الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم ما بين الغضب والهوى`*
*❴🔢❵الـــبـــــــــــ❴1️⃣+2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
لم أحبّكِ لأنكِ جميلة، ولا لأنكِ تشبهين أحلامي…
أحببتكِ لأنكِ كسرتِني دون أن تمسّي كرامتي.
كنتِ المرأة التي لا تطلب، ولا تنتظر، ولا تضع قلبها على الطاولة كهدية.
كنتِ تعرفين أن الحب ليس وعدًا، بل مخاطرة.
دخلتِ حياتي بهدوءٍ غريب، كأنكِ لا تنوين البقاء، لكنّكِ أخذتِ كل شيء.
أربكتِ ثباتي، فضحتِ ضعفي، وجعلتِني أشتاق حتى وأنا بجانبكِ.
أحببتكِ لأنكِ قوية… قوة لا تصرخ، ولا تحتاج إثبات.
امرأة تعرف متى تقترب، ومتى ترحل، وتجعل الرحيل أشدّ قسوة من البقاء.
كنتِ تعرفين أنني أخاف الحب، ومع ذلك… لم تطلبي مني الاطمئنان، تركتِني أكتشف وحدي أنني حين أفقدكِ سأفقد نفسي.
لم نتشابه، ولم نكن سهلين، لكننا كنّا حقيقيين.
وهذا وحده كان كافيًا
ليكون الحب بيننا… مُرهقًا، عميقًا، ولا يُنسى.
إن سألتني يومًا لماذا أحببتكِ،
سأقول: لأنكِ لم تحاولي امتلاكي، ومع ذلك… صرتِ الشيء الوحيد الذي لا أستطيع الهروب منه .
(براق)
كتبت هالرسالة ولفيتها ع حجر ورميتها عندها وهي عم تنشر غسيل ..ييي العما اجت بنص راسها مهي من الله شاطبة كيف هس مع هالضربة
ضليت واقف مكاني عالاسطوح لشوف شو حتعمل
رفعت راسها واتطلعت فيني زورتني شالت الحجرة ،شفتها عم تقرا الرسالة وتتقشمع ما عاجبها العجب ست بدور
والله لنتفلك ياه يلي ناتعتيها بين كتافك تنتيف بس لتصيري بين إيدي متل ما نتنفي الورقة حسبي الله خمس ساعات تا عرفت اكتبها
حملت حالي سكرت باب الاسطوح ونزلت لتحت
وفاء .شو كاين تعمل عالسطح بهالبرد
جنى .تلاقيه بتفرج ع الست نيروز من صبحية الله
براق .امي سكتي بنتك لا خربطلك واجهة وشا وما يعود حدا ياخدها وتكبسيها مخلل
تامر .يا فتاح يا عليم
جنى .يا زراق ويا كريم
تامر .يعني الواحد بعرفش ينام عندكم قد ما بتحكو وانت لليش بتصبح تخابط بباب الاسطوح حسبي الله بس فيك
جنى .له له وكيف ما بدو ما يشوف حبيبة القلب ولك ياريتها معبرتو
براق .اخرسي جنى
وفاء .امي يعني لمتى بدك تضل تحبها وهي جد يعني لا تزعل مني مو شايلتك من أرضك ع شو شايفة حالها ما بعرف
براق .والله تحيونت وحبيتها وبدها تحبني
تامر .مهو الحب بالزور يعني
جنى .لك المصيبة هو ما بعرف شو يعني حب ولا بعرف يحب دجني دجتك العافية ،هديك لمرة بقلها بدك تحبني لا انهيكي من الدنيا
تامر .عزييين قرود اذا هالحكي صحيح
براق .انا هيك انضربت ع ئامتي وعشقتها وان قالت إيه وان قالت لا مش رح تاخد غيري
وفاء .لا اله الا الله لك ابني كم مرة حاكوها اهلها ما بدهاا ياك استوعبب
براق .والله ان بتزودها بخطفها
وفاء .ولييي وليي بدو يفضحنييي لكك بدو يخلي سيرتنا ع كل لسان
تركتهم وفت ع غرفتي بدلت تيابي وطلعت
وفاء .لك امي وين رايح
تامر .اتركيه اكيد عند الخيول
وفاء .يلي قدك بربو ولاد مو خيييول
كنت عم بلبس بسطاري وقت قلتلها اي جيبيلي امهم لجيب لولاد
جنى .اخترلك شي بنت منيحة وبنزوجك
براق .ليكها برا عم تنشر غسيل
وفاء .لا اله الا الله
براق .ليكون بعلمك غير نيروز ما بجبلك كنة يلا سلاام
طلعت من الباب سكرتو ووكنت لسة بساحة البيت يلي شبه لاقطة مع ساحة جارنا عم حسن
كان قاعد يشرب قهوة وهو مرته صفية المشتفية عم تشمت فيني لانه بنتها عم اعجز وماقبلانة نتزوج
براق .صباح الخييير ختييياار النحس
حسن .الله لا يصبحك بالخير يا وجي النحس هيك بتحكي معي وبدك اجوزك بنتي
براق . بس تجوزني ياها بتصير ختار البستوني او الكبة بتطور احوالك عندي
صفية .اخرتني صير حماتك ما تحلم
براق .والله نيالك على هالصهر حماتي من هلق محضر حالي لكيد الحموات
حسن .طب يلا درمل من هون بسرعة
براق .بأمر عيونك حماي الغالي
$$$$$$$$$$$$$
(ببيت حسن)
صفية .والله يعني مش عارف شو قول مضلش حدا بالضيعة الا وعرف بحب السيد براق ل نيروز وماعاد حدا هوب ناح بيتنا وطلبها البنت طبقت 23
حسن .ليه فكرك بعطيها لغيرو!
