الفصل 16
البارت الســــادس عشــر
راغده تشهق: عشان .. عشان ... ذاك
طلال: مــــين ؟
راغده صارت تتمتم بكلمات مو مفهومة وصارت تبكي كل ألي فهمه كلمة أمي
طلال " أمي ! ليه أحس أن طرف الخيط هي أمها " ضمها بصدره وشد عليها وهو يمسح على شعرها العسلي بهدوء : طيب ايش رأيك نشرب سويت لنا هوت شوكلت ..
راغده بس هدت , أخذت الكوب منه وصارت تشرب بهدوء .. وبعد صمت دام دقيقة
طلال: بغيناها طرب وصارت نكد .. قلنا بننوم ونريح لكن شوفي ايش صار ..
راغده رجعت غرتها ورى اذنها: طلال ابتكلم معك ، بخصوص يوم الزواج .. ايش صار لك وانقلبت فجأة ..
طلال: كنت منتظر إنك تسأليني .. بس إيش رأيك نخليها بيوم ثاني الان خلينا مروقين ونشرب الهوت شوكلت بهدوء ..
راغده هزت راسها بقبول
وصاروا يشربون بهدوء ، أفكار متلخبطة لطلال وقيود راغده كان حديثهم الداخلي متزاحم فكرة تجيب فكرة واسأله مالها جواب ..
كل واحد راح غرفته لين موعدهم
بعد صلاة العشاء ركبت معه السيارة ..
راغده: لوين رايحين ؟
طلال: مفاجأة ..
نزل طلال لسوق الذهب وصعد السيارة وألتفت لها: على هالجو الحلو إيش رأيك نتعشى بالهواء الطلق ؟
راغده: حلو ..
طلال: ودك نشوي بالبيت ؟ ولا..
راغده قاطعته: نشوي بالبيت ..
طلال: ههههه تمام ألي تشوفينه طال عمرك .. اليوم بنسوي حفلة
راغده: آيش المناسبة ؟
طلال: بنزلك للبيت وتجهزي لحفلة بمناسبة ... اممم خليها مفاجأة برضو ..
راغده بابتسامة: بنسهر اليوم ؟
طلال: ودك ؟
راغده بحماس: أي ياليت ..
طلال أشر على خشمه
راغده ابتسمت بخجل
طلال: أنا بروح أجيب أغراض الشوي يكفيك ساعة ..
راغده: ساعة ونصف كافية ..
طلال: أوك تمام ..
نزلت من السيارة وصعدت فوق بحماس وبدأت تحضيراتها مع ماريان لحفلتهم سوا
وصل البيت .. وحط الأغراض بالحوش وطلب من ماريان تقطع البطاطس وتقليها ..
صعد فوق وأخذ دوش دافي لف المنشفة حول خصره وهو يدندن
يمشط شعره ولبس قميص كحلي بأكمام حاير وبنطلون أسود تعطر بعطره إلا بدقة الباب : تفضل ..
ماريان من عند الباب: بتيتو از فينش ..
طلال نزل تحت وتوجه للحديقة شاف شموع فوق الطاولة وعلى الجوانب
ألتفت للملاك ألي قباله كانت لابسة فستان لنصف الساق بيج بأكمام طويلة فتحة الصدر كانت بنصف القمر .. ماسك على جسمها يزين الفستان البيج رسومات ورود كبيرة باللون الأحمر واوراقها الخضراء ..
مكياج دافي برزت الاضاءة بنحرها وعظم وجنتها اعتمدت على لون البرونز لبشرتها ..
كعب متوسط الطول أحمر ..
وبابتسامة: حمام الهناء ..
طلال صار يناظرها من فوق لتحت وباعجاب: كل هالجمال لي ..؟
راغده نزلت راسها وبخجل: رتبت كل شيء بس باقي الطاهي ..
طلال اقترب منها ونزل لمستواها وباس خدها
راغده توترت وألتفتت سريع ألطم شعرها على وجهه
طلال ريحة شعرها وعطرها تغلغل برأسه غمض عينه ببطء
راغده جلست بالكرسي ..
طلال صار يشوي البرجر وحطهم بصحن وجنبه البطاطس المقلي والمخللات والسلطة ..
راغده بضحكة: حبيت جوك ..
طلال: نغير جوك بدل ما تتعشي ستيك لحم يصير برجر ..
راغده : ماكنت بقبل اكل نشويات بمثل هالساعة المتأخرة بس عشان أكسر أم الروتين ..
طلال بابتسامة عريضة: يسلم لي الحلو ..
راغده شغلت موسيقى هادية: كذا بيحلى الجو ..
دردشة وضحك كان مليان بطاولة عشاهم ..
توجهوا للجلسة وجلس ومد رجله وراغده قباله تسكب له الفوار ومدت كوبه وبابتسامة: بصحتك ..
طلال: بصحتك ..
راغده شربت شوي و غمضت عيونها : الجو جميل ..
طلال: بس لأنك معي .." مد يده" تعالي جنبي ليه بعيدة ..
راغده جلست جنبه بدون تردد
طلال فتح ذراعه لها وقربت منه اكثر ..
راغده شلحت كعبها ومدت رجلها ورجعت رأسها لورى: ليه ماعادت في نجوم زي اول ..
طلال: لو مافي أنوار حولك حاتشوفي النجوم ..
راغده: صدقت .. " رفعت يدها وسوته كأنها تشوف من المنظار " حاتشوف أقوى كذا .. جرب ..
طلال حط موسيقى من جواله وسو مثلها
راغده: أنا أشوف نجوم .. وانت؟
طلال بنبرة حب: اشوف القمر مكتمل اليوم ..
راغده نزلت يدها: سلامات التاريخ اليو...
انتبهت لنظراته ألي كانت حولها فهمت انه يقصدها احمرت خجلا ..
طلال بنظراته الحادة: خجلك يجنني " مسك يدها وهو يتمعنها حاطه مناكير احمر وخواتم بيدها باس يدها بعمق" كل شيء فيك أحبه ويعجبني كـ مظهر وشكل ..
راغده بنفس همسه: والداخل ؟
طلال : غامضة .. وصعب أحكم من الآن ..
راغده: تحبني طلال ؟
طلال: وش تشوفين ؟
راغده بحيرة : ما أدري احس انك أنت كذا طيب ما تعرف تقسي وممكن تلابست علي السالفة وظنيت انه حب ..
طلال: ليه قلتي كذا؟
راغده بتردد: بيوم زواجنا قول لي آيش صابك ؟
طلال خذت نفس عميق: لما خلصنا تصوير رحت عند الشباب واعطاني عصير شربته وتبهدلت .. وصار ألي تعرفينه ..
راغده: مافهمت ! قصدك حط شيء بالعصير ؟
طلال: اي طبعا .. حط حبة تخليني مهستر ..
راغده بلوم: وليه ماقلت لي ..! خليتني اتعب وابتعد عنك .. كنت مجنون ..
طلال " الكذب منجاة! هذا ألي جاء ببالي اسبوع كامل أفكر بعذر ": انا قلت لك اطلعي لكن انتي رفضتي ..
راغده: كان ودي تكون ليلة مميزة ..
طلال يلعب باطرف شعرها: اعتبريها اليوم هي ليلة زواجنا ..
راغده بابتسامة: يصير ؟
طلال بذوبان: كل شيء معك يصير ..
راغده باست غمازته: الله لا يحرمني منك ..
طلال: ولا منك حبيبي ..
راغده حطت راسها بصدره: تعودت على طبوعك لا تغيرها ..
طلال: لا تعصبيني اجل ..
راغده: وكيف اتجنب عصبيتك ؟
طلال رفع وجها له وبجدية: انا ممكن اتقبل منك اي تصرف اي كلام إلا أنك تقللين من رجولتي او حتى تخدشينها لاي سبب كان ..
