الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سر اللوحة`*
*❴🔢❵الـــبـــــــــــ❴6️⃣+7️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#سر_اللوحة
#بقلم_كنانة_غميان
#الجزء_السابع_عشر
سعيدة بعد ما الأمل دخل لقلبها بسرعة الريح ...هرب الأمل متل ما دخل خاصة لما صار القعقاع وراها
القعقاع: هههههه شو نبيل ...شايفك مسكت غريمي
نبيل : هههههه ليش هالشب هو غريمك كمان
القعقاع: أي ههههههه مسكو لقلك ...يخربيتو شو بيضحك ع البشرية
رجعت سعيدة لورا مستغربة و خايفة من اللي سمعتو (ليش نبيل بيعرف القعقاع ...شو يعني هالحكي...وليش هو هون )
نبيل قرب لعندها وهي رفعت سيفها وصرخت بكل حزم : خطوة واحدة بتقرب عليي رح اقتللك
نبيل بنظرة مكر : ههههه هههه طول بالك يا زلمة بس بدي أمسكك ...ليش كتير قابض حالك ...معقول أنت تقتلني ههههه...لك روح ظبط حالك بعدين تعال وقف بوجهي (صفن شوي نبيل بملامح سعيدة)صحي ملامحك مو غريبة كأني بعرفها ....مين أنت ؟؟؟!!!
سعيدة : أنا ساهر
نبيل: منظرك مو غريب عليي ابدا ...مدري وين شايف هالوجه
القعقاع : بتعرفوا
نبيل : لا مابتذكر إني شفتو على متن السفينة !..بس شكلو مالو غريب ....حاسو مألوف ....أنت بتنتمي لمين يا ولد ؟؟!
سعيدة(ولد بعينك): أنا بنتمي ....بنتمي لحاشية الأمير ...بس فيك تقول كنت معو ..أنا بنتمي هلأ لحالي وبس
القعقاع: لاتكذب ..أحسن ما أشلخك بالنص ....مو قلت أنت من حاشية الأمير وبتدافع عن
سعيدة : صح كمان انا إلي حجتي وأنت ماسمعتني ..بس بدك ...
نبيل بعيون غريبة عم يقرب يتأمل وجهها: بس شو يا ساهر
سعيدة عصبت : أحممم يقتلني .....صح أنا من حاشية الملك بس أجيت لأنضم إلكم
القعقاع: هاه ...لا فالح ..بدك تنضم للقراصنة أنت ؟؟؟كيف بقى ؟؟؟؟اشرحلي لشوف وهي قعدة !!!
سعيدة همد السيف بايدها : متل ما أنتو معانيين من الأمير ...أنا كمان عانيت ....
نبيل : احكي لنسمع شو كان اسمك ؟؟
سعيدة:ساهر
قول يا ساهر ..شو حجتك
سعيدة عم تحاول تتقمص حكيها : راحو أخدوني من أمي وقت كنت صغير قتلوها وشغلوني عبد عند الأمير .....ولما صرت كبير بدهم ياني اشتغل عندهم وحرموني من كل حقوقي البشرية ...وهيك لحد ما صارتلي هالفرصة وليكني قدامكم هي أول رحلة إلي على هالسفينو
القعقاع: شو رأيك نبيل ؟؟؟معقول يكون كلمو صحيح
نبيل: معقول ...لأن هي اول مرة بشوفوا ....
القعقاع: طب وين كنت وقت فتنا عليكم بالسفينة ؟؟؟
كنت خايف ومتخبي
وين تخبيت يعني
بالبحر أنا ورفيقتي اللي أخدتوها رهينة هلأ
نبيل: ليش مين رفيقتك ؟؟؟
القعقاع: لك هي جارية ومعها قيثارة ....هههههه
نبيل : معها قيثارة ؟؟؟؟
القعقاع : اي ...ليش استغربت
نبيل: مافي شي ...استغربت شوي ....أنت متأكد إنها جارية يا قعقاع ...تأكد
القعقاع : اي جارية ..مبينة .....شبك نبيل ....ليش هيك دقرت يعني شو المشكلة ..بلش الفار يلعب بعبي
نبيل: مابعرف ..عندي فضول شوف الجارية بس
القعقاع : ههههه لعيونك
رفعت سعيدة سيفها : إذا حدا بيقرب منها بقتلو ....فهمت أنت وياه
نبيل : ماعم صدق قوتك ....ومعك سيف كمان مع موديلك هيك طالع متل النعنع الرفيع وبأيدو كبريتة ههههه
القعقاع: هههههه لك حكيت نفس كلامك يا صديقي ......
(صديقي؟؟؟رفقات يعني تضرب منك إلو ...والله وعلقتي يا سعيدة هفففف)
القعقاع: اي روق روق ماحدا رح يدايقك يا ساهر ....خدهاووعد شرف مني
ساهر: شو يعني .....رح تخلوني انتقم من الأمير معكم
نبيل: أي .بيصير طالما الهدف واحد ...
سعيدة: أنا بدي أنتقم من الأمير بذاتو ...طب وأنتو شو بدكم تعملو فيه
نبيل: بدنا ناخد كل أملاكو اللي حاططهم بالجزيرة هون ...بس ما قلتيلي يا ساهر
شو ؟؟؟
شو هالغراض اللي معك
غراضي وغراض رفيقتي
نبيل : مممم يعني لمين هالقيثارة ؟؟؟
لرفيقتي قلتلك ....
نبيل : ممممم خير ....يا قعقاع ....
نعم ؟؟؟
لك شو صار معكم بعدين .وين الأمير صار ؟؟؟مادلكم ع الطريق السري بعدين لسى ...يخربيتو مع أنو شقفتولوا ايدو اليسار
سعيدة مصدومة (شقفولوا ايدو يعني صفي بلا أيد )ولي
نبيل : أخ ...جاي على بالي نتفو ماعم لاقي جميلة فتل مخي عليها
القعقاع: وفتلنا كمان فتل بهل الجزيرة ....خلانا نمشي مسافات طويلة وماكنا نصل لهنيك مع أنو أكل قتل لفررق بس مخ يابس
نبيل: لك ليش شايفك هون مو معهم ليش رجعت يا قعقاع لهون قبل الجسر شو بدك؟؟؟
القعقاع: كنت عم دور ع شي بالسفينة ومالقيتو
مممم عرفت ع شو عم تدور ...عقبال مالاقي جميلة هفففف عم حاولت لاقيها بس عبس ...يخربيتو وين حاططها .....رح جن يا قعقاع
طول بالك إلا ما تلتقى يا نبيل .....
فار دمي عليها ...وأنا قلتلها لاتروح ..بس هي مجنونة بدها تروح ....شو كان بدها بهل الروحة
القعقاع: الأمير قال إنها رجعت وماعجبها المشوار
نبيل : صدقتو أنت يعني
القعقاع: ما بعرف بس حسيتو ما كذب هالمرة .....
سعيدة بدها تمشي
القعقاع : شو لوين يامهون ؟؟؟
سعيدة عم تبتسم مزح بس عصر: ههه شفتكم عم تحكو ما حبيت قاطعكم قلت بكمل لحالي رفيقتي غم تناديلي
القعقاع : ههههه ظريف هالساهر....بس بتعرف حاسس وراك سر ...سر كبير
نبيل : عندي نفس شعورك ...
سعيدة: كل اللي عندي ياه قلتو ....وبدي كون معكم وانتقم بنفسي لأمي اقل شي
القعقاع: حلو الكلاااام طالما هدفنا واحد ..تعال لكن بيناتناو...أهلا وسهلا(دق القعقاع بكل طاقتو على ظهر سعيدة اللي حست جوزة حلقها طلعت وردت رجعت لمحلها من غزم الخبطة: كحححححح كححححح
القعقاع:المعناتها ماعاد عنا مشكلة ....شو رأيك نبيل
نبيل: أي بس... قولتك ابو الجماجم بيوافق ؟؟
القعقاع: ليش حتى ما يوافق
أنت بتعرف كيف بيفكر أبو الجماجم القصة مافيها مزح معو بنوب .... بس بتعرف شو ياساهر
سعيدة عرقت حست بنبرة صوتو غلط : شو ؟؟؟
حاسس وجهك مألوف ...نحنا التقينا قبل هالمرة شي
سعيدة: لأ ....
طب كيف قلتلي اني بعرفك وهيك ؟؟؟
هو هو ...احمممم اي مو .كنت عم اشتغل بالمطبخ وخادم الأمير ...فيمكن وجهي مألوف عندك من كتر ما بحوص
نبيل: اي بيجوز ...يلا خلينا نمشي ونأسرع شوي
القعقاع: وجميلة ؟؟؟
مالها هون ....اكيد بمكان تاني ...يلا مشي
سعيدة مو وسعانتها الفرحة نفدت من الموت المحتم ....بقي تحكي لندى شو اللي صار منشان ماتغلط ..خاصة منشان القيثارة نبيل نظراتو ما بتطمن ..شكو يشكو تشكيكا فيها
وبينما هنن ماشيين ال٣ بدهم يصلوا للجسر
نبيل: وهلأ فين الشباب يا قعقاع ؟؟؟
هنيك بعد الجسر عم يستنونا قللي ابو الجماجم عم يستناني ...وبما أنك معي ...منروح سوا
نبيل :طب وبركي سبقونا لهنيك ....بتعرف لأني بعرف هديك المنطقة هنيك ما ضعت ...بس بعد الجسر الوضع مختلف أنت بتعرف هالشي...
القعقاع: لهيك بعت ابو الجماجم معي الاصلع .....
نبيل : قعقاع ...
شوووو نبيل
بدي قللك بشغلة
شو هية ؟؟؟
الامير شكلو زمان ما أجى ع الجزيرة
شو عرفك ؟؟
الجزيرة فيها مناظر مرعبة ...أكتر من اللي منعرفها
القعقاع: صح ...أنا لاحظت هالشي ....
نبيل : معقول تكون مسكونة
القعقاع: مستحيل ...مين بدو يسكن هون
نبيل : وشو بيعرفني أنا...... شو ساهر شايفك ساكت ؟؟؟!!!ما تحكي
شو بدي أحكي يا جماعة ...بدي أصل لرفيقتي أطمن عليها ....