صفية .شو بالغصب بنتك ما بدها ياه
حسن .اخرتها بتعرف الصح
صفية .وطوشك انت وياه يلي بسمع بقول مانك طايقو
حسن .لا بحب غيظو
صفية .والله قد ما بستفزني بكون نفسي خطبها لاجلطو
حسن .هههههه طولي بالك ي حجة الشب محترم طول عمرنا الباب عالباب ويلي يتعرفه احسن من يلي ما بتعرفو
$$$$$$$$$$$$$$
(نيروز)
ما بعرف شو عاملة شي بحياتي لحتى غضب ربنا وسلط عليه هاد الهمجي ليحبني 🤦🏻♀
من بين كل بنات هالضيعة ما لقي غيري يبلني ، من وقت كنت صغيرة ودبقني هديك الدبقة العاطلة متل القرادة يلي بتعلق التياب
المصيبة كل اهل الضيعة صارو يحكو براق لنيروز ونيروز لبراق وهو سايق فيها
خلصت شغل بيت لامي ولبست فستاني وشالي وشنتايتي وطلعت لبرا
نيروز .صباح الخير لاحلى ام وأب
حسن .صباح الخير بنتي
صفية .شو ع المشتل
نيروز .اي امي بدي روح اتفقد الزرع مبارح كنت تعبانة وما رحت
حسن .كيف امورك ماشية
نيروز .اي بابا وعم يجيني طلبات من الضيع التانية
صفية .بنتي والله ما حاببلك كل هالشغلة بنت حلوة متلك تقعد بالبيت وتتستت
نيروز .بدك طق بين هالحيطان خلص ليكني عزلت البيت وما عليكي غير الطبخ حاككم الاكل ما بيتاكل غير من نفسك الطيب
صفية .الله يرضى عليكي حبيبتي
نيروز .يلا انا رايحة سلاااام
كنت عم اتمشى متل فراشة طايرة ،كيف ما بدي انبسط وانا رايحة لاكتر مكان بنتمي لالو ، المشتل يلي كان حلمي وعم ازرع فيه كل الورود يلي بحبا ،ما في نوع الا وجبتو وزرعتو هدول الشتلات متل ولادي بحبهم ومسميهم أسامي خاصة غير اسمهم العلمي ، وكل وردة الي معها قصة وزكرى اوووخ محلا ريحة الورود
$$$$$$$$$$$$$
(براق)
حياتي كلها عشتها كرمال امي واخوتي حملت مسؤوليتهم ع بكير بعد وفاة أبي يلي كان عم يعاني من الكانسر ، تعبت ع حالي واشتغلت يس كرمالهم انجبرت عيش بالغربة وما اجي عالضيعة لحتى صرت من إكفأ الجراحين ، عرفت داوي كتير قلوب وانقذهم من الموت ،الا قلبي 💔
ومتل ما بغني عموو وسووف
طبيب جراح قلوب الناس اداويها
وياما جراح سهرت الليل اداريها
شافوني قالوا متهني .
من كثر الفرح بيغني
تعالوا واسألوا عني انا اللي بيّ جراح
اطباء الكون ما تشفيني ..