راغده بستغراب: وأنا ما قللتها طلال ..
طلال : بلبسك هذا مثلا وتعريك كأنك تقولين لي ماتقدر ...
راغده حطت يدها على شفته: لا تكمل .. انا آسفة ماكنت اقصد طلال ..
طلال: خلينا صريحين شوي ، ليه بغيتي تتزوجين واحد معه ضعف ..
راغده: لأن .. ماعدت اتقبل أحد يقرب مني او يمسك يدي حتى ..
طلال: هو تحرش فيك وانتي كبيرة ممكن بتكون الصدمة عليك اقل من لما تكوني صغيرة يا راغده ، احيانا اشوف ردة فعلك احس .. احس انه ماكان تحرش وبس ..
راغده تغير معالم وجها: ايش قصدك ؟
طلال بعد صمت ٧ ثواني: كأنه اغتصاب ..
راغده انقبض قلبها ومعالم وجها كانت توحي بالخوف واللبكة:لـ...لا مـ..ستحيل .. انت بالغت بتفكيرك ..
طلال وهو يدرس معالم وجها: وليه ارتبكتي ..؟
راغده ألي تحس أن الدم جف من جسمها وأطرافها باردة وبابتسامة توتر: غصب ارتبك .. لان توقعاتك فاجأتني ..
طلال بشك: يعني صحيح ؟
راغده باندفاع: لا لا طبعا ..
طلال: اجل ليه خايفة اقرب منك ؟ خايفة تصير ذيك الليلة معي !
راغده تحاول تحافظ على هدوئها: قلت لك بسبب صدمتي بالتحرش ..
طلال بنفاذ صبر: راغده أنا النفس مالي مو طويل ..
راغده: وش تقصد ؟
طلال: بعدين بتعرفين القصد ..
راغده ابتعدت عنه شوي واخذت كوبها " ياربي احس اني في مأزق كبير مو عارفه ايش اسوي ولا ايش أقول ، هو بدأ يفكر ويحلل ويستنتج وأخاف يعرف صدق "
طلال صار يناظرها كان واضح أنها تفكر وخايفة " سرك ما بيطول يا راغده ، انا بعرف كيف اتصرف "
قام ودخل داخل .. راغده سحبت جوالها وراسلت رسالة لدكتورة وكانت تكتب بسرعة بـ اخطاء املائية : افف اسجل صوتي اسرع
وسجلت صوتها وارسلته لدكتورة ..الدكتورة ما تواجدت واضح انها نايمة إلا بدخلة طلال
راغده سكرت جوالها بسرعة انتبه لها بس مابين لها ..
طلال: يلا ننام ؟
راغده تحك رقبتها: اي طبعا يلا ..
لبست كعبها الأحمر وصعدت فوق وهي تمشي ببطء شاردة الذهن دخلت غرفتها وجلست بحافة السرير والحزن والقلق باين على وجها " ايش ذنب طلال بألي يصير لي ! كأني اعاقبه وماسكه إحساني له بوقت ضعفه مسكه وهو مستحي يردني ، ياربي ساعدني وخلني اتقبله كـ زوج " قاطع سلسلة افكارها المليئة بالندم دقة الباب : تفضل ..
طلال دخل .. أول ما شافته رجعت ظهرها للورئ
طلال مد لها كيس صغير فخم
راغده وقفت قباله وبان فارق الطول بينهم مسكت الكيس وعلامة تعجب واستفهام بوجها ..
طلال:هدية زواجنا .. مو قد المقام .. اتمنى تعجبك ، تصبحين على خير ..
قال كلامه ورى بعض ماترك لها مجال لرد فتحت العلبة كانت قلادة ذهب مكتوب عليها أسمه وجنبه كرت صغير فتحته " ماكان موجود أسمي فا طلبت منهم يسونه وتطلب أسبوع كان ودي قدمتها بوقت أبكر ، اتمنى تعجبك .. طلال "
ابتسمت بلا شعور وهي تشوف القلادة ، قربتها من شفتها وباست الأسم " غصب أحبه ! أي غصب كل شيء يسويه لي يخليني اعشقه فوق العشق عشقين "
لبست قميص النوم وقطت نفسها بالسرير وهي تشوف القلادة فوق الكمدينو ابتسمت بحب وغمضت عينها وهي تتخيل الي صار بينهم لين ما نامت بلا شعور ..
وعت على صوت المنبة الساعة ٦ ..
قامت لبست ملابسها الرياضية ونزلت تحت تجري وتهرول وتمشي ..
طلال قام الساعة 6:55
لبس ملابس الدوام العسكري
وسرح شعره وتعطر ونزل تحت للمطبخ أخذ قارورة ماي يشرب وهو يناظر بنافذة المطبخ شاف راغده اقترب ببطء وهو يمعن النظرة " ايش تسوي بهالصبح "
راغده أخذت قارورة الماي وصبتها على وجها ورقبتها وهزت راسها ويتطاير قطرات الماء مع على وجها المحمر وهو يشوفها تحرك فمها انتبه لسماعة البلوتوث بأذنها اليسار
طلال يعض على شفته " لو سوت هالشيء قبالي بقول أنها متعمدة تلفت انتباهي ، يالله ألهمني الصبر والصبر " لبس نظارته الشمسية وطلع بالحوش مقابل الحديقة : يالله صباح خير وش ألي مصحيك ..
راغده تتنفس بسرعة: كنت اتمرن كالعادة .. الجو اليوم حر مدري وش السالفة ..ماكنا بالشتاء ..
طلال: عشان كذا العرق يسبح بوجهك وجسمك كامل ..!
راغده باندفاع: لا صبيت ماي أريد ابرد ..
طلال يريد يغيضها وبنبرة عدم تصديق: اي ما يخالف ..
راغده وهي تشوفه يمشي تجاه سيارته وبصوت عالي: شكرا على الهدية .. اعجبتني
طلال دخل سيارته اكتفى انه يبتسم
بعد انتهاء جولة الرياضة والتمرين اخذت دوش لكامل جسمها واستعدت لروحتها لصالون ..
وقفت لها نهلة وصارت تمشي وراها
راغده شلحت لها عبايتها وجلست: أي مواعيد ؟
نهلة: لا مواعيد اليوم مهمة طال عمرك .. بس جهد اليوم لـ ٥ عرايس اليوم ..
راغده: تمام جهزوا نفسكم وفضوا حالكم لهم ..
نهلة: اي أوامر ثانية طال عمرك ؟
راغده: الفطور مع شاي منعنع يامنعنع ..
نهلة ألي كانت تلاحظ تغيرات كبيرة براغده ابتسمت وهي تشوف القلادة ألي بصدرها: ١٠ دقايق ويكون بمكتبك ..
راغده دخلت على البريد الالكتروني وصارت تكتب يومياتها ومشاعرها كاملة ثم ترجع ترسلها لنفسها ..
اندق الباب : تفضل
ام حسن وبيدها صحن الفطور مناقيش لبنة وزعتر وشاي نعناع وبابتسامة: احلى فطور لأحلى مديرة ..
راغده ردت لها الابتسامة: صباح النور ام حسن حياك .. تفضلي اجلسي ..
ام حسن جلست قبالها: فيه العافية ..
راغده: حياك افطري معي ..
ام حسن: توني افطرت مع البنات
صارت تأكل راغده وسوالف بحماس مع ام حسن ..
ام حسن: تقول لي جارتي أن بنتها ظلت بكر ٦ شهور من زواجها ..
راغده: ليه ؟
ام حسن: طلع مو قد الزواج ومع ذلك تزوج حسبي الله ونعم الوكيل ليه ماقال للببنت أنه مو كفو الزواج حرام شوفي حالها الآن راحت للمحكمة وطلقها زوجها .. لو تشوفين وضعها تحزن يا عوينتي تقول ما تحس أنها أنثى حطمها ..
