21والأخيير
:انت وبعدين معك ماتفهم؟!!
صقر بعصبيه:مواز هذا ريلج احترميه
مواز سكتت وهي تتكتف بقهر:هه
صقر تنهد:شلها اشيمه تبا تشلها
مواز صرخت:ليش حد قالك مانه بعمري؟
صقر بصرامه:انتي تشب... احيده زوجج واي كلمه زياده رح اخليه يسحبج من شعرج لعنده
مواز بققت عيونها:لاه
والدموع تتجمع بعيونه:مب رايحه معه يمششش بوووزه
ودخلت عنهم وهي كاتمه صيحتها...
صقر تنهد بقو:يالله وبعدين مع هالبنات مشاكلهن ماتخلص
فيصل اللي واقف بهدوء وساكت:صقر
صقر:هلا
فيصل تبسم:ممكن تسويلي درب انا بتفاهم معها
صقر راح يسويله درب:سوي اللي تباه محد بيمنعك تستاهل كل اللي بتسويه فيها
وعند البنات...
دانه:اش هالحراكات اعقلي
مهره:الحين انتي ع شو معانده ترا فالاخير بتروحي معه بتروحي معه
مواز والدموع بعيونها بقهر:مب رايحه مكان... هالنذل يبا يستغل الرهان عشان يذلني... يبا بس فرصه عشان يصيحني ويقهرني يستلذ بعذابي هه
دانه ومهره طالعو بعض بسكات... وهم اول مره يشوفو مواز كيه منهاره... ومابيدها شي تسويه لانها خسرت الرهان...
صقر خل عليهم:يابنات سوو درب فيصل بيدخل
مواز صرخت:لااا... محد بيطلع مابا اشوووفه
صقر نهرها نهره هزت البيت:تشششب لاعاد اسمع حسج...
والتفت ع دانه ومهره:وانتن براااا يله
مهره ودانه طلعن بسرعه...
صقر مسك دانه:خبري منى لا تطلع
دانه بلعت ريجها:تـ..تمام
وراحت...
صقر طالع مواز بتهديد:اسمعي اعقلي احسلج... ترا وربي ان مارحتي معه برضاج انا بسحبج وبعقج معه مثل البهيمه فاااهمه
وطلع عنها...
مواز وهي تمسح دموعها المتمرده:ليش يكرهني اووووف ماحبكم اكرهههكم
ودخلت الحمام ركض....
فيصل اللي دخل بهدوء وسكر الباب وراه تأمل الغرفه... فيها ثلاث كرافي عدال بعض... مرتبه وريحتها حلوه... شكلها بناتيه... جلس وهو يتأمل اللاب اللي ع الاولى والكتب اللي طايحات حول الثانيه والشنط اللي ع الثالثه شكلهن يتجهزن للحين... تنهد وهو يتأمل الكرفايه اللي جلس عليها كيف معفوسه... اكيد لمواز...
سمع صوت باب الحمام صد وشافها تمسح وجهها من الماي بدفاشه وهي تسبه:الله يفكني منه هالغـ....
اول ماشافته تيبست مكانها...
فيصل بدون ملامح وبهدوء:ممكن نتفاهم؟
مواز جلست بهدوء وهي كارهه وجوده....
فيصل تنهد وهو صاد عنها:انا ما اجبرتج تجين بكيفي... ابوي مصر تجين... عشان هو يحسب اني انا اللي قاطنج بيت اهلج واريد اطلقج... تجين معي وتفهميه انه مايخصني وهذي رغبتج
مواز فرحت:قصدك اذا فهمت عمي بتطلقني؟
فيصل طالعها:اوك اذا من اول لقاء لكم بتقنعيه ماعندي مانع
مواز تكتفت:شو هذا تحدي؟
فيصل تبسم بمصخره:لا... بس يعني مستغرب ثقتج هالعميا بنفسج... ابوي وين تعرفيه وواثقة بتقنعيه بعد؟!
مواز وقفت:قوووم خلا... بتشوووف كيف بقنعه
فيصل بقق عيونه:من صدجج؟!!
مواز بعناد:ااايييييه
وعفطت تلبس عباتها
فيصل فخاطره:ايه طلع الموضوع حله بسيط... الخبله صدقت... صحيح انها ياهل ههههههههه
*******************************
:مايضحك مشي اصلا يضحك كلمني بدون مصخره وفهمني بلاك ذياب
ذياب تنهد وهو متبسم لاخوه:ياخوي اش افهمك الله يهديك؟
شهاب معصب:اش صاير معك هاه؟
ذياب قام عنه متبسم:ولا شي بس تعبان بقوم اريح... واذا زاعجنكم خبرني بدورلي شقه
عليا اللي جايبتلهم حلو:على وين ذياب؟
ذياب كل مايطالعها يتذكر مهره:ولا شي بس احس بيتعب بدخل اريح عن اذنكم
عليا:طيب تم شوي ذوق الحلو
ذياب:تسلمين بس مالي نفس
ودخل عنهم؟؟؟؟
شهاب تنهد بقو:شفتي قلتلج فيه شي
عليا وهي تجلس عداله:تهاييه كل هذا بسبت مهره؟!!!
شهاب رفع كتوبه بتوتر:مدري عليا بيجننبي والله
عليا سكتت وهي تتذكر يوم كلمنه ع الشات واستحقر مع مهره وطلع فيصل وكانو بيعرفو منهم معلومات مثل ماخبرها فيصل:تهاييه متحسس من سالفه مهره ع الشات لما ابتزها هو وفيصل؟
شهاب:ماظن عليا... السالفه اكبر من مهره والشات في شي اكبر يصير ماقادر اعرفه
عليا خافت:مثل شو يعني؟
شهاب:حاس بهالشي عليا... واحساسي عمره ماخذلني
وقام:بشوفه لازم ينطق تعبت بستخف والله
وراحله...
عليا سكتت وهي تفكر..
دق الباب ودخل...
ذياب اللي منسدح:هلا شهاب وش بغيت؟
شهاب سكر الباب وجلس عدال اخوه اللي تعدل وجلس يطالع اخوه بصمت:ذياب نحن اخوان ومالنا غير بعض... ياخوي لا تجنني علمني اش صاير معك؟
ذياب....
شهاب:ذياب
ذياب تنهد وهو موطي راسه:صارتلي سالفه من فتره وبالصدفه اكتشفت اني مصاب بالسرطان
شهاب وقف مفجوع وهو يصرخ:وشووووووووو؟؟؟؟!!!!
ذياب سكت وهو يكابح دموعه:لا تعلم حد مابا حد يعرف
شهاب واقف بعده ماقادر يستوعب اللي يسمعه اخوووووه مصاب بالسرطان؟!!!!... تفكيره انشل تماما...
ذياب طالعه ونقع ضحك:امزززح معك انت صدقت
شهاب بغى يذبحه صرخ فيه بغضب عارم:ياثقل دمك
وطلع عنه لو تم بيذبحه... وقفله قلبه ع الفاضي...
عليا اللي وقفت ع نهرت اللي هزت البيت..
ولحقته ركض للحديقه...
شهاب وهو يرفس الارض بقهر...
عليا راحتله:حبيبي بلاك اش صار؟!
شهاب وهو منفعل:الغبي فاضي يستثقل دمه وانا ع اعصابي
عليا وهي تحاول تهديه:خلاص انزين اهدا عشااااني
شهاب طالعها وهو براسه فكره:مهره اريد مهره جيبيها له لازم يتلاقو
عليا بققت عيونها وبتناحه:هاه؟!!!!!
شهاب:اخوي هالتافهه يبالي حد يطلع اللي بقلبه... لا فيصل ولا انا قدرناله نجيبله اللي جننته وخلته يتوب ويعقل ويترك سوالفه عشانها هه
ودخل عنها...
عليا للحين مامستوعبه:هذا اش يقووول؟؟!!... وربي استخف!!!!
***************************
***************************
وعند مواز اللي راحت عند فيصل...
بغرفتهم...
مواز وهي اطالع فالصندوق اللي قدامها:وش هذا؟
فيصل:لبس... وكمالياته عشان تكشخي... اول عشا لج عندنا لاه
مواز بوزت وهي تطالعه:شكرا لاهتمامك
فيصل كاتم ضحكته عليها:تمام بخليج تجهزي لاتنسي عشر بالضبط تكوني زاهبه
وراح عنها...
مواز بوزت:ماااالت عليك المليق
وفتحت الصندوق شهقت وهي مبهوره بالفستان اللي بين يديها:وللل هذا اكيد استخف؟!!!... فستااان قدام اهله
:لااااا باللغلط
مواز فزت وهي تصد وراها...
فيصل متبسم وبيده صندوق:هذا اللبس باللغلط الخدامه حطته... تفضلي
مواز خذته منه مبهته... فتحته وطالعته:وش هذا؟!!
فيصل:خليجي احلا لاه
وطلع عنها يدندن:خليجي دمي خليجي... خليجي قلبي خليجي... خليجي انا خليجي...خليجي انا كلي خليجي...خليجي...
مواز وهي تضحك عليه:هههههههههههههههه خبل
وعند البنات...
مهره:بكره بسير ازور خواني
دانه وهي ترتب مكتبتها:حلووو
مهره تنهدت:تهاييه بتتقبلني امهم؟
دانه تبسمت:ان شاء الله
مهره بتغير السالفه:الا مواز كيف قنعها فيصل احيده مزنبره وراكبه راسها ماتسير معه؟!!!
دانه:ههههههههههه صقر يقول طفرتبه ولا طاعت تتسمعه هو فدقيقه قدر عليها
مهره:من يصنف يقدرلها ودوووم يجيب راسها مدري كيف؟!!
