زواج على الورق - الفصل الثاني عشر - بقلم جنى | روايتك

*❴📖❵↵* *زوج.ع.الورق.tt* 💍📜 *❴🔢❵☟الـــبـــــــــــ❴2️⃣1️⃣❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ ➖➖➖➖➖➖➖➖ راح فارس بسرعة بالتجاه لانا و هوي عم يصرخ عليها فارس: لك شوووو عملتي فينا لك بدك تفضحينا (كان فارس رح يضرب لانا بس مايا و هبة كانو عن يحاولو يمنعوه مايا: فارس حبيي الله يوفقك هدي شوي لك القصة مو هيك هبة: اي لك انت فهمان غلط فارس: لك انو غلط هاد انو غلط لك عم تقولو انا مو بنت لك شو لسا باقي هبة : فارس وطي صوتك و الله ازا رجعت ستي هلق من السوق و سمعت صريخنا و سمعت ه الحكي و الله بتفقد أعصابا مايا: لك هدي مشان اللي خلقك خلينا نعرف نفهمك هبة جيي الورقة راحت هبة و جابت ورقة الزواج العرفي و عطتا لفارس قرا فارس الورقة بعدين اطلع بمايا بقسوة فارس : يعي الخانوم متجوزة و انتو بتعرفو ه الشي و تاركتيني متل الأطرش بالزفة مايا: فارس اسمعني . فارس: ششش اخرسي ما بدي اسمع صوتك انتي بالذات لكان عم تتستري عليها غصت مايا و نزلو دموعا متل الشلال فارس: ليكي ولي انتي يا لانا هني كلمتين هاد وليد بدك تجوزيه غصبا عنك و لو مجوز عليكي ٣ او عامل علاقات قد ما بدو المهم ما نفضح فهمتي لانا: لاء ما رح اعمل هيك فارس: لكان شووو بدك تفضحينا مثلا لانا: لاء مارح افضحكون و لاشي انا مستعدة ما اتجوز طول عمري و لا اتجوز من ه الواطي فارس: فففف بتساوي يلي قلتلك عليه فهمتيي و لا بحسب الله ما خلقك و راح و طبش الباب و بقيت لانا عم تبكي بحضن هبة و مايا كانت رامية حالا ع التخت و عم تبكي كمان لانا: سامحيني يا مايا بعرف انك ندمانة لانو تسترتي عليي و بسبي عيط عليكي فارس سامحيتي نشان اللّه مايا: انا ماني ندمانة ع شي بس ما توقعت تكون ردة فعلو هيك و هلق شلون رح نقلا لستي هبة: خلص خلي فارس يقلا ه الشثي مايا: اي دح ارجع حاول احكي معو طلع فارس من البيت و ضل عم يتمشى و يفكر شو بدو يعمل و كان كتير ضايج فارس (بقلبوا) اااخ يا ربي شو بدي اعمل ب ه المصيبة لك انا شو عملت للانا لحتى تقوم تعمل هيك عملة ففف بس كمان هيي ما غلطت هيي اجوزت ففف بس تعا انت و سكت العالم و قلون هاد زواج عرفي ففف يا ربي شو بدي اعمل لك اي مالي حل غير اني احكي مع هاد جوزا و ازا رفض يجوزا ساعتا انا بفرجيه بس اخ منك يا مايا قديش كنت بوثق فيكي بلأخير بتقومي تتستري ع لانا ع هيك شي خطير اييي بسيطة!! الليل لانا نامت من كتر البكي و مايا غرقانة بالتفكير و هبة قاعدة مع مايا و ما عم تحكي شي و الجدة مو فهمانة شو صاير و فارس لسا ما رجع ع البيت الجدة: هبة يلا قومو لتتعشو فيقو لانا كمان لتجي تتعشا هيي كمان هبة: الحقيقة انا مالي نفس اكل شي الجدة: طيب مايا قومي و فيقي لانا و تعو تعشو مايا: يسلموو ستي بس انا كمان مو جاي ع بالي آكل و بالنسبة للانا خليها نايمة احسن بلا ما ننزعلا نومتا الجدة: قلي حاسسني انو عم تخبو شي عليي انتو التلاتة او الاربعة اطلعت هبة بمايا هبة: بتعرفي مايا انا بشوف انو من الاحسن انو نحنا نخبر ستي بلا ما نستنا فارس مايا: بسس... الجدة: شو مخبيين و شو بدكن تقولو هبة: ليكي ستي في مشكلة صغيرة و رح نحلا ان شاء الله بس بدي منك تمالكي اعصابك و ما تنفعلي لإنو ما في شي محرز الجدة: لك احكووو!! مايا: ا٥ من الآخر و بلا ما نلف و ندور لانا الله يهديها اجوزت عرفيي بشب... الجدة: شوووو!!