راغده: وهالشيء سيء! اقصد مو ذنب الرجال هو كذا مرضه وش الحل والعلاج ..
ام حسن قاطعتها باندفاع: في شيء اسمه علاج يحاول لكن الرجال وصخين لو المرأة فيها بلاء قام يعاير ويتكلم وهي ما بقى علاج ماتاخذه وهو ما يريد يتعالج اسمع كثير ألي معهم ضعف او عجز او عقم مايتعالجون .. نفسهم كذا ردية ..
راغده مسحت فمها وباهتمام: وهي كيف عرفت أنه معه ضعف ؟ اقصد في دلالات وعلامات ؟ شيء ملموس شيء ما ألقاه بالبحث بقوقل او شيء عام ..
ام حسن بغرابة: وليه انتي باحثة بقوقل؟
راغده تورطت وباندفاع: لا بس صاحبتي معها نفس البلاء ..
ام حسن صفقت بيدها بغيض: شفتي ! هالاشكال كاثرة ..
راغده: واستحيت اسألها .. هل فيه علامات ؟
ام حسن وهي تفكر: أنا ما أدري شخصيا لكن استنادا على كلام بنت جارتي أنه ما يتاثر لو إيش ما تلبس وكان يتضايق اذا فكرت تشتري قميص نوم او شيء يخص اغراء وغيره لأن ماوده يثبت حتى لنفسه ولها أنه فعلا مو رجال ..
راغده اتسعت عدسة عينها " عشان كذا طلال زعل مني وتهجم علي وقال لا تسوين شيء يخدش رجولتي الآن اتضحت الصورة"
ام حسن : اي صح .. ولما تلبس اي شيء حلو يشوفها ولا شيء تقول اتزين واترتب وهو يشوفني كأني من الشباب وكل إلي سوته ما يبين .. حتى مايعطيها ريق حلو وينتقد كل شيء .. ولو تجلس معه او جنبه بغرض شيء يتضايق ..
راغده " هنا أنا احترت بس طلال مو كذا "
ام حسن تنهدت: الله يعين على شباب اليوم ، بس قولي لصاحبتك ذي عشان تقطع الشك باليقين تحاول تقرب منه وتلبس المشمر والمحمر وتشوف هل تحركت مشاعره او لا ..
راغده بشك: مو بيضايقه هالشيء ؟
ام حسن: اكيد بيتضايق لأنه ما يقدر يسوي شيء ، بيحس أنه مو رجال لكن فرصة تعرف من الآن صاحبتك عشان تنفصل عنه ولا تضيع عمرها عليه ..
راغده:.......
ام حسن اخذت صحن الفطور وقفت : يلا استأذنك طال عمرك تشوفين شغلك ..
راغده:الله يحفظك ..
خلصت شغلها وعلى العصرية توجهت للعيادة عند الدكتورة سلمى ..
بتوتر: دكتورة انا خايفة ..
د.سلمى: أنتي مش متعاونة معي راغده ، أنا علمتك ان لابد تتعودين عليه لكن بسرعة صار الزواج وأنتي غطيتي ماعاد جيتي وتجين الآن تقولين وضعي صار مكشوف .. راغده افهميني الرجل مهما وش كان نوعه لا يمكن يتقبل امرأة لمسها واحد ثاني حتى لو كان رغما عنها ..
راغده بحزن: ايش ذنبي .. وآيش ذنبه بألي يصير ذه كله ..
د.سلمى اخذت نفس عميق: راغده خلينا نشتغل على اليوم و أريدك توعديني أنك ماتقطعين وما تسوين اشياء عكس كلامي .. طلال مو غبي عشان ما يعرف او يشك بسبب تصرفاتك ..
راغده بربكة وخوف: يعني ايش اسوي ، دكتورة انا خايفة طلال يتركني ..
د.سلمى: مابيعرف طالمة أنتي توضحين له شكوكه ، وكأنك تقولين له طلال شوف وأعرف ..
راغده تنهدت بحزن: غصب عني كل شيء يا دكتورة انا خايفة إن كل يوم عن يوم طلال يعرف ووقتها ما يحتاج انا أعلمه لاني تأخرت ..
د.سلمى: انا ما اعرف طلال لكن اقدر ااكد لك أن الرجال والنساء الي يجون هنا يشتكون من شيء مؤكد ان الرجل لو انه لوح لا يمكن يقبل ان لزوجته تكون معها علاقة سابقة لو علاقة شريفة فما بالك لو كان إغتصاب .. هو صح لو صار شيء بينكم ما بيعرف ورغم حقارة خالك لكن زين وفكر أنك بكر ومايصير يخليك ثيب فـ قال يجيك ..
راغده قاطعتها بقرف وبين دموعها: خلاص دكتورة انا ماعاد اتكلم بهالشيء
حتى بيني وبين نفسي ، بيوم الزواج كأني شفت بدر بطلال غصب أني .." وهي تحاول تنطق الحروف " أخاف ، عقدني حسبي الله ونعم الوكيل .. أنا منيب عارفة لو عرف طلال آيش ممكن بيسوي ..
د.سلمى: مابيسوي شيء غير انه بيسلمك صك الطلاق ..
راغده تهز راسها بالنفي: لا لا طلال يحبني ما بيتركني ..
د.سلمى:وأمك ؟ مو تركتك! ليه أنتي كذا ! راغده عاونيني عشان اعاونك وتغلبي على خوفك ، زين أن بدر عرف حدوده ولا عاد سو لك مصيبة أو حاول فيك .. الحمدلله لا يتصل لا يزورك لا شيء يسوي ، طلال جاني قبل مثل الخبل وكان شكوكه في محله بس ما بينت له ونهيت عن أفكاره المجنونة بس ما أقدر أكذب لو جاني وسألني .. ارجوك راغده خذي الأمر بجدية وأنا بساعدك ..
راغده هزت رأسها بالايجاب وهي تمسح دموعها: طيب أنا اوعدك أني بحاول ..
.
.
.
رجعت البيت شافت طلال بالصالة وبابتسامة: مساء الخير ..
طلال: مساء النور ، تأخرتي مرة ..
راغده: اعتذر كان معي موعد وبس خلصت جيت بس ساعة ويستوي العشاء ..
شلحت عبايتها وتوجهت للمطبخ كانت ماريان معها ودخلت الدجاج بالفرن ونقعت الرز
صعدت فوق لبست قميص روز بلون الأزرق النيلي ورفعت شعرها ذيل حصان ومن قدام رخته وحلق ناعم واسوارة فضية ..
تعطرت بعطرها المفضل ..
ونزلت تحت سريع
وهي تعد الشوربة وبحيرة: كذا كافي ولا ازيد ماي احسها ثقيلة شوي ..
ماريان جات بتفتح فمها إلا بصوته: لا ممنوع المساعدات ..
طلال وهو يناظرها من فوق لتحت اخفى بسمته: هلا جدتي ..
راغده: جدتي!
طلال: على قميصك ..
راغده: ايوه هذا على طلب جدي ..
طلال: بس ماقلت لك ألبسي كذا ..
راغده" صدق متناقض وش ألبس له يعني ! هذا القمصان ألي كنت ألبسها لما كنت ببيت عمي عشان خالي بدر "
صار يحرك الطنجرة : انا بس أتبع التعليمات لو صح او خطاء ما بتكلم ..
راغده رفعت حاجبها: أصلا ما احتاج اشورك بشيء أنا أعرف وش بيكون الطعم ..
طلال وهو يمسك يدها: بهاليد ذي ..
