الفصل 30
(30)
هتف بهدوء/ انا اعرف مشعل من قبل بس ما توقعت هو نفسه مشعل بن تركي. . .
اخوك هذا ما احبه ولا احب يجمعنا مكان واحد.
ردت بإنفعال/ وانا وش المطلوب مني. . .؟
اتضح له انفعالها الشديد
فهي أخذت تعيد لفة حجابها بغضب. . . ليهتف/ ما ابيه يدخل بيتي. . . ولا ابي اسمع طاريه.
وضعت رجلا فوق الاخرى واسندت ظهرها للكرسي لتقول/ أنا مالي دخل بخلافاتكم ولا ادري عنها اصلا
المفروض ما تدخلني بموضوع مثل كذا. . . مالي شغل باللي يصير بينكم
لتردف بقليلا من الغضب/ اذا ما تحبه حاول تكتم الشعور بنفسك لا تعلمني انا
مشعل عيوني المركبة واخوي الوحيد وعلاقتك فيه ما تعنيني.
شعر فعلا انه تهور عندما اخبرها بهذه الحقيقة
ولكن هو غير مستعد لرؤية مشعل في منزله اطلاقا
يكفيه في الامس عندما جالس مشعل ارملة ابيه بين الجميع
بل وهو من أوصل مها لبيتها. . . غير قادر على رؤية مشعل قريبا منهم هكذا
لا ينسى ما فعله مشعل في باريس وهو اقسم ان يقتص منه
غير مستعد لخلق مشاكل مع تركي المانع بسبب "الحقير" مشعل
ابتسم لها/ كلامك عين العقل. . . هذا اللي بوصله لك مشعل لا يدخل بيتي وبس
علاقتك فيه ما تهمني.
شربت من قهوتها ثم انزلتها لتقول/ بس ما تمنعني من زيارته بالوقت اللي ابي.
ابتسم يزيد لها/ لا مستحيل امنعك.
#
بعد مرور اسبوعين. . . تمت خطوبة بتال وعريب رسميا
عندما خرجو من منزل والد عريب
ركب بتال سيارته مبتعد عن اخوانه الذين رافقو يزيد
رفع هاتفه الى اذنه فتحت الخط ولم تتكلم تنتظر من صاحب الرقم الغريب أن يتحدث
ابتسم ليقول/ ألو.
اجابت/ من. . .؟
اتسعت ابتسامته/ أنا بتال. . . كيفك عريب. . .؟
شعرت انها تحلق فوق الغيوم/ الحمدلله تمام.
ابتسم لخجلها الذي وصل من خلال صوتها/ مبروك علي إنتي.
كادت أن تغلق المكالمة فهو لا يزال غريب عنها
خطيبها نعم. . . ولكن شرعا غريبا عنها حتى عقد القِران
لم ترد على مباركته فالخجل عقد لسانها
علم انه اخجلها وتراءت له صورة وجهها مكتسيا الحمرة/ سألوني متى ابي املك عليك
ما اعطيتهم خبر. . . حبيت اشاورك. . . نخليها الاسبوع الجاي.
هتفت بخجل/ عادي.
ابتسم بتال/ تمام حضري نفسك ترا بنملك الخميس الجاي.
ردت عليه بخجل/ مع السلامة.
ثم اغلقت المكالمة
ضحك على خجلها بخفة
احتضن الهاتف بكفه وكأنه يعبر عن شعوره بالرضا والسعادة
لم يتوقع ولا بأعذب احلامه ان تعود له محبوبته
بعد ما كانت منسية بالنسبة له
وانقطاع ذكرها على مدار سبعة سنوات كان عاملا قويا للنسيان
ولكن رؤيته لها بعد كل هذه السنين اوقدت رماد حبه ليشتعل بأقوى صورة.
