الفصل 29
آلَبًآرتٌـ آلَتٌـاسعٌ وٌ آلَعٌشروٌنِ
بعد مرور سنة
بمنزل الجد
بمجلس الرجال
جالس مع أولاده و أحفاده يناظرهم بسعاده سرح و ما صحي إلا على صوت أبنه يناديه
أبو ماجد : بيه وش بك ؟؟
الجد : ولا شي أناظر الشباب كيف كبرو (و دمعت عيونه)الحمدلله اللي أعطاني عمر أشوفكم و أشوف أولادكم
أبوفارس بحنان : الله يطول بعمرك يا بيه
الجد : خلونا نقوم نجلس مع اللي داخل (و بصوت عالي )يا ماجد قول للي داخل يتغطو
ماجد وقف : حاضر جدي
وطلع للحديقه يتصل على خطيبته و حبيبته رغد
ماجد بشوق : الو حبيبتي
رغد كانت جالسه مع البنات تسولف شافت الجوال يرن بأسم (نصفي الثاني~حبيبي~) ابتسمت بحب و طلعت للحديقه و ردت
رغد بحياء : هلا حبي في شي
ماجد : ليه لازم يكون في شي حتى أتصل بحياتي
رغد : امم لا
ماجد نسي ليه متصل : كيفك مرتاحه وينك الحين ؟
رغد بحب : بخير مدام انت بخير
أنا الحين بالحديقه
ماجد لمحها ماشيه و بيدها الجوال : أبي أشوفك
رغد بحياء : لا ما يصير
ماجد اقترب منها و مسكها من الخلف و رغد صرخت بخوف
ماجد بحب و وجهه قريب منها : ليه ما يصير
رغد بخوف : خوفتني أحس قلبي مو بمكانه
ماجد سحبها بحضنه : والحين رجع لمكانه و لا لأ
رغد بحياء : ماجد بعد عني قبل ما يجي حد يشوفنا
ماجد : عادي خطيبتي
صوت من وراه : و أنا أقول وين راح الولد أثرك مع الحب
ماجد لف بضحكه : هلا فارس
رغد وجهها تلون من الفشيله لأن أخوها شافها و هي بحضن ماجد
فارس بضحكه : وش تسوي
ماجد ببراءه: ولا شي
فارس قرب منه و سحب أذنه : وش قال لك جدي هاا
ماجد تذكر و ضرب جبهته بيده : ييي نسيت
و التفت لرغد اللي وجهها يعطي ألوان : رغودتي خبري اللي الحريم أن الرجال داخلين
رغد تبي تهرب من الأحراج : أوك (و شردت)
ماجد سرح فيها و ما حس إلا بضربه على ظهره
فارس : أذا تبيها لذي الدرجه حدد العرس و تزوجو
ماجد بحزن : مستحيل أسوي العرس قبل ما ترجع نوال
فارس تذكر حبيبته المختفيه و قال بغصه : يمكن ما ترجع
ماجد بتأكيد : لا أنا واثق أنها رح ترجع و تحضر عرسي
فارس التفت حتى يخفي دموعه و بألم : الله يعين
ماجد : يلا ندخل
فارس سبقه بالخطوات : يلا
و دخلو
....
بالصاله
أم ماجد : وينها بنيتي رغد
أمل و هي حامله ولدها اللي عمره شهر : رن موبايلها و طلعت تكلم
روان بكرشتها (حامل 6شهور): طولت كثير رح أقوم أشوفها
الجد بحنان و خوف على زوجة أبنها : أجلسي أنتي حامل
إلا دخلت رغد و وجهها علبة ألوان
أم فارس : وين كنتي ليه تأخرتي
رغد بأرتباك : ماجد أتصل علي و قال أن الرجال داخلين
الجده : يلا يا بنات تغطو
و كل وحده قامت تدور حجابها و عبايتها
و بعد ما خلصو جلسو و دخلو الرجال
روان بخبث و همس ما سمعه إلا البنات : ليه تأخرتي رغود و ليه وجهك كان أحمر هاا
رغد تنهدت و هي عارفه ان روان ما رح تتركها حتى تقولها اللي صار بدت تحكي لهم
و البنات أنفجرو ضحك
و انحرجو لأن صوتهم وصل للرجال
الجد بحنان : أن شاء الله دوم الضحكه
ريم حابسه ضحكتها : تسلم جدي
رغد بهمس : قطع يقطعكم فشلتوني شوفو ماجد كيف يناظرني أكيد عرف أني قلت لكم
لمى دخلت مع سالم : السلام عليكم
و سلمو و جلسو
الجده بحب : كيفك يا بنتي
لمى بأبتسامه : بخير يا جده
الجد ناظر سالم : أذا ضايقك سالم قولي لي لورجيه شغله و طبعا ذا الكلام ينطبق على كل الشباب
سالم بحب و يحضن لمى من جنب : مستحيل أزعل لموو
محمد : و أنا مستحيل أزعل ريمي
أحمد بتقليد : و أما مستحيل أزعل أمولتي
معاذ بمزح : و أنا اممم ما أدري يمكن أزعل رورو شويتين
الجده بتهديد رفعت عصايتها : أنت جرب تزعلها و شوف وش رح يصير لك
معاذ بخوف مصطنع : حاضر حاضر يمه
الكل ضحك
الجد التفت للشباب : ها كيف الشغل
الشباب بردود مختلفه : تمام ... الحمدلله .... عاال العال
أمل وقفت و هي تهز أبنها اللي يبكي : هيييه حبيبي خلاص
أحمد توجه لها و بهمس : ما قلت لك ما تقولي حبيبي إلا لي (و أخذ أبنهم منها)
رغد اللي انتبهت له لما همس : أقوول أحمدو خلي حركات النص كم بالبيت مو عنا
أحمد ضحك : حاضر عمتي
أمل انحرجت و جلست مكانها و الكل ضحك عليها
و كملو يومهم بالضحك و اللعب سوا ....