الطفك يا رب لك انتي شو عم تحكي هبة: روقي ستي ه الشب بحبا و كان جاي يخطبا يعني ما في مشكلة الجدة: اخ يا ربي اعطوني كاسة مي مايا: اتفضاي يا ستي و ازا بتريدي ما تخافي و متل ما قالت هبة ما في مشكلة انو الشب يزوجا قدام كل الناس بسس.. تنهدت الجدة الجدة : اه بس شو احكي مايا: بس هيي ما عاد بدا ياه الجدة : لك انا لهلق ما عم اقدر سدء انو لانا هيك عملت اخ المهم ليش الخانوم مو قبلانة فيه فوق منا مو بنت مايا: هيي عم تقول انو خانها الجدة: لا الاه الا الله لك فيقوها فيقوها نحنا عم نحترق عليها و هيي غاطة بسابع نومة هبة : لانا قومي قومي لانا : اه شو في كمان الجدة : ليش عملتي هيك يا بنتي ليييش فهميني نحنا قصرنا معك بثي لانا:... الجدة : جاوبيييي .و هون فات فارس فارس: شو بدا تجاوبك شو بدا تقلك ليكي و لا لانا لك بتعرفي او في عايلات بتقتل البنت اللي بتعمل عملتك هي لك انتي مقدرة خطورة الموضوع لانا: إانا ما سوييت شي حرام بس بلأخير هوي اللي طلع ابن حراد فارس: انا هلق ما بهمني ازا ابن حرام ابن حلال انا اللي بعرفو انو دح تجوزيه قدام الناس غصبا عنك و عنو و هلق بتعطيني رقمو لاتفاهم معو و يسترجي يرفض يجوزك لانا : لك فهام بقا ما رح اجوزو يعني ما رح اجوز و لو بدي قضي كل عمري بلا زواج فهمت فارس: الظاهر انتي اللي ما فهمتي قلتلك رح تزوجيه لانا: لاء لاء الجدة: لك اسكتو اخخ مايا: شوي شوي ستي مشان صحتك فارس: عأساس انتي كتير بتهتمي بصحتا لستي هبة : خلص دخيل اللي خلقكون انا بقول انو خليني انام و الصباح رباح هلق ما رح نكسب شي من ه المناقرات فارس: اي و راح كل واحد لي نام مايا: لا تدايق حبيي مشكلة و بتنحل ان شاء الله خصوصي انو وليد بدو يجوزا للانا و ازا ما عجبتا العيشة معو تجوزو شي شهرين و بتطلق و هيك بتكفي حيا.... قاطعا فارس: لك اسكتي شوي بدي نام اسكتي مايا: شبك فارس ليش عم تحكي معي هيك فارس: ففف انتي ما عاد فهمتي لك بدي نام مايا: ليش من وين اجاك ه النوم الامفاجئ لك مو من قبل كنت بضل بسهرات لوش الصبح فارس: اها لكان بدك ارجع لسهراتي اي شو عليه اليوم كتير تعبان بس من بكرا دح ارجع لإيام العزةبية او بلأحرا ايام الزواج على الورق مايا مايا: ليش عم تعاملني هيك شو عملت انا فارس: للمرة الستين اتركيني نام و لا عاد تحكي -نامت مايا و دموعا ع مخدتا و فارس كان مدايق من طريقة حكيو مع مايا بس اخد منا موقف لإنو تسترت ع لانا و كانت ه التصرفات من اكتر التصرفات اللي بيكرهون الصبح فارس: شوكان اسمو الزفت جوزا للانا مايا: فارس: تاركتيني احكي مع الحيطان ردي مايا: ليش بدك اسمو فارس: هي لانا