الفصل 20
مواز جات ركض وهي كانت نازله بتشرب وسمع حوار صقر وعليا:دانوه لحقي
دانه:بلاج؟
مواز وهي تهمس:ريلج من فتره حقق معي ع سالفه مهروه...
دانه رفعت حاجب:مخبرتني تراج
مواز تقاطعها:لا تقاطعيني خليني اكمل
دانه:انزين
مواز:وتوه اكتشف من الشباب انه نحيس الحظ هو نفسه ذياب
دانه ويدها ع قلبها:حلفي؟!!
مواز بلعت ريجها:انشهد لو ذياب مامسافر كان انذبح
دانه:اشششش قصري حسج لاتسمعنا مهره
مواز:للحين تحبه تراها
دانه:اعرف
مواز:والحل؟
دانه:مدري بكون عليا بتفهمه وبتحلها
مواز:اقصد مهره يالذكيه لمتى بنشوفها تتعذب ونسكت البنت عاشقتنه
دانه:يوووه موزوه وش عرفني؟
مواز:مالت عليج من عمه بخبر عمي فارس يتصرف هه
دانه شهقت:اي والله فارس بيحلها
ودخلت عنها بسرعه...
مواز:شو يحل تعالي فهميني؟؟!!!
ودخلت وراها...
مها:الا خواتج وينهم؟
مهره:تحصليهم يتعدلون ولا بالمطبخ يشرفون ع العشا
مها:لاه هههههههه
مهره:ايه ومواز طالعه قمر
مها تحمست:صدج؟!!
مهره:ههههههه ايه مابتصدقي عيونج من تشوقيها
مها:خلا وينها؟
مهره:ههههههههه تعالي بندورها
*********************************
هلاك
12-30-2023, 12:42 PM
*********************************
فالحديقه...
صقر....
شهاب اللي جالس معه يطالعو فالفراغ بصمت...
صقر بقهر:ليش ياشهاب... لو واحد غيري قطع علاقته فيك.. اول عليا... وابوي... ادري ابوي يستاهل... بس عاد تجي من اخوك وايد وايد شهاب
شهاب تنهد بقو:ياخوي والله ذياب بذات مهره مالعب عليها وربي حبها وعشقها ب معرف اش بلاه فجأة قلب... حتى اسأل الشباب
صقر....
:صدقه...
صقر طالع صوب الصوت حصل الشباب:وانتو اش عرفكم؟
سلطان بجديه وهم يقربو منهم:هو كان لعاب وراعي شات ومغازل بس من تعرف ع مهره تغير
أحمد بعبوس وهو كارهه هالسالفه:كنت مامصدق بس عقب ماتكلمت معه وشفت اش قد يحاتيها و مايرضا عليها ومطنش مصخره سلطان وفيصل عشانها صدقت... هه
وتبسم بسخريه مريره:وطلعت اختي
صقر طالعهم بقهر وصد عنهم كاتم غيضه:هه
شهاب بلع ريجه:وربي ذياب ماتلاعب بمشاعرها ابدا وحبها من خاطره
فيصل:ايه هو اعتبرها اخت له... السالفه كلها هي كانت محتاجه شخص يوقف معها ويهتمبها يعوضها وهو وافق بس... وانا اللي ضغطت عليه يتركها واقنعته انه حب زائف وهو والله ما ابتزها ولا شي انا بس اللي خوفتها عقب ماهو تعرف عليها فبيت ابوك عشان تخبرنا عن اللي تعرفه
صقر وقف بيروح عنهم:حسبي الله عليكم هه
وراح عنهم وهو حده منقهر وماسك اعصابه... شهاب لحقه بسرعه...
سلطان تنهد بقو:يالله قلبو العزيمه لنكد
فيصل....
أحمد:ليش فرقتهم؟
فيصل بجدية:ليش احمد بالعقل بنت مراهقه وش عرفها بالحب؟!... هي تعلقت فيه... حب حاجه... بس تحصل من يعوضها ويسد فراغه بتقتنع انه ماحب
احمد سكت باقتناع...
سلطان بلهجة حزن:بس العمر ماله علاقه... البنت عقلها شكله اكبر عنها ومتجاوزه مرحله المراهقه ولا ماتضبط علاقتها بذياب بحدود الاخوه وماكان بيدها انها تجاوز هالحدود الحب مابالكيف
فيصل:سلطان البنت مشاعرها جامحه خاصه فهالعمر يعني عقلها كبير ولا القلب مايفهم
سلطان:ما اتفق معك... توك تقول شي والحين عكسه... يعني عشان تتأكد عاجبنك ذياب متغرب ومنعزل عنا عشانها وهي اكيد متعذبه
فيصل:بتنساه وهو بعد غبي متعلق بياهل هه
احمد بدون ملامح:الحين يعني مشاعر مها ومواز اتجاهنا زائفه
فيصل غص وسكت...كنه حد صفعه كف...
سلطان هب فيه:ايه صح باي حق تحكم هاه؟!... ولا اقولك اصلا مواز ماتحبك... ولا مها بس لحاجتها لاحمد بسسسسس هه
وراح عنهم...
احمد تنهد بقو:مها تحبني فاهم
وراح عنه...
فيصل سكت وهو يحس تفكيره تشوش...
*******************************
:اوووف وينه؟
مواز:اش صاير؟
عليا بتذمر:شهاب مايرد علي اباه يشوفلي الغاز معرفله
مواز:بلاه؟؟
عليا:خلص وابا اركب الثاني
مواز:افااا... تتلعوزي واختج موجوده انتي ناسيه ماضي مواز؟
عليا بققت بعيونها:لا مامن صدجج؟!!
مواز وهي تفصخ نعالها:مايعني كشخت ولبست كعب وفستان وحطيت شويه ميكب خلاص نسيت ايام الهيلقيه هع... يله وين غازكم؟
عليا وهي تأشر للباب الخلفي:تحصليه ورا المطبخ
مواز وهي تمشي حافيه:عطيني سبانه انزين
الخدامه جابتها لها...