نبيل بعين غريبة : قلتيلي رفيقتك بتدق ع القيثارة لكن
سعيدة: آي بس مو كتير ...بس بتحب الموسيقا ...لهيك أخدتلها ياها
نبيل: يعني أنت بتدق عليها
لا لا ...مابحب دق عليها بنوب ...بس هوايتها ومابحب أحرمها بتعؤف أنت النسوان ونقهم
نبيل : مممم لكن قلتلي .....بس ليش كنت لاحقنا لهل الجزيرة بدي أفهم ؟؟؟!!
سعيدة: بس بدي ألحق الأمير وأقتلوا بأديي هدول ...لما شفتكم أخدتوه ....فقلت ألحقكم لأشهد موتو بعيوني ...
نبيل : ممممم وليش حامل كل هالغراض معك ؟؟؟
سعيدة: بتعرف الإحتياط واجب
نبيل: قلتلي لكن ...شوف يا قعقاع وصلنا لجسر
القعقاع: حلو ....أخيرا وصلنا ...يلا يا نبيل أمشي قدامنا لقلك ....
نبيل : ليش أنا يعني؟؟؟
حتى يبين أنك فدائي ههههه خلصني أمشي يلا .....
مشي نبيل ...وسعيدة بعدو....واللي بعدو القعقاع ....وبنهاية الطريق كانت موجودة ندى والاصلع ماسكها منشان ماتهرب .....عيون ندى على سعيدة مرعوبة عليها : الحمدلله اللي نفدت ....بس قلبي مو مطمن ابدا....شكل الجسر عم يهز فيهم متل المرجوحة ...ومو لقيان نكشة...بس ما يصير كارثة
سعيدة مذغورة جد هالمؤة خاصة محاصرة لا فيها تقرب ولا فيها تبعد وعم تحس بزقيق الحبل ...وتحس قليها عم يهبط وصرخت : يا قعقاع ...حاسة بشي غلط ....كان المفروض نطلع بس ٢ وبعدين بتلحقنا أنت !
القعقاع: شو قلت ولك ساهر؟؟؟
نبيل : كلام ساهر مظبوط ....
القعقاع: خلصونا بقى ...أمشو صرنا بنص الطريق رح نصل اصلا مو بقيان شي
صوت أزيز الحبل ع اليمين وع اليسار .....وسمع صوت (ز ييييك ...وتك.)وهو نبيل صار يركض متل سباق الماراتون ..ووراه سعيدة عمزتحاول تلحقو....وصل نبيل بسرعة لطرف التاني بسلام ....وسعيدة بدها تصل.بس لسى ما لحقت تصل لطرف التاني بالسلامة ...... فاندارت لتلاقي الجسر عم يهوي بسرعة ... القعقاع عم يركض بدو يلحق يصل بس كان الجسر هوى كللو ....وإذ
#يتبع.....
#سر_اللوحة
#بقلم_كنانة_غميان
#الجزء_الثامن_عشر
نجم: أمي ...صحصحتي ولا لسى ...رح توقفي قلبي عليكي من كتر النوم...
الأم عم تصحصح: أخ راسي ...شفت منام غريب ....وين صرنا ...دخت من البحر والمشي فيه ....
نجم: شكلنا رح نصل قريبا
لوين ؟؟؟
ع السفينة ملوك البحار اللي فيها غراض اللي مخبيه هنيك القبطان غالي ...الله لا يوفقو ..وقعنا وقعة مو شلون مانكان ...أمي شو كنتي شايفة بمنامك ؟؟
إني كنت عم أوقع ....أخ قلبي
أمي بدي قلك شغلة بيني وبينك بصراحة
قول أبني
شكل أخي الكبير والأوسط مو عاجبني ...عم يحكو كتير مع القبطان غالي كلما صحتلهم الفرصة بغيابي ......فلما تركتك نايمة ....طلعت لعند القبطان غالي وكنت عم بحكي معو ...بس لاحظت من حكيو أنو أخواتي موافقين معو على كل شي ...
.حتى أخي الأكبر شكلو طمعان بشي مدري شو هو ...كلما بدي أعرف شو القصة ...بيتهرب مني ..بعدين فات لعندك أخي الأوسط وسمعك عم تحكي بنومك
الأم: ليش شو كنت عم قول ؟؟!!!
عم تقولي عن جزيرة وجمجمة وخايفة كتير
الأم عم تفكر :...وبعدين !!!
نجم: راح حكالنا أخي كل شي صار معك قدام الكل وعو على قد مو أجدب سمعو القبطان غالي فعرف الجزيرة ....لهيك يمكن رح نروح لهنيك كمان وأنتي متل ما شفتي باللوحة في رسمة جزيرة وفعلا شكلها متل الجمجمة ....
الأم: ......والسفينة اللي على أساس نحنا رايحين منشانها...بطل يروحوا عليها
نجم: لا هو أكيد رايح ...بس عم يقول القبطان أنو إذا شكلنا ما لقيناها رح يلاقيها مرسية ع الجزيرة ....أو يمكن تكون راحت من زمان ومو مبينة لحد هلأ ...أمي مافهمتي شي من اللوحة لسى ؟؟؟
الأم: لأ ...بس ع الأغلب الجزيرة هي المقصودة باللوحة (سكتت ماسكة راسها)
نجم: ...وأنا بدي أصل للجزيرة إذا فعلا فيها شي ..بس ....شبكي أمي
الأم: مالي مرتاحة ....بنوب وهاد القبطان اللي أسمو غالي ...عيونوا ماعجبتني ...عم خاف منها مابعرف ليش
نجم: معك حق ....وحاسس أنو بدو يودينا لمكان مانعرف نرجع منو (اندق الباب )نجم: ميين ؟؟
أنا درة
الأم: مين هي درة ؟؟
نجم: هي بنت القبطان
الأم: تفضلي يابنتي
درة : عم يقول ابي أنو....مو بقيان كتير حتى نصل لهنيك ....
الأم : شكرا حبيبتي ....نجم..طلاع لبرا شوي
نجم: حاضر أمي ....تفضلي يا درة
الأم: لا ...درة تركلي ياها
درة : بدك ياني خالة
أي تعي جنبي ..وأنت نجم طلاع لبرا ....
نجم مستغرب وطلع لبرا: يعني هديك جوا وأنا بىا مبين أنو أمي خرفت تمام ...يييييي
الأم : تعي يادرة ....تعالي جنبي
نعم خالة
بدي وصيكي بنجم
أوف ليش
شو مفكرتيني مابعرف
عنجد ماعم أفهم عليك يا خالة
الأم: المهم وعديني..أنك تحافظي على نجم شو مانصار
درة: مع أني مو فهمانة ليش هيك عم تحكي ..بس متل مابدك ....
الأم : تمام وهلأ جبيلي شي آكلو شكلي جعت
درة حاضر خالة ..رايحة جبلك شورية ظريفة وارجع ....يلا عن أذنك
طلعت درة متلبكة مافهمانة ليش هيك حكت أمو لنجم ...معقول لأنها جاعت بلشت تغير كلامها بطريقة مو مفهومة ؟؟...تركتها وسكرت الباب لتلاقي نجم بعيونوا الغيؤة من درة ...مشي نجم بعيون حردانة ..وراحت درة من طرف تاني ع المطبخ لتجيب الشوربة
الأم قعدت شوي...طلعت تتأملت من الشباك لقت أنو النهار والليل عم يركضو ركض بهل السفينة ...ماعم تحس بالوقت أبدا (لك ليش حاسة بالخطر الكبير ...الشعور نفسو اللي راودني بهداك الوقت)
أجت درة وحطتلها الأكل وراحت
الأم استمخت ع اللوحة حتى لاحظت أن النجوم اللي فيها ...هي مو نجوم عادية .....رفعتها قريب من الشمعة ......وكانت المفاجأة.....الغريب مو النجوم ..الغريب موقعها 😐😐😐
القعقاع هوى لتحت واقع من ع الجسر مالحق يمسك غير الجسر المهرهر .. عم يلولح من تحت ..والنهر بأقضى مجرى عم يركض تحتو
مدت راسها سعيدة اللي قلبها وقف من هالشوفة وكل اللي معها وشافوه للقعقاع كيف ماسك حبل الجسر بايد وحدة متعمشق ...والهوا عم يمرجحو ..الحبل مو بقيان فيه شي ليزحط ويوقع لتحت
سعيدة صرخت : قعقاع أنت منيح.؟؟!!
القعقاع: اي منيح بدي ناقصني كاسة شاي بس ...شو رأيك يعني ساهر افندي ؟؟؟
ندى: ولي ..ولي ..شو بدنا نعمل هلأ
نبيل: يا أصلع ...هات الحبل
الأصلع : آسف الغراض كلها مع أبو الجماجم
سعيدة عم تفكر : لك مافي وقت بنوب
ندى: شو عم تعمل احممم ساهر ؟؟؟
شلحت جاكيتها سعيدة.ورفعت كمامها: خدي هدول ندى ... يا نبيل ...مسكلي رجليي
شو هاد ؛ شو بدك ؟؟
سعيدة: بدي أنزل ساعد القعقاع ...خلصني مسيك رجلييي ....
نبيل : بس أنت وازن
سعيدة: هلأ صرت وازن؟؟شو انسيت أني أخف واحد فيكم
(تك ...تك ...)ندى: رح ينقطع الحبل عجلولكم شوي
سعيدة خلصني يلا:
نبيل : طيب وبعد ما امسكلك رجليك؟؟!
سعيدة: بيمسك الاصلع رجليك وبيسحبنا ..شو يا اصلع ..كفو
ألأصلع : طبعا كفو
نبيل : ...وإذا ما نجحت خطتك
سعيدة: بتنجح إذا كل واحد فينا مسك رجلين التاني .....أنا نازل ركضت ونطت بحركة لا تلقائية ونبيل مسكها برجليها مذهول باللي عملتو منيح اللي لحقها :يخربيت قلبك شو مجنون ....إلا ماعمل اللي براسو ..رح أزحط ..تعال اصلع خلصني ومسكني(اجى ومسكو)
نزلت سعيدة شوي شوي عن طريق مسك الأقدام ...ورح تصل لعندو
القعقاع: شو عم تعمل يا مجنون
سعيدة (عم تركز طاقيتها): بدي ساعدك ...يلا هي مديت أديي ...تحرك نط ومسكني يلا يا قعقاع
الأصلع من فوق : يخربيتكم على هالتقل ...شو آكلين (صرخ)يلا يا قعقاع .....عجلك شوي ....نط بقى ...
