الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم ما بين الغضب والهوى`*
*❴🔢❵الـــبـــــــــــ❴5️⃣+6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
(براق)
مرو يومين زهقق وضجر اشتقت لشغلي بالمدينة والله بس كمان خلص حواتي اشي بدي اعمل تغيير بحياتي لازم
حملت حالي وطلعت لمضافة المختار سعيد ،،الحظ الزفت مش هون ركبت سياررتي واخد طريق بيته دخلت ع حارتهم مرقت من قدام بيوت ولادو هنن العيلة كلها بحارة وحدة ،،واخر شي بيتو وصلت ونزلت دقيت الباب
الشغالة .تفضل يا بيك مين حضرتك
براق .لو سمحتي بدي المختار سعيد حكيلي الدكتور براق ابن أشرف
الشغالة .يلا ثواني
شوي واجى المختار ع عكازو
سعيد .اهلا وسهلا ابني اتفضل
براق .مش مشكلة بس بدي حاكيك بموضوع لو سمحت
سعيد .اتفضل ابني ما في غير انا والحجة فوت فوت برا برد
شلحت من رجلي عند الباب ،وعطاني شحاطة بيتهم هيك عنجد بيت ختيارية كلشي فيه بتلاقيه من الجيل القديم بتحس في دفى رهيب ، ولمن قعدت الفرش لسة عندهم المخدات القديمات المطرز عليكم صباح الخير وأحبك وهاد الحكي هههههه ولسة عندهم تلفزيون الأنتين يلي ألو من ورا ظهر ههههههه محتفظين بكلشي تراث
سلمت ع الحجة وكفة ايدي ع صدري
براق .السلام عليكم حجتنا
جميلة .اهلين ابني اتفضل اتفضل تعى جيت والله جابك كنت عم بعمل ملاتيت مد ايدك كل هاي رح صبلك شااي كمان
براق .يزيد فضلكم الهي ،والله زمان عن هالقعدات من وقت راحت هالشغلات من حياتنا ضاعت البركة
سعيد .اي والله
جميلة .كل كل طيبين لا تقليي
براق .يسلم ايديكي حجتنا ،، عمي انا جاييك وقاصدك بطلب
سعيد .اؤمر ابني ان بقدر اكيد ما بقصر
براق .انت بتعرف اني كنت طالب بنت جارنا العم حسن والزلمة ما عنده اي اعتراض والبنت رافضة ، انا اجازتي قربت تخلص ومش معني ارجع متل كل مرة
سعيد .وشو بتريد اننا نعمل
براق .والله ما بعرف بدي اسالك وانت شو بتشور عليه بعمل
جميلة .ههههخ هلق بقلك اخطفها
براق .لا مستحيل اعوذو بالله بس لو بقى ابوها معارض اه بعملها بس بسخاش اخون ثقته فيني
سعيد .الله يكملك بعقلك ،شوف رح جمع كبار رجال العيل ونروح لعنده عالبيت وبتوقع هيك بكون الموضوع جد.اكتر من انك انت بنفسك طلبتها
براق .هو ما بغصب بنته
سعيد .خلص اتركها عليه وانشالله بتاخدها
براق .من ثمك لباب السما
$$$$$$$$$$$$$$$$
طلعت من عندهم ونزلت من هناك لاول الضيعة لعند نيروز صفيت السيارة نزلت ودخلت كانت قاعدة ع تلفونها وعم بتصور يمكن لتنشر ع صفحة المتجر تبع المشتل
براق .مرحبا
نيروز .خير !
براق .شو الاخبار
نيروز .نشالله خطبت وبدك بوكيه لخطيبتك
براق .لا لمن بخطب رح جبلك شجرة مو ورد
نيروز .لليه جاي ؟
وقفت عند الباب مستند ومكتف ايدي
براق .يعني لمتى ؤح نضل هيك نيروز؟ ممكن اعرف سبب رفصك؟
نيروز . ما في سبب بس خلص انا ما بدي هالشي
براق .في ببالك حدا
نيروز .شو هالسؤال ليه يعني مو من حقي متلا
براق .اي ممنوع هالقلب يحب غيري
نيروز .ما خصك فيه
براق .والله بوقتها بعملك اله جراحة بغسلك ياه بعقمو وبرجعه
نيروز .في منك ع تفاح
براق .لا في مني ورد ازا بدك تتشتغلي فيني بهالايدين
نيروز .يالله يعني انا هلا مجبورة اتحمل غلاضتك لك هاد الشغل بدو هدوء ورواق مو نفسية تعبانة
براق .ييي ليش شو متعب نفسيتك يا ام نفسية
نيروز .شوفة حضرتكك
براق .اسمعي يا بنت الناس وحطي عقلك براسك في إنسان حابّك… يمكن أول مرة بحياتي بحس هيك، ولا مرة جرّبت أحب، ومشكلتي ما بعرف كيف عبر صح ولا مرة حكيتها بصراحة، وولا مرة طلعت من تمي بس عيوني دايمًا عليكي، وبحسّك من صوتك، من سكوتك، من أبسط تفصيلة فيكي قلبي ما بدّه شي، غير إنك تعرفي إنو في قلب ما حسّ غير إنو بدّو ياكي… وبس ولأول مرة بقلك ياها بصريح العبارة نيروز أنا بحبك .