وحدة كتير عنيدة و بعرف انو. كتير رح تعذبني لقدر آخد رقمو ف الاحسن باخدو انا لحالي من تلفونا احسن مايا: اسمو وليد فاتت هبة هبة: هه بس مستحيل تلقا ه الإسم عند لانا فارس: ليشش!! هبة: بتكون كاتبتو لإسم شي بنت بعد ايام قدر فارس يجيب رقم وليد بس لسا ما قررو يلتقو و فارس صار انسان كتير بارد وجاف مع مايا و كإنو عم يعاقلا عن تسترا عن الشي اللي عملتو لانا ه اليوم كان فارس عم يشرب قهوتو مقابيل الشباك و عم يدخن اجت مايغ من وراه وحطت ايدا ع كتفو و قالتلو مايا: خلص حبيي ازا بتريد لهون و بس علاقتنا ادهورت كتير كرمال شي مو محرز فارس: شو قلتي مو محرز اي اكيد مايا الموضوع رح يبين تافه قدامك لإنو لانا مو اختك انتي مايا : فارس انت هيك عم تجرحني بحكيك انت بتعرف منيح انو لانا متل اختي و اعز و ازا تسترت عليها فهادا مو معناه انو انا ما بحبا بالعكس لإنو بحبا و بخاف عليها ما قلتلك طب و اتخيل حالك محلي و حدا عطاك سرو شو بتعمل أكيد ماح تقوم تفضحو فارس: انتي لهلق ما عم تفهمي انو بتسترك عليها كنتقي عم تلعي بشرفا و شرف العيلة مايا: شووو انا عم بلعب بشرف العيلة لك فارس فيق ع حالك شوي لك انت سمعان شو عم تحكي فارس: اي سمعان و هلق لو سمحتي روحي مايا: بدك مني روح فارس: اي متل ما سمعي مايا( غرغرو الدموع بعيونا: اي بروح ليش لاء بس سدءني انا ازا رحت ما بقا ارجع فارس: اعملي يلي بدك انا مو رايقلك هلق مشغول بمشكلةتلانا بظن انو ه الشي اهم منك هلق مووو مايا...(وطلعت بسرعة من الأوضة وانفجرت بالبكي ) فارس (بقلبو): فففف انا ليش حكيتا هيك خلص المساء براضيها المهم هلق لروح شوف شو بدي اعمل بقصة لانا راح فارس ع شغلو و اتصل بوليد فارس : الو سماع ولا يا وليد لازم نتلاقا بشي محل لأعرف لاقي حل وليد: انا ما عندي مشكلة يا سيد فارس و ازا بدك انا هلق بجي و بنتفاهم انا وياك فارس: لاء انا هلق مو فاضي عندي شغل بس خلص نحكي وليد: لحظة انا بدي اطلب منك انو تسمحلي احكي مع لانا بجوز ترضا تسمعني هل مرة و بنصلح كلشي هلق فارس: ليش شو بدك تبرر لك انت خنتا في ثي اكتر من هيك بق ان وليد: انا ما خنتا بس انتو ما سمعتو من اي حدا غير من لانا لهيك رح تسدقو اللي حكتو هيي بس فارس: كيف يعني هييي عم تكذب وليد : لاء هيي ما عم تكذب و بنفس الوقت انا ما خنتا و لا دح فكر بهيك شي فارس: شلون هي لانا ما عم تكذب و بنفس الوقت انت ما خنتا لك فوتني بالحيط شبك وليد: بس نلتقي دح فهمك كلشي فارس: اي هوي هيك وليد: اي و قبل ما تسكر لازم تعرف انو انا مالي متردد ابدا انو اجوز لانا قدام الناس و انا كمان بحبا و بخاف عليها متلك فارس: ففف شو لسا كمان بدك تحكي وليد: و لا شي المهم انا رايح اتفاهم مع لانا و سكر الخط فارس: لك العما مايا عم تبكي لحالا و ما ينشفو دموعا و عم تفكر شو بدا تعمل بعدين هبة: لانا هاد المقوص حامد اتصل فيني امبارح و قلي انو جايي ياخدني عد اسبوع لك و الله ما بتحمل دخيلك اعطيني رقم ه الدكتورة اللي بتقربلو لوليد لحق اقدر نفذ الخطبة