....
بالليل
جالس على سريره يسترجع اللي صار قبل سنه
بعد ما طلعت أم ماجد من المشفى رجعو البيت و كلهم على نار خايفين على نوال
و الكل أصابتهم صدمه لما اتصلو على رقم الأجنبي و طلع معطل
مرت نصف سنه و ما حد عرف عن نوال شي
هل هي عايشه و لا لأ
و طبعا كل الشباب رافضين يسوو عرسهم حتى يتطمنو على نوال
و بأحدى الليالي كانو مجتمعين كالعاده
دخلت الخادمه و قالت لهم أن في شخص متلثم يبي يتكلم مع الرجال
طلعو الرجال للمجلس و دخل المتلثم
المتلثم بصوت خشن : السلام عليكم
الجد و الباقين : و عليكم السلام
أبو فارس : منو أنت ؟؟
المتلثم : مو مهم
أنا معي وصيه لكم
الكل خاف من كلمة وصيه و خطر ببالهم نوال
أبو ماجد : وش هي ؟؟و من من ؟؟
المتلثم : من الانسه نوال تقول لكم لا توقفو حياتكم علشانها و ساوو أعراسكم و إلا رح تزعل عليكم ليوم الدين
الجد بفرح : يعني هي حية ؟؟
المتلثم : ما أدري هي قالت لي قبل ما تدخل العمليه قبل سنه
و قالت لي بعد ما تمر نصف سنه أجي لكم و أخبركم
و الحين سلام
(و طلع بسرعه)
ماجد ركض خلفه : أستنى ياا ...
و لما طلع للشارع ما شاف حد
رجع دخل للبيت
الجد بحزم : وين ما كانت نوال و سواء كانت حية أم ميته تبقى ذي وصيه و لازم تنفذوها
ماجد بعناد و رفض : مستحيل أسوي عرسي قبل ما ترجع أختي مفهوم
(و طلع لغرفته)
و بعد شهر كل الشباب ساوو عرسهم سوا
ما عدا ماجد المصر على رأيه و فارس اللي ما كان خاطب من الأصل
و مرت الأيام و أمل حملت و جابت ولد و سمته (سالم)
و روان حملت ببنت و هي بشهرها 6 الحين
أما لمى و ريم فأجلو الحمل شوي
و رغد على تواصل دايم مع خطيبها ماجد
((رجع للواقع و هو يتنهد))
فارس : وينك يا نوال الحين وييينك
(و بدت دموعه تنزل مثل كل يوم)
....
بداية يوم جديد :
صحت باكر و تطمنت على ولدها
سوت فطور سريع و دخلت تاخذ شور و تلبس
لبست فستان احمر قصير يوصل للركبة و خلت شعرها مفتوح تعطرت و راحت لزوجها تصحيه
أمل برقه : أحمد أحمد (و تهزه)
أحمد صحي بس ما فتح عيونه و بحركه سريعه سحبها لحضنه و دخل راسه بين شعرها و هو يستنشق ريحة عطرها اللي تدوخه
أحمد بذوبان : صباح الحب و العسل و ال.....
أمل بخجل : صباح النور يلا قوم علشان شغلك
أحمد غمز لها : تدرين أفكر أسحب اليوم على الشغل (و عض شفته ) خصوصي مع الأحمر ذا ..