حكيت يلي جواتي وطلعت
$$$$$$$$$$$
(نيروز).
هالإنسان بعرف إنو بحبّني وكل أهل الضيعة بيعرفوا،
بس أنا لحدّ هلّق ما بعرف ليش ما بحس بأي مشاعر تجاهه.
يمكن لأنو حبّه كان دايمًا واضح، ويمكن لأني كنت ضامنة وجوده بحياتي
فبطّلت حس بقيمت هالحب هو إنسان جدّي،
كل شي عنده تسميع حكي، من سنين وهو يقول بدّو ياني،
بس ولا مرة عرف يعبّر عن حبّه. اليوم… لأول مرة
قالها بصوت واضح: بحبك
يمكن تأخّر، ويمكن أنا تعوّدت عليه زيادة عن اللزوم،
بس حبه صادق، حتى لو ما بيعرف يحكيه،
قلبه دايمًا سبق لسانه ،ما بعرف يمكن لاني واثقة شو ما اعمل حيضل يحبني .
$$$$$$$$$$$$$$$$
(براق)
اليوم المختار سعيد جمع رجال كبار والهم قيمتهم واجو لبيت عم حسن بعد ما رجع من مشتل نيروز بيقف معها وقت يجيو رجال يجيبو بضاعة لالها .
اجو الرجال واجى معاذ حفيد المختار نادى عليه ورحت وقت وصلو ، اكيد هون من جواته عارف سبب الزيارة ،دخلنا للمضافة وبعد ما قعدنا شوي واخدنا بالخرف
سعيد .يا حسن انت يمكن عرفت سبب زيارتنا الكريممة لبيتك ،وانا يا حسن مش حابب اطلع من بيتك خايب
حسن .جيتك يا مختار انت هالرجال الطيبة على عيني وراسي
سعيد .انا ابو خالد مختار هالضيعة جاي وطالب ايد بنتك المحروسة نيروز لابننا الدكتور براق وانت اكتر الناس علم فيه وبأخلاقه وتربايته كبر وتربى جارك قدام عيونك
حسن .والله والنعم من هيك رجال ،جيتك عزيزة وغالية يا مختار بس بدك ما تواخذني والله البنت ما عم بتوافق واكيد ما بترضو انه اجبر بنتي ع شي ما بدها ياه خصوصي الجواز هي بالنهاية حياتها
وقت حكى هيك وقف المختار وكل الرجال وقفو معه
حسن .وين هيك يا مختار والله ما بتطلع بلا قهوة
المختار .قهوتك مشروبة يا ابو جابر بالاذن
حسن .بس ياا
طلعت وكان اشي جواتي خلص انكسر صعب يتصلح ،كنت قلت زمان انه بالحب ما في كرامة بس انه يوصل فيني لهاد الموقف خلص ،،نيروز انا بطريق وانتي بطريق💔
$$$$$$$$$$$$$$$$
(نيروز)
طلعو الرجال من البيت وكان اخي جابر واقف قبالي وعيونو عم يقدحو شرار
جابر .عجبك الموقف يلي انحط ابي فيه من تحت عنادك
صفية .نيروز انا صح مرات حكيو بقهرني بس بنفس الوقت ما بهون عليه ابوكي ينحط بهيك موقف وبالذات انه الرجال كل المواصفات فيه كاملة مكملة لولا علة لسانو الطويل
كان بابا قاعد عالصوفا حاط ايديه ع وجهو
هالشي عنا مو شي سهل انه يطلع المختار بلا ما يشرب قهوتنا وطلبه مردود
بهاللحظة حسيت بتأنيب الضمير مو كرمال براق ،كرمال الموقف يلي انحط ابوي فيه ،هون ما في صلحة ما في طلبة بيتدخل فيها المختار الا خلص بتكون تمت ومشت لمجرد كلمة من المختار
$$$$$$$$$$$$$$$$
(براق)
جبت المختار وطلبتك باسمك، وصار حبّي حديث الضيعة
أول مرة بحياتي بشوف المختار يطلع من بيت وهو خايب
مش مني… منك، من عنادك اللي ما لان ،يمكن أنا غلطت لما دلّقت قلبي عليكي زيادة، يمكن ما حسبت حساب كرامتي ولا وقفة قلبي، مش لأني ما بعرف قيمتي، بس لأني كنت مفكّر عيونك بتستاهل كل هالتعب، مشيت ضد كل حد قلي اتركها،
وسكّرت أذني عن الحكي، قلت يمكن يجي يوم وفرح عيونك،
وبتضحكلي الدنيا من ضحكتك ،بس واضح…
في طرق ما بنلتقي فيه مهما حاولنا، وفي ناس بنحبهم أكتر ما بيحبونا، وبنوقف عند حدّ الوجع.