قلبي يلي ما حب غير مصيبة فعلا مصيبة ، مصيبة وصابتني وما عاد قدرت اطلع منها ، من وقت كانت صغيرة وتيجي لساحتنا تسرق الوردات وتخرب منظرهم لامي ، من وقت كانت تضل تقلي تف عليك انت زنخ ، كنت اضحك عليها وعبرائتها لوقت خلصت دراسة ورجعت عالضيعة وشفتها متفجرة بالأنوثة والبراءة هاي متحولة لشراسة وقوة ، لساها بتحب الورد وعاملة مشتل ورد صغير ،ولساها عم تشوفني الشب الزنخ يلي كان يكنفش شعراتها البرتقاليات ،يلي رح ارجع كنفشهم وقت ما تصير حلالي
وصلت اسطبل الخيول يلي خليت اخي تامر وجابر يعمروه كرمال وقت اجي عالضيعة ملي وقتي بين هالخيول العشق
جابر .اهلا وسهلا
براق .اهلين فيك شو الوضع
جابر .كله تمام ، بس الخيل بده طعمه وما بقيان كتير
براق .اليوم بتروح انت وتامر بتجيبو شو صار اجى الشب يلي بدو يشتري الخيل أرمق
جابر .اليوم المسا بدو يجي
براق .خلي حازم يفحصو ونتطمن قبل ازا اتفقتو عالبيعة
جابر .ولا يهمك يخوي ،، انت شو وضعك متى خالصة اجازتك
براق .لسة باقي أسبوعين
اتنهدت وقعدت ع كومة القش وهو عم ينظف تحت الخيول
جابر .شو هالتنهيدة هاي بتطبخ طبخة
براق .لك اختك متى رح بلين قلبها ؟ والله فطست كل مرة باخد اجازة بقول يلا بلكي هالمرة زبطت ورجعت متزوج
جابر .والله اختي عنيدة ووبنفس الوقت ما بنقدر نجبرها يعني الشغلة مو بالغصب
براق .اخخ منه راسها نفسي جيب طورية وكسرلها ياه
جابر .مهو برضو انت مش منطقي يلي بحب بغير اسلوبو
براق .انا هيك شو بدك من واحد قضى حياتو بين الكتب والدراسة
جابر .البنت بتحب يلي بكون لطيف معها وانت اكبر قدر ثور ومكتر
براق .هاد يلي عندي
جابر .اي وهي هيك ما حتحبك
براق .اجرها فوق راسها بدها تحبني تطلعش خلقي بكفينيش امك عم تشمت فيني
جابر .ههههههههه والله امي مو طايقيتك عفكرة
براق .اي بعرف وعم تعبي براس البطيخة اختك
جابر .طب احترم مشاعري وانت تحكي
براق .ها شرف حازم افندي
حازم .ابن حماي هون
براق .وليش متاخر عن الشغل بالله
حازم .تا سمحتلي اختك اطلع
براق .ولاك ابو بدر ليش مين الرجال انت ولا هي بالبيت
حازم .عاساس انتو ولاد أشرف بفرق معكم زلمة ومرا صلاة النبي كلكم زلام بالعيلة حتى جنى يلي لسة ما فقست من البيضة عشر رجاال ما بطلعو معها براس
جابر .سكر تمك وخلصني شمر وبلش شغل يا دكتورنا العظيم
حازم .ما بعرف اني دكتورك شكلك انضميت للحيوانات عن جديد
جابر .هس بنعف الزبل بوجهك خلصني فوت شوف شغلك افقد أصيل كان وضعو مش بزيادة مبارح
حازم .براق بعرف انك صاحب الشغل بس يعني لو سمحت عمللنا فنجنان قهوة او عين واحد يصير يعمللنا
براق .بتخلي اختي يلي حضرتك متزوجها تعملك براد وبتجيبو معك خدام عند يلي نفضك انا
حازم .والله لو بتزوجو نيروز ل تكون ظالمها للمخلوقة
جابر .عاساس هي قبلانة فيه يعني 😂
براق .كلو هوا واشتغلو
$$$$$$$$$$$$$$$
يتبع
(بيت أشرف ابو براق)
جنى .شو اختيي لليه جاية صبحتي
تامر .انا مش فاهم شو فوائد الاخت المتزوجة جد
وعد .اخرسو بيت ابي هاد
جنى .لا فوائد.ولا ما يحزنون بتيجي هي وقرودها بنكتو البيت والخدامة جنى تنظف ليك ليك صارو بنطو عالكنب انزلوووو
وعد .اوووخ ماما جاية ريحلي شوي والله هلكانة
وفاء .جنى تحملي خطي اختك تعبانة
جنى .امي وانا تعبت وانا عم عزل شووفي كيف اتسطحت
تامر صار يدق عالطاولة ويغني .بدها خدامة تخدم عليها تناولها المية ولوح الصابونة😂
وعد .لا تناولونيش لا مي ولا صابون ، تركوني نام
وقفت بحدها جنى مخنصرة .وولادك يا خانم
وعد .جنى بحياتك والله عم بهلك ونا ربيهم تعبانة
جنى .اه الصراحة واضح كتير انه عم تربي واضح تربايتك مبينة اختي ليكي صارو عم ينكشو بخزاين المطبخ
