الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم سر اللوحة`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#سر_اللوحة
#بقلم_كنانة_غميان
#الجزء_التاسع
سمعي ...مكتوب هون :
مرة من مرات الرحلات القريبة البعيدة
كنت في محيط كبير أنتظر ما ينبغي ...حتى وجدتها مصادفة فكانت المنشودة لقلبي كالمرآة مافهمتي عليي ؟؟؟
لا ..اشرحلي
😎😎😎😎
قصدو ..أنو هو كان برحلة بحرية مبينة من كلمة محيط .....وبعدين هنيك لقاكي بالصدفة
وهو مو ببالو يشوف حدا هيك بشكلك يعني بشكل عام ..فوصفك بالمراية ...لأنك بتشبهيه كتير متل المراية
الأم: .......؟؟؟معقول
نجم: شو أمي ...نسيتي أديش أنتي وأبي كنتو تحبو بعض ....وهالشي كان واضح إلنا كتير
لا يا ابني ما نسيت (صفنت )
شبكي ؟؟؟
مافي شي ..بس تذكرت شغلة
شو هية
مسكت الورقة ...وقلبتها : ابني .سمعني شو رح قلك ..بتجبلي مشط حديد وشمعة ..وجيبلي ياه مع ملقط ....وليمونة
أووووف ...ليش كل هاد بقى
متل ماعم قلك ...روح وجبلي اللي قلتلك عليه ....
طيب حاضر ....راح نجم وجاب لأمو طلبها ....وعيون الكل عليه من برا شو عم يعمل ...والأخوة بلشو ينغاظو من اللي عم يصير ...قرب الأخ الكبير بدو يلحق نجم: بعدلي نجم ...بدي أحكي مع أمي
بعدين يا أخي ....ليش عم تدفش ؟
ليش بعدين بعدلي عم قلك .....بدي احكي مع أمي ...ولا شايفك استفردت فيها لحالك
لا ....بس المقصد أنو ..
صرخ فيه وبعنف دفشو بقوة : بعد هيك عم قلك : فات الأخ الكبير ....ووراه نجم مدايق ....اطلعوا التنين بأمهم:
الأم: شبكم عم تتخانقو
الأخ الكبير: مافي شي أمي شفتك ما طلعتي لعنا قلت لحالي ليكون صرلك شي ؟
نجم استغرب كتير (معقول دب الحنان فيه فجأة )
الأم متكية كأنو مافي شي ...حتى اللوحة ..والورقة اختفو من قدامها ......عرف نجم أنو أمو خبتهم (يحاكي حالو )مالك قليلة يا أمي .بس ليش حتى تخبيهم عن أخي الكبير؟!...فكرت هو المدلل عندك ولازم تخبريه بكل شي كمان ...نظراتك فيها شي غريب يا أمي )
قعد الأخ الكبير مع الأم ونجم فات قعد معهم .....وترك الغراض على جنب قرب سرير أمو
الأم: ابني
الأخ الكبير: نعم
بدي أطلب منك توعدني بشغلة
شو هي ؟
أنو شو ما صار معك ...لا تأمن لحدا ....ماعدا الشخص اللي فعلا بتعرف دهبو
دهبو ؟؟؟؟؟يعني قديش معو قصدك ؟؟؟
نجم: هههههه قصدها أمك لتعرف معدنو
الأخ الكبير: أنعم وأكرم ..شرح الماء بالماء ...مافهمت شي
طبطبت الأم أيد ابنها نجم ...منشان يسكت وكملت مع الكبير : على كل حال يا ابني ...دير بالك من كل شي ...وكون منفتح المخ ..ماشي
الأخ الكبير داق خلقو: طيب ...طيب ...مو الأحسن تحاكيني بالمشرمحي أحسن من هالألغاز يلا أنا رايح على كل شوف الأكل ...جعت ولهلأ الفطور ما جهز ....ورح شوف وين وصلنا بالطريق ...يلا باي .....
الأم دمعت عينها
نجم: طولي بالك يا أمي
آخ يا نجم .....لو تعرف أديش بهد الحيل هالحكي
أي حكي ؟؟؟
حكي أخوك ...بتكون بدك تنبهوا على شي ...وهو ما بدو
بس هو عم يقلك ما فهم
نجم : روقي أمي شبكي هاد هيك أخي طبعو بعدين ياأمي ..الناس عقول ...وعقل أخي صعب شوي وأنتي بتعرفي هالشي
الأم:رح يندم ....رح يندم كتير ويمكن ماعاد يفيد الندم بعد فوات الأوان
شو قصدك أمي ؟!
سكتت الأم وطلعت الورقة من تحت السرير...: كملي كمان جملة
😘😘😘😘
نجم : حاضر ((
اقترب الوقت وقد حان وقت غير مجرى دمي بعد أن جال المحال ..دافعت حتى الموت لها....و(نجم سكت وكنن )
الأم لاحظت هالشي : شبك نجم ...ما تكمل ؟؟؟
أمي ...بصراحة ما فهمت كتير هون ...بس كأنو كان الوقت كتير أساسي بالنسبة لهل الجملة ....وفي شي تغير عندو بمخ أبي يمكن ...ولا شو رأيك (انتبه للخاتم اللي بأيدها )أمي ...؟منين جايبة هالخاتم
الأم: هاد الخاتم أجاني هدية ....عجبك
كتير حلو ....شوفي كيف موديلو .....وردة مسكرة
الأم: أي ....وإذا لفيتو بتفتح كمان
نجم: واو ....جد عملة نادرة هيك خاتم .ياريت في متلو هالأيام ....
الأم : مافي ....لاتعذب حالك ...
نجم: أمي ...شكلهم عم ينادولنا برا ...مابدك تفطري ؟؟
لا مالي نفس بنوب ....بدي نام شوي ...مدودخ راسي وبلش راسي يجعني .....(عم تجي وتروح صور بخيالها)...وغفيت .....حطها ع السرير مأمن علبها وطلع نجم مشغول بالو على أمو .....ولما طلع شاف الأخ الكبير والأوسط عم يتوتوا مع بعض ...وأول ما شافهم تفرقوا شوي
الكبير: يلا أخي تعال حتى ناكول ...وينها أمي
مابدها تاكول دايخة (مدري شو اللي صاير بين هالتنين ...يارب سترك )وين بدنا ناكول
الكبير: حاطين سفرة طويلة عريضة ....وعم يستنونا
نجم: شو هالكرم الأخلاق يعني اللي طلع من القبطان غالي .....شي غريب مو ؟؟
الأوسط: يلا تعال نقعد ...أنا جعت كتير .....
