نيران في الهشيم - الفصل الثالث - بقلم جنى - مكتملة | روايتك

* *❴📖❵↵* *نيران.في.الهشيم.tt* ♥ *❴🔢❵☟الـــبـــــــــــ❴3️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ يارا : ولي شو عم تقول ، ادم كيفو هوي منيح زياد : انا اخدك لعندو حتى تساعديه يصير منيح يارا : انا ليش انا ، خدو على مشفى زياد : بنخاف يقتلوه بالمشفى يارا : ليش ليقتلوه و مين هني ، ادم بشو ورطت حالك بلشت يارا تبكي بالسيارة على ادم زياد : لك يا انسة انا جايبك حتى تساعديه تماسكي أول ما وصلنا المستودع نزلت يارا ركض حتى تشوف آدم ، فاتت على المستودع متل المجنونة عم تبكي و تنادي باسمو يارا : آدم ادم وينك شافتو متسطح على فرشة و غايب عن الوعي و الدم عم يهر منو ركضت عليه و ضمتو يارا : ادم حبيبي فيق مشان الله ، مين عامل فيك هيك سامر : يا انسة ازا سمحتي بعدي عنو و شوفي شغلك يارا : لك فهمو انا ماني دكتورة ، انا شقفة طالبة عم تدرس تمريض سامر : يعني جبناكي على الفاضي و ما رح تقدري تساعديه؟ يارا : بالكتب مكتوب انو بتطلع الرصاصة و بيتنضف مكان الجرح سامر : لكن طبقي يلي دارستيه بالكتب ، دخيلك رح يروح من بين ايدينا ، انتي املنا الوحيد حتى يعيش ادم يارا : بس انا بحياتي كلها ما عملت هيك شي بخاف سامر : تشجعي ، ليكو قدامك مرمي طبقي عليه و تدربي فيه بس دخيلك عملي شي يارا : طيب خلص خلص لا توترني ، وين العدة سامر : ليكن هون بالكيس اول شي عملتو يارا شقتلو قميصو يلي لابسو ، و صارت تنضف بالدم بعدا مسكت السكين المعقمة حتى تحاول تطول الرصاصة ، اول ما غرزت السكين بصدرو ما قدرت تكمل و دغري بلشت تستفرغ سليم : لك شو عم يصير معها سامر : تركوها لحدا يحكي شي ، متوترة لانو هاي اول مرة بتعمل هيك شي سليم : و احنا جايين نحط ادم بين ايديها تجرب فيه يعني سامر : ليش عنا خيار تاني ، بعدين حبيبتو ما رح تبلغ عنو بعد ما خلصت يارا استفراغ غسلت وشا و رجعت حاولت من جديد ، هالمرة كان قلبا اقوى حطت السكين بثبات على مكان الجرح و بقيت تحاول حتى قدرت تطلع الرصاصة سامر : طلعتيها ، لك انتي دكتورة والله مو ممرضة يارا : اي طلعت كانت يارا مو مصدقة حالها انو قدرت تعملها نضفتلو مكان الجرح منيح و بعدا خيطتو و غطتلو مكان الجرح بشاش و لفتو منيح سليم : يعطيكي العافية ، شو ايمتى رح يفيق يارا : ما بعرف بس على الاغلب تعبان كتير لأنو نازف دم ، بدو راحة و بعدها بفيق سامر : نحن عزبناكي معنا ، جبناكي هون و قلقناكي بهالليل يارا : ما تحكي هيك هاد ادم ، بتعرف شو بيعنيلي ادم ، هوي بكون حبيبي و ازا الله راد بدنا نتزوج بس يخلص هاد الفصل سليم : بتحبي روح وصلك يارا : لا رح ابقى معو حتى يفيق ، بعدين مو حلوة ارجع على السكن بنصاص الليالي سليم : اي متل ما بتحبي يارا : بس هلأ صار لازم تفهموني كلشي مين هدول يلي قوصو ادم و ليش ملاحقينو بدهن يقتلوه ادم متورط بشي غلط لا سمح الله ؟ سامر : ادم واحد من أشرف الشباب بهالبلد و الغلط مو الو ، ولو مو كنتي عم تقولي ادم حبيبي مفروض تعرفي انو ادم ما بيغلط يارا : لكن حكولي ، لا تجننوني سامر : خلص بس يفيق ادم هوي بخبرك سليم : معلش سامر انا رح احكيلها هاد الحكي يلي رح احكيلك اياه صار من شي شهرين تلات كنا انا و ادم و سامر و كمان واحد اسمو زياد عم نشتغل سوا بفندق اسمو زهرة الشتاء يارا : اي بعرف انو ادم عم يشتغل هنيك سليم : اي نحن ما كنا بنعرف بعض منيح متل هلأ ، مجرد زملاء شغل ، صدفت ليلتا انو كانت علينا مناوبة نحن الأربعة ، الفندق كان فاضي ما في حدا من العمال غير نحن فجأة و أنا قاعد سمعت صوت بنت عم تصرخ و تبكي ، ما عرفت من وين اجا هالصوت ، صرت دور و فتش لحتى ساعد البنت يلي عم تصرخ ، بقيت دور عليها ما كنت لاقيها ، بالاخر مشيت باتجاه الصوت ، كان جاي من وحدة من غرف الفندق ، ترددت ازا بفوت او لا ، لأنو من قوانين الشغل عنا ممنوع نفو ت على الغرف لأي سبب كان ، و انا كنت موظف خدمة بسيط بشتغل بالتنضيف و هيك ، فقررت لف من ورا الفندق و شوف من الشباك شو عم يصير و شفت يلي شفتو هديك الليلة ، كانت بنت صغيرة عمرا حوالي شي 15سنة و كان عندا تنين بالغرفة عم يتناوبا على اغتصابا و في كاميرات عم تصور كلشي يارا : شووو عم تقول سليم : اي والله يا انسة ، جمدت بمطرحي و ما عرفت شو بدي اعمل يارا : ليش ما فتت و ساعدتا سليم : لأنو يلي كان عم يغتصبا واحد معروف كتير و الو منصب ، زلمة واصل كتير ، خفت …… اي خفت كتير ، تركت المكان و هربت ، وصلت على ققاعة الاستقبال بالفندق كان لوني مخطوف و الرعبة مبينة عليي كانو ادم و سامر و زياد سهرانين هنيك عم يشربو شاي ركضو عليي ، لمن شافو حالتي هيك ، و قلتلن كل شي صار معي بالتفصيل راحو لحتى يشوفو ، ما لقو شي كان العرض مخلص ، فكروني عم كزب او اتوهم يومها ، بعد شي اسبوع رجع هاد الزلمة على الفندق و انا خبرت الشباب فوراً و هني راقبو حتى يتأكدو من صحة حكيي ، بس هالمرة شافو شي تاني ، كان عم يعقد صفقة مخدرات ، زلمة شغل مخدرات و دعارة و اغتصاب نسوان ، كل مرة نمسكو عم يدير شغلة شكل بهالفندقانا و سامر و زياد ما تحملنا و تركنا الشغل ، بس ادم أصر يبقى حتى يعرف عنو اكتر ، و متل مانك شايفة جتمعنا و قررنا نفضحو لهالوسخ ، انا من يوم ما شفت هديك البنت و ما قدرت ساعدا ما عم نام الليل و ضميري عم يعزبني سامر : اي و ادم تصاوب نحن و عم نحاول نصورلو صفقة لهاد الزلمة يارا : طيب ليش ما حكيتو للشرطة عنو و خلص ما في داعي لكل يلي عم تعملوه سامر : نحن رح نحكي للشرطة بس بالاول بدنا يكون في بايدينا دليل ، و ليكو الدليل صار معنا يارا : يعني ما بعرف ليش انتو يلي لازم تعملو هالشي ، تركو هالشغلة ليلي قاعدين على الكراسي يحلوها ، انتو شو دخلكم تورطو حالكم بهيك متاهة سامر : (لا تلوموه ، قد رأى منهج الحق مظلمااا ) ازا انتي المتعلمة يا انسة عم تقولي هيك ، معناها ما في عتب على باقي الناس تلومنا لأنو عم نحاول نحاسب هدول الظالمين و الطواغيت خجلت يارا من حالا انو كيف عم تفكر بهاي الطريقة يارا : انا