الفصل 18
وعند البنات...
منى بصراخ:تكلمن كيف شلها وبأي حق؟!!!
مهره سكتت عنها وهي تفرفر اوراق الكتاب اللي بيدها....
دانه متكتفه تطالع التلفزيون:مدري
منى بصراخ:كيف تسمحن لغريب يدخل البيت ويشل وحده منكن ولا تسون شي على الاقل صرختن؟!!!
دانه....
مهره....
منى اللي عصبت وفار دمها على سفهه مهره ودانه لها.... بندت التلفزيون وسحبت الكتاب من مهره وفرته بقهر:لا تحقرني وانا اكلمكن
مهره وقفت بعصبيه مكتومه:ليش تفريلي كتابي ابذاكر كان بفلح وافتك منكم هه
وراحت شلت كتابها ودخلت عنهم الغرفه...
منى طالعت فدانه اللي جالسه تطالع ف منى ببرود:نطقي شو مخبيات عنا؟
دانه وقفت:انتي وش تبي تعرفي بالضبط بخبرج؟
منى تخصرت:كل شي
دانه:مثل؟
منى:بأي حق شهابوه يشل عليا وموزوه اش سالفتها مع اللي جا يخطبها و مهره بعد وانتي وش سالفتكن؟
دانه تكتفت:عليا.... شهاب ردها... و مواز مب ابوج اللي ملكها يعني اسألي ابوج عنها وعنه... و مهره متوتره من الامتحانات كان بتقدري وبتخفي عليها... وانا...
بلهجه تحدي وثقة:أحب صقر وبنتزوج
منى انقهرت:انتي تبي بس لاتستفزيني؟!!!
دانه ببرود:عبالج معرف ليش ابوج الموقر معيشني معكم وتبناني لاء وناسبني له... وهو مايطيقني ويمثل علي الحب والحنان؟!!
منى تبسمت بمصخره:هه زين عرفتي يابنت الفقر
دانه بنفس لهجة منى الساخره:هه اقول لا تتعشمي وايد تراني بنت ناس... واعرف نسبي زين... واعرف وش سويتو بأخوي اللي هو ابو البنات بس ساكته بمزاجي فاستريحي وحركاتج اللي مالها داعي بطليها ترا من انفجر ما اعرف اللي قدامي... وقد اعذر من انذر
منى بقرف:يمه خفت... اقووول مشي بوزج... خووووفتيييينييي.... هيه انتي اصحي... اصلا لو فيج خير مابتنطمي للحين ولبكره بعد... تدرين ليش ماتقدري تنطقي ولازم تنطمي؟!!
دانه.....
منى كملت بثقه وغرور:لانه التهمه لابستنه و محكوم عليه خلاص ومامن الكلام اي فايدة... وترى للعلم انتي الخسرانه الوحيده من السالفه بس تنطقي... هه استريحي انتي ياماما
كملت وهي تأشر على دانه بسبابتها من فوق لتحت بقرف:ابوي ماتغلبه نتفه مثلج... بس اللي مصبرنه عليج صقر... لو قطج فالشارع اكيد اخوي الغبي مابيودرج... وهالشي اللي ابوي مايبيه... تبقي تحت عينه يعني يكسب اجر فيج بعد احسن من انه يبتلي اخوي المسحور فيج طول عمره... هي بس ايام قليله وتأكدي رح ترجعين للشارع هه
دانة....
وطلعت عنها بغرور...
و فهالوقت فالشركة....
فارس:طال عمرك....كل الترتيبات جاهزة
فهد وهو يرجف من العصبيه يحس قلبه بيوقف بس كاتم لازم يهدا ويفكر بهدوء بس ماقادر يهدا وهو يتخيل عليا مع شهاب بروحها ماقادر يستوعب...
غمض عيونه بقو وهو يتذكر كل اللي خبرته به منى...
فارس:طال عمرك...
فهد:ابدا فارس لازم اليوم تبدا مافي وقت
وبداخله بركان:الا عليا ياشهاب الا روح فهد... ان ماحرقتكم ماكون فهد
******************************************
وعند شهاب اللي اخذ عليا لبيته....
عليا اللي اول مافتحت عيونها فزت مفجوعه وهي تتأمل الغرفه اللي هي فيها...
تنهدت بقو وهي تتذكر شوي شوي اللي صار معها... هي وينها فيه وش وصلها لهالمكان؟!...
شهاب!!
معقوله اللي صار لالا تحلم اكيد هذا واحد من كوابيسها اللي ماتخلص...
مسكت راسها تحاول تهدي نفسها...
وقدام باب الغرفه شهاب اللي يروح ويجي بيدخل ومتردد ماعارف اش يسوي او اش يقولها بشو يبرر... يحس عمره بيستخف...
اخيرا تشجع و دخل...
عليا اللي فزت اول مانفتح الباب...شافت شهاب يطل عليها بلعت ريجها بغصه...
يعني هي تحلم وبعدها تحلم اش هالحلم هذا؟!!
شهاب استغرب نظراتها وهدوئها الغريب...سكر الباب وراه وقرب منها بتردد...
عليا نزلت من على الفراش وراحتله بثقه..
شهاب وقف وهو مبقق عيونه يشوفها تقرب منه بثقه.. وقفت قدامه بعبوس تتأمله...بلع ريجه وهو يحاول ماتطيح عيونه بعيونها...
عليا مسكته من ثوبه:انت متى رجعت؟!!
شهاب يحسها ما فوعيها توها من شافته طاحت مغمى عليها:أاااا...
وصد عنها وهو يحك راسه...
عليا بعدت عنه... تتأمله...
توتره...
ارتباكه...
تردده...
شهاب فز لما لمست يده طالعها مب مستوعب تصرفاتها:بلاها لايكون استخفت؟؟!!
عليا وهي تلمس يده البارده:اكيد هذا حلم؟!!
وطالعته...
شهاب فهم اخيرا سبب هالتصرفات ونقع ضحك:ههههههههههههههههههههه? ?هههه ايه هذا حلم ويتحقق
سحب يده منها وتشجع يقرب منها... بما انها تحسبه حلم قرر يستغل هالفرصه لصالحه:خلينا نتكلم
عليا هزت راسها بموافقه:طيب تكلم
شهاب مسك كتوفها:عليا وربي احبج... بعدج ذبحني يابنت الناس
عليا تتطالعه ببرود....
شهاب بعد عنها كارهه برودها يحس في شي غلط مب قادر يتفاعل او يتكلم يقول اللي ف خاطره:انا.... آسف
عليا....
شهاب بلع ريجه:هو كل اللي صار
وصرخ فيها مب متحمل برودها الكبير:انتي ليش ماتكلمتي من قبل؟!... ليش سكتي ترا اللي سويته ذنب ورح تتحاسبي عليه؟!!
عليا تتطالعه بنفس النظرات البارده وبهدوء:بس انا ماكنت اعرف... عرفت عقب صدفه ومواز قالت بتتصرف لانه صقر ماكان يقدر يساعدنا وجدي بيذبحك اكيد
شهاب سكت ميت على برودها وميت على كلامها مب عارف يصرخ يبكي يضحك مايعرف اش يسوي بتجننه اكثر...
عليا قربت منه مره وهي تمسك ثوبه مثل الاطفال وتتطالعه بتأمل:خلك معي... لاتتركني مثل كل مره... اول ما اصحى ما احصلك معي
شهاب بيموت خلاص يحسها استخفت عليه الصدمه اكبر من انها تتحملها مايدري وش يسوي كان لازم شوي مايستعيل و يرد لحياتها بكل ذاك الجموح واللي ماقدر يتحكمبه وسيطر عليه...
لمها يحس خلاص قضى عليها... اول حطمها وتركها تعاني ومن رجع طير اللي باقي من عقلها... هو وش سوى وش يسوي مايدري...
يحس قلبه يذوب ينكوي يسيح... بين ضلوعه...ماقادر حتى يتنفس من الغصه... والمراره الفضيعه اللي بحلقه...
عليا بعدت عنه بفزة:لا تقرب
شهاب خلاص تعب تأكد انه رجع وكمل عليها...
طاح على ركبه يلاهث:لالااااااااا
مسك راسه برجفه وش يقول لصقر وش يسوي كيف يحل هالمصيبة... عليا استخفت خلااااص وهو السبب
عليا جلست قدامه و هي تبعد يديه عن راسه:ليش تصيح؟!... لاتصيح انا معك ماكان قصدي شي بس انت خنقتني
شهاب وهو يرجف من بين دموعه المتمرده بقهر:عليا تعرفيني؟
عليا تبسمت وهي تمسح دموعه:بس لاتصيح
شهاب انهد حيله خلاص ارتمى فحضنها بتعب:آسف
عليا وهي ترمش باستغراب:انت كبير مفروض ماتصيح
شهاب.....