راغده استغربت من صمته وطريقة نظراته ليدها " اكيد جذبته الاسوارة" عجبتك الأسوارة ؟
طلال " انعم يد امسكها بحياتي ": وش بيجي منها يدك ..
راغده بثقة: كل شيء زين ، وش وضعك هنا ؟ تنتقدني وبس روح ارتاح كل شيء بيجهز بعد ربع ساعة ..
طلال جلس بكرسي المطبخ: وهذا ذي قعدة ، أنا وش ألي يضمن لي أن ماتقوم بالطبخ ماريان ! مافي شيء يثبت انك طبختي لحالك إلا اذا كنت معك واشرف بنفسي ..
راغده بلا مبالاة: عادي انا واثقة من قدراتي على أي حال ..
صارت تروح وتجي وتضبط السلطة وعينه تقرابها بصمت وهو يشوفها محتاسه ولما طفت النار على الاكل قام: بنتظرك بغرفة الطعام ..
راغده تتحلطم وماريان شالت الصحون وراغده تنظم السفرة
طلال اول ما شاف الأكل ونظرات التعجب والاستغراب بوجهه لاحظت راغده هالشيء ...راغده جلست جنبه: الشكل مو دليل ..
طلال أخذ لقمة من الرز وأكل بصمت
راغده كانت تنتظر رايه وبحماس: هاه وش رايك ؟ والشوربة كيف والدجاج ..
طلال: الشوربة كثرتي الكركم فيها صار لونها اصفر بزيادة والطعم لابأس به والمعكرونة لسان العصفور ما أستوت باقي اعطي نسبة 4 من 10
والرز الأبيض كأني اكل رز من فيتنام معجون بالمرة سلقتي الرز بزيادة 2 من 10 ..
والدجاج .. " اخذ لقمة " محترق شوي ومالح وينقصه بهار اعطيه 5 من 10 ..
راغده غضت شفتها بقهر: أنا قلت مابطبخ لو ما أنت ألي لزمت علي ..
طلال: طبعا .. لازم تتعلمين ومثل ماقلتي لخالتي أن التواصل الاجتماعي ماخل لأحد عذر ..
راغده بنفس قهرها: ليتني ما نطقتها ..
واخذت تسكب بصحنها وتأكل ..
طلال كتم ضحكته: ليه ما تتقبلين النقد يا جدة ؟
راغده تجاهلته ..
طلال صار يأكل ويناظر فيها وحب يغيضها زود: الدنيا محتاسة ما أعرف هل بيجيني إعصار في المعدة ولا ..
راغده :............
طلال بعد صمت دام دقيقة: أخاف يجيني الضغط الله يستر ويحمينا يارب ..
راغده ضربت الملعقة بالصحن وبنفاذ صبر: الرسول الكريم ماعاب طعام قط ، لو ما عجبك الأكل لا تأكل ولو ماعجبك كوني مبتدئة وتو أطبخ لا تطلب مني اطبخ والخدامة موجودة قل لها وهي ما بتقصر تراها أحسن مني .. وأول طبخ لي وش تتوقعه يكون يا قوردن رمزي ..
وقامت من السفرة وهي تجر وراها الخيبة والانكسار ..
طلال " ول جمرة " قام وراها وجاء بيدخل إلا سكرت الغرفة بوجهه : افتحي الباب راغده ..
راغده بعصبية: لا وألف لا .. رح اطبخ لك ولا أطلب من المطعم انا طباخي سيء ..
طلال بضحكة: طب خليني اتفاهم معك ياجدتي ..
راغده شافت نفسها بالمرآية وشلحت ملابسها بعنف ولبست روب بيت قطني ماسك عليها بلون الأورنج بطباعة ورود صغيرة بلون السكري وبأكمام حاير ..
طلال من عند الباب: خلاص راغده افتحي الباب واتفاهم معي
وانا بنفسي بعلمك اخطائك عشان ماتكررينها بالطبخ من جديد ..
راغده بنفاذ صبر فتحت الباب: أنت ليه ماتسكت ؟ خلاص أنا فاشلة ليه تتعب نفسك وياي ..
طلال يشوفها لبسها ألي معطيها شكل اصغر بالسن
راغده كفتت يدها: خير وش عندك قول الي معك وانا قلت ألي معي , طبخ منيب طابخة
طلال ابتسم على شكلها وحب ينرفزها: كان شكل الجدة عليك ضابط ..
راغده فتحت عينها على الآخر واخذت وسادة من السرير وحذفتها وجات بوجهه : أنت زودتها ..
طلال مسك الوسادة ورجع حذفها ولا صادتها: ما تستحين ترمينها بوجه زوجك ..
راغده: واكسر رأسه بعد ..
طلال يتوجه لها: أنت بعلمك الأحترام ..
راغده ترجع على ورى: أنا ما غلطت أنت ألي بديت ..
طلال جاء بيمسكها إلا تبعد عنه وتطلع من الغرفة وهي تصارخ بحماس ونزلت من الدرج إلا تشوف أمها وريهام بوجها هدأت سرعتها
طلال شافهم من بعيد ونزل بخطوات ثابتة ..
ام عبدالعزيز تناظرها: خلي عنك اللعب في سالفة جيتك عشانها ..
راغده تناظر بطلال من بعيد والتفتت لامها ولاختها: حياكم بالمكتب ..
مشت ودخلو وراها
راغده جلست بمكتبها: خير يمه ..
ام عبدالعزيز: وين بيجي الخير من وراك ..
ريهام باندفاع: يمه ماجينا عشان هالشيء .. سمعي راغده من الآخر كذا مها عرفت أن حمود معه علاقة اكيده بوحدة
راغده: مو انتي قلتي لي أنها كانت تعرف وش ألي تغير الان ..
ريهام: ألي تغير أنها تأكدت وأمس جات تقول أنه بعلاقة حب ..
ام عبدالعزيز: وناوية على الطلاق ..
راغده وسعت عينها: مو هذا افضل لهم !
ام عبدالعزيز: لا اكيد انتي استخفيتي وش طلاقه بعد وبينهم بنت ..
راغده: يكون بينهم بنت ولا جيش عيال ، يمه لا تكذبين على نفسك حمود مو رايدها ..ولا ماكان حب غيرها ..
ام عبدالعزيز: إذا كان على الحب ما كان عاشت اغلب الحريم مع رجالهم كان اغلب الشعب مطلق ، ممكن تكون هفوة وطيش شباب ..
راغده تنهدت: وايش ألي بيدي أسويه وبسويه ..
ام عبدالعزيز انك تكلمينها .. وتقولين ايش هو شعور البنت من دون أب .. وتغير قرارها المجنون ذه ..
ريهام: جربي مو خسرانة شيء راغده ، طول عمرك مثلي الأعلى بالاقناع ..
راغده: خلاص تمام لا تشغلينها بكره أنا بطلع معها وبشوف وش عندها .. هي إذا شافتك مشغولة بشيء تشاركك فيه ..
ام عبدالعزيز بحنان: قلبها علي لبى روحها ..
راغده وقفت: لا تشيلون هم أنا بنفسي بتفاهم معها ومابيصير إلا كل خير ..
وطلعوا من البيت ..
جلست بمكتبها وهي تفكر بأشياء كثيرة .. ويرن جوالها استغربت من اتصاله وردت : اهلين ..
أبو عبدالعزيز: جاوبي بنعم أو لا .. أمك عندك ؟
راغده: لا ..
ابو عبدالعزيز: علمتيها عن زواج حمود
راغده: لا
ابو عبدالعزيز تنهد براحة: لا عاد تعلمينها بشيء ، امك بخور السوق واخاف تخورها مهما وش ماكان لا تثبتي أنه متزوج او على علاقة .. وأنا مثل ما سعيت إن الإجازة ماتتم بعد كم يوم راح اشوفها واسعى انه بتتم الموافقة عليها ..
