الفصل الرابع
#عزوتي💕
الحلقة3
تميم: رد على الاتصال... ك كككيف.... رفع مفاتيحه وطلع يجري من غير مايقول ولا كلمة
فرح: تشوفله بستغراب ....ا ااستاد تميم استاد تميم فيه شي؟
تميم: طلع من الشركة ومشى طوول للمستشفى بعد ماخبروه باللي صار في غسان خوه
فرح: قعمزت على مكتب تميم وهي مبتسمه بفرح وقعدت تفتش لين لقت صورت سالي مرة تانية في ادرج المكتب تنرفزتش وشكت في الوضع كيف وعلاش لهدرجة مهتم بأخته ومحتفظ بصورها في كل مكان
قطاع تفكيرها صوت تلفونها فاقت بروحها وردت
فرح: ا اايوا استاذ
المدير: وين المستندات علاش تأخرتي
فرح: ضربت بيدها على راسها.... ح ححاضر حاضر اني جاية... سكرت الخط ورفعت لوراق وطلعت من مكتب تميم
سالي: عيطت وطاحت الكباية ع الارض
عزت: جا يجري... خيرك بسم الله
سالي: م ممافيش زلقت من يدي الكباية
عزت: بسيطه حصل خير
سالي: نزلت ع الارض بتلم اللي تكسر
عزت: خليك تو اني نلمه انتي بعدي تو تنجرحي... ونزل يلم فيه عنها
سالي: ب بباهي... بعدت وحاسة بروحها مش طبيعية قلبها يدق ويدها ترجف حاسة بخوف من لا شي.... خايفة ياعزو
عزت: شافلها بأستغراب... من شن ؟
سالي: م ممنعرفش مافيش سبب بس مش عارفة علاش قلبي مقبوض وكأن فيه شن صاير
عزت: ههه خيرك اوخيتي مافي شي بيصير غير انتي تتوهمي
سالي: ان شاءالله
تميم: خش للمستشفي يجري زي الهبل يدور عن خوه غسان لين لقى اصحابه.... و ووين غسان وشن اللي صارله احكووو
اكرم: اهدئ غسان طاح من المنطاد وسعفنا على طول
تميم: تي كيف ياراجل وانتم وييين عنه اصلا اني منيش مرتاح لهالطلعة من اساسه
سالم: اهدئ يا تميم ومش وقت لكلام هدا توا
تميم: حاط يده على راسه وهو مثوتر ... ب بباهي وين هو توا وين دخلوه
اكرم: دخلوه للعناية لانه نزف واجد واكيد تعرض لكسور لانه طاح من مسافة عالية😓
تميم: مسح على وجهه بخوف.... تي وااااك
وضع المستشفى مايطمنش الدكاتره والممرضين يجرو واحد يخش واحد يطلع ووجهم مايبشر بخير
ترن ترن ترن
تميم: وهو غااارق في التفكير في غسان اللي مايعلمش بحاله قاطعه صوت تلفونه و رد بصوت تاعب نفسيآ .... ايوا
همام: بما أني كملت امتحانات وارتحت خلاص بنجي نكسد معاك في الشركة شن نجيبلك معاي حاجة
تميم:ساكت وعقله مش معاه
همام: الووو وينك خيرك ساكت
تميم: ا اا همام اني مش في الشركة توا
همام: مالا وين وخيره صوتك هكي
تميم: غسان دار حادت وتوا في العمليات💔
همام: شش شن كيف كيف حادث شني
تميم: تعالى للمستشفى وتو نفهمك بس ماتخبرش خوتك
همام: ت تتمام تمام... سكر الخط ومشى بسرعة للمشفى
طق طق
سالي: انخلعت ... هه
عزت: شافلها بصدمه ... خيرك سالي اليوم على من خبطة الباب تنخلعي منها
سالي: بلعت ريقها... لالا مافي شي ا اافتح الباب ان شاءالله خير😰
عزت: خير شن بيكون فيه ... ووقف يفتح في الباب
وردة: هاااي عزت😍
نبيل: سلام
عزت: بملل... اهلا
وردة : شن بتخلينا واقفين ع الباب
عزت: بصوت واطي... اي علينا
نبيل: نعم