عليا:من مزعلنك؟
شهاب ماتحمل اكثر وقام طلع عنها وكسر كل اللي قدامه فالصاله... طلع كل حرته فالاثاث والتحف وكل شي يطيح قدامه...
طاح منهد حيله يحس بتعب فضيع والنار فصدره ماطفت... تحرقه اكثر من قبل...
ما حس الا بيد ع كتفه صد بسرعه شافها تتأمله بنفس الملامح... غص
عليا:ليش كسرتهم؟
شهاب....
عليا:خلا ننام
شهاب طالعها بدون ملامح...
عليا تبسمتله ببراءه وهي تشد يده:قووووم
شهاب....
****************************************
فيصل اللي اصلا ينتظر مواز اول ما سمع الجرس فز يشوف من خاصه انه المصلح بعده يصلح الباب...
مواز توها تدق الجرس الا بفيصل يطل عليها...
فيصل:ادخلي...
مواز بلعت ريجها:سويلي درب لاه
فيصل تكتف:اللي يسمعج مايقول كنتي وسطهم قبل ايام
مواز انقهرت منه:زين بعد من طريقي ابدخل
فيصل عقب ما بعد المصلح:تفضلي يامدام
مواز خطفت من قدامه وداست ريله بالعمد ودخلت بسرعه...
فيصل عورته بس لحق عليها ومسكها قبل لا توصل الصاله:هيه انتي
مواز من بين اسنانها:فلت احسلك
فيصل يهزها بعنف:هالحركات ودريها احسلج
مواز تحاول تحرر يدها منه:خليني اروووح اشوف صقر... لوعتبي تراك اوووف غثة
فيصل اللي استفزه كلامها لزقها فالجدار اللي ورها بقو ومسكها من كتوفها بعنف:كم مرة انبهج على اسلوبج معي... عدليه لا اضطر اعدله لج
مواز خايفه منه بس ماتباه يحس بخوفها... وبعكس اللي بداخلها... بقو و مصخرة:هه اشووف حلالك دور الزوج يالهيلق
فيصل بدون ملامح مساك اعصابه:ألفاظج عدليها
مواز تبسمت بمصخره وهي تكمل بثقة:اسلوب العنف والتهديد مايمشي معي تبا تضرب اضرب... اوه نسيت انت ماد يدك علي اصلا
فيصل غص ع كلامها وهو يتذكر ايدها... بعد عنها بسكات
مواز بثقة:هه... مو يعني شفت دمعتي كم مرة خلاااااااص كسرت راسي... ترا لا انت ولا عشرة من امثالك يقدورن علي
ومشت قدامه بغنج ودلع...
ماحست الا بشي يشدها ويردها للجدار..
مواز صرخت بخوف وفيصل يحاصرها الغضب يطلع شرار من عيونه:هذي اخر مره اطوفها لج واسكت... المره اليايه لاتنتظري مني اقل من اني ابكيج أيام مب دقايق وساعه اياااااااام واظن عارفه زين اني جاد وما امزح... مو انتي يالنتفه يالفاشله اللي تكسر كلمتي.... وهالهيلق ع قولتج اللي مو عاجبنج هو زووووووجج رضيتي ولا لا وفكرة الطلاق مسحيها من راسج هالمعفن
مواز وهي ترجف وانفاسه تلفح وجهها... وهي تدفه عنها بقو:مش بوووزك... و طلاق بطلق ومحد معفن غيرك يالمعفننننن
فيصل من بين اسنانه:هالمعفن زوجج
مواز استفزها اكثر:تخسي انت يالمعفن يالزباله تكون زوجي انا وتوصخني هـ...
مواز تيبست مكانها وارتفعت درجه حرارتها ماحست الا باصابعه اللي غارسنهم فشعرها من تحت الشيله و....
فيصل باغتها بقبلة حارة امتصت كل غرورها وثقتها فدقيقة...
بعد عنها وهو حده مبسوط من شكل وجهها المحمرالمولع ورجفتها وهي تحاول تتوازن فوقفتها... تتطالعه بضياع... وبلهجة تملك مالها حدود:انتي لي انا وبس... هالقرف اللي مو عاجبنج رح اعيشج فيه غصبا عنج
عند الشباب....اللي مانتبهو لصرخة مواز بسبب الفوضه اللي مسوينها... بس ذياب اللي مبعد عنهم يحاول يتصل فأخوه اللي طول عليه وهو يحاتيه سمع الصرخه وطل يشوف....
بقق عيونه وهو يبلع ريجه من اللي يشوفه قدامه صد بسرعه و رجع عند الشباب...وابتسامه عذبه تنرسم ملامحها ع وجهه
عمر:هاه بشر؟
ذياب:ها... لاشكله بعده مشغول
عمر وقف:اقوم اشوف خالي...
بقق عيونه وهو يشوف مواز تركض لغرفة صقر و فيصل جاي صوبهم...
عمر:اش فيها؟
فيصل وهو يطالع عمر ببتسامه:لا مافيها شي بس تعرف يبالها وقت لحد ماتتعود علي
عمر رفع حاجب:مافهمت
ذياب:هههههههههههههههههههه? ? والله وبتلت هالمسكينه فيك
فيصل طالع ذياب بنص عين:والمقصود؟
عمر بمحاتاه:هي بخير؟
فيصل:ايه عمر لا تحاتي
عمر وهو من قاله جده انها تكون اخته مافارقت هالفكرة راسه يبا يتأكد ويرتاح بس ماعارف كيف.. سكت عنهم وهو يسمع خالد يناديه يشاركوهم السوالف...
ذياب وهو متكتف ويطالع ففيصل اللي يطالعه ورافع حاجب:انزين وش هالنظره؟
ذياب:كنت رايح ابكلم شهاب وشفتكم صدفه
فيصل تبسم:اها
ذياب بجدية:فيصل...
فيصل قاطعه بسرعه:الحين هي زوجتي و كيفي
ذياب:طيب لاتضغط عليها يسد من طلعت بحياتها عفستها فجأة تكتشف حقيقتها وتعيشها رعب و عقب تسير تخطبها و تكسر ايدها و تملك عليها ثاني يوم حرام بعد تزيدها ب...
فيصل قاطعه:هالبنت مايمشي معها اي اسلوب يبالها اسلوب غير
ذياب باستنكار:لاه
سلطان ينادي عليهم:هيـــــــــــــــــ? ?ـــــــــــــه انت وياه شتسوووووون هناااك
فيصل:جايين خييييبه...اش تبا؟
سلطان:ابا عشا ياحمار انت وياه
ذياب بعصبيه:لا تسب
فيصل سحب ذياب معه:زين نحن بنروح نجيب عشا
أحمد:هههههههههههههه تعال تعال....انا طالب عشا
وعند مواز اللي دخلت وركضت للحمام وهي تغسل شفتها بقرف...وتتلمسها برجفه ودموعها تنزل بتمرد وهي تشاهق بلوعه كبيره:الله ياخذك يالحقير.... حثاله حيوااان اكرههههك اوووووف
مسحت دموعها بدفاشه:بجيب النسبه وبفتك منه لازم اشد حيلي لازم
فزت منتقزه ع دق باب الحمام فتحت بسرعه وهي تشوف صقر:انت بخير؟
صقر باستغراب يطالعها من فوق لتحت:مواز؟!!
مواز نزلت دموعها:اسفه والله مو مني زايد دلعي هاليومين ماكان قصدي اخوفك علي والله
صقر وهو يقودها للكنبه:خلاص انزين علميني الحين كيفج؟
مواز مسحت موعها:الحمدلله وانت؟
صقر تبسم بذبول:انا بخير... ماكنت اعرف انه فيصل عنده اسلوب بيقدرلج
مواز غصت وانقرفت من طاريه وهي تحس شفايفها تحسسو:لو ما يوريني رقعه وجهه هالفتره يكون احسن
صقر طالعها باستغراب كبير:افا
مواز ترقع:ابا اركز وهو كله يشتت افكاري وستفزني ومدري وشو... ما اتحمل تصرفاته غبي هه
صقر حس في شي صاير مواز ماترتبك وتنهار الا شي صاير بينها وبين فيصل كره تدخل حد غيره فالبنات....
و بمسؤوليه:طيب اعتمدي علي... ان شاء الله مابتشوفيه... وبعد بردج تكملي مذاكره عند خواتج
مواز فزت بفرح:قول والله؟
صقر تبسم ع فرحتها:ان شاء الله بس انتي الحين قومي ريحيلج شوي وبكره نتفاهم
مواز لمته بفرحه كبيره:احبك صقوووور
صقر:هههههههههه صقور هاه
مواز قامت بسرعه تفصخ عباتها:يله انا بنام
صقر:هههههههههههههه صبري بتتعشي اول
مواز:لا متعشيه مع ومها عاد
***************************************
مرت ساعات الليل...
