الفصل 94
❤️📝 روايات وقصص مميزة 📝❤️:
🏹 441 ✨
على المغرب...........
شهد : يالله حيا الله من جانا
البنات : الله يحييك
عايشه شايله محسن : السلام عليكن
البنات : وعليكم السلام
نجد : ياربي أموت عليه عطيني أياه
عايشه : ياقلبي يا خيتي خذيه بروح اساعد خالتي بالعشاء ..
بشاير : خذيني معك أكيد رشا وصلت
رنا : إلا شخبار نجود
نجد تلاعب محسن : بخير اليوم كلمتها طايره من الوناسه الله يتمم عليهم ..
سلوى : صدق فقدت العنصر الرابع ..
وجدان : ولا كأن عبدالرحمن مالي وقتك كله ..
سلوى : فديته
البنات : هههههه ..
مناير : بنات ما طفشتن من الجلسه لنا أسبوعين مخلصين
رنا : شنو تقترحين يا مدام جراح
مناير تحط رجل على رجل : بصراحه يا مدام راشد نبي نطلع
نجد : بصراحه صاحبتي مها طالعين للبر يخيمون يقولون ربيع وحلو ..
شهد : بس عندنا مزرعه ماراح يرضون على التخييم برا يقولون في ناس يتمنونها ما يحصلونها ..
وجدان : صراحه المزرعه حلوه بس أبي تغيير ..
نجد : انا من المؤيدين التغيير حلو
سلوى : خلاص خلونا نحاول
رنا : نحاول بمن ؟؟
شهد : أخوانا صدقوني إذا الشباب موافقين ما يرفضون الباقين ..
مناير : واليوم الأحد نطلبهم الاربعاء يومين يكفونا ..
البنات : اوكيه
وجدان : وبينا ألو
نجد تطالع لمحسن النايم : ياقلبي عنه بوديه غرفته وراجعه لكم ..
مناير : بننزل للخيمه تحت لحقينا
شهد : مري على غرفتي وجيبي أوراق وألوان انتي وعدتيني ترسميني ..
نجد : أوكيه وأنا عند وعدي
بعد ما نيمت محسن بسريره وطلعت تتمشى بالممر جاها فضول تدخل غرفة مشعل بس بآخر لحظه هونت ودخلت غرفة شهد تاخذ أوراق وأقلام تلوين شافت لابتوب شهد مفتوح فتحت الأيميل وسجلت أيميل مشعل
نجد أبتسمت وحطت يدها على خدها : والله اخيرا جتني الفرصه اللي أرد لك الكف يا مشعل ..
نزلت للبنات وكملوا السهر ببيت العم محسن ونجد تحس بالانتصار ..
#صباح_الخير
أحلى متابعين
@storykaligi
🏹 442 ✨
أما نعود لأسيل وحمد ..........
أسيل : دادا
دادا : هلا
أسيل : شخبارك أمي سارا وملاك والكل ؟؟
دادا : بخير فقدتيهم صح
أسيل : كثير ...
دادا : وهم بعد يله خذي ..
أسيل : شنو ؟؟
دادا : خذي القهوه لزوجك
أسيل : ما أبي روحي انتي ..
دادا : والله تعبانه خذي له ..
أسيل تاخذ القهوه : طيب
حمد جالس بالخيمه وشاب الجمر وعليه فروته وابتسم
حمد : هلا والله بالحامل والمحمول وزود الحامل ..
أسيل كانت ناويه ترجع بس ما تدري ما حبت تكسر بخاطره : هلا فيك ..
حمد : أقربي وصبي لي ...
أسيل تصب له وتمد له : تفضل
حمد : يزيد فضلك
الغالب على الجلسه الصمت....
أسيل : حمد
حمد : عيونه
أسيل : تسلم عيونك أبي جوالي اللي خذيته
حمد : ليه ؟؟
أسيل : شنو ليه هذا جوالي
حمد : ما تحتاجين له وإذا على خالتي زهره هي ببيت عمي محسن عندهم عشاء لعبدالله وروابي ..
أسيل : طيب عطنياه بكلمها بعدين ..
حمد : متى ما حبيتي تكلمينها قولي لي ..
أسيل عصبت : شنو هذا خاطفني وجايبني غصب عني انت دكتاتوري أف ..
حمد كتم ضحكته : خذي صبي لي
أسيل تمد له الدله وبدون نفس : أخدم نفسك بنفسك
قامت وخلته ورجعت للمطبخ فتحت الثلاجه وتاخذ عصير ..
أسيل تجلس : أف
دادا : مالك أسيل ؟؟
أسيل : دادا ما يعطيني جوالي قافل عليه
دادا : ههههه وليه تحتاجين ليه دامه قربك ..
أسيل : دادا
دادا : ههههههه طيب لا تعصبين ..
