الفصل 6
لولوة ..
لا لا مو قادرة اتنفس اصلن من البجي بس قاعدا اشاهق بقووووة اخ اانا شسويت
لي متى بتحمل لي متى .. ياربي ياربي ارحمني برحمتك ياربي خذ روحي وفكني من هالعذاب ..!!
تنفست بقوة حيييييل ماقدرت امنع نفسي عن البكااء ليش يسوي فيني جذي يعقوب ليش
انـ ـا شسويتله آآآآآء .. بس خلاص هذا اخر قرار راح اسوي ومالي شغل بعدهاا
لبست يمعت اغراضي كلها وشدعوى من كثرهم .. وو نسيت اقولكم انا الحمدلله
تحجبت ولاول مرة لبست بنطرون جينز وقميص وردي فااتح وملفع دبل فيس وردي لون القميص
والثاني بييج فاتح كان شكله حلوووو مسكت اغراضي كلهاا واخذت الابتوب وبعض الاغراض
الي عطاني اياهم وفلوس الي كل يوم اتيني من عنده وبقوة دخلت غرفة يعقوب وانا افتح الباب
لقيته نايم عالفراش ولاول مرة اشوفه بشكل جذي كااان بدوون بلوزة وشعره طاير لي ورى وشكله
حلووو قام قلبي يدق طبووووول قلت انا بصوت قوي وانا احط كل الاغراض : مشكور يا يعقوب
على كل شي سويته لي .. !!
انا طالعه وبرووووح ومابعد بتشوووف ويهي وهذيله اغراضك والفلوس الي عطيتني اياهم
كان ودي اعطيك الملابس بس انت ادرى ماعندي هدوم اطلع فيها بس لا تخاف
بردهم ان شالله برد لك كل الفلوس الي صرفتها عيل طول هالسنتين
لكن انا تحملت تحملت وايد بس بعد ماقدر اتحمل انت جرحتني واذيتني
كل يوم وانت معذبني حاولت اتقرب منك بس ماكو فايدة ماكو فايدة انت صخر
جماااد عمرك مابتحس يا يعقوووووب . مشككووور مرة ثانيه. . اتمنى لك الشفا والراحه ...!!
ناظرته بنظرة فيها خوووف وألم كأني اتمنى ان يقولي لا تروحين : مع السلامة يا يعقوب
يالي بيوم من الايام كنت اعدك ابــــوي .. !!!!!!
...
.
.
.
.
.
سمعت صووووت اصطدام او طيحه قوية التفت وراي وانا اشوف لكن .. !!
لولوة بصراخ : لاااااااااااااااااااااااا ااااااااااااااااااااااااا اااااااااااااااا .. !!!!!!!!!
..
حســـن ..
يالله كنت مملان من الدوام تلفوني رن رفعته اكييد اموله يا قلبي ولله فديتها
شفته لا ماكانت امل كان رقم غلط طنشت رد دق مرة ثانيه شلته
حـسن : الو
.... : احبك . !!
هاا شسالفه ؟ منو هذا
بارتباك : نعم ؟
... : اموت فيك .. !!
حســن وكأنه عرفت صاحب الصوت : منو وياي ؟
شـــوق بدلع وااضح : حياتك وقلبك وعمرك بعد منو وياك ماعرفتني قلبي؟
حــسن وقلبه يدق بقوة وبعصبيه : شوووق شسالفه شهالكلام عيب
شوووق بزعل ( كذب) : حساااااااااااااااااااااني انا تقولي عييب اانا
حســن وماسك اعصابه : اي انا ريال بتزوج بعد جم يوووم وبرد لحرمتي ومابي
اي كلام او علاقه ثانيه انتي خليتني وخلاص وتزوجتي وريلج لله يرحمه وان شالله تشوفين
وااحد احسن مني يحبج ويااخذج ويالله اخليج انا ..