القعقاع: ليش بدك تنقذني بعد كل شي عملتو فيك
سعيدة حاطة ايدها فوق الطاقية : لك نط هلأ مسيك أيدي
القعقاع: لك.كيف بدي امسك ايدك ...وأنت حاطط أيدك التانية فوق راسك
أنت شو بدك بهل الشغلة لك هات ايدك بسرعة رحزيهر الجسر
ندى صرخت : وقع الجسر .لااااااااا
غامر القعقاع باللحظة الاخيرة وزت حالو ليمسك أيدها بس سعيدة ماعادت تتحمل الوزن اللي أجى فجاة علة يد وحدة اضررت تترك ايدها فوق راسها ..ومسكتو بايديها التنتين مما ادى فيزيائيا إلى هرر الطاقية من راسها إلى النهر الجاري ...
لحظة صمت مررت على القعقاع هرر من قدامو شي تاني
خلاه ينفلج بهل الشوفة .. مالو متوقع
القعقاع الشي اللي صار تأمل بعيون سعيدة اللي كلها خجل من شعرها الطويل وهي بنفس بقوة عم تمسكو مارح تفلتو رغم انكشافها لحقيقتها قدام القعقاع..الصدمة كانت قوية فما عاد طلع صوتو وصرخت سعيدة : شدوووو با جماعة ...شدووو
شدوو الكل لحد ماوصلو لفوق ...نبيل قام عم ينفض حالو ...بدو يهني القعقاع لأن المهمة تمت بنجاح ... وساهر اللي مو مبين راسو لسى ....
ولما ارتفعت سعيدة لفوق ووقفت اندارت لعندهم ووجهها الأبيض متل شق اللفت محمر من الخجلة فبين شعرها الطويل على كتافها
نبيل نزل فك حنكو للأرض : ساهر شو غيرت راسك بهل النزلة ؟؟؟!!!
ندى(ولي ولي ..انكشفنا طارت رقبتنا )
نبيل قرب ماسك كتفها : سعيدة ؟؟؟؟!!!!! هاد أنتي !!!!ماعم صدق ...
القعقاع قرب وقعد على جنب حاطط ايدو على راسو ماعاد طلع حسو بنوب
نبيل عم يهززها ويتأمل وجهها وشعرها عم يهزز : لك هي سعيدة ...إمبلى وعم قول لحالي وين شايف هالوجه ......لك كيف إلك عين تعملي حالك رجال ...لا وتكذبي علينا كمان .....(رفع سيفو )أنتي لازم تموتي كشفتي عننا أكتر من اللازم
سعيدة اكل لسانها القط بس عيونها بحزم واقفة مو خايفة من نبيل : بدك تقتلني تفضل يا استاذ نبيل ....مارح أهرب ...يلا اعملها
نبيل استفزو حكي سعيدة فركض بدو يغرز السيف فيها بكل طاقتو هاجم عليها وندى صرخت : لاااااا سعيدااااااا (غمضت عيونها خايفة )...وإذ انتفض حدا بوجه نبيل (فانسمع رنة السيف بوجه سيف تاني )مالقى نبيل غير السيف بوجهه حدا صادو عن سعيدة
نبيل : قعقاع؟؟؟عم ترمي سيفك بوجهي لك أنا نبيل ...
القعقاع بعيون قوية : ما رح بسمحلك تقتلها
شو هاد ؟؟؟نبيل: ششوشوشوشو ...عيد بالله ما سمعت
رفع راسو فيه : مارح اسمحلك تعمل شي لهل البنت فهمت ولا لأ ..
هاااه وليش بقى
مالي مضر اشرحلك
لا مضطر احكي لشوف أحسن ما قاتلك
.ههههه ما بيطلعلك معي ..بعدين يا نبيل هي بالساعة اللي أنقذت فيها حياتي ما سألت عن حالها ..بالوقت اللي حضرتك ما كلفت خاطرتك تنزل وتساعدني يا صديقي العزيز ....
نبيل تلبك : آه ...اي بس ما خطرلي كيف بدي ساعدك هي كل القصة
عذرك مارح يغفرلك يا نبيل ....عدا انو أنت غدرت فيها قبل هالمرة كمان
سعيدة: (غدر فيني نبيل ...شو عم يحكي القعقاع)
نبيل: هديك قصة تانية ..بعدين أنا عملت هيك منشان ابو الجماجم
القعقاع: ابو الجماجم قلبك ارمي واحد من الخدم ....مو تزت حدا عم يساعد غدر تروح تدفشو
سعيدة: عن شو عم تحكو ...حدا يفهمني شو القصة ...احكولي
نبيل بنص ابتسامة: هههه يعني رح تعملي فيها روميو
القعقاع احتدت نظرتو وشلف نظرة على جنب : سعيدة ...هالشب اللي قدامك هو اللي زتك أو دفشك بالأحرى من قلب السفينة يوم اللي اجيتو وطلعتونا من القوارب
سعيدة: ...نبيل ....هو اللي دفشني
القعقاع: اي هو ....
سعيدة: طب ليش هيك عملتو
نبيل : ماتكملها يا قعقاع أفندي .....حتى نقدر نطلع معلمنا ابو الجماجم ......إلتهت الدنيا كلها فيك وقت وقعتي ....وفي حدا أنقذك (بعين ثاقبة )
سعيدة: القبطان أنقذني ....لا لا ....بس في حدا أنقذني غير القبطان ...صح (اطلعت فيه وهو عينو بنبيل مسموم
سعيدة: أنت اللي أنقذتني يومها ؟؟؟؟أنت يا قعقاع
القعقاع: لو بعرف هيك بدو يصير كنت زتيت حاالي بالنهر
نبيل تؤك السيف بالأر ض و صار يصفق : برابو .....برااابو جد ..يعني مابعرف شو بدي قول غير أنو
القعقاع: خراس ....كلمة تانية وبخلي جوزة حلقك تصير تطير بالأجواء
سعيدة: (كأنو نبيل كان بدو يحكي شي بس خاف من القعقاع)
نبيل : وهلأ شو ك تعمل ؟؟؟
القعقاع: هالبنت معي ..وبحمايتي ..هي والجارية
نبيل : يا سلام ..عاملي فيها شهم كمان ..شو نسيت كيف كنت عم تقتل الجواري فوق ...بعدين كيف بدك تحكي لابو الأجماجم عليها
هي شغلتي ....يا اصلع ضب الغراض وخلينا نمشي ...تحرك
الاصلع : حاضر
انسم نبيل من هالموقف اللي صار
فضب الغراض...ومشي الاصلع قدام ونبيل وندى وراه وسعيدة وراها والقعقاع آخر الشي
مشيو بأدغال هالغابة الوحشية والدنيا قربت لظهر ....والوجوه كل حدى فيهم عم يفكر شكل ....وبينما هنن ماشيين
فاتو من بعد الجسر لجوا لجوا وريحة غريبة طالعة كأنها دم وجثث ...لدرجة في النباتات اللي بتعرفها واللي ما بتعرفها موجودة لك حتى الحشرات كان منظرها مرعب ومخيف ....كلما غمقوا ..عم يشوفوا شغلات غريبة أكتر ..أول مرة سعيدة بتحس بالمغامرة أخيرا ...بس الخطر اللي هي فيه كبير ....وهي حاسة بنوع من الندم .....(وهنن عم.يمشوا )
نبيل : شو صار معك يا اصلع ؟؟
الأصلع : لسعتني ملاحق الأثر ....رح نصلهم بس حاسس ان ابو الجماجم سبقنا لهنيك
سعيدة :احم ...يعني نحنا لوين رايحين هلأ ؟؟
القعقاع ضل ساكت مالو عين يحطها فيها
نبيل : ليش كتير مهتمة يعني ؟؟؟
سعيدة: مو من حقي أعرف لوين رايحين
نبيل : لك بس بدي أفهم كيف أقنعتينا بحججك الواهية اللي مالها أصل ...مو معقول كيف استجدبتيني .....رح جن منك على فكرة ها
سعيدة: إذا أنت أجدب هاد مو ذنبي ....
نبيل أحمر غضبا: شوفي إذا مارح تسكتي رح (القعقاع عطاه هديك النظرة لنبيل )
نبيل : ولا قللك احكي احكي دخيلك سعيدة خانوم ....لنشوف شو بدك تحكي قدام ابو الجماجم هههههه
القعقاع: اسمك سعيدة لكن ؟؟؟
سعيدة: اي نعم ...سعيدة ...ومارح اسكت لتجابوني على اسئلتي
ندى: بترجاك يا سعيدة بدي رقبتي حاج تحكي ماحدا متحمل مو شايفتيهم
سعيدة: سكتي انتي ....قلولي لوين نحنا رايحين هلأ ؟؟؟ لك ما تحكوا ...طالما صرت معكم لازم تحكولي ....ولا شو ...أقل شي لأني انقذت حياتك يا قعقاع أفندي و...
القعقاع وقف ثواني ...واندار لعندها وحط عينو فيها بقوة : شوفي لا تتبردحي عليي ...أنقذتك وأنقذتيني وهيك طلعنا خالصين ...فهمتي ....بكفي ضحكتي عليي ...جد ماعرفتك بهل الهيئة
سعيدة بعيون قوية: شو قصدك ماعرفتني ؟؟؟؟؟
القعقاع: قصدي ماعرفتك بنت مو مبين عليكي بهل الهيئة
سعيدة: مافهمت عليك ..شو قصدك ....وبعدين ليش هيك بتحط قناع على وجهك على طول ؟؟
هالحكي مو شغلك ...أمشي قدامي لشوف وحاج رغي حكي
سعيدى: هفففففف فوق كل شي ما بعرف لوين رح تاخدونا ...طب لوين رايحين ؟؟؟حدا يحكيلي
القعقاع بضحكة : جاوبها يا أصلع
الاصلع : رايحين نحطك أضحية
القعقاع تفاجأ وأجتو نص ابتسامة وقرب ناح الاصلع : برابو عجبتني هاد الجواب المطلوب
سعيدة: شو عم تقول ؟؟؟
ندى خافت : على شو برابو؟؟وأضحية ...سعيدة شكلنا رحنا فيها
سعيدة :روقي ندى ...ماعم أفهم يا قعقاع شو اضحية ..لك جاوبني لسعتني متل الأطرش بالزفة ؟؟؟
نبيل : لك سكتي انطبلو اداني ..خلص بقى ...
سعيدة : مابدي أسكت وأنا راجعة مطرح ما اجيت
نبيل : بتكوني عملتي زينة العقل ..الله معك
سعيدة وقفت: أنا راجعة ....
