الفصل الثالث
#عزوتي💕
الحلقة2
سالي: اوعدني ادير بالك علي روحك
عزت: حاااضر من عيوني ياعيوني هي خشي ارقدي
سالي: اوكي 😊تصبح على خير... وخشت لدارها
عزت: خش لداره وقبل مايرقد قعمز يفكر في موضوع الهجرة اللي قالوله عليه اصحابه كان متردد وخايف من موقف خوته لو عرفو وفي نفس الوقت يبي يبين لصحابه انه قوي ويقدر يدير اي شي ومايطيحش من عينهم وهو مستمر في التفكير قعد يتثاوب رقد وخلى الموضوع على ربي
الصبح
تميم: صباح الروقان
سالي: شافتله وابتسمت وهي مقعمزة قدام لوحة رسم وترسم... صباح المحاميين الحلوين
تميم: شن رايك في البدلة
سالي: حطت فرشة الرسم من يدها ومشتلة.... اتهبل بس خليني نصلحلك الربطة كويس... وقعدت تزبط فيها
غسان: صباحوو ياحلوين.. ورافع شنطة ظهر على ظهره
تميم: صباح النور
سالي: شن هالشنطة
غسان: مسافر اني والجماعة لمكان قريب في البر صيد وهكي
تميم: وهكي لا تقول ولا تشاور تاخد شنطتك وتمشي
غسان: خيرنا عاد انا مزال مامشيتش ومش مطول غدوا راجع
سالي: غسوووني ارفعني معااك مليت من الحوش😭
غسان: ههه هبلة وين بنرفعك قلتلك جماعتي معاي خلاص مرة تانية نمشي اني وياك بس
سالي: ياحليلي😍
همام وعزت: صباحو
همام: علاش مانوضني حد تأخرت ع الامتحان
سالي: حي والله ماحسيتش توا
همام: يلا باي
سالي: ميمو باهي هاك خود سندوتش معاك
همام: يجري ويتكلم .... لا خلاص وقت عليا
تميم: يلا حتى ني نستأذن وماتنساش ياغسان طمنا عليك لما تمشي
غسان: تمام ان شاءالله
تميم: وانت ياعزت خليك ف الحوش مع اختك...وطلع
عزت: مقعمز على طاولة لفطور ويفكر... باهي
غسان: هي تبو شي اني بنمشي
سالي: دير بالك ع روحك وطمنا عليك باهي
غسان: حاضر يلا باي.. وطلع
سالي: قعمزت ع طاولة لفطور... خيرك عزو من لما جيت وانت سرحان
عزت: لولي تخايلي طلعت هجرة غير شرعية كيف تكون ردة فعلك
سالي: تشرب ف شاهي شرقت.... كحح ش ششن تقول ماتكونش تفكر ادير هكي ياعزو
عزت: تي لا لا اهدي وعلاش بندير هكي واني اموري تمام وبعدين كيف بنمشي ونخليك ياقمري
سالي: اها تمام طمنتني
عزت: باهي جاوبيني
سالي: تتكلم من غير ماتشوفله وتفطر ...حي عليك لو اديرها انت او اي حد من خوتك والله نموووت تعرفني معنديش غيركم وخاصة انت قداش غالي عليا مش متخايلة روحي نعيش وانت بعيد عني
عزت: انصدم في كلامها وعيونه زغللو بالدموع... ههه لهدرجة تحبيني
سالي: واكتر...رفعت راسها شافتله... خيرك عزو جاوبني بصراحة انت تفكر تهاجر صح؟😢جاوبني
عزت: بأرتباك... ههه ا اأكيد لالا ن ننوضي نوضي اصبغيلي شعري
سالي: خافت حست بشي بس مابتش ادقق في الموضوع اكتر... حاضر
فرح: مرحبا استاد تميم وين المستند اللي طلبه منك المدير
تميم: رفع راسه بصدمة وضرب يده على راسه... تي نسيته حتى اليوم
فرح: بدلع ... ههه خيرك ياستاد كاتر نسيانك هالفترة
تميم: وقف ويسكر في جاكيته.... تو نمشي نجيبه مسافة الطريق بس
فرح: و اوراق الشغل اللي وراك بعد ساعة يبوهن