قعد نجم غصب عنو مع الباقي اللي مصفوفين وانتبه ل درة اللي قاعدة جنب أبوها ...عم تتغنج بالحكي ...والنظرات كافية ....
وبعد ما قعدو وجه نجم ماعم يتفسر :
القبطان غالي: شو يا نجم شايفك ماعم تاكول
مالي نفس كتير يا معلم
اوف معقول قاعد معنا ومابدك تاكول يادرة اسكبيلو ؟؟؟
درة : شو بتحب تاكول يا سيد نجم
شكرا آنسة درة بس عندي سؤال يا قبطان
خير يا نجم ...احكي لشوف شو بدك ؟
عينك القزاز......يعني هيك ولدت خلقا ..ولا في إلها سبب ؟؟
انزعج القبطان:شو عم تتمسخر عليي يا ولد
لا ..بس عندي فضول ليش هيك عينك يعني ؟؟
القبطان: من زمان تبارزت انا وواحد .....وكانت مبارزة حياة أو موت ...فقلعلي عيني ال (توووووت ابن التووووت )....
لاحظ الكل انزعاج القبطان غالي كأن أنفو عم يطلع غبار مشحر ....
الأوسط : طب شو سبب التشوه اللي بوجهك يا قبطان غالي
رفع القبطان سكينتو وحطها على شمعة قريبة منو : سببها أنو إذا ما بتسكت (صرخ راع السكينة بخلقتو )رح شوهلك هالواجها اللي بخلقتك رح تسكت ولا لأ ؟
الأوسط: خلص ..سكتت سكتت ....
نجم ماسك أديه على بعضهم عم يفكر وإذ : صار لازم قوم ...شبعت
الكبير: عيب يا نجم تقوم وماتاكول كمان ...صبي درة ....
درة : شو بتحب تاكول
نجم: لا خلص شبعت ....
الكبير : لك قبال من درة ...هي درة مو حيثما ....يا نجم
نجم:إذا هيك اسكبي لأخي درة خانوم ...عن أذنكم (قام نجم وسط ذهول الحاضرين ...فغمز غالي بنتو درة فقامت تلحقوا ...وهالشي ما عجب الأخ الكبير أبدا .....
وع السطح ..شافتو درة لنجم عم يتأمل المحيط فقربت ناحو شوي : يعني ماحلوة منك يا سيد نجم ما تقبل الأكل معنا ...خاصة هي دعوة من ابي خص نص
عادي يا آنسة درة ....ماتواخذيني مالي متعود على القعظة مع ناس بتعمل شي وهي بنفسها شي تاني
شو قصدك يا سيد نجم
قصدي ..ليش لحقتيني لهون
منشان أعزمك تقبل معنا مرة تانية
هههه بس .أنتي ما أجيتي لهون برغبتك ...يا آنسة (انصدمت درة من نجم ...كيف هيك حس أنو في شي )
درة : طبعا برغبتي..ليش هيك عم تقول
نجم: شو فكرك أنا مابقرا اللي بين سطور العيون ؟؟؟
درة : عفوا ...كيف يعني
نجم: ولا شي ....(شكلك ما بتعرفي شي يا درة .....عيونك حلوين كتير ...بياخدوا البني آدم ع البحر وبيرجع عطشان ...)دار وجهه عنها ...للسما والمحيط
درة : بس ماكون زعجتك بشي
مارد نجم ...واتكى على رف السفينة .....درة عندها فضول تعرف نجم شو مخبي جواتو ....هي أصلا مو عرفانة ليش طالعة لهون غير انو على أساس روحة استجمتم مع هدول الضيوف على قولة أبوها ...بس كمتن درة مو قليلة بتعرف تحبك وتفصل وتلببس على كيفها ...مبين وراها كتمان كبير
قربت أكتر لتستند قريب منو ع السطح
درة : سيد نجم ....حابة اقعد معك هون ...عندك مانع
لا ...مافي مانع ...أصلا مابقدر أمنعك ...أنا هون عندكم ضيف
صح أنت عنا ضيف ...وأبي متوصي فيكم كتير ........أمك اللي جوا ماهيك ؟؟؟
اي أمي
شكلك بتحبها
ليش في حدا ما بيحب أمو....
آسفة ...بس أمي مابعرفها .....ولا حتى (سكتت)
نجم: ولا حتى شو ....
ولا شي ...صار لازم فوت لجوا وشوف الخدم شو رح يحضروا للغدا
راحت درة ...تاركة نجم بحيرة بأمروا ......
₩₩₩₩₩₩₩
سعيدة: لك مين هاد اللي عم يخبط على الباب ..
قربت حاطة أدانها قريب من الباب وهمست : مين ع الباب ؟؟؟
لك هاد أنا وليد ...فتحيلي الباب
وليد ؟؟؟يخربيتك من حالك فزعتني ....شو بدك
فتحيلي الباب
لا ذكي ها
لك فتحيلي يا سقيلة ....
ليش شو بدك ؟؟
بدي نام ...تعبان كتير
لا ماحزرت ....مارح افتحلك
يييي علينا سعيدة ...عم قللك فتحي تعبان وبدي نام
تنام عليك رفسة ...روح من هون أحسن ما يلقطك شي حارس ها ....
وليد: طيب بسيطة ...أنتي تتنعمي وأنا هيك مشرد
أنت من زمان مشرد وقفت على هلأ
طيييب يا سعيدة....لك فتحي
لأ مااي فااتحة ...بعدين منين عرفت محلي ؟؟؟
لك كل الناس شافتك لما طلعتي من البحر .......ولما أخدتك هالصبية شو كان اسمها
ندى ....شبها ؟؟
اي يعني لحقتها ...وعرفت وينك ....لك بالله فتحيلي الباب ...نفسي ارتاح ...كيف الغرفة عندك
يا الله ...شو غرفة يا وليد بتجنن ...تخت منفوش ومريح ....وخزانة كبيرة ....ومخدات بريحة الورد و
لك تضربي فتحي بقى
لللللأ ..روح ارجاع ع قاربك ...بركي بيصير شقفتين هههههه
هفففف طيب ماااشي سعيدة خانوم ...منشوف .....