دانه:كلن الله يسلط عليه حد
مهره بنبره ريبة:الا دانو
دانه طالعتها بستغراب:بلاج؟
مهره:صحيح عمتي منى بتتزوج؟
دانه تبسمت وهي تتذك
انه منى مخبرتنها عن سالفتها وفارس من قبل:ايه اخيرا بياخذها الانسان اللي طول عمرها تمنته
مهره بققت عيونها:صدج؟!!... تحبه؟!!... من وين تعرفه؟؟؟!!
دانه تبسمت:كانو زملاء دراسه وهو فارس ترا
مهره بققت عيونها اكثر وبشهقه:فارس اخوج؟!!... سكرتير جدي؟!!
دانه:ههههههههه ايه هو نفسه... شفتي كيف الدنيا صغيره
مهره سكتت تفكر وهي تتذكر ذياب....
دانة طالعتها:مهره
مهره فزت:هاه!!؟؟
دانه:بتروحي عاد تعيشي عند خوتج ف بيت ابوج؟
مهره رفعت كتفها:مدري دانه... الحين اكثر وقتي بيكون فمسقط نادر اجي هنيه
دانه تبسمت:صح بعد نحن بنبقى هنيه صقر مايبا يودر ابوه
مهره بنبره غريبه:بعد كل اللي سواه الله يسامحه
دانه:مهره العفو عند المقدره طيب؟
مهره تبسمت:يظل جدي
دانه رجعت ترتب كتبها بصمت...
مهره وهي ترد ع تلفونها:هلا عليوه وينج فيه قاطعه؟
عليا....
****************************
هلاك
12-30-2023, 12:43 PM
****************************
عند مواز اللي كشخت ولبست وهي تتعدل:اووووف اش اسويبه الحين هذا؟!!
:امممممممم ماشاء الله
مواز صدت صوب الباب بفزه... اول ماشافته استحت وهي تبلع ريجها:هذا اش يبا؟
فيصل وهو يسكر الباب:اممممم تفضلي وهو يعطيها كيس
مواز خذته منه باستغراب واحراج:انت بلاك كل ماطلعت جيتني بشي اش هالاحراج؟!!
فيصل تبسم ع تعليقها...
مواز فتحته... وحصلته تفلون:ليش؟
فيصل:بتحتاجيه وبما اني ولي امرج فلازم اوفرلج كل شي بتحتاجيه
مواز فرت الكيس ع التسريحه بعدم مبالاه:ولي امري هه
وصدت بتطلع...
فيصل استفزته حركتها:على وين؟
مواز طنشته ونزلت تحت... حصلت ابوه وامه ارتبكت اول وهله بس اول ماحستبه لحقها ووقف عدالها تشجعت...
طالعته... تبسملها:تعالي
مواز حست بالامان وتبسمتله بود...
فيصل وهو يتأمل ابتسامتها تبسم اكثر ومسك يدها ومشها معه لابوه وامه اللي جالسين فالصاله...
مواز وهي حاسه بالريبه خاصه انه ماتعودت للحين ع اهله خاصه امه اللي ماتطيقها بس ابوه شكله طيب...
فيصل وهو يشوف ابتسامة ابوه وهو يغمزله:السلام عليكم
امه بدون نفس وهي تخز مواز:وعليكم السلام
ابوه بفرح قاملهم:هلا والله بعروسه ولدي
مواز وهي متمسكه فيد فيصل تبسمت بتوتر وهي تحس نظرات ام فيصل تحرقها حرق...
فيصل وهو يترك يدها ويحاوط كتفها بحكم قصرها:سمحولها عروستي الصغيرة مستحيه شوي
مواز استفزتها حركته... وخاصه انه يعاملها كتفطله قدام امه اكثر من كزوجة وهالشي يستفزها...
بعدت عنه وهي تسلم ع ابوه وباست راسه...
فيصل تبسم اكثر ع حركتها وهو عارف ماينفع معها غير الاستفزاز... عشان تنسى الحيا وتتجرء...
مواز ترددت وهي بتسلم ع امه بس تشجعت وسلمت عليها...
امه بقرف:بس بس مايحتاج وييع
ابوه عصب:يا ام...
مواز قاطعته:ماعليه خالتي... فيصل علمني انج تبيله غيري وانا موافقه اذا تبي زوجيه
امه بغرور:مايهمني رايج وافقتي او لا
ابوه عصب اكثر:من قال بسمح اصلا بهالشي
مواز وهي حاسه انها صبت الزيت ع النار بكلامها الغير مقصود... سكتت وهي بين ام و ابو فيصل... وموطية راسها تسب عمرها ماعارفه كيف تتصرف...
ماحست الا بحد ساحبها من وسط هالزوبعه المتكهربه...
*************************
بنفس هالوقت...
:هههههههههههههههه استخف!!
عليا بوزت:عمور هذا بدل لاتساعدني.... تضحك!!!؟
عمر:هههههههههه عليا ريلج اسمحيلي خرف رسمي... انتي من رجعتيله وهو عقله بحححح
عليا شوي وتصيح:لاه!!!...تراه يتكلم جد... توه منبه علي اكلم مهره
عمر بجديه:زين تبي اكلمه لج؟
عليا:لا عمر بيقولي بدل لاتخبري اختج تخبري اخوج بيزعل علي
عمر تنهد:زين نكلم صقر يكلمه مب منطقي اللي يطلبه منج شو مهره تقابل ذياب؟!!
عليا تنهدت بقلت حيلة:مدري عنه!!!
عمر:زين اسمعي انتي خلاص لاتحاتي انا بكلم صقر وبخليه يكلمه
عليا:هو شايف ذياب محتاج حد يفضفضله وذياب كاتم مب راضي يفضفض لاحد وعاد مالقى حيلة غير مهره
عمر:حتى ولو مب حل البنت اش يخصها؟!... اش ذنبها ترجعوها فحياته وهم الاثنين يحاولو ينسو بعض؟!.. بهالحركه بيرجع الامل ينبض داخل قلوبهم
عليا:زين وش المانع اللي يخلي حبهم مستحيل ومرفوووض وعار؟!!
عمر:ياعليا مب مسأله عار وعيب المسأله بدايتهم غلط... بيعيشو كل حياتهم بشك... واللي ينبني ع الباطل عمره مايدوم ولا يستمر
عليا:اي باطل وهم حبو بعض غصبا عنهم... يعني هي كان محتاجه حد وهو طلعلها وتفقو انهم يبقو بحدود لاخوه ماسوو شي عيب ولا يسود الوجه بس صار انهم حبو بعض غصبا عنهم بعد وش الحيله؟!!
عمر:يا عليا افهمي المشكله مهره صغيره وذياب له سوابق يعني هي حبته تمام بس كان مغازلجي ع اتفه مشكله تصادفهم بيعيرو بعض وبيجرحو ف بعض والشك بيدمرلهم حياتهم وحبهم... الحب مب كل شي... الحب مايكفي ولا يبني السعده لحاله يحتاج ثقه و صدق وبدايه صحيحه
عليا باستنكار:يعني وش بتفرق اذا حبله وحده فالجامعه عنده ولا بالشات تدردش معه بحدود الاخلاق والادب... نفس الشي ترا؟؟؟!!!
عمر تنهد بقو:نظره المجتمع ماترحم
عليا عصبت:المجتمع ماله دخل وش عرفه وين هم تعرفو على بعض واحد وخطب وحده وتزوجو اش علينا من المجتمع وتخلفه وهمجيته؟!!
عمر:هذا الشي مب منطقي ولا معقول
عليا:بس ليش عندنا شوف الدول الثانيه عادي نحن مدري ليش معقدين السالفه؟!!... الشات ماعاد مكان للمغازل والتعارف بالعكس في ناس محترمين يدخلوه بدافع الدردشه وتبادل الاراء
عمر:هذا عندج الشات معروف اساس الخراب والانحراف واللي يحس للحين نفسه مراهق يدشه
عليا:مب لازم
عمر:الا لازم يدش الشات ليش؟!.. عشان يضيع وقته بدردشه رخيصه ومالها معنى ولا فايده
عليا:انت تحمل الوتس ليش؟!... تضيع وقتلك بالدردشه مع ناس انت تعرفهم صح... بس ترا مب بشخصيتك الحقسقه لازم تجامل هذا و تحط حدود مع هذا... ع عكس الشات انت حر وماتعرف حد كل واحد وتربيته
عمر:المرباي مايدخل الشات من الاساس... و الوتس كل المضافين عندي اعرفهم اهلي وربعي... وادردش معهم كتواصل اجتماعي وصله رحم
عليا تنهدت بقلة حيله:مب هذي السالفه السالفه مهره وذياب اش ذنبهم ينحرمو من بعض بس لانكم حكمتو ع علاقتهم بالفشل من دون ماتسمحولهم هم يقررو؟!!
عمر:ياعليا افهمي الله يخليج... هذا حمايه لهم... مهره بعدها صغيره بتواحيله الحب والزواج... توها بس تشوف الدنيا وتنضج... وذياب لعاب وشباب وبعده طائش... يعني بثنينتهم مابيتحملو اي ارتباط وهم للحين مامستعدين له... وانتي بنفسج قلتيها من البدايه حكرو علاقتهم بحدود الاخوه لانهم عارفين مابيقدرو يتحملو غير انهم يظلو اخوان ع الشات وبس... من الغباء نسمحلهم يرتبطو ويستمرو بعلاقه فاشله...
*********************************
وعند مواز اللي شوي وتصيح من القهر ع كلام ام فيصل الجارح...