-
مها تجلس مع مشعل في إحدى المطاعم
فهي تعلم جيدا خطورة ادخاله الى حدود منزلهم
فأولادها ويزيد ايضا حذروها ان رأوه داخل منزلهم
هتف لها بإهتمام/ فيه شي مضايقك. . .؟
يشعر بها دون ان تتكلم لتهتف/ بتال راح يخطب عريب.
ابتسم مشعل/ المفروض تكونين فرحانة.
عقدت حاجبيها/ يعني ما تدري من تكون هالعريب اللي ما ادري من وين طلعت لي. . . ؟
هز رأسة بالايجاب/ ادري من تكون بس مالك حق تخربين فرحته عشان اشياء تافه مثل هذي
واذا كانت بنت اخت ضرتك. . . وش فيها. . .؟
ما عليك من الخرابيط هذي. . . بتدخل بيتك مرة ولدك مو بنت اخت ضرتك.
زفرت بعدم اقتناع/ انا ما ابيها لولدي مو متقبلتها أحسها مثل امها ما تنبلع. . .
هالعيال ما جاء من وراهم الا النكد ووجع الراس كثير افكر اني انسحب من حياتهم
بدو ينشغلون عني. . . لهم اهتمامات وحياة منفصلة عني وانا ولا شي جالسة بس احرق نفسي عشانهم
خلاص هم كبرو ما عادو بحاجتي ابد.
يعلم جيدا ان حديثها هذا للتنفيس عن غضبها فقط
ليست جادة بما تقول فقلبها اضعف من هذا بكثير/ تعوذي من الشيطان لا تتعبين نفسك بالافكار السوداء. . .
ثم اردف بمرح/ انا ما ادري وشلون تزعلين وانا بالرياض.
ابتسمت لتهتف بصدق والسعادة تغمرها/ اي والله معاك حق انا ما ادري وشلون اسمح للضيق يتمكن مني وانت قريب
رجعتك رجعت لي واجد اشياء كنت فاقدتها واهمها السعادة.
-
اليوم التالي
بعد صلاة العصر. . .$
جلس والدها بجوارها/ جالسة لحالك. . .؟ وين مشعل.
ابتسمت بسخرية/ مشغول مع مها. . . افطر معاها وتغدى معاها والحين اتصل عليه يقول بعد المغرب يجي
اصلا هو جاي من باريس عشانها. . .يقضي معاها يومه كامل
ما قد شاركني حياته كثرها. . .وهي بيتها ما كأن فيه اربع رجال كل واحد منهم يمشي على زنده التيس
يشوفونها طالعة من بيتها مع رجال غريب من صباح الله وساكتين.
استغرب والدها اندفاعها بالكلام واستغرب اتهامها لمها
ليقول بقليلا من الغضب/ نور لا تجيبين طاري ام سعود بالشينة
تدرين اخوك يعرفها من ايام حياة زوجها المرة بعمر امك عيب هالكلام
وعلاقتها بمشعل علاقة ام بولدها.
اتسعت ابتسامة السخرية/ خلاص اذا هذا مبدأكم بدور واحد بعمر مشعل وأكوّن صداقة معاه.
نهرها والدها بصوته العالي/ نـــــــــــــــور. . . ثمني كلامك.
الدموع اجتمعت بعينها/ يعني يبه انت تدري ان اللي قاعد يصير غلط بس ما تقدر تكلمه
انت ما سمعت كلام صديقاتي عنهم يوم شافوهم بالإيفنت
شكلها معاه ما يعطي انه بعمر عيالها. . .مها حلوة وصغيرة وكل من شافها مع مشعل اعتقد ان اللي بينهم حب
يبه انا انقهرت واحتريت يوم سمعت صديقاتي معجبين فيهم وانه شكلهم لايق على بعض
احس هالكلام فيه من الصحة. . . ولا وش يخلي مشعل يجي من باريس بعد غربة 12 سنة
انا بسكت عن كل شي الا ان مشعل يتزوجها ما راح اسمح له.