سعيدة : وليد ...وليد ..رحت ؟؟؟شكلو راح ....أوخ عال ...هلأ فيني ارتاح شوي... (نطت على هالتخت وعانقت مخدتها ...وناااامت )
تاني يوم الصبح .....قامت سعيدة عم تتمطمط ....قامت وشدت هالجلايل عم تخاطب حالها : صباح الخير يا سعدونة أخيرا هي إجازة ..لقوم ولحق شوف الشمس قبل ما تطلع ....حلمي شوفهاااا ... ظبطت أمورها وركزت الغرفة متنشطة ....وطلعت لبرا (شكلو بس الطباخين صحيانيين ..والباقي كللو نايم ...ممممم ريحة بتجننن ...آخ يا أمي نفس الريحة ....ياريتك معي )..ماقاومت إلا ما مررت على المطبخ وفاتت بكل نفسية هنية مبتسمة ....وإشراقة عالية
مرحة عم تتفتل بتوبها المزركش
الطباخ: أهلا اهلا ....كيف بقدر ساعدك يا آنسة
سعيدة: شميت ريحة الشوربة ماقدرت ما فوت .....ماقاومت ....(اطلعت لهنيك كان داير وجهه عم يحرك الطنجرة ): مرحبا يا أخرس
الطباخ: مابيسمعك ...
ليش ؟؟
لأن الخرسان بيكون عندهم صمم بالأذن كمان
سعيدة زعلت : يييي يا حرام .....طييييب (قربت ودقت بكتفو عم تضحكلو وتحاول تشد وتمط شفافها : ماااارررحاااااابااااا ...أخ شلف تمي من التحريك
الطباخ أجتو الضحكة مع الخدم ...
الاخرس ابتسملها وعمل إشارات بأديه
سعيدة : شو قال ؟؟؟
عم يقللك صباح النور
مسكت سعيدة أديه زعلانة عليه : يلا تعال نطلع لفوق
الأخرس: هبااااا هييي دااااا
سعيدة: شبو ...كأنو انزعج
عم يقلك أنو ما بيقدر يطلع لفوق لأن لو شافو حدا رح ينخرب بيتو .....
سعيدة شدت ايدو: تعاااال على مسؤوليتي
الأخرس انشد مع سعيدة وهو عم يطلع بالطباخ ...(الطباخ عملو إشارة : مجنونة )وصار يضحك
طلعت سعيدة الاخرس لبرا وهي عم تبربر: بدي الناس اليوم كلها فرحانة ...مابدي حدا زعلاااان ابدا ....ابدا ....خاصة أنت ..(صاروا على متن السفينة ولسى ماحدا صحي من الركاب ..والفطور لسى بدو وقت شي ساعتين كمان .....قربت لرف السفينة تشوف الشمس كيف عم تطلع من الأفق ..سندت كفيها بقوة وتتنفس وتطلع فيه: بتعرف ...هالجو من زمان كنت حابة عيشو بحرية هيك ...الأخرس عم يشوبر (هباااا هبااا مااامااا)......ياريتني افهم عليك ...او تسمعني ....بس بتعرف ...يمكن أحسن هيك حياتك ماتسمع شي ...لأن شو ماعملت بحياتك رح تلاقي الرد بالكلام قاسي ...وهالشي أنت مترح تعرفوا بنوب ...منظف أدامك من هالسموم هههههه ...حاسة فيني أحكيلك كل شي ....( وقف جنبهاوعم يتفرج عليها )ياريت لو فيني سمعك عزفي ....كنت خلصتك من هال حزن اللي معبي قلبك (مسكت ايدها وسحبت على وجهها تقلو: ابتسم ...يالاااا ابتسم يا أخرس .....(ابتسم الأخرس يزيادة )بتعرف حلو وجهك وأنت عم تبتسم ....خليك هيك على طول ...ماشي .....هزز الأخرس راسو .......وبلشو الناس تطلع من أماكنها والأخرس بدو يروح حتى يحضر الفطور ........فكانت عم تتأمل السفينة منيح مع اشرعتها ...
وقامت سعيدة لعند القبطان بغرفة القيادة عم سدخن غليونو : كيفك يا قبطان
أهلااااا آنسة سعيدة ...شايفك مشقرقة ...
الفضل إلك ...شكرا على كل شي يا قبطان ....
المهم ارتحتي ما هيك
أي
بدي قلك شغلة
تفضل قبطان في شي
أنتي هون طالعة بدون أذ.....
وإذ طلع نداء من حارس الأمير: يا قبطان
نعم
الأمير طالبك حاالا
خير ليش
(راح القبطان لعند الأمير وهنيك انسمع الصريخ لبرا )
الأمير وجنبو رفيقو عم يحكوا
الأمير : أنت مين سمحلك تعمل هيك
عفوا يا مولاي ...مو قصدي ازعج حضرتك بس هاد اسمو مساعدة المحتاجين
اارفيق وقف وبأيدو وراق ملفوفة خبط فيها الطاولة : هاد أسمو تمرد ....أنت بتعرف أنو شو ما صار على هالسفينة ما بيصير غير بإذن مولاي ...صح ولا شو موالاي ؟؟؟
طبعا لأن أنا ممول الرحلة كلها ....
القبطان: يا مولاي ....
الأمير: ليش ماخبرتني
ماحبيت أزعجك بالليل ...وحضرتك مريض
شو مانكان المفروض تخبرني ......
الرفيق: وهلأ شو بدنا نعمل مع هالأوباش اللي برا ؟؟؟
الأمير: بتتخلص منهم
أنا ؟؟؟كيف يعني
الرفيق: هي مو شغلة سيادتو ...تحرك طلاع وعميل اللي قال عنو الإمير ...تحرك ....وإلا رح تصير مشنقتك هون ...فهمت .....
طلع القبطان وجهه ماعم يتفسر ...شو لازم يعمل هلأ ؟؟؟؟
#يتبع.....
#سر_اللوحة
#بقلم_كنانة_غميان
#الجزء_العاشر
سعيدة شافت القبطان متدايق : شبك يا قبطان ...شو في ؟؟؟ليش هيك مزعوج ...شو قللك الأمير ؟؟؟
القبطان : آخ ...قللي أنو (لسى ما كمل جملتو حتى شاف هديك الشوفة ) وصرخ للبحار اللي أجى ركض : شو هاد اللي أنا شايفو ؟؟؟شو هاد يا بحار ... لك الناس الغربتلية هدول كيف طلعو من غرفتهم من جوا ؟؟؟؟لك مين طلعهم ؟؟؟
البحار متلبك: أنا ..أنا طلعتهم
قرب دق برقبتو: لك كيف هيك بتعمل ؟؟؟
آسف يا سيدي بس هنن أصروا إني طلعهم ..وصاروا يصرخوا ويخبطوا على باب الغرفة ...قال اختنقوا من القعدة جوا
القبطان: ولي ...وكيف هلأ بدي رجعهم لجوا ؟؟؟مابلحق نادي ...بفضح حالي قدامهم كلهم ...
