اختبار .
ابتسمت وقلت:لا بصراحه هاي الماده مغثه اشلون افهمها ودكتوره غثيث.
ردت علي بسخريه:الماده صعبه عليك وماتذاكرها اي عقل عندك انت خلص وقف ع اي كفي بنقعد نذاكر الماده سهله بس انت معقدها.
ناظرتها بتعجب:سماي بتذاكري لي اكيد بجيب100…
ضحكت وقالت:لا تسوي روحك تنح انت ذكي بس متكاسل شوي…
ضحكت وقلت:ايه بس انتي دافور ماشالله فلذا لي فخرا ان سما ال…الي تذاكر لي.
وبالفعل حركت السياره ورحنا ع الجامعه احسن مكان للمذاكره وسما ضجكت علي وقالت:الاجواء الدراسيه هي الجذابه بالجامعه او شي ثاني.
بصراحه مافكرت كذا بس سما نبهتني فضحكت باحراج وقلت:يلا يلا لاتسوي فيها فيلسوفه .
ناظرتني بصدمه وقالت:هذا وانا لسا ماتفلسفت عاد ولو تفلسفت وش بتقول.
ابتسمت منها وقلت:برميك من سيارتي انسه سما.
ناظرتني بنص عين وقالت:لا تمن علي بسيارتك لو مارحت وياك المطار كنت جيت بسيارتي.
وبعدما وصلنا ع الجامعه نزلت سما وتوجهة للكفتيريا وانا وراها وع اول طاوله قعدنا وصرنا ننذاكر وطبعا كنت منسجم مره …وحنا بنذاكر جت زميله لنا اسمها ملاك وهي خليجيه وقالت:فيني اقعد معكم وتشرحي لي ياسما.
هزت سما راسها بايه وهي قعدت في الطاوله وطبعا قالت:سما انتي بتشرحي لي هاي المسائله.
سما بابتسامه بدت تشرح لها ولي وشوي يرن جوال ملاك وبستاذان :اعتذر بقاطع شرحك.
ما اعترضت سما وملاك ردت ع مكالمتها بدون نفس:الو …بخير…في الجامعه اكيد …بذاكر …بحاكيك وقت ثاني …باي. وسكرت وانا شفت لعندها بستغراب بس سما رجعت قالت:يلا نكمل.
ملاك بضجر:اوف تحسسني اني شوي ورح اموت هذا مو حب هذا خنقه. …جاني فضول اعرف فقلت:منو متصل فيك وغير مودك.
ملاك بضجر:امي كل ساعه تدق وتقول وينك شنو مسويه اكله ماتتاخري ووو...خنقه.
ابتسمت ماعرفت ارد بس سما ردت بهدوء:ليه تقولي كذا هذي امك تحبك لو ماتحبك كانت حتى ماعبرتك ليه متضايقه من حبها كذا .
ملاك بتعجب:لا والله بس هي خنقتني كذا.
سما بابتسامه :في ناس يتمنو ولو كلمه طيبه من امهم وما يلاقو احمدي ربك ع النعمه…يلا خلينا ندرس.
حسيت اسلوب سما فيه شي سما ما اذكر حكت عن اهلها ابد كنت ابي اسألها بس قلت مو وقت فاكدت وقلت:بنقضيها هذره الدراسه اهم.
ورجعنا للمذاكره وانا تفكيري عند سما واسرارها الكثيره الي يوم عن يوم اكتشف انها غامضه …
ليان … حاولت ما التفت لذاك الجرئ فلذا قلت بتسلا بالقرايه وضليت اقرا بس هو شتت تركيزي في كل لحظه يطلع لي بكلمه فسكرت الكتاب بحده ولفيت لعنده بس جلطني ببتسامته الامباليه حاولت اثبت روحي ع الحده وقلت:اذا ما تتركني بروحي بكلم المضيفه ترويك شغلك.
راكان بعدم اهتمام:لا جد بس انا مارح اتركك بحالك لين تقولي اسمك بدل التعقيدات ذي كلها.
ناظرته بغيض وزفرت وقلت:ليان اسمي ليان ارتحت الحين يلا اذلف عني.
ابتسم وقال:عاشت الاسامي يلا Good night .
وسكر عيونه وانا انصدمت من حركته يحرق اعصابي وبعدين ينام اوف لفيت ع جهتي وحاولت اغفى ولو شوي الرحله لسا باولها…
في مطار جده ……
مشاري …طبعا اول ما عرفت ان ليان جايه وطبعا رحت انا وراشد للمطار ننتظرها وبصراحه انا منتظر جيتها لانها الوحيده الي تقدر تساعدني بموضوع صفا فبعد ما صليت المغرب اخذت راشد من الاستراحه ورحت وياه للمطار وصرت انتظرها فيه…
ليان …نمت وما حسيت ع نفسي الا ع صوت المضيفه:انستي هل ترغبي بشي.
