الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سر اللوحة`*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#سر_اللوحة
#بقلم_كنانة_غميان
#الجزء_الواحد_والعشرون
القبطان: جربوالفتحات ..
لأصلع: اي فتحات يا معلم ؟مافي شي هون
سعيدة جربو فتحات الجمجمة
القعقاع : كيف يعني ؟
شوف هنيك عند الأنف والأذان ..وهنيك تحت عند الرقبة ...وعند السنان ..شوف كيف كاملين ماعدا وحدة من قدام ...مبين كل وحدة من هالجماجم إلها مفتاح
نبيل : ههههه معقول
القعقاع :عم يتفرج
الأصلع: شو رأيك معلمي
صرخ ابو الجماجم: يلا مابدها سؤال جربو بسرعة
القعقاع مسك وحدة ..وحطها بأذن الجمجمة عند فراغها .وظبطت ....ومسكت التانية سعيدة بالأذن اللي مقابيلها كمان ركبت ..وحط وحدة بأنفها القبطان عند الفتحتين..وكمان وحدة للفتحة اللي جنبها ...
نبيل هدول التنتين مدورين ...
سعيدة أكيد للعيون
نبيل : اي ...صح ....ركض نبيل حط ووحدة بعينها للجمجمة لأن مجورة لجوا والعين التانية كمان..
أبو الجماجم : وهي الجمجمة الطويلة السابعة وين بدها تقعد ؟؟؟؟
القعقاع: السابعة بتقعد عند سنها المقبوع قدام ...يا أبي شوف شلون
انحطت كل الجماجم ....وقعدوا ينتظروا يصير شي حركة ...هزة ...
سعيدة والكل قعدو عم يطلعو ببعض عم يستنو شي ...بس ماصار شي ....
أبو الجماجم عصب : ليش مافتح المكان السري......لك ليش مافتح ؟؟؟؟
سعيدة: أنا مستغربة باندى
من شو ؟
أنو ليش سقف هالجمجمة ألماس ...وارضيتها كمان ..ما بتحسي في شي؟
ندى: متل شو ؟
سعيدة: مابعرف ...بس مستغربة يعني
القعقاع: غريبة ..لازم يصير شي هون .....
ابو الجماجم : أنت متأكد يا قعقاع أن هدول هنن المفاتيح ...متأكد مو ناقص شي ...تذكر
القعقاع: يا ابي عم أتذكر شغلة
شو هية ؟؟
انو نحنا وقت استنينا الأمير ليجي ...ماطول ....يعني رجع بهل السرعة !!!!
الأصلع: شو قصدك ؟؟؟!!!!!
قصدي هو راح ليدفن غراضو ....وبعدين رجع بسرعة ...قلت لحالي معقول لحق يدفن كل الذهب بسرعة هيك ...
سعيدة: هاد السؤال اللي كان لازم تطرحوا من زمان
أبو الجماجم : شو قصدك يا بنت
سعيدة: أكيد ناقصو شي للامير حتى رجع ....
أبو الجماجم: أنا فكرتو دفن الذهب وكل شي...لأن رجع خاوي اليدين
القعقاع: صح هو رجع بأديه فاضية ...بس ماعرفنا ليش رجع أصلا ....وأنا كمان فكرت أنو دفن الذهب ...بس الذهب ليكو هون ..ما اندفن منو شي .....يييي رح يطق عقلي ...حدا يفسرلي شي....بفتح هالراس الفاضي ...
سعيدة: قال يعني راسو مو فاضي بنوب ....
أبو الجماجم واللي معو قاعدين عم يحاولوا يفكو هاللغز وماكان ينفك ...الأمل فقدوه ...وابو الجماجم مو ناوي على خير إذا ما ظبط شي .......مرر الوقت بطئ كتير وهنن عم يحاولو بس عبس ماصار شي .......ولما صار وقت العصر وعند وقت غروب الشمس ....صار شي غريب
ضو الشمس عكس من النهر لسقف الجمجمة ..لسفلها ..وسط إعجاب وذهول الجميع ..حتى عيون الجمجمة برق لبرا ....
سعيدة: أخ يا عيوني ..ماعاد شفت فيهم ...
القعقاع: كاني بين ملبون نجمة مو معقول كيف انقلب هالمكان من عتمة لشمس بمعنى الكلمة
الأصلع حط راسو بقلب العين : ههههههههه ...
ندى: صار الجو شوب هون
سعيد اطلعت ع الأرضية مع القعقاع لمحوا خيال .....
ركض لعند أبو الجماجم : صح أبي تذكرت شغلة
شو هية احكي شو ؟
كان في تفاحة
تفاحة شو يا ابني ..جعت؟؟؟؟
لك تفاحة ذهبية بغرفة الأمير مع كتار ملونيين
أبو الجماجم : شو يعني هالحكي
نبيل :ولي ...رحنا فينا ...بدنا نرجع ندور بالسفينة وخود بقى كم يوم لنروح وكم يوم لنرجع ...ونلاقي أضحية بالروحة وبالرجعة كمان ..كتير ضمنان رقبتي أنا
سعيدة ملبكة : معقولة اللي معي تفيدهم بدهم يطلعو بخوانيقي هلأ (نادت)يا قعقاع
..نعم...شو بدك ؟
شوف شو معي بتفيدكم شي ؟؟؟
وطلعت سعيدة من فتحة قيثارتها المدورة تفاحة
القعقاع: شو هاد ؟؟؟(استغرب): شو جابها لأيدك هي ؟؟؟
سعيدة: كنت حابة آخد شي لذكرى ..بس مابعرف إذا كانت هي اللي عم تستقصدوها ؟شوفها ما بتفيدكم ؟؟!!!((راح ضو الشمس من الغرفة وغربت ))
القعقاع: أي ..ممكن تفيدنا بس !!!
أبو الجماجم : وشو بدها تفيدنا يا قعقاع ؟؟؟وين بدنا نحطها طيب ؟؟؟
سعيدة : شوف ...أكيد هون مطرح الخيال اللي شفناه (حطتها سعيدةبمكانها ....واتسكر عليها لتفاحة بلشت تهتز الجمجمة أمام ذهول الجميع......وانشقت من نصها من ارضيتها .......وبين فيها كل شي من ذهب ومصاري وأموال رهيبة ....كان ابو الجماجم بعقل وجمجمة..طارت الجمجمة صفي بلا عقل من هالمنظر ..صار ينط فرحان : هههههههه ياعيني وصلنا أخيرا ههههه...
القبطلن : كان معك كمالة المفتاح طول هالوقت ومالك خبر
منين بدي اعرف ؟؟؟!!
أبو الجماجم: ....بتعرفي بدي أقتلك بس من بعد هالشوفة هههههه خلص عفوت عنك هههههه
الأصلع: ولي شوهاد الذهب هااااد رح يكفينا لود ولدنا .....
القعقاع: أبي : مارح نقدر نسحب كل شي
أبو الجماجم : ليش شو مشكلتك
القعقاع: أبي شوف ..في جسر من العظام هنيك والمسافة طويلة مارح نقدر نمرر بهيك وزن ..
القبطان: وأنا مع كلام نبيل
نبيل: والحل ؟
أبو الجماجم : شو رأيك نجيب السفينة
نبيل: سفينة ملوك البحار ؟؟؟
أي لازم نروح ونجيبها لهداك النهر ...ساعتها فينا ننقل كل هالشغلات ....
نبيل: بس كيف يا ابو الجماجم :؟؟؟
أبو الجماجم: مابعرف ..عم فكر
القعقاع: منزتهم زت من فوق لتحت ...عن طريق العين ....
الأصلع: طيب هلأ شو
القعقاع: هلأ لازم نرجع ...
ابو الجماجم: نعم ؟؟؟؟
القعقاع: هاد الحل الوحيد يا ابي ...لأن إذا زتينا الغراض من فوق هيك يمكن يعلقو بالشجر ..او يضيعو ...لأن المسافة بعيدة لتحت ...و(انحس بهزة أرضية )
سعيدة : يا أمي يا أمي ....
القعقاع: مو لقيناه هالجزيرة ...كأنو مافي وقت معنا ...
أبو الجماجم : أنا رايحة مع الشباب ..خليك هون أنت ...
القعقاع: حاضر ....
أبو الجماجم : وخلي معك أصلع وهالبنت ..
نبيل: وأنا كمان قاعد رح أحرس كنزي
سعيدة : بس أنا مابدي أقعد هون
القعقاع بنظرات التهديد: أبو الجماجم إذا حكى أنتي بتسكتي فهمتي
سعيدة: مابدي موت هون ....فهمها بقى
القعقاع: هههه لا تخافي أنتي بالذات مابتموتي
ندى : لا يا سعيدة لاتخليهم يفرقونا بترجاكي
نبيل: قعدي وحاجتك حكي بلا طعمة
القبطان: خلي سعيدة معنا يا أبو الجماجم
القعقاع غص
أبو الجماجم : لأ ..خلص حكيت انا كلمتي ...أمشوا يلا ....وانتو متل ما اتفقنا خليكم هون ...يا قعقاع اول ما بتشوف السفينة حط العلم اللي معك ..هي تركتلك الشنتة بما فيها أكل وشرب وأنا رح آخد هالكيس
ليش شو فيه ؟؟
جثة الأمير هههعهههه .....بشوفك يا ابني الحبيب ....دير بالك على حالك ماشي
شبك ابي
ولا شي ليش شبني
حاسسك عم تودعني ؟؟!!
هههععه لا ياولد ...بس رح اشتقلك ...
يلا امشو يا رجال ...تحركوا
ندى: أنا خايفة يا سعيدة
سعيدة: لا تخافي انتي بحماية القبطان
القبطان: لاتخافي انتي معي بالحفظ والصون
ندى عانقت سعيدة بقوة ..وراحت بعيون كلها دموع
طلعو القراصنة ..وتركوا اللي تركوه .....قعقاع ...سعيدة ...نبيل ..الأصلع ...
بلش يجي الليل
سعيدة: داق خلقي من هالقعدة
الأصلع: على عكسي ...أنا مستعد نام هون طول العمر ...