البحار: مابعرف ..بس دخيلك لا تفتن عليي
سعيدة: طول بالك يا قبطان بترجاك.
القبطان : لك شو هالمصيبة اللي أجتني هلأ ياسعيدة مصيبة كبيرة هي رزقي كللو من هالشغل هاد
سعيدة : طول بالك....روق
لك شلون بدك روق يا سعيدة ...شلون ...والأمير حالف يشنقني إذا ما خلصت من هالناس هدول وهلا المشكلة ماعطاني مهلة بنوب
سعيدة: ليش شو فيها ؟؟؟
اللي فيها انو سيادة الأمير ما بيحب ينخنلط من هيك ناس .. بس بيحب الطبقة المخملية اللي متلو وبس .....
سعيدة: العمى شو شايف حالو هالامير وأنا ببالي بيحب شعبوا
أجى نبيل سامع الحكي واتداخل : اي بيحب شعبو ...بس على بلع مصاري سأليني إلي .....كل شي منعملو من ارباح ولو واحد بالمية لازم ياخد رح عليه ضرايب ......
سعيدة : أوف لهل الدرجة ؟؟؟نبيل : وأكتر لسى .....
القبطان: نوصو صوتكم شوي ..بدكم تجيبو آخرتي أنتو ......
البحار: هي رن جرس الفطور ....شو رح نعمل ؟؟؟
ركضت ندى: يا جماعة ....ياجماعة ...تجهزوا ...جاي الأمير يفطر معنا ...
القبطان: يا حبيبي ...كمملت ....انخرب بيتي تمام هالمرة
سعيدة عم تفكر وأجت الفكرة وقربت توشوش القبطان ..الشي اللي غاظ نبيل : يا قبطان مافيك تضبط الناس الغربتلية ؟
بهمس: امبلا ..بس بدهم وقت لبينما أرجع جمعهم وخبرهم واحد ورا التاني ما بلحق
سعيدة: طيب رح دبرلك وقت إلهيلك الناس فيه ...وأنت ساعتها شوف شغلك مع البحارة
القبطان ماشي ...يلا ...(يلا عن اذنكم تعال يا بحار بدي ياك ضروي )راح القبطان عم يرطكض ماحدت فهملن شي ..غير سعيدة اللي تبشمت بوجه فيه تفكير : شووو؟ مابدكم تاكلو ؟؟؟تعالو ع السفرة ياجماعة أنا جعت
نبيل: لك أنتي بس بتفكري ببطنك ....
سعيدة : معك حق .وهلأ عن أذنكم (مسكت ايد ندى وجابتها لعندها )سمعي يا ندى شو رح قللك
شو ؟؟؟؟(حكتلها ).....وراحت ندى ....وانطلقت سعيدة ساحبةالقيثارة من القارب متل الحرمية بأيدها ...وفاتت ع القاعة
سعيدة: كيفك يا قائدة الفرقة ؟؟؟
منيحة ...شو بدك نبلش رح يجي الامير لأن بدنا شي حلو ؟
اي ..بس عم فكر نغير الجو شوي اليوم ؟؟؟
شو يعني ؟!
تعالي نلعبهم ونرقصهم سوا
هههههه حلو بس كيف
شوفي ؟
وقفت سعيدة آخدة موقعها وحكت بصوت عالي : أهلا وسهلا بالجميع على سفينة ملوك البحار .....حابة اليوم نغير جو ونرقص على قواعد أنا بقولها .....اللي بيحب ينضم ....يقرب ويوقف بنص الساحة هون (عجبت الجمهور الفكرة ....ولما صاروا كتار اللي قاموا)...يلا الشباب بطرف ...والنساء ع الطرف التاني... برابو ...وهلأ رح نلعب لعبة ...لما بيجي من الباب الأمير و بيقول وقفوا ...بتقعدو ....؟؟؟ .ولما بقول سكتو بتضحكوا ....يعني بالعكس ...لعبة للأمير ..وبتسمعو الأوامر منو بالعكس منفذها ......حتى نغير جو لمولانا الأمير ...بتعرفو هو كتير مريض ...شو ثلتو.موافقين ؟؟؟
الكل وافق بدو تردد
سعيدة بنظرات ثاقبة : وهلأ خلينا نبلش برقصتنا لبينما يجي الأمير
الكل بلش يرقص مع ألحان سعيدة اللي صارت تقوم وتحوض مع قيثارتها ملهوجة .....ولما فات الأمير....الكل انتبه وغمزوا بعض ...صرخ رفيق الأمير : اسكوت أجى سعادة الأمير المبجل
بلحظة الكل صار يضحك ويتكركر ويحكوا اشكال ألوان مع بعض .
الرفيق عم يتفرج مصعوق من اللي صار: لك اسكتو يا ناس الأمير وصل(الضحك علي بزيادة )
استغرب الأمير من اللي صاير بالناس : شبكم ليش جانيين هيك ...؟؟
فالكل وقف ....بلمحة هدوء وكل هاد بإشارات من سعيدة اللي جاييتها الضحكة من منظر الأمير اللي متل الاطرش بالزفة مو عرفان شو صاير
لمحت سعيدة البحار كيف عم يسحب الشباب اللي أجو من القارب عم ياخدهم للغرفة جوا بسرعة البرق )
ركض رفيق الأمير اللي بلش ينسلق بدنو و يضوج مد ايدو على رقبتو حاسسهارح تدندل من السفينة متل البنادول
قرب لعند سعيدة: لو سمحتي سكتيهم قبل ما اطير جوزة حلقي ...
سعيدة(ضحكت): حاضر (صرخت)يا جماعة وصل الأمير
الكل انتبه أن خلصت اللعبة بس شكل الأمير مسموم كتير ...بس بلعها....وقعد حتى ياكول ..والناس كلها قعدت تضحك وتاكول ...مافهم الأمير شي ...بس رفيقو انسم من اللي صار حاسس سعيدة ورا هالشغلة ..ولما سأل عن اللي صار من الناس اللي قاعدة بالغرفة: انسم من كتير عيونوا بالشر انتشرت وحطها ببالو
بعد ما خلص الفطور ...ركض القبطان لعند الامير: نعم سعادتك ..ناديتلي ؟
شو عملت بالناس الغريبة؟آه
سيدي تخلصت منهم متل ماطلبت مني
حلو لكن بدي روح شوف الغرفة اللي حطيت فيها الشباب الغريبة مبارح لأتاكد
تلبك القبطان: طيب متل مابدك ...تفضل
مرر الأمير لعند الغرفة ...وفتحها بس الصدمة كانت للقبطان لأن هو حطهم بالغرفة نفسها بس مالقى حدا :
الأمير: شو فين الشباب ؟؟
نزلتهم بقارب بالبحر ...خليتهم يتركوا السفينة(لك وين اختفوا هدول )
الأمير: مممم برابو عليك وهلأ روح شوف شغلك ...بتمنى ماعود شوف شي بدون أذني...