عزت: تفضلو تفضلو
سالي: اهلين وردة
وردة: بتكشيخة... اهلين يالمدللة
نبيل: يشوف لسالي بأعجاب
سالي: ارتبكت من نظرات نبيل
عزت:تعالا نقعمزو ف المربوعه نبيل
وردة: خ خخليك عزت نهدرزو كلنا😊
عزت: استغفر الله... باهي ... وقعمز بملل
نبيل: فرح وقعمز وهو عيونه بياكلو سالي
سالي: عزو كلم تميم ولل همام كأنهم تأخرو صح
عزت: اففف ياسالي خيرك اليوم شن تأخرو والسنه توا 12 هدي روحك مافي شي باش تقلقي هكي
وردة: بصوت واطي.... ياحليلي من العصبي
سالي: ب بباهي غسان من لما مشى ماكلمناش وتلفونه مقفل
عزت: ياقلبي ياحبيبتي ياوخيتي غسان اكيد مش فاضيلنا اليوم توا بكرا لما يرتاح يكلمنا ويطمنا عليه بالله عليك ماتفكريش في شي ومعليش امشي طلعي لضيوف حاجه
سالي: حاضر😓...ومشت للكوجينة
الدكتور: طلع من غرفة العمليات....وين اهل المريض غسان
تميم وهمام: وقفو بسرعة ومشوله
تميم:نحنا تفضل
همام: كيف حاله غسان توا
الدكتور: الصراحة حالتة صعبة ومزال تحت المراقبه والمتابعة قدرنا نديروله عمليات ع الكسور اللي في رقبة ورجله بس توا يبي دم ضروووري ياريت تشوفو حد نفس فصيلته نبوها قبل 4ساعات ... ومشى عنهم
همام: مسح على وجهه وقعمز بخيبث امل.... اااه ياربي شن توا
تميم: اتكى ع الحيط.... نشوفو اني وانت لو دمنا يمشي كان هدا نمشو ناخدو من عيادات ولا ندورو كيف
همام: وقف يلا نمشو معادش فيه وقت
محمود: صباح الخير ياطيري
رضوان: يتكسل ...صباح النور
محمود: شن مابتطلعش اليوم ولا شن
رضوان: والله متكسل اليوم ومش خاطري نتحرك
محمود: شن حتى عزت اليوم مابانش لا اتصل
رضوان: خطرها لقيت محفظة طايحة
اهني ليك ولا لي عزت
محمود: اني ماعنديش محافظ هات هات نشوفو بلكي فيها حاجة كويسة نمشو بيها هاليوم
رضوان: دخل يده تحت النتراس ورفع المحفظة وفتحها.... اوف اوف اوف
محمود: خيرك شن لقيت
رضوان: طياااارة مزة ملزززة😍
محمود: شن هدا شن تقول انت
رضوان: شوف صورة البنت اهيا ووووك اطير العقل
محمود: قول هوا الله احد غزال بس من هدي
رضوان: ههه اكيد اكبيدة عزت والله وطلعت مانك ساهل ياعزو
محمود: ايح عزت ماهوش متع الجو هدا
رضوان: والله حق امالا من هدي المزة
محمود: انت غير تأكد انها محفظته ولا لا
رضوان: ماجاني حد غيرك انت وياه
محمود: غير كلمه وشوفه خير ه اليوم ماجاش
رضوان: تمام...اتصل بيه
ترن ترن
عزت: ارتبك لما لقى رضوان يتصل بيه .... لحظة تو نجيك
نبيل: خود راحتك
عزت: رفع تلفونه وطلع من الحوش
سالي:طالعت من الكوجينة وفيدها صفرة.... تفضلي
وردة: شكرآ😒
سالي: تفضل
نبيل: يشوفلها بأعجاب مفرط وتعمد انه يلمس يدها... يسلمو ياحلو
سالي: ارتبكت وخافت بعدت عنه بسرعة
عزت:ايوا شنجو
رضوان: تي وينك ياراجل خيرك ماجيتش اليوم ولا سألت عن موضوعنا
عزت: و والله مافضيتش اليوم حايس شوي
رضوان: قلتلك انت ناسي محفظة عنديعزت: اااي واني ندور عليها صار عندك هي
رضوان: هكي ياصحيبي تتمعشق من ورانا وماتقوللنا
عزت: شن تقول انت