صكرت بويها كانت بتقول شي بس صكرت اخخ يالقهر هاذي شفيها توه اطلعت وصارت جذي
ولله ولله ياشوق لو انج قايل لي الحقيقه قبل كل هذا جان شفتيني اموت عليج
بس ماقدر انا حبيت امل وبتزوجها ومستحيل افكر بهالشي مرة ثانيه مستحيل .. !!
حاولت اشيل شوق من بالي والتهي بشغلي بس هيهيات .. !!!!!
..
حــــور ..
آآه يا يوسف ااه صارلي فترة جم يوم ماكلمه ولا يكلمني ولا اهم يحزنون الخاين
سمعت الخدامه تقولي في وحدة تبيج عالباب استغربت مني .. امل او لولوة ؟
لا مستحيل جان دقو عليي
قتلها بملل دخليها .. شفتها ادخلت بنت اكثر ماقدر اقول عنه عااديه او اقل من عاديه
سمراا نوعا ماا طوييللله وضعيفااا حيييل ( عصله) .. المهم كاانت تبجي استغربت
قالت لي : انتي حوور
قتلها : اييي
البنت تبجي : انا فررح
حوور بغرابه : منو فرح ؟
فرح بخبث وبكاء طبعا : اأأأه يا حور انا داخله على الله ثم عليج الله يخليييج
الحقيني استريني الله يسترج دنيا واخره لله يخليييييييييييييج .. !!
انا حيل استغربت منها شفيهاا هاذي؟ . اكسرت خاطري قلت لها: امريني اختي شتبيني
شسالفتج ..؟
فرح : انا انــ ـ ـا حاامـــل حاامل من يوسف ريللللللج ريييلج كانت له علاقه وياي
كان يحبني وكنت اموووووت فيييييييه ومرة قالي تعالي براويج الشقه مالت زواجنا
رحت وياه بكل امر وطاعه ولاني امووت فيه ويوم رحت معاها صار الي صار
اغتصبني غصب علي وانتهك شرفي وعرضي .. وحملت منه انا انا شسوي قدام هلي
ولله اني راح امووووت انا ييتلللج دخييييييييييييييل ساعدني لله يرحم والديج ..
واشهقت في بكااااء كبير .. !!
صدمه لا لا مستحيل يوسف يسوي جذي
بصراخ : انتي جذااابه جذااااااااااابه
البنت : لا لا حرام عليييييك انا عندي الدليل
وراوتني تلفونهاا كله صور يوسف واهيا معااه ومسجاات ورقمه عندها استغربت من كل شي
قمت اصارخ واطردها براا وانا صارت فيني حاله هستيريه .. !!!!!!
..
يـــــــوسف ..
رديت البيت بسرعه عقب ماكلمتني الخداامه وقالت لي ان حووور ميته ؟
مت خووف شنو ميته طااح قلبي حسيت نفسي مت روحي رااحت طلعت من الشركة وانا
مادري عن شي
مشيت يمكن 200 او اكثر اقصى سرعه زيين وصلت بدون شي .. !!
ركضت وانا اصارخ ويينها وينهااااااااااااااااااااا ااااا
شفتهااا ممددده بالارض هزيتها مرة مرتين وكانت اتنفس قلت لها : حووووووووور
حوووري حيااااااااتي ردييي حوووووووووووووووووووووور
حوور : ................. !!!!!!
يوسف بصراخ وخووف كبير : ردي تكفين لله يخليج يا حووور ..
قمت واتصلت عالدكتور ياه وقال ان فيها نهيار عصبي .. كله مني كله منييي
قام وعطاني بعض الادويه مع الالتزام بالهدوء والراحه .. !!!
رحت لعندها الغرفة وانا ميت خوف عليها شصار لها فهمت من هيلين اللبنانيه ان
اكو مرة يات لها كلمتها عقبها قامت تصارخ واطردها من البيت ..!!!
اخخ ليكون نـــور .. !!!!!
رحت عندنا : حووور حياتي
حــور بهدوء : اطلع برا
يوسف باصرار : حوووور
حورر : اطلع برااا يوسف
يوسف ماسك اعصابه : قلبي انتي شفيج؟
حووور : يوووووووووووووسف خلاااااااااااااص مابيك اطلع برااا خلني بروحي
وياليت لو اطلقني يكووون افضل واحسن لي ولك ... !!!!