الرفيق: بأكدلك ماعاد يعيدها .....يللا انصرف ...
القبطان انصرف مرعوب .....وهنيك شاف سعيدة عم تستناه بغرفة القيادة: شو صار معك
اختفوا
مين ؟
لك مين الجني الأزرق لك الشباب الغرب
شو عم تقول ...كيف يعني
مابعرف مالقيتهم بالغرفة ...
وين راحو يعني؟ شلون بدهم يختفوا
مابعرف ....آخ يا راسي ...روحي جهزي حالك شوي ومنصل ع الجزيرة
عنجد
طبعا عنجد ...يلا جاهزة ؟
اي طبعا جاهزة .....ياي أنا كتير فرحانةومتحمسة
وانا تعبان آخ من هالشغلة
راحت سعيدة مبسوطة ..بس لاحظت بين هالناس صار في وجوه غريبة كأنو متنكرة ...معقول هدول الناس الغريبة
لأنزل ع المطبخ شوف شو رح يعملو ع الغدا ...وهي رايحة لهنيك شافت وليد : هههههه هادا أنتي شو عم تعملي هون
بدي شوف رح يطبخ الطباخ غداء....وانت شو عم تعمل ؟
ضايعلي شغلة ماكنت لاقيها
شو هية ؟
مو شغلك
طيب تصطفل يلا باي .....
فاتت سعيدة ع المطبخ وحست في عجقا جوا ؟؟؟كأنو زادو عدد الطباخين هون؟؟؟الوجوه غريبة كتير ....ابتسمت للأخرس وهزت براسها تحية إلو
سعيدة : شو رح تطبخلنا يا طباخ اليوم
الاكل الغدا رح يكون ع الجزيرة اليوم...
حلو ..بتحب ساعدكم بشي
لا شكرا ...روحي بس ماتكسري شي بطريقك
شو الغدا يعني
لحم مشوي ......وطالما وصلتي عطيني الملح من هديك الخزانة
فتحت سعيدة الخزانة التانية وشافت قناني صغيرة كأنو جديدة هون ...شكلها غريب ...وقت ساعدك المرة الماضيية ماشافتهم ! .بدها تمد أيدها أم صرخ فيها الطباخ : لاتمدي ايدك هون
عفوا ماقصدي
شبك يا آنسة قلتلك هديك الخزانة مو هي ....
عفوا (سكرت وفتحت الخزانة )تفضل هي الملح
شكرا ...فيك تطلعي تشوفي حياتك يا آنسة بلا مايشوفك حداوعنا ويعملنا مشكلة
طيب (طلعت سعيدة ملاحظة توتر الطباخ )ليش هيك حاكاني بشو غلطت يعني ؟؟.....طلعت سعيدة حاسة بشي غلط ...ولما صارت فوق ع السطح ..شافت نبيل :
شوووو وين كنتي ..عم تجلي الجليات هههههه
اي هيك شي ...ليش يعني بتحب تدايقني بالروحة والجية هفففف
مابعرف صار همي ناكد فيكي هههههه وبس لنصل لجزيرة لناكد فيكي مظبوط ههههه
طب احكيلي عن الجزيرة لشوف
هي الجزيرة حلوة كتير . .فيها المي الصافية .. والنخيل العالي . وصايرة قسمين . قسم من قدام اللي رح تشوفيه ....وقسم تاني اللي هو جوا جوا .....جوات الجزيرة
وشو في هنيك كمان ؟؟؟
ماحدا بيعرف ....بس عم يقولوا عكس الجزيرة اللي رح تشوفيها
شو عرفك ؟؟
لأن مرة أجيت لهون ...وحاولت استكشفها بس أبي ما خلاني
فيها فواكي ؟؟؟
فيها كل شي حلو . حتى في حيوانات عليها
مالها مسكونة
على حد علمي لأ . يعني مين بدو يسكن فيها غير الأمراء .....كل فترة وفترة بيجوا لهون ليعملوا استجمام
ليش هالجزيرة بالذات
بيقولوا الأمير بيحط فيها كل أملاك الدولة
معقول
اي . .حتى النهب والسلب كللو معو على هالسفينة
يخربيتو . كل هاد وشعبو عايش الجوع والذل ..طب وين بيحطهم يعني
ماحدا بيعرف ...بس رح(تغيرت نظرتو) يجي يوم وأعرف
نبيل شبك
ولا شي ....شفتيلي جميلة ؟؟؟
لأ ....هلأ بتجي وين بدها تروح
قولتلك هههههههه أكيد بدها تكون بشي مكان هلأ بتطلع متل الحية المشوبة
ههههه غريبة
شو ؟
أنك تحكي هيك على خطيبتك
لا عادي ......المهم هلأ شبكي؟؟؟
متحمسة شوي لروحة الجزيرة المثالية
ههههه مافي شي مثالي بهيك روحة
شو قصدك يعني
قصدي هي الجزيرة مزدوجة ؟؟
مزدوجة ...شو قصدك اشرحلي
يعني هي الجزيرة مهجورة اولا
طيب وتانيا ؟؟؟
تانيا هي الجزيرة م (نبيييييل....يا نبييييييل )
سعيدة : هي خطيبتك عم تناديلك روح لعندها وأنا عن أذنك بدي روح وجهز حالي
مع السلامة
جميلة : لك شو كنت عم تحكي مع هالسرنوة
نبيل: ولا شي كنا عم نحكي ع الجزيرة
أي ؟؟؟وشو حكيتلها ....ماتكون بقيت
هههههه له يا جوجو ..بتعرفيني ولو
اي أنا اللي بعرفك ...بدو مين يعرفني عليك ؟؟؟
شو قصدك ...
قصدي واضح ..يلا تعال نطلع لفوق ونتفرج ع الشط بلشنا نقرب
هفففق طيب تفضلي قدامي (شنكلو بعض وراحو )
راحت سعيدة بعيد عن نبيل ....وفاتت بقلب القارب تتأمل غراضها وأمنت عليهم ...وطلعت بسرعة ....وطلع صوت القبطان عم يأعلن : آنساتي سيدتي ....سادتي ....الرجاء الإستعداد لنزول إلى الجزيرة ...أوقات قليلة ونصبح فيها ...وشكرا جزيلا
سعيدة : ياي أخير ....