فيصل ماتحمل اللي يصير وسحب مواز لحضنه بتملك:انا تزوجت خلاص... وغير هالبنت ماريد
مواز اللي ذابت فحضنه وضاعت علومها وهي تسبه ع جرأته قدام اهاه... واحراجه لها...
امه استفزته حركته قامت سحبت مواز من حضنه بقرف:انت بلاك الحين هالياهل وش عاجبنك فيها ابفهم؟!!
فيصل سحب مواز من امه لحضنه مره:أحبها!!
مواز هنيه طالعته مطيره عيونها فيه... شافت الللمعه الغريبه نفسها اللي كانت بيوم عزيمة عليا وشهاب بعيونه ونبرته لمست قلبها... معقوله صدج يحبها؟!!... متى وكيف وليش؟!... واحى يحبها؟!.. معقوله وهذي المره الثاني يصرح بحبه؟!!!....
معقوله كسرت سيارته وضربها واهانها واهانته وكل واحد يرد فالثاني الضربه اقوى من اللي قبلها وفالنهايه يحبها؟!!!
فيصل طالعها بنظره غريبه وهو يشدها اكثر لحضنه كنه يقولها ايه صدق اللي تسمعيه احبج..!!
امه اللي سكتتها رده... انصدمت من ولدها اللي اول مره بعمره تهمه بنت و تثير اهتمامه... معقوله محاولاتها السنين اللي مضت عشان يحب بنت اختها راحت هباءا منثورا؟؟؟؟!!!!
ابوه وهو ينهي هالنقاش الحاد بصرامة:خلاااااص
وسحب مواز من حضن فيصل بحنية:ماعليه ولدي وامه دفشين تحمليهم
وشلها معه:خلا نتعشا ماعليج منهم
مواز اللي للحين مصدومه ماتبا تبعد عن فيصل وهي رغم كل اللي سواها فيها ومن اول مره تقابلو تحس بالامان معه...
بو فيصل:هههههه اكيد جوعانه صح
مواز اللي حبته وحبت حنيته بود:مشي باس
ابو فيصل تبسملها وهو يغمزلها:تحملي فيصل ترا من صدجه يحبج وانا عارف انج بعد تحبيه اول سنه زواج لازم تكون صعبه بس متأكد بتتجاوزوها
مواز سكتت وهي ماتبا تحبطه باللي بخاطرها... وحاسه اصلا بتشتت معقوله تحب فيصل لالا ماوقت الزواج اصلا... تبا تعيش حساتها برواق مب مستعيله ع الزواج وهمه ولازم تنهي هالسالفه بسرعه... واهم شي قبل لا تحبه وتعشقه...
فيصل اللي لحقهم:يبه حرمتي لا تشرشها علي
ابوه:هههههههههههه ول ياعديم الثقه
مواز تبسمت ع الود اللي بين فيصل وابوه وهي تتذكر جدها وحنيته معهم وكيف عقب اللي صار معها وفيصل عاملها وتغير معها...
*********************************
نرجع لعليا وعمر....
عليا باستنكار:الحب مب علاقه فاشله... مب يعني تعرفو ع بعض فالشات خلاص حكتمو ع علاقتهم بالفشل... يقدرو بحبهم لعبض يحلو كل مشاكلهم ويخلقو لنفسهم السعاده... هم ماحبو بعض الا لانهم حصلو السعاده اللي يدورها من كل هالعالم ف بعض
عمر يحاول يفهمها وهو مستنكر كلامها:هذا الكلام ينطبق ع الافلام والمسلسلات مب فالواقع... واساسا حب المراهقه هذا ما اسمه حب
عليا عصبت:حب مراهقه يخلي ذياب ذابل جسد بلا روح... ومهره روحها علقه فيه... يوم ابتزها بكت دم وماندمت ع حبها بكت صدمتها وهي مامصدقه انه... قلبها ذاااب... وتقول حب مراهقه؟!!
عمر:اسمه حب مراهقه لانه وهم وجامح يتهيئ للشخص انه حقيقي وهو اول مايصادف حب غير ينمحي ويختفي على طول
عليا:زين اتحداك... اذا فكرتك صحيحه ف مهره لمجرد ندخل انسان ثاني بحياتها ويكون بمواصفات فارس احلامها بتنسى ذياب
عمر:ونفس الشي عند ذياب انتي تحسبيه يحبها هو متألم وندمان انها طلعت تقرب لربعه وانه اذى ربعه و بنت وثقت فيه وحبته وبسسسسس مايحبها ولا يعشقها يشوفها اخت وبس
عليا:تم عيل بدل لا نجيب لذياب مهره ترجعه للوهم ع قولتك ندخل ف حياته بنت ثانيه تنسيه هالوهم وتصحيه من اللي هو فيه وننسيه تأنيب الضمير انه يسامحوه الشباب ومهره و نخطب لمهره واحد ينسيها صح؟
عمر بثقه:صح.... هذا هو الصح
عليا:طيب كلم صقر واحمد وخالد خلينا نحل هالمشكلة عاد
عمر:تم بس لا تعلمي حد من البنات
عليا:لا مابعلم حد بس شهاب عشان يفهم ويستوعب ويساعدنا
عمر:تم...الا انتي اتصلتيبها وش قلتيلها؟
عليا:مشي ماقدرت اخبرها رقعت منيه مناك بس... وقالت بكره خالد عازمنها بيتهم
عمر:اهااا... صح خبرني
عليا:بسوي اي شي عشان خواتي
عمر تبسم:وانا بعوضكن باي طريقه ياخواتي
عليا:بس مهره مب اختك
عمر:ههههه زين تعتبر اختي
عليا خطرت فراسها فكره جهنميه:اش رايك انت تخطب مهره؟
عمر فز وارتبك:لا عليا مايصير... لازم نخطبل للاثنين من برا العايله عشان ماتصير حساسيات
عليا تبسم بخبث:اهااا... قول احب وحده صح؟
عمر توتر اكثر:امكن
عليا:هههههههههههه مبروووك عيل بنفرح فيك
عمر سكت وهو يتذكر امل حلم عمره اللي يتمنى يتحقق بفارغ الصبر
*****************************
و عقب العشا عند فيصل ومواز اللي طلعو جناحهم... عقب عشا هادي ماخلا من تعليقات فيصل وابوه اللي تلطف الجو من وقت لثاني... ونغزات ام فيصل اللي تحربها مواز..
مواز وهي اخيرا تتنفس الصعداء:ول خيبه امك محوله الجو جحيم
فيصل اللي داخل وراها وسمع كلامها اللي ماعجبه:تظل امي مهما سوت
مواز وهي تتذكر امها سكتت عنه...
فيصل دخل عنها يبدل ثيابه...
مواز اول مادخل لمحت كرتون التلفون سارت وفتحته... طلعته وفتحته تتعبثبه... يبالها بطاقه... تنهدت بقو وهي تفره ع التسريحه...
:هيه تراه غالي
مواز فزت:هاه!!
فيصل تنهد بعصبيه:قومي بدلي شكلج ينرفز اوووف
مواز عصبت منه:بالله ابدل وش البس؟
فيصل طالعها بنص عين... تخصر وهو يصد صوبها بتأمل عميق...
مواز توترت ع نظراته وهي ترجع خصله من شعرها طاحت ع عيونها ورا اذنها بارتباك وهي تتأفف من نظراته اللي تحرقها حرق...
فيصل وهو يقرب منها بجرأه:اممممممم
مواز وهي ترد ورا عشر خطوات:لاتقرب اووووف بدا
وركضت للخمام بس لحقها ومسكها بسرعه... جات بتصرخ بس سدلها فمها قبل لا تصرخ وهو عارف كل حركاتها الطفوليه:اششششششششش ولا كلمه
مواز وهي تحاول تتحرر منه...
فيصل تركها بعصبيه:اووووف متى بتفهمي يعني وش اسويلج بالضبط عشان تحسي؟!!
مواز وهي تبلع ريجها... حست بالذنب خاصه انها ضيقتبه بكلامها عن امه... ودايما تستفزه وتتواقح معه وهي مادة بوزها بندم:انزين آســــفـــــة
فيصل طالعها وهو رافع حاجب:شووو؟؟!!
مواز بلعت ريجها وهي تتأفف:آسسسسفه هه
فيصل طالعها وهو يتكتف:لاه كيه بالله عليج يعتذرو؟!... هه
وراح عنها...
مواز صرخت:زين وش البس ابنام؟
فيصل وهو يفر جسمه ع الفراش:مالي دخل تصرفي
مواز عصبت:اتصرف يعني كيف؟
فيصل وهو يتلحف:مدري لاه
مواز عصبت منه اكثر ودخل غرفه تبديل الملابس وهي تسبه بقهر:النذل...
شافت كبته مفتوح تبسمت وهي تتأمل ثيابه بخبث:انزييين بتصرف ههههههههه
فيصل وهو مب نايم يتقلب ذابحه الفضول بيعرف اش بتسوي...
تنهد بقو وهو يحس بالملل خلاص... الاالفضول ذابحه بيعرف اش تسوي طولت...
توه بيقوم يشوفها الا وهي تطلع من الحمام على طول تلحف بسرعه وخلا عمره نايم...
مواز وهي تمشي شوي شوي ع اطراف رجولها...بحذر...
طالعته وهي تعض شفتها:اوووف الحمدلله نايم... ونامت ع الطرف الثاني بحذر وهي كاتمه ضحكتها تتخيل شكله لما بيصحى بيحصلها معطرة نص ثيابه بعطورات نسائيه و مشتبهم مكياجها عمد عشان بس تعصببه....