نبيل : فعلا ..شوفة هالذهب بترد الروح هههههه
سعيدة: وأنت يا قعقاع مالك فرحان متلهم
القعقاع: لأ
غريبة ...فكرتك جاية منشان تسبح بالذهب
القعقاع بنص ابتسامة: صعب تعرفي بشو عم فكر أصلا
سعيدة: مممم قلتلي لكن....فعلا صعب ...بدي افهم أنت ليش هون
لأحميكم
آه ...واضح الحماية كلها لما كنت ع السفينة وقتلت نص هالبشر
نبيل : هههههههه
سعيدة: شو اللي بيضحك
القعقاع: أنتي ...وأنتي لازمك حماية ..ليش عم تنكري هالشي
سعيدة: مالي بعازتك .....بدك تروح روح
هههههه مالي تحت أمرك بروح ولا لأ قعدي كني
هفففف رايحة نام
قعقاع: نامي أحسن شي بتعمليه ....
نبيل : منخلص من نق وسق ههههههه
مرر الليل واجى الصبح ....
صحيت سعيدة على صوت غريب ...
سعيدة صحيت من بكير على صوت غريب ....جاية من بعيد ....اندارت ع اليمين وع اليسار مو ملاقيتو وتصرخ : قعقاع ..ياقعقاع
الأصلع : لك شبك متل البق ما بتنامي ولابتخلي حدا يعرف يناااام
سعيدة: لك القعقاع ...القعقاع مو هون ؟؟؟!!!
نبيل عم يصحصح : هلا بيرجع ويم بدو يروح يعني
الأصلع : شو هالصوت
سعيدة: مدري شو صاير تحت نبيل : شو يعني هالحكي ؟؟؟في حدا ساكن هون
الأصلع: مو معقول ....طول بالك
نبيل قرب ع فتحة العين وعم يتفرج
نبيل صفر لونوا : طخو طخو .....
سعيدة: لك شبك ؟؟؟!!!
تعالو وشوفوا هالشوفة (الثلاثة زحفوا لعين الجمجمة ...وشافوا بقى هديك الشوفة ....
سعيدة: ولييي يا امي ....يا أمييي (ممممم) نبيل سكتها بايدو : سكتي .....ششششش
سعيدة: شلون بدك ياني أسكت مالك شايف شو صاير تحت .....كلهم محطوطين بأقفاص ..متل القرود..
الاصلع : صح ...حتى ابو الجماجم بالقفص ؟؟؟!!!...مع القراصنة الباقيين
سعيدة: طلعت الجزيرة مسكونة بعدين
الأصلع فرحان: صح صدقت خبريتي
نبيل: يخربيتك منلا خبرية ...شكلنا رحنا فيها الأصلع انكتم
سعيدة قربت تشوف : وشو بدهم يعملو فيهم ...؟؟؟؟
نبيل : مابعرف .....مابعرف ...أنا ضعت ...وين القعقاع ..هفففف كلما بدي ياه مابلاقيه ...متل ابوه
الاصلع : هههههه
سعيدة: رح نضحك كتير شكلنا ....صحي ...وين القبطان وندى ؟؟؟؟
نبيل : ....شوفي هنيك ...مو هاد القبطان ...لك ليش لحالو بالقفص ؟؟؟
سعيدة: وندى كمان لحالها بقفص تاني
نبيل : مو مبين معي منيح .بس شكلو في شي مو طبيعي تحت ......
سعيدة: ولي ولي شوف يا نبيل شوف ...شوف هالاشكال (غمضت عيونها بايدها وتفتح على مهلها بين أصابيعها)
نبيل صفر ع الآخر والاصلع رح تهر صلعتو من هالشوفة ....
سعيدة: شكلهم سكان الجزيرة ... ...
الأصلع: على علمي مافي حدا هون ...
سعيدة: أكيد هدول ناس كانت عم تدور على شي مكان وسكنو هون
نبيل: مو طبيعية هالموديلات .....أنا اول مرة بشوف ناس بهل اللون الأسود بهل الشكل هاد ......فحم هدول
سعيدة:اغمق بشوي
الاصلع خايف: شوف العظام على راس كل حدا فيهم ....
سعيدة: لازم نساعدهم يطلعو من هنيك في شي بدو يصير قلبي مو مطمن ولي كنا بشي صرنا بشي
نبيل: ش شو قصدك
سعيدة: قصدي ما اصطادوهم هيك إلا لشي ....مدري شو بدهم منهم ...شوف بلشو ياخدوهم لجوا....ماعاد بين معي من الشجر
نبيل: .....شو ممكن يعملو فيهم ؟
سعيدة: ما بعرف ....حاج تسألني كان لازم تسأل معلمك أبوالجماجم مو أنا؟؟؟
الأصلع : أنا بدي آخد حصتي هلأ
سعيدة: شو ؟؟؟؟
نبيل : وأنا كمان ...لك نحنا أجينا منشان هالشغلة .....وبدي لم كل شي هون
الأصلع : وانا هيك رايي كمان
سعيدة: لك وينك يا قعقاع تركتني مع مهابيل .. وشو منشان اللي تحت ....القبطان وأبو الجماجم وندى لك رفقاتكم
نبيل : ....
الأصلع:.....
سعيدة بإصرار وغضب: شو شايفتكم سكتو ماشي ...خليكم هون ..لمو لتشبعو أصلا أنا مابدي مصاري وزفت ...يقطع عمرها هالسيرة ......(راحت )
نبيل: لك يا مجنونة وين رايحة ...استني ..تعي لهون ...صار في هزة ارضية ...خلتهم يوقعو ع الأرض
سعيدة قامت: مالي رح استسلم لو بدها تنبلع الارض.....مشيت بسرعة من على جسر العظام... حتى صارت على الدرج نازلة لتحت )
نزلت سعيدة بسرعة لتحت بدها تبعد عن نبيل وهو لاحقها ومسكلها أيدها: لوين رايحة يا مجنونة
تروك أيدي بدي روح أنقذ القبطان أقل شي
نبيل: ها لا فالحة كتير كيف بدك تأنقذيه من هالأوباش مبينين مو ناويين على خير ...رجعي بلا جنان
تروك ايدي عم قلك ....(دفشت أيدو وراحت بعنفوان وهو واقف مو عرفان شو عم يعمل .(مجنونة )...لحقها وهي ماشية عم يناديلها )والأصلع وراهم عم يتفرج
سعيدة وقفت بمكان عم تتأمل المكان منيح وإذ بيدقر فيها نبيل راكض نبيل بدو يحاكيها ...بس لسى ما حكا هو وياها شي حتى انربط برجليه حبلة ....وارتفع لفوق ....
سعيدة ارتعبت ...
نبيل عم يلولح فوق : شكلي وقعت بفخ ......
سعيدة: أنت منيح ؟؟؟
نبيل: اي صرت ساعة بقرص مو شايفة ...
لنزلك
نبيل: روحي ساعدي حالك واهربي من هون
كيف بدي أهرب وأتركك هون لحالك ....استنى لشوف وين الحبل رح نزلك اصبور عليي
نبيل: روحي يا جدبة ....عم قلك روحي ....
سعيدة معندة مابدها تروح .....رجعت لورا شوي بدها تساعدو بس ..كمان بلحظة غفلة ماحست غير صارت بالهوا شي مسك رجليها التانية ..ورفعها لفوق..
سعيدة: باركلي
على شو
صرت ساعة متلك
نبيل: هفففف
بدقايق كان ملتم عليهم السكان الأصليين
قلب سعيدة صار بين رجليها من الرعبة ....ونبيل ماعاد يعرف شو لازم يعمل
نبيل: عجبك هيك ..كان بيكفي ساغة وحدة لازم تنتين ...ييييي ياريتني نفدت بريشي
سعيدة: مسكين زعلت عليك
أجو برماحهم نزلوهم.وأخدوا يتأملوهم منيح ....عم يطلعوا ببعض مستغربين ...؟؟؟؟ عم يحكو مع بعضهم :
*دادا ...هوداج باه ...هع باهو هووا
هوج دا كوزا ...ختا هجي داماما دالاطا
نبيل: شو عم يحكو ؟
سعيدة: مافهمت بس يمكن بدهم يعملو منك مفركة بطاطا
أخدوهم مكتفين لجوا ........
نبيل: قلتلك يا هبلة روحي أنقذي حالك ....بس عقلك يابس مو بأيدك تنحة
سعيدة: عقلي يابس ...مو معقول شو انت متفهم وبتفهم ما تواخذني
نبيل: لوين آخدينا هلأ
سعيدة: يمكن ياكلوك اليوم ع الغدا بشي طبخة ناقصها عظم
نبيل: هاها ها ...ضحكتيني ...دمك خفيف ها
سعيدة: لك وين راح القعقاع
نبيل : صح ...وينو ؟؟؟؟؟
الأصلع: شششش شكلنا وصلنا
وفاتوهم لجوا
#يتبع...
#سر_اللوحة
#بقلم_كنانة_غميان
#الجزء_الثاني_والعشرون
دخلت سعيدة مع نبيل بهل المكان الكبير كللو نخل موزع بشكل دائري كبير وبالنص في نيران كبيرة وقابة ....
وشافت الكل قاعدين بقلب أقفاص
سعيدة: نبيل ليك
شو
في بجيبتي شقفة خرقة لقيتها بقلب ايد جميلة لما دفناها
شو يعني
يعني اللي قتل جميلة دليلو معي
معقول ...طيب هاتيه لشوفوا
مالحقت بدها تعطيه حتى سحبو نبيل مع أبو الجماجم وباقي العصابة ...حتى القبطان أندحش معهم وندى كمان صارت جوا كلهم بقفص واحد ماعدا سعيدة ...اللي وقفو على جنب ...وعم يتأملها الحراس بغرابة كبيرة
وبعد تأملات مع بعض القراصنة لبعضهم من الشي اللي صار
أبو الجماجم ماقدر ما يحكي يصرخ: أنت وياااااه شو بدكم منا ؟؟؟طلعووووني (يهز القفص بقوة وعصبية ).طلعوني ...يا عظمة ...يا بطيييخ ....لك حاج هيك طلعوني .....
قربوا أصحاب الجزيرة عم يتأملو منيح اللي بقلب الأقفاص ...فرحانيين ويحكوا مع بعض والزعيم فرحان قدام سعيدة
*سادا خوجا كاوا ؟؟؟
سادو خيبا لاوا !!!
*هيما هوج مادالا هوج ؟؟؟
داااااا ...هيما هيدا خودا باكا
*(هزز براسو ...وطلع من المكان لحراسة برا )
أخد الزعيم سعيدة ومشي فيها لخيمة كبيرة ...وهنن دخلهم لخيمة تانية .......