حديث ابنته فيه الكثير من الصحة فحتى هو بنفسه استغرب الجميلة التي أتت برفقة يزيد
شبهها بمها فورا ولكن يستحيل ان تكون هذه ارملة محمد وام اولاده
فهذه صغيرة. . . يعلم ان محمد ليس لديه بنات كما ان يزيد ليس لديه محارم بهذا العمر
سأل نور من تكون التي اتت برفقة يزيد وجلست بجوار مشعل
لتأتيه الصدمة بأن هذه ام سعود/ حبيبتي كلامك صح الناس مالهم الا الظاهر
بس انا اعرف تفكير ولدي زين. . . جلس بفرنسا 12 سنة وشاف اشكال واجناس من البنات
وما كان عنده حب وخرابيط.
هزت راسها بإيجاب/ شاف كل الاشكال والاجناس على قولتك بس ولا وحدة منهم بزين مها.
تعلم ان الحديث بهذه الصورة امام والدها بات مخجلا فمن الخطأ ان تتحدث عن جمال مها
ولكن يهمها اخيها اولا واخيرا ويجب ان يعلم والدها عن ما يدور بين مها ومشعل
لا تصدق ان علاقتهم وصلت الى هذا الحد من العمق
تجلس في الصالة تنتظر قدوم مشعل حتى تفطر معه
ليمرها عجلا تحاول ان يفطر معها ليقول "ام سعود عازمتني" "بفطر مع ام سعود" "ام سعود تنتظرني"
وتتصل به قبل الغداء حتى يشاركها غداها ويجيبها انه لا زال برفقة ام سعود
ولا يعود إلا بعد صلاة العصر يتعشى معها ويجلس حتى العاشرة ويعود للنوم لأن ام سعود ستنتظره في الصباح
لو كانت علاقة صداقة واخوة وعلاقة صافية بين ام وابنها
لما قضى معها جل وقته/ يبه مشعل يطلع لها من الصبح لين العصر
الوضع مو طبيعي. . . هي ساحرته ولا وش مسوية فيه. . . انا مو متحملة
اسبوعين عاشهم عندنا وعقله وقلبه عندها. . . انا ما توقعت انها مأثرة عليه لهالدرجة.
هز والدها رأسه وهو يكفر/ زين زين.
-
ذات الوقت.
سعود يقف امام السائق/ وشلون ما طلعت اي مكان. . .؟ انت متأكد.
هز السائق رأسه بنعم/ ما طلعت ابد. . . اصلا من جيت هنا ما وصلتها الا مشوار لاختها قبل يومين.
زفر سعود وابتعد عن السائق ليخرج هاتفه ويتصل بها على امل ان ترد
ولكن لم ترد على اتصاله
دخل المنزل وهو ينادي بأسمها ولكن لا حياة لمن تنادي
ذهب الى قسم الخدم ليطرق الباب بقوة وتخرج له العجوز سعدية
ليستنطقها بقلق/ الأميرة مها بالبيت. . .؟
اجابت/ سموها طلعت من الساعة 9 وقالت لي ابلغكم انها بتتغدا برا.
لم يحدث قط ان تخرج والدته كل هذا الوقت ولا يكون لديهم علم اين ذهبت/ ما تدريين وين طالعة. . .؟
هزت رأسها بالنفي.
شكرها وعاد الى الصالة ليجلس بإنتظار والدته
التي اقلقه غيابها. . . دائما يخرجون وهي بالمنزل ويعودون وهي بإنتظارهم
ما الذي حدث اليوم. . .؟
انفتح الباب نهض بلهفة فإذا بيوسف وبتال
نظرا اليه بإستغراب ليهتف يوسف/ وش فيك تطالعنا كذا.
هتف بتوتر/ امي مو بالبيت وسعدية تقول طالعة من الساعة 9.
جلس بتال على اقرب كنبه لينزع عقاله وشماغه ويخلل شعره بأصابعه/ طيب تراها امك ليش قاعد تحاتيها كل هذا. . .؟
سعود غضب من برود اخيه/ اول مرة امي تسويها. . . وما ترد على جوالها
انا خايف عليها ما ادري وين راحت.