مواز تبسمت لعليا:دقايق بس
عليا:زين ليش فصختي نعالج؟
مواز بعدم مبالاه:هلكتني... تغووور... عورتني ريولي
الخدامه تضحك عليها...
عليا:ههههههه مجنونه وربي
مواز طلعت بسرعه طلت يمين يسار شافت الغاز وراحت تبدل ع طول...
فيصل اللي للحين واقف مكانه يفكر بكلام احمد وسلطان...
لمح مواز بس طنش عباله بنت غير... صد وراح بيدخل...
بس اول ماسمع صرختها عرفها...
مواز وهي تناقز بحماس:عااااشت بنت قاااااسم... فديتني
:فديتج يا قمري
مواز تيبست مكانها وهي تصد وراها شوي شوي وحاضنه السبالنه بقو....
بلعت ريجها اول ماطاحت عيونها بعيون فيصل اللي واقف وراها اول ما صدت صوبه زادت ابتسامته اللي ذوبتها....
فيصل مامصدق عيونه فستانها الناعم... شعرها المرتب الطايح بعفويه ع كتوفها و لا رسمه الكحل اللي راسمه عيونها الوساع رسم... داخ عليها وهي ترمش بعيونها بتوتر:ااااخخخ من نظراتها... واااخخخخ من جمالها
مواز وهي تحس بلسعه تسري فجسمها اللي ولع فجأه... وقلبها اللي يدق طبول بيطلع من مكانه...
فيصل قرب منها:الله هالملاك ملكي انا ياسلااااام
مواز رجعت ورا عشر خطوات لحد مالزقت فالجدار... وهي ترفع السبانه فوجهه بتهديد:لا تقرب احسلك
فيصل اللي توه ينتبه انها حافيه:هههههههه انتي حافيه؟
مواز رفعت فستانها وهي اطالع ريولها كنها طفله:ايه
فيصل ذاب ع حركتها....
مواز انتبهت لنفسها رفعت راسها حصلت فيصل قدامها تماما ومحاصرها بيديه.. وهي لازقه فالجدار اللي وراها.. بلعت ريجها:انت متى بتطبل هالحركات؟
فيصل:من تطلع النسبه و وقتها غصبا عنج تسويلي هالحركات
مواز صرخت فيه بقرف:وييييع تحلم
فيصل قرب وجهه من وجهه بجرأه:أحبج
مواز....
ضاعت علومها وهي تحاول تتنفس ماقادره تحس ريحه عطره القويه خنقتها... ولا عيونه... ونظراته الواثقه... اللي تربكها وتبعثرها... وابتسامته الساخره... ابتسامه تسحرها تتوهها فيه... قالها ببحه غير... غير نستها الحروف...
عليا اللي طلعت تشوف بلاها تأخرت...شهقت...
اول ما شافت فيصل وهو محاوط مواز ع الجدار و منحني لها لدرجه اللي يشوفهم يتهيء له شي غير...
بس شافتهم غرقانين فعالم ثاني.. فعيون بعض.. تبسمت وجاتها فكره جهنميه:ههههههههههههههه اما لقطه ماتتفوت
*********************************
وبعد العزيمه فاليوم اللي بعد...
صقر:تحركي ولا ترفعيلي ضغطي
منى سكتت عنه وهي تأكل ابوها...
فهد مسك يدها:سمعي كلام اخوج منى
منى:لا يبه خليه يولي
فهد بصرامه:انا اقولج سمعي كلامه
صقر عبس... وفخاطره:هذا شو يخططله الله يستر بس
منى طالعت ف ابوها باستغراب:زين
وقامت تلم اغراضهم...
صقر طالع ف ابوه بتحدي...
فهد تبسم بخبث وصد عنه...
صقر بلع ريجه وهو يلحق اخته:منوه
منى وهي تلم اغراضهم:خير؟
صقر:فارس خطبج مني وانا وافقت ترا
منى فزت وهي تصد صوبه فجعه:شوو؟؟؟!!
صقر:اعرف كل شي لا تمثلي علي... تحبيه وتبيه ليش العناد؟
منى بقهر:مايخصك حياتي وكيفي
صقر:منوووه لا تدمري حياتج عشان هالشيبه وانانيته انا سويتها قبلج وندمت... وقبلنا محمد وشيخه كل واحد رضخله فينا مالقى غير الهم والشقا... ياختي ابوج اناني مايفكر الا بنفسه مايبالج الخير... يبالج ليموت تتمي تحت ريوله خدامه
منى عصبت:انت ماتستحي... هذا ابوي ولعيونه اصير خدامه واذل عمري... هه عاق وش عرفك انت بالبر
صقر:بر وشو يالغبيه ابوج يباج معه عشان الفلوس اللي باسمج والاملاك
منى تخصرت:ماعندك خبر انه هالفلوسه والاملاكه كلها اصلا له... يعني مايهمني... غبي
صقر بقهر:يالغبيه... هو حول كل شي باسمج لانه خلاص مابيقدر يخليهن باسمه وهن مامن حقه وخلاص فلس كان بيحضرو عليهن ومابس كيه تراهن حقوق يتامى كلهن فلوس حرام
منى بعصبيه:صقر لا تترس راسي ع ابوي... ابوي واثق فيه يالعاق هه
وصد تكمل تزهي شنطتها...
صقر تنهد:تنازلي عن الفلوس منى حرام
منى فكرت شوي....
و طالعته:اول اكدلي انهم فلوس حرام ابوي سارقنهم مامن حلاله وبردهم لك اوعدك وبتنازل
صقر فرح:صدج؟؟؟!!
منى:ما اريد ابوي يستذنب يسده ذنوب هه
صقر لمها بقو:فديتج اخيرا بديتي تفهمي
وطلع عنها بفرح...
منى تبسمت بذبول وهي تتنهد بغصه ع حال ابوها:مجنون
*******************************
هلاك
12-30-2023, 12:42 PM
***********************
مرت الايام بسرعه...
منى وفهد رجعو للبيت... منى صارت كتومه وماتدخل فالبنات همها ابوها وبس... صقر يحاول ******** يقنعها توافق على فارس وهي معانده...
البنات...