اطلقها؟
نعمم؟
ماسمعت ولله هههااااااااااااااي ضحكتيني .. ولله حلمها حلمها اطلقها .. !!!!
خليتها على راحتها مابي اضغط عليها وطلعت .. !!
مسكت تلفوني بكل قهر ودقيت بعد فترة طويله سمعت .. صوت ريال
: الووو
يوسف احم احم : تلفون نور ؟
الرجل : لاخوي غلطااان .. !!!!
صكرته اخ يالقهر غيرت خطهااااااااااا والا يمككن لعبه يديدة بس انا اعلمج انا اوريج ماتوقعت
ان كل شي عادي عندج ااخخخخخخ .. !!!!!!
ياربي صبرني بس انا بالي طوويييل ولله المستعاان .. !!!!!
...
امـــل ...
رابع مرة ادق عليه ومايرد علي شسالفة شفييه اففف ليكون رد مثل اول؟
لا لا مستحيل حسن مو جذي انا متأكده من حبه لييي ..
تلفوني رن فزيت وياه بلهفه لكن كانت حوور ..
امـل بفرح : هلاا بحوري ..
حور تبجي : امللللللللل اممللل لحقيني لله يخلييج امل
امل بصدمه : شفييج حيااتي شفييج شصاير ؟
حوور بصراخ : خاااين اكرهه ماحبه يا امل مابي اعيش وياه .. !!!
امــل : استهدي بالله وقوليلي شفيج ؟
حور : تعالي لي
امـــل بتفكير : امممم زين عيل ساعه بالكثير ونا عندج .. !!
صكرته من حور ولبست ودقيت للمرة الاخيرة على حسن ولا في رد افففففف . !!!
وصلت لعند حور وعلى طول رحت لها لقيتها بالغرفة شكلها مبهذل شعرها منتثر حوالين
جتوفها ولبسهاا اي شي .. عيونها متفوخه من الصياح والبجي يهه شفيهاا هاذي ؟
اقتربت منها اول مااشافتني يت على طول احضنتني واهيا بس تشاهق وتبجي صراحه
عورت قللبي .. !!!!
..
يعقـــــوب ..
آآه بطلت عيوني وانا اناظر لقيت نفسي بمكان ثاني غير غرفتي بطلت عيوني اكثر
عشان اتأكد انا وين ؟
مكان غريب مو بيتنا شفت ايدي فيها ابرا . !!!
ويني انا ..
التفت حوولي ماافي احد المكاان فااضي ... !!1
دققت اكثر وعرفت اني بالمستشفى .. لييش ؟ ومتى وشلون ؟ !!
لولوة ... !!!
اي لولوة وينهااا حاولت اتذكر اخر شي .. اخر الاحداث صراخي عليهاا
ومصارحتها بكل ماحس فيه تجاها .. <
لولوة تبي تطلع وتخليني .. !! لا مو قاادر اتذكر راسي عورني زيااادة .. !!!
شوي والا دخــل حســن ..
عقدت حواجبي شعرفه اني اهني ؟
حســـن : هلا هلا بيعقوب الحمدلله عالسلاااامة ياخي خوفتنا علييك .. !!
يعقوب : الله يسلمك . شصاير انا متى اهني وليش ومنو يابني .. !!
حســـن بابتسامته المعهودة : والله الي فهمته من لولوة ان انت طحت عليها فجأة
وحاولت تقعدت لكن انت لا استجااابه اتصلت بالاسعاااف ويابووك اهني واهيا اتصلت علي
من تلفوونك وكلمتني واهيا تبجي صراحه مافهمت منها شي وصلت المستشفى وشفتها
بحااله مو طبيعيه تبجي وتصاااارخ وحالتها حااااله اكسرت خااطري ..