للي قالتلي عليها مايا مشان اطلق لانا: ما عندي رقما هوي عند هداك اللي ما بيتسما هبة: بوس إيدك تنازلي بس ه المرة كرمال و اتصلي فيه ليعطيك رقم . الدكتورة لك ببوس إيدك اعملي ه الشثي كرمالي و ما رح انسالك ياه كل عمري لانا: يا قلي انتي خلص روقي رح دقلو بس ازا بتريدي احكي معو انتي انا ما عاد بدي اسمع صوتو هبة: لك ع اي اساس بدي احكي معو لك عم اترجاكي تنازلي بس هالمرة -شفقت لانا كتير ع هبة و هيي عم تترجاها فغمرتا و قالتلا: خلص دح احكي معو بس مشانك مشانك و بس لانا: ههه عم يتصل هبة: مشاني ردي لانا: اي ماشي لانا: الو شو بدك وليد: مرحبا حبيبتي كيفك اشتءتلك لانا : اوعا تناديلي حبيبتي مرة تانية مفهوم لك انا ما بحبك لك انا بكرهك وليد: قلتلك انو انا ما خنتك و انتي ما سدءتي بس شو عليه كلو دح يتغير وقت تنكشف الحقيقة لانا: دخلك شو بدي اكتشف مثلا انو هي كانت كميرا خفية مثلا وليد: اي هلق تمسخري قد ما بدك بس انا ما بدي منك شي غير انك تسدقي انو انا بحبك و مستحيل خونك ساعتا عملي شو ما بدك لانا: اي و انا مستحيل سدقك و كذب عيني وليد: بس عيونك ما شافو شي من غير اللعبة الوسخة يلي انلعبت لانا: ففف خلص مليت من ه العلاك الفاضي هلق سماع ازا بقيان عندك و لو ذرة حب لإلى او يا سيدي مو حب احترام اخدمني هل الخدمة وليد: شو بدكك؟!! لانا: بتتذكر بنت عمتك دكتور ة الامراض النسائية اعطيني رقما ازا بتريد وليد: شو بدك برقما لهيا لتكوني حامل لانا!! لانا: اوههوو لك ليش تفكيرك بروح لبعيد هيك وليد: لكان شو بدك فيها لانا: ففف مو انا و هلق بتعطيني رقما و لا بروح دور عنا لحالي وليد: لاء اكتي عندك بس يا ويلك تكوني و عم تكذبي لانا: انت ما دخلك و مالك عليي شي وليد: انا جوزك لانا: جوزي جوزي اي جوزي اللي غدرت فيني وليد: ففف بعرف رح يجي يوم و تسدئيي المهم سجلي عندك وعطاها الرقم) لاا(سكرت الخط بسرعة قبل ما يحكي اي شي تاني ) لانا : اتفضلي هبة هاد هوي الرقم هبة : يسلمو تءبريني الله يخليلي ياكي لانا: الله يسلمك و راحت هبة عند مايا لتخبرا و هيي فرحانة و متأملة انو رح تقدر تخلص من العيشة اللي عايشتا مع جوزا - كانت مايا قاعدة بالصالون و هيي دبلانة كتير و الجدة كانت قاعدة جنبا و نايمة هبة(بحماس): مايا لو تعرفي شو صار! رفعت مايا راسا شوي و قالت بصوت مخنوق مايا: ششوو صار هبة: مايا حبيبتي فيكي شي باينتك مو عبعضك مايا: لاء عادي المهم شو صار هبة: لانا هلق حكت مع وليد اخدت منو رقم الدكتورة اللي بتقربو مايا: !١ اي اتذكرت لكان هانت ما بقا غير انو الدكتورة توافق هبة: ان شاء الله بالليل كان فارس راجع للبيت و فجأة اتصل فيه واحد الشخص: الو استاذ فارس مو فارس: اي اخي انا فارس مين انت الشخص: انا واحد ما بتعرفو و لا انا بعرفك بس في شخص بالديسكو باينتو مريض و ما عم يقدر يتحرك و عم يقلنا نتصل فيك لتجي لعندو فارس: شووو مين ه الشخص الشخص: ما قال مين هوي بس المهم طلب منك تجي بسرعة عندو بالديسكو اللي كنت متعود تسهر فيه من