لهون وبس.
إنتِ بطريق… وأنا بطريق، وبين الطريقين قلب اتعلّم متأخر
إنو مش كل حب لازم يكمل.
طلعت من بيت ابوها بعد ما حلفت ما يطلعو الرجال بلا ما يضيفو ببيت ابي يليوبعمرو ما تسكرلو باب
وبالليل اخدت أصعب قرار ،ضبيت شنتتي واغراضي كلهم ،دخلت لعندي امي
وفاء .ابني شو بتعمل
براق .الصبح طالع ل شغلي
وفاء .بس لسة اجازتك ما خلصت
براق .امي ما بدي ضل هون هالفترة حابب روح والتهي بشغلي احسن
وفاء .ابني والله كلشي بهالحياة بصير لحكمة
براق . ليش ربنا زرع حبها بقلبي طالما هي مش الي ؟!
وفاء .الله يجبر قلبك يا ابني ويعوضك عوض خير ،الهي ربنا من سابع سما يرضى عليكي
بوست ايديها وعيونها وطلعت هي من الغرفة خلصت ضبضبة واتسطحت وغمضت عيوني بس ما عرفت اغفى ضليت اتقلب لأذن الفجر توضيت وصليت ووقت فاقت امي صبحت عليها
صلت وعملت قهوة شربنا سوا واخدت شنتتي وحملت حالي وطلعت ،خليني اصل بكير بدل ما ينحرق اليوم عالفاضي بستغلو هناك بالشغل .
$$$$$$$$$$$$$$$$
(نيروز)
اليوم ما حبيت روح للمشتل صدقا كنت مكسلنة وهيك مو بمزاجي عزلت البيت وخلصت وقعدت مع امي وابوي برا ،وكان جابر عم يفطر قبل يطلع ل شغله .
انقتح باب بيت جيرانا وطلع تامر وهو نادى عليه جابر .تامر استناني نطلع سوا
تامر .يلا
جابر .براق شكلو سابقنا
تامر .براق ضب اغراضو ورجع للمدينة ما حيرجع
انا وابوي وامي وجابر كلنا اتطلعنا ببعض ، حملت حالي ودخلت لجوا
معقول… عن جد جرحتك؟
وتركك للضيعة هيك؟
عن جد ظلمتك؟ وأنا… وأنا ما قصدت، بس انا ما بحياتي حسيت بشي تجاهك براق 💔بس ليه زعلت ؟ ليه تدايقت وقت عرفت انك رحت معقول ما كنت متوقعة انه ممكن يجي يوم وتتنازل
كنت مبسوطة وانا عم غيظك وبهدلك بس ما حسبت حساب يجي هاليوم
$$$$$$$$$$$$$$$$
(براق)
مر أسبوع وانا بالمدينة وفكري بس بالشغل ، هلق فقت مكسر ناوبت يومين ورا يعض ورجعت ع بيتي يلي هون إرتاح فقت ع رنة المنبه يلي رن مية مرة وطفيتو
أحيانًا العجلة بتكون حلوة كتير لما بصحى متأخر عن موعدي بدقايق بسبب مناوبة ليلية خلتني ما تنام إلا ساعة وحدة
بلبس تيابي، بنضف سناني وبحط أغراضي جوه الشنتة بنفس اللحظة بندب روحي لأني تأخرت وبركض عالسيارة وأنا ماخد فطوري بمشي والبوت مش ثابت برجلي بلبسه جوه السيارة
بسوق أسرع ما فييني لروح ساعد غيري
ساعد مجروح او ساعد طفلة متمسكة بالحياة رغم المرض اللي عم يأكل جسمها الرقيق
او لساعد مرا رح تخلق ملاك صغير لهاي الدنيا الكبيرة
أو يمكن تساعد مسن ما لقي ولاده جمبه بأيامه الأخيرة
قديش حلو هيك الصحوة
لما يكون ثمنه إني احط ابتسامة على وجه شخص عم يتألم