عليا طبعا خلاص انتقلت تعيش عند زوجها شهاب... وعايشه ومبسوطه معه...
دانه وصقر يزهبو لعرسهم ع الراحات...
وطلعت النسب...
مهره انقبلت فالجامعه بنسبه 92
و مواز انقبلت فكليه حكوميه بنسبه 74
و مها انقبلت بعد كليه حكوميه بنسبه 86
طبعا لانهن كلهن انقبلن ف مسقط فاضطر صقر يأجرلهن سكن خارجي عباره عن فله اهم شي يكونن مع بعض...
مواز وهي تلم اغراضها بوناسه:يالله ياني متشققه من الوناسه... اخيرا كبرنا يووووه افتكينا من المدرسه
دانه:هههههههههه مبروك
مهره صرخت:عيل يله نحتفل
مواز طالعتها باستغراب:وشو؟؟!!
مهره وهي اطلع سيدي بباتسامه عريضه:اش رايج؟
موزا عفطت صوبها خطفته من يديها وركض شغلته:وساكته مالت عليج
وفرت الصوت وهي تميل جسمها مع ايقاع الموسيقى:دانة يوه دانة ياويلي من دانة هي والله يو عين
دانة يو دانة سافر وخلانه هي والله يو عين
سهر منامي ومشا سافر وخلاني هي والله يو عين
مهره وهي ترقص معها:عااااشووووووو
مواز وهي تكمل ومندمجه: بارح انا والحشى يالس باحزاني هي والله يو عين
دانة يوه دانة يا ويلي من دانة هي والله يو عين
عليا دخلت عليها:هههههههههههههه من عرس؟
دانه:ههههههههههههههههههه محد بس خواتج مستخفات
مهره وهي تسحب عليا معهن:خلا عليوه رقصي معنا وناسه
دانه:هههههههههههه خبلات
مواز:انتي العروس مايصير ترقصي ههههههههههههه
دانه بوزت:تشب
البنات:ههههههههههههه
صقر طب عليهن:وش تسون؟؟؟
مواز عفطت لدانه:نرقص العروووووس
صقر رفع حاجب:وشوو؟؟؟!!
دانه:هيه انتي لاتورطيني
مواز:نعلم زوجتك الرقص
وهي تهزله خصرها وتكمل بالمصري:عشان ترؤصلك ياخويه
مهره وعليا ماتو ضحك:ههههههههههههههههههههه
دانه دفتها بقو واحراج:تشب
صقر كاتم ضحكته:لاه شي طيب
مواز وهي تتحسس كتفها:ااييي... وجع
دانه ضربتها مره:وجع يوجعج عمتج احيدني يالنذله
مواز تخصرت وبدلع:اسفين عمتي سامحينا... انتي طيبه ونحن نستاهل
دانه:احيده انتي كريمه ونحن نستاهل
مواز:كله واحد اهم شي يناسب الحوار
صقر مسك مواز وبعدها من قدام دانه:بعدي كيه خليني اتمقل فهالجمال
مواز:تمقل تمقل فالغابات الاستوائيه
صقر صد صوبها بعصبيه:تشب
مواز:واي لا يمه خفت... لالا يا انكل ليه كدا بتزعئ عليه دا انا غلبانه
مهره:هههههههههههههه اش طاري عليج والمصاروه انتي؟
مواز وهي تهز خصرها:ولا حاجه ياختي بس مرفئه البنت ميرفت اخت السي سيد
صقر عفط صوبها بس مواز شردت وهي ميته ضحك:اما ماتسكت بالعه راديو... عقب ماقلتلولي لبست فستان وكعب وصارت ادميه قلت عقلت بس مشي امل الظاهر
عليا كنها تذكرت شي:صححح مصورتنها لك
صقر بحماس:وين الصور وريني
عليا طلعت البوم من شنطتها:خذ صورنا
دانه فزت:يالنذله
عليا:خمس لي وخمس لمهره وخمس لمواز والباقي كلهم حرمتك
صقر وهو يفرفر فالصور:والله الود ودي بس صور الحب بس ماعليه للطماشه صوركم
مهره صرخت باستنكار:لااااااه
عليا:هههههههههههههههههه طماشه ف عينك جميلات فديتنا
صقر شهق وهو مبقق بعيونه:لا تقولولي هالحسنااااء مواز؟؟؟!!
مهره:ههههههههههههههههه حسنااااء
دانه وهي اطالع معه:هههههههههههههه ايه هي
صقر صفر باعجاب:اماااا صاااروووخ ماشاء الله هههههههه ماينلام فصيل يوم انهبل فيها الكلبه طلعت حلوه
عليا:استغفر الله سمعو هالخبل هههههههههههههه
صقر قلب وجاته صور دانه تنهد بقو:واخيرا الحب ااااه ياقليبي
وباسها ع خدها فغفله منها...
دانه اللي واقفه عداله فزت ع بوسته وهي تشق بقو...
مهره وعليا:ههههههههههههههههههه? ?هههههههههههههههههههه
صقر فر الالبوم وهو يمسك يدها:فديتج الغلا لا يكون خفتي؟!
:هيه هيه هيه انت لو سمحت امسك نفسك ماقدامنا
صقر طل ع الباب:انتي تشب
مواز وهي متخصره:اشبك احترم وجودنا... اثقل مالت عليك من خااال هه
صقر تخصر وهو يقلدها:توني اااانكل صرت خاااال؟؟!!
مواز وهي تلعب بشعرها بدلع وهي ترقع بالمصري:ايوه يا انكل ماهو انته مابتستحيش ع وشك وتعمل دي الحركات المهببه
صقر:مهببه ف عينج
عليا:هههههههههههههههههههه? ?هههههههه
صقر رن تلفونه وطلع عنهن بسرعه...
مهره:هههههههههههه مسكينه العمه ماتت من الاحراج
دانه صرخت وهي حدها منحرجه:تشششب انتي وياها لا تطالعووون فيني اوووففف
مواز متخصره:صحيح ماتستحو مب قدامنا عااد!!!
عليا بنص عين:عاد انتي تشب... كنج مامجربه
مواز غصت:مجربه وشو؟؟؟!!