أسيل : آسفه مو قصدي
دادا : طيب حطيت لكم العشاء بس متى ما حبيتوا تاكلون حطوا بالسخان وبالعافيه ..
أسيل : ليه وين بتروحين ؟؟
دادا : برجع الفيلا بكره عشاء على شرف السيد عبدالله وروابي ولازم اجهز كل شيء بدري ..
أسيل : وتخليني
حمد واقف عند الباب : وانا وين رحت ؟؟
أسيل : ...................
حمد : بصعد آخذ دش وانزل جهزوا العشاء وإذا جاء مهند عشان ياخذك يا دادا في أغراض موصيهن يجيبهن لا ينسى ينزلهن ..
دادا : حاضر (بهمس لاسيل) روحي مع رجلك ..
أسيل : شنو بيروح يسبح شنو أسوي له ؟؟
دادا : الله يهديكم
أسيل :
سلمت قلبي لشخصك كنت بك واثق
لين إكتشفت إنها من أكبر أغلاطي
الله ياماصعب الغلطه على الحاذق
صدمه عظيمه تسبب هم وإحباطي
:::
تخفي نوايا الغدر في وجهك الشارق
يابحر ما فيك لا مركب ولا شاطي
هذا وأنـا قبل أعرفك أسعف الغارق
وأشوف نفسي مشيت في دربك الواطي
:::
نجم المحبه لضى بجو العشق طارق
نجم(ن) تلاشى وعن جوي ترى خاطي
أنا بدوي الفرح من شوفة البارق
حب الحياه في ظميري دايم(ن) صاطي
:::
أغرابي البرق وأنـا في الأمل عالق
والواقع يحط فوق حروفي إنقاطي
حلمي تبخر وواهج غدرك الحارق
واترى الوفا ماخلق في كل الأوساطي
:::
أقولها لك وأنـا متمكن وواثق
إبعد وفـــارق أنا ما أكرر أغلاطي
سلمت قلبي لشخصك كنت بك واثق
لين إكتشفت إنها من أكبر أغلاطي
حمد سمعها وهي ماتعرف وأبتسم وصعد يغير لبسه وهو يردد بقلبه
يهـز الشوق بـ أعماقي عناقيد الغرام عذوق
ويقطف بـ الغلا فيني غرامن خنت وأخفيته
أحبك كثر ما يشعل غرامك في حشاي حروق
وشبه زود لو يحرق ضلوعي مت ما اطفيته
احبك دمعه طاحت على خد الصباح شروق
يموت النور لو طاحت على كفي وضميته
أحبك .. ايه .. أحب اسمك وأموت بجيدك المنتوق
وتخيل كثر ما أكرهـ صدودك قمت حبيته
@storykaligi
🏹 443 ✨ ْ
نجد ماصدقت ترجع للبيت رمت عبايتها وشنطتها دقت بجوالها
نجد : ألو وصلت ... ثواني أفتح الماسنجر ...... ايه يله باي
نجد المملكه
السلام عليكم
مهاوي لاوي
وعليكم السلام طمنيني
نجد المملكه
أيه حصلته يله خلينا ننفذ الخطه
مهاوي لاوي
مو بهذا الأيميل الثاني
نجد المملكه :
اعرفه يله أرسلي لي اميلاتهن ولا تنسين مو ايميلك هذا الثاني ..
مهاوي لاوي
يا حليلها دنونه ما قصرت الايميلات الجديده روعه يله لعيونك مش مش الليله بيكلم نفسه اللي يرشك بالماي أرشه بالنار ..
نجد المملكه
فديت الغاليه (صورت قلب)
مهاوي لاوي
يله بس بنشوف اذا يضيفنا و إلا لا
نجد المملكه
عينه زايغه و النكات تجذب (فيس يضحك)
مهاوي لاوي
نقول بسم الله
نجد المملكه
بسم الله
سجلت مها أيميل مشعل عندها و تمن يسولفن مع بعض بالتلفون و بعد ربع ساعه دخل مشعل وجذبه نيم مها وطلبت اضافتها و تم إضافتها ( على فكره بس مها اللي دخله لإميل مشعل )
(مشعل)""كيف أنساك و أقدر يا حياتي أخونك و أنت بالقلب واحد ما كلني غرامك"" :
هلا ما توقف
(مها) $$ ما توقف الدنيا على شان رجال و ما تلحقه بنت الحمايل حسايف$$ :
هلا
(مشعل)
كيف جبت إيميلي إذا أنتي بنت أو ولد ؟؟
(مها) :
تستبغى إذا أعمى شف النك عدل
(مشعل) :
ههههههههههه سوري طيب كيف جبتي الايميل
(مها) :
من وحده من صاحباتي ممكن تضيفها معنا إذا ممكن نتكلم كلنا مع بعض ..