وليد وراها: شو شايفك كتير فرحانة
ليش انت مو فرحان؟(حدا عم يراقب )
أكيد فرحان .....ديري بالك على حالك
ههههه شوفوا مين عم يحكي ...برأيي دير بابك أنت على حالك ماشي
ههههه طيب متل مابدك ..وهلأ روحي من هون ..بدي أتخبى بقلب القارب اللي فوقك
هههه ياحرام ..يلا باي
الكل طلع على السطح ووقفت جنب القبطان لتستنى السفينة لتوقف
ولما وقفت الكل فرح
مو مصدقين أنهم أخيرا وصلوا ...الأمير واقف بأعلى الدرج عم يستنى لتظبط الأمور وينزل أول الناس على هالجزيرة متل العادة
نزل الأمير وسط تهليلات أهل السفينة والبنات ترمي ورود على الأمير ....وهو فرحان مبسوط .......ولما نزلت سعيدة مع هالبشرية المعجوقة اللي نازلين شكلهم مو شايفين بحياتهم بحر...وإذ ارتمى عليها وردة بيضا ...رفعتها ...واطلعت لفوق ...وشافت المقنع أبو نص وجه ..لانزهو مقنع من راسو لعند أنفو من تحت ...فلاحظت عليه ابتسامتو الغريبة ...حتى العيون عم تلمع ؟؟؟
خافت سعيدة : (بس ما يكون هو اللي رماني من على ظهر السفينة مبارح بليل حتى يأنقذني....لك شو بدو مني ....قلبي رح يوقف منو )
بعد ما صار الكل تحت ...أقيمت المخيمات الشرحة ...وانفردت الكراسي ..الجواري والخدم هلكو طلعة ونزلة ....بس منظر الشط لا يقاوم فعلا كالمي رايقة كتير لدرجة فيك تشوف رجليك من تحت ...والبحر لونوا ولا اصفى واروق من هيك ......الكل نزل فرحان ...البنات عم تتراشش والنساء عم تمشي على هالرملات ...وفي منهم قعدو يتشمسوا بس ..هي هية نشاطاتهم بالعادة ..كل حدا فيهم أخد موقعوا من الجزيرة ...أما الأمير ورفيقو نازلين حكي بعاد شوي بخيمتهم ....
سعيدة قعدت صافنة على هالشط تتأمل الموج الخفيف اللي عم يلامس الأصابع .....تحس بقشعريرة وبنسمات عليلة .....فردت شعراتها ...وتلفو مرة يمين ومرة يسار ....منظر خلا الكل يطلع فيها ....من حساد وغيورين ...وغيرهم الكثير ....
هي ببالها شي تاني تمام عم تفكر باللي صار معها مبارح .....ولا هدول الشباب وين اختفوا من الغرفة ؟؟؟مسكت الوردة البيضا عم تشمها ....وإذ كان حدا جنبها فنأزت....
#يتبع
#سر_اللوحة
#بقلم_كنانة_غميان
#الجزء_الحادي_عشر
كيفك سعدونة خانم ....شايفك مستجمة ع الآخر
أهلا وليد ....شو بدك.مني مستجمة ولا غيرو .....صعب تتركني بحالي ...تضرب شو غليظ ...كيف تجرأت وطلعت بعدين آه ؟؟؟
وليد: اي دخيلك مين منتبه ..كللو ملتهي بحالو....مالك شايفة كيف ....
سعيدة: اي قلتلي لكن !...بدي أسألك
قولي سعدونة ...أسألتك ما بتخلص .....
بتتذكر المقنع اللي كان معك كلما تجي وتشوفني بالمدينة
رفيقي المقنع ؟!شو جابو على بالك هلأ ...
لك قللي مين هو ...احكيلي عنو شوي ...
يا ستي هو بيشتغل نجار عنا بالمدينة ....يوم من الأيام ..غط ورجع حاطط هالقناع ..
...وليش هيك بيحط القناع على وجهه يعني ...معقول تشوه ؟؟!!!
مابعرف ...بس من وقتها ما بيشلو للقناع ....
مممم يعني هو رفيقك ؟؟!!
اي ..عادي يعني منروح ومنجي سوا ....
طب احكيلي عن ...(طلع صوت من حارس الأمير)تجمع ...تجمع طارق يا سادة
قام وليد مرعوب : أنا رايح أتخبى
سعيدة: اي روح ههههه دخيلك ....
اجتمع الكل حولين حارس الأمير والامير ورفيقو يسمعو شو بدو يقول :
الأمير: يا جماعة أنا رايح أتفتل بالجزيرة واستكشفها كالعادة ...ورح آخد كم غرض معي ...لا ينشغل بالكم عليي ...رح يكون نايب عني هون رفيقي ....أنا بثق فيه كتير ....وأما اللي رح يروح معي حراسي الشخصيين ...واللي حابب يجي معي يتفضل ومارح أتأخر عليكم ...يعني بالنهاية نحنا هون حتى نغير جو
جميلة : لو سمحت يا سيدي ...حابة روح معك ...
الامير بتأملات وقحة : اب ليش لأ أهلا وسهلا فيكي يا ؟؟؟
جميلة ......
فعلا أنتي جميلة ....
نبيل شد أيدها : مجنونة ..لك لوين بدك تروحي ؟؟؟!
مع الأمير .....شو فيها
اللي فيها أنك ما قلتيلي ...ولا شايفتيني رجل كرسي
بدي روح ...بدك ولا مابدك ....تشااو(وقفت جنب الأمير عم تجاكر نبيل اللي انقلب وجهه سمم مواتي )
الأمير راح معو كم شخص .. وجميلة معو .وكم حارس تبرعوا بالروحة مع كومة غراض ...
سعيدة بقلبها: العمى ....لشو كل هالغراض ...؟؟شو رايح يهج ويتركنا هون ؟؟؟يا أما شايفلو طاقة وبدو يطير فيها
نبيل قرب ناح سعيدة: شفتي الغراض سعدونة خانم ...صدقتيني
سعيدة: لا تظلمو للأمير بركي معو حطب بالكياس هدول
حطب ؟؟!حطب لك سعيدة ....مين الحمار بدة يحمل حطب وياخدو من المدينة لهون ؟؟؟!!!
شو بيعرفني .....(فرط الإجتماع وكل حدا راح يشوف شغلو ) ...بس حست سعيدة في كم شخص موديلهم غريب معقولة يكونوا عم يلحقو الأمير ...لا لا أكيد عم أتوهم ...شو مافي غير الأمير هون ...أكيد في أكتر من وجهة زاحدة هون...
قرب نبيل ماشي جنبها : تعالي نروح لهديك الخيمة سعيدة
ليش شو فيها ؟؟؟
نبيل : فيها مراهنات على الديوك...