عليا طلعت تلفونها بخبث:اوريج
مهره:وشو؟؟؟!!
عليا فتحت الصور وورتهن:شوووفوووو الروومانسيه لقطهم يوم العزيمه
دانه ومهره صرخن:اووووووووووووووووووه
مواز عفطت تشوف:وشووو اشووووف
اول ماشافت الصوره صرخت فعليا وهي تحاول تسحب التلفون منها:هاتيه ياحيوانه
عليا وهي تشرد منها:هههههههههههه لا تسبي والله ارسلها لصقر
مواز جن جنونها:حيواااانه
عليا تخصرت:وربي اوصلها لفيصل
وركضت عن مواز اللي عفطت بتمسكها....
******************************
و فمكان ثاني صوت ضحكهم واصل اخر الشارع...
:ههههههههههههههههه انطم
سلطان:والله عاد انا من القهر قلتلها يمه انا حاليا احب بنت مابا اتزوج لا تدوريلي
فيصل يتقلب من الضحك:ههههههههههههههههههه? ?ههههه مسكين قلتلي درااام
سلطان:لا بالله شاحنه نقل
شهاب:خلاص حرام
سلطان:بتهفسني بتفعصني بتمسحبي الارض بالله من وين اجيب انا قياس اكس اكس لارج
ذياب ميت ضحك:ههههههههههههههههههههه? ?ه كانو بيزوجك اكس اكس لارج
فيصل:حلووووه راكبه عليك سلطووون
سلطان فز:بعينك انت وياه
فيصل و ذياب مع بعض:اكس اكس لارج
شهاب:خلاااااص
خالد تنهد وهو كل تفكيره بمهره اللي يبا يشوفها ويكلمها:اقول احمد
احمد:سم
خالد:ابا اعزم مهره عدنا بالبيت
احمد تنهد وهو فاهم اخوه:حتى مها اقترحت الفكره بس انا ماستحبيتها خاصه امي للحين احسها متحسسه من السالفه
خالد:خلاص انا طلعت وبفهمها
احمد:مدري بكيفك
عمر:اذا بتعزمها اعزمها قبل لاتروح مسقط
خالد:ايه صح زين ذكرتني
صقر دخل عليهم:السلام عليكم
الشباب:وعليكم السلام
صقر اللي انتبه لذياب:انت اخيرا شرفت
ذياب وقف:ايه وكنت انتظرك
صقر بعصبيه:زين
ذياب:تفظل
احمد وقف:ونحن اخوان البنت لنا الحق بعد نعرف اش يصير
ذياب:اكيد
عمر:خالد مابتقوم معهم؟
خالد متكتف:انا ذياب اعرفه زين... ف ماله داعي... ابقوم اشوف اختي هي الاهم
وقام عنهم...
عمر:لحظه انتظر بسير معك بشوف خواتي انا بعد
فيصل وقف:وانا ابوي متصل يباني... عاذرتكم
وراح عنهم...
صقر:عيل نحن خلينا نطلع مكان هادي
شهاب:لا انتو تمو انا و سلطان بنطلع
سلطان وقف:ايه وبعد بسير اشوف فارس متصل علي كم مره
شهاب:عيل مشينا
وطلعو مع بعض...
******************************
هلاك
12-30-2023, 12:42 PM
******************************
فيصل اللي طلع عن الشباب وهو يتذكر اول ماوصل ذياب البلاد واستقبله هو:ابسألك سؤال
ذياب وهو يتأمل الشوارع من دريشته:وشو؟
فيصل طالع ذياب وهو يوقف ع الاشاره:انت تحبها؟
ذياب صد صوب فيصل بدون ملامح:من؟
فيصل وعينه بعين ذياب:ليش انت قد حبيت غيرها؟
ذياب صد عنه:ايه كم مره عدت احب اي مره قصدك؟
فيصل بجدية:اقصد اخر مره
ذياب وهو يشوف الاشاره خضرا:حرك الاشاره خضرا
فيصل حرك وهو يعيد سؤاله:جاوب
ذياب تكتف بتنهيده طويله:قصدك الشقرا جولي؟
فيصل عصب:اقصد مهره
ذياب صد عنه:هي الوحيده اللي ماحبيتها... وانت اكثر واحد عارف هالشي
فيصل عبس:ذياب... عارف انه السالفه كبرت؟
ذياب طالعه من طرف عينه؟!!
فيصل تنهد وهو يتشوف ع الشارع:صقر واحمد عرفو... وصقر جن جنانه بزور شهاب وعليا هدوه
ذياب صد برا....
فيصل سحبله هوا وهو يكمل:وش بتسوي الحين؟
ذياب تكتف وهو يطالع فالسيارات بعدم مبالاه:مدري
فيصل حاس بالذنب:اذا تحبها استغل الفرصه واخطبها منهم
ذياب....
فيصل وقف وصد صوب ربيعه:ذياب اكلمك رد علي
ذياب....
فيصل مسكه من كتفه وهزه:ذياب
ذياب غطى عيونه وهو ينزل من السياره بدون لاينطق ب ولا بحرف...
فيصل نزل وراه سرعه:ذياب اش فيك؟
ذياب اللي يتنفس بعمق شديد... ويلاهث
فيصل راح وقف عداله:ذياب انت بخير؟
ذياب بخنقه:ايه ايه
وهو يسد ع السياره:خليني ادخل البيت تعبان
فيصل عفط يدق الجرس ورجعله:احسن اوديك المستشفى شكلك مره تعبان
ذياب ويده ع رقبته:مافيني شي بس ارهاق وتعب السفر
طلع شهاب...
اول مالمح فيصل واخو عفط لهم:ذياااااب؟!!!!
فيصل وهو يشوف اتصال ابوه اللي قطع عليه تنهد بقو:اااه...
رد بتنهيده اكبر:هلا بالوالد
ابوه:فيصل من متى طالعه النسب وينها حرمتك مارديتها للحين ليش؟
فيصل وهو يحك راسه:تتزهب بتروح مسقط هناك انقبلت لاه
ابوه عصب:تطلع من بيتك مامن بيت اهلها
فيصل....