تميم: رفع راسه تنهد ومسح ع وجهه.... نقولك حاجة امشي قوليله نساه حتى اليوم واللي بيصير يصير وتوا بنقعمز نكمل هالاوراق
فرح: قربت منه بدلع.... ن ننقدر نساعدك
تميم: شبحلها بستغراب... كيف؟
فرح: قصدي عطيني عنوان حوشك ونمشي نجيبهم ع السريع
تميم: سكت شوي يفكر ... واللهي حل كويس
فرح: ابتسمت بفرح ... ولو
تميم: عطاها عنوان حوشهم ومدله مفاتيح سيارته... خودي امشي بسيارتي
فرح: اوكي نص ساعة ونكون جايبتهم... وطلعت
تميم: قعد يشوفلها لعند ما اختفت
سوسن: امشي واعترفيله بحبك
ثريا: لالا مستحيل تبيه ياخد عليا فكرة
همام: جا بحداهم ...صباح الخير شن درتو في الامتحان
ثريا: ساكتة تشوفله بأعجاب 😍
سوسن: الحمدلله كله تمام
همام: يشوف لثرية ومبتسم ... اها كويس سوسن معليش نبيك في كلمة شوي ... وبعد عنهم خطوتين
ثريا: شافت لسوسن بأستغراب بمعنى شن يبي منك
سوسن: بصوت واطي نشوف شن يبي ونجي نحكيلك
ثريا: تشوفلهم وهي مستغربة وغايرة في نفس الوقت
سوسن: وقفت بحدا همام وتحكي بدلع...اها احكي همام ان شاءالله خير
همام: لانك زميلتي المقربة وهكي نبي نطلب منك طلب ياريت تساعديني فيه
سوسن: قلبها يدق فرحانه لانها واقفة معاه...تفضل ولو
همام: انتي عارفة ان اليوم اخر يوم في الدراسة وان معادش هنتلاقو..
سوسن: خدت نفس عميق بفرح.... اها احكي
همام: ن نبيك......
غسان: راكب في المنطاد ويطير في الهواء ويصرخ بفرح زي لمهبلا... ووووووهههههووو 😍😂
اكرم: ههههه شوف الهبل شوف
سالم: خيره نازل غادي
اكرم: هههههه فوته الولد هدا مختش
غسان: في الجو ويجببد في الخيط باش المنطاد ينزل بس الخيط تشابك وماباش ينجبد ...حي خيره هدا ميبيش ينجبد ... وهو في الجو قعد يحاول و يجبد بقوة
اكرم: اوقف ياراجل نستكشفو المنطقة
سالم: هي نوض... ومشو وعطو ظهورهم لغساناللي عالق في الجو
غسان: على بعد امتار واجدة عالق في الجو ويحاول ينقد روحه بس فيش اي فايدة لين فقد الامل يشوف في الارض وينادي لصحابه بصوت عالي بس صوته كان بعيييد و مايسمعش فيه حد..... اكررررررااام سااااالمممم💔
عمر: وردة شن رايك اليوم تمشي لحوش صغاري وتونسي سالي شوي
هاجر: شن شكلها شاغلة بالك خايف عليها من الوحدة
عمر: اي بنتي علاش ماتشغلش بالي
هاجر: بصوت عالي وبطريقة مستفزة.... ياحبيبي بنتك لو شاغلة بالك تسمع كلامك وتجي تسكن معاك مش فاتحلها فمك ومخليها براحتها
عمر: استغفر الله العظيم
نبيل: خلاص يا امي ماتكبريش الموضوع توا وعادي خلي تمشيلها وردة تو بعدين اني نوصلها
وردة: اي تمام😍
هاجر: طيح سعدكم مافيه خير فيكم لا في بوها فيها قطيييعة
فرح: ركبت في سيارة تميم وهي تستنشق في عطره بعمق اللي مالي السيارة ... اااه محلاك ومحلا عطرك ياقلبي واخيرآ قدرت ندير خطوة من الخطط اللي في بالي باش نوصل لقلبك
فتحت اقجار السياره وتفتش عن اي معلومة عنه تبي تعرف عنه كل شي
