الفصل 3
..
لـــولوة ..
تعبت ولله من التنظيف بهالبيت قصر مو بيت وفي مليون خدامه شمعنى انا لازم اسوي هالشي
اااه يا يما ويبا ليتكم مايبتوني حق هالدنيا والعذاب . !!
ليتني مت وانا طفله وماشفت مصايب وعشت بهالمكان .. !!
اكرهك يا يعقوب واكره ساعة قربي منك ذليت عمري عشان بس اعيش ..
ليش مايطلقني ويفكني لييييييييييييييييييييييش ماحبه ولا اهوا يحبني ولا طايق يسمع صوتي
ليش زين ؟
سمعت صوت التلفون يرن تلفون البيت انا ماعندي تلفون قمت ركضت بسرعه وشلته
.. : الوو
لولوة : الوو هلا ولله
... : ممكن يعقوب ؟
لولوة بتردد : وللله يعقوب نايم منو اقوله ؟
... : قوليله سلمان .. !
لولوة بغرابه : ان شالله ..
سلمان بتردد : انتي لولوة ؟
لولوة بصدمه شلون عرف اسمي : ايـي منو وياي ؟
سلمان بتردد : هاا .. ماكو شي يالله باي ..
لولوة بغراابه كبييرة : باي ..
صكرته منه شعرفه فيني ؟ منو سلمان عمري ماسمعت عنه .. هههههه وانا شدعوى اعرف احد عنه ربعه
بس صج اهوا من يوم يومه ماعندا غير حسن وعمره ماطلع ولا احد يزوره ولا شي ..
امممممممممممم يالله انا شعلي ..
شفت الساعه اووووووله 1 الا ربع اووخ شكلي وايد طولت
بروح انام وراي مدرسة وامتحان بعد يالله بروح اناملي جم ساعه ..
رحت غرفتي وانا اركض دخلت ودخلت فراشي حطيت راسي ونمت وقعدت افكر
يعقوب ماقصر معاي بشي صح يكرهني ودايم يذلني لكن مع هذا الحق ينقال
دخلني مدرسة خاصه للبنات الحين عمري 16 تقريبا وانا باخر سنه لي هههههه
فكه راح اخلص بسرعه .. وعندي كمبيوتر ولابتوب وتلفزيون وغرفتي كبيرة كل شي ابيه
عندي لكن عمري ماطلعت مكان لا سوق ولا اي شي عالمي بس غرفتي .. عمري ماسولفت معاه بشي
انا ماكنت جذي انا صحيح طوولي عمري عشت فقيرة ووحيدة وتعذبت بس ماكنت انذل بهالطريقه
انا تعودت اشتغل يوم كان عمري 9 سنين و10 و12 لييين قبل سنة يوم تزوجت يعقوب ..
دخلت عالم غريب .. كنت احب كل الناس وصحيح كنت ماتخيل ان بتزوج بهالعمر .. بس
قدر لله وماشاء فعل .. حاولت اكون وياه طبيعيه لكن من شفت صده وحقارته وياي كرهته
وماصار بيني وبينه سوالف او شي .. انا مشكلتي خواافه اخاف منه اهوا يخوفني حييل
مع هذا كان كاسر خاطري لحالته يعقوب مقعد .. انســــــــــان معاااق على الكرسي
عالويل جير .. وماعرف شالسبب .. !
..
حســــــن ..
حسـن : لي متى جذي يا يعقوب مايصير ترى حالتك كل مالها وتسوء ؟.
يعقوب اففف : وانت شعليك انت شكو ياخخي اذيتك بشي ضريتك بشي ؟
حسن بهدوء لان يدري يعقوب مو قصدة : يا يعقوب شلون شكو انت رفيجي
تعرف شنو رفيجي واخوي وكل شي مابي اشوفك جذي وشذنب هالمسكينه معذبها معاك
يعقوب بحده : وانا شسويت لها ؟
حسن : يعني عمرك ماحسـيت انك متزوج ولا شي لا تنسى انها يتيمه وفقيرة حرام عليك ؟
يعقوب بقهر : ولا راح تحس لولوة ياااهل يااااااهل تدري جم فارق العمر بيني وبينها؟
انا عمري 36 واهيا 16 طااالع الفرق 20 سنه منصجك انت شلون تبي يكون بيني وبينها
رابط او علاقه .ّ. وبعدين انا انسان معااااااااق ماراح اعيش مثل غيري ..