ابوه كمل بعصبيه اكبر:امك مامصدقه محصله مجال عشان تطلع سوالف... وتدورلك حرمه... انت لا يكون طلقت البنت من وراي؟
فيصل فز:لا لا... بس صاير سوء فهم وبنحله
ابوه بصرامه:حله بسرعه طولتو ماصارت
فيصل بلع ريجه:يبه انت عارف اول سنه زواج لازم مشاكل
ابوه:عارف وعارف بعد انك تقدر تحلها البنت مامن عنادها و سوء تفهمها وانت تقدرلها اصلا بنظره بس انا مدري ع شو ساكت
فيصل وهو مبقق عيونه ع كلام ابوه:اش هالثقه الوالد؟!!... والله مواز عنيده وتشيب الراس
ابوه بثقه اكبر:والله البنت زوجها اعند منها وكاسر راسها... وخل عنك كل هذا هي تحبك وقلبها مايطاوعها فشي ضدك... فلا تتحجج
فيصل سكت وهو يتأمل كلام ابوه...
تبسم وهو يتذكر التحدي.. الرهان.. هو مانساه بس ماحب يضيقبها وينكد عليها من اولها خلاها تنبسط وتنسى... بعد اخر شوفه لهم بعزيمه عليا وشهاب...
ابوه:هاه وينك اكلمك ياولد
فيصل:هاه... ولا شي يبه... ان شاء الله كنتك الليله معك
ابوه:ايه هذا ولدي اللي اعرفه
فيصل بخبث:انت تامر امر يالغالي
********************************
:انا ما ابرر ولا اتحجج باي شي... وانا اعتذر عن اللي صار... ومن حقكم تعاقبوني
صقر صرخ فيه باستنكار شديد:بسسسس؟!... هذا اللي عندك؟!!
ذياب ساكت وهو يطالع عنهم الصوب الثاني...
احمد وصقر طالعو بعض...
احمد تنهد بقو وهو يهمس لصقر:خليه يروح شف حالته ماينفع معه لا الكلام ولا العنف... شبه ميت
صقر عابس:وش يعني اسكت؟!!
احمد:لا بس نخليه فتره ونرجع نكلمه مره بس بواسطه فيصل او شهاب
صقر طالع ذياب اللي شارد عنهم بدون ملامح بتنهيده:طيب
احمد وهو يحط يده ع طتف ذياب:ذياب...ذياااب
وهزه:ذيااااب
ذياب انتبه وفز:هلا
احمد وهو يطالع فصقر:تقدر تتوكل... روح ريح نتفاهم بعدين
ذياب تنهد:لا الحين خلونا نخلص من هالسالفه عاد
صقر:لا خليها لبعدين اصلا خلاص بنكلم شهاب انت مالك شغل... يله قوم روح ريح
ذياب عبس:بس الذنب ذنبي... شهاب ماله شغل!!
احمد:نقصد يعني بنخبره بقرارنا
ذياب تبسم ذبول:انا مالعبت عليها كنا ندردش بس مع بعض انتو مدري ليش مكبرين السالفه
وقام عنهم...
احمد طلع ف صقر وهو رافع حاجب بتعجب:وش قال؟!!
صقر وهو حاط يديه بجيوب ثوبه:بالمختصر علاقتهم ماتعدت الشات... يعني ماتستاهل منا كل هالانفعال دام خلاص هم سكروها
احمد سكت وهو يفكر...
صقر تنهد وهو يحس بصداع:خلا خطف ترا وربي صدع من مشاكل هالبنات
احمد تنهد:انا بنتقل مع مها مسقط قبلو ينقلوني ترا
صقر طالعه بدهشه:صدج؟!!
احمد وهو يحك خشمه:ايه ماجات فرصه اخبرك
صقر تنهد وهو يتبسمله:اش هالحب ياشيخ الله يهنيك
احمد باحراج:هههههههه جميعا
صقر مشى قدامه:امين
احمد لحقه وهو يتذكر...
مها وهي تلم اغراضها وتشاهق ماده البوز شبرين...
احمد:خلاص عاد ليش كل هالدموع؟!!... ترا مواز ومهره بيكونن معج بعد
مها وهي تمش دموعها:انا رفضت سكن الجامعه الداخلي عشان بس ما اتغرب
احمد وهو يلثم وجهها:خلاص حياتي ترا بتسكني مع البنات ليش بعد كل هالضيقه والدموع؟
مها وهي عابسه:............................ مدري
ولمته بقو:رح اشتاقلك
احمد:ههههههههههه ايه قولي كيه السالفه
مها بعدت عنه:اش قصدك؟
احمد تبسم:تدرين اني طلبت نقل لمسقط؟
مها بقق عيونها:ليش؟
احمد:عشان اكون قريب منج وماتشتاقيلي
مها صرخت بفرح:احلفففف
احمد:هههههههههههههه وابشرج وافقو
مها:الزفت وليش ماعلمتني من وقت الحين بس تخبرني؟
احمد تكتف:كيفي احب استنذل فيج
مها فرته بالمخده:تشب النذل اوريك
احمد:هههههههههههههههههه توريني وشو دموعج وانتي بحضني تقولي
وهو يقلدها:حمودي لا تخليني رح اشتاقلك
مها صرخت باحراج:تششششششششب تشششب وربي ماقول كيه
احمد:ههههههههههه انزين ليش احمريتي؟!!
مها صرخت فيه وهي تناقز:تشششب
احمد ميت ع احراجها:هههههههههههههههه فديتج غناتي
:احمممممممممممد اكلمك
احمد فز:هاه؟!!