أمل نقزت و شردت بسرعه لبرا الغرفه
و أحمد فطس ضحك عليها قام و أخذ شور و راح للصاله شافها ترتب السفره
أحمد حبس ضحكته لما شافها تبي تهرب لغرفه سالم : وين رايحه ؟؟
أمل بأرتباك : رح أشوف سالم أذا صحي
أحمد تقدم منها بسرعه و حضنها : و تبين تتركيني لوحدي
أمل ارتبكت بزياده و ما عرفت وش تقول
أحمد صار يقرب راسه منها و هو مستمتع بأرتباكها فجأة سمعو صوت سالم يصيح
أحمد بتأفف: صحي هادم اللذات
أمل حبست ضحكتها و راحت لأبنها : لا حبيبي لا تبكي الحمدلله أنقذتني من أبوك
أحمد بالصاله سمعها و بصوت عالي : سمعتك ترا
أمل ضحكت و طلعت للصاله ...
....
دخلت و شافته لسا نايم تأففت و طلعت للسرير و صارت تنط
لمى بصوت عالي : سالم سلوم حبيبي قوم يلاااا
فجأه حست بحد يمسكها من رجلها و يسحبها
لمى بأبتسامه : أخير صحيت
سالم مسك أنفها : و كيف ما أصحى و أنا متزوج وحده مزعجه
لمى شهقت و وقفت و تخصرت : أنا مزعجه
سالم حبس ضحكته : أي
لمى نفخت خدودها بطفوله : طييب يا سلوم شوف مين يسوي لك فطور اليوم
و طلعت من الغرفه
أطلق سالم ضحكته و قام أخذ شور و لبس
طلع للصاله وشافها جالسه على Tv و ما سوت فطور
سالم يمثل العصبيه : ويييين الفطور هاااا
لمى نقزت و راحت للمطبخ : ثواني و يجهز
سالم ضحك على خوفها
لمى طلت براسها و لما شافته يضحك عصبت : طيييب ماني مسويه فطور و هاذي جلسه
سالم زاد بالضحك و راح يراضيها ..
....
بعد ما خلصت تجهيز السفرة راحت للغرفه
اقتربت منه بهدوء و صارت تمسح على راسه و تناديه
ريم بهدوء : محمد حبيبي أصحى
محمد صحي (نومه خفيف)و ناظرها : صباح الخير
ريم بأبتسامه يعشقها محمد : صباح النور يلا على الفطور
محمد قام و لبس
طلع للصاله و شافها جالسه تنتظره
اقترب منها و طبع قبله على خدها
و ضحك لما شاف خدودها حمرت
محمد ناظر الأكل : تدرين وش نفسي أكل
ريم بسرعه و خافت يكون الأكل ما عجبه : وشو ؟؟
محمد ناظر خدودها : نفسي أكل خدودك الحمر يممي
ريم خجلت و طلعت من الصاله
و محمد ضحك على أحراجها و اكل بسرعه و ودعها و راح ...
....
كانت تتسلل و بيدها بالونه ممتليه مويه و بيدها الثانيه أبره
أقتربت منه بهدوء و طلعت على السرير و هي تناظره بخبث ..
و خلال ثواني
بووووووووووووووووووووم
صحي يفزع و هو يشوف كيف ملابسه كلها مويه ناظر روان اللي انسدحت من الضحك
معاذ بعصبيه : رواااااااااان
روان نقزت و نزلت بسرعه لتحت لبست عبايتها بسرعه و عبرت بين الفيلتين لبيت الجده
(((الجد مسوي لكل أبن له فيلا و كلهم بجانب بعض بس أبو ماجد و أبو فارس فضلو يسكنو سوا مع أبوهم و أمهم و طبعا الفيلات كلهم يربط بينهم مثل الممر أما الأحفاد فلكل واحد بيت كبييييير
و معاذ سكن بفيلته علشان روان تاخذ راحتها )))
عنده : قام و هو معصب لأقصى درجه دخل و أخذ شور اللي خفف من عصبيته
طلع و هو لاف المنشفه على خصره لبس و راح لبيت أبوه ..