وانسى كل الألم يلي جواتي باللحظات هاي
$$$$$$$$
(بالضيعة)
جنى .ماما ما عم بعرف فك البرادي شوفي كيف ملغمطين بالشكولاه من ولاد بنتك تا يرجع تامر بفكهم
وفاء .انشالله بدنا نستنى تار ليرجع دخلك جيبي هالكراسي لقلك
جنى .وليي بطلعش بخاف اوقع
وفاء .بلاش انا بطلع ها ياارب ،،روحي جيبي علبة نحط فيها براغي الجسر حتى ما يضيعو هون وهون
(جنى)
رحت لجيب طشت صغير من المطبخ للبراغي ، كنت عم بفتح خزانة المجلى وقت اسمعت صوت خبطة قوية وصوت الكراسي متاكدد
ركضت للصالون وشفت شي يا ريتني ما شفته
جنى .اميييييييي
كانت واقعة عن الكراسي راسها ع حفة ايد الكنب المبروزة والدم عم يشر من راسها وتما وانفها شفت هالشوفة واجمدت بأرضي شو اعمل شو ساوي
طلعت من البيت ركض ونسيت البس ع راسي
جنى .صفيةةةةة خالة صفييةةةةة
طلعت عليه من الشباك
جنى .امي امي الحقينييييييي
صفية .شووو فيه
طل عمي حسن
حسن .شوفيه بنتيي مالككك
اجت خالة صفية ونيروز كانت معها
دخلو وانا لسة برجف من خوفي اتصلت نيروز بجابر
نيروز .جابر جيب سيارة وتعى عالسريع انت وتامر خالة وفاء وقعت بسرعةة استعجلووو
صفية .جنى حطس شي ع راسك يسرعةة
اجو ومعهم حازم بسيارتو
قرب حازم وفحص النبض ،ضلت ساكت ما حكى شي
حملها تامر بين ايديه وركب بسيارة حازم وانا وخالة صفية معهم عالمركز
حازم كان عارف وسكت
سكت لحتى ما نسمع منه ونسمع هالخبر من دكتور المركز وقت حكى .البقية بحياتكم💔
متل لمح البصر كيف هيك الموت بيجي وبيخطف اعز الناس بلحظة 💔 ليش احنا انكتب علينا نفقد ابونا بالكانسر وامنا هلق هيك بسبب بالنسبة الي تافه بس الزاوية يلي تحت رقبة امي عليها قطعت اوتار وكسرت عظم💔
وعد كانت بصدمة اكتر مني كانت امي اكتر وحدة مساندتها بالغلط قبل الصح لانها البنت الاولى بعد برباق ومدللتها
$$$$$$$$$$$$$$$$
(براق)
كنت قاعد انا وأمان وصهرو العم هيثم عم نشرب قهوة وقت اجاني اتصال من اخي تامر
براق .اه تامر
تامر .اخي في شي ضروري ارجع ع الضيعة بسرعة
براق .شو فيه
تامر .صعب اخبرك بس حاول تنزل هلق
براق .طيب ماشي يلا سلام
أمان .شوفيه؟
براق .ابصر شو صاير بدهم انزل للمدينة
أمان .بكرا الخميس انا نازل خليك بننزل سوا
براق .بدهم ياني ضروري يلت اسمحولي
رحت ع بيتي بالمدينة حطيت كم قطعة بشنتة صغيرة وبالسيارة وركبت ومشيت
وصلت وكان في تجميع سيارات رهيب بحارتنا صفيت السيارة بعيد ومشيت مشي لناح البيت
وقت وصلت ساحة العم حسن كان في زلام كتير واقفين وبساحتنا نسوان مجمعة وبالنص تابوت ، اختي وعد وجنى قاعدين بحدو وعم يعيطو ، حسيت قلبي صار ببطني ورحلي عم يقصفو ، يارب توقعاتي غلط .