صقر تبسم بخبث:ولا شي شكلك سرحان تفكر بالحب
احمد:هههههههه الله لايحرمني منه
صقر:امين امشي بسك سرحان
احمد:ههههههههههههههه الا تعال اش سالفه استاذ حرمتك؟
صقر:ههههههههههه اسكت عاد خلاص فطس وفكني منه
احمد:اخس يالغيور... علمني وش سويتبه؟
صقر:تشب... مايخصك نفس ماحليت سالفه اهل حرمتك حليت سالفه هالاستاذ النشبه
احمد تبسم:اهاه ههههههههههه والله كفو
صقر وهو يسحبه قدامه:خلا خطف
*******************************
صرخت:يحلم والله ماسرتله
دانه:موزوه عن التسفيله قومي شوفي ريلج ينتظرج عادله ربع ساعه فالمجلس... عــــيـــــــب عليج
مواز تخصرت:ليش هو يعرف العيب اصلا عشان احترمه؟!... بالله حد يجي هالوقت لا ومن دون لا يخبر راعي البيت؟
دانه عصبت:تششب عيب هذا ريلج... بعدين جدج فالبيت كيف نوبه تبيه يستأذن؟!!
مواز:مايخصني عااااد... مابا اشووووفه حامض على بووزه
دانه:انزين وليش معصبه؟؟!!
مواز:معصبه لانه مايفهم مصر يغثني ماعنده كرامه
دانه تبسمت بخبث:ماكنه شايفنج فعزيمه عليا و...
مواز قاطعتها بصراخ:تشششششب... ماصار شي بينا هو نذل ووقح وحركاته هالبايخه مايودرها انا تش ذنبي تبلوني به هه؟؟!!
مهره اللي جالسه ع الاب وتتسمعهن بسكات تأففت:اووووف... الحين انتي حاشره عمرج معها ليش؟!... خبري صقر هو بيتصرف
مواز تكتفت:مايهمني هه
دانه عصبت منها اكثر:الله يهديج
وطلعت تتصل على صقر...
مهره بجديه:خايفه يفتح سالفه الرهان؟
مواز وقف قلبها:اوووف تبي الصدق... ايه
مهره:ههههههههههههه محد قالج تتحديه... نبهناج بس ياحظي واثقه من نفسج ماتتسمعي حد
مواز سكتت مبوزة...
مهره:اقولج قومي شوفي اش يبا واكسبي رضاه احسلج خلاص هو الاقوى الحين
مواز....
مهره وهي ترد تتعبث بلابها:محد قالج تعطيه فرصه مثل هالفرصه عشان يقدر يتحكمبج
مواز تتأفف:اووووف انزين قايمه
وطلعتله...
دانه وهي تكلم صقر شافت مواز طالعه للمجلس:على وين؟
مواز:مب شارده سايره اتشوف بعلي هه
دانه:هههههههههههههههه مجنونه
صقر سمعها:فديت هالضحكه
دانه استحت:انزين بسكر
صقر:افا ليش؟؟؟
دانه:بعد ليش خلاص مواز قامت باي
صقر:باي ياعمري
دانه سكرت وهي تضحك:ههههههه
مهره:دووووم
دانه بقرحه:عقبالج
مهره:لا انا مابا مستغنيه عن هالفرحه
دانه:غبيه
مهره:ههههههههه طالعه ع عمتج
:من ياي؟
دانه ومهره صدو وراهم شافو منى....
دانه:ريل مواز
منى:اهاه
ودخلت عنهم
مهره:تغيرت وايد
دانه:الله يهدي النفوس
مهره تنهدت:امين
********************************
هلاك
12-30-2023, 12:42 PM
السلام عليكم
********************************
جلست عداله وبيدها تفاحه:بشو تفكر؟
شهاب:بذياب
عليا:لاتحاتي صقر ما بيأذيه... انا فهمت السالفه... والسالفه ماتسوى ولا تستاهل انا مدري ليش مكبرينها؟؟؟
شهاب وهو يطالع فالفراغ:اخوي فيه شي عليا مب طبيعي... سافر فجأة كنه يشرد من شي ورجع فجأه ولا علمنا... وذابل ذبول مب طبيعي
عليا اللي لاحظت هالشي بس ماحبت تبين لشهاب ويحاتي اخوه:زين اجلس معه وكلمه... و افهم منه كل شي
شهاب تنهد بقلت حيله:حاولت... بس مارضا... كل شوي و سرح... اكلمه ويسكت انتظره يرد... مايرد... اكمل.... احصله سرحان.... اوووووف مدري بلاه
عليا تحاول تفكر بحل معه:زين كلم ابوك وامك يشوفوه او شله يزورهم
شهاب عبس:مابا اشوف ابوي... وامي بتحاتيه
عليا قطبت حواجبها:ع اساس هي الحين ماتحاتيه
شهاب نفض كل فكره من راسه وهو يهزه بقو يحس بصداع:ااااه صدعت
عليا:سلامتك حبيبي
شهاب مسك راسه:تهاييه حب؟؟!!
عليا بلعت ريجها:ماظن... هو من زمان خسر مهره توه يحزن يعني؟!!
شهاب طالعها:عيل بلاه؟
عليا عبست:ليش تطالعني كيه؟
شهاب صد عنها:لا بس خطرت ف راسي فكره غبيه
عليا بفظول:وش هي؟
شهاب:لالا ماتبي تعرفيها
وقام عنها...
عليا لحقته:شهاب لحظه
شهاب ماعبرها وكمل دربه وطلع من البيت بكبره ولا كنها تلحقه...
عليا عصبت منه وهي ترفس الارض:بلااااه اووووف!!!
********************************
:بعد احسلك
فيصل اللي محاوط مواز:ماسويت شي
مواز وهي لازقه فالكنه ومن بين اسنانها:فيييصل بعد تراك لازق فيني... غثيتني الله يغثك.... خلاااااص
فيصل وهو لازق فيها ومستمتع:وشو ما اسمع؟
مواز وهي تتأفف:اووووف خلاص ارحمني من ثقل دمك اوووووووووووف
فيصل بعد وهو يحط رجل ع رجل:كيه البنات الحين يسلمو ع ازواجهم؟!
مواز تكتفت وهي تتعدل:البنات مو انا هه
فيصل رفع حاجب:ليش شايفه نفسج مب بنت؟
مواز بتقهره:اااييييه
وقامت عنه:بغيت شي انا رايحه؟
فيصل بنفس اسلوبها:ايه
مواز وهي تعطيه ظهرها بتروح:طااااف
فيصل قام ولفها صوبه بعنف وبعصبيه:الف مره منبهنج هالحركات ماحبها.... كم مره عادلي افهمج تعدلي اسلوبج معي؟؟؟!!