(مشعل) :
أوكيه أيش نك نيمها
(مها) :
تدلل يا بعد عمري هذا نكها
(مشعل) :
أوكيه ولكموا تدلل
*&* تدلل يا بعد عمري تدلل أنا كلي لعيونك*&* :
يسلمو ( فيس خجول) السلام عليكم ..
(مشعل) :
و عليكم السلام تدلل بسألك منين جيبتي إيميلي هذا خصوصا أنه إيميلي الخاص ...
*&* تدلل يا بعد عمري تدلل أنا كلي لعيونك*&* :
مش أنا هيدي ماي غيرل فيريند هي كتير معجبه بيك ممكن تدخلها معنا
مشعل في نفسه: طيب نشوف أخرتها ...
(مشعل) :
أوكيه أيش نكها
*&* تدلل يا بعد عمري تدلل أنا كلي لعيونك*&*
كل يوم و كل ساعه أنتظر لحظة لقاك
(مشعل) :
نورتي كل يوم
^<^ كل يوم و كل ساعه أنتظر لحظة لقاك ^>^ :
شكرا هاااااااااااااااااااااي بنات
ماتوقف – تدلل
هاي
(مشعل) :
بنات أيش سالفة إيميلي عندكن و هذا الخاص كيف عرفتنه
(مها) $$ ما توقف الدنيا على شان رجال و ما تلحقه بنت الحمايل حسايف$$ :
والله البغ بوس (الزعيمه) أهي المسؤوله
طبعا نجد دخلت لحد الان ومها تكلمها بالتليفون و تنقل لها كل شئ يصير تستنى الوقت المناسب
(مشعل) :
طيب من هذي ممكن أتكلم معها راسي يعورني مالي خلق
مها بلغت نجد و قالت لها يطلعن
(مها) :
خلاص نتكلم بكره دامك تعبان بنات أوووت
*&* تدلل يا بعد عمري تدلل أنا كلي لعيونك*&*
بااااااااي (طلعت)
^<^ كل يوم و كل ساعه أنتظر لحظت لقاك ^>^
بااااااااي (طلعت)
(مشعل) :
لحظه أستني
(مها) :
أمر
(مشعل) :
شنو هذا شنو عصابه أنتن أنا بسوي لكن بلوك أحسن ..
(مها) :
أسمع على لسان الزعيمه تقولك مو حنا اللي تسوي لنا بلوك يا مشعل
(مشعل) انصدم :
كيف عرفتي و من هذي ؟؟
(مها) :
بكره الساعه 6 ونص بعد صلاة المغرب نتكلم بااااي
@storykaligi
🏹 444 ✨
( انتهت المحادثه بينهم على أمل اللقاء بكره)
مشعل من الصدمه دق على راشد
راشد : مشعلوه خربت علي الجو ..
مشعل : راشد خل رنا و كلمني ..
راشد : أخليك ولا اخليها
مشعل عصب : راشــــــــــــــــد
راشد: طيب انتظر ثواني أسكر منها (سكر من رنا) هلا مشعل ..
مشعل على الانتظار : هلا راشد اسمع شنو صار معي اليوم ..
مشعل قال لراشد كل شئ عن البنات و اللي قالن والزعيمه و عارفات اسمه والإيميل الشخصي وإن بكره يتكلمون معه ..
راشد : خلاص بكره أكون عندك أنا والشباب و ندخل معك و نهزئهن و نفهم شنو يبن و ما يصير خاطرك إلا طيب أن ما مسحت بخشتها الأرض ما كون راشد
مشعل : طيب أنا بنام رد لرنا و سلم عليها كثير ..
راشد عصب : مشعلوه وجع ..
مشعل : ههههه أمزح باي
راشد : باي ..
أما مها و نجد و البنات شله الشياطين
(مها) :
بنات بكره الساعه 6 ونص تستعدن (فيس يبتسم)
(فاطمه)^<^ كل يوم و كل ساعه أنتظر لحظت لقاك ^>^ :
حرام ما يستاهل مشعل
(نجد)^#^<> ما أحبك واحب ألعب بأعصابك يفرحني زعلك وما همني رضاك <>^#^
فطيم إذا ماتبين تكملين طلعي من السالفه لا تخربينها ..
(فاطمه) :
آسفه مو قصدي لا معاكن أنا بعد بنتقم من مشعل على تركه لي
(أماني)!! مغرمه فيك لو رفضت تبدي غرامك !! :
حتى انا أوهمني بالحب وبعدين تركني
(نجد) :
السموحه انتن اللي صدقتنه
(علياء):::~~:: أنساك كلمه مالها وجود بمرجعي ::~~:::
كلامه شكله يذوب الصخر فمابالك بنا
(مها) :
أنا ما أعرفه بس سمعت عنه
(شمه)*&* تدلل يا بعد عمري تدلل أنا كلي لعيونك*&*
ومن ما يعرف مشعل وراشد ولد عمه يوه يهبلون ..