قبل فارس: فف طيب جاي جاي وسكر الخط التفت الشخص اللي كان عم يحكي مع فارس و قال الشخص: خلص ست روز بظن انو قمت بمهمتي روز: اي بس لا تطلع من الديسكو قبل ما كمل خطتي عل الآخر و بعدين لسا ما عطيتو المنوم الشخص: طيب بتمنى انو ما يطول روز: ششش بطول و لا ما بطول لازم تستنا من تم ساكت لا تنسى انو انا عم بدفعلكن انت و نوال حق مهماتكن يعني انتو ما عم تشتغلو ببلاش فلهيك بتسكت عل الآخر فهمت يا ربيع الشخص (اسمو ربيع) ربيع: اي اي ما قلت ثي روز : طيب فارس نازل من السيارة بسرعة و رايح بالتجاه الديسكو و كتير محتار مين يلي بدو ياه بالديسكو رخل ل الديسكو كانت روز متخبية بمطرح من الديسكو ما بيقدر فارس يشوفا فيه بس هيي بتقدر تشوفو روز: ليك ربيع روح هلق لعندو و ساوي اللي اتفقنا عليه ربيع: اي اي ربيع : استاذ فارس اتفضل معي فارس: لك احكو شو صار و مين يلي عم بدور عليي ربيع: طيب فوت هلق بتشوفو بس شراب كاسة من باينتك مخنوق من ه القصة - مسك فارس كاسة المي و شربا كلا و قال لربيع فارس: اي و اله حيرتوني مين عم يدور عليي ربيع: اي فوت هون تحرك فارس بالتجاه ربيع و ما كمل خطوتين ووقع و فقد وعيو و هنيك طلعت روز و طلبت من روز ياخد فارس ع غرفة صغيرة و شلحتو قميصو و أخدت تلفونو و راحت دور ع رقم مايا بتلفون فارس بعد شوي لقتو و طلبت روز من ربيع يصورا و هيي قاعدة بالتخت جنب فارس و بس خلص تصوير بعتت روز الصور لمايا من تلفونا و كتبتلا شو كنتي متصورة يا حبيبتي انو فارس رح يتغير و يتركني كرمالك ههه لا ما حزرتي و هلق ازا عندك شوية كرامة لازم ما ترجعي تحكيه او تشوفيه بعد ما تشوفي ه الصور ب ه الوقت كانت مايا عم تشرب كاسة مي و راجعة لتنام فسمعت صوت المسج و راحت شافتو و قرتو و هيي ما عم تقدر تسدء ودموعا عم يشرو ع شاشة تلفونا حطت ايدا ع تما و مسكت كرسي و بالزور لقدرت تقعد كانت مصدومة و عم ترجف بعدين قامت بصعوبة و هيي عم تحكي بقلبا مايا: معقول يا فارس معقول بعد ما وعدتني انو نصير زوجين حقيقيين و عد ما عيشتني احلا ايام حياتي هيك بتغدر فيني اللاخ يا وجع قلي و راحت بسرعة ع اوضتا و ضبت كل تيابا حست بلانا طالعة فخبت شنتايتا لانا: شبك مايا مبينة مدايقة هلق شوي و يبجع فارس مايا: فارس اخوكي كان الو مكان كتير حلو بقلي و هوي بغدرو حطم كلشي لانا: شو صار شو ساوا مايا: و لا شي مع الوقت بتعرفي المهم هلق مالي مراق احكي لانا: طيب تصبحي على خير مايا: و انتي من أهلو رجعت لانا ع اوضتا و مايا بسرعة اخدت ورقة وكتبت عليها " انا اذا رحت ف ما رح ارجع" وأخدت شنتايتا و طلعت بكل هدوء لبرا برات البيت و محدا انتبه عليها و صارت تفكر وين بدا تروح و دموعا ع خدا و عم تحاكي حالا و قررت تروح عند بنت عما نجوى و اللي هيي بنت وهيبة كمان و اخدت تأكسي و راحت و بس وصلت فتحلا احمد جوز نجوى استقبلتا نجوى استقبال منيح و كانت كي مشتاقتلا احمد: طيب هلق يا جماعة انا رايح ع غرفتي لحتى تحكو ع راحتكن ماياث نجوي: احكيلي هلق شبكي يا قلبي ٠.. (حكتلا