رضوان: مالا صورة من هدي اللي ف القلادة
عزت: تي ياراجل علاش تفتح امها المحفظة اختي ازح سكرها وحطها لين نجي
رضوان: بصدمه ...اختتتتك اوكي اوكي اسفين ياسي هي وجهك توا... سكر الخ
عزت: خش داخل وهو متكنطي .... شن مطولين هنا لا اني اني نبي نطلع
وردة: واطلع اني وصاني بوك وقالي اقعدي الليلة مع سالي ونسيها😊
سالي: ل للالا خ خخليك عزت ماتطلعش لين يروحو لولاد
عزت: تنهد وقعمز بأستسلام
الممرضة: للاسف انتم لاتنين دمكم ما يتطابقش مع دم المريض ياريت تشوفو حد تاني
تميم: تعفلق وطلع من الغرفة
همام: تمام ... ولحق تميم
تميم: كلم بوك يجي يشوف بلكي دم يمشي
همام: ايح انت عارفه قداش اناني ومايهمه حد خليني نشوف عزت وسالي احسن
تميم: والله انا مش خايف الا على سالي تنصدم لما تعرف الخبر
همام: بتعرف بتعرف ف الاخير هي خلي نمشيلهم توا
تميم: بالله ماتصدمهاش حاول تجيبها ليها بطريقة كويسة
همام: تم تم... وطلع يجري من المشفى
سالي: واقفة فجاء داخت وطاحت ع الارض من بعد ما جاء همام وخبرهم عن غسان
جو كلهم يجرولها بيقيموها من الارض
عزت:جيبي امييية جيبي امييية
وردة: ب ببااهي
نبيل: يحاول ان يتلمس في سالي بحجة ان بيقيمها
عزت: رفع راسه وشبح لنبيل وناض دفه بغل ونزل فيه ضرب
نبيل: تي خيرك ياراجل
همام: خيرك عزت مش وقتك راه
عزت: اطلع من اهني ياكلب راه فاهم حركاتك غير ساكتلك
نبيل: تي خيره النم وحركات شن اللي تحكي عليها
عزت: قلتلك اطلللللع اطلع من اهني والله نقتلك
همام: مقعمز مسند سالي عليه ... اطلع اطلع يانبيل
نبيل: تنرفز... وردة هيا تعالي
وردة: طلعت تجري عطتهم لمية وطلعت روحت مع خوها
عزت: س سسالي فيقي سالي
همام: رش عليها امية ومسح على وجهها
سالي: وعت وقعدت تبكي .... غسان وين غسان شن صار فيه احكي ياهمام شن صار في غسان😭
همام: اهدي حبيبتي غسان كويس الحمدلله غير يبي دم بس ان شاءالله نحصلوله
عزت: هيا انا نفس فصيلته هي نمشو
همام: هي وانت ياسالي ارقدي وارتاحي
سالي: لالا نبي نمشي نبي نشوفه بالله ماتخلونيش بروحي 💔
عزت: خليها تمشي معانا احسن من تقعد بروحها
همام: تمام غيري وتعالي بسرعة
سالي: ب ببه ... مشت تجري
وردة: حقيييريين
هاجر: خيركم شن فيه
نبيل: تو نوريك ياعزت الكلب
عمر: علاش شن صاير
وردة: ولدك اللي اسمه غسان داير حادت وفي المستشفى ولما سمع عزت الخبر فش غله فينا
عمر: ك كككيف غسان دار حادث
نبيل: وربي وربي مش حنسامحك عليها ياعزت
هاجر: خلاص اوليدي ماعاش اللي زعلك
عمر: انا ماشي نشوف غسان
هاجر: بعد هدا كله وماشيلهم
عمر: شن تبيني ندير يعني ولدي ف المستشفي وتبيني نقعمز ونحط يدي على خدي
وردة: وست الحسن دايرا روحها داخت امالا كان قوللها مات كيف بدير
عمر: تعفلق من كلامهم وناض
نبيل: والله كان ماخليتكم تبكو عليها دموع الدم نقهرك ياعزت كيف ماقهرتني اليوم
هاجر: ولدي على شن ناوي
نبيل: خليني يا امي خليني... ومشى عنهم
هاجر: حي هالولد ناوي على شي ربي يستر