فرح: شافت قلادة معلقة فتحتها لقت فيها صورة بنت نزلتها وقعدت تتفرج عليها وهي تفكرك بحقد من ممكن تكون البنت هدي اللي محتفظ بصورتها في السيارة.. ولعت السيارته ومشت بأقوة سرعة وهي متغبنة من الصورة
عزت: مقعمز تحت سالي وهي تصبغله في شعره.... شن خلاص كملتي
سالي: مشمرة كمامها ورافعة ايديها فوق.... اي خلاص توا عدي اغسله
عزت: عطاها بوسة في الهوا.... اممممواه يا احلى اخت
سالي: هههه مختش
طق طق طق
عزت: وهو ماشي للحمام وقف لما سمع الباب يخبط.. من جاي هالوقت
سالي: انت عدي أغسل شعرك واني نفتح الباب
عزت: تمام غير قولي منو قبل ماتفتحي... وخش للحمام
سالي: فتحت الباب وتشوف للبنت زي الباربي واقفة ومبتسمة .... اهلا تفضلي
فرح: انصدمت لما شافت نفس البنت اللي في الصورة.... ه ههدا حوش الاستاذ تميم عمر
سالي: اها اي هدا حوشه تفضلي من انتي؟
فرح: اني زميلته في العمل وهو بعتني باش نجيب شنطة فيها مستنداته
سالي: اوكي تفضلي خشي
فرح: خشت بخطوات بطيئة وهي تشوف لسالي وللحوش بحيرة وتتسأل بينها وبين نفسها ... هل تميم متزوج وداس عنها هالشي او من تكون هالبنت هدي قاطع تفكيرها صوت سالي
سالي: قوليلي ماقالكش وين حاطهم باش نجيبهملك
فرح: استاعت من التفكير ... ا اا م ممش عارفة بس قال لما نوصل نكلمة لحظة نتصل بيه ... وطلعت فونها من جيبها
سالي: لا لا متعبيش روحك توا اني نكلمه ونفهم منه لان نعرف وين يحط في حاجاته الخاصة😊... ورفعت تلفونها واتصلت بيه
فرح: تشوف في سالي بحقققد ونار شاعلة في قلبها كان في اعتقادها ان سالي زوجت تميم
سالي: تحكي في التلفون وتشوف في الارض.... هاحبيبي وين نلقى المستندات اللي تبيهم زميلتك؟
فرح: انصدمت وشهقت لما سمعتها قالت حبيبي هنا تأكدت بأنه مرته وزادت نار اللي في قلبها كبرت اكتر واكتر
سالي: سكرة الخط من تميم... لحظة نجيبهملك😊...ومشت
فرح: تمام😤
عزت: طلع من الحمام وهو ينشف في شعره المصبوغ بلون بلاتيني🔥 وشاف فرح واقفة في الصالة صفر بفمه
فرح: كانت سااارحة تفكر في سالي لين سمعت صوت التصفير انخلعت ..بسم الله م ممن انت
عزت: هههه انتي اللي من انتي
فرح: ا ااني... قطعتها سالي
سالي: عزو هدي زميلة تميم في العمل ،تفضلي... ومدتلها الملفات
فرح: رفعت الملفات وهي تشوفلهم بحيرة.... ش ششكرآ.... وطلعت بسرعة
عزت: ياحليلي مززززة
سالي: ضرباته على كتفه...سكر فمك😒😤
عزت: نعلي من اختي الغيورة هههه
سالي ن نننني ننين نينيني😒
عزت: ههههه الحمدلله اللي ناوي نقعد عزابي اكيد حتعدميني لو حبيت او خطبت او تزوجت
سالي: اي اكيد
عزت: هههه حرام عليك وعلاش باهي لو خوتك لخرين انغرمو كيف بديري معاهم
سالي: لا لا مستحيل مستحيل ممنوع انكم تحبو او تتزوجو لانكم لو تزوجتو حتلهو بنساوينكم واني بتفوتوني 😢💔
عزت: ههههه مجنونة انتي
سوسن: خدت نفس عميق بفرح.... اها احكي
همام: ن ننبيك
سوسن: قبل مايكمل كلامه ابتسمت وحطت يدها على فمها بفرح
همام: نبيك تكلميلي ثريا وتقوليلها اني معجب بيها ولو وافقت تعطيني رقمها او ايميلها نتواصلو