ابوالجماجم عم يحكي مع نبيل بقلب القفص قدام الكل صوتو مسموع :لك شلون بتوقع حالك هون يا أجدب ...كنت هروب ...شو صار لمخك ....أقل شي كنا ضمنا حدا برا ينقذنا ؟؟؟؟وين القعقاع
مابعرف فقت مالقيتو قلت لحالي يمكن يكون معك
أبو الجماجم : لك هو أصر يجي معكم ..يييي لك هدول المجرمين شو بدهم مننا ...
(صار يهز القفص )طلعوووونا ..يا بطيخ أنت وياه
نبيل : نصيحتي نادي فحم ههههه بيجو أسرع
ندى: كتير فايق ورايق انت ها
نبيل: أنتي سكتي ولا تحكي ولا كلمة ...حكيي مع ابو الجماجم
ابو الجماجم: إذا ما بتسكت يا نبيل وبتسد بوزك رح طعميك كف يهرو سنانك يمشو قدامك مسيرة ها
نبيل : ولي سكتت
ابو الجماجم : والحلل ..ليش نحنا هون وهديك الجدبة أخدوها ليش هي اي وأنا لأ ؟!
القبطان: أكيد في شي
ندى: ولي ..شو بدهم فيها ....
أبو الجماجم: يعني وين القعقاع ...لك وين راح ....
القبطان: شو بدك فيه...؟
لك يجي يأنقذنا من هالحالة اللي نحنا فيها
القبطان: إلاما يجي طول بالك ....
نبيل: كمان الأصلع برا يا معلمي
ابو الجماجم : اي طمنتني ....لك جعت أنا ...بدي مي ...شو قللهم حتى يجيبوا أكل ؟؟؟؟
نبيل: ليش هيك عم تطلع فيني ..لتكون مفكرني مترجم هون ....قللهم فوفو لولو سوسو بيمشي الحال
أبو الحماجم عصصب : قلتلك أنت ...سكوت بقى
حاضر..(حط ايدو ع تمو).هممم وهي سكتنا (فات على غفلة لعندهم واحد كبير من القبيلة ع راسو أربع عظام )
ندى : مين هاد اللي فات علينا
القبطان: شكللو الزعيم الأكبر للقبيلة ...ششش سكتي لنشوف
تأملهم المأسورين بقوة وبلش يطلعوهم للأسرة قدامو ...كل واحد ورا التاني عم يفحصوهم بدقة كبيرة .....لحد ما وصل الدور لعند القبطان ....اطلع فيه منيح ....وبعيونوا الغريبة ...تأملو كتير ..وطلع
ندى: شو كان بدو ؟؟؟
القبطان؛ مابعرف متلي متلك ....
أبو الجماجم : وما يطلع فيني
نبيل : مارح يطلع فيك إلا من ريحة ال ...اللي طالعة منك
ألو الجماجم.: شو قلت نبيل
نبيل : أنا ساكت
أبو الجماجم: هففففففف لك حدا يطلعني من هون زعلنت منافسي....بعد عني أنت التاني ....حاج تستندوا عليي بقى
نبيل: روق يا معلمي ....مالك شايفنا نحنا هون مدحوشين متل الجاج
القبطان نأز وخاف يحاكي حالو (شو بدو هالزعيم مني )
صار وقت العصر وبلشت روايح غريبة تطلع مع دق وطبل وزمر
نبيل قام عم ينصت : شو صاير شو هالصوت برا
أبو الجماجم: صوت طبول مابتعرف الطبلة ؟؟يا طبل
نبيل : شو بدهم يعملو يعني يرقصوا ؟؟
القبطان: بدهم يرقصوك هلا طول بالك هههه
نيبل : حدا يحكي شو صاير صوت الطبل صرع طبلة اذني
القبطان: لك مالك شايف هالمكان كيف صاير ؟؟؟
نبيل: شلون يعني كيف صاير ...اشرحلي دخيلك
القبطان: هالطيور الكبيرة المحنطة مو بس منظر وبس
لعلمك يا نبيل بيك ...الناس اللي هون عندهم شي بيعبدوه
نبيل: ش شو مقصدك يعني .؟؟
القبطان:يعني ....هالطيور من وراها شي ....ما بعتقد هيك حاطينها محنطة بس إلا إذا .....
ارتعب أبو الجماجم: احكي ...احكي يا قبطان ليش سكتت
القبطان دقر خايف : خلص ..ماعاد بدي (وفات عليهم فجأة تنين من الرجال من سكان الجزيرة معهم أكل كتير لحم وسمك ...حطوهم بالقفص ....وراحو )
القراصنة شافو هالأكل من هون ..وبلشو ياكلو بنهم من هون وأولهم ابو الجماجم من كتر مالهم جوعانيين .....لأن طول الوقت ما قدروا ياكللو أبدا ...ونبيل هجم كمان معهم كللو بدو ياكول .
ندى أجت بدها تاكول بس مابتقدر ...كللو سمك ولحم وهي خضرجية القبطان قاعد بعيد ماعم يقرب ضامم رجليه عم يتأمل اللي عم يصير ...وشو ممكن يصير.....لسى ما خلصو الرجال أكل ..حتى فات تنين تانيات وحطو صينية أكل تانية وفيها أكل أكتر من اللي قبلها ....حس أبو الجماجم بشي غلط ...خاصةأن الكل عم ياكول بهمجية كبيرة ....لاوعي صرخ : حاج تاكللو يا شباب ...يارجال شبكم ...ليش هيك عم تاكلو
الشباب: جوعانيين
بس وقفوا هالأكل بيكفي ..رح جن منكم شو صرلكم
نبيل : بس هاللقمة (خو حكا هيك وهجم الكل مطنشين أبو الجماجم ) ماحدا عم يسمعو فار دمو من هالشوفة بس مافي أي فائدة ..
ندى: مابدك تاكلول قبطان
لأ مابدي
ليش
بالي مشغول ع سعيدة
معك حق ...وأنا كمان بالي معها
ماتاكلي أنتي ؟؟
ماعم بعرف آكول إلا شوي عم دبر حالي بكم لقمة ..ماشي حالي
وقبل المغرب عند العصريات بشوي ...صار شي غريب ...الحراس تركو مكانهم بالحراسة ..وراحو لبعيد عنهم ....وإذ طلع ضو كتير قوي ......وأصوات عصافير قوية كتير كمان ......
نبيل: شو صاير برا ؟؟؟؟
القبطان: مابعرف....بس شكلو شي مهم كتير
ضحك القبطان ضحكة قوية ......التفت وقعد ع الأرض .....بعد 5 دقايق مرر ضو قوي وراح ....ورجعت الحراس ..
نبيل : شي غريب ...هفففففف منبن إجى هالضو
القبطان: بيشبه هداك الضو
ابو الجماجم : معقول من الجمجمة ؟؟؟؟؟
القبطان: صح ...منها .....
نبيل: طب شو عم يعملو حتى هيك ركضوا ؟؟؟
القبطان: مدري...أكيد في شي ...
وأجى الليل ...وأجى كمان الأكل .....والكل نام متخوم .....وصحي نبيل وابو الجماجم ع صوتوالصينية اللي انحطت
نبيل: شو قصة الأكل ..لسى صينية رايحة وصينية جاية ...شو في ؟؟؟؟؟
ابو الجماجم: لهدرجة طاير عقلهم فيني القبطان: شكلهم ...رح.يطيروك ...هههههه طول بالك ....
نبيل: هفففف رح أفقد عقلي رسمي
(((وهنيك عند سعيدة..)))
فاتت سعيدة ع الخيمة اللي مبين عليها شغلة كبيرة وفخمة فيها شغلات غريبة عجيبة ...تأملها الزعيم منيح لسعيدة..صار يدور حوليها مبهور ....وصرخ : داج هوا ....!!!!
الحراس اللي معو صرخوا فرحانين: هاجا ...هاجا.
الزعيم : شاشو شاش ماشي ماشا ....
الحراس : شاشا....هوجا
رجعوها لسعيدة ع الخيمة وراحو....
سعيدة: ؟؟؟؟؟!!!! شو يعني هالحكي؟؟؟
بعد شوية وقت من حرقان الأعصاب لسعيدة ...مو عرفانة شو اللي رح يصير فيها
فجأة فات لعندها مرة تانية الزعيم ..وأتطلع بسعيدة اللي قدامو بعيون كلها أمل وابتسامة رهيبة اطلع متلبكة بعيونها مو عرفانة شو بدو ؟؟؟
بشكل غريب طخى الزعيم مع حراسو قدام سعيدة بكل أدب واحترام .....غير المرة الماضية
استغربت سعيدة من هالتصرف اللي صار ؟؟؟
قرب الزعيم لعندها ماسك أديها وهي متل المرعوبة والقرفانيين إلا شوي : شاجا هاكوا لابا .....لادوا....هاطا
سعيدة اتبسمت بس ماعاد في قلب يدق من الرعبة .....هززت براسها : وأنا كمان بحب المفركة البطاطا
انبسط الزعيم من ردة فعلها
فأجو نساء من القبيلة للخيمة لعند سعيدة المرعوبة ..بلشو يشتغلوا فيها لبس وتعطير ..بس نأزت سعيدة وتمسكت بتيابها اللي كانو بدهم ياخدوها بشكل غير طبيعي
فتركولها ياهم ...وبعدين أجى الزعيم ولبسها تاج من ريش على راسها ......وبعد ما خلصو وصار المسا ...راحت عالبنات ..تاركينها لحالها بهل الخيمة .....
سعيدة رح تجن : هلأ كنت لابسة متل الشباب وبلحظة صرت من أهل هالجزيرة ...لك ليش هيك لبسوني ؟؟؟؟؟شو بدهم مني ...
(عم تسمع همس من ورا الخيمة القش )بسسس بسسست
مين في هون
هاد أنا القعقاع
قعقاع ...أخ منيح اللي أنت هون....
لك شو عاملة بحالك.شو اللي صار ؟؟
مابعرف ...قبضوا علينا هالجماعة مدري ليش ...