كيف يعني
بيحطو ديكين بحلبة...وأنتي بتراهني مين الأقوى واللي رح يفوز ...
أي ؟؟؟؟
أي ...واللي حطيتي رهان عليه وفاز بتاخدي مصاري دبل .....
والديك ...شو بيصير فيه
شو بدو يصير فيه يعني بيموت
شو هاللعبة هي ...مو حرام هيك شي تعملوه بهيك مخلوقات ...
لك هيه لعبة لا تبالغي ....شو قلتي هلأ
مممم لا مابدي ....
لك لوين رايحة
بدي أتمشى شوي على هالشط بدك شي لسى ؟؟؟!
لا ....بدك ياني بتلاقيني هون ..(راح نبيل ع الخيمة الراهانات ...وهي راحت على الشط تتمشى )(كتير قاتلة حالي حتى روح معك روحات مواتية ...ناس فاضية
مشيت عم تتأمل ظلال الشمس الحلوة تحت هالنخلات ....كل نخلة بطول جبل على قد مو عالية ...شافت الجوز الهند فوق ....وإذ بتسمع صوت حدا عم يركض ...اندارت لعندو وهو عم يلهث : القبطان ؟؟؟هاد أنت اللي عم تلحقني
تركيني آخد نفس ....ماعرفت أنك بتمشي كل هالمسافة .....
في شي يا قبطان ؟؟؟
هههه لا بس بدي قطف جوز هند لطباخ .....
عنجد ؟؟بدك تطلع لفوق...
أي ....ليش مستغربة
ههههههه لا بس بعيد عليك
القبطان عم يمزح: ليش قال يعني مو بعيد عليك ؟؟
أنا ...شو قبطان عم تتحداني ؟؟؟
هيك شي
طيب ماشي ...أنا موافقة ....
القبطان : حلو ..يلا تفضلي طلعي
ههههه كيف بدك ياني أطلع ..مو شايف فستاني
القبطان: طيب منحلها
كيف
منجمع عشر حجار .....وعن طريق الرمي منجيبهم ...شو قلتي
سعيدة : موافقة (جممع كل حدا فيهم شوية بحص وحجار ..ووقفوا )
قبطان بنص عين : شو ...جاهزة
سعيدة عم ترمي الحجرة لفوق بأيدها عم تلعب فيها بتحدي : جاهزة ...يلا بلش ....
لا ....النساء أولا ...
ههههه طيب : حددت عينها هالسعيدة ...وبلشت تحاول تصيب الجوز الهند
الجوز الهند وبلشت تزت على الشجرة بس : أخ راسي ...لك وين عم تصيبي ؟...بزرة جوز الهند وبزرة مخي
ي ي عفوا ...صرلك شي ؟؟؟
لا بس ارتجاج دماغ
سعيدة خافت على القبطان :عفوا مو قصدي .......بس خلص طلاع جيب انت
ماعاد بدك نتبارى
إذا الشغلة فيها دم لامابدي طلاع بسرعة عم استناك هون
القبطان :طيب ماشي
طلع القبطان بصعوبة لفوق حتى يجيب جوز الهند ....وبينما هو عم يقطف وسعيدة عم تلم الجوزات ......أجت ندى لتساعدهم ولمت عن سعيدة الجوزات ...وراحت تسبقهم لسفينة هنيك لأن الطباخ مستعجل عليهم منشان الطبخة ....
بينما سعيدة عم تمشي وبأديها هالجوزات...أحى القبطان : هاتي عنك
ليش مابيكفيك اللي معك
لك هاتي لأحملهم عنك
لا معلش منحملهم سوا .....
القبطان: ...سعيدة
نعم
شو طلعك على هيك رحلة
انا.....(بدها تحكي بس قاطعها)
شوفي يا سعيدة ...أنا بعرف قصتك وبالأحرى حسيت ...بدي تحكيلي أنتي
سعيدة ملبكة : أنا هون لأن حابة غير من حياتي هي كل القصة .....قبطان
نعم ؟؟؟
هالجزيرة صح اسمها المزدوجة
القبطان تلبك : أي ..في هيك شي ...؟
طب احكيلي ليش هيك سموها
القبطان تنهد : هي الجزيرة سموها هيك لأن إلها جانبين ...الجانب اللي شايفتيه ....وجنب تاني بعكس اللي شايفتيه هون
سعيدة متعجبة : معقول ...ليش مو كل الجزيرة هيك
لأ ....وهالحكي بعرفو من أبي القبطان اللي قبل مني بهل المهنة..لأن هي الرحلة اللي شايفتيها طقس من طقوس الملوك والامراء ..اعتادوا روحتها .....
سعيدة : يعني ابوك كان بيعرف شو في بالطرف التاني
أي بعتقد ...وحكالي وقتها أنو كتير مكان كئيب ومغم....واللي بيفوت عليه صعب يطلع عايش
أوف لهدرجة .....
أي ..وأكتر لسى ...شوفي ليكنا وصلنا ....يلا تعالي نفوت عالسفينة لنعطي الطباخ الجوزات ....
سعيدة: يلا مشي (طلعو لفوق..بس القصة ماكانت تطلع من بال سعيدة ..ياترى شو في هنسك ع القسم المغم ..كأنو في شي غامض هنيك )
فاتو ع المطبخ : سعيدة حطت الجوزات مع القبطان ......طلع القبطان ....وسعيدة قرب منها الاخرس : هبا هي هوبا وابا
سعيدة: شبك ؟مو عاجبينك الجوزات ؟؟
الطباخ: هههههه عم يقول بدو يدوقك الاكل قبل ما تطلعي
ههههه ليش ؟
لأن شغلو الاكل اليوم
مابقدر يا أخرس ...لازم روح وآكول الأكل مع الجماعة ....يلا عم تستناك تحت ..باي
راحت سعيدة كاسرة بخاطر الأخرس .....سعيدة نزلت لتحت عم تتفرج ع الطباخين كيف بلشو ينزلوا الأكل ويشتغلوا بالصب والشوي ......بين فحم مجمر ...ودهن محمر ....ولحم مقمر .....والريحة طلعت بتغوب القلب متل العنبر فيهم ....وانمدت السفرة طويلة عريضة ....وكل واحد أخد صحن وخاشوقة عريضة ....وقعدوا هاالستات والصبايا عم يستنوا الخدم ليصبوا ويحطوا والشباب بدها كمان تاكول مع هالجماعة ...الشمس بلشت تغرب لتحت
سعيدة أخدت صحنها وطلعت لجنب البحر بدها تعمل طقوسها ......وإذ لمحت الأخرس وراها وقعد جنبها ...