كلشي ) مايا: . نجوى: ايي قديش صعب الثي اللي مريتي فيه و هلق شو بدك تعملي مايا: اكيد رح اتركو و من بكرا دح سافر نجوى: جنيتي وين بدك تسافري وحدك مايا: انا ما بدي تقل ع حدا لهيك من الاحسن اني سافر بمكان بلاقي فيه شغل و اهم شي فارس ما بيعرفو نجوي: لك ليش لتسافري لك اعتبي بيتي هوي بيتك لك نحنا متل ال خوة ما نحنا ربيانين مع بعض مايا: انتي اكتر من اختي بس فارس دح يعرف محلي بسرعة نجوى: بس.. مايا: لو سمحي نجوى انا مو طفلة صغيرة و بعرف شو بعمل نجوى: طيب بس و الله انا من خوفي عليكي مايا: لا تخافي رح كون منيحة نجوى: طب وين رح تسافري مايا: ع بيروت نجوى: طب رح خلي احمد يساعدك بالسفر مايا: تسلمو يخليلي ياكن نجوى: هاد واجي يا روحي - الصبح-- فاق فارس لقا حالو بسيارتو و ما كان قدران يتذكر اللي صار منيح و رجع لبيتو احمد: اي مايا انتي كيف رح تعيشي بيروت لحالك مايا: في معي شوية مصاري مصمدتون بدبر فيهون حالي لبين ما لاقي شغل أحمد: طب ليكي هوي في عندي اقتراح بس خايف ما يعجبك مايا: لا اخي عادي احكي احمد: هوي في رجل اعمال غني كتير ببيروت محتاج خدامات ببيتو يعني بتمشي حالك بهيك شغل لبين ما تلاقي شغل تاني نجوى: لك احمد شو عم تقول شلون مايا تروح تشتغل ببيوت خادمة ببيوت العالم أحمد: انا آسف يا مايا ازا زعجتك مايا: لا احمد ما زعجتني بنوب بالعكس يعني فيك دبرلي ه الغل بأسرع وقت نجوى: مايا شبكي ليش لتعملي هيك لك و الله مالك محتاجة هيك شغل و ما تنسي نحنا معك مالك لحالك مايا: اي حبيبتي انتو ع عين و راسي بس ما تخافي ما رح ادايق من هيك شغل يعني شو بدو يكون رح امسح الغبرة و اشطف و هيك يعني مالي حاسة انو ه الشي صعب نجوى: ففف و الّه ما بعرف شو بدي قلك المهم اعملي يلي بدك بس ما تنسي انو ع طول في عندك سند و انا و احمد عطول جنبك مايا: تسلمو احمد: لكان رح حاول دبرلك ه الشغل بأسرع وقت مايا: شكرا احمد : العفو و لو و به الوقت كانت الدني قايمة قاعدة ببيت فارس و محدا فهمان وين راحت مايا و ليش فارس: لككك وييين راحت وين راحت طب و ليش راحت معقول تكون ملت من معاملتي الا قام قررت تروح و تتركني معقووول هبة: لالا لا ما بظن هيك مايا أعقل من انا تتركك كرمال هيك سبب لانا: ليك فارس لقيت هي الورقة بغرفتك انت و مايا الجدة: شو مكتوب فيها مسك فارس الورقة و قراها فارس(عم يقرا محتوى الرسالة اللي تركتا مايا): حبيتك و ما حبيت حدا غيرك بحياتي سلمتك قلي و انت بخيانتك هي كسرتو و نهيت علاقتنا بإيدك بتمنا ما تحاول دور عليي لإنك ما رح تلاقيني و لو شو ما عملت ما رح ارجعلك. الجدة: لك شو عملت لييش خنتا لانا: فارس انت ما وعدتا انك تتغير شوو نسيت فارس: لك يا جماعة و الله انا نفسي مالي فهمان شي و ابدا ما فكرت خونا الجدة: لكان شو هاد هبة: طب وين كنت مبارح فارس: اي اي اكيد في شي غلط بالموضوع اي و بعد حوالي خمس دقايق اجاه تلفون لفارس فارس: الوو مين روز: ههه اهلين ياروحي شو نسيت صوتي فارس: اسمعي و لي يا روز انا مو