دخل للصاله و شافها جالسه مع حريم أخوانه و أمه و هي أول ما شافته تخبت ورا الجده
الجده بأستغراب : وش فيكي
معاذ : يمه أبي روان شوي
روان بخوف : أنا ما أبيك
أم ماجد ضحكت : عيب في زوجه تقول لزوحها كذا
معاذ : و في زوجه تصحي زوجها ببلون مويه
الجده شهقت أما روان لما تذكرت منظره ضحكت
معاذ بنص عين : أي ضحكي حسابك بعدين
و طلع لشغله
أم فارس لفت عليها : وش مسويه أنتي ؟؟
روان بأندفاع : أنا ما دخلني البيبي يبي كذا
و أشارت لبطنها
الجده ضحكت : أخبر الحريم يتوحمون على أكل مو على مقالب
روان غمزت : أنا متميزه احم احم
(و بتمسكن)يمه تدرين أني أشتقت لك خليني أنام عندك اليوم
الجده بنص عين : ليه خايفه من معاذ ؟
روان ببرائه : لا بس مشتاقه لك
الجده قامت : طيب أنا معك الحين بس بالليل تروحي تنامي مع زوجك
روان تتكلم مع نفسها : الله يعيني منه اليوم
رغد دخلت و سمعتها : منو ؟؟
روان التفتت لها : من معاذ
رغد ضحكت لأنها عرفت أن روان سوت شي : وش سويتي اليوم
روان ببرائه قالت لها و رغد انفجرت ضحك
رغد : هههههههههههه اه بطني كذا تصحين زوجك يا حماره اه هههههههههههه
روان تأففت : أسكتي و اعطيني حل ما أدري وش أسوي أكيد ناويلي على نيه قشرا
رغد بخبث : اسمعي ........
روان نقزت و هي تبوس رغد : احبببك شكرا شكرا
رغد تضحك : اهجدي يا بنت انتي حامل
روان بنص عين : صح لما دخلتي لهنا كان وجهك احمر اعترفي ليه ؟؟
رغد تذكرت و حمرت : اممم
روان بحماس تربعت : يلااا أحككي
رغد بدت تحكيلها ....
كانت طالعه من غرفتها تبي تنزل تحت
كانت لابسه بنطلون جينز مع بلوزه سماوي
نزلت على الدرج و هي تغني
فجأة حست بحد يمسكها من خصرها
كانت رح تصرخ بس الشخص حط يده على فمها
حست بأنفاسه على رقبتها و صوته يقول : صباح الخير
عرفت صاحب الصوت و التفتت
شافت ماجد واقف و هو مبتسم
رغد بأرتباك ممزوج بالخجل : صباح النور
ماجد : كيف حبيبتي اليوم
رغد : تمام (و بتردد)و انت كيفك ؟؟
ماجد بحب: مشتاااق
رغد حمرت و كانت رح تنزل بس ماجد مسكها : وين وين ما شبعت منك (و حضنها)
رغد بخجل ممزوج بخوف : مااجد بعد قبل ما يجي حد يشوفنا
: أيوا أبعد يا ولد
ماجد التفت له بملل : انت ليه دايم تجي بالأوقات الغلط
فارس بضحكه : وش أسوي لك مو ذنبي ترا
أنتو اللي واقفين بنص الدرج
ماجد ناظره بنص عين و التفت لرغد اللي كانت تتمنى الأرض تنشق و تبلعها
حبس ضحكته على وجهها و تركها تروح
و هي ما صدقت يفك يديه و شردت
نرجع للواقع
لروان اللي كانت منسدحه على الارض من الضحك و رغد اللي تناظرها بغيض
رغد : هفف ما أدري ليش فارس هو اللي يصيدنا دايم
روان تضحك : مساااكييين ياا حرااا(و حست بحركه ببطنها و صرخت) اااااخ
دخلو الجده و أم فارس و أم ماجد بخوف من صراخها و التمو حولها
رغد بخوف : وش بك ؟؟
روان بأبتسامه واسعه و يدها على بطنها مسكت يد الجده و حطتها على بطنها : يمه تحرك والله تحرك
الجده حست بحركة حفيدها و ابتسمت : الله يهديك رعبتينا
روان بحب : اسفه
أم فارس مسحت على شعرها: مو مشكله المهم انك بخير
أم ماجد بأبتسامه : الله يكملها معك بالهنا و تجيبي أحلى بنوته
روان من قلب : اااامين
....
بالشركه :
كانو مجتمعين بمكتب الجد و يناقشو أهم الصفقات اللي تقدمت لشركتهم و شركة روز
و بعد ما انتهو كل واحد راح على شغله
و بقي الجد بمكتبه يشرب قهوة : اااخ تعبت شكلي رح اتقاعد و اترك الشغل لأولادي و أحفادي
سمع دق على الباب : أدخل
المساعد : يا عم ذي الورقه وصلتنا من شخص غريب و هي موجهه لك خصيصا
الجد بأستغراب : هاتها و توكل لشغلك
طلع المساعد و بقي الجد اللي فتح الورقه و بدا يقرأها و دموعه بدت تنزل ...
....