وعليا نايمه بحضن شهاب اللي مانام طول الليل يتأملها وقلبه يتقطع عليها... وهي ولا حاسه فيه نايمه بعمق شديد...
مواز نامت ف غرفة صقر اللي تطمن عليها طلع للشباب اللي كانو متجمعين عنده...
البنات...
مهره نامت من وقت عشان تقوم تذاكر من وقت بس مانامت الا بعد ماخذت منوم ونامت غصب...
دانة سهرانه وبيدها روايه وهي تقرا بدون وعي وتفكيرها غارق في ماضي دفين وأليم...
منى اللي نامت من وقت عقب ما اتصل فهد وخبرها بيتأخر لا تنتظره...
فهد وفارس سهرو يجهزو ليوم حافل يفاجئوبه الشباب...اللي متجمعين مع صقر وناسه وضحك وسوالف وثقل...
أحمد الي طالع فساعته وشهق:ولللل.. الوقت تأخر...
ووقف:يله عاذرتكم...
سلطان:خذني معك...
خالد وقف هو بعد:انا بعد بسير اليوم عند الوالده اشتقتلها
ذياب:ع اساس مطرود من الفله
خالد بعدم مبالاه:ساير لامي مب له
ذياب وقف هو بعد:لحظه خليني اوصلك على طريقي
عمر:وين؟!... انت ناسي شهاب شال عليا عنده بالبيت؟!!
ذياب:ههههههههه زين جات منك لاني جالس افكر وين ببات؟
صقر تبسم:افا عليك بس... الشقه واسعه
فيصل:اقول حرمتي بعد فالشقه الواسعه ترا وتبا تذاكر هااااه تذكررووووهااا
ذياب:ههههههههههه اووووف يالغيوووور مذااكره هاه
أحمد تبسم:ههههههههههههه والله مو لايق عليك
فيصل تبسم بخبث:اقول ياللي لايق عليك وش رايك نخلي البنات يباتون فشقتك ونحن نبات هنيه احسن واريح؟
احمد:ا...
خالد قاطعه بسرعه:فكره حلوه وبعدين اكيد اخوي عادي معه لانه حرمته الحين وقت اختبارات يعني عادي صح اخوي؟
أحمد عصب وهو فاهم قصدهم ونغزاتهم له:تشششب وعن قلة الادب
فيصل بنذاله:خلاص انا بدخل اقوم المدام واشلها عند حرمتك
احمد صرخ:هيه مب الحين بعدين انا للحين ماتعشيت ابنزل واخذ دش وكيه يعني وعقب اقولك تجيبها... انتهى النقاش
وقام بيروح:هيا سلطان قوووم
سلطان بتعب:غيرت رايي تعبااااان بنام عند الشباب
احم:براحتك انا برجع ترا باي
وراح عنهم بسرعه...
خالد:هههههههههههههههههههه? ?ه شرد بسرعه
عمر:احرجتوووه
صقر:وبعدين من قال مواز بترضا انت تشلها خليني بكلمها و برسلها بروحي مايحتاج انت تشلها ولا تتدخل اصلا
ذياب وخالد صفرو....
فيصل:من ماله دخل؟!!... حرمتي ومحد يقدرللها غيري
عمر مسك راسه:لاحول ولاقوة لاا بالله عاد يباها من الله يغث هالفقيره
فيصل:والله اونه لاتتدخل وانا اللي مضبطله امورها قبل شوي
صقر وقف.:لانك السبب ف تبهدل امورها ف لازم عليك ترتبيها غصبا عنك اصلا
عمر وخالد طالعو بعض باستغراب ع لهجة صقر الحاده...
فيصل بجدية:طيب البنت عندك لحد ماتطلع النسب وعقبها نتفاهم... يله فمان الله
ذياب:يله خالد مشينا
ولحق فيصل بسرعه...
خالد طالع فعمر اللي تنهد ولحقهم بتحفظ على اللي صار...
صقر اول ماطلعو لعمر:لاتقول شي اعصابي تعبانه
عمر قام بتنهيده وهو يشوف المصلح اللي واقف ينتظر فلوسه...
صقر دخل ع مواز اللي نايمه بعمق تنهد بقو وهو يشوفها نايمه ولا حاسه بشي:ياترى وش اخبار عليا و مهره والحب دانه؟!... واختي الغبيه ااااه بس اه يامنى
************************************
طلعت الشمس...
وخالد بحضن امه شبه حي...
امه تمسح على شعره وتقرا عليه...
أحمد دخل بفجعه:بلاه يمه؟!!
امه تهديه:اشششش توه بس هدا
أحمد وهو يتأمل اخوه اللي يطالع فالفراغ بذبول و بدون ملامح وراسه بحضن امه اللي تمسح عليه:وش صار؟... توه من ساعات كان معي بخير؟!!!
امهم ببرود:مشي بس مدري دورته تكنسلت... انلغت... تأجلت... مدري
أحمد شهق بفجعه مالها حدود:شوووووووووووووووووو؟? ?؟؟!!!!
امه صد عنه وهي تطالع فخالد...
احمد عرف انه ورا السالفه جده:جدي السبب صح؟!!
امه بلعت ريجها:مدري
احمد ماسك اعصابه لاينفجر ومن بين اسنانه:يمه
امه صرخت فيه:روووح انت لحرمتك هذي اخرتكم... اعصو جدكم ووقفو فوجهه تستاااهلووو ياما حذرتكم بس عنيدين نفس ابوكم هه
احمد شوي وينفجر:أبوووي... اخخخخ بس... الله يرحمه
وطلع بسرعه لا يرفع صوته او يقل ادبه ع امه...
طلع الحديقه يرفس الارض بقهر وينفس عن قهره الكبير...
يتذكر شكل اخوه ويغص اكثر...بلع ريجه وهو يتذكر كلام امه له... فهد بدا بخالد يعني باقي الشباب بيجيهم الدور وعفط لسيارته وهو يتصل..
:الووو
احمد بلهاث ولهفه:وينكم؟!!
بصوت ناعس وهو يفكر عيونه:وش تباا وش فيك تصااارخ؟!!
أحمد بلهاث وصراخ:جدي ترا متحلف فينا واحد واحد واليوم شكله الوعد
صقر طار النوم من عيونه:وشووو؟!!... اش صاير اصلا وانت وينك احيدك نايم عدالي؟!!
أحمد:امي اتصلت فيني تقول تعال شوف اخوك حصلته فحاله مايعلمبها غير ربك
صقر فز:ليش وش فيه؟!
أحمد بغصه:اسكت منهار... امي متصلتبي عشان تنبهني وتخبرني استعدو الدور جاينكم
صقر قبضه قلبه:البنات!!
أحمد تنهد:لااا تحاتي اكيد بيبدا فينا... شكله امس سهران يزهبلنا حفله لليوم
صقر مسك راسه:يعني وش يقدر يسوي؟!
أحمد بضياع:مدري مدري.. كل واحد بيستغل نقطه ضعفه نفس خالد
صقر:الا خالد وش سواله؟
أحمد عبس بقهر:ألتغت مدري وشو دورته
صقر صرخ بستنكار:مستحيييييل!!!
ذياب بانزعاج:وبعدين مع هالازعاج من الصبح؟!!!
عمر قام وبنعاس:اش هناك خالي؟!!
سلطان قام من رقاده مثل الملدوغ:يووووه تذكرت البنات ينتظرن مني خبر يعلكم.... نسيتهن بسبتكم قلتولي بنتصرف ولا تحركتو مااالت
وفز بسرعه...
ذياب وهو يحك راسه:اصبحنا واصبح الملك لله
صقر طنشهم:نقاط ضعفنا... عمر دورته بعد و انا دانه وانت... شو؟
أحمد رفع حاجب وهو يحس بصداع:شو شو؟
صقر:نقطة ضعفك
أحمد منقهر من كل اللي يسويه جده:مالي نقطة ضعف يستغلها
صقر:لا لك...
أحمد باستنكار:اللي هـ...
وتذكر مها:مها!!
صقر:الحق ع حرمتك
وسكر عنه...
عمر اللي قام غسل وجهه وتسوك وانتظر صقر يخلص مكالمته بهدوء:اش صاير الحين؟!!
صقر تأفف بقو:اوووووف الله يسلمك ابوي اليوم يومه وبدا ف خالد
عمر عبس:ويعني؟
صقر تخصر يفكر:يعني توقع دورتك تتكنسل
ذياب اللي رجع ينام:زين سكتو بسكم ازعاااج يسد مرقدينا غصب فالصاله
صقر صرخ:قوووم فزززز لازم نستعد لاسوأ الاحتمالات
ودخل بسرعه غرفته...
ذياب فز:اش فيكم الحين؟!!
عمر بتوتر:للاسف جدي بدل لا ندمره يدمرنا زياده واخوك الموقر من طلعت سالفه عليا مختفي وناسنا
وقام عنه...