مواز وهي تحس شكلها غلط وهي لابسه قميص من قمصانه وريحة العطر فايحه منه من غير الروج اللي حطته بالعمد عشان تمسحه ع القميص لانه مهما يسوي مارح يخووز...
ضحكت بخبث ع الخفيف وهي ترفع رجولها لصدرها بتغطيهم تحت القميص تحس بالبرد...
فيصل اللي ريحه العطر مدوختنه مب قادر يتحمل قام وهو يلاهث خلاص بيموت.... صرخ عليها:هيه انتي شمسويه؟
مواز من تحت اللحف:مشي
فيصل سحب اللحاف عنها بقهر وهي صرخت بفجعه:لما اكلمـ....
بلع ريجه ع شكلها وصد عنها يسحبله هوا وقام وهو مغمض عيونه بقو وعاض شفته:انتي ناويه علي اليوم؟!
مواز مبهته ع كلامه:هذا اش فيه... ماعصب ولا صرخ فيني كنه تضايق؟!... لاالاااا...
فيصل عاطنها ظهره:اش معنى هالتصرفات؟
مواز وهي ترد اللحاف ع جسمها ماده البوز:ماحصلت لبس مريح فاستعرت من عندك
فيصل صد صوبها بقهر:تقومين تلبسين قميص مغري وفضفاض وتحطي عطر ورو... ااااه
وصد عنها ماسك عمره...
مواز تبسمت بغباء:غبي... الحين بالله عليك انت جالس تنازعني ولا وشو؟
فيصل:لا يالغبيه... قومي بسرعه بدلي وارجعي اتسبحي لا اقطعج
مواز عصبت:هه مب قايمه تعبانه بنام.... قال يقطعني قال هه
ورجعت بتنام بس فيصل سحبها له وبلهجه غريبه:قووومي احسلج لا والله ماتشوفي خير يالغبيه... يالياهل
موزا عضا شفتها بقهر:اوووف مااااباااااا
فيصل همس بقهر وهو ماسك عمره عنها:بصيحج ترا
مواز ارعبتها لهجته خاصه انه مقربها له وهمس فاذنها بلهجه ماتطمن... قامت فزت من الفراش برعب:لا لا تقرب
فصل تنهد بقو:عيل بدلي تراج تثيريني
مواز بققت عيونها وشهقت بغباء:شوو؟!!
فيصل صرخ فيها:خطفي لااا...
ماكمل الا مواز عافطه للحمام ركض بخوووف..
تنهد بقو وهو يفر جسمه للفراش ويضحك ع شكلها الخايف:صدقت بس ماعليها اوريها عشان مره ثانيه ماتتعبث بثياااابي....
تذكر شكلها وتبسم بود:ههههههههههههههههههههه ياهل!!!
*************************
هلاك
12-30-2023, 12:43 PM
*************************
ذياب اللي يقلب فالاوراق اللي قدامه بملل.... وهو شارد بفكره لعالم ثاني...
شهاب جالس مقابلنه وهو يشتغل ع اللاب وكل شوي رفع عيونه له وتنهد بخيبه واحباط ورجع اشتغل...
عليا جاتهم بشاي:تفضلو
شهاب تنهد وهو يحس بألم فرقبته:اااه احس اني بصدع رقبتي تعورني
عليا بعتب:قلتلك لا تجلس ع اللاب وقت طويل ماتسمع الكلام
شهاب تبسم:فديت اللي يحاتوني
عليا تبسمت له:لاه
ذياب خذ كوب وقام عنهم بهودء...
شهاب:على وين؟
ذياب تبسمله:بطلع اشم هوا واغير جو شوي... وافضي لكم الجو... خذو راحتكم هههههه
وطلع عنهم...
عليا وهي تتذكر كلام عمر... فخاطرها:من هالبنت اللي بتنسيه مهره هه؟!!
شهاب تنهد بقو:كلمتي مهره بخصوص بكره؟!... ترا ضروري يشوفها
عليا جلست مكان ذياب وهي تبلع ريجها مقابل شهاب:حبيبي انا كلمت عمر لاني ماقدرت اخبر مهره... اش تباني اقولها؟!... والله ذياب كاتم شي جايد ويباج اخوه تساعديه تعرفي اش فيه؟!... اردها ف حياته وهي تحاول تنساه؟!... مايصير
شهاب سكت عنها وهو عارف انه كل اللي تقوله صح ومنطقي بس اخو الحين كل همه...
عليا:ترا احتمال تزيد انتكاس حالته النفسيه اكثر بدل لا تتحسن
شهاب ماعلق ع كلامها تنهد بقو و طالعها بنظره عجز و يأس:والحل عليا احس بعجز فظيع اخوي مدري بلاه ولا عارف كيف اساعده واخفف عنه... وهو اللي فأزمتي وقف معي وساعدني ولولاه اشهد اني كنت بدخل ازمه نفسيه حاده
عليا سكتت وهي منصدمه من كلامه معقوله شهاب كان يحبها لهدرجه... الا يعشقها واللي سواه ذبحه وشكله تعذب عذاب...
شهاب طالعها وهو يفكر ف ذياب شافها تطالعه سرحانه فيه... فهم من نظراتها وين ماخذها تفكيرها... حط يده ع يدها وتبسم بحنيه:مثل ماتعذبتي انا تعذبت... احبج وربي اموووت فيج
عليا استحت وهي تنزل عيونها عنه...
شهاب سرح فيها وهو يتذكر يوم طلقها و راح لاخوه منهار...
ذياب وهو يحاول يهديه:شهاب هدي الله يخليك فهمني اش صار؟
شهاب وهو ماسك راسه كاتم عبراته بخنقه فضيعه....
ذياب:شهاب انطق وربي نشف دمي
شهاب بلهاث:طلقتها....
وصرخ:طلقتها ذياب طلقتها
ذياب طالعه بصدمه:طلقتها؟!.... ليش؟!!!!
شهاب وهو يسحبله نفس يحس بينفجر فأي لحظه:خلاص صار اللي صار خلاااااااص.... خسرتها
ذياب عصب:زين ليش حرام عليك بعدكم معاريس؟!!!
شهاب....
ذياب مسكه من ثوبه بقهر:ليش ليش دايما تحطم سعادتك ابفهم انت ليش غبي؟!!!
:شهاب شهااااب!!؟
شهاب فز ع صوتها:عيونه
عليا وخدودها متورده:تسلم عيونك... بس... بخصوص ذياب ترا عمر مقترح فكرة
شهاب وقلبه ذيب ع اخوه يبا يخفف عنه وبفضول:وش هي؟
عليا.......
************************************
:شفتي تأكدتي بنفسج؟
منى وهي تتنهد فرت الاوراق بملل:شفت... اصلا ماكان عندي شك... و رح اتنازل انت خلص كل الاجراءات
وقامت عنه ببرود...
صقر مسكها:منى
منى طالعته:نعم؟
صقر بجدية:ياختي اش فيج؟
منى تبسمت بذبول:ابوي صقر... اعترفلي بكل شي...
ونزلت دموعها:ابوي... يودع
صقر اللي يحس كلامها خناجر وتنغرس ف صدره... رجع خطوات لورا عنها بيتنفس:ا...ابوي؟!!
منى مسحت دموعها:عادله فترة يتصرف تصرفات غريبه... وكل شوي يودعني
ونزلت دموعها مره...
صقر ركض لغرفة ابوه مامصدق... ابوه بيموت... لا هو ولا خطة شهاب ولا حد من الشباب ولا البنات وفعايلهم ذبحته... بوه الديكتاتوري اللي ذبح عياله بدون رحمه ويتم عياله وأذاهم يودع...
دخل بفجعه وهو يلاهث:ابوي
ابوه وهو منهمك فالجريده اللي بين يديه... رفع راسه له وهو ينزل النظارات عن عيونه...!!
صقر راح وجلس ع ركبه قدامه:انا وايد اذيتك ورفعتلك ضغطك بسوالفي... صح انت كنت الغلطان بس صدقني كنت اتمنى تصحى وتسامحني ع اللي كنت اسويه وقلت احترامي لك... صدقني كنت اتعذب لما تأذي حد ومعرف كيف امنعك...ا....
فهد قاطعه بهدوء:مابقى فيني حيل... المرض هد حيلي يا صقر... احسه ينخر فيني ياخذ حقكم مني...
وتنهد بألم:محمد و طاعته لي و حبه لام مهره وتضحيته.... ظلمته مع ام احمد وظلمت بنت الناس معه... وحطيت كل الذنب من المسكينه اللي حبها وعشانها ضحى بكل شي... يتمت مهره المسكينه واحمد وخالد بس عشان جشعي وانانيتي.... وشيخه...اه ياشيخه... كررت فيها اللي سويته بمحمد... وحرمتها من ضناها ولا كأنها بنتي... وعيشته ع كرهها وذكراها زين انه ماتعقد وكبر انسان حقود ومريض نفسيا...
صقر سكت وهو عارف لولا خالد والشباب كان عمر صحيح صار نسخه طبق الالصل عن جده وحقده...
فهد كمل بغصه:و منى المسكينه تعرف كل شي بس عشان ماتخذلني بقت معي حتى وانا ع خطا وباطل
صقر صرخ:وهذا اللي كان يشجعك ع الاستمرار
فهد سكت....