يعـقـوب بتردد : أأ يعـ ـنـ ـي لولوة مـ ـاراحـ ـ ـت ؟
حسن بشك : وين راحت ؟
يعقوب بارتبالك : ها ولا مكان .. وينها لولوة الحين ؟
كنت خايف من الاجاابه حييل اخاف حسن عرف كل شي اخاف بعد مالولوة يابتني الطبيب
راحت وخلتني ياربي شسوي .. !!
حســـن بهدوء واهو يرجع ظهره لي ورى : قتلها تروح البيت وخليت السايق يوديها
شيقعدها اهني واهيا من امس اهني .. !!
امــــــــــــــس .. !!
انا من امس اهني ..
يعقوب بتسااؤل : منصججك ؟ انا من امس اهني ؟
حسن يضحك : ههههههههههههههههههههههههه هه اي ولله .. !!
يعقوب حك راسه وقال : تصدق يوعان ..
حســن يبتسم : ادري
يعقوب : قوم ايبلي اكل
حســن : كاهو الاصل
التفت للمكان الي اشر عليه حسن وبالفعل كان في اكل .. اكلت وارتحت وطلبت من حسن
يكلم الدكتور اني اطلع .. رفض الدكتور يقولي ان انت فييك انيميا حااده حيييل
وتحتاج فحووص ومادري شنو .. ولازم اهتم بعمري حييل وماطلع من اي مكاان وان هالدوخه
ممكن اتيلي اذا مالتزمت بالعلاج المطلوب وحاولت فييه حاولت اخر شي طلعت على مسئوليتي
والله بالطقاق انا ماحب المستشفيااات .. !!!!!!
..
امــــل ..
لا لا
مو مصدقه الي تقوله حوور .. معقولة يوسف جذي معقووولة ؟
لو ابوي يدري ؟ شنو بيكون ردة فعله ... هههههههههه ابوي شدعوى هامه احد فينا ..!!
يا حياتي يا حور بعد عمري كل هذا صايرلج والله ان بط جبدي هاليوسف لكن انا اعرف حور
ماتعطي الواحد فرصه يشرح لها ..
امل : حور حياتي استهدي بالله وسمعي الريال حرام لاتظلمينه ترى الظليمه شينه
يمكن اهوا صاج ماعندا هالخرااابيط لا تخربين حيااتج
بصراخ من حوور : مااابييي اسمع من شي اكره مااحبه خااين جذااااااااااااااااااااااا ااب
( بخنقه) يغتصب بناااات ويحملهم ويكلم ويلعب ويقولي انا مظلوووم لاا يا امل
هذاااا حقييييييييييييييييييييييي يييييييييير اكررره .. !!!!!
ماعرفت شسوي صراحه كاسرة خاطري بروحها مسكينه متعذبه زووجوها غصب ويوم
بدت تحبه وكاانت تسولفلي عنه اخر شي طلللع جذي .. !!!
يمكن صج ظالمته حراام تظلمه مني والطريج .. !!
الله يسهل عليج ويرحمج ويسااعدج يا حور ماكان عندي غير الدعاء لهاا وتهديتها .. !!!!!
..
يــــــوسف ..
احس بالقهر قلبي يعورني ماتوقعت الي صار ؟
وماتوقعت ان حوور بيصير فيها جذي ؟
وماتوقعت ان يعقوب مريض ؟
وماتوقعت ان اناا يـــوسف احـــــــــــــــــــــــ ــــــــــــــــب حـــور .. !!!!!!
يالله بالفعل حبيتهاا وعزيتها حيل وماتخيل فكرة ان حور بصوب وانا بصوب ..
انا ماعرف اعبر عن مشاااعري ماعرف ابين لها حبي بس انا بالفعل احبها ..
واشتااق لها ..
وحيل ندماان على الي صار .. لكن حور لازم تفهم لازم تعرف كل شي غصب طييب
لازم تدري ان كل الي سويته كاان انتقااام ليي انا ولاخوي يعقــــوب .. !!
آآه يا يعقوب يا اخوي انا لمن اشوفك ماقدر اتحمل انت متعذب ولولو مالها ذنب .. !!