حسن : شهالكلام يايعقوب ولله بتزعلني منك .. انت تدري انك تقدر تعالج بس انت مو راضي
يعقوب بعناد : ولا راح ارضى .. انا معاق انا عاله عالناس .. ( بدموع ) هذا الصج
مو هذا الكلام الي قالته نوور مووو .. ؟ مو عشان هالاعاقه تركتني .. وكله من لولوة
كله منهاااا لو ان ابوي ماقالي تزوجها وتهاوش معاي .. جان ماطلعت من بيتنا معصب
ولا سويت الحادث اهيا السبــب انا اكرها لان اهيا السبـــب وبظل احقد عليها
طفله غبيه كريهة ماحبها .. ابي نوور احب نور انا .. ..
حــســن وذكرى امل في باله وعقله : لا اله الا للله يا يعقوب هونها وتهون .. الببنت مالها ذنب
هذا قضاء لله وقدره .. استغفرربك .. وكل شي بينحل انا بسئلك عن المستشفى الي بأمريكا
وكل شي بيكون بخير وبتعالج وترد احسن من اول ..
التفت يعقوب بحده وقوة : مابي اتعالج فهمت او لأ وان عدت هالسيرة ماكلمك ليوم الدين ؟
حســن تنهد بحرارة وقوة آآآه ..
سكت عن يعقوب وانا اعرف حالته كل يوم احنا على هالحال لله يصبره ويهديه
ويصبرني معااه .. قعدت ويه يعقوب مدة 3 ساعات تقريبا ورديت بروح بيتنا
بالطريج شغلت الراديو سمعت اغنيه ..
قـــولي احـــبك .. لكاظم السااهر وراحت فيني الذكرى لبعيد ..
امـــل بفرح : لله حسووووون خلها امووت على هالاغنيه ..
حسن بملل : من زينها عااد اكره كاظم ..
امل تسوي نفسها زعلانه : منصجك حرام عليك ولله ااغانيه حلووة
وانا حيل احب هالاغنيه اقووولك لييش ..؟
حسـن بتافففف : ليش؟
امل بوناسه : قبل يوم كنت صغيرة احس ان هالاغنيه عني ههههههههههههههههههههههههه هههههه
ههههههههههههههههههههههههه هههههههههه احس ان احد يقولي قولي احبك خخخخخ
حســن بعصبيه طالعتها بنظرة ونص عين : وماحد راح يقولج لاتخافين .. !
اخخخخخ
هالذكرى اليمه جرحتهاا حيييييييل احس ان دموعي بتخوني وتنزل غصب عني
انا راح اقولها لج يا امل بس عطيني فرصه انا ااحبج يا امل امووت فيج وابيج تقولين
لي احبك .. !
يالله تصبر قلبي ياللله انا ماقدر اتحمل لازم اشوفها لازم .. !1
..
حــــــور ..
طالعت نفسي بنظرة اخيرة كان شكلي زين ومرتب طلعت ورحت الصاله
وشفته طالعته بنص عين ولفيت عنه وقعدت اطالع التلفزيون برنامجي المفضل يطلع الحين
سمعت صوته قالي : انتي هيي شفييييج اطالعيني جذي جني مو عاجبج ..؟
حور بخوف : شكو ..
يوسف بعصبيه : يالله عاااد ذلفي من الصاله اختي وريلها يبون ايون لنا
حوور بهدوء : يعني بيون عالغدا .. ؟
يوسف : ايي اكيد
حور : زيين اقوم البس شي
يوسف بغرابه : وليش ان شالله ..
حور بغرابه اكبر : شنو ليش .. بعد فشلة اطلع لهم بالبجاما هاذي لازم ابدل
يوسف بسخريه : ومن قال لج ابيج تطلعين لهم اصلن ..