الكل عم يكمل مشي ماحدا رد عليها ......وشوية وقت حتى لقت حالها لحالها معندة ...وتسمع صوت حركشة ...وصرخت يا نبيل ..قعقاع ...لاتتركوني ندىىىىىىىى
مشيت سعيدة بسرعة ...واتدحكلت بشي برجلها ...قامت وإذ لقت راس مقطوع عم يتدحرج ....هون نطت للمريخ ورجعت من الرعبة .....صارت تشوف جثث ملحوشة هون وهنيك .....مقطعة موصلة ....وصرخت بالولي : يا أمييييييي ....ساعدووووني .......يامااااماااا
ركضت سعيدة عم تسابق الريح ملهوجة مو شايفة قدامها من هول ما رأت.....حتى شافت بنت شكلها صبية مربطة لكرسي ....علامات الموت عليها ...يعني إذا كانت شايفة ...ماعادت شافت بنوب ...وانطرقت بندى
ندى: أي أخ ...لك شبكي ....
عفوا عفوا ...فكرتكم رحتو
ندى: أي منيح اللي أجيتي فكرتك رح اضلي هنيك
سعيدة : ش ششفتي اللي شفتو
نبيل :ههههه لك شبكي ...شوفي قدامك منيح ....ياست سعيدة
(المنظر كأيب بدرجة مو طبيعية .....والجثث وين مانكان ...والاشلاء ملحوشة وين مانكان )))
القعقاع :شكلنا وصلنا
سعيدة:ولي لوين وصلنا ...شو هالمكان هاد؟
نبيل :هاد اسمو وادي الموت
سعيدة:مالي مستغربة التسمية بنوب ....
الاصلع: مافيكم تتخيليوا شو ممكن يصير هون ....
سعيدة: لك حدا يحكي شو قصة هالمكان ..
شكلو متل تحت القبور ....!!!
ندى مفلوجة شافت شي هنيك ...ماقدرت تكتم عم تنكش سعيدة من ايدها : سعيدة ...لك سعيدة..
اييييي شبكييييي لك شوووو فيييي
مرعوبة ندى: ش ش شوفي ...شوفي (عم تشير باصبعتها)
سعيدة: شو بدي شوف أكتر من اللي شفتو ؟!
لك شوفي هنيك ...هاد اللي ملحوش هنيك ...جنب الحبال ....هاد مو مو مو ....(بلعت ريقها) راس رفيق الأمير؟؟؟
سعيدة: لك امبلى ؟؟؟اي والله صح ...هاد راسو؟؟؟
ندى: شو جابو لهون؟؟؟
سعيدة: أكيد حدا جابو ....منشان التضحية ...هيك ولا لأ يا قعقاع!!!..مابدك تحكي لسى .....
القعقاع: ......
سعيدة: لكن بدك تضحي فينا ؟؟؟لك ولمين مافهمت لسى
نبيل مكتف بعين قوية ع الشجرة : والله ياست سعيدة اللي قدامك وادي الموت ...واللي بدو يمرر منو لازم يقدم إما تضحية أو جثة بني آدم .....وممكن لحم
ليش ولشو ومنشان شو ؟؟؟
نبيل: يعني أكيد مو لتاخدي سيلفي معها (لتنرسمي معها )
ندى: لكن ..منشان شو الجثة ؟؟؟
نبيل : ههههه حزروا لقلكم
سعيدة عم تتأمل الجثث فيها شي غريب:...رح قللك أكيد في مفترس هون حتى بيقدمولوا تضحية ...بيلهوه بهل الجثة او اللحمة لياكلها ...وهيك بيقدر يمرر بسلام لكن شو هالأشلاء وجثث وين مانكان شوفي يا ندى النهش بالروس البشرية كمان شي مو طبيعي مبين عليه فكو كبير
ندى: يا أمي ...يا أمي ..لاتقوليها بدنا نموت هون يعني ؟؟؟ولي على آمتك.يا ندى طارت رقبتك ..وطارت ايديكي ورجليكي ....
سعيدة: وطار مخك ...إهدي شبك
لك شلون بدي أهدىىىىىى مالك شايفة هالمناظر المرعبة ..لك ريحة الجثث المعفنة رح تخليني استفرغ
سعيدة(عم.تفكر)هلأ عرفت ليش أخد ابو الجماجم شوية ناس معو وميتة كمان
ندى: صح فهمت عليكي ..لهل السبب بالذات منشان ينفد بريشو ويحطهم قدام المفترس
القعقاع: فعلا مالك قليلة يا سعيدة ...فيك تقولي حزرتي كل شي إلا شو نوع الوحش المفترس
سعيدة بعين حذقة : أكيد بيكون شي بيمشي على أربعة ...وإلو سنان حدة
نبيل : شو عرفك بهل المواصفات ؟؟؟
تعال شوف ...تمزيع(تمزيق) اللحم والعض والنهش كيف صاير متل القماش المشلوخ ...شي مو طبيعي صاير بالجثث ...
ندى رجعتلها الفلجة: سعيدة ...سعيدة
سعيدة: لك شو بدك كماااان يا ندى ...حاج تنكشيني..رح موت من خوفي والله مو لقيانة نكشة ها
ندى: شوفي هنيك ..شوفي ...
نبيل : جثة؟؟؟! ..شو بدها تكون يعني ؟؟؟
سعيدة بنظرة مكارة وبنص ابتسامة بعد نظرة فاحصة: معها حق ندى صح جثة يا سيد نبيل ...بس مو شكلها اي جثة ..
نبيل: ههههه شو مانكانت جثة ..هههه...
القعقاع عم يحط النقاط مابين السطور متأمل الجثة اللي شارت عليها ندى :نبيل ... سعيدة معها حق ....تعال شوف هالجثة ...مابعتقد رح تضحك هيك روح تأكد
ناز نبيل : شو قصدك يعني ؟؟؟....ركض وراح نبيل لعند الجثة اللي شارو عليها ...والصورة بلشت توضح لنبيل بزيادة هنن وراه ليتأكدو و يشوف هديك الشوفة الاي بتنأز القلب ...ماحدا متوقعها بنوب خاصة نبيل ....هو شاف هيك وشفلوا عيونوا ودمعوا من دون مايرفلوا جفن .....
لك ...هي جثة ...جثة ....لاااااااااا مستحيل (طخى على الأرض يتأكد منها نبيل )لاااااااا لاااااا لاحدا يقولها ...ماعم صدق اللي عم تشوفوا عيوني
القعقاع: طول بالك نبيل
لك شلون بدي طول بالي ..شوف هالشوفة ..كيف هيك ..لك كيف ...وأنا اللي كنت متأمل لاقيها بمكان تاني ....كيف وصلت لهون؟؟؟
الأصلع: بيجوز جرتها رجليها وضاعت ...طالما قايل الأمير أنها تركتو ومشيت .....
نبيل : ماتنسى أنو الأمير ورجع من هالمكان الخطير .
القعقاع: لا الأمير ما مرر من هون...راح من الطريق السري ...أخ بس على ما أعرف وين هالطريق ....
ندى:بيجوز هي جاية بالغلط لهون...
سعيدة: طالما هالمكان هيك خطر ....مارح تجي لهون لحالها...نبيل (هي) جاية لهون قبل هالمرة
نبيل : لأ ....
سعيدة: العمى المعناتها مستقصدين يعملو فيها هيك ...شبك قعقاع ...ليش هيك عم تطلع فيني
القعقاع بعين الإعجاب: ولا شي كملي
سعيدة ...أكيد هي مو ضايعة كأنو قتلوها قتل او نصبولها فخ هون وكان ضحية أو أضحية لحتى حدا يمرر تاركها قاصد
ندى: ولي على هالحكي ...شو عرفك سعيدة
😐😐😐
سعيدة: شوفي عروقها اللي براسها كيف باظة لقدام ....وهالحبل اللي جنب (رقبتها المقطوعة) مستحيل يكون أجى لهون صدفة ....
ندى: شو يعني
سعيدة سكتت......
القعقاع: كلام سعيدة صح ....اللي جايب جميلة لهون قتلها ليكمل مشوارو لجوا .....
نبيل: لسى بدي اشرب من دمو
شششش سماع في صوت حركشة ...كأنو أجى هالكائن ....
أنا بحياتي ما شفتو
ولا أنا
شو يعني ..شو اللي عم ينتظرنا
سعيدة: يا مجانيين لازم نتخبى إذا هالحكي صحيح
نبيل بعيون مزوغلة كأنو مو بوعيو بعد ماشاف جميلة بعل المنظر : ههههههه هلأ عنجد مستعد ضحي فيكم ههههعه
سعيدة : يا مجنون شو عم تعمل ؟؟؟
نبيل ماسك الحبل بين اديه : بدي ربطها لهل الجارية ..تعال يا اصلع مسكها
ندى: لاااااا لااااا دخيلكم لاتعملو فيني هيك ....مالي دخل ...تركوووووني ..
سعيدة بحزم وطلعت سيفها : بعد عنها...مابسمحلك فيها ...بعدين ما تروح حضرتك تضحي بنفسك يا فدائي ...ليش بدك تضحي فينا ...شو يعني نحنا مابدنا حياتنا ...طالما كتير متدايق روح واتفشش بالمفترس اللي جاية ...مو تعملي فيها مرجلة علينا
نبيل: ايييييه ههههه مرجلة ....ههههههه لك فنيت حياتي مع جميلة ...وبالآخير هيك ماتت ....هيك راحت ....لك شوف منظرها كيف بيقطع القلب ....لك شو كانت حاسة وقت هيك صار فيها .....تركوني اعمل اللي بدي ياه
الأصلع: خلص جن نبيل ماعاد يشوف قدامو ...
القعقاع قرب وسلخو كف ...التفت نبيل: عم تضربني يا قعقاع ....
القعقاع: منشان تصحى على حالك شو عم تعمل ....صح جميلة خطيبتك ...بس ولا مرة حسيتها بتحبك ....ولا مرة حسيتها عملت شي منشانك ....هي وقت دريت أنك من القراصنة وأنك جاية لهون منشان مصاري ركضت لعندك ضغري ...مع إنها كانت ماعاد بدها ياكو.....والأنكى من هيك تروح تخليها تعمل اللي بدها ياه ....مالك سيطرة عليها ...لك حتى لما راحت مع الأمي ماعرفت تضربها كف وتقلها قعدي مافي روحة ....كل الشغلة غلط بغلط ....واللي عمل بجميلة ...شكلو بيعرف نقطة ضعفها ...وكمان شكلو حاكيلها عن دهب الأمير ...وهي أصلا راحت معو منشان المصاري ...لو بتعرف في شي هون ماكانت أجت .....يعني اللي وصلها لهون كانت غايتو يتخلص منها وبنفس الوقت (قاطعتو(
سعيدة: تكون الضحية ليمرر
نبيل : ........