سوسن: في لحظة الابتسام تلاشئت واختفت لما عرفت ان مش هي اللي يبيها قلبها وخاطرها نكسرو
همام: هاشن قلتي خيرك سكتي
سوسن: ب ب ببس ثريا مرتبطة
همام: ك ككيف
سوسن: تحكي وهي متنرفزة اي ثريا مرتبطة وقريب تنخطب
همام: قلبه وجعه لانه كان معجب بثريا واااجد ويستنى امتى يكمل لقراية باش يعترفلها بأعجابه بيها.... خساارة💔يلا ان شاءالله خير واسف لو عطلتك
سوسن: تحكي بحقد ... لا عادي ولا يهمك ب ببس عطيني رقمك باش نخبرك عن اي شي يصير ي ييعني مرات تنفصل عن حبيبها وهكي
همام: ياريت والله ... وعطها رقمه ومشى
سوسن: ابتسمت بخبث لما سجلت الرقم ورجعت لصاحبتها ثريا
ثريا: هاحبي شن يبي منك همومي😍
سوسن: تشوفلها بمكر.... ولا شي سألني عن الامتحان بس شكله حقيير وهو يكلم فيا يشوف لجسمي بنظرات مقرفة
ثريا: انصدمت... ك ككيف لا لا مستحيل همام يكون هكي تي هوا لما يفوت بحدا البنات مايرفعش في راسه بكل ولبناويت هما اللي يقعدو يكحلو فيه
سوسن: هههه مسكينه وبالدليل عرض عليا رقمه بس انا ماقبلتش ناخده
ثريا: حطت يدها على فمها ماكانتش متوقعة ان همام اللي كانت طول الفترة الدراسية ميته فيه وتحبه من طرف واحد يطلع حقير وصايع لهدرجة
غسان: المنطاد بدا يميل وينزل من قلة التحكم فيه وغسان يصرخ لصحابه بس مفيش اي فايدة ومفيش حد يسمع فيه فقد الامل واستسلم للي بيصيرله وفجأءة المنطاد هبط وغسان طاح ع الارض اللي كانت كلها صخور
اكرم: حي حي شوووف غسان طاح
سالم: يشوفوله من بعيد ومشو يجروله
غسان: طايح ع الارض وهو غارق بدمه💔
اكرم&سالم: اتصلو بالاسعاف وكانو متوقعين انهم فقدو غسان💔لان منظره وهو طايح وغارق بدم مايوحيش بأنه مزال عايش ... بعد لحظات وصلو الاسعاف و بسرعة قسوة رفعو للمستشفي وطووول دخلوه للعناية الفائقة بعد مالقو حالته حرجة💔
تميم:مقعمز في مكتبة ومشغول في اوراقه
فرح: حدفت الملفات على قوة يدها ... تفضل هديم مستنداتك
تميم: رفع راسه بأستغراب ... خيرك لاباس علاش حدفتهم هكي
فرح: ممكن نعرف علاش داس عني وعلى الشركة كلها انك متزوج
تميم: نعم نعم وانت شن دخلك وشن الطريقة اللي تحكي بيها معاي
فرح: عيونها زغللو بالدموع وماعرفتش ترد عليه لانه فعلا مش من حقها تسأله وتكلمه بهالطريقة.... لا ب ببس في معلومات يحقلنا كزملاء وفي مكان واحد نعرفو هالشي
تميم: وقف وقرب منها.... اولآ مانيش متزوج ولو ع البنت اللي شفيها في الحوش تكون اختي وتانيآ معادش تحاولي تدخلي بخصوصياتي وثالثآ واخيرآ معادش تحاولي ترفعي صوتك في مكتبي فاهمة ولا لا يا استاذة فرح؟
فرح: طاحت دمعتها من عينها وهي تشوفله بصدمه كانت اول مرة يكلمها بهالطريقة بس دمعتها كانت دموع فرحة لانها عرفت انه مش متزوج وفي هاللحظة هدي تأكدت انها تحبه بجد🔥... ا ا ااني... قاطع صوتها صوت تلفون تميم
ترن ترن ترن
تميم: رد على التلفون... ك ككيييف ... رفع جاكيته ومفاتيحه وطلع بجري من غير مايقول شي
.
.
.
يتبع....
تفاعلو وعطوني رايكم في الحلقة