سعيدة : أهلا أخرس ...شو جاية تشوفني كيف بد دوق أكلك مو هيك هههههههه
الأخرس متزاول والعبس بين عيونوا ....
شو وين صحنك ؟ مابدك تاكول ؟؟؟
الأخرسلسعتو ماعم يحكي ومبين عليه متدايق ...
سعيدة: لك شبك متدايق ؟؟ ليكون مني يعني ....اصحك تكون زعلان لأني ما دقت الأكل ها؟؟؟؟؟؟
قام الأخرس زعلان حردان قدامها
سعيدة مسكت أيدها بالمعلقة بدها تاكول وإذ وقع الأخرس قدام سعيدة ...ووقع صحنها على تيابها وعلى ارضية الشاطئ
الأخرس صرخ موجوع من الوقعة
سعيدة قامت نفضت الاي عليها : لك شبك ....ماعاد شفت بوجهك يا أخرس ...كل هاد لأني ما دقت ؟؟؟أي مو محرزة تعمل كل هالقصة ....
الاخرس قام عم يطلع فيها ...بلشت دمعتو تهر : زعلت سعيدة عليه: عفوا ..ماقصدي ....(مسكت ذراعو)أنت منيح ...المهم ما صرلك شي ...؟؟صح
تركها الأخرس حردان وراح .....
سعيدة : ياربي ....شوفوا تيابي شو صار فيهم ...هلأ وين بدي روح بحاالي ...مالي غير ندى ....وهي كمان الأكل انكب و(لسى ماكملت جملتها حتى أجى تنين من الحراس جنبها مسكوها من أديها)
لك شبكم شو في ؟؟؟ليش هيك ماسكيني؟؟
الحارس : مطلوبة فورا لعند رفيق الأمير
ل ليش ...؟شو في
الحارس : هلأ بتعرفي هنيك
مشوها لسعيدة اللي صار وجهها أصفر ليموني ...مو عرفانة شو اللي عم يستناها ...ووقفت قدام رفيق الأمير .....بين جميع الحاضرين ليشوفوا شو صاير .
قرب منها وبأيدو كومة وراق ....وبدون أي إنذار ....لطشها كف ...ومن قوة اللطشة ...نزل من تمها الدم
سعيدة: ليش عم تضربني
لأنك تخطيتي حدودك ...ولازم تتعاقبي على اللي عملتيه ....أصلا شكيت فيكي وباللي عم تعمليه ....نحنا مو هيك طبعنا
من بين الحشود قرب نبيل عم يتفرج مفلوج ....ووليد قلبو قامطو .....وندى حطت ايدها على قلبها من منظر سعيدة اللي ما بتتمناه لعدو
ومن بين الناس ظهر المقنع عم يشوفها كمان ....وانتبهتلو سعيدة رافع أيدو وبايدو وردة بيضا ؟؟؟!!!
هجم القبطان معصب : لك ليش هيك عم تضرب الصبية ...شو هالجرم الخطير اللي عملتو حتى هيك ضربتها ؟؟؟
الرفيق: إذا بتريد قبطان لاتداخل .....احكي لشوف يا بنت أنتي شو اسمك
#يتبع
#سر_اللوحة
#بقلم_كنانة_غميان
#الجزء_الثاني_عشر
سعيدة يا سيدي
شايفة هالأوراق ....فيهم كل أسماء الراكبين وأسمك مو مكتوب حتى اللي بالفرقة الموسيقية مافي اسمك ..أو حدا استوصى فيكي متل مافهمت من قائدة الفرقة .....
سعيدة سكتت ماعاد طلع صوتها
أنتي ..بتعرفي شو يعني أنك تنخلطي فينا ...ولا تطلعي وأنتي مالك مدعوة أصلا .....أو مالك من نفس الطبقة ....وبالأحرى بتعرفي شو العقوبة اللي رح تتحاكمي عليها
سعيدة : ل لا مابعرف
المقصلة .....
القبطان معصب : بس مافيك تعمل هيك بدون حكم الأمير يارفيق
الرفيق: أنا المسؤول هون ...واي كلمة زايدة رح ينحكم عليك كمان ...فهمت يا قبطان...
رجع القبطان معصب لورا غصب عنو .....
الرفيق : يا حراس ...خدوها على سجن السفينة فوق ....بسرعة ...والحكم رح يتنفذ عليها الصبح ...بتحبي تقولي شي قبل ماياخدوكي لفوق
سعيدة: أي ....
شو بدك تقولي ؟؟؟
مالي ندمانة على أي شي عملتو بحياتي ....ولحد هاللحظة فرحانة لو بدي موت ...المهم عشت يومين حلوين قبل ماموت ...بس لاتنسى يا رفيق أنك رح تدفع ثمن غرورك غالي
صرخ بالحراس: خدوها لفوق مابدي شوف خلقتها هون ...فهمتو ......
أخدوها الحراس لفوق ع السجن ....والحارسين واقفين على الباب يحرسوه .....
سعيدة قعدت متربعة على الفرشة الموجودة محصور قلبها من اللي صار عم تبكي بحرقة كبيرة .: إهئ إهئ تضربوا أنتو وهاليخت ....ناس فاضية بأدمغة فارغة وأجساد فارهة ...كللو ع الفاضي ....يارب ليش هيك معي ...ياريتني ماساعدت حدا ..كنت ما انكشفت...بس مو بأيدي ...بحب ساعد الناس من وقت ماكنت صغيرة ...مابحب شوف الظلم والحرمان .من زمان ساعدت صبي صغير بعمري ....وعطيتو المصاري اللي كانو معي منشان يساعد أمو المريضة وهالشي زاد بقلبي حب المساعدة أكتر ...معقول يكون هاد جزاتي...لا وكملت معي كمان أنو ما أكلت كمان .... آه ياريتك يا أمي جنبي لودعك .....شو أعمل هلأ ...إهئ إهئ ..حطت راسها وغطت بالنوم سعيدة بزاوية السجن على فرشة قصيرة من كتر البكاء والزعل .....
وبعد برهة من الزمن ....صحت سعيدة(غريبة كأنو في هدوء زايد) دارت وجهها ...وشافت العجب ..خلت قلبها يوقف عنجد من هالشوفة ....؟؟؟!
الحارسين واقعين مجروحين ...والدم معبى بالأرض.....؟؟؟؟؟؟؟!!!!!
العمى شو في ...شو صاير ؟؟؟قربت لعند باب السجن : شو هاد ...الباب مفتوح كمان ....؟؟؟؟!!!!
#يتبع.
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`