القعقاع: على كل حال لمو أشلائها .....خلونا ندفنها بعيد عن هون ...يلا بسرعة يا اصلع ساعدني .....
تحركوا الكل يلمو أشلاء جميلة المسكينة .....كل طرف منها بمكان .....لحد مامسكت سعيدة ايد جميلة مبينة مقبوضة قبض فظيع ...بس كأنو بين أديها شي ؟؟؟؟ ما أخدت وعطت بالموضوع سعيدة ....مسكت الايد ...والكل ضم كل شي بيقدر عليه ...وحطوهم قدام القعقاع ...
القعقاع: يا أصلع مسيك الحبل واربوط كل هالأشلاء مع بعضها حتى نحطها بمكان تاني .....
وبعد ما تم كل شي
سعيدة: وهلأ شو ...بدنا الحلل حتى نعبر لهداك الطريق .....بلشت اسمع صوت حركشة ...وبدتا حلل بسرعة
القعقاع: المشكلة مامعنا شي حتى نقدر نمر ...إلا إذا حدا فينا عمل اضحية لهل المفترس
ندى: سعيدة ...سعيدة ....بتتذكري اللي أخدناه قبل ما نروح
سعيدة عصت عيونها عم تتذكر مسكت غراضها وتبحبش فيهم:
نبيل: على شو عم تدوري ....
لك حاج تنق ....هلأ بتشوف .....يمكن أقدر ساعدكم......هاه هاه ..ليكها
نبيل:شو هي
شفقة لحمة أخدتها من هنيك من العشا...أكيد بتفيدنا
القعقاع : ممتاز ...بسرعة كلكم لمو قد مافيكم من الجثث المقطعة هون خلونا نحطهم فوق بعض بالنص ....لك مافي وقت
سعيدة عم تجيب من هون وهنيك والكل عم يشتغل حطوا الجثث مع بعضها ....وانحطت شقفة اللحمة فوقهم ....
القعقاع: يلا خلونا نتخبى هنيك ......مو بقيان شي منلاقي المفترس هون....بك وين رايحة سعيدة ؟؟؟
سعيدة : في هون قطعة كبيرة ...رح جيبها بس ....
لك مارح تلحقي
بلحق بلحق ......
وبركي أجى
لك رايحة ثواني بس .....شو رح يجيبو بهل الثولني ...حاج تحكي وتنق عليي راجعة بسرعة....(مشيت سعيدة منيح صارت بعيدة ...القعقاع
حط أديه على خصرو عم يستناها تجي : هفففف شو هالبنت عنيدة كتير ...إلا بدها تنفذ اللي براسها .صوت همسات خفيفة بالأرض متل مشيت القطة ...خلت القعقاع يشك بشي ...رفع راسو لفوق وشاف من خلال الشجر من فوق لمح شي ضاوي متل كرة الشمس المدورة ....وصرخ ....
يا جماعة بسرعة تعالو لهون
الكل تخبى وسعيدة بعيدة عنهم
ندى: سعيدااااااااا تعالي لهووووون لك بسرعة المفترس أجى
سعيدة ماعم تسمع ..مسكت الشقفة اللي لقتها واندارت لتشوف هديك الشوفة اللي ماتوقعتها بوجهها
#يتبع.....
#سر_اللوحة
#بقلم_كنانة_غميان
#الجزء_التاسع_عشر
عيونوا كبيرة فسفورية بقبال سعيدة ..بأنف أسود عم ينفث الهواء منو لعندها ..خلا شعراها يطير ...وأنيابو طويلة وكبيرة .....
صوت طالع فجأة: عرررررررررررررررر
سعيدة : خلص ....شكلي رحت فيها هاد ذئب بحجم الغول ....مستحيل يكفيه اللي جمعنالو ياه ..هاد كللو بينكش سنانو فيه ...
سعيدة انشلش قلبها ع الآخير ..وقعت قطعة اللحمة اللي كانت بدها تجيبلها وانسمع صوت وقعتها.كل شي توقعت ماعدا هالمنظر جفلت ودقت عينها فيه للذئب ...بس هو بعد عنها شوي وبلش ياكول من الموجود ....مو داير بالو عليها
القعقاع صرخ : سعيداااا ..لا تتحركي...شو مانصار لاتتحركي سمعتي
ندى عم تطبطب على خدودها : ولي ...ولي شو هاد ...راحت فيها سعيداااا راحت فيهاااا (ممممم)سكتها نبيل بأيدو : خرسي بقى ....العمى حاج تردحي متل الإيش ......لك إذا راحت سعيدة رح نروح معها دبلكة ...سكتي لنفهم كيف ممكن نساعدها ....(هاد إذا في أمل نساعدها )
القعقاع: ماعم صدق شوفوا كيف موديل هالكائن
نبيل: معك حق أنو في هيك شي على الأرض الواقع ...شو رايك طالما فرصة أجت على أديها ..خلينا نمشي
ندى انفلجت : شو هاد؟؟؟
القعقاع: عم تمزح نبيل ؟؟؟
نبيل : فكر فيها ...فرصة وأجت على ومبين رح ياكلها ...شوف الغراض اللي معها لحالهم بيضوجوا بأي حركة ممكز بتعملها
ندى صارت تخبط بنبيل : أنت واحد لئيم لئيم ...لئيم
نبيل: اي ...حاج تخبطي ...(مسك ايدها)شو مفكرتيني حيط قدامك
ندى: لسى الحيط بيحس أكتر منك
نبيل: شو قلت يا قعقاع أنا ماشي
القعقاع: بدك تروح عنجد ؟؟
نبيل: اي بدي روح ..وبعدين فكر فيها طالما هية هنيك منكمل طريقنا بدون مشاكل اي صحلنا أضحية بدون ما نتعذب حتى
القعقاع قعد يفكر وكنن
ندى مرعوبة : شو يا قعقاع...شايفتك صفنت ...شو يعني ..بدكم تتركوا سعيدة هنيك ...مافيني أتحمل منظرها ...ساعدتني كتير
القعقاع اطلع بنبيل بحزم: بدك تروح ...روح ....بس أنا عندي مهمة بدي أعملها
نبيل صرخ : لك وين رايح يا مسطول ..القعقاع يا قعقاع
القعقاع مشي قريب من سعيدة بس سعيدة واقفتة عم تحاول ما تتحرك بس عم ترجف وترعد من خوفها ...وعرقها عبى تيابها ...والذئب شكلو رح يخاص ع اللي معو ...وبعدها رح يخلص عليها ع الأكيد
القعقاع ركض بدو يساعدها وإذ بيشوف هنيك ....هديك الشوفة اللي ما صدقها .(سعيدة خايفة عم تبكي ...وفجأة سمعت صوت : لا تخافي ...رح ساعدك ...بس أنتي انحني شوي شوي ع الأرض ...)
سعيدة: مين مين في هون ؟؟؟مين ورا الشجرة ..
لك هاد أنا ماعرفتيني
لاااا ماعرفتك بس صوتك مألوف إلي ....
ولا يهمك ...أنتي بس انحني ع الأرض ....وماعليكي بالباقي ....
وبركي لاحظني
أنتي عملي هيك بس حاج تجادلي
طيب ماشي...
انحنت سعيدة ع الأرض ....وهو قرب صار جنبها على مهلو ...
جاهزة ؟؟؟؟
مستحيل ..هاد أنت هون
اي أجيت لساعدك
فكرتك
خلص لا تحكي ...هاتي أيدك ...لطلعك من هون ...
طيب ماشي ....شكرا ي
ا ....
لا تتشكريني لنخلص ...جاهزة
اي
هنيك !!!
القعقاع من ورا الشجرة مسك سيفو مستعد ليقرب ويهجم حتى يساعد سعيدة بس المفاجأة كانت قدام القعقاع
القعقاع بعيون نايصة : شبها سعيدة انمدت ع الأض ؟؟؟كأنو في حدا عم يحاكيها ؟؟؟...شو هاد ... في حدا قرب من سعيدة ووقع جنبهاع الأرض ...لك معقول يكون ال...؟؟؟لا مستحيل
نبيل : لك مين هاد اللي هنيك ؟؟؟!!!
ندى كانت عم تبكي مغمضة ...ولما سمعت هيك من نبيل بحلقت ..ونطت ورا حجر كبيربعيدة عن نبيل تتمعن بعيونها تشيل عنهم الدموع : ليش هاد مو القعقاع؟؟؟
نبيل: لك ليكو القعقاع ...ورا الشجرة كانو كان بدو يروح ....بس وين اختفى ... هلأ كان هون!!!!
ندى: فكرتو راح لعندها ؟
نبيل : شششش اسكتي لنشوف شو اللي بدو(فجأة طلع حدا وراهم )
كيفكم يا أوادم ههعععععههه
ندى ونبيل : هاد أنت ؟؟؟؟؟؟
سعيدة : قلبي رح يوقف
لا تخافي أنا معك ...لما بعد لل ٣ بتستعدي لنرقض لهنيك ماشي
بلش يعد ١....٢.......٣...
وركض هو وياها بسرعة كبيرة . .....بس الذئب العملاق انتبهلهم .....بدو يلحقهم
سعيدة : ولي ..شافنا
لا تطلعي لورا ....ركضي بس .....
ركض هو وياها لصاروا عند الطرف اللي فيه ندى ونبيل ......الذئب فتح تمو عليهم ...بهل اللحظة نط حدا في فوق الشجرة وصابت الذئب بسيفو ...وطلع شي منو واتدحرج ع الأرض ....
انسمع صوت عوااااء قوي مبين صوت الذئب بشكل مجروح ....وركض هربان فاندارت سعيدة : استنى وقف .. وقف
شبكي ...؟!
الذئب راح.كأنو ؟؟؟
لك لوين راجعة ...
ما ردت سعيدة فضولها أقوى من أنو اتم واقفة هيك ..فركضت لمطرح ماكانت عم تهرب وشافت: دم بالأرض .وشي متل الطابة قدامو ولزج
سعيدة: لك شواللي بالأرض شو اللي صار ...؟؟؟
وإذ بيطلع بوجهها ذو القناع وبأيدو السيف كللو دم
سعيدة : القعقاع!!!شو عم تعمل هون
القعقاع: كنت جاية ساعدك ....بس(بيطلع فيه) شكلو مالي دور طالما في.حدا هون وساعدك
القبطان: لا ماعملت غير واجبي ومافي داعي تتشكرني ...المهم سعيدة بخير
سعيدة: فعلا وجودك كان باللحظة المناسبة
القعقاع بنظرة حدة: شو كيف هربت يا قبطان ؟؟!!