القعقاع: سمعي ..في شي ما بيطمن ...يمكن هدول بياكلو لحوم البشر
سعيدة: ولي ...ولي بدهم ياكلوني
القعقاع: إلا أنتي
ليش
لحمك مرر
لك قعقاع ...بدي أفهم ليش تركتنا لحالنا هنيك ...قللي
القعقاع: بعدين بتعرفي ....المهم أنا هون حتى ساعدكم ...ولازم تساعديني يا سعيدة
كيف ؟؟؟
مابعرف ....وين الباقي ...هلكت لفتت لهون وحاكي حداة
هنن بشي خيمة من هالخيم أكيد .....
القعقاع: شكلك فيكي تساعدينا يا سعيدة
كيف ..كيف ..قللي كيف
القعقاع: مابعرف كيف أنتي ذكية ما بينخاف عليكي
قعقاع الحراسة مشددة عليي هون .....
لك لازم نطلع قبل فوات الأوان ..هالجزيرة شكلها بدها تنهار
شو عم تقول ؟؟؟
متل ماعم قللك ....بلشت شوف تشققات فيها ...دوبنا ناخد الشي اللي وصلنا منشانو أقل شي
سعيدة: صح ...تذكرت
شو تذكرتي ؟؟؟؟
التفاحة ....المفتاح ...تركناه هنيك
شوو عم تقولي ؟؟؟؟
أي ....تركتهم فوق بالجمجمة
يعني الدهب مفتوح فوق ...
اي ...ليش ارتعبت
ولا شي ...بس ....سمعي أنا رايح
لوين ؟؟؟
بعدين بتعرفي ....
رح ارجعلك بكرة
ياقعقاع سمعني شوي
شو؟
في كيس بقلبو غراضي بالجمحمة نسيت آخدهم ....
بدك ياهم يعني
اي كتير ضروري ....لا تتأخر عليي
طيب ماشي ...بكرة متل هالوقت رح كون عندك ....
طيب بإنتظارك ......
وتاني يوم ..وبنفس الوقت
بسسست بسسس
اي قعقاع ليكني هون ...
خدي هي غراضك
شكرا ...بس كيف بدي آخدهم
مممم صح ....
شو عم تعمل
عم احفر الأرض ....
طيب يلا لساعدك
التنين بلشو يحفروا بهل الأرض لحد ما أخيرا صارت الفجوة كبيرة ....ويمد الغراض لعند سعيدة أخيرا
شكرا كتير يا قعقاع ....هي قيثارتي ..وهي كيسي ..بجد عذبتك معي
اي اي عادي ..المهم هلأ صار شي جديد بغيابي
لأ بس عم شوف صواني أكل رايحة وجاية لهديك الخيمة ....وماعم اقدر أطلع من هون عم ينبهوا ما أطلع
شكلهم عم يتجهزوا لحفل كبير برا
شو عم تقول أنت
القعقاع: مابعرف ...بس يمكن هالشي بيخصك
أنا ؟؟؟
بترجاك يا سعيدة بدي طلع ابي
صدقني عم حاول بس ما قدرت ...حتى أنا بدي أطمن على ندى والقبطان
القعقاع: القبطان؟؟؟؟
اي ليش ...
أحمممم لا ولا شي ليكي ..بدي أسألك . ...أنتو أخدتو شي من هنيك قبل ما تطلعوا ؟؟؟
شو قصدك ؟؟؟
قصدي دهب.. مصاري ..
لا لا ...ماحدا أخد شي .....ليش شو صاير
الذهب لقيتو ناقص
أوف ....عنجد
اي....ليكي أنا راجع بكرة ..عملي جهدك ها تعملي شي لتنقذي أبي
طيب ماشي ...عم حاولك ....
بشوفك بكرة
مرر اليوم الثالث بحراسة مشددة ....على هالموال بالأكل .....لحد ما نبيل رح يجن ...الكل عم ياكول ...وأبو الجماجم لسعتو بعالم تاني صفنان ....
نبيل عم يحاكي حالو: لك ليش كل هالأكل ...شو في ..شو صاير ؟؟؟؟وبعدين وبعدين ......بدي أطلع من هون أنا رح موت من هالقعدة .....لك حدا يشرحلي شي ....(لاحظ نبيل أن الشباب كلمالها عم.تسمن وتزيد وترخ )...صار الوضع مو طبيعي
ندى: هي اليوم التالث وماعم تاكول يا.قبطان
مابدي آكول ..تركيني بحالي ونصيحتي إلك لا تاكلي كتير
ندى غصت : ليش ؟؟؟!!!
قلبي ناأزني مابعرف ...المهم لاتكتري أكل
ندى: بس الأكل طيب و (طلع صوت أبو الجماجم ): معها حق
ندى: شو يعني يا قبطان؟مافهمت
القبطان بدو يحكي ام فات 5 من تبعات السكان مسلحين بالرماحات المبوزة وعيونهم الجأرة ...بعنف وهمجية .....أخدو 6 من القراصنة مربطين بأديهم وطلعوهم لبرا .....
أبو الجماجم عم يخبط : طلعونا يا همج ...لك لوين أخدوهم
القبطان بنص ابتسامة : هلأ بتسمع الأصوات وبتعرف لحالك هنن لوين رايحين ...
مرر شوية وقت بتكتم فيها.ترهيب وخوف .... ...وبلشت أصوات الرجال اللي أتاخدت تطلع ...أصوات بتوجع القلب .....صريخ ببكي وبيعصر القلب وطرطقة مسموعة وفيها رفرفة....أما ابو الجماجم قعد خايف عم يسمع شو عم يصير القراصنة عم تسمع ...وتتأمل حوليها وهي بالخيمة .....بلشت تخاف بعيونها ...الأكل عم يغصغصهم تاركينو للأكل على جنب ...جاييتهم الصدمة .بما فيهم أبو الجماجم ....عرفو أنو في شي غلط رح يصير لكل حدا فيهم .....
نبيل: شو صاير يا ابو الجماجم ....لك رد عليي شبك؟؟؟؟
القبطان: جاييتو الصدمة ......
نبيل: احكيلي يا قبطان بترجاك شو صاير برا القبطان: القبيلة هي شكلها بتاخد الناس لطيورها اللي عاملتها آله إلها ....
ندى: أنت شو عم تقول ياقبطان؟؟؟!!!!
القبطان : متل ماسمعتو....مرة برحلاتي حكولي عن هيك قبائل ...بتعلف وبتضل تحط أكل لضحيتهم حتى يسمنو ويكبروا ...وبعدين بتقدمهم أكل لهل الطيور المقدسة بنظرهم .....
ندى: وأنت شو عرفك بهل المعومات ...؟؟؟
نبيل بعيون حدة : لأن كان مع ابو الجماجم من زمان بهل الرحلات ...صح يا قبطان ...؟
أبو الجماجم ساكت ماعم يتحرك ...والقبطان سكت شوي ورفع راسو بقوة : اي صح
ندى: يعني ؟؟؟؟أنت من القراصنة ؟؟؟
القبطان: كنت يا ندى ...بس اعتزلت من زمان هالشغلة ...وتبت ..لأن شفت فيها دبح وقتل وشي ماحلو ...حس شي جواتي يقتلني ...لهيك تركت من عند أبو الجماجم ...وبطلت هالشغلة وصرت قبطان شاطر بالملاحة ...حاولت بعد عن المكان وغير الإتجاه ...بس أبو الجماجم ...حس عليي ورجع كل شي متل ماكان ..بس ماتوقعت انو يكون في جزيرة تالتة هون وهيك يصير .
نبيل: يخربيتك عالخبرية ....شو يعني ...شو يعني .رح نموت (هزز معلمو )معلمي ...رح نمووت بترجاك عميل شي شغلة خلينا نطلع من هون
ندى هههههههههه: صحي أن الدنيا رح تلف وتدور على راسكم أخيرا ..قد ما عملتو بالناس ....ومصيركم طلع على أدين هالزعران ......
نبيل : ندى ...اسكتي ها ..مو ناقصك ها
وهي سكتت لنشوف شو رح تعملو
فجأة أجى كم حارس وأخدو القبطان ...؟؟!!!!
وعند مساء تالت يوم
سعيدة ...سعيدة بسست
قعقاع ...أهلا ...كنت عم استناك .....وخبرك عن اللي صار
لاتقولي بعرف ....
بتعرف
اي شفت كل شي بعيني ....
بس أنا ما قدرت شوف ..احكيلي شو صار
مالك مصلحة تعرفي بس اسمعي يمكن بكرة الاحتفال
أي
فعملي حسابك بكرة نهرب كلنا والأصلع معي
طب كيف مابعرف أنا
لاقيلي حلل بكرة الصبح رح أجي لعندك ومنحكي ع الحلول مافي وقت عم قللك
طيب ماشي
وراح القعقاع...تارك سعيدة بحيرة عم تفكر شو الحل ليطلعو بكرة فعلا صار بدها الشغلة بس شو لازم تعمل
وأخيرا خطرتلها فكرة ...بهل الأثناء فات لعندها الزعيم
#يتبع....
#سر_اللوحة
#بقلم_كنانة_غميان
#الجزء_الثالث_والعشرون
فات الزعيم وكانت المفاجاة لسعيدة اللي معو ال : قبطاااان ...أنت هون : قربت وضمتو فرحانة كتير
القبطان فرحان : سعيدة أنتي منيحة...ورجيني وجهك ...شو عم تعملي هون ....شو هاد اااي لابستيه
سعيدة : مابعرف ...علمي علمك مالقيت حالي غير هيك ......ههههه لك ليك حالك شو لابس متلي ...بتاج من ريش ....كيف عفو عنك وجابوك لهون ؟؟؟
بالضبط مابعرف أنا التاني ...ماشفت غي طلعوني ولبسوني وركزوني ....وهيني ليكني عندك....بس ..!!
بس شو
مالاحظتي أنو أنا وأنتي ...عنا بشرة باللون البيضا ؟؟!بينما الباقي سمر ....أنا سكان الجزيرة سود
إي صح ....شو يعني
يعني كأنو شايفنا شي شغلة حتى هيك عم يعملو ...ممكن يكون نذير خير بالنسبة لإلهم
سعيدة : أي ممكن ....وشو بدنا نعمل ...لازم نطلع من هون الجزيرة عم تغرق
القبطان: صح ...حسيت بالهزات اللي صارت ....