مواز خافت وهي تحاول تحرر يدها اللي توها تعافت من الالتواء:اتركني اوووف وبعدين معك انت؟!!
فيصل هزها بقهر:انتي ناسيه الرهان اللي بينا؟
مواز طالعته بخوف:اي رهان؟!
فيصل تبسم بخبث:شوووو نسيتي؟!!... ولا تتناسي؟؟!!
مواز سكتت برعب... وهي تبلع ريجها...
فيصل تركها ورجع جلس:طلباتي اوامر... صح؟
مواز سكتت بقهر وهي تسبه ف داخلها...
فيصل عاد بغرور:صـــــح؟؟؟
مواز تبسمت بغباء:صــ..... ـــح
وصدت عنه وهي كارهه موقفها...
فيصل وهو يحط رجل فوق رجل:خلا هيا عيدي
مواز طالعته مبققه عيونها باستغراب:اش اعيد؟؟؟!!!
فيصل وهو ينافخ بغرور:تسئليني اش ابا
مواز تنهدت بقرف... وتبسمتله بكره:وش تبا؟
فيصل يكمل:زوجي العزيز
مواز عبست بشرايه:وشووو؟؟؟!!
فيصل رافع حاجب:اممممم لالا مب مناسب... احلا حياتي
مواز صرخت وهي تتخصر باستنكار شديد:وشووو وشوووو؟؟؟!!
فيصل متجاهل انفعالها وببرود شديد:امممم روحي
مواز تعوذت من بليس:استغفر الله
فيصل:يله عيدي وباسلوب
مواز سحبت نفس وطالعته:انا مب مجبوره ع رهان خسران هه
وجت بتطلع ماحستبه الا ماسكنها ولافنها له بجديه وصوت خشن مرعب:انتي وافقتي ع هالرهان من خسرتيه ماعاد يناسبج؟!!... لا ياروح الماما انسي
مواز بلعت ريجها:انزين اتركني اوووووف
فيصل تركها:يله سمعيني
مواز بقهر وهي تسب عمرها:وش بغيت زوجي العـ...ــزيز
وصدت بقرف عنه...
فيصل تكتف:تتتتتتتت غيرناها صارت روحي
مواز صدت صوبه بكره:لااه
فيصل تبسم بيقهرها:تغيرت لعمري
مواز تخصرت باستنكار:احلف بس انت؟؟!!!!
فيصل وبلهجه عناد وتحدي:حــــبــــيـــــبــ? ?ـــي
مواز.... سكتت بقهر تعرف ان ردت عليه بيزيد...
فيصل عرف انها استسلمت اخيرا وتبسم بنشوة انتصار:عيدي يله
مواز.....
فيصل بجدية:موووواااااززز
مواز سحبت نفس عميق وطالعته:اش بغيت حـ...بيبي
فيصل تبسم بعذوبه:حلاتها منج ياعسل
مواز ذابت وهي تحس بتوتر فضيع من ابتسامته...
فيصل كشر بقرف:صدقتي عمرج!!.. عيدي باسلوب احسن
مواز شوي وتنفجر فيه من القهر وهو اللي توه احرجها:اش تبا فكني؟؟؟
فيصل تبسم:اتعيدي باسلوب ولا كيف؟!!
مواز سكتت عنه وهي عارفه زين حركاته...
فيصل رفع حاجب:وشوو؟؟؟!!
مواز بلعت ريجها:وان ماعدت؟
فيصل ببساطه:بتتعاقبي
مواز تستدرجه فالكلام:وش هو العقاب عاد؟
فيصل:نقدم عرسنا
مواز صرخت بشهقه:لاااه احلف بس انت
فيصل عجبته ردت فعلها العنيفه وانه اخيرا استفزها:هههههههههههههههه كيفج عاد خبرتج
مواز صدت عنه بقهر وهي شوي وتنفجر:لا يامواز اعقلي خلج ريلاكس... هدي هدي... رح تغلبيه اوووووووف
وصدت صوبه...
تبسمت بعذوبه وبصوت هادي:اش تبا اممممممم...
وهي تحاول تتذكر اخر كلمه قالها:عمري... حياتي... روحي... حبيبي... وشو؟؟؟
فيصل تبسم:ههههههه اباج انتي
مواز طيرت عيونها فيه و بدلاخه:هاااه؟!!!
فيصل ذايب ع تناحتها:ايه انتي الليله معزومه عندنا... خلا ادخلي البسي عباتج
مواز واقفه متنحه وهي تطالعه..!!!!!!
فيصل عبس:يالله.....تحركي موااااااز
مواز صرخت فيه:تخسي
ودخلت عنه ركض... حتى ماعطته فرصه يرد...
فيصل عصب منها بقو:اووووريج يالقصيييره
************************************
وبعد ساعات قدام البحر...
ذياب تنهد بتذمر:خلاااص يافيصل لاعت جبدي وربي من كثر ماتتأفف
فيصل يتأفف بقهر:والله لو ما فبيت جدها وعندها خواتها كان دخلت وراها وسحبتها من كشتها
وكمل بعصبيه وهو يتذكر اسلوبها معه:يبالها حد يعلمها الادب
ذياب تبسم:كنك ماتعرفها... شرسه ويبالها ترويض ع قولتهك... اوووه اذكر انك قلت روضتها خلاص!!
فيصل تنهد بخيبه:مدري متى بتكن وتركد... كل ما اقول خلاص ترد مثل قبل و اخس
ذياب وهو يتأمل البحر بابتسامه:كل شي تاخذه منها بالغصب كيف تباها تكن وتركد... وهي شخصيتها ماتسمحلها تسمح لاحد ياخذ منها شي بالغصب وتسكتله
فيصل سكت يفكر بكلام ذياب....