والله لعن والديج يا نووور اظاهر الفضيحه الي يتج مافادتج وانج اطلقتي قبل بيوم عرس !!!
مسكت تلفوني ودقيت على ( عامر ) واتفقت على الي بسويه عبالها الي سوته يخوفني
او خلاص حياتي بتنهدم بلاج ماعرفتيني ياااا نوور انا منو .. آ!!!!!
..
شـــوق ..
قاعدة وي امي وخواتي ومرت اخوي اففففففففففففففففففففف مليييت .. وفوق هذا كله
مو قادره اخلي حسن يرجعلي .. شفيه علي ؟ حسن يحبني حييل يمووت فيني
انا اعرفه مايقدر على فراقي ... والحين كله من هالسوسه امل.. بس انا يا اهي .. !!
استأذنت من اهلي وصعدت فوووق وشفت حسووني حياتي ناايم امس كمل 3 سنين .!!
آآه على فراااق ابوووه مر بعد 3 سنين .. !!!!
مسكت تلفوني ودقيت على حسن لكن ماردت دزيتله مسج وبكل بســاطه كتبت ..
" احــــبــــــك "
وضحككت بقوةة نطرت يرد علي لكن مارد .. بس اتصل علي
فزيت بقوة
حســن : الووو
انا بكل دلع حركاتي قبل يوم كنت وياه : احلى الو يا حياااتي يا حسن عبالي بطنشني
تدري كنت بزعل عليك ..! !
حســـن بتوتر : شووق وبعدين وياج؟
شوق بزعل : حسسن انا احبك ليش مو راضي تفهمني لييييييييييييش ..!!
حســـن : شوق وانا كنت احبج اما الحين لا خلاص انا احب امل امل صارت زوجتي
وكلها شهر وبنساافر انا وياها لان عندي شغل اب لندن ولازم اروح وباخذها وياي ..
خلاص انسيني يا بنت الناااس انسيني .. ( بهمس ) ولله يوفقج بغيري .. !!
شوق بكل اانفعال وتبجي : حرام عليك يا حسن حراااااااااام عليك انت مستحيل حسن
الي اعرفه انا ماصدقت على لله اشوفك انا صحيح تزوجت بس ولا عمري نسيتي
( بحزن ) حسن حسن انا راضيه اكوون زوجتك بالسر ولله بس مابتعد عنك ..
وبعدين انت اصلن دايم تقولي امل ماتعجبني امل مو مثل جمالج الحين صارت امل احلى واحسن مني؟
الحين يا حسن الحين؟؟؟؟؟
بعد صمت طووويل قال حسن : ......... مع السلامة يا شوق .. !!!!!
اخخ صكره .. بس مادري ليش حسيت بشوية امل يمكن كلا بيغيرا بس لازم اانا اتزوج حسن ..!!
وانا ماعندي مانع بالسر بعدها اجبره ان يعلنه .. !!!!!!
..
لــــولـــــوة ..
كنت ابجي بروحي بهالقصر وخايفه اول مرة اشوف يعقوب جذي حسيت قلبي بيوقف
عبالي ماات بغيت اموووت روحي اطلعت اول مرة احس بشي داخل قلبي غريب
وفي شي شعور احسه من بطني لي راسي بحلجي بكل مكان احس بحرارة جسمي وويهي احمر
خفت حييل .. يوم هزيت يعقوب واهوا طايح ومايرد علي بغيت اموووت ظليت ابجي واصارخ
تذكرت الموقف ..
كان طايح هزيته وانا اقول : يعقوووووووووووووووووب قوووووووووووووووووووووووم لا
تلعب علي لله يخلييييييييييك قوووم .. ماراح اروح ومابي شي سو الي تبي
بس لاتمووت لله يخليك انا ( خنقتني العبرة ) انا ماكرهك انا ابيك وياي انا اخاف
بروحي ماعندي احد انت مثل ابوي قووم لله يخلييييييك يا يعقوب قووووووووووووم
يعقوووب ....