هتف يوسف بضيق/ وين بتكون يعني. . .!! أكيد مع مشعل لا تنسى انه رجع للرياض.
هز سعود رأسه بالايجاب/ ما نسيت. . . بس مو معقولة كل هالوقت بتكون مع مشعل
لو صح كلامك ترا ما راح اسكت.
بتال هتف بضيق/ مو من حقك تحاسبها. . . انت تعرف وش علاقة امي بمشعل.
نهض سعود بغضب/ لا ما اعرف وش علاقة امي برجال غريب عنها
مستحيل تكون علاقة طاهرة. . . اللي بينهم حــ. . .
اصمته بتال قبل ان يكمل كلمته ليقول له بغضب/ ما اسمح لك تتكلم عنها بهالصورة
امي اشرف من الشرف نفسه.
توتر يوسف وهو يرى المشكلة بين اخويه تكبر/ صلو على النبي. . . مو كذا تتفاهمون.
بتال قبل رأس سعود/ اسف سعود بس كلامك عن امي بهالطريقة ما يرضيني.
سعود ندم على حديثه عن امه ليقول/ انا مثل باقي الناس مالي إلا الظاهر.
دخل يزيد وخلفه خالته/ السلام عليكم.
ردو السلام عليه وعلى امهم التي اتضح لهم انها كانت بصحبة يزيد
خلعت حجابها لتقول/ وش فيكم جالسين كذا. . .؟
سعود حاول ان يتحدث بهدوء/ نحاتيك يمه يقولون طالعة من الساعة 9 وما تردين على جوالك.
هتفت بكل هدوء/ اي كنت مع مشعل ونسيت جوالي بغرفتي.
أكملت طريقها حيث السلم افزعتها مسكة سعود لعضدها بكل هذه القوة
ادارها ناحيته ليقول بغضب شديد/ ليييش يمه لييش. . . بتوطين روسنا بالارض. . .!!!
اللي تسوينه غلط مشعل اجبني غريب عنك كلامك معاه وطلعاتك معاه مو شي سهل
حرام عليك يمه خافي الله.
ضربت صدره بقبضة يدها وهي تقول بغضب/ انا اوطي راسك. . .!
سعود لا تكلمني بهالطريقة انا مو مثلك تساهلت بالحرام. . . لا تنسى انك لعبت ببنات الناس وضيعت بنات كثير
وجاي اليوم تقولي ان اللي اسويه حرام. . .!!
مالك حق ولا لك كلمة علي. . . مشعل مثل ولدي وما يفرقني عنه الا الموت واللي مو عاجبه يطق راسه بالطوفة
انا امك لا تنسى هالشي.
دفعته عنها لتذهب للأعلى وتنفجر ببكاء شديد
فكلام ابنها ليس سهلا أبدا.
-
في الأسفل. . .
بتال ذهب الى سعود ليصرخ به/ لا تكلم امي بهالطريقة. . . هي مو غلطانة.
سعود ايضا صرخ هو الاخر بكل ما يملك من غضب/ الا غلطااانة غلطاانة ونص. . . واللي ما يغار على محارمه مو رجال.
ايده يوسف الذي هتف بهدوء عكس غضب الاثنين/ صادق سعود. . . حنا المفروض ما نسكت عن اللي قاعد يصير.
بتال عقد حاجبيه/ ما اسمح لأحد يجيب طاري أمي بالشينة. . . وهي تعد مشعل مثلنا. . . كلام الناس من غيرتهم منها.
سعود الغاضب اقترب من بتال ليمسكه مع ياقة ثوبه بشدة/ أنت عادي عندك امك تقضي طول يومها مع رجال غريب عنها.
بتال انزل يدي اخيه بغضب/ ايه عادي هذي امي ما راح تسوي شي غلط. . . ومشعل نعرفه والنعم فيه.