فاضيلك يلي فيني مكفيني روز: اي بعرف مشاكل مع مرتك حبيبة قلبك اي بعرف فارس: انت شلون عرفتييي احكييي روز: لحظة شوي سكر هلق وروح اتفرج ع صورنا الحلوة انا وياك فارس (سكر فارس الخط و راح شاف الصور اللي بعتتلون ياه روز و كانو نفسون الصور اللي بعتتون لمايا فارس: ستييي لك هي الواطية ورا كلشي و دغري فهم فارس اللي صار وحكا كلشي لستو و لانا و هبة و هني سدءوه لإنون بيعرفو روز و طباعا الوسخة فارس: هلق انا لازم روح جيب مايا بسرعة و فهما كلشي قبل ما يفوت الاوان لانا: وين ممكن تكون مثلا فارس: اكيد عند مرت عما مالا غيرا هبة: طب يلا خلينا نتحرك يلا الجدة : يلا ابني استعجل. و ب الوقت كانت مايا مستعدة لتسافر و كانت عم تودع نجوى و احمد للي قدر يأمنلا هداك الشغل و اتفقو بس توصل لبيروت تروح لبيت هاد رجل الاعمال اللي رح تشتغل عندو و رح تسكن ببيتو لإنو كبير و مليان خدم و كامت مايا رضيانة بكلشي المهم تحاول تنسا فارس مايا: يلا بشوفكن باي نجوى: باي يا روحي مايا: صحي شو بدي قلكون اوعا تجيبو سيرة لفارس عن محلي لو شو ما صار نجوى: اطمني ما رح انطق بحرف ديري بالك ع حالك و مشت السيارة اللي رح توصل مايا لبيروت ببيت عاصم اخو وهيبة-فارس: يعني بغهم من كلامك انو مايا مو عندك وهيبة: لك و الله ما اجت لهون حتى و ما شفتا بنوب يعني وين بدا تكون راحت فارس: ففف و الله ما بعرف فكرتا بتكون عندك مالا غيرك وهيبة: طب انت و ما قلتولي و هيي ليش تركت البيت الجدة: سدءيني يا ست وهيبة و اله سوء تفاهم وهيبة: ممم قلتيلي سوء تفاهم اي هه بحاول سدقك لانا: و الله يا ست وهيبة نحنا مو طالبين منك تسدءينا اي وهيبة: ولي شلون بتحكي معي هيك هبة: لك خلص يا جماعة هاد مو وقت الخناق لازم نلاقي مايا لو سمحتي يا خالة وهيبة فكري وين ممكن تكون مايا انت مرت عما و مربيتيا من صغرا يعني حاولي تفكري شوي معنا مايا لوين فيها تروح وهيبة: اي بجوز تكون راحت عند نجوى لانا: و مين نجوى ؟؟ وهيبة: نجوى بتكون بنتي الوحيدة و هيي و مايا ربيانين سوا فارس: لكان اعطينا عنوانا لهي نجوى وهيبة: طب رح اكتبلك ياه و كتبت وهيبة عنوان بيت نجوى و عطتو لفارس و راح فارس دغري لبيت نجوى فارس: شو يا ست نجوى معقول ما بتعرفي و ين ممكن تكون نجوى (كذبت عفارس و قالتلو انو ما بتعرف وينا مايا لإنو مايا طلبت منا تعمل هيك) : لا واله ما بعرف وينا يعني وين ممكن تكون فارس: ففف انا رايح دور عليها بغير محلات نجوى: طب حاولو تتصلو فيها فارس: خطا مسكر نجوى: ممم فارس: طيب عن اذنكن يا جماعة احمد: اذنك معك راح فارس و ضلت نجوى و احمد لحالون احمد: ليش ما قلتيلو الحقيقة ما شفتيه كيف كان ضايج و خايف عليها نجوى: بيستاهل لازم يدفع ثمن خيانتو احمد: يعني ع القليلة قولي لمايا انو اجا يدور عليها و شوفي شو بدا تقول نجوي: اي رح قلا به الوقت وصلت مايا ع ببيروت و كانت قدام فيلا رجل الأعمال فاتت ع الفيلا و هيي عم تتفرج عليها كانت أشبه بالقصر كانت مايا عم تمشي وتتأمل حيطانا و الديكور اللي