بعتزر ، ما عم بعرف شو عم احكي سامر : ولا يهمك : : : بقيت يارا و الشباب فايقين هديك الليلة عم يراقبو وضع ادم لحتى طلع الصبح يارا من التعب غفيت جنب ادم بلش ادم يفيق شوي شوي ادم : ااه ……… اا شاف يارا نايمة جنبو ادم : يااا……را حست يارا بحركتو ، صحصحت و شافتو مفتح عيونو يارا : ادم حبيبي انت فقت يا سااامر ، سليم ادم فاق : : سامر : شو عم تقولي ، ادم اخي انت صحيت جتمعو الكل حوالين ادم ، و كانو مبسوطين انو فاق بعد شوي فات عليهن زياد هوي و جايب الفطور معو و شوربة لادم زياد : اخي ادم انت صحيت جبتلك معي شوربة طيبة كتير يارا : انا بطعميه اياها قعدو الشباب يفطرو و يارا قعدت جنب ادم لحتى تطعميه الشوربة ادم : يارا …… انا يارا : لا تقول شي انا بعرف كلشي صار معك سامر : والله يا ادم الاخت يارا هيي يلي انقزتلك حياتك ، دكتورة ما شاء الله عليها ادم : شكراً يارا يارا : ما تحكي شي حبيبي ، ارتاح منيح و ارجعلي القوي يلي بعرفو هني و قاعدين صار جوال ادم يرن ردت يارا عليه يارا : الو ، اي خالتو ام ادم نسي جوالو معي ، هوي كتير منيح ، اجا بكير على الجامعة و بعدها طلع على شغلو طيب ماشي بقلو ، الله معك يارا : هاي خالتو عم تتصل ادم : شاطرة بتأليف …… القصص يارا : عملت هالشي مشانك و هيك بتجازيني اه صاير مشهور يا ادم ، كمان اتصال يارا : الو ، عفوا مين حضرتك ورد مين ؟ تطلعت بادم هيي و عم تتوعدو اه ادم مانو فاضيلك ، مشغول اي انا بكون حبيبتو يا ريت ما ترجعي تتصلي هون ادم : يارا ما تخبصي ، هاتي لهون الو ، ورد اي مريض الله يسلمك ببعت حدا بدالي سلام يارا : ورد مين يا ادم ادم : اااااه ………كتفي عم يجعني يارا : ماشي يا ادم اعمل و كتر انا بفرجيك الشباب : هههههههههه سامر : لا انا هيك تطمنت على مستقبلك يا ادم شكلك رح تفوت الجمعية معنا زياد : ههههههههه اهلا و سهلا : : : يارا : ازا ممكن حدا فيكن يوصلني على السكن ، لازم غير تيابي و داوم بالجامعة سامر : اي انا بوصلك يارا : ببقى برجع بالليل لحتى اتطمن على ادم و نضفلو الجرح سامر : ما في داعي تجي لهون ، بعد شوي رح ابعتو على بيتو ، و منقول لامو انو عمل حادث و انتي طلي عليه بالبيت يارا : اي هيك احسن سامر : شرفي خليني وصلك : : : : ببيت ادم ام ادم : ولي عليي شو صايرلو سامر : حادث بسيط ما تقلقي يا خالتي سليم : وين غرفتو خلينا نحطو فيها يرتاح ام ادم : من هون يا ابني من هون سلامة قلبك يا امي ايوا حطو عندكن انا رح اتصل بالدكتور يجي يشوفو سليم : لاااا سامر : قصدو انو ما في داعي لهالشي ، هاي جيتو من المشفى مو هيك ادم ادم : اي امي ، كنت بالمشفى ، و طمننوني سليم : قالو انو الاصابة سطحية ما في شي ما شاء الله متل الحصان سامر : الانسة يارا رح تجي تنضفلو على الجرح ، ما تبعتي ورا حدا ام ادم : اي ماشي سليم : يلا نحن بنستأزن خالة ، بنرجع نتطمن عليه بالليل ام ادم : الله معكن : : : جيهان : يا ويلي عليك يا اخي شو يلي صاير فيك ادم : جيهان طلعي و سكري الباب بدي ارتاح