راغده: ان كانك داق علي بهالوقت عشان خوفك فـ تطمن أنا منيب غبية .. وراح احرص أن الموضوع يكون بيني وبينك مهما وش ماكان ..
ابو عبدالعزيز: اتصلت بي عبير من شوي وقالت انك بتكلميها اقنعيها ترجع لبيت زوجها ..
راغده بسخرية : بيت ! اي بيت ألي تتكلم عنه ..
ابو عبدالعزيز قاطعها: أنتي تحبين مها ؟
راغده: أكيد احبها ..
ابو عبدالعزيز: وانا احبها اكثر منك ..
فـ أنتي اثري عليها بالكلام ..
راغده: بكرة بتجيك العلوم .. استأذنك ..
سكرت منه وفي بالها أكثر من حوار " اذا احتاجني و بغى مني شيء قام يتودد ويلين معي بالحوار وهو حية موسى "
غمضت عينها ببطء وتنهدت شافت طلال بوجها : .....
طلال جلس قبالها : صار شيء جديد ؟
راغده ألي كانت تناظر بطلال وببالها ان مهما كان الزوج مثالي وزين تظل مشاكل اهل الزوجة شيء خاص وكان لابد تختلق كذبة : امي اتصلت بي كذا مرة ما انتبهت جات عندي ظنت ان فيني شيء والسالفة هي ان اختي مها زعلانة مني بقوة لأني نسيت عيد ميلاد بنتها جوان .. والله يعيني بكره هدية مع اعتذار ..
طلال هز رأسه بعدم اقتناع
.
.
بالمطعم ..
راغده تشوف المنيو: وش ودك تتعشين ؟
مها: لو ما لزمتي علي ما كنت جيت يا راغده ، تعرفي ايش يعني زوجك يخونك ؟
راغده أشرت للجارسون وقالت طلبهم
مها تناظر فيها بقهر: ما ألومك على هالبرود ..
راغده: سألتك وما رديتي .. قلت اطلب عنك ..
مها: وش عندك مستعجلة .. الحبيب ينتظرك ؟
راغده: لا عند اهله من رجعت من الدوام ما شفته هو مشغول وأنا مشغولة .. خلك مني مو هذا موضوعنا .. ايش قصة خيانة زوجك ذي ألي طالعه فيها !
مها بحزن: تصوري يا راغده سمعت يتغزل بـ حبيبته وقريت محادثتهم مع بعض وكنت بقرأ أكثر لو ما هو طلع من الحمام .. ماتصورت بيوم أن حمود يعرف يقول هالكلام وأنا حتى كلمة حبيبتي ما يعرف يقولها لي .. واذا حاولت معه يقول أنا رجل عملي وما أحب هالسوالف ..
راغده تغير وجها لحزن: مها حبيبي مو ممكن سبب اتجاة زوجك لهالاتجاه بسبب بعدك عنه !؟
مها: أنتي عارفه أمي وأبوي
راغده قاطعتها: لا مها .. اتركيهم عنك هم لهم حياتهم ولك أنتي حياتك لا تخلين عمي فؤاد يتدخل بحياتك أو حتى يأثر عليك ولا حتى أمي ، مو لازم كل خميس تحضرين هالجمعية ..
مها: تظنين ودي أروح ! أنا بس اطير الزهق واتسلى وياهم لأن حمود ماخذه شغله بشكل كبير اقول له بترجع اليوم لدوام يقول لا معي مناوبة ومدري وش وانا ادري انه كذاب بس ليه يتصرف كذا معي وش جاه مني ! وليه يخون وهو بنفسه ألي باعدني عنه .. حتى عند أهله يقول لا تروحي الا بالمناسبات خصوصا لما صاروا يسألوني لسه ماحملتي بعد جوان وهو شافها عذر عشان ما أحضر ..
راغده: طيب أهله وش رأيهم بموضوعكم سوا ؟
مها: مافهمتك ..
راغده: أقصد مافكرتي بيوم تنفصلين عنه !
مها بسخرية: مو أنا الآن وياه نعتبر منفصلين من زمان بس طلاق مافكرت فيه الا الآن ..
راغده: وجوان ؟
مها تنهدت بحزن: مو هذا ألي كاسر ظهري غيرها ، هو صح حمود هاملني بس بنته يتصل بها يوميا يشوف وش ينقصها ووش محتاجة ..
جاء القارسون وحط طلبهم ..
وبعد صمت دام دقيقة
مها: طالمة ما يريدني ليه تزوجني ! ليه خلاني أجيبها طالمة معاملته باردة لي ..ليه ما يبان كل شيء قبل الزواج راغده ..
راغده: في بعض الأنفس ما تبان ولا تنعرف إلا لما تعاشرينها ببيت واحد ، في أنفس تظهر لك وجه جديد ومختلف وتمثل بـ أتقان أنها زينة ولما يتفرد بك يظهر وجهه القبيح ..
مها ألي حست ان كلام راغده ملموس لمعت عينها: يعني أنا وش اسوي الآن ..
راغده: أنا ما اعرف كيف كانت حياتكم قبل لكن ألي بسألك اياه .. متى حسيتي بالفرحة مع حمود ؟ او حسيتي بجد انه يحبك ..
مها: ولا يوم .. تصدقين راغده احيانا احس انه مجبر على الزواج مني ولما كلمته قال لي مجرد احاسيس كاذبة او اني اتوهم .. ما في موقف حسيت بحبه حتى لما ولدت بجوان هو كان بس يتطمن على جوان ماكان يجيني أنا ..
راغده " معقولة الأنسان اذا كان يحب انسان ثاني يوصل لهالمرحلة ! على كذا طلال بجد يحبني ! "
مها كملت: لا يغرك كلامه المعسول يا راغده الشدة تبين صدق الكلمات ألي كان يقولها .. طلال او حمود او اي رجل يقدر يخون لو تسنت له الفرصة انا صح ما اعرف حمود متى خانني مع البنت ألي يكلمها انما أنا واثقة انه انسان ثاني معها وهي تشكره على الهدية يعني في بينهم لقاء والله وحده يعلم وش صار بعد ..
راغده حست بتأنيب الضمير لأختها: ولو قدر الله وعرفتي بيوم أنه متزوج ايش ممكن تسوين ..؟
مها سرحت بوجهي وبشك: أنتي تعرفين شيء أنا ما أعرفه ؟
راغده باندفاع: لا لا بس اسأل عن شعورك وايش بيكون موقف ..
مها: وقتها أنا من طريق وهو من طريق .. وحان الوقت ألي اهتم واحب نفسي ..
راغده: ابدئي من الآن مها عشانك مو عشانه .. وخلي زيارتك لبيت أبوك بالوقت ألي ما يكون فيه برا .. ولو زودها كلا برا قولي انك بالبيت ولحالك مع جوان ..
مها: تعتقدي انه يفيد ؟
راغده: مو عشانه يا مها عشانك انتي وعشان بنتك .. لو بيوم بنتك سألت ايش سبب انفصالكم يكون انتي عداك العيب وتحط اللوم على ابوها مو عليك ..
مها هزت رأسها بالايجاب وبعد صمت دام دقيقة : اجل اخبارك مع طلال .. يعني صدق لما قالوا تزوجوا عن حب ولا مثل ما قالوا يصير طلاق وشك ..
راغده: الحمدلله أمورنا زينة ربي لك المنة والفضل ، ما تدرين قد ايش أنا مبسوطة ومرتاحة ..
مها بابتسامة: الحمدلله .. اجل وش صار بيوم زواجك ..
راغده تغير معالم وجها ..
مها بضحكة: وش فيه وجهك تغير هههههه لاتعلميني المستخبي لانه حرام اقصد علميني بموقف مضحك صار ..