القبطان: أنا مابهرب ....
القعقاع: لكن كيف وصلت لهون شو هالصدفة
القبطان: من جهة صدفة ...يمكن تكزن صدفة .....بس وصلتي لهون مو لحالي وأنت بتعرف أنو انا أصلا مو لحالي ....والقصة هلأ بتهرفها لنمشي شوي لقدام شو رايك
القعقاع رفع السيف بوجهه : بتعرف ما تطلع قصتك غلط ..أو فيها شي مو عاجبني ...راسك لطيروا
سعيدة: شبك قعقاع كأنك معصب
لا مافيني شي ..بس بيبين ومنشوف يا قبطان ...و هلأ امشوا لنشوف الجارية ندى ونبيل ....(في مسافة ليصلوا لعندهم )
القعقاع ساكت عم يمشي بدون ما يحكي وهنن لحقوه وراه
القبطان: في حدا معكم ؟
سعيدة: أي ...نبيل والجارية ندى ليش عم تسأل
القبطان: مممم لأعرف بس
سعيدة: شكلك شحبان وتعبانة
القبطان: من هالمسيرة ...وهالشوفات اللي بتقطع العافية ..
سعيدة: احكيلي وين الأمير والباقي
القبطان: الامير مات
سعيدة: شو ..شو عم تقول ؟وكيف مات
القبطان: مات مقتول
ومين قتلو ؟؟؟(سكت القبطان والقعقاع لمحو بنظرة والتنين بينهم شرارة بالعيون)
سعيدة: مين قتلو للامسر يا قبطان ....وكأنك هربت من ابو الجماجم ؟؟؟!!!!
القبطان: القصة طويلة ...بحكيلك ياها بعدين ...خلينا نمشي هلأ لنصل بس
سعيدة مستغربة : لوين نصل ...وليش لبعدين وينو أبو ال..(بدها تكمل جملتها ولقتو مقرب لعندهم ومعو نبيل وندى ضحكتو عبت الدنيا كلها )ههعععععههههههه:أهلا بالقعقاع..أبني و حبيبي تعال لهون اشتقتلك ولك ضربان
القعقاع : أهلا بمعلمي وابي ابو الجماجم (حضنو بعض بقوة )
سعيدة مفلوجة : القعقاع أبوه ابو الجماجم
القبطان : مابتعرفي
سعيدة مسمومة : منين بدي أعرف ...
ابو الجماجم : شو طمني يا قبطان مشي الحال
القبطان: مشي ...
سعيدة: على شو
القبطان ملبك : خلص ولا شي سعيدة بعدين
قرب أبو الجماجم عم يشوف سعيدة : هي أنتي لكن سعيدة أسمك
سعيدة قرفت من ريحة تم ابو الجماجم اللي طالعة ومنظروا اللي بيخوف: أي انا سعيدة ليش في شي
أبو الجماجم: اي في ....كيف هيك أنتي عايشة ...وهي البنت كمان ليش عايشة التانية ....(شلف ندى بأيدو جنبها وهديك مرعوبة )
أي عايشين ليش مستغرب ؟؟
اللي مستغربو هو لسانك يا بنت .....وبعدين مستحيل حدا يفلت من أدين ابو الجماجم ....في شي غلط
سعيدة: لك أنت حراك يكون في براسك مخ أصلا كيف هيك بتقتل ناس ابرياء مالهم ذنب بأي شي
هون ابو الجماجم اجتو الضحكة القوية :وكل اللي معو كروو بالضحك هههههههه قال مالهم ذنب قال....كل واحد بيقترف غلط فينا لازم يموت ...يندفن وينقبر كمان ...(طلع من جيبتو)شوفي هالأيد بتذكرك بشي
سعيدة: شكلي عرفت مين اللي قتل
أبو الجماجم : هي ايدو هههههههه
سعيدة: لك مين مفكؤ حالك حتى تعمل هيك يالناس
أبو الجماجم عصب : ماحدا إلو دخل بشغلي فهمتي ....
القبطان : سعيدة اهدي بترجاك
سعيدة: ماعم بقدر ...
سعيدة صرخت: لو أنت صار فيك هيك ومتت نفس موتت هالناس بالسم شو كان موقفك
أبو الجماجم: إذا ما بتسكتي رح (طلع السيف بوجهها وهالحركة خلت نبيل يبتسم بمكر كبير )مالي مضطر برؤلك ف يا إما بتسكتي وبتحترمي نفسك يا اما رح لحقك باللي ماتو فهمتي
ندى همست : بترجاك سعيدة ماصدقنا كيف نفدتي من الموت ..
سعيدة بلعتها بالزور
أبو الجماجم : يلا تحركو بدنا نمشيي لقدام ونرتاح شوي ...بكرة عنا روحة غير شكل لهيك بتستاهلوا الراحة ياشباب ...ف أمشو خلونا ننبسط لان بكرة عنا انبساط غير شكل عهههههه...شو هاد اللي معك يا نبيل
نبيل متدايق : أشلاء خطيبتي
أي صح نسيت أنك تركتنا لتدور عليها ..بسيطة مندفنها لقدام شوي ولايهمك
نبيل : ليش مالك مستغرب يا ابو الجماجم من إني هيك لقيتها يعني ؟؟؟
ابو الجماجم: لأمالي مستغرب لأني شفتها وقت مررينا من هون أول مرة
نبيل : شو بدنا نعمل بهل البنتين يا معلمي
أبو الجماجم : إلا مانعتازهم بشي اضحية تانية هههههه يلا خلونا نمشي
سعيدة: (يعني كانت وصلانة جميلة قبل ابو الجماجم؟؟؟)
مشيو الكل ورا أبوالجماجم وعصابتو ..ونبيل بنظرات القوة والمكر لسعيدة ...وهديك متحمضتلو وعملتلو 😛
وهنن ماشيين ...
ابو الجماجم : بتعرف يا ثبطان فكرتك رح تروح فيها هههههه بس شكلو مشي الحال يا قبطان بعدين ..ههههه على فكرة مستحيل اعمل اللي عملتو خاصة لهيك بنت نقاقة ...كنت تركتها تموت شو بدك فيها (انسمت سعيدة)...ههههه هلأشو ماعملتي مارح تقدري تكافيني ....هههههه
(ندى إطلعت بالقعقاع اللي مدري شو صرلو ..سكت وحركاتو عصبية كتير )
سعيدة: كافيك ؟؟؟شو قصدك يا ابو الجماجم
القبطان: خلص سعيدة منحكي بعدين ....خلينا نمشي
سعيدة: لوين بدنا نمشي ....مالك سمعانو شو عم يقول
القبطان: لك استرينا هلأ ...خلص هلأ امشي شبك هيك.دقرتي مو وقتك ها
سعيدة: وأنا اللي وعم قول لحالي كيف هيك القبطان هون أجى ...
القبطان : صدفة و (قاطعو ابو الجماجم)
ابو الجماجم: هاد القبطان بحضي مجنون...هو شافك هيك وإلا بدو يساعدك ... ههههههه مجنون شو بدو يقول الواحد
سعيدة : عنجد قبطان.
القبطان: ماهان عليي شوفك هيك ....المهم ما صرلك شي
سعيدة: لا أنا منيحة ...وآسفة نسيت اتشكرك ...شكرا كتير إلك
القبطان : مو مشكلة (في حدا عيونوا بالسم تنقط تنقيط
إبو الجماجم : يلا مشو مشو ههههههه في حكي كتيييير بدنا نحكيه ....يا اصلع معك كل غراضنا صح
الأصلع اي يا معلم كللو معي
ندى لسعيدة عانقتها : الحمدلله ع سللامتك سعيدة ....قلبي وقف عليكي منيح اللي ما صرلك شي
سعيدة : اي منيح ....
نبيل: ياريتك اتاكلتي وارتحنا منك ....
سعيدة: بمنامك يا نبيل ...وليكني أجيت ولا أحلى من هيك ...شو رايك يا قعقاع .....قعقاع ؟؟؟!!!
القعقاع ماشي ساكت ماعم يرد ع حدا عم يقطع أغصان الشجر بأيدو قدامو.....معصب
أبو الجماجم و القعقاع جنب بعض
القعقاع: شكلك يا أبي مالقيت الممر السري
لا مالقيتو ماخليت تعذيب ما عملتو بالأمير وما رضي يحكي شي...يخربيتو شو راسو يابس من فوران قلبي مالقيت حالي غير طيرت راسو
القعقاع: والحل هلأ
أبو الجماجم : رح نصل لهدفنا ...وليكو قدامك ...يمكن بكرة منصير هنيك
القعقاع: أبي بدي قللك ....انو نحنا ولا مرة وصلنا لهون ...
أبو الجماجم : صح ....بس شو قصدك
لك في مناظر غريبة جديدة هون
شو قصدك يا قعقاع أحكي
لك كأنو في جزيرة تالتة هون
ابو الجماجم : شو عم تقول أنت ...الجزيرة قسمين و
بس يا ابي حسب ما بتقلي أنك ما تأكدت من هالحكي ولا مرة ....كل مرة بتجي لهون وبتوقف عند نقطة الأضحية ...وبترجع ...
صح ....بس
القعقاع : بس شو يا ابي ....حاسس بشي غريب عم ينتظرنا لقدام مالنا عاملين حسابو
متل شو ؟؟؟
ولا شي ....خلينا نمشي ....
ابو الجماجم: على فكرة أنا شفتك كيف غزيت سيفك بعين الذئب العملاق ....وكيف هرت عينو ع الأرض .....ليش هيك عملت ومنشان شو و (قاطعو الأصلع اللي صار لقدام بمنيح عنهم )
الاصلع : يا ابو الجماجم ..يا ابو الجماجم ..تعال .شوف شو شفت
#يتبع
#سر_اللوحة
#بقلم_كنانة_غميان
#الجزء_العشرون
القعقاع: خير شبك شو في يا أصلع ؟؟؟
الأصلع : قربوا وشوفوا ...شوفوا
قرب الكل ملهوجين من بين الشجر وشافوا شي غير متوقع أبدا
سعيدة : واو ...جزيرة ....؟!