يعني انا مكتوب عليه ادفن ابوي بايدي وهلق ادفن امي 💔
مش مكتوب عليه اتهنى بحياتي
مشيت لوصلت جنب النعش 💔 قعدت ع ركبي بحد خواتي
لو بكيت رح تعود روحك للحياة ي امي ،بموتك وكانه انتزعت مني زهور صدري يلي كانت عم ترتوي بشوفتك 💔
حملت النعش بايدي انا واخي وما انتبهت مين الرابع
بإيدي حفرت القبر 💔 لادفن الروح يلي كانت بسبب ووجود هالروح يلي فيني اخخ يا امي دفنت معك جميع سبل الحياة واندفن قلبي معك ،رح بتضل روحك تعانق روحي ،واشيائك ملجأ حزني ،وفرح ناقص ،وابتسامتي حتكون كذبة ،وايامي رح تكون ثقيلة من بعدك
سكرنا القبر وتسكر قلبي
عزائي الوحيد انني بوست ايديكي وعيونك قبل لسافر ورضيتي عليه 💔
يتبع
(نيروز)
أول مرة بشوف بعيونو بهالحزن… من بعد ما ماتت أمه، ما عاد فيهم أي لمعة فرح، ولا ضحكة، ولا حتى وقت اجت عيني بعينو كأنو كل شي من جواته مات كمان بموتها
ما بعرف ليه زعلت وقت هيك شفت عيونه مطفية
كنت كل مرة شوف حالي بعيونو ، وشوف لهفته عليه
اول مرة وقت بلمحه بزعل وبحس شي جواتي مخنوق لانه ما شفت نيروز بعيون براق
معقول شالني من باله ؟ لي شاغب بالي فيه؟ معقول هلق وقت هو بلش ينساني أنا حنيت ؟ حنيت لحبه الي ؟ حنيت لكلامه ومناقرتو الي ؟ معقول كنت حابه وماني معترفه وماشية ورا عقلي وعنادي ؟
$$$$$$$$$$$$$$$$
(براق)
بعد ما خلصو ايام العزا عزلنا البيت وضبضبنا منيح وقعدنا انا واخواتي وصهري
جنى .اخي بدك تتركنا هون لحالنا وترجع
براق .لا رح اخدكم معي
وعد .لا شو تاخدهم وانا تتركوني هون بدون حدا
براق .وعد انتي عند جوزك ،ما فيني اترك جنى وتامر لحالهم
جنى .براق ليش ما انت تضل هون ؟ يعني هناك نحن ما بنعرف حدا ورح نحس حالنا غرب ونحس بوحدة اكبر عالقليلة هون في النا جيران وصحاب واختي يعني هالشي احسن
براق .ما بقدر اترككم وروح اختي انتو امانة برقبتي لتتزوجي وتامر كمان
تامر .اخي تعى واشتغل هون بالمركز ،كم مرة عرض عليك المختار ومدير المركز اصلا هو مشفى صغير مش مركز والله
حازم .وانا من رأيي تامر يا براق هيك احسن الك ولأخوتك
براق .خلوني فكر
حازم .اادم خلص اقعد واهدى
$$$$$$$$$$$$
تركتهم وطلعت اتمشى بالضيعة ،كل ما حدا شافني يعزني اخخخخ مش عارف ترك شغلي هناك واجي هون ولا اخدهم بس الظاهر همي مو حابين وهداك المكان رح يزيد وجعهم بغربتهم
مشيت ومشيت ومشيت وعيوني بالأرض وتايه
ما بعرف كيف رجليه اخدوني لهناك
لقيت حالي ع باب المشتل
كانت واقفة عم تزرع ورد صبار بقواوير فخار
مشحت وجهي بايدي واتنهدت ،كنت لاف بدي إمشي وقت سمعت صوتها .براااق
اول مرة بسمع اسمي بهالطريقة بصوتها… ما كان صوتها صوت عتاب ليش جيت لعندها ، كان هادي قلبي صار يخفق بقوة، لهفة وخوف بخلطه، وكأنه سكاكين تغرز جواته، وكل خفقة بتحرقه بنفس الوقت خوف من انه ارجع لقبل ويرجع عند الأمل انه.نكون سوا وبعدا يتكسر الأمل ويتحطم قلبي اكتر من هيك ،قلبي ما عاد فيه حيل بكفي خسارة ابي وامي وخوفي ع اخوتي وبالذات جنى لانها بنت
لفيت راسي كانت مقربة ناحي
نيروز .برااق
براق .نعم؟
نيروز .ما رح اسالك ليه جيت بس ليه لفيت بلا ما تحكيني
كنت بحالة ذهول من سؤالها
براق .ما عندي جلد للاخد والعطى
نيروز .براق
براق .ايوة!