راغده وهي تفتكر ألي صار وبابتسامة باهته: ما صار موقف ..
مها: ولا بـ أيامكم الي بعدها ! هالأيام ذي ما تتطوف يا راغده وتظلين تذكرينها حتى لو بعد عشر سنين ، وألبوم صوركم ماورتيني إياه " تنهدت " احس أن الصور وجدت عشان تذكرنا كيف كنا مبسوطين قبل ..
راغده ألتمست حزن بصوت أختها وحبت تغير الموضوع: إلا ماقلتي لي .. متى ودك تسيرين علي انتي وجوان وريهام ، اشتقت لأجواءنا قبل ما انتقل .. سهرة بنات للفجر ..
مها: ليه انتقلتي راغده ! كنتي انتقلتي لما تزوجتي مو من قبل ..
راغده تنهدت " ماكنت بنتقل ولا فكرت لو ما فعايل خالك النجس "
مها: شفت طبخك بالسناب يا راغده الصراحة شيء ..
راغده: تتريقين علي !
مها: هههههه لا أبد بس واضح متعوب عليه ..
راغده بابتسامة: بعزم صاحباتي على الأسبوع الجاي طالمة الاجواء حلوة نشوي ونفلها وحياك انتي وريهام ..
مها ردت لها الابتسامة: تمام .. بس مو عدله توك وتعزمين ..انتظري لما يخلص شهر عسلكم ..
راغده: اي شهر عسل انتي بعد ، البركة في أبوك ..
مها: ليه وش مسوي ؟
راغده: أبد ولا شيء بس تبدأ بإذن الله بروح ..
مها: حجزتي !
راغده: لسـى ..
مها: مو مشكلة قبل لا تبدأ إجازته احجزي ونظمي كل شيء .. لاندونيسيا ها ..
راغده: طبعا ..
مها: عسى ربي يهنيكم ويسعدكم ..
راغده: طالمة ان طلال عند أهله وعند عمانه إيش رأيك تجين انتي وريهام لعندي بجلس لحالي بالبيت ..
مها: تمام ماعندي مشكلة ..
راغده اتصلت بريهام ورحبت بالفكرة وقامت: انا بقوم اطلب لها أكلي انتي على بال ما ارجع ..
مها: طبعا خذي راحتك
على الساعة ٩ ..
تجمعوا الخوات ولبسوا بيجامات بألوان فرحة
راغده سماوي
ريهام وردي
مها أصفر
وتجمعوا بالمجلس وقفلوا الباب
ريهام بحماس: هذا الجمعه الصح مو جمعيات امك ..
مها: عيب ريهام ..
ريهام: وانا صادقة " التفتت لراغده " وين الخمر والميسر ..
راغده ومها: ههههههههههههههه ..
راغده قامت: قوموا نتساعد نسوي تغميسات لشيبس يام الخمر انتي ..
قاموا معها البنات وحضروا اغراض السهرة مع مشروب كوكتيل صنعوا بأنفسهم وداخله نعناع وشرايح رفيعة ليمون اصفر ..
ورجعوا لمقرهم ..
ريهام بحماس وش رأيكم نلعب لعبة .. بس مايصير فيها كذب .. موافقين
راغده ومها: موافقين ..
.
.
وصلو الفندق ..
وبالجناح حقهم كان مجهز للعرسان ..
جنان بفرحة: وآي سطام وأخيرا بنجلس لحالنا لا احد يدق الباب ولا شيء ..
سطام باس يدها: ولا ازعاج امك وابوك ..
جنان خذت جوالها وخلته صامت: وهذا سكرنا الجوال ..
سطام بحب: واخيرا صرتي لي احس كاني عريس بليلة الدخلة ..
جنان بدلع: اجل خلاص شد على حالك وخلص الشقة وبسرعة بنسوي زواجنا ..
سطام: لو الود ودي يا جنو خلصتها من الآن لكن حكم القوي على الضغيف " وبغمزة" ما ودك تصيرين مثل زوجة طلال متكفلة بكل شيء ..
جنان كشرت بوجها: هي ماشاء الله معها فلوس ولا تنسى هي كبيرة بالعمر ..
سطام: محظوظ طلال فيها والله مابيخسر شيء
..
جنان ضربته بخفة : يعني أنا ألي خسرتك ها ..
سطام بضحكة: امزح معك ..
جنان بدلع: لا لا زعلت ..
سطام بذوبان: ترى اتهور جنان ..
جنان باندفاع: لا لا ..
سطام: اي اعقلي ..
جنان شلحت عبايتها كانت لابسة فستان ناعم بأكمام طويلة بلون الموف .. فردت شعرها البني القصير
سطام ذاب بشكلها وصار يتفحصها بنظرة ، جنان نزلت راسها بخجل: وبعدين معك سطام ..
سطام اقترب منها وباس جبينها: اللهم الثبات ..
جنان بخجل تغير الموضوع: اجل متى بيجي العشاء ..
سطام بخبث: العشاء نصبر عليه شوي لاحقين ..
............^,*……………………………� �…………………. …………
..................................
.
.
.
ام فهد: اجل وش باقي على الشقة ؟
ميس: شكلهم مطولين ..
ام اسيل: اليوم راحت جنان مع سطام يأثثون ما باقي شيء ..
ام فهد: نفرح فيهم يارب ..
ميس ترفع يدها لفوق: ويارب تفرح اهلي فيني ..
الكل: ههههههههه
ام فهد : مدري وش في البنات مطيورات على الزواج ..
ام اسيل بضحكة: مو بس هي حتى العيال .. قبل كنا نستحي بس يجيبون سيرة الزواج " تنهدت" اييييي ايام ولت ..
ام فهد: الله يستر عليهم بس ..
ميس قامت: بروح اشوف طلول ..
ام اسيل بغرابة: هو هنا ! مع على اساس بيسافرون .. !
ام فهد: العالم الله ان مافي سفر شافوه الجماعة انه يداوم ..
ام اسيل: بسم الله ليكون صار شيء بينهم !
ام فهد: من ألي شفناه أن ما بينهم إلا كل خير والمستخبي حا يبان لاتستعجلين ، واضح ان في شيء بس مابعد تطلع ريحته ..
ام اسيل: الله يعين بس يا أم فهد ، ممكن مامعهم فلوس السفرة ..
ام فهد: ممكن هي ألي قالت له وفر فلوس السفرة .. التجار والي معهم فلوس معروفين بخلاء وتفكيرهم بالمادة قبل كل شيء ..
.
.
راغده فرطت ضحك: ههههههههه بس خلاص ..
ريهام بقهر: وانتي اسألتك كلا رياضيات ..
مها: مالك حق تعارضين جاوبي وبس ..
ريهام: غلطانين ندخلك باللعبة معنا ..
مها تريد تغيظها: اي ماتعرفين حتى بالضرب رغم انه سهل ..
ريهام تتجاهلها: راغده أساليني اسألتك احلى من استاذة مها ..
راغده تمسح دموعها: قسم دوختوني انتوا فلة صراحة ، يلا نرجع للعبة ..
إلا بـ إتصال ام عبدالعزيز
ريهام بخيبة: يا ربي تو تحلو الجلسة .
.
راغده قامت : يلا أجل لبسوا عبايتكم بوصلكم ..
الا بدقة باب المجلس فتحت الباب راغده وبوجها امها
مها بضحكة: ماحد يسبق امي باي شيء ..
ريهام مدت بوزها: يـــــا ربي ..
ام عبدالعزيز وهي تشوف المكان : مسويين حفلة اجل ..
راغده:.........
قامت ريهام ومها لبسوا عبايتهم وطلعوا من عندها ..