ذياب طالع فيصل:تذكر يوم لقطتكم فشقه صقر؟
فيصل معصب حده ومنقهر:عاد انا بالعمد كنت اتمنى انت بذات تشوف هذاك المشهد عشان تبعدها من راسك
ذياب بقق عيونه؟!!
فيصل بعصبيه:ايه مب انت خطبتها بعدي من صقر...
وهو يقلد ذياب:انا البنت رايدها وخاطري فيها...
وعبس بقرف:هه
ذياب انفجر ضحك ع غيرة ربيعه واللي كاتمها من هذاك الوقت للحين:ههههههههههههههههههه? ?ههههههههههههههههههههه ههههههههههههههههههههههههه هههههههههههههههه اخس يالغيور ههههههههههههههههههههههههه هههههه
فيصل متكتف بقهر:زين خلاص بسك ضحك ماصارت اوووووف
ذياب:لهدرجه تحبها ومجنون فيها؟
فيصل عصب زياده:لاه اش رايك يعني بتزوج وحده بس لاني دخلتها فراسي لانها كسرت سيارتي؟
ذياب تبسم:ما على بالي بتحب مراهقه... وهي توها مشاعرها ماواضحه و..
فيصل قاطعه بسرعه وجديه:ذياب... انا اسف بخصوص مهره
ذياب سكت وصد عنه...
فيصل عبس:انت اش مخبي علي؟
ذياب:مشي
فيصل لفه صوبه:ذيابوه انطق لا اشرش اخوك عليك
ذياب بلع ريجه:فيصل تكفى خليني ف حالي
فيصل عبس:لا انطق احسلك
ذياب تنهد بقو:احسلي ما انطق
فيصل وقف:خلاص عيل بخبر شهاب هو خليه يتفاهم معك
ذياب مسك راسه:خلاص انثبر بخبرك اووووف
فيصل بحماس:قوووول
ذياب سحبله نفس عميق:سافرت عشان كنت شاك بشي وسرت أتأكد منه
فيصل عبس:وش هالشي؟؟؟
ذياب....
فيصل:قول ذياب ليش سكتت؟
ذياب قام وقف:سير لحرمتك ونفذ وعدك لابوك... اشوفك بعدين
وراح عنه..
فيصل خلاه يروح وهو متحلف يخبر شهاب...
رسل مسج لشهاب وقام لسيارته...
وهو يفكر بفكره يجيب فيها راس مواز...
******************************
:مدري
خالد:مهره عادلي من فتره مخلنج براحتج خلاص بتروحي وانتي للحين ماقررتي... قرري
مهره تنهدت:زين... خلاص بكره ان شاء الله
خالد بحماس:خلاص تم غداج معنا
مهره تبسمت:ان شاء الله
خالد:ترا حمد ومها معنا بالفله... يعني مابملي عندج مها
مهره:ههههههههه ادري
خالد تنهد براحه:اخيرا بنحل هالمشكله
مهره سكتت...
خالد حاس فيها واللي سوته امه فابوه وامها ماشويه:ماعليه مهره لازم تتقبلي الموضوع وتسامحي
مهره تبسمت ع حنية خالد معها اللي من رجع من الدورة ماتركها ابدا زيارات ومسجا واتصالات:ان شاء الله
خالد:يله بودرج الحين اشوفج بكره
مهر:تمام ان شاء الله دير بالك على نفسك
خالد:ان شاء الله وانتي بعد
مهره:مع السلامه
خالد:مع السلامه اختي
وسكر...
احمد وهو يشرب الشاي:وانت متى بتودر البنت غاثنها 24 ساعه؟
خالد عبس:اختي وكيفي
احمد:ماشايف خير خلااااص اثقل
خالد:ع الاقل اكلم اختي مب حبيبتي هه
مها اللي جالسه معهم وتقطع فواكه:هههههههه والله مهره محتاجه لاهتمام مثل اهتمام خالد... تحصل كل البنات الحين منشغلين عنها
خالد واحمد طالعو بعض وهم يتذكرو سالفه ذياب اللي محد عارفلها حل....
امهم جات وبيدها طبق حلو:اليوم شفتلكم بنت ام سيف اش حلاتها ادب واخلاق وجمال ومن عمر خالد
احمد وهو يهمس لاخوه:مبروووك مجيوبلك عروس
خالد بتذمر:يمه بس عاد من تخرجت من الدورة وانتي كل يومين جايبتلي بنت... تكفيييني مافكر بالزواج حاليا
امه عبست:قووول احب وحده ومابا غيرها
خالد:لا حول ولا قوة الا بالله... وراسج يالغاليه وقتها بروحي بخبرج لا تضغطي علي
مها اللي تسمعها وكاتمه ضحكتها:تفضل
احمد خذ منها صحن الفواكه:تسلم ايدج حبيبتي
مها استحت:الله يسلمك
امه:طالع شوووف... ماتبا من هالدلال ولا شوي؟
خالد وقف بيروح:تذكرت الحب مواعدنه الحين
وشرد
احمد ومها:هههههههههههههههههههه? ?ه
امه بتذمر:طالع شرد هه
احمد:ههههههههه خلاص يمه خليه براحته
امه تكتفت:هه بكيفكم مالي دخل فيكم سوو اللي تبوووه
مها جات وجلست عدالها:الا خالتي تدرين احمد ناوي يسمي ع اسمج
ام احمد طالعتها بحب:من وين يمه اسمي ماحلو
مها:افاااا... لا حلو وش حلاته اسم مزون... بعدين اريد بنتي تطلع عسل مثلج وطيوبه
ام احمد تبسمت:الله يرزقكم الذريه الصالحه
احمد متبسم:اسمع خلفه
امه:ايه نتكلم عن احفادي
احمد بنص عين:وين يمه بعدنا مطولين... كنتج بععدها بيبي
مها شهقت باحراج:احممممممد
احمد سكت عنها:هههههههههههههههه
امه:خلها... اش عايلنك؟؟؟
احمد:انا ما عايلني شي انتو تتكلمو عن الخلفه هههههه
مها استحت وقامت عنهم...
امه:زين كيه احرجتها
احمد:ههههههههههه عادي يمه متعوده علي بس استحت منج
************************************