****************************************
هلاك
12-30-2023, 12:40 PM
****************************************
مها بصراخ:و انتي اش عليج؟!!
مواز:طابه علينا من صباح الله خير عشان تقرفينا مايسد للحين متحملينج وواقفين نكلمج بعد... ويييع!!
حرمه ابو مها بغرور:هه مالت مصدقين عماركم... المهم ابوج رسلني اطب عليج اشوف اذا صدج اللي سمعناه انه ريلج قاطنج مايباج وساكنه عند ربيعاتج
مها ومواز شهقو وطالعو بعض..؟!!!
مواز تخصرت:وخير ياطير تسكن وين ماهي تبا دام ريلها راضي انتم وش عليكم؟!!
مها بقهر:قولي لابوي ماله دخل فيني اذا بيتحكم فحياة حد يتحكم فيج انتي حرمته انا الحين على ذمة ريال ومحد له خص فيني غيــــــــــــــره
حرمة ابوها بقهر:اه يامسوده الويه ابوووج ماله دخل فيج!؟؟
مها ودها تكفخها وادوسها ف بطنها بس ماسكة عمرها:انتي يايه تردي فيني حركه اخر مره اللي سويتها فيج؟!!
حرمة ابوها بربكه:يوووه انا احط راسي من راسج يالنتفهماحزرتي هه؟!!!
مواز خلاص وصل حدها:عيل انقلعي خلاص فهميها ياللوووح يالغثه يالعقربه
حرمه ابو مها صرخة:شووووو انا عقربه؟!!!
مواز:يله يله براااااا وريني عرض اكتاااافج... لا تخليني اوصخ ايدي بج يالقذاره
حرمه ابو مها بصراخ:انا قذاره لااااا زوديتها انتي وياااها صحيح انكن ماتستحن... والله يامها لا اسوود عيشتج
مها صرخت فيها:بس ابا افهم انتي وش تبي؟!.... انقلعييييييييي.... ترا فاكتنج مني بعد لاحقتني لعند ريلي ليش؟!!!
:عشاااان انا اتأكد من انه صحيح بنتي وقحه وعاايشه عند بنات مامتربيات و بعد مب عند ريلها
مها ومواز اللي طالعو بعض بفجعه...!!!!
حرمه ابو مها بغرور وفرح كبير وبدلع:ههههههههههههاي شفت حبيبي شفت وسمعت بنتك...بنفسك صدقتني الحين؟!!
ابو مها وهو يطالع مها بغضب كبير:للاسف
مها ودموعها بدت تنزل:انتو اش تبووو؟!!... انت مازوجتني وخلاص مالك خص فيني
مواز تهدي مها:مها..
مها قاطعتها بصراخ فابوها وحرمته بنهيار:اطلعووو براااااا اطلعووو براااااا حيااااتي... مـــابـــااكـــم اش تبوبي لاحقيني؟!.... خلااااص ارحمووووني من شركم!!
مواز حاضنه مها بس ماقادرة تهدي مها صدت صوب ابوها وحرمته وبقهر:لو سمحتو اطلعو
ابو مها ماعبر مواز وسحب مها من حضنها بعنف:انا ابوها ولي حق فيها... بنتي بترد عندي
مها وهي تقاوم ابوها:لا مابااااا اتركنييييي... الحين تذكرتني؟!
مواز ماعرفت شتسوي وهي تشوف بو مها يسحبها معه ولا همه انها بالبيجامه والغطا المهمل ع راسها... كنه مسحور... صرخت بكل قوتها:لاااااااااااااااااا? ?ااااااااااااااااااا.... الحقـــــــــــــــــــــ ـــــــــــــــــــــــــ ـــــــــوووووووووووووووو و عليــــــــــــــــــــــ ـــــــــنااااااااااااااا ااااااااااااااااااااااا حرااااااااااااااااااااااا اااااميي
بو مها فز مفجوع ع صراخ مواز اللي هز العماره...
حرمته تيبست مكانها ويدها ع قلبها منتقزه من صراخ مواززز وبخوف:ويــــه استخفت
بو مها بلع ريجه بربكه وسحب مها بسرعه للفت:يله ياحرمه بسرعه
حرمته بسرعه ركبت ومها تقاومه وتبكي:حرااام علييييك اتركنييييي
مواز تبحط حلقها من كثر ماصرخت ولا قدرت تمنعهم وقفت تلاهث وهي تفكر بسرعه ف حل...رجعت بسرعه لبست عباتها وهي تنزل السلم بتلحقهم لتحت...
بو مها استغل غياب الحارس اللي للحين ماقايم و سحب مها للسياره بالقوه...
مواز مالحقت عليهم... نزلت للمواقف بس السيارات كثيره وزحمه الشارع العام اللي قدام العماره ماعرفت كيف تتصرف....
وقفت مكانها تناقز بقهر:لالالاااااااء
تيبست مكانها وهي تلمح شخص سوقف سيارته قدام العماره قريب منها....
***************************************
مرت ساعات النهار ثقيلة على الكل....
بشكل محد كان فيهم يتصوره....
و نستبق الاحداث...
و فالليل...فمكتب فهد...
فهد بمصخرة:هههههههههههههههههه? ?ههههههههههههههههههههه اخباركم يا الثوار
صقر ساكت بدون ملامح يطالع فيه...
فهد قام وراحلهم...
صقر... عمر ... خالد اللي شوي هدا... أحمد... كلهم واقفين قدامه وكل وحد صد عنه صوب...
فهد وقف قدام صقر:واخيرا يا ولدي العق كسرت راسك
صقر طالعه بقو وصد عنه يستغفر...
فهد تقدم لعمر اللي واقف عدال صقر:وانت يا ولد أمك من صغرها وهي مبهدلتني وكبرت وكبرت مشاكلها... حتى بنتها طالعه مثلها راعيه مشاكل
عمر بقق عيونه:مواز؟!!
فهد تبسم ابتسامه جانبيه:هه توك تتأكد سبق وخبرتك ياحمار بس من تفهم حمار وبتظل حمار طالع ع ابوك الحمار
عمر....كور يده بقهر وهو ماسك اعصابه.. ويطالع جده بغضب... مامتعود ابدا يوقف فوجه جده ويهينه بهالشكل..
خالد تبسم بذبول...
فهد لمح ابتسامة خالد حب يحطمه اكثر:وانت ههههههه اشوف ماوصلت مستشفى الامراض النفسيه... توقعتك تستخف ع الاقل 10 سنين لتتعافى وترد توقف وقدامي بعد... هه بس طلعت قوي الصراحه اذهلتني
خالد تبسم اكثر بسخريه وهو يصد عن جده:هه
فهد حسبه استخف خلاص... ودره و
تقدم لأحمد اللي ماسك نفسه:و أنت يالكبير... ماتعلمني متى بتصير اب و تودر عنك هالغباء... مزوجنك تخلف من البنت عشان توقفو الثااااار بالخلفه يكون بيننا شي يوحدنا.... متى بتفهم هالشي هاه؟!!
أحمد من بين اسنانه:بس البنت توها صغيره.. وبعدها تدرس
فهد:من غبائك والله...مامن حد هه... عذر اقبح من ذنب
أحمد جا بيرد عليه بس خالد مسكه...
فهد صد عنهم:ههههههههههههههههه وينه شريكي عيل؟...
وصد صوبهم بغرور:اقصد ربيعكم... زعيمكم... هههههههههههههههههههههاي
خالد:هههههههههههههههههههه? ?هههههههههههههههههههههه
فهد ضحكت خالد اللي هزت المكتب استفزته وهو يطالعه باستغراب واستنكار:انت هيه وش يضحك؟
خالد:هههههههههههههههههههه? ?ه انت انت ياجدي
فهد تقدم من خالد وبغضب:تضحك على خيبتك ياحيواااان؟!!
خالد ببتسامة ثقة:لا... انا اضحك عليك... عش ياجدي اخر لحظاتك وتهنى... لانه شهااااب... زعيمنا هاه... ألحين هو مشغول مع حفيدتك المدللة... عليا
فهد استفزه اسلوب خالد وكلامه فورله دمه مسكه بقو من ثوبه وهو فقمة غضبه:عليا هذي تكون بنت عمتك يالنذل
خالد تبسم ببراءه:ادري... مواز و عليا خوات عمر... وانا واحمد اختنا مهره... و دانه تكون عمة مواز و عليا... اخت قاسم للي دخلته السجن بتهم لفقته له
فهد حس الدنيا تدور فيه بلع ريقه بغصه وهو يرجع خوات ورا عن خالد سند فمكتبه وجلس بنهيار:انت انت من خبرك؟!!
عمر بهدوء:عد كيف عرفنا مالك دخل... إلا جدي... قاسم وينه بضبط؟
فهد وقف على حيله وهو مسك نفسه:وانت اش عليك... نزلت عليك الوقاحه وقلت الادب اشووووف عداك هالخويلد من كثر ماترابعه؟!!!