القبطان: جزيرة تالتة !مستحيل
ندى : شو حلوة ....مو معقول ...شو هالجمال اللي هون ؟؟؟
المكان فيه نهر صافي... المي رايقة كتير والسمك عم يبلعط فيه ...عدا عن الشمس اللي عاطية لمعة فيه غير شكل ..وهي عم تركض لوراء الأفق حتى تغيب ..والشجر حولين النهر ع اليمين واليسار .....والخضار لونوا حشيشي.رايق كتير..حتى في شوية فواكي ع الشجر
أبو الجماجم: ماكنت متوقع نلاقي جزيرة تالتة ..هي آخر توقعاتي ..كنت على حق يا ابني ..
القعقاع: شوف أبي ...هنيك فوق ...عند الجبل المبوز الجمجمة عليه متل حكيتلي تمام
أبو الجماجم : أخيرا .....الإنتعاش الذهبي ...حاسس بالمصاري رح تلعب بأديي لعب ههععهههه شبك نبيل
نبيل بدي أدفن أشلاء خطيبتي ...
أبو الجماجم : مممم صح ....تعي يا بنت ..أنتي هييي
سعيدة: أنا ؟؟!
أبو الجماجم: اي أنتي ...تعالي وساعدي نبيل بالدفن
وشو دخلني أنا
لأني أنا هيك بدي ...فهمتي ولا عيد وكرر
سعيدة عصصبت ..بس أجى القعقاع واطلع فيها : معلش نفذي ولاتعترضي ..مالك خسرانة شي
سعيدة: كان ناقصني أوامر ......
أبو الجماجم : شو قلتي
ولا شي رايحة ....هفففف
ابو الجماجم : بدي أفهم ليش الكل عم يدافع عنها هون .....خلصني أنت وياه ...شوفوا شغلكم
راحت سعيدة مع نبيل ....وأجى الأصلع بلش يحفر بالأرض ....ونبيل عليه التعاسة وبنفس الوقت متدايق من سعيدة أمورو مخربطة ع الآخير
خلص الأصلع حفر : وأجى نبيل بدو يحط اشلاء جميلة وهو تعيس عليها بهل المنظر ....سعيدة لمحت شي مألوف ...فقررت تدخل
سعيدة: نبيل ..احم سيد نبيل
اندار عليها بعيون جفلانة بدون حكي :
سعيدة: بتحب ساعدك ؟؟؟قصدي حطلك جثتها بأيدي
ماحكى شي شي غير مد أديه وعطاها ياها ....
سعيدة مدت الجثة بطريقة كأنها جسد واحد وقدرت بصعوبة تفك ايد جكيلة المضمومة وتاخد اللي فيها ...حطتها بجيبتها بعيد عن نظر نبيل ....خلصت سعيدة : يا أصلع ...فيك هلأ تحط التراب فوقها .....
سعيدة بدها نمشي فمسك ايدها نبيل وحط يعينو فيها معصب : ليش هيك عملتي ؟؟؟؟...
ارتعبت سعيدة : ش شو عملت يعني
ليش هيك عملتي جاوبيني ؟؟؟!!
سعيدة: م ماعم افهم عليك
سحبها لعندو جلف بأيدها: لك فكرك أنا مابشوف آه ...شو مفكرة حالك عملتي
سعيدة: أخ ايدي ...شبك سيد نبيل ....شو صرلك
بدي أعرف ليش هيك ساويتي ....لك شو هدفك ..آه ...
وإذ حدا بيدفش سعيدة بغفلة لورا ..وبيطلع بخلقة نبيل مقرب السيف عليه : ليش هيك عم تعاملها
نبيل : بدي أعرف ليش هيك عملت مع جميلة ...ليش راحت دفنتها هي بأيدها ....أكيد منشان تلعنها وهي بقبرها ....
القعقاع: لك مجنون ...ماعملتلك شي ..بس ساعدتك هي كل القصة ...ليش ماعم تفهم أنو جميلة ماكانت بتستاهلك أصلا .....
نبيل: وأنت ...ليش عم تدافع عنها
أنا ماعم دافع يا أجدب بس أنت صاير بتحب المشاكل ومفكر أن الكل سبب بتعاستك ....روح شوف حياتك وظبطها
نبيل : هههههه لك فكرك أنا مابعرف أنو (لسى ما كمل كلامو حتى وصل السيف لحيز رقبتو لنبيل )القعقاع بعيون التهديد : كلمة تانية مارح أرحمك ....فهمت نبيل .
نبيل بعناد: لا مافهمت
مسكو القعقاع من راسو وركض فيه ع النهر ...وغطلو راسو فيه قدام الكل ...وطلعلو راسو : وهلأ شو فهمت ولا لسى
نبيل كللو مي ...وراحت باروكتو بالنهر عم ينفخ بالمي ع تمو وصرخ : هففففف خلص ...خلاااااص ...فهمت تركني بقى
تركو القعقاع بنص ابتسامة مكارة ومشي
مرر القعقاع من جنب سعيدة ...وهي مستغربة تصرفات التنين ...
ابو الجماجم : شبك يا قعقاع شو صار
عرضية يا معلم ....
احكيلي لشوف
بدو كل الدهب وقلتلو معلمي ابو الجماجم هو اللي بيقسمها ...هي كل القصة
طبطب على ظهروا : هههههع برابو ...تربايتي ..ههههه
القعقاع: شوف كيف صارت قريبة الجمجمة ....ورح نصل لغايتنا بكرة أكيد
أبو الجماجم: فعلا عم تصير أقرب وأقرب من قبل ....يا أصلع أكيد معك المفاتيح تبعات الأمير
الأصلع: ولا يهمك يا معلم بالحفظ والصون
أبو الجماجم : ارتاحوا هلأ ياشباب وعملولنا نارا هون ...حتى ناكول ونرتاح وأنت يا أصلع روح أنت واللي معك جيبولنا سمك من هالنهر يلا بسرعة وأنت يا قبطان تعال جنبي ...وهيييي أنتي يا بنت ..أنتي وياها
ندى: أنا ؟؟؟
اي أنتي ...قومي وركزيلنا الأكل وكل شي ..مو أنتي كنتي ع السفينة
إمبلا ... .
أبو الجماجم: هييييي وأنتي ....أنتي ماتردي
سعيدة: أنا إلي أسم
ههععععهههه لاااا عنجد ....شو رأيك خليكي بلا اسم ...وبلا رقبة كمان (دارت وجهها مو عاجبها )
القبطان: سعيدة ...قومي وساعدي ندى ....يلا قومي
سعيدة: قايمة .....لس منشانك يا قبطان
راحت سعيدة سامة بدن أبو الجماجم : أنت بتعرف إني ساكتلها بس كرمال إتفاقنا ....
القبطان: وأنا عند وعدي ....
ليش بتتذكر شو وعدك إلي ...
القبطان تنهد: أنو كل خدماتي صارت إلك وأنا تابع إلك وإيدك اليمين ....
ابو الجماجم: وأنت بتعرف أنو كل هالشي حضرتك عملتو ..بس منشان هالبنت ...ومنشان تساعدها ....صح
صح ....خلص أبو الجماجم ...هالبنت تركها عليي ...وأنت روق ..بكرة عنا شغل كتير
ماشي ...بس منشانك ....يلا يا أصلع وين الأكل ؟؟؟
الأصلع: لسعتنا عم نصيد يا معلمي ...من العتمة ماعم نشوف كتير
القعقاع نط ..وجاب قدحة نيران ...قربها من النهر فصارت الاسماك تبين مقربة ع الضو ....بلش الصيد من الشباب
الليل حلل ...والنارا واقدة ...والقراصنة فرحانة كأنو انتصرت بالشي اللي هية جاية منشانو ....
سعيدة: رح موت من جوعي ...من زمان ما أكلت ...آخخخخ يا بطني
ندى: طلعي شوية خضرا ناكول ...؟؟؟
سعيدة: ليش حضرتك تركتيلي شي ...شوفي ....مافي شي بالكيس ....كللو بلعتي متل الجراد
ندى: أي ...معدتي عم تاكلني ....
سعيدة : ههههه هلأ بدك تاكلي شو ماقدمولنا مو بكيفك ههههه
ندى: أنتي بس اشمتي فيني ...لو ضليت بالسفينة اشرفلي
دخيلك روحي مين ماسكك ...شوفي هي أجى الأصلع
الأصلع : بيقولي معلمي ابو الجماجم ...الأكل جاهز
قامت سعيدة وندى ...وقعدو قدام قريب من النار وجاب الاصلع السمك ...وحطها بأغصان سميكة وبلش الشوي ...وتطلع الريحة ....هون بلشت سعيدة تصحصح على الريحة ......وقامت بدون سابق انذار هاجمة ع سيخ السمك متل الفك المفترس وتاكول بهمجية ...
ندى: لك شبكي ...إهدي شوي ...ولي عليكي يا سعيدة فضحتينا ...الكل عم يطلع فيكي
سعيدة بعالم تاني ..الكل عم يتفرج على هالمنظر ..سعيدة ماعادت سمعت ولا عادت شافت ...كأنها مو شايفة أكل بحياتها
سعيدة: همممم شي طيب هالسمك ...(وقفت عن الأكل بعد ما حست بهدوء والعيون عليها ..).شبكم عم تتفرجوا علي هيك .ومتمسكين ببعض ...كأنكم شايفين وحش مثلا .....
نبيل: هههههه مو مثلا ..قولي فعلا ...شو صرلك يا مسكينة بحياتك مو شايفة أكل ولا سمك ..
سعيدة: أي جعت ..شو حرام ...بعدين كللو منكم مشيتونا مشي كتير ...والمناظر كلها بتخلي الواحد يهضم معدتو غصب عنو ......
ندى: لك على مهلك ....خلصتي السيخ التاني ...وأنا لسى مابلشت
وما تاكلي حضرتك شو عم تستني ؟؟؟
يييي ريحة بتموت ..مافيني آكول هيك شي .....
نبيل فجأة زت شغلة لحضن ندى : خدي هي
ندى ماسكتها : شو هي؟
نبيل: فاكهة لقيتها هنيك ....خدي كليها
ندى اطلعت بسعيدة وقضمت الفاكهة وطار عقلها فيها
سعيدة: بدي كمان...هيييي يا أصلع عم قللك بدي كمان
الأصلع معو السمكات ...: خلصت حصتك
سعيدة : بدي كمان عم قللك
نبيل: هههعع بتشبهي الفك المفترس بهل المنظر..ولي عطوها دخيلكم
الأصلع: قال ابو الجماجم بس سيخين ...(..قرب القعقاع سحب سيخ من عندو وقرب ناح سعيدة وقرفص : خدي ....هي
سعيدة: شكرا
الأصلع: بس يا قعقاع ..قال ابو ال....