جيهان : الحق عليي بدي اتطمن عليك طالعة ام ادم : يا امي حاج تعملي هيك ، اخوكي تعبان طلعي من عندو اعملك شي تاكلو يا امي ، جاي على بالك شي معين ادم : لا امي مو جاييني نفس ، لا تعزبي حالك : : : : بالمسا ، ما صدقت يارا و يمضي الوقت و تخلص دواما حتى تروح على ادم و تطمن عليه ركبت بأول تاكسي و راحت على بيتو يارا : مسا الخير جيهان جيهان : مسا النور يارا ، تفضلي فوتي يارا : ادم وينو جيهان : متسطح بغرفتو يارا : بدي فوت اتطمن عليه و غيرلو على الجرح راحت يارا لعند غرفتو و دقت الباب ادم : فوتي امي فوتي يارا : احمم انا يارا ادم : اهلين حبيبتي ، تفضليحاول ادم يجلس قعدتو لمن فاتت يارا : خليك متسطح ، ما تتحرك و تعب حالك انا جاية حتى غيرلك على الجرح ادم : يعني ما اشتقتيلي ، بسرجاية تغيريلي على الجرح يارا : كنت رح موت من خوفي عليك يا مجنون و بتقلي ما اشتقتلك بدي شلحك الكنزة مشان غير على الجرح ادم : انا كلني ملكك عملي فيني يلي بدك اياه يارا : اااااادم عيب شو هالحكي ادم : مشتقلك كتير يا يارا تعي قعدي جنبي راحت يارا قعدت جنبو و حطت راسها على صدرو ادم : ااه يارا : يي وجعتك ادم : خليكي نايمة على صدري بشفى بسرعة بهالأثناء فاتو اصدقاء ادم لعندو سامر : الظاهر يا شباب نحنا جينا بوقت مو مناسب زياد : خلونا نترك العشاق لحالهن شوي خجلت يارا كتير من الموقف يلي نحطت فيه و قامت بسرعة و عملت حالها عم تفتش بكيس الأدوية ادم : سكوت انت و اياه ، لشو جايين سليم : الحق علينا بدنا نتطمن عليك ادم : زياد لك عرسك قرب يا زلمة ما بدك تعزمنا زياد : انا جاي حتى اعزمك انت و العيلة و الآنسة يارا يارا : الف مبروك زياد زياد : الله يبارك فيكي مرت اخي يارا وشا صار احمر ادم : اي مرت اخوكن ، بازن الله بس وقف على رجليي بدي اطلبا و اتزوجا فوراً سامر : الله اكبر يارا : انا بدي شوف جيهان ، برجع بعد شوي غيرلك على الجرح و طلعت من الغرفة بسرعة ادم : شفتولي اياها كيف بتخجل سليم : معلم يا ادم بشغلة النسوان ادم : هههههههه سامر : ادم بدي خبرك شو عملنا ادم : اي شو عملتو سامر : رحت لعند المدعي العام أنور علم الدين ، و قلتلو على القصة بالتفصيل الممل ادم : اي و شو قلك سامر : ما صدقني بالبداية ، و قلي انو عابد تاجر مشهور بسمعتو المنيحة و انو انا جايي افتري عليه ، بس لمن فرجيتو الصور و الفيديوهات و الوراق يلي جبناها من مكتب المحامي تبعو نصدم كتير و وعدني انو رح يدرس الموضوع و يردلي خبر ادم : اي و ما ردلك خبر سامر : تصل فيني قبل ما اجيك ، قلي انو تأكد من صحة معلوماتنا ، و انو رح يمشي بنفسو بالقضية حتى ياخد القانون مجراه ، و انو رح يحرص على انو توصل القضية للقضاء و المحاكم بس لازم نحن نروح نشهد بالمحكمة لمن يستدعونا ادم : اي بنشهد ، و خلي هاد المجرم يتعفن بالحبس بس ما عرفتولي شي عنو ، او ازا عرف مين احنا سامر : لو كان عرفان مين نحن ما كان في شي يوقفو من انو يجي و يخلص علينا ادم : بكرا بدي روح معكن لعند هاد المدعي