صقر بقهر:تقدر تصلح كل شي... اصلا كل شي تصلح بس انت بري ذمتك... صدقني بيسامحوووك مهما سويت تظل جدهم
فهد تبسم ابتسامه صفرا مطنش كلام صقر له:عليا من خوفها ع شهاب مني ماخبرتني ولا نطقت عن بطلان طلاقها منه... مواز اللي حاولت تصلح الوضع ودمرته بتهورها... وعاقبتها بتسلط وهمجية... ومهره يسد حرمتها من ابوها وامها... وخوانها... لما رفض حرمة ابوها تربيه وقطيتها لعمتها تربيها عند بناتها...ههههههههههههههههه? ?هههههه اي تسامحوني وانا مدمر حياة كل واحد فيكم!!!؟
صقر بجديه:لا رح يسامحوك لانه كل شي تصلح....البنات وعرفنا هوياتهن الحقيقه... مهره خوانها خلاص بيهتموبها وبيعوضوها... احمد قدر يحل سالفته مع اهل مها ومتعايش معها ومتقبل الوضع... خالد بعد كافح ونجح والحين بيتوظف هو وعمر اللي منشغل بمشاكل خواته وحياتهم... عليا وشاب ومواز وفيصل كلهم تمام... انت من دون لا تدري امنت ع البنات عند ربعي وشباب ينوثق فيهم وكلهم مسامحينك صدقني حتى انا ودانه مسامحينك
فهد والدموع بعيونه:خليني اكفر عن ذنوبي وازوج منى وافرحها
صقر سكت مافاهم..؟؟!!
فهد تنهد:انا اعرف انها وفارس يحبو بعض... واعرف انه تقرب مني عشانها مب عشان ع قولته الانتقام هو متعلث بسالفه قاسم ودانه بس... ساعدني افرحهم... اعتبرها اخر امنياتي
صقر وهو يحس قلبه بيوقف من الفرحه ابوه متغير ومتغر كثير اخيرا صحى ع نفسه... باسله راسه وهو يحس نجح اخيرا وكل احلامه بدت تتحقق والسعاده بحياته تشرق...
لم ابوه بقو وهو من زمان يحلم بهاللحظه...
فهد اللي نزلت دموعه:ااااااه ياصقر انت اللي طلعت غير عن خوانك عصيتي ووقفت بوجهي... طالع ع قولت امك الله يرحمها علي
صقر سكت وهو ماعارف كيف يعبر او اش يقول من زود فرحته...
منى اللي لحقت صقر وسمعت كل شي تبسمت وهي تمسح دموعها.... تذكرت امها وخوانها والبنات وكل شي صار... واهم شي فارس...
واخيرا شافت ابوها واخواها متصالحين.... الله يديم هالسعاده..!!
صقر صد وراه يطالع اخته:الا البنات وينهن؟
منى سحبت نفس:مهره ودانه بغرفتهم... عليا عند ريلها طبعا ومواز مدري كني سمعت فيصل جا واخذها معه
صقر ضرب جبهته:اوووه صح نسيت
فهد:مواز وفيصل عيشين مع بعض ولا كيف؟
صقر طالع ابوه:شبه... متفقين نتفاهم ع هالسالفه بس تخلص مواز امتحانات بس فيصل خلاها لحد النسب والحين جا شلها
منى:احسن اثنينتهم يتفاهمو فهالشي ولا حد غيرهم يقرر ويدخل ذي حياتهم هم وهم مفروض يقررو
صقر:صح بس مواز من وين تعرف تقرر خليها تعقل بالاول... ماكان ناقصنها الا ريل
فهد بغصه:كله مني
صقر:اللي صار صار... فيصل قادرله الحمدلله... هذا اللي مريحني... انه ف حد ع وجه الكره الارضيه قادر يكسر راس مواز ويفكنا من مشاكلها اللي ماتخلص
منى تبسمت ع كلامه:ايه والله
فهد....... توه ينتبه ع اللي سواه هو اش سوى؟!... كيف زوج حفيدته بهالعمر؟!... كيف اهانها وضربها.. الا هو من يومها ماشافها الا كم مرة ولمحات كانت تتجنبه...
*************************
دق عليها الباب:يامواز بلاج؟!!... مواااز ردي علي عادلج نص ساعه كامله بالحمام
مواز فتحت الباب وهي متخبيه وراه...
فيصل دخل بمحاتاه الحمام وهو يبعد الباب عنها:بلااا...
شافها مادلت وهي موطيه راسها باحراج... تنهد بقو ومسك يدها وطلعها من الحمام وراه...
دخل غرفه تبديل الملابس وجلس يفتش:دام ماحصلتي شي تلبسيه ليش تميتي فالحمام؟!... مازين كان طلعتي وخبرتيني
مواز وهي كارهه الوضع اللي وصلت عمرها له:خبرتك قلتي مالك دخل تصرفي
فيصل تنهد وهو يناولها لبس:هذا اللبس مره شفته فالسوق وعجبني كنت ابهديه لج... بيجامه عاديه بس عجبتني قطن... ورح تطلع عليج حلوة
مواز طالعته باستغراب...؟؟!!
فيصل صد عنها ورجع للفراش:بدلي ورجعي نامي تأخر الوقت
مواز وقفت مكانها:انت... صدج... تــ... تحبني؟!
فيصل وقف من دون لا يصد صوبها وهو عاطنها ظهره:اش رايج يعني اكذب؟!!
مواز وهي تحس مشاعرها متلخبطة:انت فزت بالرهان... بس ماستغليته.. يعني.. انا خنته.. مدري.. احس الزواج مسؤوليه كبيرة وانا ما اقدرلها
فيصل صد صوبها وبحنيه:الله خلقج لتكوني ام...
تبسم بعذوبه:رح تكوني ام عظيمة صدقيني
مواز... سكتت وهي ماعارفه شتقول...
فيصل:عموما... مارح اضغط عليج نعتبرها فتره خطوبه.. منها ترتبي امور دراستج ومنها نتفاهم ونتأقلم ع بعض للمستقبل
مواز بلعت ريجها:يعني رح نبدا بدايه جديدة؟
فيصل:ايه...
وراح وقف قدامها ومد يده بيسلم عليها وبابتسامه حلوه:اسمي فيصل
مواز طالعت يده وطالعته باستغراب... تبسمت ع كلامه وصافحته:وانا اسمي موزة
فيصل:ههههههههه
مواز وهي تضحك معه تحس بفرحه غريبه بس احساس حلو:ههههههههه عجبتني الفكرة
توها تنول عيونها عنه بخجل ماحست الا ب بوسه فيصل الحاره ع جبينها
حست بالفخامه وهو يتنفسها بعمق... قبلة الجبين ياساده تحسس الانسان بالفخامه وانه انسان مهم ويستاهل الحب والاحترام والاهتمام... وهالشي الي كان فيصل يريد يوصله لها..
مواز طالعته وهو يصد عنها بسرعه تحس اعصابه متشنجه:ف.. فيك شي؟
فيصل عاطنها ظهره وبلهاث:بدلي... وخلينا نتعرف ع بعض اكثر
مواز تذكرت شكلها وركضت للحمام بسرعه:اوه نسيت
فيصل اللي تنهد بقو:واخيرا رحمتني اووه وكنت بتهور
مواز اللي بدلت بسرعه وهي تتأمل القميص باحراج:ول ماعندي احساس... مالت علي من غبيه
وفرته فوق الغساله وطلعت تجدل شعرها...
فيصل اللي جلس ع الفراش ينتظرها اول ماطلعت بالبيجامه وهي تجدل شعرها:ههههههههههههههههههه? ?هههههه رهيبه البيجامه عليج طالعه كيوت ههههههههههههههههههههههههه ههههههههههههه
مواز طالعت بسرعه عمرها فالجامه شهقت:النذل ميكي ماااوس؟؟؟!!
فيصل اللي يتقلب من الضحك عليها:هههههههههههههههههه ياعمري بيبي ههههههههههههههههههههههههه هه
مواز انقهرت منه وهي تتخصر بعصبية:مايضحك
فيصل قام راحلها:فديته البيبي والله طالع عليج يهبل
مواز وهي ماده البوز:يهبل بعينك النذل شايفني طفله؟!!
فيصل:لا ياهل ههههههههههههههههههههههه
مواز صدت عنه بقهر:ايييييه نذذذل
وراحت للفراش تتوعد فيه...
فيصل:هههههههههههههههههههه? ?هه ع شو معصبه تناسبج وربي طالعه حلوووه
مواز طنشته انسدحت بتنام...
فيصل:هيه انتي لاتنامي ورانا تعارف
مواز:ههههههههههههههه تعارف بعينك الخبل.. انا زوجتك
فيصل وهو يسحب اللحاف عنها:لا صدج خلا ابتعرف عليج قووومي
مواز بتذمر:اووووه زين لا تغثنا
************************
هلاك
12-30-2023, 12:44 PM
السلام عليكم...
اليكم اخر بارت من (( كتبت اسمك على صدر السما وايامي ))
************************
جلست ورا مكتبها وهي ترتب ترد ع المسجات اللي وصلتها من الصباح ولا فضت تفتحها حتى... تنهدت بود وهي تقرا مسج عمتها...
(( لاتتأخري ع العشا اليوم عازمه ام ريان ابيها تشوفج خلي عنج الملاغه ترا الحرمه تباج لولدها و ولدها ريال ماينرد ))
مهره دغدغتها كلمات العتاب وهي ترد باختصار:ان شاء الله
تنهدت برتياح وهي تلم اغراضها وتطفي اللاب بتطلع من المكتب...