ابتسمت وقلت:كوب من القهوه …جابتني المضيفه بابتسامه:حسنا…وكانت بتمشي فسألتها: لو سمحتي كم الساعه الان …ابتسمت وقالت:الساعه بتوقيت لندن5:30مساء وبتوقيت السعوديه8والنصف.
ابتسمت وقلت:شكرا لكي يعني كم تبقى لنصل.
اجابت بابتسامه:بقي نصف ساعه..اي سؤال اخر.
ناظرتها باحراج:شكرا لقد اتعبتك معي.
اجابت :لا عليك هذا واجبي. ومشيت وانا تنهدت وشفت للجهة الثانيه وشفته نايم "ثوور" ورجعت عدلت جلستي ورجعت قمت اروح الالحمام(اكرمك الله) عدلت شكلي ورجعت لمقعدي وكان الكوفي حقي بايد هذاك وبصدمة :شنو الي بيدك .
رد ببرود:هاه كوفي فيها شي.
رديت بصدمه:بس هذا حقي انا الي طلبته.
قال ببرود:جت المضيفه ومالقتك قلت لها تجيبه لي .
ناظرته بغيض ورجعت قلت:قوم ابي ادخل .
ابتسم ببرود وقام وانا رجعت مكاني وانا مغتاضه حيل ورجعت راسي لورا وشوي تجي المضيفه وانا ناظرتها وهي مدت لي الكوفي وبابتسامه:تفضلي سيدتي هذه قهوتك …ناظرتها بصدمه وناظرت هذاك وهو ابتسم بثقه وسألتها:اليست القهوه التي معه ملكي.
ابتسمت المضيفه وقالت:السيد اخبرني انك لا تحبين شرب القهوه بارده فلذا اخذ كوبك وطلب كوبا اخر بصراحه لديك زوج محب .…بلمت بصراحه بعد قال لها انه زوجي فبتسمت بمجامله واخذت القهوه وقلت له:لا بعد من وين لك الحق تدخل باموري لا زوجي بعد شكلك خرفت من بدري.
رد راكان بعدم اهتمام:انا ماقلت لها شي بس هي فهمته مثل ماتبغا وش اسوي لك يعني.
"اوووف نرفزني هالرجال " فرديت وانا اناضره بغيض:امتى افتك من خلقتك .
رد بثقه :ليش تقولي كذا بيجوز تتمني شوفتي بيوم .
ناظرته بنص عين:ماخذ بروحك مقلب.
وشربت الكوفي وشوي ويعلن الكابتن عن الهبوط فربطت الحزام واخذت نفس ورجعت ظهري لورا استعداد للهبوط ومسكت حييل بالكرسي… لين هبطت الطياره وبعدها زفرت ولما ارتحت سمعت ضحكته:ههههه لا بعد كل رحله بتسوي كذا ابغا اشوف المشهد مره ثانيه …"هذا شنو يخرف" ولما حسيت شهقت بقوه طلعت ماسكه ايده وماحسيت بلعت ريقي ولفيت للجهه الثانيه وهو ضحك وقام وانا قمت بعده ونزلنا من الطياره ولما وصلنا للاستقبال ناظرنا واشار بايده بمعنا«سلام» ومشي وانا مشيت بغيض لين وصلت للي بينتظروني فرحت مره ورحت لهم بخطوات سريعه ومن الوله تعلقت برقبت راشد بفرح وهو لمني له بشوق ورجعت حضنت مشاري وهم اظهرو فرحهم بي …مشاري بفرح:اكيد البنات منتظرينك خلينا نعجل قبل يصجوني بتصالتهم من ساعه وهم كل دقيقه ويدقون وصلت ليان …
ضحكت من قلب وقلت:لا فديتهم وانا بعد ولهانه عليهم.
ومشيت وياهم لين البيت …
انتهى البارات الثالث اتمنى انه عجبكم
وتوقعاتكم لبقية الباراتات
بيلسان هل تبادل راشد نفس المشاعر ؟
بدر هل بيتزوج ميرا الي يحبها اوريهام بنت عمه؟
اسرار سما الي بتزيد هل بدر رح يعرف اولا ؟
وراكان هل بيفرض وجوده بروايتي او لا؟
انتظروني بالبارات الجاي
★ أــيـــــــŞαȑαـڕۃ الــــــقــــډڕ★