وردة: عادي خلي ينوي ان شاءالله يقتلهم
رضوان: هههه طلعت اخته ازح
محمود: اف اف اف وين كان داسها عنا هدي
رضوان: الباين غالية عليه
محمود: كلنا غالية علينا من اليوم😂
رضوان: ماسك القلادة ويتأمل في صورة سالي... تعرف اول مرة تجدبني بنت وتعجبني لهدرجة
محمود: ههه هدي صورة وهكي مالا كان شفتها في الواقع كيف
رضوان: لازم نشوفها قبل مانحرقو لازم
محمود: هههه استهدى بالله ياراجل شكلها البنت سحراتك
رضوان: انقنها سحرتني الزفت... سكر القلادة في يده بعدين حطها في جيبه وسرح يفكر فيها
الممرضة: لالا ممنوع الدخول خليكم برا المريض يبي راحه لو سمحتو
سالي: تبكي بقوة: تي كييف كيف هدا خوي نبي نشوفه😭
تميم: خلاص حبيبتي ان شاءالله بعد يفيق تخشي تشوفيه
همام: يلا استعجال امشي اسحب دم يا عزت
عزت: هي ماشي
عمر: وقف ع الاستعلامات... لو سمحتي بنسألك عن شخص اسمه غسان كيف حاله توا
الممرضة: لحظة نشوف الاسم..غسان غسان غس ااه هدا ملفه للاسف الشاب حالة حرجة ادعي ربي يقومه بالسلامه
عمر: كيييف كيف حرجة يبي سفر برا ولا شن فيه بالضبط
الممرضة: والله مش شوري الحاجات هدي تقدر تخش وتسأل الدكتور بس اللي فهمته من ملفه هدا انه عنده كسور بليغة ومحتاجة دم لعند توا مالقوله
عمر: ت تتمام 🔥
الممرضة: دمك مطابق بس ماتقدرش تتبرع
كلهم: انصدمو
عزت: علاششش
الممرضة: دمك شوي ههه انت مفروض يتبرعولك قبل ماطيح
عزت: تكنطى ... الزفتتت
تميم: مسح على وجهه بحيرة وغضب
همام: استغفر الله شن الحل تو
سالي: انا حنتبرعله🔥
هاجر: حمدلله ع السلامه هدا كله كنت تشوف في حبايب القلب
عمر: خش من غير مايرد عليها
وردة: وشكله حزييين الراجل ياماما
هاجر: طيح الله سعده مالا كان مات كيف بيدير😒
عمر:تنرفز.... منسمحلكشش ياهاجر تحكي على حد من اولادي هكي
وردة: تحكي بطريقة مستفزة... ياااي😒
هاجر: والله عجبك كلامي اللهم بارك ماعجبكش تفضل امشي عيش معاهم حبايب قلبك
عمر: صغرت بيه الدنيا بعد ماسمع كلام مرته لانه لو طلع منه ماعنده وين يقعد محسش بروحه الا وهو رافع يده عليها
نبيل: جاء في اللحظة المناسبة ومسك يده ....وين وين وين رد بالك ياعمررر تمد يدك علي امي رد بالك
عمر: فك يده من نبيل وخش لداره وهو متنرفز
وردة: حي الحقييير بيضربك ياماما
هاجر: من الصدمه قعدت ساكته لان اول مرة يحاول يمد يده عليها
سالي: اااه خلاص كملتي
الممرضة: اي تقدري تتفضلي
سالي: وقفت وتنزل في كمام قميصها
همام: باس على راسها... شطورة
تميم: يعني خلاص هكي
الممرضة: لا مزال الكمية شوي على اللي طلبها الدكتور
كلهم انصدمو
عزت: تنرفززز وفقد اعصابه... الزفتتتت شن الحل يعني شن الحل
تميم: اهدئ ياعزت مش وقته جوك هدا
طق طق
الممرضة2: هدا دم تبرعوه للمريض غسان
الممرضة: هي انحلت مشكلتكم تقدرو تتفضلو وان شاءالله ربي يشفي مريضكم
تميم: لحظة لحظة من اللي تبرعلة
الممرضة: مش معروف
كلهم استغربو بس فرحو في نفس الوقت
.
#يتبع
تفاعلووو