قطعت هالافكاار وانا اسمع الخدامه تقولي : لولووو مستر يعقوب يجي من هوسبتل ..
مسحت دموعي وانا احس نفسي فرحانه حمدلله مامات حمدلله والله ماراح اروح بقعد وياه
ركضت بسرعه وشفته بالويل جير وويدزاا ( يمشيه ) يـوسف ..
قالي يوسف بابتساامه : هاا شلون الحلو اليوم ..
ابتسمت بخجل منه : حمدلله ( التفت على يعقوب الي كان منزل راسه ) حمـ ـ دلله عالسلامه
يعقـ ـ ـوب ( بلعت ريجي)
يعقوب بهدوء : لله يسلمج .. ( ناظر يوسف وقال ) ودني غرفتي .. !!
تنهد يوسف وخذاه غرفته وراح عقب جم دقيقه رحع يوسف وكلمني وقال :
لولو .. يعقوب ترى تعبان شوي عندا انيميا حااده ومشااكل بالدم وغيره تعبان
ولاازم ياخذ العلاج عدل وينتبه عالاكل وعلى كل شي .. انا ادري انج مو ملزومه تسوين كل هذا
بس انا ابيج تقولين للخدم هالكلام عشان يقومون بواجبهم عندا علاج الصبح عالريج وواايد
وكللهم بالجيس ( الكيس ) ومكتوب عليهم مدة مواعديهم وفي بعض الاكل ممنوع ياكله
او يخفـفه ..
انا خفت حيل قتله بخوف : يعني يعقوب حيل مريض؟
يوسف ابتسم يويهي يطمني : لا يا لولو لاتخافين بس هذا شي عادي ويبيله اهتمام
طالعته بنظر وقلت : يسير انا اهتم فيه؟
يوسف قرب مني وقرصني من خدي وقال : يصير يالبطه انا ابيج جذي قويه
وشطوووورة ..
ابتسمت له وقتله : راح اسوي كل الي يبي وتبي وراح اخلي وعد يا يوسف اذا راح الطبيب
مرة ثااانيه مافي ولا شي زييين
غمز لي وقال : تراهنين ؟
بكل قوة قلت : اييي
جان يقرب مني وبخبث : بطرااق
خفت وقلت بشجاعه : اييي
جان يبتسم : اتفقنا ههههههههههههه يالله انا ماشي تامريني بشي ..؟
انا قتله : ايي سلم على حور وايد وااايد وخلها تزوريني عااد
شفته تغيرت ملامح ويها من ذكرت حور بس ماهتميت وقالي بهمس : اان شالله ..
طلع وراح وخلاني بروحي .. تنهدت بسرعه وتشجعت ورحت له فوق ..
لقيت الباب مفتوح دخلت بشويش وقلت : يعقوب ..
شفته قااعد صوب الدريشه ويطالع : ..... !!!
انا بخوف : يعقووووب ؟
يعقوب : ..... !!!
انا تقدمت اكثر من عنده وبكل ثبات طبعا لا يخلو من التوتر قلت : يعقوب حمدلله عالسلامة
وانا اسفه على الي صار مو قصدي ولله .. !!
يعقوب بعد فترة سكوت قال : ماصار شي
لولو : يعني مو زعلان مني ؟
يعقوب بسخريه : مازعل من يهال ..!!
حسيت بقهر صح لكن مسكت اعصابي وشفت جيس الادويه الي قال عنه يوسف
مسكته وبطلته رتبت الادويه كللهم برف من ارفف يعقوب الفاضيه .. وشفت العلاج
الي المفروض ياخذا قبل الغدا وقتله : يعقوب لازم تاخذ هالعلاج الحين ..
يعقوب التفت علي وقال : .... زييين
ابتسمت بخفه وتقدمت منه وبطلت الدوا وعطيته لمس ايده حسيت بشي غريب
بس طنشت .. وعطيته ماي خلص وقلت : بالعافيه وان شالله مشافى ..
يعقوب بنفس : يعافيج .. !!