سعود يشعر ان الغضب يطبق على صدره/ اي والنعم فييه وبكرة اذا جاك يطلب يد امك زوجه.
ضحك بتال رغم غضبه/ انت انهبلت. . .!! وش اللي يطلب يد امي. . . مشعل معتبر امي امه
خل عنك كلام الناس اللي ملى مخك وقلبك على امك. . . ترى قبل امي اعطتك كامل حريتك
الحين انت بتضايقها. . .؟
سعود لم يتمالك نفسه/ لو غيرها كان ما خلتني وهي تشوفني غرقان بأشياء تخزي.
نهض يزيد ليقول بهدوء/ اللي هداك بيهدي امك ان شاء الله. . . اصواتكم لا تعلى اكثر من كذا
ما ابي خالتي تسمعكم.
تجاوزهم ليصعد للأعلى
ذهب لجناح خالته طرق الباب وفتحت له بعد انتظار دام حوالي الدقيقتين
لتقول بسكون/ هلا يزيد.
افسحت له الطريق/ حياك.
دخل يزيد جناحها لأول مرة
ليجلس في الصالة ويبتسم لها وهي تقول/ حي الله بو محمد.
رغم انه لا يحبها ولكن تعجبه قوتها هاهم ابناءها يتعاركون في الاسفل من اجلها
وهي هنا مبتسمة سعيدة كأن شيئا لم يكن عدا وجود طيف دمعات شحيحة/ الله يحييك. . . خالتي اتمنى اللي صار اليوم ما يتكرر.
جلست ووضعت رجلا فوق الاخرى/ وش اللي صار اليوم. . .؟
يزيد هتف بهدوء/ انك طالعة مع رجال غريب من الصباح لين العصر.
مها اخذت نفسا عميقا ثم زفرت/ اولا هذا مو رجال غريب. . . هذا ولدي
ثانيا ما لأحد كلمة علي لا أنت ولا اخوانك. . . و انتم اللي قلتو لي مشعل لا يدخل البيت ولا كان ما صار كل هذا
وبعدين مو انتم اللي تحاسبوني. . . واذا مصممين انها علاقة حب ما احد فيكم خالي
انت ما شفت علاقتك بليلى غلط ولا جلستك معاها وسفراتكم
وسعود ما خلى بنت بالديرة ما حبها وحتى اذا سافر لازم سفرته تصير مليانة حريم
وبتال لا ينسى عريب وسوالفه معاها. . . انا مو صغيرة عشان تحاسبوني.
يزيد غضب قليلا من حديثها ولكن هتف بهدوء/ حبي لليلى من سنين وكنت صغير وقتها وانتهى خلاص ماله وجود
وبعدين سفراتنا كانت كل العائلة موجودة. . . وسعود كان طايش وبتال كان يلتقي بعريب تحت عيونا
خالتي انا ما جيت احاسبك ولا ابي احسابك. . . لو هي علي كيفك اطلعي معاه مثل ما تبين
انا ادري عن اللي أمرّ من هذا وساكت. . . بس عشان اخواني شوفيهم تحت يتناقرون على هالموضوع.
ابتسمت بسخرية/ خلهم يتذابحون اذا يبون ما لأحد كلمة علي وبطلع وقدام عيونكم
احترمتكم الاسابيع اللي راحت وصرت ما اطلع إلا وقت دواماتكم
بس اللي ما يحترمني ماني ملزومة بأحترامه.
نهض يزيد وهو يتحدث بغضب/ كيفك.
-
يصل مشعل الى منزل اهله وفي استقباله ابيه الغاضب منه
قبل رأس ابيه الذي هتف له بغضب/ وين كنت كل هالوقت. . .؟
ابتسم مشعل لغضب والده/ يبه انا مو صغير.
تركي تحدث بغضب/ رد على سؤالي.
أنزل مشغل شماغه ووضعه على الكنبة وهو يقول/ كنت مع ام سعود.