عمر بدون ملامح وعدم مبالاه لكلام جده:قاسم وينه؟... ابو خواتي وينه؟!!
فهد بغضب وصراخ عارم:تشببببب وتنتظر مني اخبرك بي حق؟!
عمر بجدية وهدوء عكس حالة جده الثائر:خبرني وبخبرك مكان عليا
فهد من جا طاري عليا نسى كل شي:من صدجك؟!!!
الشباب فزو:عمر؟!!!!
عمر طنشهم:قولي بقولك وحده بوحده
فهد بلع ريقه:طيب... انت اول
عمر:لا جدي انا ما اثق فيك
فهد عصب:قاسم مااات فالسجن من اول سنه له فيها
الكل انفجع وطالع فهد باستنكار....!!!!!
عمر طالع جده بفجعه كبيره:كيف؟!!!
فهد بثقة:تقدر تتأكد بنفسك من هالشي... وفارس رح يساعدك... عطني الحين العنوان
عمر تنهد بخنقه:عليا مع شهاب ف بيته
فهد بلهفه:اي بيت انا مابقيت مكان مافتشت عنهم في؟!!!
عمر وهو بعده مصدوم... عطاه العنوان
خالد صرخ ف عمر:عمر لا
فهد طنشهم وطلع عنهم بسرعه ومر ع فارس:فارس امش خلنا نخلص هالمصخره...
الشباب لحقوه...
***********************************
نرجع لقبل ساعات...
الصباح...
شهاب اللي مانام اصلا ولا رف له جفن... وعليا نايمه ف حضنه بعمق...توه النوم بيغلبه... بس فزت عليا طيرته من عيونه...
عليا فزت تلاهث ومخنوقه....
شهاب يحاول يهديها:بسم الله عليج
عليا انكمشت على نفسها وهي ترجف:انت... انت مب حلم؟!!
شهاب ماعرف شيقولها....تنهد وهو يصد عنها:لا
علياوهي ترجف طالعت المكان اللي هي فيه.. الغرفه... معقوله؟!... يعني هي نامت وصحت وهي بحضنه؟!... يعني دموعه و انهياره كان كله حقيقي؟!!!
قربت منه وهو عاطنها ظهره و رد مسك راسه... يحسبها استخفت عليه صدج...
عليا ماقدرت تنطق اسمه ولا قدرت حتى تلمس كتفه... تنبهه بوجودها او تبا تقوله شي او تخفف عنه ماقدرت تسوي شي... وقامت تبكي من العجز...
شهاب سمع شهقاتها صد بسرعه صوبها... حصلها موطيه راسها و شعرها مغطي وجهها وتشاهق وتبكي بلوعه...فز يهديها:خلاص حياتي لا تبكين انا موجود
عليا دفته عنها اول ماحسته قرب منها:بعد عني
شهاب بقق عيونه فيها بفجعه وهو يطالعها بضياع...!!؟؟
عليا بشهاق:لو كنت اهمك ماكنت رحت وخليتني... وليش وعشان شوووو توني عرووووس تطلقني وانا توه قلبي تعلم يحبك مو حرام عليك؟!... انا وش سويتلك؟!... وش ذنبي حبيتك... بعقلي قبل قلبي واقتنعت فيك و تزوجتك من دون شور جدي لــــــــــــــــيـــــــ ـــش لـــــــــيــــــــــــــ ـــــــــــــش؟!!!!
شهاب تبسم بفرحه:انتي هههههههههه احبج وربي احبج
ولمها بقو وهو حده مستانس يحس قلبه بيوقف من الفرحه... مستانس لانها ما استخفت عليه وبعدها بعقلها... غاضبه ثايره... منقهره... حاقدة عليه المهم انها ما جنت...
عليا دفته عنها بكل قوته وبصراخ قامت من الفراش:لا تلمسني لاتحاول حتى تقرب مني انا اكررررههههك واصلا....
وتذكرت طلاقهم... وسكتت
شهاب قام وقف قدامها بثبات وهدوء:وليش ماعلمتيني كان تصرفت من وقت؟!... لا تعذبتي ولا عذبتيني... حتى حرااام مايجوز انج خيتي ماتعرفي انتي انج تستذنبي؟!!
عليا صرخت فيه بقهر:لا تعاتبني... انا اصلا ماكنت اعرف انه الحائض طلاقها باطل وش عرفني اللي تتطلق وهي حائض طلاقها بااااطل؟!!
شهاب عصب:عيل كيف عرفتي؟!!.. من علمج ومتى؟!!
عليا سكتت وهي تتذكر يوم مواز تليقفت تسألها عن ورقة الطلاق... ولانه شهاب من طلقها مابين ماكان في ورقه ولا غيره بس طلاق شفهي...وهي كانت هالسيره تستفزها ف ماسألت وش صار باجراءات الطلاق...
مواز:على فكره انتي فتره طلاقج كنتي مره نفسيتج تعبانه
عليا عبست وبدون نفس:ويعني؟!!
مواز:انا اول عبالي من الدوره
دانه:تصدقو عاد بسبب تغير مزاج المرأه وقت الدوره و اصابتها بحالات عصبيه وغيرها فهالفتره اللي تطلق وهي حائض طلاقها باطل
عليا.......!!؟؟؟
مواز فزت:وللل؟!!... لهدرجه؟!!
عليا بلعت ريجها:انتي متأكده انا احيد لما تكون حامل يردها لحد ماتولد عقب عاد يقرر اذا بيردها ولا؟!!
دانه وهي ترفع نظارتها لعيونها بثقة:حتى الحائض قارتنه فكتاب بروحي واذا تبي تتأكدي بجيبلج الكتاب
مواز بخبال:الله حماس يعني اقدر اسوي اللي اباه وارفعله ضغطه ولا يقدر يطلق
دانه:سمع الخبله مالت عليج وقت الدوره انتي فيج بارض اصلا؟!
مواز عبست:صدقتي والله الله يعينا بس... سبحان الله لكل شي حكمه
عليا.....
شهاب بقهر واستنكار:وليش ماخبرتي عشان اردج من وقتها؟!!
عليا بلعت ريجها وبعصبيه:ماخبرت حد اصلا و بعدين انا كنت مابا انرفز جدي ومدري اوووووف معرف معرف لاتسألني انت السبب وبس
شهاب بذبول:بس مواز كانت اشجع منج وماكانت تباج تستذنبي و تعيشي طول عمرج معلقه
عليا غصت ع طاري مواز ودموعها رجعت تنزل:اللي صار فيها كله يعني بسببي... صح؟!
شهاب جا بيقرب منها صرخت فيه:لا كله منك انت....انت ليش طلقتني اصلا قووولي الصدق؟!!
شهاب....
عليا صرخت فيه اكثر:لا تقولي بسبت جدك ابو امك اللي جدي نصب عليه وذبحه لا تقولي بسبت ثارك هذا.... شهاب انت ماهمك جدي ولا عمره همك... حتى زواجنا ما اهتميت فيه ولا عطيته اي اهميه وش الصدق علمني لاتكذب علي ترا انا صقر خبرني سالفه جدك وجدي بس عشان ما ادخل ف حاله انهيار و اجن....لكن انا اعرف انه في سبب غير سبب اقوى علمني وش هو؟!!
شهاب طالعها بفجعه وهو يرجع ورا خطوه يحس بدوار... لهدرجه هو مفضوح.. لهدرجه هي تعرفه؟!... سحب نفس عميق بيتنفس...
عليا مسكته من ثوبه:علمني قووولي اش هو السبب الحقيقي اللي خلاك تتخلا عني وتذبحني ف أجمل لحظات حياتنا اللي دمرتها قبل لاتبدا؟!!
*************************************
عند فيصل اللي توه صاحي من رقده على محاضرات ابوه:يبه الله يهديك ليش حارق اعصابك من الصبح؟!... الموضوع مايسوى!!
ابوه بغضب:فيصل... انا مازوجتك البنت عشان تبهدلها
فيصل:يبه والله العظيم ماسويتبها شي ولا اذيتها هي عند خالها تذاكر للامتحانات
امه اللي من اول ما فتحو فالسيره وهي ساكته ولا علقت بشي:يعلها ما ترجع
فيصل وابوه طالعو فيها بغضب واستنكار شديد...
امه صدت عنهم وهي حاطه رجل فوق رجل ومتكتفه:هه.. لاتطالعوني كذا من حقي افرح بولدي واختارله البنت اللي تناسبه ومن مقامه ومستواه
ابو فيصل من بين اسنانه:لا تردي تعيدي علي نفس الاسطوانه المتخلفه... الولد تزوج وخلاص... والبنت مشي يعيبها... صغيره وحلوه ونسب وحسب
ام فيصل:بنت يتيمه محد فضى يربيها يبتلشبها ولدي ليش؟!!