الا بخالد يطل عليها:السلام عليكم
مهره:ههههه وعليكم السلام شتسوي هنيه؟
خالد وهو بالزي العسكري الرسمي:امي موصتني امرج
مهره عبست وبنص عين:لاه... عمتي موصتنك ولا ربيعك الموقر؟
خالد:هههههههههه تبي الصدق لااثنين يحنون فوق راسي... خلا خطفي ترا ريان خلاص مابقى فيه عقل
مهره وهي تشل شنطتها وشنطة اللاب:هههههه لاه
خالد:ايه من يوم المنتزه وهو مستخف علي
مهره بخجل وهي تطلع قدامه:زين توكلنا
خالد:هههههههه مبروك
مهره بخجل:الله يبارك فيك عقبالك
خالد:عاد هذي شغلتج... تدوريلي عروس مناسبه
مهره:بس؟!.. ماطلبت شي عندي لك ويداااات
خالد:اوووه زين...
**********************************
و فمكان ثاني...
تنهدت بقو وهي تطالع ساعتها:استغفر الله... وربي لا اوريه
دخل بلهاث:آســـــــــــــــــ? ?ــــــــــــــــــــف
مواز تكتفت بعبوس:لاه
فيصل وهو عارف انه تأخر عليها وايد:هههههههه انشغلت شاسوي؟!
مواز وقفت:لاه.... زين كان ماجيت
ودخلت عنه الغرفه...
لحقها توه بينطق الا بصراخ مواز:اطططططططططططططلع لا اذبحك مابا اشوووف رقعت وجهك هه
وتكتفت وهي تلاهث والدموع بعيونها
فيصل....
مواز وهي عاطتنه ظهرها:انت دووووم كيه... تخليني انتظرك وتنساني ولا تفكر تخبرني انك انشغلت او انك بتتأخر وتخليني احترق احاتيك... اكرهــــك
لمها من ورا:افاااااا يا ام قاسم تكرهين ابو ولدج وحبيب قلبج وفارس احلامج
مواز بعدته عنها بعصبيه:الا محطم احلامي هه
فيصل مسكها وردها لحضنه بالغصب:احبج يامجنونه
مواز وهي تقاومه:فييييصل اتركني اووووف
دخل عليهم وهو يمشي ويتعثر ويصرخ:مااااماااا
مواز:اتركني خليني اشوف الولد بلاه
فيصل دفها للفراش بقو وراح لقاسم شله:اش صايرلك بابا؟
مواز وهي منقهره من حركته و واصل حدها:اش معنى هالحركات الحين؟
فيصل مطنشنها:ليش تصيح؟
قاسم وهو يشاهق:ماماااااااااااااااا? ?ا
فيصل:ول ولد امه
وعطاه مواز بفجعه...
مواز صرخت فيه:انت بلاك ع الياهل شوي شوي
فيصل بنفس اسلوبها:اخس عن امه قلق
مواز عبست بشراسه وهي تحط قاسم اللي سكت يطالعهم ببراءه وتفره بالمخدات:اوووريييك
فيصل بانزعاج:يوووو مواااز اعقلي عاد
مواز قامت ركض لغرفه الملابس:اوووريك يالمليق
فيصل ركض وراها:موزوه اياني واياج تمسي ثيابي اشرحج
هنيه قاسم هز البيت بصراحه وصياحه انهم خلوه وراحو عنه بروحه....
فيصل رجع بسرعه شله بيسكت بس زاد صياحه وهو يصرخ ينادي مواز:مااااااااااماااااااا? ?اااااااااااااااااااا
مواز جاته ركض وشلته من ابوه:يارووح الماما ياقلبي انت اشششش خلااااص
قاسم اللي هدا وركد وهو متعلق بحضنها.... يشاهق ويرجف بقو...
مواز شلته للفراش:ياعمري يارووحي خلاص ياقلبي لاتصيح ماما عندك
فيصل بعبوس:هالنتفه بلاه مايطيقني ما كأني ابوه؟
مواز صرخت فيه:نتفه بعينك ولدي مب نتفه يالمليق
فيصل:لا تقوليلي مليق مدلعتنه هالنتفه ع حسابي
مواز:يوووووووه منك ياااهل
فيصل:انا ولا انتي
مواز:انت
فيصل:انتي
:بسسسسسسسسس خلااااااص
دخلت وهي معصبه خذت قاسم من مواز وصدت صوبهم بعتاب:بسكم مناقر 24 ساعه اعقلو خلفتو وللحين ضرابه وصداع هه
قاسم اللي هادي وراكد بحضن جدته...
طلعت عنهم وهي من حملت مواز وجابت قاسم للبيت متغيره معها ومتقبلتنها...
فيصل:هههههههههه اخيرا نجحت خطتي وشلوه مصدر الازعاج
مواز متخصره:لاه خطة وشو بعد؟
فيصل:خطه انه اخلي امي تشل قاسم عشان استفرد فيج
مواز تكتفت:جرب لاه
فيصل تذكر اول ايامهم واول لقاء لهم كيف كانت مستقويه ومجنونه ولازالت:ههههههههههههههههه متى بتعقلي انتي؟!... جننتيني؟!
مواز استحت:هاه بدينا
فيصل:ترا للحين غترتج عندي
مواز تبسمت:ادري
فيصل يبا يحرجها زيادة:تدرين بعد اسعد يوم بحياتي كان لما انهرتي وسرتلج شقة أحمد وشفت آثار الضرب ع جسمج
مواز تذكرت هالموقف اللي للحين مامستوعبه كيف خلته يفصخها يشوف الضرب والكدمات بدون اي مقاومه... صرخت باحراج:تششششششب
فيصل بخبث:اممممممممم وتذكري سوسو؟
مواز نست احراجها و عبوس:مالت عليك وعليها هه
فيصل:هههههههههههههههههههه? ? تراها كانت سلطان بس انا استهبل عليج ياحبي الاول والاخير
مواز متكتفه عنه:لاه صدقتك
فيصل:وتدرين بعد اني اريد اخ لقاسم او اخت حرام بروحه يبا حد يتونس معه
مواز بتذمر:لااا... توني مرتاحه... تقولي تباله اخ ولا اخت تبا تذبحني انت؟!... مايسد انك لاعب علي وخليتني احمل وانا للحين ماتخرجت وتبهدلت لحد ماتخرجت بسبتك؟!!!
فيصل بنذالة:هههههههههههههههه مب مني منج تصدقيني
مواز ضربته:اكرهك
فيصل بعذوبة:احبج
مواز:هههههه زين بسنا مناقر اليوم
فيصل لمها:هههههههههههههههه ايه والله تعبت
************************************
:عليااااا علوووي وينج
عليا:هلا حبيبي؟
شهاب:وينج اناديج من ساعه؟
عليا:كنت اكلم مهره تخبرني عن شوفتها
شهاب:اها مبروك
عليا:الله يبارك فيك وشكلها هالمرة بتوافق عليه
شهاب سكت وهو يتذكر اخوه اللي خطبوله و ماتسهلت اموره وفصخ الخطبه...
عليا عرفت بشو يفكر:ذياب ترا لا بروحه فركش الخطوبه لا البنت زينه مالها ذنب
شهاب سكت ماحب يعلق بشي وهو عارف اخوه يحب وحده وغيرها ماحب...
عليا دخلت عنه بتزهب الاكل...
شهاب:الا العيال وينهم؟
عليا:راحو بيت جدهم
شهاب تبسم:ههههه والله دنيا ولا من كان يتخيل عيالي انا بيطلعو يحبو فهد اكثر عني وامهم
عليا:عيالي... انا روح فهد اكيد بيحبو جدهم
شهاب تبسم باريحيه وهو يتذكر كيف فهد تغير وصار انسان ثاني.. صدج دنيا!!
عليا طالعته:شهاب
شهاب:عيونه
عليا بعبوس:في امل لحب مهره وذياب؟
شهاب تبسم:الله اعلم
وطلع عنها بيبدل...
عليا تنهدت وهي تتذكر اتصال اختها البارد... مافرحانه ولا زعلانه عادي معها... سرحت تتذكر لما دانه خبرت فارس يتصرف وانهى السالفه عند ذياب اللي رجع مثل قبل واحسن بس سالفه الزواج للحين مامتقبلنها..
تنهدت بقو وهي تتمنى يبطل عناد ويشوف حياته... مثل ماا مهره مسويه...
***************************
:كان زياره خواني نقطة تحول بحياتي... خاصة لما تعرفت ع امهم اللي تسببت بمعاناتي ومعاناة امي اللي نحرمت منها ومن حنانها... ماتخيلت ابدا انها بتتقبلني و بتاخذني بالاحضان ونفس الشي ما تخيلت انها بترفضني وبتطردني من البيت... اللي صار باختصار عاملتي كأي ضيف يجي بيتها... خالد كان على اعصابه طول الزياره بس معاملتها المحايده لي طمنته كثير... ان شاء الله مع الوقت اقدر اتقرب منها و افهمها اكثر.. لاني قررت ابدا بداية جديده انسى فيها الماضي وكل اللي صار...
:مابسج تكتبي من ساعه فهاللاب؟!
مهره:هههههههههه اكتب يومياتي الالكترونيه
دانه:لاه... قومي اباج تساعديني عرسج قرب وانتي 24 ساعه ع هالعله
مهره وهي تسكره:ههههههههه تمام
منى دخلت عليهن:دانه صقر يباج
دانه راحتله....
مهره:هلا عموه ازيك؟
منى:اقول لايكثر وقومي خلصي امورج و ودري هالعله عنج
وطلعت عنها...
مهره:هههههههههههه ماتغيرت تعق الاوامر وتطلع
وعند دانه وصقر...