طلعت من المجلس شافت رسالة من ريهام " واضح أن أمي زعلت ممكن لأنك ماعلمتيها "
قرأت الرسالة بصمت وبملامح حزينة
سكبت لها كوب ماي كبير وشربته على دفعات ..
ما هي إلا لحظات حتى جاء طلال شافها سارحه لدرجة أنها ما انتبهت لدخوله وبصوت مسموع: احــمم ..
راغده أنتبهت له ألتفت وبوجها ابتسامة ود: نورت البيت
طلال رد لها الابتسامة وجلس جنبها : كيفه حبيبي اليوم ؟ وكيف كانت السهرة ..؟
راغده سندت راسها بكتفه العريض وضمت ذراعه المشدوده وبهمس مسموع: جدا يا طلال ..
طلال التفت لها: وليه سرحانة اجل ؟
راغده: في اشياء كثيرة ومهيب مهمة ، تعشيت ؟
طلال: أي الحمدلله ..
راغده: بنسافر طلال ..
طلال : عمك رضى علينا ؟
راغده: اي الحمدلله .. بتجيك الموافقة على الإجازة السنوية ..
.
.
.
جوا السيارة تناظر بيتهم ..
استغرب انها مانزلت: وش فيك حبيبي ؟
جنان بلوم: لو أنك صابر ماكان صار ألي صار سطام ..
سطام: حياتي انا زوجك بس كتب الكتاب ذه شكليات ولا انا اعتبر زوجك خلاص مافي إحراج أو حياء ..
جنان: اخاف اهلي يدرون
سطام: لا تخافي ولا شيء والزواج بيصير بالكثير شهر ..
جنان تنهدت : الله كريم
سطام لاحظت توترها وخوفها وبابتسامة: جنان تطمني ما أحد بيعرف طالمة ماتكلمنا وذه بيني وبينك صح حبيبي ..
جنان: صح .. يلا بنزل الان
سطام: الله يحفظك ..
نزلت وصارت تمشي بأطراف أصابع رجلها إلا بصوت يجمدها ..
ام اسيل بحده: عارفه كم الساعة الآن ؟
جنان ناظرت أمها وبلبكة: أدري بس سطام الله يصلحه قال لي بعد مانختار الأثاث نتمشى على البحر وبس شفت الساعة بتجي ١٢ على طول قلت له نرجع للبيت ..
ام اسيل: كلميه وقولي هذه اخر مرة اطلع معك لحالي لان امي تخاف وتدرين يا بنتي ممكن يصير شيء ولا شيء والشيطان شاطر ..
جنان: لو صار لا قدر الله هو زوجي ..
ام اسيل: أدري بس ولو ، مو من عاداتنا وتقاليدنا يريدك يجهز الشقة ولو باغي بعد بدون عرس عادي بس نشهر زواجكم بذبيحة غير ذلك ينسى ..
جنان: طيب انا بصعد فوق تامرين بشيء ..
ام اسيل: اي .. وريني الاثاث الي اخترتيه ..
جنان طلعت الجوال من شنطتها وورتها صور الاثاث وهي تحاول تخفي لبكتها ..
ام اسيل: اي اختاري الشيء الغالي ، ولا عليك منه ، ابوك الي ارخص فيك عشانه ولد عمك عشتوا .. اكسري ظهره بالاثاث ..
جنان: اي بالله اخترت غالي لنا ولزمن بعد ..
ام اسيل: كفو ..
.
.
.
التفتت لها: حرام عليك يا اسراء .. الرجال تزوج وش لك فيه بعد ؟
اسراء: احين أنا ألي صرت الشريرة بعينك ! مو هي ألي اخذته مني ..
اثير بسخرية: على اساس هو صبر عليك لما تخلصي دراستك بحايل وترجعين ، شوفي كتب كتابه وتزوج وانتي بعيدة وش معناها؟
اسراء: معناها ان السوسة هي ألي جرته لها وممكن مهددته وماسكه عليه ممسك .. وهي ولا همها ماقالت حرام افرق بين حبيبين ..
اثير: ههههههههه اي حلمي حلمي، اصلا امك ما بتوافق تتزوجين مطلق او ارمل يعني من كل الجهات انسيه ان عاشت او ماتت راغده ، امي ما بتوافق عليه ..
اسراء رفعت حاجبها وبثقة: تطمني يا روحي .. امي اذا شافت حالتي تعبانه واني ما بتزوج إلا طلال وقتها هي الي بتقول خلاص تزوجيه لو أنه وش كان ..
اثير بضحكة: اي اي الحلم ببلاش .. هههههههه ..
.
.
بتردد: طيب ياعمي طيب .. أنا متوجه للبيت الآن ..
سكر منه وناظر فيها : ام جوان رجعت البيت ..
بدريه بصدمة: آيش؟
حمود بحيرة: مدري وش براسها ..
بدرية بقهر: عمك الزفت هو السبب ألي محشي رأس بنته واكيد هو ألي اقنعها انها ترجع البيت ..
حمود حط يده بذقنه وبتفكير: مدري وش براسهم .. أنا بروح وأشوف وش عندها ..
بدريه بقلق: انا خايفة يا حمود أن بعد كل ذه أنت ..
حمود قاطعها: لا تكملين يا بدريه أنا لا يمكن اتركك وانتي عارفه هالشيء لكن الشك والغيرة بقلبك
حبك متملكني يا بدرية افهمي حتى اني رفضت اي ارتباط فيها اكثر من جوان .. حتى لما ولدت مافرحت قد مافرحت ان جاني ابن منك ..
بدرية بين دموعها: حسبي الله ونعم الوكيل في ألي كان السبب في تعاستي ..
حمود تنهد: يلا قومي البسي عباتك ما بتركم كذا ممكن يصير شيء بغيابي باخذك لبيت اهلك ومنيب مطول ..
.
.
.
فتح باب الثلاجة :وش ودك تشربي ؟
راغده: بطني مليان مالي نفس اشرب شيء ..
طلال ناظرها بلوم: افا .. وانا سهرتي تو تبدأ معك ..
راغده بخجل من ردها: طيب اريد بالخوخ ..
طلال اخذ كوبين وصب النصف لهم اثنينهم ..
وجلسوا بالمكتبة ..
طلال التفت لها: قلت أغير جو بدل الحديقة والصالة وغرفة النوم تصير بالمكتبة ..
راغده جلست قباله ..
طلال يناظر فيها وبفضول: المكان هنا مليء بالاسرار ماتشعري بنوع من الغموض !؟
راغده: ايوه بسبب الالوان والايحاء ..
طلال بدون مايناظرها: مثل صاحبة المكتب ..
راغده ناظرته : وش قصدك!؟
طلال رجع ظهره لورى: واضحة راغده ، انتي ما تستأمنيني على أسرارك ..
راغده: وايش تحب تعرف ؟
طلال: اقلها ما تكذبي علي لما اسالك عن شيء قولي ما اريد اقول لك وبس
راغده بلبكة: مامعي أسرار أبدا ، وأنت عارف بس لأن في أشياء مو مستاهله أصلا انها تنذكر ..
طلال اكتفى بالصمت مع بعض النظرات الشك ..
.
.
.
دخلت الشقة وهو يناظر ارجائها وعينه تدورها .. إلا بصوتها البارد: اهلين ..
ألتفت لها وبلبكة: عسى ما ابطيت ؟
مها: لا على موعدك ..
حمود: وين جوان ؟
مها: نامت من ربع ساعة ، أنتظرتك ولا جيت ونامت بلا شعور اخذتها لغرفتها ..
حمود: اها ..
مها: تعشيت ؟
حمود : اي في الدوام ..
مها: عطني جدولك لدوام عشان أعرف متى تكون هنا واتواجد .. ما احب اكون لحالي ..