اممممم ماكو شي اقدر اقوله قررت اطلع مشيت وانا بطلع غرفته حييل كبيير
حيييييييييييييييييييل كبر بيتنا اول ابتسمت بألم وانا اتذكر بيتنا القديم الصغير
سمعت صوته بكل حدة وعصبيه يقول : ان طلعتي مرة ثانيه بدون ملفع وبهاللبس حق
يوسف او غيره ذبحتج .. !!!!!!!!!!
..
حــــــــور ..
سمعت صوووته واهوا يقول : حووور ترى انا اكلمج مثل الاوادم لاتخليني اسوي
شي اندم عليه ولله ...
حور بغرور : مو هامني سو الي تبي انا ابي اطلقني
بقهر : طلاق مافي لو تموتين ..
انا بانفعال : مو غصب العيشه ويااك انا ماعيش مع خاين ومجرم ويغتصب البناات
بكل قوة عطاني كف محترم وقالي :انا ريــــال موووو نجـــــس مو يوسف الي
يسوي هالسوااه يا حووووور ..
طلع وخلااني مقهورة ياربي ولله العظيم احبه حييل حييل بس ماني قادرة اتخيل
الي صاار ولله لو ان مو شايفه ومجرد كلام جان يمكن صدقت بس اهوا من اول
ماتزوجنا وكان يكلم بنت اخخ يا قلبي .. !!!
مسكت خدي عوورني حيييل لكن يا انا يا انت يا يوسف .. !!!!!
..
حســــن ..
استغفرلله هالبنت مو راضيه تخليني بحالي يالله يا شوق شتبيني فيني انا احب امل
ماحبج ..
شفت امل اطالعني بكل حب وقالت لي : حسوون احبك
ابتسمت لها ابتساامه كبيرة : حتى انا حياتي ..
امل بفرح : يعني الحين انا وانت .. وايف وهازبند
حسن :هههههههههههههههههههههههه� �ههه واخيرا
امـــل كشرت : يا ويلك ان زعلتني
حسن بشك : ليش اتوقعين انا ازعلج ؟
امـــل بدلع : يمكن
حـسن : وي الويه يالبطه
امــل بقهر : انا بطه انا بطه انت البطه اصلن ذاذاذا
حسـن : فديتني انا جسمي يهبل
امــل : اانا احلى منك اصلن
حــسن : اشششششش انا احلى
امـل بزعل : مابي انا احلى .. !!!!!
حــسن ضحكت على خبالها هالبنت احبها ولله انها طفله وفرحه وتحب العالم كله
اذكر يوم رحت حق عمي واتـأسف منه وان ابي ارد امل ماقالي شي قالي كيفك
يالله على الانسان الباااارد .. !!
تلفوني رن وكانت شوق يالله شتبي هاذي طنشت ..
امــل : ليش ماترد تلفونك يرن ..
انا بتوتر : ادري خليه يولي
امل باصرار : رد ترى مزعج ..
انا بارتبالك : ماعليج منه هااذا يعقوبووه
امـل بتكشير : يوووه هالميننون .. الا شخبار لولوة مرته
ارتحت انها ماحست بشي وكملت سوالف وياها احبها حييييل ويالله مابقى شي شهر
تقريبا وبنسافر لندن وبفتك من شوووق ومن غثتها وملاحقها وراي صحيح حبيت شوق
بس انا احب امل بجنون ولله .. !!!!!
..
يعـــقـــــوب ..
معقولة انا اغار على لولوة من يوسف ؟
وليييش شكو شنو اهيا بالنسبة لييي مجرد طفله ياااهل ماتعني لي شي ..
لكن مادري ليش حسيت براحه كبيرة انها ماراحت وخلتني ماعنه ماتهمني بشي
بس مااابي ابوي لاا رد بعدين يقعد يحاااسبني ابوي بقاله شهر ويرجع من امريكا ..
صارلي يومين من طلعت من المستشفى وكانت لولوة اهيا تهتم بأكلي وتعطيني العلاج
بوقته وتسولف وايد وانا مطنشها واحياانا ارد بس بغرور او بزف او بكلمه ..!!