صقر:فكرش خطوبته مره
دانه عبست:انزين وانت ليش كيه معتفس اش دخلك؟
صقر:دانه افهميني الله يخليج... اخاف اظم مهره
دانه تهديه:انت ناسي كلام فارس؟!.. هو كلمه يومها واقنعه ماله داعي نفتح السالفه لمهره و فهالوقت بالذات... خلوها تنساه وتشوف حياتها
صقر سكت بتنهيده وهو يتذكر...اللي خبره به فارس...
جلس وهو يطالع ف ساعته بتذمر... تنهد بقلت صبر وهو يطالع فكوب العصير اللي طلبه من نص ساعه...
:السلام عليكم
ذياب قام وسلم عليه:وعليكم السلاااااااام... واخيرا شرفت؟!!
فارس اللي جلس مقابل ذياب:ههههه السموحه تأخرت عليك طلعتلي كمين شغله وانا طالع اضطريت اتأخر
ذياب تبسم:اهاه... انت وهالشغل اللي مايخلص!!
فارس تنهد باريحيه:الحمدلله ع كل حال... اخبارك؟
ذياب بنفس الابتسامه المريحه:الحمدلله ممشي حياتي
فارس تنهد:والله ياذياب البنات كلموني بخصوص سالفتك ومهره
ذياب رفع حاجب:شو؟!... بس انت مالك علاقه بها؟!... انت عم مواز وعليا بس
فارس تبسم:مهره مالها شغل... دانه والبنات هم اللي طلبو اتدخل فالسالفة... شهاب طالب من عليا تعزم مهره عندكم بالبيت عشان تتقابلو... وعليا خبرت عمر يساعدها قام الثاني احبطها... وعمر وصقر ترا وجهة نظرهم وحده... يبون يدخلو ف حياة كل واحد فيكم شخص ينسيه الثاني...
ذياب قاطع فارس بضحكه ساخره:ههههههههههههه لا والله!!؟!!
فارس كمل بابتسامه مريحه:هههههه ايه... ف عليا مالقت حل غير تلجئ للبنات... عاد دانه خبرتني وان شاء الله اقدر اساعد بشي
ذياب وهو باله ف كلام فارس... باستنكار:الحين يشوفوها صغيرة علي ويبو يدخلو شخص غير بحياتها؟!... ماشافوها صغيره على فكرة الارتباط بكبرها؟!!
فارس اللي لمس القهر ف لهجة ذياب:انت سافرت ومتغير كل هذا بسببها؟!!
ذياب بلع ريجه وهو يطالع بعيد عن فارس بتنهيده:تعبت يافارس... اول قنعت نفسي انها هي المتعلقه فيني... وانا متعاطف معها... بس اهتمامها وحبها... و... اصلا انا احبها قبلها
وطالع ف عيون فارس وكمل:يا فارس... حبيتها بس مابغيت اصرح بمشاعري مابغيتها تتعلق فيني
تنهد وهو يتكأ ع الكرسي بقلت حيله:ما انصدمت لما بغيت اقطع علاقتنا وقررت اتغير معها وابعد شوي شوي عشان اسهل الفراق كيف انهارت وعصبت وزعلت وعاتبتني... وفجأة اعترفت بحبها
وسكت وهو يتذكر...
فارس اللي يسمع بكل حواسه يحاول يساعدهم بس اول يفهم السالفه زين:انزين وبعدين؟
ذياب انتبه من سرحانه وكمل بصوت ذابل قريب للهمس:شفتها بيت فهد يوم كنت مرابع فيصل اللي استخف ع مواز... وخبرته و بعدين قررت اقطع علاقتنا نهائيا واللي فيها فيها.. خاصه اني اكتشفت انها قريبه حد من ربعي... مابغيتها تتأذى ومابغيت اطلع بنظر حد خاين... ماكنت العب عليها بس مارح يتقبلو حبنا مهما سويت... فكرة متعرفين ف الشات تدمر كل امل لنا
تنهد بخيه وكمل بغصة وهو يطالع ف فارس بألم:واستغل فيصل الفرصه عشان نعرف هويات البنات... جرحتها ادري بس مابقصدي ولا كنت ناوي اسبب لها اي الم
تنهد بقو والم كبير واضح ف بحة صوته:والله العظيم احبها واخاف عليها حتى من نفسي
وكمل بقهر وعصبية:بس محد حاس... الكل يحكم علينا بالفشل
فارس وهو يحاول يهديه ويواسيه:متأكد تحبك للحين وتباك؟
ذياب بثقه متناهيه:متين متين
فارس بدون ملامح:بس البنت مخبره دانه ابلغك تنساها... لانها بالفعل نستك و كانت مشاعر مراهقه ومع الايام بتختفي تماما من قلبها
ذياب.....
فارس اللي شاف ذياب جمد مكانه مطير عيونه فيه بصمه كمل بجدية:و خطبها واحد ووافقت مبدئيا... يعني هي وافقت ع فكره عمر وصقر واقتراحهم
ذياب قام بصمت...
فارس مسكه:على وين؟
ذياب بدون ملامح:اللي تبا توصله لي وصل
و سحب يده من فارس و اختفى من قدامه بسرعه...
فارس تنهد بقو وهو يرسل مسج...
(( تمت المهمه بنجاح ))
دانه طالعته بعطف:خلاص حبيبي توكل على الله و رد ع الرجال
صقر....
دانه:تراها استخارت وارتاحت والرجال ماينعاب
صقر راح بدون ولا كلمه لمهره اللي ترتب اغراضها...
***************************:مواز
مواز اللي توها بس رقدت قاسم:نعم؟
فيصل تنهد بقو:انتي ولا مره شكيتي عن تقصيري ناحيتج
مواز عبست باستغراب:اش جاب هالطاري؟
فيصل:يعني لما تزوجنا قصدي زوجووونا ماواحيت حتى اسويلج عرس نفس باقي لبنات و بعدين طلعت النسب ورديتج عندي قبل لا تروحين تكملين دراسه مسقط وبدينا صفحه جديده حتى وقتها ماقد حسستيني اني غلطت بحقج... وانا اللي اذيتج كثير و اخر تصرفاتي الانانيه معج بهدلتج بالحمل والوحام والولاده وانتي بعدج تدرسين
مواز:خلصت؟
فيصل طالعها بستغراب:ايه
مواز جلست عداله:مابا عرس طول عمري اكره هالحفلات اللي تتخسر فيها لافلوس للفشخره و ع الفاضي... اللي بغيته حصلته... من اول ماشفتك وانا ماحس بالخوف والرهبه اللي كنت احسبها لما اتنكر واقابل حد من الاولاد ولا الشباب.. رغم كل شي صار بينا من اول لحظه ماحسيت غير بالامان معك... حتى لما خوفتني بالسياره وكشفتني... كنت خايفه بس مو منك مدري كيف اشرحلك
فيصل تبسم:عشان كيه اتصلتي فيني لما البنات خبرو صقر عنج و بندتي مغتاضه وغيرانه من سلطان عبالج عندي وحده؟
مواز تبسمت بخجل وهي تتذكر هالموقف:امكن
فيصل حضن كفها:هههههه ويوم تصلتي وعقب قلتي انها ربيعتج ومعجبه بشهاب تدرين اش قد غرت وانقهرت؟!!
مواز:الحين عرفت ليش لويت ايدي... الا غترتي بعدها معك؟
فيصل باس يدها بود:ايه ذكرى
مواز تبسمت بحنية وهي تغير السالفه لانها صدج انحرجت:عمري ماتخيلت بصير ام هههههههه
فيصل:هههههههه ايه غيري السالفه... اوه صح سيف ومحمد وزاهر قبل يومين حصلتهم فالاستراحه عن سلطان والشله
مواز:ماسألو عني؟
فيصل عبس:شوو؟؟!!
مواز:هههههه ول ربعي بلاك؟
فيصل كشر اكثر:اقول اعقلي احسلج... انتي لي انا وبسسسسسس
مواز مطنشه كلامه:ياي ليش ماتشل المره اليايه قسوم يشوفهم ويتعرف عليهم بيحبوه خاصه محمد حنوووون
فيصل صرخ بغيره:موااااز و...
مواز قاطعته بضحك:هههههههه امزح امزح فديت الغيووور
فيصل كفن وجهها بصوت خشن:انتي لمن؟
مواز:ههههههههههه مجنون
فيصل:اتكلم جد
مواز بضحكة:انا لك وبسسسس
فيصل تنهد:ايه عبالي بعد
مواز:هههههههههههههههههههه يربي من وين بيطلع ولدي عاقل وهذا ابوه!!
فيصل مسكها:نعم عيدي وش قلتي؟
مواز بضحك:هههههههههه اقول قاسم مسكين امه وابوه مجانين وين بيعقل الولد؟!!!
فيصل:هههههههههههههه فديت امه
مواز بعدت عنه:يله عاد بسك غزل لاعت جبدي ترا
فيصل:هههههههههههههه ماوجه رومانسيه
مواز يدلع:فديتني
وراحت عنه تتمخطر...
فيصل ميت ضحك ع حركتها الطفوليه اللي للحين متغيرت:ههههههههههههههههه بالله هذا شكل وحده متزوجه وعندها ولد؟!!
مواز وهي تفره بلمخده:اششششششش لا تقومه... قصر حسك... ايه فديتني ابدا مايبين علي لاتستغرب اذا مره جوك وخطبوني منك
فيصل:هههههههههههههههههههه? ?هههههههههههه ياشين الثقه العميا بس
مواز....
هذي حياة مواز وفيصل مد وجزر... شوي يتناقرو شوي يتزاعلو وبسرعه يتصالحو...
***************************
مهره صدت صوب الباب اللي انفتح...