نيروز .لساك بتحبني ؟
هالسؤال صدمني اكتر
براق .شو بتفرق معك يعني هه
نيروز .كرهتني من بعد ما طلع المختار من بيتنا
براق .حياتك وانتي حرة
$$$$$$$$$$$$$$$$
(نيروز)
وقت حكالي انتي حرة حسيت بوجع جواتي ، صح ما كنت بدي ياه بس وقت حسيت انه ماعاد اعنيلو شي حسيت وكأني خسرت شي مو عارفة ايش هو
ما بدي يبطل يحبني ما بدي يتركني ما بدي يوقف تحركش فيني
وقت تنازل هو انا هون صحيت لحالي ويلي حكى ما بنحس بقيمة شي الا لنخسره
انا هلق حسيت بقيمته
لاول مرة بتكون اللهفة بعيوني مو بعيونو
نيروز .ما عدت تحبا لينروز ؟
براق .نيروز شو بدك ؟ بدك ترجعيني اسير لحبك وتكسري قلبي ؟ بدك تشمتي خلق الله فيني ؟ اديمكن الفترة قصيرة بس بهالفترة انا وعيت ع حالي ما عدت امشي ورا قلبي يلي رح يذلني
نيروز .براق
براق .احكي ؟
نيروز .ما بدي اكسر قلبك ولا اجرحو بسس
براق .هه بس ! بس ما فيكي تحبيني مو!
نيروز .بدي ترجع براق يلي كان يحبني
براق .هه لحتى تشبعي غرورك صح! وتددلي ع حساب وجعي مو؟
نيروز .لا ، براق انا كنت ما واعية لشي بس وقت بعدت حسيت وكانه شي نقص من يومي
براق ....
نيروز .ارجع براق يلي كان يحبني
براق .هالشي صعب
نيروز .بهالسهولة نسيت حبي
براق .يلي بحب ما بنسى بس بخاف يرجع يعيش نفس الشعور ونفس الوجع
ما بعرف من وين اجتني قوة القلب وما خفت ،هالشي كان غلط وكان عيب وقبل كل شي كان حرام
كان واقف قبالي ما بعرف كيف بلحظة حضنتو بكل قوتي ونزلو دموعي ،حسيت الدنيا كلها وقفت ، قلبي صار يرقص ولهفة ،وكل خوفي صار بين ايديه ،وكأني بلحظة وحدة صرت بأمان وما بدي هالحظة تنتهي ،حست ع دقات قلبه عليت
بعدني عنه بهدوء
براق .شو عملتي انتي واعية شو عملتي
نيروز .براق انا كنت ماشية ورا عنادي بس ما حسيت غير وقت بعدت ، براق انا حبيتك
$$$$$$$$$$$$$$$$
(براق)
كتير تمنيت اني اسمعها وهي تحكي هيك بس ما توقعت انه يجي هاليوم كان قلبي يأسان وفاقد الامل
ما توقعت يجي هاليوم وبهاي اللحظة وبهاي الطريقة انها تيجي بكامل إرادتها لحضني
قد ما حبيتها بس ولا مرة تمنيت حضنها بهاي الطريقة بلا ما تكون حلال
براق .انسي نيروز نحن مو لبعض
نيروز .ليه مو انت بتحبني وكنت مستني حبك انا كنت مو مدركة ما كنت واعيه كنت معندة وماشية ورا كبريائي وما غير رأيي واسمح انه نكون سوا
براق .اههخخخخ
نيروز .شو المانع هلا من انه نكون سوا؟
براق .نيروز
نيروز .شو بدك احكي
براق .وقت تحكي وتكوني متأكدة من حكيك وواثقة من كل كلمة بتحكيها مو شفقة وقتها بتحكيني وما بكون في مانع نكون سوا
نبروز .شوو شفقة لك عم قلك حبيتك وبتقلي مو متأكدة
براق .اقعدي مع حالك وفكري منيح ووقت تكوني مأكدة من مشاعرك وقتها بتخبريني هلق تعبان عنجد ،،سلام
$$$$$$$$$$$$$$$$
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`