(علياء) :
بس راشد ملك وانا ما اعرفه أعرف مشعل ..
(نجد) :
خلاص بنات بكره الوعد أوكيه
(فاطمه) : ممكن قبل اطلع اسألك شيء ؟؟
(نجد):
أمري
(فاطمه):
تسلمين أنا وشمه وعليا وأماني سبق لنا المعرفة بمشعل من زمن ودنا ننتقم منه بس أنتي وماتوقف مو مثلنا ..
(نجد) :
يعني تقدرين تقولين بنتقم بس مو بسبب معرفه سابقه فيه لابس رد لكرامتي اما ماتوقف صديقتي وأختي أنا أقدر أنتقم بروحي بس سمعت عنكن بالكليه مو كلكن قلت ننتقم جماعي (فيس يضحك) ..
(عليا) :
أنتي بالكليه معنا
(نجد) :
لا مو نفس الكليه بس أعرف ناس بنفس الكليه معكن ووصلن لي أيميلاتكن وتفاهمنا ..
(شمه) :
ممكن نعرف أي كليه وشنو أسمك
(نجد) :
شموه عن اللقافه حنا أتفقنا ما تسألني عن شيء خلنا نخلص من مشعل ونسولف بعدها ..
وطلعن البنات وسكرت النت وأنسدحت على سريرها تتذكر الأسابيع اللي فاتن يوم تخطط وكيف عرفت عن البنات ..
@storykaligi
🏹 445 ✨
فاطمه(23س) .. كلية علم النفس آخر سنه وحيدة أمها وأبوها جميله جدا كانت تكلم مشعل مدة 3 سنوات قطع مشعل في يوم علاقته فيها وهي كانت حاطته فارس أحلامها تعبت وتعبت نفسيتها وعرف أبوها وراح لمشعل وطلبه يتزوج بنته بس رفض قال أعطيك اللي تبي بس ترجع بنتي مثل قبل بس رفض حاولت تنساه بس ما قدرت وقبلت بولد عمها يمكن تقدر تنساه وزواجها بعد شهرين وتتمنى بس تنتقم منه ..
[ نجد عرفت عنها صدفه بسبب بنت عم مها اللي تصير صاحبتها]
ومن خلال فاطمه قدرت نجد تعرف ببعض علاقاته الثانيه لأنها يوم تركها كانت ترسل من يراقبه وكان ثاني وحده توصل لها نجد هي..
عليا(21س) ... تعرف مشعل من سنه وشهرين وهي يتيمه عايشه عند جدتها عرفته لأنه كان يكلم بنت جيرانها وصديقة عمرها (شمه) وكانت تروح معها لما تقابل مشعل ويوم عرفت من هو و ولد من غارت من صديقه عمرها قررت تخطفه من صديقتها وتستأثر فيه لنفسها بس بغت تلعب على الحبلين ولعب مشعل على الثنتين ^_^
وتركها مشعل وعذره كيف أأمن على نفسي معك وأنتي خنتي أعز صديقه لك شمه
[نجد عرفت من عليا عن شمه وقدرت توصل لها]
ومن خلال عليا قدرت نجد تتعرف على شمه وكانت ثالث وحده
شمه(21س) صديقه عليا تحب مشعل تعرفه لأنها كانت صديقه شهد بالمدرسه و تزورها بالبيت عشان تشوفه و لانها على نياتها صدقت و انصدمت لما عرفت عليا تكلمه و انصدمت اكثر لما مشعل قال أنتي ما حافظتي علي و سلمتيني لعليا على طبق من فضه و مثل ما يقول المثل خاويني و أخاويك و اخذ رجلك و اخليك هذي لا أخذت حبيبك و أخليك ههههههههههههههه ...
أماني (19س) .... اخر وحده عرفت مشعل بنت كيوت لها عزة نفس بس نست العزه لما شافت مشعل كان بالشرقيه و هي من سكانها حبته حب الطفل لأمه لانها مالها تجارب صدقت مشعل بكلامه و حبته بجنون و كرهته بجنون لما تركها و جتها الفرصه بدعوه للانتقام منه ..
مناير تصحى على رنة جوالها : ألوو
شهد : نايمه للحين يله أصحي
مناير : علامك تو الناس الساعه 8 ونص ؟؟
شهد : خلصي قولي لي شنو الأخبار ؟؟
مناير : مثل ما اتفقنا قلت لجراح عن الطلعه و رفض .
شهد بيأس: لا والله حسافه
مناير بخبث : بس قلت له كذا نقدر نتقابل فما صدق قال نقول لشباب و تبشرون
شهد : واو طيب كملي نومك بتصل على الباقي باي ..
مناير : باااااي (حطت الجوال وردت تنام)
@storykaligi