حور بصدمة : لييييش؟
يوسف بعصبيه : بس كيفي مابيج تطلعين ..
حور بقهر : ممكن افهم ليش مايصير بدون سبب وبعدين فشلة شبتقول عني اختك ..
يوسف بصراخ : تقول الي تقوله ويالله عاد طسي من قدامي وروحي غرفتج ولااطلعين
منها الا لمن اقولج يالله طسي ياهل ..
انقهرت منه وقمت ابجي حييل ليش جذيي عااد شدعوى انا ميته عليه وعلى اخته
بالعنا حتى بالعنا مالت عليه وعلى اخته اكرهك يا يوســــــــــــف .. !!
..
يــوسف ..
يالله يالله شسويت انا .. مادري ليش كل ماشوفها انقهر ودي بس اعصب عليها واسوي مشكله وياها
يالله صبرني .. لي متى جذي انا شبلاني بيااهل .. !! اففففف هذا عيب الواحد يتزوج ياهل ..
والله الي يسمع كلامي يقول احنا كأي زوجين ثانين .. ( بخبث ) ولييش لا ؟
ههههههههههههههههههههههههه هههههههههه طرت على بالي عالفكرة استبعدها الحين
لان نادتني الخدامه معلنه وصلو اختي وزوجها ( الي اقدر اقوله عنه ملييق ) سامي .. !
رحت لهم رحبت فيهم وقعدت اتعذر ان زوجتي مو اهني ابيت اهلها وبس ويالله سترك
ماتكشف شي اختي .. !!
..
امـــل ..
امل : بس يا حياتي يا عمري خلاص خلي يولي ماعليج حوور عشاني لله يخليح
حور تبجي : اه يا امل والله متعذبه انا تكفين قوليلي شسوي ملييت تخيلي يقول مابيج تشوفين اختي
امــل بقهر : قومي طلعي برا وفشليه قدام اخته وريلها .
حور بخوف : لا لا منصجج انتي ولله ليقلب الدنيا علي مابي بالطقاق ماهمني .. ها انت طالعه
امــل : اي ولله توني خلصت دوام وبمر المطعم هههههه بشتريلي غدا حدي ميته من اليوع
وخبرج البيت فاضي ابوي وخالد مسسافرين .. وامي بعد سوالفها تعرفينها راحت حق خالتي من الصبح
ولله من 10 واهيا داقه علي تقولي بروح وماخذا معاها سلوم وهديل راحت وياها ( اخوانها
سلوم وهديل ) .. وليلى عند ريلها وانتي عند ريلج وانا ( بحزن حاولت تخفيه ) بقز ههههه
حوور حست بحزن امل مستحيل يخفى عنها خصوصا انها اقرب من اختها : فديتج ولله
يحظظج يالله استانسي اخليج انا الحين ..
امــــل بهدوء : مع السلامة ..
حـور : لله يسلمج ..
امــل : حـــور .... دريبالج على عمرج ولا تضايقين ..
صكرت من عندها وانا افكر بحالها احسها مثل حالتي قبل مع حسن ااه يا حسن
احبك ولله كنت احبك حييل وللحين بس بالنهاية لله يوفقك مع الي تبيها عمري ماحاولت اسئل عبير
اخته عن شي لان مابي اعرف شي اهيا كل ماكانت تيب سيرت الموضوع كنت اصدها
مابي اعرف عنه شي خلاص انا تأقلمت بدنيتني وحياتي آآه .. انا خليته لان احبه
ابيله السعادة ابيه يستانس مع الي يبيها لان سعادته يعني سعادتي ( ابتسمت ) خلني اروح
الافنيوز احسن ههههههههههههههههههههههههه هههههههههههههههه
بروحي ولله عادي الظهر وناسه والجو بارد ..
جيكت على لبسي كنت لابسه سكني بني وجاكيت بيج وملفع بني وجنطتي ( اليفي )
دقيت على دانوووه وقتله غصب طيب اتي وياي طبعا اول شي تحججت باخوها بعدين رضت
هههههه غصب عنها ..