حمود بلبكة: ومن متى تسألين عن دوامي !
مها: من اليوم ، اعتبر الـخمس سنوات قبل كنت في غفلة الآن من حقي اعرف ولا انت مو حاب ..
حمود باندفاع مع قلق: طبعا حاب يا مها افا عليك ..
مها: وبخصوص محادثتك وعلاقتك مع اي بنت الغيها من اليوم وأنا بعد اهمالي ما بيصير بتغير .. وانت تغير هم عشاني ..
حمود بشك: ليه صار شيء ؟ ردة فعلك قبل مختلفة عن الآن ..
مها تلعب بخاتم صبعها: لأني اخطأت بعد لو خنت ما تنلام .. وابوي واهلي موصيني عليك ..
حمود: يعني افهم من كلامك أنك حا تجلسي ببيتك ..؟
مها: طبعا المهم جدولك يكون معي عشان اكون متواجدة على تواجدك أو بسأل بنفسي واكون متواصلة مع مدير المشفى عن مواعيدك ..
حمود" اسلوبها يدل انها شاك فيني وكأنها تهدد فيني ": طيب لا تشيلي هم أنا بعطيك الجدول ..
مها هزت راسها بصمت ..
.
.
.
في حفلة الشواء
جاو خواتها وصاحباتها وعيالهم وأم عبدالعزيز ..
ريهام تلتقط كذا صورة ..
راغده بضحكة: خلاص جوالك صار مليان بيعلق من التصوير ..
ريهام: اصور اكثر من صورة واختار الزين منهم والباقي احذفه لا تشيلي هم
..
ام عبدالعزيز: الجلسة حلوة بس ينقصها صاحباتي ..
راغده: ماتكفي الطاولة لصاحباتك طاولتي لاعداد محدودة ..
ام عبدالعزيز صدت وجها على الجهة الثانية ..
مها توجهت عند أختها وبهمس: شكلها متضايقة ..
راغده: بتتصالح مع نفسي ، طمنيني انتي وش صار عليك ؟
مها: أبد بالبيت على مواعيده أكون بالبيت بس احسه مو مرتاح ومتضايق من التغيرات ألي صارت لي ، وكلا مشغول بجواله .. بالله هذا ما يخلي الواحد يشك به ؟
راغده: ممكن مشغول بالدوام ..
مها: ولو يا راغده المفروض يخصص لي وقت .. هو ان خصص وقت يكون لجوان يلاعبها ويطلعها عشان يشتري لها حلويات وبس .. اي تواصل بسني وبينه مقطوع لدرجة انه ينام قبلي يقول الدوام محتاجينه قبل موعده مستحيل وش هالتسيب يحسسني انه جراح الأخ ..
راغده تغيرت معالم وجها لحزن " معقولة الرجال لكان عاشق ومحب ما يقدر يخون ويخلص عشان حبيبه على قد ما يقدر ! " : طيب وعمي يدري؟
مها: ابوي يسألني عن علومه وهل هو زين وياي او لا .. اقول اي تمام اضطر اكذب عشان ما اشغل باله ، اعرفه يتضايق من ضيقتي قبل عاذر حمود الان لا ..
راغده:..........
مها: ما علينا .. صاحبتك فرح وش فيها كأنها مريضة ! تمشي بشويش وكلا جالسة ووجها اصفر وش سالفتها ؟
راغده: حتى أنا لاحظت ان فيها شيء خفت اسألها واجرحها مسكينة هلكتها المنشطات ..
مها: الله يرزقها ويعينها يارب ، اقول متى ودك تحملين ؟
راغده تغير معالم وجها: وش قصدك ؟
مها: لا تزعلي مني راغده بس تحملين بالثلاثين ولا بالأربعينيات وطلال اكيد يريد ولد او بنت ..
راغده: ماقد تكلمت بهالموضوع مع طلال ..
مها: لان توكم بس لما تعدي السنة تفكرون غصب يا راغده ، ذي غريزة بالإنسان وأنا أشوف ان الافضل ما تزودونها عن السنة " مسكت يدها " سامحيني لو تدخلت بس نفسي اشوف عيالك ولا ودي تقولين طافني القطار او شيء من هالقبيل ..
راغده سرحت بتفكيرها وهي تفكر بكلام مها ..
بعد ربع ساعة رجعت لاختها وبهمس: بشري وش صار على السفرة والاجازة ؟
راغده: هالاسبوع إن شاء الله تجي إجازته وعلى موعد الطيارة ..
مها بحماس: إلى جزيرة بالي يهـــووو ..
راغده: ههههههههه ..
مها: ولا تنسي الصور والله لازعل منك..
راغده: بصير مثل ريهام واصور كثير..
ريهام اقتربت منهم: كأني سمعت اسمي ..
راغده ومها بآن واحد: جبنا سيرة الأط آم ينط .. ههههههههههههههه ..
ريهام: بسم الله .. وش فيكم ..؟
مها فرطت ضحك: حلووة قلناها بآن واحد ..
راغده: هههههه صدفة حلوة ..
ريهام: اتركوا الهبل أمي مسكت صاحباتك واشتد الحوار بينهم اخاف تصير هوشة ..
راغده اشرت بيدها لماريان وتوجهت لعند طاولتهم وجلست: وش خاطركم اي نكهة من المشروبات؟
اختارو مشروباتهم
مريم ناظرت ام عبدالعزيز وبقهر: وش قصدك ؟
مروة: خلاص مريم ..
مريم: لا اريد توضيح ، وش القصد من كلمتها ؟ ايش ! ام رجل !!!
ام عبدالعزيز: جالسة تتكلمين عن الحرية وعن الطلاق وش حلوه وانتي تحت رجلك عيب تخببين وتخربين على صاحباتك .. الي ما يعرفك بيصدق كلامك ..
مريم بانفعال: ها .. ايش قلتي ؟
راغده: ارجوكم هدو هدو ، السالفة ما تستاهل مريم خلاص حبيبي ..
مريم فتحت عينها على الآخر : الان صرت أنا الغلطانة !
راغده اخذت يد مريم وسحبتها لجوا البيت ووقفوا بالصالة: خذي نفس عميق مريم
مريم بحده: ما سمعتي امك وش تقول ؟
راغده: ممكن كانت تعبانه او مش على بعضها احيانا تقط كلام علي يا مريم ..
مريم قاطعتها: انتي بنتها بتسكتي وتتحملين لكن انا مو بنتها عشان تجاوز وتقط علي هالكلام ..
راغده: اتوقع امي قالت هالكلام خايفة ان في كثير يتأثرون بكلامك ويصير مشاكل وطلاق ..
مريم: طيب هذا أنتي ما تأثرتي بكلامي وتزوجتي وعادي ، وهذا فرح سنين تسمع لي ماتطلقت من جواد وراحت حملت ..
راغده: ايش؟ فرح حامل ؟
مريم بلبكة: لااا اقصد راحت تعالج عشان تحمل ولا انتي ما لاحظتي تعبها وكسرة نفسها من هالمنشطات حتى لونها مخطوف ياقلبي راحت حللت من جديد وطلعت مو حامل وهكذا ..
راغده بحزن: انا زودت وجعها لما قلت اجبرتها تحلل ، استغفر الله ..
مريم غيرت الموضوع وتفاعلت معه" زين الأهم ما أجيب العيد " تنهدت: الله يرزقها ، لا تجيبين هالسيرة بوجها انتبهي تتأثر بسرعة رغم أنها تنكر ، مرة ثانية لا تعزمينها جات اليوم هي بس عشان ما تردك كل مرة .. اتركيها ترتاح كذا شهرين خبرك فرح حساسة ومرهفة المشاعر ..
راغده هزت رأسها بتأييد ..
آنتهـــــــى البـــــارت