فيها و بدون ما تنتبه خبطت بوحدة مايا: لاسفة كتير يا خالة ما انتبهت المرا: لا عادي يا بنتي ما في مشكلة بس المرة الجاية انتبهي ه المرا كانت مرا بأواخر المسينات طيبة و بتشتغل خدامة كمان بالفيلا المرا: بس عفوا يا بنتي مين اني مايا: انا اجيت لاشتغل هون المرا: اي انتي الخادمة الجديدة مايا: اي المرا: انا زهرة و بشتغل كمان خدامة هون مايا: تشرفت يا خالة زهرة: تفضلي معي يا بنتي لورجيكي اوضتك بس الظاهر يا بنتي ما في اوض فارغة لإنو في عنا كتير خدم الظاهر رح تصيري تنامي بأوضي مايا: ١ اي عادي زهرة: تفضلي معي لكان اخدت زهرة مايا و ارجتا اوضتا و عرفتا ع الخدم و تركتا ترتاح لتبلش شغل بكرا ب ه الوقت كان وليد مع رفيق الو اسمو وائل و كان عم يحكيلو عن اللعبة الوسخة اللي لعبتا نوال لتفرقو عن لانا. وليد: و هي هيي كل القصة ووهلق شو ما قلت للانا ما دح تسدقني وائل: ما بستغرب إنا ما تسدقك يعني بلأخير هيي شافت ه الشي بعينا و اكيد رح تفهمك غلط وليد: اي و الحل هلق شو بدي اعمل وائل: لازم تخلي ه البنت اللي لعبت ه اللعبة الوسخة تعترف بعملتا وليد: لك وين بدي لاقيها و كمان شي لك انت من كل عقلك متصور انو متل هيك واطية رح ترضى تعترف وائل: بتضلا انسان و عندا نقاط ضعف وليد: شو يعني قصدك هددا وائل: لاء مو هيك كان قصدي بس الازا لزم الامر ليش لاء وليد: اي من شوف بعد مرور ايام كان فارس لساتو عم يدور ع مايا و كان كتير حزين ع غيابا هبة و لانا راحو لعند الدكتورة هيا و شرحولا وضع هبة و هيي لإنا مرا حست فيها و رضت تساعدا و قالت لحامد زوج هبة انو هبة ما بتجيب ولاد و مستحيل تجيب ولاد و هوي صار يفكر بينو و بين حالو انو يطلقا مايا: تعودت ع الشغل ولإنو كان شعل سهل و مو متعب كتير و مو مطلوب منا غير مسح الغبرة و كانت مبسوطة. مع الست زهرة يلي كانت كتير حنونة معها و بتعاملا متل بنتا بمطبخ الفيلا قاعدة مايا مع الست زهرة مايا: بتعرفي خالة زهرة و الله ما تخيلت بنوب انو الاستاذ وسيم رجل الأعمال الكبير و صاحب ه الفيلا اللي متل القصر يكون شب زهرة: ههه ليش يا بني شلون كنتي متخيلتيه لكان مايا: تخيلتو رجال بالستينات مثلا و يكون حدا جاف و قاسي كتير ههه زهرة: ههه و طلع عكس تخيلك تماما مو مايا: اي طلع شب و كمان بحسو شخص حباب و بيعامل الكل بالحترام هرة: اي هوي حدا متواضع و الله عطول بيناديلي خالتي و بقلي بحبك متل امي الله يرحما مايا: اي الله يرحما بس دخلك يا خالة ليش الاستاذ وسيم بعامل الكل بلطف الا زهرة: قصدك ولاء مو مايا: اي بحسو جاف كتير معا يعني بالأول كنت بعتقد انو بعاملا هيك لإنو هي طريقة معاملتو مع كل الخدم بس بعدين شفت انو بعامل كلالخدم بلطف من غيرا هيي زهرة: اي معو حق لإنو هوي فاهم نية كل حدا فيهم مايا: الحقيقة ما فهمتك زهرة : لإنو هي ولاء. ملاحظة: وسيم هوي رجل الاعمال اللي بتشتغل مايا بالفيلا تبعو و هوي شخص طيب و متواضع وشب حليوة عمرو #يتبع يـــــــــ͢ـོ͓ـــتبــــــــــــــོـ͓ـــ͢ــ؏* ➖➖➖➖➖➖➖➖➖ *