سعيدة: حاكاني القعقاع ...وقللي بكرة لازم نطلع من هون منشان ابوه
القبطان: وكيف حاكاكي
من هون ....ورا القشات
القبطان: منيح اللي مامسكوه .....شو قللك
قللي بكرة لازم نعمل شي ...عم ينطرنا وبدو يشوف إشارتي
القبطان: مممممم
كيف أبو الجماجم و ندى ونبيل والباقي
القبطان: مو منيح ...من بعد ما سمع أبو الجماجم التعذيب اللي صار من برا ...مدري شو صرلوا كن فرد مرة
شو هالحكي
أي ...وتعبان كتير ....وندى قالبة على فزاعة من قلة الأكل ...أما نبيل مسكين مو عرفان الله وين حاطو ....
سعيدة: طب شو الحل
القبطان: صار لازم نفكؤ بشي شغلة لبكرة
سعيدة: أنا عندي فكرة ....بس بدها مساعدتك يا قبطان
قولي يا سعيدة ...قولي
سمعني لكن
₩₩₩₩₩₩₩₩
حلل الليل ....وهالسفينة ماشية .....
نجم خايف من اللي عم يصير بالسفينة ..العيون ما بتريح بنوب من قبل القبطان غالي ....وأخواتو كأنهم متآمرين معو من خلال النظرات .....فحمل حالو وطلع بعد العشا لبرا ع سطح السفينة عم يتأمل موج البحر ......انتبهتلو درة ولحقتو
درة : فيك شي يا نجم
شو بدو يكون فيني يغني عم نفس عن اللي جواتي
طب فضفضلي ...أحممم يعني إذا بتحب
نجم: مالي مضطر
ليش هيك عم تحاكيني ..بشو غلطت معك أنا
ولا شي ...
لتكون أتدايقت لأني فتت لعند أمك أكتر من مرة
لا عادي ..بس اللي مستغربوا ليش عم تحاكيكي وماعم تحاكيني شو بدها منك يعني
درة: شغلة مهمة عم توصيني فيها
نجم: لك على شو بدخا توصيكي بدي أفهم ....ماحلك تعرفيها منيح حتى
حسيت فيخا بريحة الأمومة اللي أنحرمت منها
نجم دقر : ليش وينها أمك
أمي ....(سكتت بالمرة درة وغصت بين على وجهها الإحمرار ) .عن اذنك بدي روح
آنسة درة غلطت شي معك أنا ؟؟!(ماردت عليه درة ..وحملت حالها وراحت ماشية لبوز السفينة من قدام
نجم: لك شو حاكيتها حتى هيك أنقلب بهل الطريقة ....
نجم ماعجبو الوضع وراح لاحقها
آنسة درة ...عم تبكي
لا بس في شي فات بعيوني
سلامتك ...تفضلي هي محرمة
شكرا ...عن أذنك
مسك ايدها وجابها لعندو : آنا آسف إذا زعلتك بس ماعرفت أنا شو عملت ...
درة عينها بالارض: مو مشكلة يا سيد نجم الحق عليي انا اخلت بشي مابيعنيني ....ممكن تتركني روح
رح اتركم إذا بتطلعي فيني وبتقليلي شبك
رفعت راسها درة فيه ..وهو أتاخد فيها وبجمالها ....أسرت نجم بعيونها اللي عم يبرقو من كتر الدموع ..فترك ايدها ومسح دمعتها : رقتي
أحممم اي شوي ....(تأملو التنين السما والبحر شوي..وبعدين نطقت)
درة : أنا أمي مابعرفها يا نجم .....لقوني وقت كنت طفلة على باب ميتم .....فتربيت هنيك ....وحتى اب مالي
يعني القبطان غالي مو أبوكي
لأ ...ه اعتنى فيني رباني متل بنتو ....
كيف تعرفتي عليه
شفتو بالصدفة بطريق للفقراء ...منظروا بيزعب ...كنت عم بيع ورد للعشاق حتى لجيب حق لقمة آكلها ..لأن كل اللي بالميتم لازم يشتغلو.....فلما شفتو هيك بالزاوية قاعد مو على بعصو قربت وعطيتو وردة ... لما نظرلي زعلت عليه بزيادة لعينو المقلوعة واللي بدالها قزاز ومنظروا المشوه ...تشكرني وقتها ع الوردة كتير ...فعطاني مصاري ثمن الوردة....وبعد كم يوم دريت من الراهبة أنو في حدا رح يتبناني متل بنتو ....وفعلا طلع هو ...أخدني ورباني عندو وطلب ناديلو أبي ....اشتقت كتير لحضن أم تلفني بس مالقيت غير القبطان غالي قدامي حاول يع ضني عن كل شي ...بس ماقدر ..طبعو صعب وعصبي ونزق ..لهيك بتحملو ...بيكفي تكفلني وطلعني من الجحيم اللي كنت فيه
نجم: آسف....ماكنت بعرف
درة: بسيطة ....سماع كأنو صوت أمك جوا عم تنادي
أي صح ..
ركضت درة ونجم لجوا لعند الأم
خير أمي شبكي ؟؟؟
بنتي درة ..الله يرضى عليكي ...جيبلي الدوا وكاسة مي
يلا يلا
طلعت درة لتجيب كاسة المي هون مسكت الام ايد ابنها فجاة
شوف يا نجم ...بدياك تاخود هالكيس تحطوا معك بالحفظ الصون وتذكر ...تفاحة آدم رح تدلك على الطريق
أي طريق أمي ....؟؟؟
وفاتت درة : تفضلي خالة
شكرا يابنتي ....خدي هي حبيبتي
شو هي خالة
شلحت الأم خاتمها وحطتو بأيد درة: ش هاد خالة ليش حطيتيه بأصبعتي
شوفوا يا اولاد ...اللي معكم رح يدلكم ع طريق واحد ....اتحدوا ورح تعرف ا
نجم: أمي انتي سخنانة ..ليش ؟؟؟
مافيني شي سوية كريب ها ها ها ماحللك تعرف امك كريبها ما بيطلع إلا من راسها كححححكحححح
درة اطلعت بنجم : أنا رايحة جيب كمادات مي باردة ...ركضت درة وفاتو هون الأخوات الكبير والاوسط
تسطحت الأم بمساعدة ولادها : شبكي أمي شو في
الام: مافي شي شوية سعلة ....(مسكت اديهم الثلاثة)ديروا بالكم على بعض ولاتخلو غريب يتدخل بينكم ..وهاللوحة بتنحل بس بالتفكير .....وإلا رح يصير شغلات مالكم متوقعينها
نجم: أمي ليش هيك عم تحكي ..عم تخوفيني عليكي كتير
لاتخاف حبيبي ....عمر الشقي بقي ههههههه..يلا طلعو لبرا راسي عم يجعني
نجم: أمي عنجد شبكي
عم قللك طلاع لبرا يا ولد .....
ح حاضر
طلع نجم لبرا .....وبعد كم ساعة
₩₩₩₩₩₩₩₩₩₩
وتاني يوم ...يوم الإنتظار .....الكل على أعصابو ...عم يستنو معجزة لتصير ....
ووعند وقت بعد العصر بالضبط .....أجو الحراس لعند خيمة أبو الجماجم والباقيين ...اللي عم يتهيؤ ليلي بدو يصير .....أخدو أهل الجزيرة الأقفاص لبرا..........والقلوب اللي فيها عم تطرق طرق من الخوف ومن اللي جاية ......حطوهم متل الجاج قدام نار كبيرة ....وسكان القبيلة قاعدين بشكل دائرة .....عم يستنو شي حدث يطلع من الخيمة اللي فيها الزعيم ...
ريحة بتموت قدام القراصنة ...والصدمة اللي صارت لنبيل ..مين كان بيحزر أنو هيك ممكن يصير فيهم ...ولا ابو الجماجم اللي صار يشوف الموت بين عيونوا ....خاصة رقاب كل الناس اللي عم يشتغل معها معلقة بأرمحة على البواب ورح تصير الجثث عظام من كتر العفونة والريحة المقززة ......بلشو هالسكان يعملو سيمفونيات غريبة حولين النار .....
نبيل متلبك ومرعوب : وبعدين ......وبعدين ..هي صار وقت العصر ...لهلأ ما صار شي ...وسعيدة لسعتها جوا ...وهدول القرود البوكا بوكا ماكانو يخلصو دق ورقص
ندى: روق يا نبيل ....
نبيل: شوووو روووق ...رفقاتي مقطوعين رقابهم متل الخواريف شوفي ونازلين فيهم سلخ وشلخ على هالشواية ...كأني بالمسلخ لللحوم البشرية ....لا وشو ...والست سعيدة غاطة جو مدري شو صاير معها .....وكملت معي بابو الجماجم اللي لا من تمو ولا من كمو ....وكملت كمان بمقتل خطيبتي جميلة ومين قتلها ماحدا بيعرف
ندى: شو كانت بدها تعطيك سعيدة ؟؟
نبيل: كانت بدها تعطيني شقفة قماشة أنو دليل للقاتل هفففف مين بدو يكون يعني ؟؟؟؟واللي مجنني أنو أبو الجماجم كملها معي هلأ شوفي صار متل ختيار سبعيني مو متل مابعرفوا بقوتوا وطاقتو الجبارة شوفي كيف قاعد متربع
طلع صوت من ورا القفص : بسس بسسسس نبيل
اندار نبيل والكل مرعوبين : نبيل : مين ...مين ؟؟
لك لاتندار .....منشان ما أنكشف
نبيل اندار ع الهسي وشاف : ي ...ي ...الأصلع هادا أنت ....وينك تاركني كل هالفترة هون ؟؟
الأصلع من ورا الأعشاب الكبيرة والطويلة لتغطيه هو وصلعتو: حاولت كتير إني وصل لعندك ما قدرت ...حتى المنطقة كتير صار عليها حراس كتير .....
نبيل: طلعنا من هون بسرعة
الاصلع: رح أعمل جهدي أنا والقعقاع
نبيل : عنجد.؟؟.المهم لاقيلك حلل رح موت من هالروايح رح صير جاجة من كتر العلف
الاصلع: رح اعمل اللي بقدر عليه ..يلا باي
نبيل :راح ...ييي علينا راح الأصلع وتركنا .... والأنكى أخدو القبطان كمان .....لك شو عم يستنو ؟؟؟
ندى: شوف ..شوف النار كيف عم تقب ..ويزيدو عليها ...يا أمي ...يا أمي ...رحت فيها خلص
نبيل: معلمي أبو الجماجم ..قوم شبك عم ترجف ..لك شوفي ندى
صح لونوا أصفر صار
ابو الجماجم: تعبان ...تعباااان ...ركبي عم تجعني كتير .....