القعقاع بعين حدة : شو قال!
الأصلع مرعوب : قال بيسلم عليك ...بدك سيخ تاني ؟؟؟ في رابع كمان سيدي القعقاع
القعقاع: أي هات ....يلا روح شوف شغلك
الأصلع : بلع ريقو ...اي صح ..خلص السمك .....رايح جيب كمان ..حاكم في دببة معنا هون (اطلع فيها مسموم)؟؟!!
سعيدة: دببة بعينك .....تضرب شو غليظ(تكمل اكل)
القعقاع ع يتفرج: خلص كلي ولا يهمك ....(قام القعقاع ووقف قريب من الشجرة عم يتأمل اللي عم يصير
نبيل: أضرب من الدببة بتاكلي أنتي ولا الذئب المفترس هههه نفس المنظر ههههه يا حرام ....شو بحياتك مو شايفة آكل ههههه
سعيدة زتت السمكة: ليش اللي متلك بيقول بحياتو مو شايف شي اسمو رحمة بالبشر
نبيل بدو يحكي فكمل عنو القعقاع : رحمة ..الرحمة يا سعيدة مابتعرفي شي عنها متلها متل اي عذاب ممكن يمر ع البشر التنين واحد ..بس كل شي بهيئة شكل ..بعدين (أجتو الضحكة) ههههههه.كلي كلي ....قال رحمة قال الرحمة ما عملتها لحدا ....ولا شفتها على حدا .
سعيدة: شي طبيعي لأن كل اللي حوليك ربوك على هالشي .....لسى بدك تطلبها لرحمة شي يوم بحياتك وتحس فيها
(أجى الاصلع وصار يحط السمك ويشوي ويعطي الموجودين ..خايف من سعيدة )
القعقاع : لا ما بعتقد إني أطلب الرحمة ......مو أنا اللي بطلبها أصلا ....ممكن أطلب شغلات تانية بس مو الرحمة .....ما تكملي أكل؟
سعيدة بلؤم: شبعت..صدت نفسي
القعقاع : أي هاتي هالسيخ لكن
خووود ..
القعقاع (يأكل) ممممم فعلا طيبين هالسمكات يسلمو يا أصلع
سعيدة بسمومية : فيني أعرف شو سر عالقناع...واللي كل مرة بتغيرو شكل ؟؟؟
هههه لا مافيكي ...ومو شغلك حتى
سعيدة: طب ورجينا شو تحت هالقناع؟؟؟ولا خايف
القعقاع: .ههههه خاف ...يمكن أنا آخر واحد ممكن يخاف .....وبعدين ..قلتلك مو شغلك ..روحي التهي بحالك ..يلا من هون
إلاما يجي يوم وأعرف شوفي تحت هالقناع ياقعقاع
ههههه إذا طلع بأيدك لا تقصري ههههه .سلام
قعدوا بعد الأكل والشبع ..بلشت السهرة عند القراصنة ...ماخلو شي من شرب ورقص وجنان ماعملوه ... وسعيدة قعدت ع جنب والقعقاع مواجهها عم يقطع بهل الأغصان ويزت فيها ...كأنو عقلو مو معو
سعيدة وندى قدام هالنار اللي عم تصير وعم يحكو بهمس :
سعيدة: شو السر اللي خلا أبو الجماجم يحب القبطان هيك ..؟؟
ندى: شو بيعرفني بس أكيد القصة فيها إن ....
سعيدة : حاسة في شي مخبى
ندى:معك حق...قللك شو
شو ....
ياستي سمعتهم عم يحكو
لك أنتي فظيعة كيف بتسمعي ..قولي شوما سمعتي بحياتك أنتي ...احكيلي لشوف
بكرة بدهم يروحوا ع الجمجمة فوق ويسحبوا كل الدهب تبعات الأمير
سعيدة: هي بعرفها ...وغيروا
لك شبكي سعيدة : شو نسيتي أنو قال الأمير لرفيقو أنو(قاطعتها ) سعيدة: يخربيت قليك ..صح ..كيف هيك نسيت
ندى: المشكلة بس إذا صرنا فوق شو ممكن يصير بعدها إذا دريو بهل الشغلة ...(القعقاع عينو عليهم)
الأصلع مرر أجى: طالبك أبو الجماجم
سعيدة: أنا ؟؟؟
أي
شو بدو مني ؟؟
قومي وحاج لعي
سعبدة: ييي علينا ....
ندى: خلص روحي شوفي شو بدو
سعيدة قامت وصارت عند أبو الجماجم والقبطان جنبو
سعيدة: نعم ؟؟؟
قال أنتي.....
سعيدة : ناديتيلي ..أبو الجماجم
القعقاع عم يتفرج
أبو الجماجم: أنتي بتعزفي ع هالقيثارة اللي برقبتك ...صح ؟؟؟
سعيدة: يعني ...ليش ؟؟
ابو الجماجم ..هههه حلو تعي قعدي وبلشي زهزهيلنا الجو
سعيدة : شو هاد ؟؟؟
القعقاع أحتو الضحكة
القبطان: قصدو عزفيلنا شوي يل سعيدة
ابو الجماجم بين السكران واللي عقلو مو معو وبأيدو العصير: اي واااا هاد اللي قصدي ههههه يلا بدنا نرقص شوي ونفرح ماهيك قبطان ....
القبطان : متل مابدك ...يلا سعيدة قعدي وبلشي ...
سعيدة عصبت بس بلعتها...قعدت على حجرة قدام النار ....طلعت قيثلرتعا وظبطت وضعها ...وبلشت تترنم بالألحان ...والقمر مضئ بالسما ...والجو كتير حلو ...كلبو بيهمو عم يتذكر مع هالألحان ....نبيل بخطيبتو اللي ماتت
ندى بهمها مو عرفانة كيف بدها تكلع من هالجو ...قربت ع صخرة كبيرة قعدت عليها تتأمل السما وضو القمر ...
القبطان عم يهز برقبتو متل الحردون مبسوط باللي رح يحصلو بكرة
القبطان متدايق من اللي وصلو ...آخر الشي انضم للقراصنة بعد ما طلع منهم بصعوبة ......
أما القعقاع ..قعد تحت شجرة كبيرة .....عم يتسمع للألحان...ماسك سيفو عم يقشر فيه غصن عريض ويمد بهل النار وبداخليتو شي غريب ...أما بقيه القراصنة قاعدين جنب بعضهم عم يروحوا مرة يمين ومرة يسار ورؤوسهم متل عواد الكبريت عم يغنوا بس مو بوعيهم ...الجو أخد عليهم منيح
أما..سعيدة ...تأثرت بالجو اللي صار ..لأن نفس هالجو كانت تغني فيه بالحانات . بين الهادي والضايج ....فتذكرت أمها كيف كانت تدخل عليها وتبوسها وهي مو عاجبها ....وتذكرت كيف عصت أمها وراحت ....صور بشعة بلشت تمر على ذاكرة سعيدة من الطباخ لابنو الأخرس ...لرفيق الامير ....والأمير ...وجميلة المسكينة ......وبس خلصت عزف كانت دموعها مغطية خدودها ...رفعت القيثارة عن رقبتها ...ولقت الكل نايمين ...تعبانيين ...فقامت لترجع تقعد محلها جنب ندى ....
سعيدة: يا حرام ..هي ندى كمان نايمة ..مسكينة على هالنومة ....وهي كمان القعقاع نايم تحت الشجرة ...صح أجت والله جابها ....فرصتي ...خخخخخ خطرتلها فكرة.ع الهسي ...وقامت على مهلها ملاحظة خطواتها ...مشيت بهدوء ....ووصلت لعند القعقاع ..تأملت وجهه شوي ...مدت أيدها صارت تلوحلو لتشوفوا غفيان ولا منتبهلها .....
اطلعت بعيونو شوي حتى تتأكد من نومتو ....(هوهووو شكلو نايمة ع الآخير لبلش بخطوتي التانية )
مدت أيدها على مهلها...عم تقرب ناح القناع .....ولما وصلت للقناع بثواني من القعقاع ...لقت شي مسك أيدها وفتح عيونوا فيها ...انفلجت سعيدة فيه وتلبكت لما لقت معصم أيدها بأيدو ....بعيونوا القوية وابتسامتو المكارة: صاحيلك ....صدقيني صاحيلك ...شو مفكرة حالك عم تعملي
أ أنا ...أنا كنت ...بس بدي شيل حشرة عنك ....
قام وقف على حيلو بحزم ماترك أيدها : شو مفكرتيني ...أجدب ولا عم تجدبيها عليي
سعيدة: لا ...لا مافي هيك شي ....بس
لك بس شو ....فكرك مابعرف شو بدك تعملي .....
سعيدة: ......
لا تمدي أيدك ع شغلات تخليكي تندمي ...
صار يمشي قريب منها ....وهي عم ترجع لورا
سعيدة: بس أنا ماغلطت شبك هيك اتدايقت
كنت عرفان أنك عم تستني الفرصة حتى تنزعي القناع عني ....
سعيدة بلعت ريقها : لا لا ماهيك ...كل القصة
وقف بوجهها : شوفي ...ماتعيديها لشوهلك خلقتك فهمتي .....
سعيدة: يعني أنت مشوه
القعقاع: قلتلك مادخلك ..وروحي نامي ...لاتعصبيني
سعيدة: الحق عليي اللي بهتم فيك
لا واضح أنك مهتمة بغيرك انتي وحدة وأنانية ...بيهمك حالك وبس
سعيدة: أنت هيك شايف
القعقاع: اي ..هيك وكتير ...يلا روحي نامي يا شاطرة (دار وجهه عنها وكمل مشيو )
وقفت سعيدة بقوة: طالما هيك مدايقتك ومو عاجبتك ليش أنقذتني ....(وقف القعقاع لحظة )
سعيدة: جاوبني ....ليش أنقذتني يوم اللي كنا بالسفينة وزتني نبيل ....ليش ...
القعقاع: شفقة (وكمل مشيو)
انسمت سعيدة كتير ...ف راحت مسكت حجرة صغيرة ورمتها عليه من غيظها ...وهو مارد وكممل مشي ..وراح مطرح ماكان قاعد نزل الطاقية