وعد .اوووف خلص بدي نام ما بكفيني نق حازم
وفاء .ولي وعد منيح اارجال متحمل طولة لسانك وقردنة ولادك ما تضبطيهم
وعد .امي حرام بنكسر قليهم لازم يفرغو طاقتهم ويعشو طفولتهم هاد دليل الذكا امي
تامر وهو عم يلبس جاكيتو .اختي يفرغو طاقتهم ببيت ابوهم مو عنا
وعد .حاج من وقت جيت بهادل لنشوفكم.وقت تخلفو
تامر .ياريت مأثر فيكي ممسوحة كرامتك عالاخر وحدة غيرك حملت حالها ورجعت لبيتها صح جنى؟
جنى .اي لازم تخجلي وتروحي
وعد .ما خصكم بيت ابوي
جنى .والله لو شرشحناها ما رح تقوم طل كيف مريحة حالها كيف بدها تضيع فرصة انه الخدامة جنى تلحق ولادها وهي تنام
وفاء .خلصونا بقى ،تامر الحق براق لا يعملك عرس وانتي ولي روحي لحقي ولاد اختك لا يهدو البيت ع روسنا
جنى خبطت رجلها بالارض وحكت .اوووف ياارب اتزوج بضيعة تانية بعيدة لحتى ما شووف وعد وخلفتها
جنى .ولك ادم ولكك ايهم شو بتعملوووو ليش منزلين ااطناجر عالارض
ادم .عم نعمل عرس
جنى .الهي بحضر عرس ابوك جكر بإمك انقلع انت وياه بسرعةةةةة برا المطبخ
$$$$$$$$$$$$$$$$
(بالاسطبل)
جابر .ها شرف لك الدكتور اجى بكير وانت ليه هلق جاي
تامر .ولك حازم كليوم بدي اتصبح بولادك
حازم .هههههههههه شفت ما أهداهم
تامر .اه كتيير كتير لدرجة انه البيت عم يهز من صوت صراخهم
حازم .ههههههههه مرتي نامت المهم وارتاحت
براق .وعد عنا
تامر .اي جاي تريح عنا اليوم🤦🏼♂
براق .وانت ليش مزعوج بيت ابوها بتيجي وبترتاح وبتعمل شو بدها
تامر .لك ولادهم شياطين
حازم .طالعين لخالهم تامر
براق .عيب ولا تامر اختك هي وحتى لو بصيرش تحكي قدام هاللوح جوزها
حازم .هههههههههههه ضحكتني عاساس مش عارف خلفتي وانه مرتي بتروح تنام عند امها
براق .اي وازا بيت ابوها ما انفتح كرمالها بيت مين بدو ينفتح
حازم .ههههههه براق الاخ الحنون ،والله جد.هي مبارح هلكت مع امي كان عندها عزومة ومع اييهم وادم رح تجن
جابر .تاركيني هم نظف وبتطقو حنك
تامر .تلفون المكتب برن رح روح شوف
جابر .يمكن هاد حسان ازا هو خبرو اني حضرتلو الفرس والحذاوي راكبه وينتا بدو يستلم
براق .اي فرس بدو يشتري
جابر .رُمال
براق .فحصها حازم
جابر .اه شو دكتور
حازم .لا هيني رايح افحصها
$$$$$$$$$$$$$$$$
(نيروز)
نيروز .اي اخي شو طلبك
بدي قوار كبير تنسقيلي فيه اكتر من نوع
نيروز .شوف هالانواع الوانهم قريبة درجات مختلفة مع شوية خضار ووردة المسبحة نازلة عن الجنب بتطلع فخمة
اي بصير
نيروز .شو لون القوار
أبيض بتوقع احلا
نيروز .بتحب نحط منظر دبابيس فراش او فطر
اختي ما بفهم بالقصص هاي انتي نسقيه ع ذوقك
نيروز .تمام فيك ترتاح هون لحضرو
اوخ شو بحب الورد يلا رح حطلو ككمان صبارة صغيرة قدام
$$$$$$$$$$$$$$$$
(براق)
تركتهم عم بشتغلو طالما قاعد معهم بضلو يخرفو ،اخدت حصاني براق حطيت السرج وركبته وصرت اتفتل بالضيعة
كانت مضافة المختار مفتوحة ،نزلت ربطت الحصان قريب ودخلت عنده
براق .السلام عليككم
المختار سعيد .وعليككم السلام شو الدكتور براق منور الضيعة
براق .كيف الحال مختار
سعيد .تفضل نكسبك بفنجان قهوة
قعدت عااكرسي مقابيل مكتبو
سعيد .هات احكي عن اخبارك كيف شغلك هناك
براق .الفضل ل الله شغلي ماشي تمام
سعيد .ما بدك تحن ع ضيعتنا وتشتغل بالمركز هون لك ازا شهم صار يشتغل هون بقسم الأمن
براق .هناك مشفى وشغل طوارئ وهاد النوع بحبو هون رايق
سعيد .انت غلطان ابني من وقت اتطور المركز وفتحنا اقسام وصار في قسم عمليات ماعاد حدا طلع تعالج برا
براق .والله من سنين ما زرته ما عندي علم بهاد التطور
كنت هم شف شفة قهوة وقت دخلو شب وانصدمت انه بالضيعة عنا
أمان .براااق ؟!!