نبيل: ليش ...ليش...
مابعرف يا نبيل .....لك وين القعقاع ...اشتقتلو (دمعو عيونو)
له له يا ابو الجماجم عم تبكي
عم قلك تعبان كحححح كحححح ...
ندى: كيف مابدك ياه يتعب بعد هالشوفات بتقصف الركب والعمر كمان
نبيل شد بايدو: طب قوم امشي شوي
ما بقدر ....مافيني حيل كتير .....
ندى: شوف ...شوف ...طلع الزعيم تبعهم
.(وإذ طلع من الخيمة تبع الزعامة حدا من الحراس : هوجا داكاتا ماكوتا .....
الكل هدي ...ووقف بطريقة محترمة كتير عم يستنو وطلع منهم صوت (هاجا ...خوبا ...)
نبيل عم يحوص : شوفي .....حدا يشرحلي بس
اجى من بعيد كمان كم حارس من هالزنوج ..جايبين كرسيين من الورد الأحمر والأبيض ......حطوهم جنب بعض .....
انفتح باب الخيمة .. الكل عم يستنى ...طلع رئيس القبيلة ...وحكى فرحان مبتسم ...ومعو هالرماح : كاتي ماجو كووتا ..هوبا خوجا كااتيتو
نبيل : ششش ششو ..شو قال ؟
ندى : بدو كاجو مع كاتو يا أجدب
نبيل فعلا ...أنا واحد أجدب
نبيل: يضرب بشكلو صحي ....شوفي كيف حاطط دمغات دم بكفوف على صدرو ...يعععع
ندى: الكل انحى وطخى .....كأنو في حدا بدو يطلع من الخيمة
نبيل: سكتي لنشوف
نبيل صار حنكو لتحت من هالشوفة اللي شافها ....طلعت من الخيمة سعيدة مع تنتين من نساء القبيلة ملبسة من فوق لتحت بالوورد وتاج عليه ألماسة ومدندل على وجهها الورد الأحمر ......هي طلعت من هون ...والكل انحنى إلها فرحان ..بس زعلت على اللي قاعدين بالأقفاص برا ...فصرخت ببراءة عم تلوح: ندىااااااااااااا
القبيلة كلها ضاجت فرحانة
نبيل: شكلها حكت كلمة السر .....!
سعيدة طلعت ...براسها طاقية ريش.. بثواني طلع القبطان بنفس الشكل
ندى: شو هاد
نبيل: إذا سعيدة علينا زعيم ..عليي العوض ....
ندى: شوف هنيك ..في ختيارة جاية قريب منهم ....مين هي
نبيل: بتكون الساحرة او اللي بيركضوا ورا تعويذاتها ..يخربيتها بهل المنظر الجني الأزرق بيكون هرب منها ....شعر ابيض ومنفوش وطويل وأنف أفطش وهي سودا ...تضرب بهل الضحكة ...شي مقطع موصل .....ختيارة الجن هي
فعلا قربت هالختيارة ...وصارت تبربر أشكال الوان قدام سعيدة والقبطان وبأيدها البخور : هوووووولااااا موووولااااااا كولاااااااااا ...سنجولااااااا
سعيدة: كحخخخ كحححح شو بدها هي ؟؟؟؟
القبطان: شكلها عم تباركنا
سعيدة: عاهاتك يالجزيرة ...رح أختنق ..شو بدها تعمل يعني ..... رح أتبارك لحالي إذا بس بعدت عني ...ولي ريحتها متل .....رح موت بس
القبطان: صبري لبينما نروح لهنيك ...ع الكراسي اللي قدام الأقفاص أقل شي نقدر نحكي معهم .. بس ......
فجأة طلعت الختيارة صورة من جيبتها ..وابتسمت لزعيم ...وهو التاني مبسوط ....الصورة لوحدة بيضا وحطتها على الخيمة من فوق ...والكل هلل وزمجر .....
وقعدوها على هالكرسي ......سعيدة قاعدة متلبكة كتير ....مع القبطان جنبها عم تتأمل حوليها ..فلاحظت أنو مقابيلها الجمجمة الضخمة اللي كانو فيها .
القبطان: سكان القبيلة شكلهم عم يستنو شي .....
سعيدة : معقول هالإنتظار يكون إلو علاقة بالضو اللي كنا عم نشوفوا هالفترة ٣ ايام .او الجمجمة نفسها يعني ؟؟؟...أصلا شكلو أجى وقتها
القبطان: على فكرة الصورة اللي لزقوها ع الخيمة ش
بها
بتشبك
عنجد؟؟؟؟؟
نبيل: ليش هيك عاملين بسعيدة ؟؟؟ وشو قصة هالصورة اللي هنيك
ندى: مدري شو السيرة ..في إن بالموضوع
الشمس بلشت تمشي نحو المغيب حتى تلامس البحر ....بس كانت المفاجأة لنبيل واللي معو مصدومين
ندى: يا إلهي ...مو معقول هالمنظر ...ماعم صدق اللي عم شوفوا ......شلون هيك ....كأنو الجمجمة عيونها حية .....
نبيل: معك حق ....عم تبرق العيون برق مو طبيعي .....
القبطان: شي طبيعي ...من انعكاس الشمس للبحر .....
سعيدة : بس ما تنسى أن العيون هنيك كلها فيها ألماس
القبطان:.لهيك عطت هالضو الوهج وغير الطبيعي ....حلو بس كتير بيخوف
ندى: شوف شوف ..الكل نازل عم يتوسل بإتجاه الجمجمة .....
القبطان: بيعبدوها ..!!!..(هون المصيبة )
نبيل: ممممم لهيك بيتركو كل شي وبيجوا لهون ......وبس ليخلص الضو بيرجع كل حدا لشغلوا ......
مررت الشمس ...ومرر الضو اللي بعيون الجمجمة .....
.وهون بقى ...بلش الجنان والرقص والدق ..
سعيدة: هههههه شوف
القبطان: ههههه شايفة.هالقبيلة مجنونة .
سعيدة: صح.كلامك
القبطان : على شو ؟؟؟
لأننا بشرتنا بيضا ...وبالنسبة إلهم هالشي غريب ....وغير هيك رح يمجدوا فينا مدري لإيمتى
القبطان: اي هيك بعتقد ...لأن جوات الخيمة اللي ركزوني فيها ...كان في صورة لوحدة كتير حلوة ..وبشرتها بيضا كتير ...بعتقد أنو هنن مفكرين اللون الأسود عليهم لعنة ....واللي بشرتو بيضا ....رح يطلعهم من هاللعنة ....
القبطان: واو ....وهلأ شو يعني
سعيدة: مابعرف .....خايفة يعملوا دبايح كرمال وجودي
القبطان: ووجودي أنا شبو ؟؟؟؟
سعيدة: أنت حطوك جنبي لأن بشرتك بيضا بس أنا بالنسبة إلهم الملاذ والأمل ....
وهنيك فجأة أجو بقى لعندهم ...بدهم ياخدوه وهو عم يتوضا باللبن (تعبير شامي عن الخوف )...نبيل: ولي ....ولي ....أجا علينا الدور .....شو جايين هدول يعملوا هون ...
ندى: يا حرام يا نبيل ...شكلهم بدهم ياكلوك أو تصير دبيحة
نبيل معصب : ريتهم ياكلوك إلك ...ويدبحو بال...لسى ما كمل جملتو صار قلبو بالأرض واصفر ..ورزقت شفايفو .(انفتح باب القفص ومسكوه بقى شادينو لبرا )لك تركوني ...تركوني ....اي أخ ...حدا يساعدني ...(اطلع على هالكم قرصان اللي قدامو لا حول لهم ولا قوة خايفين )
سعيدة: لحظة شوي ...ليش هجموا الحراس الاقفاص ...ي ي....شو عم يعملوا .ليش
طلعو الحراس نبيل من القفص....؟؟؟؟!!!شو عم يصير ؟؟؟؟!!!!.بدها تقوم بس النسوان ماخلوها تقوم ...لازم تكون قاعدة
حطوه بقى على عامود خشب عريض لافينو ومربطينو على عامود وتحتو كومة قش .....تأملو واحد من الحراس منيح ...وشاف ايدو مجروحة ؟؟؟!!!! عص عيونوا وقال لسعيدة: خوا تابو خوبا داجي داهو دازاتا .....هوج
سعيدة ما فهمت شو لازم تعمل ....ضلت ساكتة عم تتفرج :
الحارس معصب : هوجا خوبا دابو .....هوج .دا !!!
سعيدة بقوة قامت بدهم ما يخلوها تتحرك بس صرخت : هوج ...هووووج ...فتركوها خايفين
قامت سعيدة عم تمشي رافعة مناخيرها ..وبجيبها شي .....والكل عم يطخيلها حتى وصلت لعند نبيل عم تطلع فيه بنظرات فيها نوع من النصر...وهداك واقف عم يشوف شو بدها تعمل : شو سيد نبيل .....شكلها حياتك صارت بين أديي هلأ ؟؟؟انقلبت الأدوار ...يا مسكين
نبيل : ههههه أنا مالي مسكين فهمتي ولا لأ
سعيدة: لسعتك براسك اليابس .....بس مو مشكلة هلأ منشوف كيف رح يصير وضعك بس ليبلشو يغزوا فيك السياخ والسكاكين وتصير أكل للطيور ......
نبيل بلع ريقو بس: ...إنتي ما بتعلميها ..رح اطلعيني من هون ..أنا بعرف ....
سعيدة: ظريفة هالثقة الزايدة .....بس مو خرجك على فكرة ها ...بتحب تقول أي كلمات أخيرة ....
نبيل متلبك وبعيونو الخوف : لأ ......
حملت حالها سعيدة ورجعت بعد ما زتت اللي بدها ياه بالقش.وهون رفع واحد من الحراس الرماح بدو يصيبو لنبيل ..وهو عم يتأمل موتوا ..ماعاد يتحمل فصرخ : سعيدة....سعيييدة.....أنا ما عملت معك شي غلط.........لو بدي ياك تموتي كنت قتلتك أول ما صحتلي الفرصة (الرمح موجه على نبيل اللي بلش يصرخ أكتر مفزوع )بترجااااااااكي لا تقتليني ...أنا ......
صرخت سعيدة للحارس مادة أيدها متل الكف لفوق : هووووجاااااا
قربت لعند نبيل : عيد شو قلت يا نبيل ؟؟؟!!!