صقر طالعها بجدية ودانه تدخل وراه:مهره انتي تبي ريان؟
مهره رمشت تحاول تستوب:وش صاير؟
صقر مطنش كلامها:تبي ريان ولا ذياب؟
مهره فز قلبهاا ع طاري ذياب...
صقر:من تبي؟
مهره سكتت وهي اطالع ف دانه اللي تحس صقر خرب عليهم كل شي...
صقر وهو يوقف قدامها ومسك كتوفها:مهره ردي علي
مهره طالعته باستغراب:بلاك عمي؟؟!!
دانه صرخت:مهره لا تحطمي حياتج عشان الماضي فاهمه
صقر هزها:جاوبي من تبي؟
مهره طالعته وهي تضحك:هههههههههه بلاكم؟!!
دانه رمشت وهي اطالع ف صقر اللي بعد عنها باستغراب:وش اللي يضحك؟
مهره:هههههههه الحين انتو مرتبشين ليش؟!... وش جاب طاري ذياب يوم ملكتي؟؟؟
صقر بتشتت:أ... يعني ذياب ماعاد يعنيلج شي؟
مهره بجديه:لا طبعا... انا من زماااااان نسيته... ممكن الحين تروح تجلس مع خطيبي اظنه بروحه بالمجلس
صقر:ههههههههههههه طالعي هذي اللي نحاتيها والله العظيم معندنا سالفه
وطلع عنهم...
دانه بدهشه للحين ما مستوعبه:صدج؟!!!
مهره:ايه صدج بلاكم؟!!...
وكملت بخجل:تبين الصدج انا اعرف ريان من فتره تلاقينا مره بالمنتزه... وعقب بالمواقف لما دعم واحد سيارتي ومعرفة وش اسوي هو كان قريب وتدخل عاد عقب عرفت انه ربيع خالد لما اتصلت عليه يجي يساعدني
دانه:وشو وشو وشوو؟!!... من ورانا؟!... كل هذ ولا تتكلم؟!!!
مهره:هههههههههههه ايه عاد عقب طرشت امه بيت المرحوم ابوي و عجبتها
دانه خطر فبلها سؤال ماله دخل فالسالفه:الا مهروه انتي ماسالتي عن اهل امج؟
مهره رمشت تستوعب:وشو؟!... وش دخل هذا بسالفتنا؟
دانه:مدري سؤال وخطر ببالي
مهره تبسمت بذبول:امي كانت وحيد ابوها وامها و جدي يقول انهم متوفين قبلها بسنين يعني كانت وحيده وعمها انسان طماع سلبها كل ورثها عشان كيه ابوي ماتحمل قام تزوجها وسفرها معه يبعدها عن كل الدنيا
وكملت بغصه:ومثل ماتعرفي توفت عقب ولادتي مدري اثناء الولاده المهم الله يرحمهم
دانه لمها بعطف:الله يرحمهم حبيبتي
مهره انفجرت فحضن دانه:تمنيتهم معي خاصه هالفتره
دانه:ماعليه حبيبتي الله يخلي خالد واحمد وامهم اللي تحاول تكفر عن ذنبها معج مساكين كلكم عانيتو
مهره سكتت وهي بجد حبت ام احمد واعتبرتها امها لو ما انانيتها وغيرتها الفضيعه ع ابوها كان ربتها واهتمت فيها مثل خوانها...
دانه بتغير الجو المشحون:يله مسحي دموعج لاني اريد تعيديلي بالتفصيل الممل سالفتج من ريااااان
مهره مسحت دموعها بضحكه:هههههه وقته؟
دانه باصرار:ايه يله
********************************
:هههههههه زين تستاهلي
مها بوزت:حرام عليك
احمد:لاه منبه عليج تاكلي وتودري هالغازات سنين مرت وانتي ع عنادج ومن تسيري الكليه يزيدبج تشربي
مها بوزت اكثر:ترا اعوض بالبيت اشرب ماي واكل اكل صحي
احمد:تستاهلي تستاهلي... الحين لما يعورج ظهرج لا تتمي تصيحيلي كله من الغازات
مها شوي وتصيح:شاسوي وربي اتوحم عليه اشتهيه
احمد:اول مره اسمع عن وحده تتوحم ع الغازات... يوم بيبسي ويوم ديو ويوم شاني ويوم كولا بقيتي شي؟
مها:شاسوي مب بكيفي
احمد:توحمي ع اكل صحي
مها:عيل مواز توحمت ع ثلج
احمد:ثلج ثلج فيصل حوللها فغرفه نومهم فريزر
مها:وانت حوللي ثلاجه بانواع مشله من الغازات عندي بالغرفه
احمد صرخ:ماااااااااااااااااااا? ?اااااااااااااااااه
خالد اللي دخل ع صراخ اخوه:ول بلاك؟!!
مهره اللي جايه مع خالد:السلام عليكم سلامات؟!!
مها استحت وهي تأشر ع احمد:اش دراني اخوكم استخف
خالد:بلاك بو محمد؟
احمد:المدام تتوحملي للحين ع الغازات
مها عبست:والله فوادي ف شاني
احمد بتذمر:مب زييين وربي مب زييين لج
خالد ومهره طالعو بعض:هههههههههههههه الله يعينكم
ام احمد جاتهم:بلاك تصرخ؟
مها:خالتي مشتهيه شاني شوفيه مب راضي يجيبه لي
احمد:مابجيب غازات بسج بتموتي
ام احمد:ياولدي هذا وحام مب بكيفها
احمد:مب زين لها ولا للجنين
خالد:هههههههههه والله ولدك هذا شكله جاي جيه ولا غازات وهو للحين ببطن امه!!
مهره:هههههههه طالع ع عمه
خالد:هههههه دام طالع علي ماعليه انا اجيبلج شاني ام محمد ماطلبتي شي لعيون حمودي
مها فرحت:تسلم
احمد:هيه وش حمودي ماحمودي لاتدلع الولد محد يدلع ولدي
امه سحت البنات:خلا نزهب الاكل خليهم هم يتناقرو
مها:لاتنسى الشاني
وراحت عنهم
خالد:شاني عشان حبيبي ماينساني
احمد سحبه قدامه:خلا خطف دلني ع بقاله تبيع شاني.. اظن انقرض هالمشروب من وين بورعه الحين
خالد:هههههههههههههههههههه? ?ه والله حالة!!
***********************************
دخل وهو يسمع بكاء حرمته اللي كل يوم تقريبا مايمر الا ويقطعله قلبه:السلام عليكم
امل اللي انتبهت لوجوده مسحت دموعها بسرعه وهي تتبسم:وعليكم السلام هلا روحي ما تأخرت؟!!
عمر تبسم وهو يكفن وجهها ويمسح بقايا الدموع اللي عليه:ايه سرت ازور قبر امي... اشتقتلها
امل...
عمر لمها:ضيقوبج مره؟
امل بهدوء:تعودت
عمر:خلاص ان شاء الله بكره نقفل هالسيره واريحج منهم بس انتي خلج قويه و صبري
امل بعدت عن حضنه:عمر مابا شي خليني اتنازل تكفى
ونزلت دموعها مره:تعبت وربي تعبت... تعبت وتعبت اشوفك تتعب بسبتي
عمر ردها لصدرها:اششششش... انتي حلمي... عمري وحياتي مارح اخليج تتنازلي عن حقوقج ونصيبج عشان بس تفتكي من خوانج وظلمهم... انا بحميج وبجيبلج حقج
امل:بس انا تعبت
عمر:لا تستسلمي عشاني... وعشان ابوج الله يرحمه... وعشان ما ام طول عمري ندمان
امل:عمر انا ابفتك منهم للابد اريد اعيش لك ومعك وارتاح منهم والله مابيخلونا نتهنى دام اني مصره مابتنازللهم
عمر بعدها عن حضنه وجديه:هذا حقج اليوم تتنازلي عنه بكره يبتزوج يخلوج تتطلقي مني... دام بتسكتيلهم وبتعطيهم اللي يبوه مابيرتدو... بس دام بتصبري وتخليني اتصرف ونوريهم العين الحمرا ولا واحد بيتجرأ ينغص علينا حياتنا... تمام؟
امل تبسمت:تمام
عمر باس راسها:وش مسوتلي غدا؟
امل....
***************************
الحياه تستمر...
وحياه ابطالنا مستمره كل يوم باحداث متنوعه منها السعيد ومنها الحزين...
فيصل ومواز... أحمد و مها... دانه وصقر.. عليا وشهاب...
ذياب اللي كمل حياته بالخارج وفتح مشروع وانشغلبه وعقبها بسنتين تزوج اخت شريكه...
فارس و منى اخيرا تزوجو وبموافقه فهد وطبعا فارس وشهاب ادارو الشركات و****ات فهد اللي منى ردتها لهم... وكل حد خذ حقه
عمر توظف وتزوج امل حلم عمره... طبعا حياته ماتخلو من المشاكل مع خوانها... بس فالنهايه قدر ياخذ منهم حق زوجته ويكف شرهم عنها وعن حياتهم للابد...
خالد وسلطان... كل واحد عايش حياته ويدور بنت الحلال برواق وراحه بال...
مهره تزوجت ريان انسان متفتح ومتفاهم وناجح بحياته... عاشت معه مبسوطة...
وهي كل ماتتذكر ذياب وحبها له تتبسم ع جنونها ومراهقتها اللي قدرت تتجاوزها بنجاح وباقل الخسائر...
و فالنهايه...
لكل منا حكايته ربما تجدون انفسكم وحكاياكم بين اسطري وربما تجدون غيركم...
اتمنى ان اكون قد اوصلت لكم القدر الكافي من العبرة والعظه بزجكم بين ابطال روايتي المتواضعه وحكاياهم...