تركي/ انت ما تستحي. . .!!! تراك بوسط جماعتك واهلك لا شافوك مع هالمرة كبرو السالفة
انا ادري وش مدى علاقتك فيها بس غيري ما يدري
حاسب على نفسك وعلى سمعة المرة اللي بتنضر.
ابتسم مشعل/ يبه انا مالي شغل بالناس وبسوي اللي ببالي وماني سائل عن احد
وهالمرة اللي تقول تنضر سمعتها ماني حريص على سمعتها كثرها
اذا تهمها هالسمعة ما احد جبرها على قربي. . . ترا من كنت بباريس وانت تدري ان ام سعود تتواصل معاي وتزورني
وما أشوفها والله الا مثل اختي. . . ربنا واحد بباريس وبالرياض انتم همكم بس كلام الناس.
هز رأسه بالايجاب/ صادق مشعل حنا ما نخاف من ربنا كثر ما نخاف من كلام الناس
لأن ربي يغفر لنا بس الناس ما تغفر ولا تنسى
عشان كذا اقولك لا احد يشوفك مع ام سعود. . . هي مثل اختك ما قلنا شي بس لا تطلع معاها بأماكن عامة.
نظر مشعل لأبيه بإستغراب/ انا ما سويت شي غلط عشان اخشه. . . بنت ناصر ما شفت منها شي مو زين. . .
قاطعه صوت نور التي تنزل السلم/ ترضى مشعل لو اطلع مع واحد غريب من صبح الله لين المسا. . .؟
هتف بضيق/ ام سعود تختلف عنك هي ام لرجال مو صغيرة. . . وحتى لو كنت غريب عنها انا بحسبة ولدها.
نور نطقت بقهر/ كنت بطير من الفرحة برجعتك ضنيتها عشاني. . . بس الحين من كل قلبي اقولك ليتك ما رجعت
رجعتك بينت لي ان مها ما احد يوصل غلاها بقلبك. . . انت اخوي الوحيد ومن حقي اكون اغلى من روحك
مثل ما غلاك بقلبي ما احد يوصله.
قبل رأسها وهو يقول بصدق/ وغلاك بقلبي ما احد يوصله. . .لو كنت مقصّر معاك تأكدي ان مافيه احد اغلى منك.
نور ابتسمت/ ايه شاطر بس بالحكي ولا وقت الفعل ما عندي احد
انت اصلا عمرك ما شاركتني اكلي. . . عمري ما طلعت معاك.
هتف مشعل وهو يجلس بجوار والده/ كم مرة عزمتك وتعذرتي بشغلك. . .؟
اول اسبوع ثلاث ايام وانا اتغدى هنا لحالي لأن انتي وابوي بالدوام.
هتف تركي بصرامة/ انا سكت عنكم كثير. . . نور يروح من يومها 14 ساعة دوام
من بكرة اشوفكم قدامي على طاولة الفطور الساعة 6 الصبح والغداء الساعة 2
سمعتي نور. . . دوامك ينتهي 2.
نور اعترضت برقة/ يــبـه وشلون يمدي اخلص خله ع الاقل الى 4 العصر.
تركي نظر لها بغضب/ صجيتينا بتقصير مشعل وانتي ما شفتي نفسك. . .!!
قبل مشروعك سكت عنك تداومين من 6 الصبح الى 8 بالليل ما احد قالك انتي مقصرة
بس الحين خلاص دوامك ينتهي 2 وهذا امر يا نور مو قابل لأي نوع من النقاش.
ثم نهض وسط صدمة نور التي لأول مرة يحدثها والدها بهذه الطريقة
اغرورقت دموعها وكادت ان تنهض راكضة الى غرفتها
ولكن امسك مشعل بيدها وهو يقول بحنان/ نور أبوي صادق انتي هلكتي نفسك بالشغل.
جلست بجوار مشعل وهي تقول بإختناق/ بس ماله داعي كل هالعصبية.
انتهى. . .