براق .أماان الغالي لك وين ايامك يا عمي لك شو عم تعمل بضيعتنا
أمان .وككك انت وين ايامك لا حس ولا خبر هاي ضيعتك؟
براق .لك شو الك شغل هوون اي ضيعتي هي
أمان .والله الهوى رماني وجيت هون
براق .هههههههه اووه وبنت مين سعيدة هالحظ
سعيد .بنت ابني مروان يا براق وانشالله بكرا العرس اتفضل
أمان .بتشرفنا يا غالي
براق .ييي ريتو الف مباارك
أمان .شد حالك عقبال عندك
سعيد .هههه براق قصته عويصة الظاهر رح يصيبو متل المختار ويخطفها
أمان .له له ليش ،اسمع ع كل حال انا هلق مشغول عشان تحضيرات العرس هو عالديق لاني رح ارجع كمان كم يوم عالمدينة ،بس بحياتك تجي جراحي الغالي
براق .ولا يهمك يخوي
طلع أمان وضليت انا والمختار سعيد
سعيد .من وين بتعرف امان
براق .اتصاوب كزا مرة بمهماته وكنت اشرف على علاجه
سعيد .شو صار معك انت مرق عليه حسن من كم يوم
براق .شو قلك
سعيد .الرجال والله شاريك ورايدك بس بنفس الوقت ما بقدر يجبر بنته
براق .اخخخخ بسس
سعيد .الا ما تفرج حاكم هالضيعة شهدت قصص حب وكلها انتهت بالجواز
براق .والله قصتي مالها حل مع كبر راس بنت العم حسن
سعيد .شبك ولوو اتفائل هالضيعة لازم نسميها ضيعة العشاق قد ما بصير فيها قصص
براق .هههههه اخخ الله يكملها معي وتصير فعلا قصة عشق مو قصة فراق
سعيد .بتهون بتهون
براق .يلا اسمحلنا مختار
سعيد .بكرا لا تنسى تفضل ل عرس أمان
براق .انشالله
$$$$$$$$$$$$$$$$
(نيروز)
كنت عم نظف الطاولة بعد ما خلصت طلبيتي الا بيدخل شب مهيوب
أمان .السلام وعليكم
نيروز .وعليكم السلام أخي تفضل كيف بقدر ساعدك
أمان .بتصصمو بوكيهات وروود
نيروز .إيه أكيد
أمان .متوفر كمان كتابة ع وشاح بدي حطه ع وجي البوكيه
نيروز .اكيد انت خبرني طلبك وانا بنسقلك ياه
أمان .بدي بوكيه ورد جوري كبير أبيض وزهر وعليه وشاح أبيض مكتوب عليه يا سكن النفس ومأمنها
نيروز .خلص تمام انشالله ،هلق بجهزو بس بدو شوية وقت
أمان .لا لا بدي ياه بكرا ع الساعة 3 بالضبط
نيروز .تمام ولا يهمك
أمان .متوفر خدمة التوصيل
نيروز .اذا بضيعتنا هون إيه برا ضيعة لا والله
أمان .اي اي هون بيت المختار سعيد
نيروز .خلص تمام بكرا ع 3 بكون عندك
أمان .كم الحساب
نيروز .وقت تستتلمه
أمان .شكرا الك ويعطيكي العافية أختي
الحمدلله اليوم كان في طلبيات كتير الحمدلله ياارب يكبر مشورعي اكتر هههههه والله اخي جابر لينجلط عم شغلو توصيل بكرا ليصير ياخد مني عمولة😂😂
$$$$$$$$$$$$$$$$
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`