ابو فيصل صرخ ف حرمته بحده:استغفر الله... انكتمي احسلج... من متى صار اليتم عيب؟!... الله ياخذ تفكيرج هالمتخلف الهمجي... متى بتتغيري انتي؟!!.... استغفري ربج بتخسفيبنا
فيصل قام بغصة:انا استأذن
ابوه بحده:البنت على ذمتك... امانه... اياني واياك ترد البيت من دونها فاااااااهم... انت ولي امرها الحين...
ام فيصل قامت عنهم بقهر:اوووووف يطلقها ويفتك
ابو فيصل جا بيرد عليها بس من شافها قامت عنهم سكت عنها ومسك ولده:اسمع فهد متحلف يذبحها... لا ترد من دونها... ترا ان صار فيها شي انت المسؤول فاااااهم؟
فيصل طالع ابوه بقهر:هالفهد ماله دخل... هي حرمتي ومحد له دخل... زوجها بعد ليش حاشر عمره؟!!
ابوه بصرامة:هالشيبه متخلف مايفهم غير لغته الخاصه... وكلمته ماتنكسر... هذا ذبح عياله بكل برود ولا همه
فيصل طالع ابوه بفجعه:يبه انت تعرف أ..
ابوه قاطعه:محد مايعرف بس الكل ساكت
فيصل صرخ باستنكار:وليش ساكتين حرام البنات اش ذنبهن؟!!!
ابوه بلع ريجه:مالنا دخل... الحين انت انتبه للبنت يافيصل تراها مكسوره ويتيمه
فيصل طالع ابوه باستغراب...
ابوه كمل:مهما شفتها قويه ومتمرده تذكر هي يتيمه... فأما اليتيم فلا تقهر
فيصل سكت وهو ابوه يطلع عنه... سمع رنين فونه... طلعه وهو يشوف رقم غريب... رد بعبوس:السلام عليكم...
وصله صوت لاهث:فيصل ألحق علي
فيصل اللي يعرف بحة هالصوت زين وقف قلبه:مواز!!!
مواز وهي شوي وتصيح:لحق علي... بو مها طب وحرمته علينا وخذو مها بالغصب وماقدرت اسوي شي
فيصل:....
**********************************
**********************************
مسكته من ثوبه:علمني قووولي اش هو السبب الحقيقي اللي خلاك تتخلا عني وتذبحني ف أجمل لحظات حياتنا اللي دمرتها قبل لاتبدا؟!!
شهاب صد عنها بقهر:كنت مقهووور مغبوووون... توني بس اعرف انه جدج هو اللي نصب على جدي... هو اللي وصل امي لابوي وخلاها تعيش معه مذلوله... لو انه ما دمر جدي وحياته ما كانت امي اعتازت لابوي واهله ومذلتهم... كله منه...
وبقهر وحقد كبير:بغيت اقهره بأي طريقه... كنت و انا ارقص معج وانتي بين يدي... تذكر لهفته عليج صوته وهو يناديج روح فهد... تخيلت شكله وهو يشوفج تتعذبي ماهمني غير استلذ بهذيك للحظه ولو فالخيال... وماحسيت بعمري الا وناطقنها.... ومحقق اللي تمنيته على حسابي وحسابج الحقد والغضب اعموني... ماحسيت بشي الا عقب ما واجهت صقر وتضاربنا... بدت الكوابيس وطيفج مايفارقني... كنت اسير المستشفى اطل عليج من بعيد... اسمع صراخج واشوف الممرضات يركضو لغرفتج... اتعذب و ارد اراقبج... سافرت ابنساج ولا قدرت... قررت انتقم واكمل اللي بديته دام خسرتج وحطمت قلبي معج... راضيت صقر واقنعته... و تقربت من احفاده بحكم علاقتهم باخوي ذياب... كان سهل جدا استغل حاجتهم لاحد يخلصهم من تسلطة فهد... وقدرت اشتري حصصهم... واحد ورا الثاني... وشوي شوي صرت كابوس فهد اللي يقتله ببطئ
عليا سكتت بفجعه وهي تسمعه يحكيلها بقهر بحقد بشر... لهدرجه هي مخدوعه فيه؟؟!!!
بعدت عنه بخوف:مستحيل انت مب الانسان اللي حبيته
شهاب صرخ فيها:ليش؟!... لاني ابنتقم لنفسي وجدي وامي واخوي؟!... لاهلج قبلي واهلي؟!... لج وللبنات؟!... ماتعلميني باي حق يتسبب بتيتمكم و ينسبكم له؟!!
عليا صرخت فيه بنفس لهجته الحاقده:بس يظل جدي... وبني ادم خطاااااء... نفسك تماما
شهاب:قلتيها نفسي يعني انا غلطت... بس مو كثره هو... هو ماكفاه اللي سواه فجدي... كمل على عياله... والحين على احفاده.. بالله لمتى؟!!
عليا سكتت عنه وهي تبلع ريجها...
شهاب كمل وهو يقرب منها وهي ترجع ورا خطوات:ربيع عمره منصور جدي... خانه... ولده محمد وبكره و سنده زوجه غصبا عنه و عيشه ف جحيم مع انسانه مايباها... ولما عرف انه متزوج اللي طول عمره تمناها اخبرج وش سوى؟!... ولا اش سوى ف بنته شيخه لما تطلقت من الهمجي اللي زوجها اياه؟!... اخبرج كيف حرمها من ولدها؟!... اخبرج كيف دخل زوجها وحبيبها وابو بناتها غونتنامو وتسبب بموته؟!... اخبرج بعد باقي جرايمه ولا يسدج؟
عليا وهي خلاص لزقت فالجدار وشهاب قدامها يلاهث بقهر:وانا اش ذنبي؟...
نزلت دموعها مره:لما تزوجتني ماكنت تعرف يعني بمشاكل جدي مع صقر ولا قسوته؟!!
شهاب بذبول:كنت اعرف... حبيتج... حبيت حنيتج... بشاشتج... ضحكتج... عيونج... وقفتج دوم مع صقر... شفت فيج احلامي اللي انسرقت مستقبلي ايامي الحلوة
عليا غمضت عيونها بقو وغصة وهي تشاهق... تحس خناجر تنغرس فقلبها...
شهاب مسك يدها بحنية ولهجة ود:وانتي بعد اعجابج فيني ابدا ماتغافلت عنه... ا...
عليا قاطعته وهي تدفه بقو عنها و بصارخ:اصلا تكلمت ول ما يهمك... مايهمك
شهاب:عليا الله يخليج اسمــ...
عليا قاطعته بقهر:اسكت شهاب خلاص عذبتني بما فيه الكفايه...ردني بيت جدي ما ابيك حسسسس خلااااص انا عفتتتك
شهاب بثقة:كذاااااااابه
عليا كرهت ثقته اللي استفزتها:كرهت الذل والاهانه كرهت الشفقه كرهتك كرهتك خلااااااااص مابقى فيني قلب اصلا عشاااان احس بشي انت قتلت كل شي فيني ا...
شهاب قاطعها وهو يلمها لصدره بقو:أحبج
عليا صرخت بجموح وهي تقاومه وتدفه عنها:أكرهك.... أنا أكرهـــــــــــــــــــــ ــــــــــــــــــــــك اتركني
شهاب لمها بعنف وهو يشد قبضته عيها:وانا أحبــــــــــــــــــــــ ــــــــج موووووووووووووووووووووووت
عليا اللي بعدها تقاومه بس قبضته القويه رخت قوتها... تشتت تماما... وهي تحس نفسها غرقانه فضلوعه... لدرجه صارت تتهيء نبضه قريب منها...هدت بشكل فضيع... امتص حضنه كل عصبيتها وغضبها وقهرها منه...
((العقل وحده من يغضب و يكره اما القلب فيبقى مليئا بالحب))
شهاب حس فيها هدت رخاا قبضته عليها شوي خاف انها اختنقت... بس ما ابدت اي ردت فعل وقف قلبه وبعد عنها بسرعه وهو ماسك كتوفها...
وقف فيهم الزمن....
وقف على هاللحظه...
تلاقت عيونه فعيونها الدامعه...
تبسم بتلقائيه وهو يكفن وجهها ويمسح دموعها بحب:اشتقتلج وربي
عليا غصت وهي خلاص قوتها خارت وبصوت كله بحة بكا:ردني عن البنات... ردني لخواتي وصقر
شهاب لامس خشمه خشمها و بهمس:لا انتي لي انا وبس... ومارح اتركج لغيري... ولا رح اخذلج مره ثانيه
عليا غمضت عيونها تتفادى نظرته الهايمة اللي يبعثرها فعيونها:تعبت منك... تعبت من حبك اللي يستنزفني... خلاص الله يخليك كافي عذاب
شهاب غمض عيونه وهو يتنفسها بعمق:اششششششش... أحبج وما اسمع غيرها
عليا نزلت دموعها اللي ماجفت وهي خلاص تعبت من كل شي... بعدت عنه:خلاااااص كاااافي
شهاب تعب هو الثاني تنهد بقو وهو يكابح دموعه المتمرده... وغصه بصدره تخنقه... خلاص مابقى شي ما قاله مابقى شي ماسواه... بس شكلها صدج عافته...