نبيل عم يتنفس بصعوبة عرقان : طالعيني من هون يا سعيدة .بترجاكي .
سعيدة: غريبة ....كيف صار وترجيتني بعدين ...ببالي القراصنة ما بيترجوا حدا ؟؟؟؟؟
نبيل وكنن : سعيدة ..أنا
لك أنت شو .....؟؟؟الموت قليل عليك بدك ترميني لذئب فكرك مابعرف ؟؟!!
نبيل: معك حق أنا.......آسف ..سامحيني
سعيدة اطلعت فيه بنظرة لامبالاة ...وراحت هزز براسها للحارس وعملت أديها بشكل ضرب .....
فمسك الحارس رماحو مرة تانية بقوة ...وشد الرماح ....وزتو على نبيل .....
وارتمى الرمح على نبيل بقوة ......غمض عيونوا ليتلقى حدفو مستسلم .....وسمع الرماح أجى عليه ...بس ماحس بشي .....فتح عين ومغمض عين مرعوب.....انغز الرمح على جنب من رجليه ليدقو بالحبال اللي مربط فيهم .....صرخ متل المجنون: ه هه ههههههاااااااهاااا ...أنا عايش أنا عايش ..........أجى الحارس فككو ...ماسكو من رقبتو ...(لوين آخديني ...لا تحرقنوووني ..لاااااا)
.قرب الحارس نبيل ناح سعيدة اللي قاعدة متربعة عم تتفرج عليه وعلى شفتها الإبتسامة ....راسو بالأرض :
سعيدة: شو سيد نبيل ....رح أفرج عنك ..
ش شكرا شكرا يا سعيدة بعرف أنك مابتعمليها ورح تعطيني حريتي
ههههه لا ما حزرت ...رح تصير خادمي المطيع ...أو باخدوك لياكلوك الطيور ....فشو قلت
أنا صير خادم إلك ...يا ...(اطلع فيها ...ماحس إنها عم تمزح بنوب بقوة عينها )طيب طيب ...خلص ...خادم خادم .....متل ما بدك
أجى الحارس جاب عقد من ألماس ولبسو ياه لنبيل لأن صار خادمها ...وانفلج بهل الشوفة نبيل..: إذا هيك ...كنت صرت خدامك من زمان هههههههه
سعيدة: أي ركون حاجتك حكي....
شكرا سعيدة
لا تتشكرني ....هاد ضميري بس اللي مامات متل ضميرك الميت
نبيل : بس يا سعيدة .....
ششش سكوت وقعود...لاتحكي شي .... وخليك ساكت...
القبطان : شوفي يا سعيدة ...عم.يطلعو ندى كمان من القفص ........كأنهم بدهم يعملو فيها شي
صرخت سعيدة للحراس حتى يتركوا ندى ..وبما أنو واسطتها تقيلة عند سعيدة ....قربت وصارت معها .. ...والباقي ماقدروا يأنقذوهم بين الهرج والمرج اللي صار وتم قتل الباقي من القراصنة ماعدا أبو الجماجم الاي قاعد لاعم يهش ولاعم ينش ....
تم تقديم رؤوس القراصنة اللي انقتلت للملوك الجدد ..مشويين للأكل بين نط ورقص ودق طبول ......قرب زعيم القبيلة فرحان بوجود سعيدة .....واللي معها ...وحط خالأكل وعم يتفرج عليهم عم يهز بخصروا ويصرخ ..: يييييييي أيييياااااااا ......هوجا كوبا سولا ..شباطا
سعيدة صفرت : زلعنت نفس ...ما بيشبه مفركة البطاطا بنوب ... ولي قززت نفسي
القبطان : .شكلها هي المفركة اللي بتخصهم..مصيبة هالشغلة ....لازم تعملي حالك أنك عم تاكلي ....عملي متلي
نبيل زعلان: يضرب هالحال اللي وصلنالو ....إني آكول رفقاتي آخر هالمطاف .....لاااااا هزلت
ندى: مافيني آكول هيك شي يا قبطان ...بترجاك.ساعدني...
القبطان عم يهمس : سعيدة لاقيلنا حلل ....
سعيدة: شو أعمل يعني ....(لمحت حظا من بعيد عم يشير إلها)
القبطان: متل مالك شايفة الكل عم يطلع فينا عم يستنى ناكول .......وإذا ما أكلنا يمكن ياكلونا
نبيل: عنجد لاقيلك حلل .....رح موت من هالشوفة .....يعني القراصنة صاروا مشاوي ....وأنا هون لسى بدي آكلهم .....حاسس رقابهم عم تتحرك وتحكي .....ماعاد فيني اتحمل هالمنظر ....(مسك أيد سعيدة)بترجاك لاقيلنا حلل
سعيدة: بعد عني نبيل .....شو شايفني كتير مبسوطة هون .(وبعدين ..ليش لسى ما صار شي )
القبطان : شو منشان الخطة
نبيل : اي خطة ؟؟
سعيدة: عم استنى ليحرقوا كل شي ... المشكلة كيف بدنا نهرب ...خايفة كتير ....يمكن يعتبروها خيانة كمان
القبطان : الوقت عم يمرر مو لصالحنا أبدا يا سعيدة
وطلعت هزز إرضية خلت الكل يوقف عن الحركة مرعوبين
ندى: يا أمي ..يا أمي ..شو صار
سعيدة: فعلا ماعاد في وقت ابدا فازم نتحرك
نبيل : شو وين قطعة القمتش اللي قلتيلي عنها
محطوطة بالجاكيت بالخيمة فوق
نبيل: يا حبيبي قلتي رح تطعيني ياها لأعرف اللي قتل جميلة ....
سعيدة: رح جيبلك ياه ...ولا يهمك ...
نبيل انفزع: شوفي هنيك يا سعيدة ....ولي ابو الجماجم طلعوه ..شو بدهم فيه ..شوفي كيف عم يحطوه بمكاني !!!
ندى: .بدهم يحرقوه كانوا لك ماكفاهم كل هاد ؟؟؟
سعيدة: لأ لأ ......ركضت لعندو وهنن عم يمنعوها ......
سعيد بحركات ايدها : هوجا دالالا ...طبيطا زلزلبيطا..هوكالا .. مولا..جولا كولا فريز
القبطان وكل اللي معو وقفوا ليشوفوا شو بدها تعمل سعيدة تحاكي زعيم القبيلة ع..بس اللي صار غير متوقع ابدا من سعيدة ....
#يتبع
#سر_اللوحة
#بقلم_كنانة_غميان
#الجزء_الرابع_والعشرون
₩₩₩₩₩₩₩₩
نجم: أمي ....قومي صحصحي ....قربنا نصل ...أنت شلون صرتي هلأ
الأم: ماشي الحال ...ساعدني بدي أطلع لبرا ..داق نفسي هون
نجم: طيب هاتي أيدك
الأم طلعت لبرا ...وهي عم تتفرج ع السفينة والبحر وتتنفس ...ونجم ساندها وأجت كمان درة قريبة منها ...
القبطان غالي: شو يا نجم كيف صارت أمك ؟!
نجم: ماصار شي ....متل مالك شايف تعبانة شوي .
القبطان غالي : يعني مارح تتحسن
ليش شو بيهمك يعني تحسنت ولا لأ
درة : طول بالك يا نجم ...أحمممم ابي كللو تمام ... ....إيمتى رح نصل للجزيرة ؟؟؟
القبطان غالي: مو بقيان كتير
الأم عم تطلع هنيك عم تدقق : ...شوف يا نجم ...شوف
نجم : شبك أمي ؟؟؟؟شوفي هنيك (اطلع نجم منيح....والقبطان غالي ....كاين الوقت على بليل وعتمة ....فشافو شي كبير ...كبير مغطى بالسواد مو مبين شي منو كتير
القبطان غالي صرخ : هاتولي المنظار بسرعة يا بحار
ركض جبلو ياه يطلع فيه
درة : شو بدو يكون هاد يعني أبي ؟؟؟؟معقول يكون جبل ...(صرخ القبطان غالي ) يارقيب ...ياااا رقيب ...شوف بسرعة من عندك شو في هنيك اللي عم يقرب لعنا ؟؟؟؟؟؟!!!!
الأم: أنا خايفة ...خايفة يا نجم
أمي لا تخافي ...أنا معك ...ما بتركك ابدا .....روقي بترجاكي
غمز القبطان غالي درة
درة : رايحة جبلها الشال تبعها شكلها بردت
ركضت وفاتت لجوا درة
القبطان غالي : مستحيل يكون هالحكي صحيح ....
.وقف مع الكل مجفولين من الشي اللي بلش يقرب لعندهم
₩₩₩₩
₩₩₩₩₩₩₩₩₩₩
نجم : شو هاد اللي هنيك يا جماعة ماعم بقدر شوف منيح ؟؟؟؟
الأم رح يوقف قلبها من اللي عم يقرب منهم
نجم: يا إلهي ...هي سفينة ..موديلها كأنها سفينة أشباح .....بتخوف على هالمنظر .....
القبطان غالي: شو هي السفينة ياترى وليش قابعة بهل المكان ؟؟؟؟
البحار:يا قبطان ..(شار بأصبعتو)..تعال شوف .....(شار ع المرساة السفينة اللي نازل )...شايف يا قبطان غالي ...لهيك السفينة مقبوعة بنص البحر
جوز الخالة : وشو اسم هالسفينة ؟؟؟؟
الأخ الأكبر: مو مبين بنوب ...كأنو ممحي ....
الأم: محروقة .....
نجم : شو قلتي أمي
السفينة محروقة ......شوف منيح كيف الشبابيك شبه مسكرين ...واللأشرعة فوق ..مشقوقة ....أكيد محروقين .....
نجم : بس ...ليش حتى تكون محروقة هيك ؟؟؟؟شو السبب
القبطان غالي :
مو مبين بس لأن ملامح السفينة كتير رايح ...واسمها بنوب رايح معهت
الأخ الأوسط : خلينا نفوت نشوف شو فيها
القبطان غالي: لأ ما بفوت
نجم: ليش يا قبطان ....يمكن تكون هي السفينة هية السفينة اللي عم ندور عليها ...ملوك البحار .....
القبطان غالي: حتى ولو ...مابقدر غامر وفوت فيها ....رح تكون مهترية ع الآخر ....الأحسن نمشي من هون ونكمل للجزيرة ...مو بقيان شي .....رح نصل ....