صحيح انا اعذبها واذلها بس ماقدر اعاملها بطيب .. ادري انها ياهل وعقلها صغير
وانا ريال كبير .. ولله اني كبر ابوهاا .. !! بس مو بيدي قاهرتني من اشوفها انقهر
صايرة حلوووة وصايرة بطه ..
اتبطل البااب وكانت لولوة بابتساامه على شفايفها صايرة حلووووة حييل قلبي قام يطق
قالت لولوة بفرح : ها يعقوبوه شلوونك ؟
استغربت من جرأتها وين لولوة الخوافه الخجوله قلت بحدة : تمام
ابتسمت وقالت : يالله الحين موعد الغدا لازم تاكل
قلت لها بملل : ماابي مو غصب
سوت نفسها زعلانه : عشااني
قلت لها بكل حقد : وانتي من عشان تقوليين عشاني ؟
حسيت باحراجهاا قالت بهدوء : عشان صحتك مو زين يايعقوب ..
سكـت حسيت بتانيب الضمير قلت لها : يالله عطيني
قدمت لي الاكل وكليت واهيا قالت يالله عيل انا بروح ..!!
بسرعه التفت لها وقتلها : وين وين
لولوة بخوف مني : بروح غرفتي اقعد
انا قتلها : قعدي وياي ..
لولوة : لييش؟
قتلها بهدوء : بس انا ملان بروحي..
شفت ابتسامه على ويها : زييين بس بروح ايب الابتوب وارجع
راحت وارجعت خلصت انا اكل وشغلت التلفزيون واهيا اقعدت تلعب كمبيوتر ييمي ..
استاذنت مني على اساس تروح تيب لي العلاج وتبدل هدومها وخلت لابتوبها اهني ..
سحبته علي لقيتها مبطله الماسنجر مالها وكان ايميلها lolo al7lwa@ ..
ضحكت عليها ايميلها لايق عليها صج حلووة .. شفت توبكها ثاني جذبني وكان
الله يخليك يا بابا الصغــير .. !!!
استغربت شتقصد مو بابا .. عقدت حواجبي بغرابه .. بس الي قهرني حييل وبط جبدي
حاطه الخلفيه صورة احمد حسين ومسويا فايل اسمه احمد حسين بطلته كله صوووره
واغانيه ومادري شنو يه يه كل هذاا حب حقه انقهرت منه بدون حساسيه سويت دليت على الفايل
ورجعته مكاااانه وانا على ويهي ابتساامة نصر ..!!!
ارجعت لولوة بعد وقت وعطتني العلاج واخذت الابتوب تكمل سوالفها وشغلها كانت لابسه
بجاما على قلوووب ورديه وحمرة حلوو شكلها ومبطله شعرها ومو متهمه لوجودي
حاولت افتح معاها حوار وقلت لها : تصدقين سمعت اغنيه حييل حلوة بس مادري حق منو
ماتعرفينها لولوة
طالعتني وقالت : شنو كلماتها ..
بخبث قلت الكلمات وكانت اغنيه حق احمد حسين بس سويت روحي ماعرفها وانا اصلن
ماحب هالاغنيه ولا اعرفها بس شفت كلماتها على الابتوب مالها خخخ
قالت لي بكل فرح وبسرعه : اييييييييييييييي شلون ماعرفها حق احمد حسين ..
رفعت حاجبي وبحدة : مااشالله اظاهر كل اغانيه تعرفينا
قالت لي بوناسه : عيل شلون هاذا احمد حسين
انقهرت منها ومنه ياااهل ماعليها شرهاا قتلها : ان شفتج مرة ثانيه يايبه سيرته قدامي
قطعت لسانج فهمتي او افهمج .. !!!!!
اسكتت عني بزعل وكملنا هالقعدة ولاول مرة نقعد قعدة مافيها وايد مشاكل الا القليل منها
..
وبــــس وان شالله باجر او اليوم ^^ بنزل بارت يديد .. واسفه عالقصور واسمحولي على اي شي