نزلت السوق ونطرت دانه اتي قعدت اتمشى على ماتوصل عشان نتغدا دقيت على امي عطيتها خبر
مامانعت .. وانا امشي التفت لى محل خذاني لذكرى اول زواجي ..
امـــل بخجل : تحب تشتري من اهني .. ؟
حسن بهدوء : ايي
امـــل : ولله كشخه
حسن بملل : امم
امـــل : شنو اكثر ماركة تحبها ..
حسـن بتففف : مادري على حسب الي يعجبني ..
امل تمالك اعصابه وتبتسم : زيين شرايك اخذلك على ذوقي ...؟
حسن بنظره : ذوقي محد يعرفه وانا ماحب غير ذوقي روحي انتي قسم النساء
وشوفي شيعجبج واخذيه وانا بشوفلي لي جم شغله ..
امل حسيت وقتها بالخجل مانسى مواقفه المجرحه بالنسبة لي .. خذتني ريولي غصب
لداخل هالمحل بشوف شعندهم .. ودخلت .. على ويهي ابتسامة .. تخفي أألمي .. !
..
حســــن ..
ابي هوا مو قادر اتنفس ماي عطوني اي شي .. يما قلبي .. لا لا مستحيل يمكن اتوهم
من كثر مافكر فيها صرت اتخيلها .. لحظة لا لا بلى اهيا امل امل
انا اعرفها وشلون انسى هالويه طلع بوكه وبطله وطلع من صورة وكانت صورة لامل
محتفظ فيها اهو .. كنت اطالع بالصورة وفيها لا امل امل ..
شيايبها اهني .. شتسوي يما قلبي يايه بروحه فديتها .. ماعرفت شسوي
مااعرفت احس عيوني مو قادرة توخر عنها
ودي بمعجزة يختفي العالم كله واظل انا معاها .. !
رحت لعندها بدون احساس بنفسي وكأني رجل ألي .. قربت منها شميت عطرها المفضل
قربت اكثر واكثر لين قلت بتردد وتوتر كنا بعيد عن الناس على زاويه من المحل
: امـ ـ ـ ل ..
التفت بسرعه امل لمصدر الصوت وبصدمة كبييييير وشهقه : حسسسسسن .. !!
حســـن بذوبان : ايييه ..
امـــل تبتعد بسرعه عني ركضت لها ومسكت ايدها ماخليها تروح مني ماخليها ..
حســـن : امل لحظة الله يخليج نطري ..
امـــل بخوف : شتبي يا حسن شتبي ..
حسن بحب : ابيج ..
امــل لا لا شفيه هذا اخاف ين ؟ : نعم ؟
حســن : ابييج يا امل ..
امــــــل : اخوي عيب هالكلام قدام العالم والناس خلني بروح وهد ايدي .
..
حسيت بصدمة وحزن كبير من هالكلمه اخوي ؟ من متى يا امل ااه يا قلبي لكن ماعليه بتحمل
بس مستحيل اهد هالفرصة واهيا يت لي عندي ..
حســن بجديه : امل ممكن نطلع من المحل ونروح مكان نقعد فيه ابي اكلمج بموضوع ؟
امل بغرور : ماعتقد في بيني وبينك مواضيع يا حسن وخلني اروح انا معزومه عالغدا
وماقدر اتأخر اكثر ( وبنظرة من فوق لي تحت ) في ناس غالين علي يبوني .. باي
انقهرت وانصدمت شتقصد من هالناس ليكون اللي قالت عنه عبير ؟ لا لا مستحيل
امل مو من هالنوع بس منو .. اخاف اتزوجت ؟ لا شنو تزوجت والله لاذبح اي احد يقرب منها
لحظة ااخاف خطيبها ... اوووه انا لازم امشي وراها واشوف شتقصد هالغبيه .. !
وبالفعل رحت واخر ابتسمت على حركاتها صج طفله كانت مع رفيجه او وحدة من اهلها ..!
ماعليه بكلمج بكلمج وباخذج انتي لي يا امل وبتظلين لي .. !!!!!!!!
..