الأم هابب قلبها مو مرتاحة بنوب عم تحس بغصات كبيرة ......وخايفة من اللي بدو يصير
وإذ خطروا حدا فكرة
₩₩₩₩₩₩₩
سعيدة قربت لعند حراس القبيلة اللي ماسكين أبو جماجم ومربطينو بهل العامود وبأيدهم شعلة النار
نبيل: بسؤعة يا سعيدة عملي شي ...أنقذي أبو الجماجم .
القبطان: شكلهم مابدهم ياه
ندى: طب ليش
لأن لا عم ياكول ولا عم يشرب ...وتعبان متل مالك شايفة
ندى: لهيك بدهم يخلصوا منو ؟؟؟؟ بس حرام
القبطان: المشكلة كيف بدك تتعاملي مع ناس أمية واوباش ......لنشوف شو رح يطلع بأيد سعيدة ....
ندى: شوف شوف ششو عم يصير
سعيدة ..صرخت بوجههم : هاكووولا ....سااااشااااا مالكوها .....
الحراس وقفوا....فقربت سعيدة ماسكة ألشعلة من ايد الحارس اللي كتن بدو يحط النار .....وحركت بأديها عم تأمر : شو شلل ملل شلال جبنة مشللة بتشلل
نبيل: شو عم تقول هي
القبطان: شوف ...عم تقلهم يحركوا ابو الجماجم بنار لحالو ...
نبيل: ليش ؟؟؟
القبطان : مابعرف
فعلا نقلو ابو الجماجم لخشب لحالو وهو ياسان موديلو متل الخشبة اللي قاعد عليها .....وبعدين يعيون قوية من سعيدة اطلعت فيهم كلهم ورفعت النار اللي بأيدها وصرخت : مفركة بطاطا شيش برك يا أما سلاااطا
حلل الهدوء فجأة ماحدا فهمان شي ...لدرجة رح تسمع صوت الصراصير ..وإذا الكل هتف وباش الوصفيق والرقص .....
مسكت سعيدة النار وشعلت الخشب والقش المحطوط بعيد عن أبو الجماجم ......وطلعت الدخنة القوية .....فقربت لعند القبطان والباقي بعد ما شعلتها لنار ...وقعدت جنبهم وبأيدها هالرماح ....اللي سحبتو من الحارس
القبطان: شو عملتي ..على فكرة أنا مافهمت شي من خطتك ....
سعيدة: مو مشكلة هلا بتعرف بس يلا استعدوا
نبيل: لشو
لك حتى نهرب يا أجدب ....
ندى: لك كيف وشلون
سعيدة: استني شوي بس ....
القبطان : أديش ممكن نستنى يعني .....؟؟؟؟
سعيدة : هلأ لحالك رح تعرف
وبعد شوي ...بعد ما عبقت الريحة بالكل ..حتى سعيدة وشلتها
نبيل: لك وبعدين مع هالشغلة ....الدنيا عبقت بالدخنة ..لك ليش هيك صار ...
ندى: معك حق لك سعيدة شو حاطة بالقشات ...
سعيدة: حزري
ندى: لا اصحك تقوليها ....
سعيدة: أنا ما قلت شي ..أنتي اللي عم تقولي
القبطان: عن شو عم تحكوا فهموني
سعيدة: شوف السطرة قدام عينك
نبيل: لك شبهم هدول
أهل الجزيرة بلشو يركضوا حولين النار ويضحكوا ...حتى في منهم صار يمد أديه ويطلعهم لفوق ولتحت
نبيل: لك شو صرلهم هههه مفكرين حالهم عصافير ههههه
سعيدة (هاد هو الوقت المناسب .)فقامت : تجهزوا
القبطان: شو ههه لوين رايحة سعدية هههه
نبيل: لا هي سعدونة سو سعدية أنت مخربط
ندى: ههههه هي السعدانة نفسها ههههه لك لوين رايحة (ركضت سعيدة لجوا عم تنطوط ) هالههههههههه شوفوا عم تنط متل السعدانة
القبطان: المعناتها سعدانة نبيل: هههههه لك إيمتى بدنا نهرب رح موت ههههههه
سعيدة: ههههه لو بدك تموت كانت تركتك هنيك هههههه
القبطان: ليش ما تركتيه ياسعدانة هههههههه لك وينها هههه
ندى: راحت لجوا يمكن شوبت من شوبها هههه نبيل: لك ليش هههه صاير فيناههههه هاهههههننهن قومي نرقص معهم ...
القبطان يلا قوموا قوموا
دخلت سعيدة لجوات الخيمة ..بسرعة سحبت تيابها القيمة حطتهم بقلب كيسها وطلعت لبرا .....فشافت هديك الشوفة ..وصوت غناء القبطان ونبيل عم يرفصوا مع أصحاب الجزيرة قدام أبو الجماجم اللي صحي من هالشوفة من غناهم : بوم بوم ..شكا لاكا لاكا بوم بوم شاكا لاكا شاكا لاكا هههههه...
ندى شافت سعيدة: تعي سعيدة تعي رقصي معنا ....
سعيدة: ولي شو صرلهم هدول ....لك (وإذ دقر فيها )أنتي منيحا
القعقاع ...منيح اللي أجيت بسرعة خلينا نمشي من هون
لك شو عاملة حتى الشبتب هيك صاير فيها
حطيت حشيش بقلب القش .....
القعقاع: أنا رايح جيب أبي ....
طيب ماشي وأنا رح جيب الباقي ...
أي يلا بسرعة ..خدي حطي على وجهك هالشال منشان ما تنعدي بالريحة ..طيب ماشي .....
حطت سعيدة الشال ....وفاتت لجوا عم تحاول تطلعهم لبرا وهنن كل واحد فيهم مخمور شكل من الحشيش اللي طلعت ريحتو ......والقعقاع بسرعة فك أبو الجماجم وصار يمشيه.(أبي كيف صرت منيح ): أبو الجماجم : ههههههه خلصنا ضرايب ههههه
..سعيدة صارت قدامو : كيف صار أبوك ..
شوفة عينك تعبان .....ابي بترجاك قوم ...قوم ...قوم ليكني أنا القعقاع قدامك ....
أبو الجماجم: ...ال قع قعاع ههههههه ليش مامتت يا .....يا ....
سعيدة: شكلو خرف مدري ليش
القعقاع زعلان: على كل خال شو صار معك سعيدة ؟؟؟
متل مالك شايف نبيل بنوب مكيف من غير مكيف ماعم يجي معي ...بس هي القبطان وندى ....قدرت جيبهم بالزور
القعقاع: بدنا حلل بسرعة ...لك شو عم تعملي؟؟
سعيدة عم تبحبش : عم طلع غرض كان معي بالكيس ...ليكو ها لقيتو أخيرا
القعقاع مستغرب: سعيدة ؟؟؟؟لشو جايبتيه هاد معك
سعيدة: قلت لحالي بيلزم ...رح جرب شربهم ياه أكيد رح يفيدنا وإذا مافادنا مابعتقد يضر ...
القعقاع بعين قوية : برابو مو مخليه لصدفة محل .....هاتيه لقلك
شو بدك فيه ...
لساعدك وساعد القبطان وندى ..
.وصرخ (يا أصلع تعال مسيك معلمك ابو الجماجم لبينما روح وارجع
الاصلع : يلا أجيت ..
شربت ندى والقبطان من الدوا بس بالزور بسبب حالة الهستريا اللي هنن فيها ..أخيرا صحيوا ..
القبطان: لك شو صاير؟؟..شو عم بعمل هون
ندى: أخ راسي ...حنكي عم يجعني كتير
سعيدة صح النوم المهم فقتو
سعيدة للقعقاع : أنا رايحة شرب نبيل من الدوا المضاد .....راجعة ..استنوني يا جماعة ...
القبطان: رح نستناكي أكيد ...بعيد شوي عن هون ...بس أديش رح يدوم الحشيش وتأثيرو عليهم
ندى: ما بيطول كتير ...بهل الوقت لازم نستغل و نعجل بسرع(وإذ بيصير هزة أرضية)
الكل تمسكو ببعض وصاروا بالأرض ...
أما نبيل وقف شوي وبعدين : هعععععهههه شكلها الأرض بدها ترقص معنا ....هههههه يلا شوكو ماكو ههههه شوكولا موكولا ...
ندى: عند بداية الدرج الجبلي رح نستناكي يا سعيدة شو رأيك
سعيدة: اي ماشي ...يلا ...يا قعقاع دير بالك عليهم .....(رمق القعقاع الأصلع بنظرة)
ركضت سعيدة لعند نبيل وإذ حدا بيمسك أيدها)القعقاع: استني شوي ولي شو سريعة
تفاجأت: شو بدك قعقاع
جاية ساعدك ......
ماشي .....
بسرعة فاتو لعند نبيل : هههه سعدوتني ماذا تريدين مني ههههه تعالي لنرقص قليلا ههههه
سعيدة: أنت خلص كازك بالمرة ....
القعقاع: بسرعة عطيه الدوا يا سعيدة كححح كحح
يلا يلا ..........(عطوه الدوا لنبيل ...وبلش يصحصح .)
نبيل مفنجر : شو عم بعمل أنا هون
القعقاع: خود مسيك هالقماشة لفها على أنفك خلينا نطلع من هون بسرعة
نبيل : طب حدا يشرحلي شو صار
سعيدة مسكت أيدو ....: بعدين بتعرف ...أمشي هلأ الكل عم يستنونا هنيك .....الجزيرة رح تنخسف من هون
نبيل خاف : طيب أمشي شو عم تستني مافي وقت ....
ركض نبيل قبل القعقاع وسعيدة وراه .....
الكل اجتمعوا مع بعض عند هديك النقطة ولقوهم عند الدرج
الأصلع: منيح اللي وصلتو ...تعال شوف ابو الجماجم
القعقاع: أبي ...ابي ...أنت منيح..تماسك بترجاك ....بوعدك رح وصلك بس أنت مدني بالقوة ...
أبو الجماجم: يا ابني ماعاد فيني أمشي ...تعبان كتير .....كحححح كحح ..شكلها هي هية النهاية ....
لأ ...ابي بترجاك لاتقول هيك .....
سمعني يا قعقاع ....أما ربيتك متل ابني ..بس أنت .....
ششششش لاتقول هيك