صد عنها:طيب انا آسف ظنيت انج مثلي للحين قلبج مغرم فيني ومفتون
عليا وهي كاتمه شهقتها...
شهاب غض شفته بقهر وهو يسحبله نفس عميق وقلبه داخل ضلوعه يذوب:رح اطلقج رسمي لا تحاتي شي.. ورح اختفي من حياتج للابد
وصله صوتها:لا
صد صوبها باستغراب والامل فقلبه بدا يرد نبضه...
اول ماطاحت عيونه ف عيونها هوت للارض بس هو كان اسرع والتقطها:عليا
عليا فزت من بين يديه بسرعه...
شهاب غص اكثر:قومي بردج البيت
توه بيقوم ماحس الا بها مرتميه ف حضنه وتبكي بلوعه....
شهاب وهو يحاول يستوعب....
عليا من بين بكاها:احبك... و رح اعطيك فرصه ثانيه بس اوعدني لاتخذلني اموووت ترا وربي
ورفعت راسها من حضنه:اوعدني
شهاب تبسم بوناسه مالها حدود وهو يلاهث بفرح يحس بخنقه مايعرف سببها مب قادر يستوعب مو زود فرحته:اوعدج ياعيوووون وقلب و حياة شهاب
وباسها ف راسها:الحمدلله ياربي رجعتيلي... رديتي فيني الروح
عليا رجعت دفنت وجهها فحضنه بخجل...
شهاب ضحك وهو مامصدق انها فلحظه بدلت رايها...
حياتهم فلحظه تتغير...
هو ف لحظه قتل قلبها...
وهي ف لحظه ردت لقلبه الحياه....
شتان بينها وبينه...
**********************************
وهي شوي وتصيح:الحق علي... بو مها طب وحرمته علينا وخذو مها بالغصب وماقدرت اسوي شي
فيصل بفجعه وهو يطلع بسرعه من الفلة:ليش أحمد وصقر والشباب وينهم؟!!
مواز متلتهه وبضياع:مدري... حدي متوهقة سرتلهم لشقه محد فتح... بزور تذكرت رقمك واتصلت... الحق علي
فيصل وهو يركب سيارته:انتي ألحين وينج فيه؟
مواز:انا فشقه أحمد ومها...
وبنبرة خوف ودموعها بدت تنزل:بروووحي... تعال بسرعه
فيصل غص ع بحة البكا ف صوتها وهو يحرك:ياينج لاتتحركي من مكانج مسافة الطريق بس
مواز بلهفة:زين لا تسكر
فيصل حس فيها لاول مره خايفه بشكل:مواز اش صاير بعد؟!.. اش فيج مرعوبه؟!!!
مواز وهي تمش دموعها برجفة:خايفة من جدي... شفت فارس وشافني اكيد راح علم جدي انه شافني وبيعرف اني رجعت مع صقر
ورجعت تصيح بلوعه وبشهاق:الله يخليك تعال بسرعة
سكت وهو يتذكر شكلها يوم ملكتهم ف مكتب فهد... كيف كانت خايف وتشتت نظراتها حولها بضياع ورجفه... حسها طفلة و مرعوبه بشكل... مايدري فهد وش سوابها بضبط وكيف قوسته وصلتها لهالحاله... عمره ماشافها خايفه ومرعوبه كثر ماكانت يوم ملكتهم... مستسلمه وخاضعه لجدها...
وصلها صوتها المرعوب:فيصل
فيصل صحى من شروده:عيونه
مواز وهي تمش دموعها:وينك؟!
فيصل:كاني وصلت.. ياينج
ونزل بسرعه من سيارته:ببند حبيبتي مضطر انتي لاتفتحي لاحد لحد ما اوصلج
مواز صرخت:لا لاااااااا
فيصل عبس وقلبه مقبوض من تصرفاتها وخوفها المبالغ:طيب طيب هدي
وطلعلها بسرعه...
اول مادق الجرس فتحتله وهي ترجف...
دخل وهو يسكر فونه ويتنهد... توه بينطق بس باغتته وهي ترتمي بحضنه و تتشبث فيه بقو:أأأ...مواز!!!
مواز وهي تشاهق بسكات....
فيصل بعدها عن حضنه وبعبوس:ألحين تفهميني سبب هالرعب من جدج؟
مواز وهي ترجف بقو:ماباه يعرف اني ماعايشه معك والله بيذبحني وبيذبح صقر وبيذبحك
فيصل ماقتنع:انتي مشي يخوفج.. وسبب تافه مثل هذا مايسببلج حاله الرعب هذي... قوليلي الصدق
مواز صدت عنه...
فيصل هزها بصرامه وهو منحني لها:مواز انطقي
مواز....
فيصل تنهد وهييبعد عنها... طالعها وهو يفكر بحل... رجع وكفن وجهها بحنيه:حبيبتي انتي تثقي فيني صح؟
مواز بعيون دامعه طالعته بسكوت...
فيصل بجديه وثقة كبيرة:واثقة فيني؟
مواز بلعت ريجها وهي تهز راسها بالايجاب...
فيصل:طيب فهد اش سوابج... يوم ملكتنا؟
مواز ودموعها بدت تنزل عضت شفتها وبشهاق:ضــ...ــر..بــ...نــي
فيصل بقق عيونه بفجعه وصرخ باستنكار:وشووو؟!!
مواز وهي ترجف رفعت ردنها عن يدها وبانت آثار الضرب عليه....
فيصل طالع بفجعه الكدمات ويدها المتورمه... حس بخنقه وهو يرفع الردن عن يدها الثانيه و يبطل الشاش عنها.... شاف الكدمات حس بالنار شاعله فصدره... ودمه يفووور فشرايينه:الله اكبر عليه
طالعها بقهر وهو يفك ازرار بيجامتها بجنون...
مواز تيبست مكانها وهو يلاحق آثار الكدمات فجسمها...
من يديها... لكتفها وظهرها... كل جسمها تقريبا فيه كدمات... الا وجهها وشكلها كانت تغطيه بيدها...
شهق وهو يبعد عنها خطوتين يريد يتنفس ويسترجع توازنه...مسك راسه و بغصه وصدمه مالها نهاية:هذا بشو ضاربنج؟!!
موزا وهي تستر عمرها برجفه ودموعها ماوقفت:بالخيزران اللي ف مكتبه
فيصل صرخ بقهر صرخه هزت العماره:الله ياخذه الحقيــــــــــــــــــــ ـــــــــر
وجا بيطلع باندفاع من الشقه بس مواز تشبثت فيه برجاء وضعف:لا... رجيتك لاتروحله لا تتركني خليه مابقالي غيرك كلمهم راحو
فيصل طالعها وهو يلهث من القهر والغضب يحس شي يكوي قلبه...
مواز برجاء وهي فحاله يرثا لها:اريد صقر كلمه خليه يرجع الله يخليك فيصل ابرد عند خواتي... هو وعدني
فيصل لمها بحذر وهو يحس جسمها كله ينزف مايدري ليش تخيل كدماتها وجروحها اللي معبيه جسمها تنزف... لمها برقه بحذر... وهو مايدري كيف تحملت كل الضرب وما بينت شي... كيف محد لاحظ... فهد الحقير المجرم كيف يضربها بهالوحشيه وده يقطعه باسنانه... بس للحظه فكر... وحصل انه هو السبب لو مافضحها قدامه ماكان صارلها كل اللي صار:رح أكلمه رح اكلمه بس انتي اهدي
سمعو صوت الجرس و صوت احمد اللاهث اللي شوي ويكسر الباب...
فيصل وهو يبعد مواز من حضنه:حبيبي ادخلي شكله أحمد جا
مواز دخلت بطاعه وسكت باب الغرفه عليها...
فيصل اول مادخلت فتح الباب ودخل أحمد باندفاع:مهااااا
فيصل طالعه بعبوس...
أحمد:فيصل!!!
فيصل بدون ملامح:أنا هالفهد ذابحه ذابحه
*************************************
هلاك
12-30-2023, 12:41 PM
*************************************
و عند الشباب....اللي ودرو كلهم الشقه....و راحو بيت سلطان...
الكل ساكت ويتنهد...