سامر : ادم ما في داعي لهالشي ، انت لساتك تعبان ادم : معلش لازم روح و اتطمن بنفسي سليم : هدول المصاري من الحجة انتصار و بتقلك عليك العافية ادم : لا هدول الك ، انت يلي وصلت الطلبات سليم : انا او انت واحد ، رح اتركن على الطاولة ، انت هلأ بحاجتن لحتى تقدر توقف على رجليك و ترجع على شغلك سامر : معناها نحن خلينا نروح ، بدنا نساعد زياد بتركيب منصة الحفلة اللي رح يعملها ادم : لكن بدو يعمل حفلة يا عمي محدا قدو ، ريتو الف مبروك زياد ، جوازة الدهر حبيب زياد : الله يبارك فيكن و يسلمكن سامر : يلا بالإزن طلعو الشباب من عند آدم و راحو لحتى يجهزو لحفلة زياد يلي عرسو بعد أيام : : : سامر : زياد ناولني الحبل يلي هون زياد : لك سامر بدي حط الزينة هون مو الأضوية سامر : انت شو فهمك بهالشغلات ، انا تزوجت من قبلك و بعرف وين بينحطو زياد : يا اخي عرسك والا عرسي ، انا بدي الاضوية هون و الزينة هنيك سليم : لك خلص انت و اياه متل الصغار متقاتلين هاتو الزينة و الاضوية لهون انا يلي بدي ركبن على كيفي ام زياد : زياد يا امي تعال ضيف صحابك العصير زياد : يسلم ايديكي يا امي زينة لساتها جوا ام زياد : روحت قبل شوي مع اخوها و امها زياد : خسارة ما لحقتها قبل ما تروح ام زياد : كلها كم يوم يا امي و بتصير عندك و بتشوفها ليل مع نهار زياد : ايمتى يا امي ايمتى حاسس هاليوم ما رح يجي ام زياد : هههههه ان شاء الله بفرح فيك و بولاد ولادك يا امي زياد : هاتي العصير عنك يا شباب تعو ارتاحو شوي سامر : اي والله يسلم ايديك اجو بوقتن سليم : تأخر الوقت يا زياد ، لازم نرجع على بيوتنا ، و بكرا الصبح قبل ما نروح لعند المدعي بنمر لعندك و منكمل شغل و ترتيب زياد : اي يلي بريحكن شرب سامر كاسة العصير مرة وحدة و حطها على الصينية اللي حاملها زياد سامر : دايمة ، عن ازنك و رجعو على بيوتهن ، نامو هديك الليلة بهدوء ، يمكن هاد هوي يلي بيسموه هدوء ما قبل العاصفة ، يارا ليلتا بقيت عم تفكر بحكي الشباب و ادم ، كلمة مرت اخي لساتها عم ترن بادنا متل كأنو هلأ سمعتا ، ادم كمان عم يفكر بيارا و وضعو معها ، و كيف بدو يتزوجها بس في شي ببالو اكبر من الزواج و الحب ، هوي مصلحة الوطن زياد عمريفكر بعرسو ، و بالشي يلي عم يعملوهسليم عم يفكر بابنو الجاي و ازا كان رح يقدر يشوفو و يربيه و سامر عم يفكر ببولادو و مرتو ، و الشي يلي عم يعملو ازا كان صح او غلط كانو يوم عن يوم عم يقربو اكتر من تحقيق العدالة و وقف الظلم بس يا ترى هالشي ممكن يكون على حساب حياتهن مع اللي بحبوهن ، والا رح يقدرو انو يتجاوزو هالمحنة يلي نحطو قداما بأقل الخسائر الممكنة بقولو انو الخير على طول بينتصر على الشر بس بقصص الخيال ، بس انا بقول انو وين ما نوجد الظلم و الشر الله أوجد قبالو الخير ، و طبعاً هالشي الو حكمة ، حتى لو كانت قوى الشر طاغية و عندها النفوذ و السلطة ، فقزكرو انو اللي ربنا واقف معو هوي المنتصر : : : : …………………………………………………… الجزء الرابع يتبع ➖➖➖➖➖➖➖➖➖ *❴📖