سلطاان:يعني ماطلعت للحين النتائج؟
عمر:اليوم ان شاء الله او بكره بالكثير
خالد تنهد بقو:لازم ننهي هالمصخره باسرع وقت
أحمد تعدل ف جلسته بقهر وهو يتذكر تصرف عمه وحرمته اللي يرفع الضغط:اول شي البنات محتاجين صقر... رسلو سلطان عشانه... وانا بعد طلعتلي سالفه القبيله مره والثار اوووف... جدي ماناوي يتركني ف حالي
عمر عبس:لازم نزور خالتي منى بعد اريد باقي مذكرات امي
ذياب:هي امك ماذكرت شي عن من خواتك ولا لمحت؟
عمر تنهد:لا هي كتبت قصتها بس ماذكرت من فيهم مابنتها.. و في دانه بعد تكون اخت قاسم...زوج امي
قالها بغصه...
خالد بفظول:طيب احكي اللي عرفته
أحمد:لا خالد مب من حقنا نعرف شي
عمر:لا من حقكم... بس بعيدلكم تقريبا نفس الاسطوانه...بس الجديد جدي بهدلهم وقاسم اصر مايتخلى عن امي اللي كانت حامل وبنته اللي توها صغيره... فالنهايه ورطه بسالفه ارهاب ومدري وشو وسوابق وطبعا فالخارج هالمسائل الحساسه يخرقو القوانين فيها... وانسجن قاسم... امي تقول عقبها طلقها تحت اتفاق مع جدي بس ماتعرف تفاصيله...
:هالاتفاق مواز اكيد تعرفه
الكل صد صوب راعي الصوت وكان صقر...
صقر جلس وهو يكمل بقهر:دانه تكون اخت قاسم... واللي عرفته من منى بالصدفه انها كانت صغيره ومريضه مرض ومحتاجه عمليه ضروريه ومحد باقي لها غير قاسم وابوي اتفق مع قاسم يعالجها ويربيها مع بناته بس هو يطلق شيخه... وهالشي بالفعل اللي صار
أحمد:الحين تقريبا عرفنا نص القصه باقي الاهم نسب البنات
ذياب:انحلت اصلا
الكل طالع ف ذياب الواثق...
ذياب يكمل بثقة:بما انه دانه تكون عمة البنات هي برا الحسبه...
خالد قاطعه:هالشي مفروغ منه
ذياب كمل:و مهره و مواز بينهن شهر... يعني مستحيل يكونن خوات
خالد يستنتج:يعني الاكيد عليا اخت عمر و يا مواز يامهره هي اختنا
ذياب:ايه... يعني المسئله الحين محصوره بين مواز ومهره
عمر:الا مخلوص منها انتو ناسين انا مسوين فحص لمواز... من غير انه جدي سبق وقالي انها اختي
خالد فز بفرحه:يعني انحللللت اخيرااااا
الشباب ع حماس خالد:هههههههههههههههههههه? ?هههههههه
عممر فز:ابقوم اروح اتابع امور نتيجه الفحص تحمست لازم اتأكد من كلام جدي
صقر بجدية:لا عمر خلي حمود يتصرف... انت بتروح معي الحين عند منى والبنات لازم نكلم اختي هالعنيده
خالد بإصرار:وانا ابكلم امي لازم اكلمها
احمد وقف:قصدك نكلمها
سلطان:بس احمد مها محتاجتلك اكثر
احمد عبس وهو يتذكر مها وبنرفزة:لاتذكرني هذا عمك بذبحه
سلطان وقف:انا اقدر اساعدك
احمد بلهفة:خلا عيل قوم
فيصل فز:ابروح اجيب مواز من شقتك
صقر قطب حواجبه بغضب مكبوت:نحن وش اتفقنا عليه؟
عمر:خالي خليه الحين يشلها عند البنات مشي فايده تبقى بروحها هنيه... ومحد يقدر يبقى معها كلنا مشغولين... وجدي لو عرف انها ماعند فيصل وردتلك اكيد مابيسكت
صقر تنهد ع كلام عمر اللي ماكذب فيه و رفع حاجب وهو يطالع فيصل:اصلا هي من متى و هي تطيقك؟
فيصل مايبا يخبر حد عن سالفة ضرب فهد لها... تبسم وهمس لصقر:لا تحاتي انا اروضها لك... وابشرك امورها تمام دلع البنات بطلته وبتشد حيلها فالدراسه
صقر تبسم بذهول ساخر:من صدجك؟!!!!!
فيصل بثقه:ايه... اروح اجيبها لك
صقر مسكه:فيصل تراها امانه ف رقبتك لحد ما ارجع فاهم؟
فيصل تبسم:ان شاء الله
و ف خاطره:لو بس تعرف ابوك كيف مجرم فيها اش بتسوي؟!!
فيصل راح واحمد وسلطان وراه...
عمر قام بيتصل على حمود...
خالد و ذياب جلسو مع صقر...
**************************************
و بعد ساعه... ف بيت فهد...
منى بصراخ وتهديد:والله لو درى عنكم لايذبحكم
صقر وقف بقهر بس عمر مسكه وبصراخ:اقووول انقلعي... مو منج من اللي ايي يكلمج
منى بغضب:انقلع انت وياه ماعندي شي اقوله لحثاله
صقر صكها كف طيحها الارض وكان بيكمل عليها لو ماعمر وقفه بالقوه
عمر بصراخ:خالي الله يهديك هذا مب اسلوب نحن جايين نتفاهم
صقر شوي ويستخف:انت ماتسمعها قليلة الادب؟!!... شو تتفاهم هذي وجه تفاهم؟!!!
منى وقفت و ايدها ع خدها اللي تورم ودموعها ف عيونها:والله لا اعلم عليكم ابوي
وطلعت عنهم ركض...
صقر:رووحه بلا رده يالياهل يالمتخلفه
عمر:خالي بدل لا ناخذها بالسياسه تنافس جدي اشوفك؟!!
صقر وهو منقرف من كل شي:خل تولي
ودخل عنه...
عمر تنهد بقو وهو يطلع فونه وهو يشوف اتصال خالد....
رد واتصل فيه وبضيق:السلام عليكم اش بغيت؟
خالد:وها بشر؟
عمر جلس يستغفر:عمتك لسانها طويل ووقاحتها زايده وعمك ماقصر توني ابنطق نتفاهم معها الا يصكها كف وتعقدت الامور
خالد:ههههههههههههههههه والله فله من زمان ودي حد يصكها كف عسى تصحى من سحر جدك عليها مدري ليش تدافع عنه؟!... تقهر ياخي!!
عمر تنهد:زين انت وش سويت؟
خالد:هههههههههههههههاي انا حاليا فالغرفه نايم منهار... تحت مفعول المهدئات... رجعت لامي تعبان زياد لاه
عمر:ول والله حرام علي... مسكينه امك بيوقف قلبها عليك طلعت مب سهل تمثل بإتقان
خالد بغصه وجدية:كل هذا عشان اطلع اللي معها... والله ياعمر للحين مامصدق انها معاونه جدي على ابوي... ابتأكد
عمر تنهد بغصة:الله يعين
خالد:زين يله مع السلامه
عمر:مع السلامه
سكر وهو يشوف منى داخله عليه وفرت فوجهه دفتر وبصراخ:هذي بقية مذكرات امك... والحين انقلع
عمر طالعه ببرود:مع السلامه خالتي ماقصرتي
وطلع عنها...
عند صقر اللي دخل على البنات...
مهره اول ماشافته فزت ركض له:صقر
صقر:هههههههههههه هلا بالمهره
مهره:اخيرا جيت...
وعبست شوي وتصيح:وين مواز؟!... وشهاب بعد جا وخذ عليا
صقر تبسملها بذبول:ماعليه حبيبتي بيردون بس انتي لا تكدري نفسج
مهره بفرح:صدج؟!!
صقر:افا عليج هذا وعد مني
مهره:هههههههههههههههه احبك
صقر:ههههههههههههههه سبحان الله نفس ردت فعل مواز
مهره شوي وتصيح:على طري مواز اخبارها اشتقتلها؟
صقر:الحمدلله بخير وتسلم عليكم
مهره تنهدت:الله يسلمها
دانه اللي كانت فالحديقة تسقي الزرع دخلت وهي تتأفف:اوووووف حتى الورد ذبل وين عليوه عن وردها لو تشوف كيف صار بتذبح منوه وا....
سكتت وهي تشوف صقر ومهره يطالعوها... استحت وصدت بترجع الحديقة...
صقر:السلام عليكم
مهره تبسمت وهي تأشر لصقر انها بتخليهم بروحهم...
صقر تبسملها وراحت...
دانه اللي عاطتنهم ظهرها:وعليكم السلام
وجت بتكمل دربها بس صقر وقفها..
صقر:دانه لحظه
دانه ع حالها:تفضل
صقر:طالعيني انزين
دانه صدت صوبه اول ماشافته بروحه وقف قلبها...
صقر قرب منها:دانه.... تتزوجيني؟
دانه.....
**********************************