الفصل 93
❤️📝 روايات وقصص مميزة 📝❤️:
🏹 436 ✨
خالد مسح على خدها : طيب ليه ؟؟
ترفه تدف يده : بلاش هذي الحركات ماراح تأثر فيني أنت قررت ما تتعالج حتى ولا همتك رغبتي أو همك رأي بالموضوع ولا اني أشوف البنات ييمرن بتجربة الحمل وأطفالهن بين أيديهن همك نفسك ومبادئك وبس ..
خالد بحزن : ترفه ما بيدي شيء ..
ترفه وقفت وفتحت الدولاب وبدت تحط ملابسها بالشنطه وبعصبيه : إلا بيدك
خالد : شنو بيدي ؟؟
ترفه لفت له بعصبيه وعيونها تدمع : طلاقي ..
خالد مسك الملابس ورماهن ومسك يدها وجلسها على السرير وجلس جنبها : خلينا نتفاهم
ترفه : شنو نتفاهم بتصير لنا سنه متحملتك خلاص خالد الأولي ضاع تايه أنت واحد ثاني اناني جامد عصبي خالي من المشاعر والأحساس ما تشعر فيني ماقمت تجلس معي تتهرب للسهر والصحيان بدري والشغل ماتعرف أني بكل ليله أبكي وانا ضامه مخدتي أتمنى قربك حنانك فقدته وأفتقدته خلاص مو قادره لما يرجع خالد الأولي تعرف وين تلقاني (وقفت بس يد خالد ما خلتها تتحرك ووقف قدامها) ..
خالد ضمها : موجود لا تعتقدين ما أعرف شيء بس ما بأيدي شيء
ترفه تحاوطه بأيديها وتصيح : خالد أرجوك حاول تتقبل انا والله أحبك أحبك لا تخليني أتخذ قرار أندم عليه ارجوك ..
خالد : ياقلبي عشانك لو تبين أطب بالنار مارفضت ..
ترفه ترفع راسها له وتبتسم : يعني موافق
خالد يبوس جبينها ويبتسم : مو موافق إلا غصب أوافق كم ترفه عندي
ترفه : خلنا نتصل بعمي ونفرحه ونفرح الكل
خالد : يله
بهذا اليوم كانت تجدد الفرحه للكل بخبر موافقه خالد على السفر للعلاج وحجزت التذاكر لترفه وخالد وأمنت الأقامه وسيرت الأمور
وبهذا اليوم كان آخر يوم حمد يشوف فيه أسيل بعد ما عملوا لها تنظيفات لأن الجنين أثر عليه الطيحه ونفسية الام باتت بالمستشفى يوم وطلعت بعدها لبيت أمها ورفضت تشوف حمد لانها لامته على اللي صار مع انها راضيه بانه قضاء وقدر بس شهر كاتمه هذا الحمل مستأثره فيه لها تسولف له حبته وهو نطفه لم يخلق للآن لانه جزء من عشوقها حست فقدت شيء كبير صممت يتطلقون وحمد صمم ما يطلق كل واحد اعند من الثاني حاولوا يراضونهم ويتدخلون بس أسيل رافضه تسمع لأحد ورافضه مقابلته حتى عبدالله ما قدر لها وطلب من الكل يسكت عنها لين يرد بالسلامه وهو بيتصرف معها بطريقته .....
من كثر ما حاولوا فيها تتراجع عن قرارها وتقابل حمد طلبت تروح لجدها وتريح عنده أسبوع تبي تختلي في نفسها ..
الكل صدقها وماكانوا يعرفون خطة أسيل لأن اليوم اللي وصلت فيه اسيل لجدها منع أي شخص يدخل المزرعه إلا بموافقة أسيل اللي تتهرب من الكل وطلبت من الجد تبعد ويبعدون عنها
أسيل رفضت دخول حمد للمزرعه رغم محاولات يشوفها ..
والجد حلف أن جابوا لها سيرة حمد لمنع دخولهم حتى لوكان ابوها وأمها بعد ..
@storykaligi
🏹 437 ✨
بس الأسبوع صار شهر ........
الأم : هلا وغلا تو مانور البيت فيكم
عبدالله يضم امه : منور فيك يمه ..
الأم : الحمد لله على سلامتكم هلا يمه روابي ..
روابي : هلا خالتي
نجد : واو عبودي وروابي سلامة الوصول والله
عبدالله وروابي يسلمون عليها وبعدين سلموا على عايشه اللي يوم عرفت بوجودهم جت لهم ..
عبدالله يشيل محسن : فديته بسم الله عليه حبيب خاله
عايشه : روابي كيف عبدالله معك
عبدالله يطالع لها بنص عين : هاه كيفني معك ؟؟
روابي انحرجت : زين
الأم : عبود أعقل عنها احرجتها
عبدالله : ههههه هاه يمه لاتكون أخذت غلاتي ..
الأم : ورابي غاليه من قبل تاخذك فكيف يوم اخذتك
روابي : تسلمين ياخاله
عبدالله يعطي محسن لأمه : هاه بشري نجحتي انتي ونجود
نجد : احم احم اللهم لاغرور الأولى على دفعتي مع مها صاحبتي ونجود نجحت بعد ..
عبدالله : كفو يا أختي إلا صدق وين أسيلتي ؟؟
عايشه : عند جدي بالمزرعه
عبدالله : ليه جدي فيه شيء ؟؟
الأم : لايمه لأنها تتهرب من نصائحنا وطلبنا ترجع لحمد عاد دلوعة جدك اللي تبي تقابله تقابله واللي ماتبي لو شنو ما يطب المزرعه .
عبدالله : لهذي الدرجه قسا قلبها وجدي ماعنده مانع ؟؟
نجد : حمد جرحها وصعب تسامح والكل وقف معه وقال سامحيه زله وغلطه ومع ضغط الكل كان راح يجيها انهيار وضغط ففضلت جدي اللي وقف معها ..
عبدالله بعصبيه : شنو على راحتها الكل يغلط وحمد اعترف وقال راح يسوي اللي تبي بس ترضى شنو هذا الدلع أنا أعرف كيف أخليها ترجع له ..
نجد : اسمح لي مو من حقكم خلوها
عبدالله : نجد لا تتدخلين وسمعي هذا شيء خاص بالكبار
نجد : وجرحها
عبدالله : الزمن يداويه
الأم : يمه لاتزعل أختك منك وأنت عارف غلاتك قوموا يمه أرتاحوا بجناحكم لأن عمك عبدالوهاب عازم الكل هنا على العشاء بمناسبة الرجوع ..
عبدالله : طبعا أسيل ماراح تحضر
عايشه : قلتها بنفسك
عبدالله يوقف : يله روابي خلينا نرتاح
روابي : أسمحولي
في الشركه ......
فراس يدخل : حمد وقع هذي الأوراق
حمد سرحان ومو يمه :............
فراس : حمد يالأخو طف السجاره لا تحرق اصابعك ..
حمد أنتبه وطفاها : خير تبي شيء ؟؟
فراس : أيه وقع الأوراق
حمد : وقعهن انت نيابه عني
فراس : لازم توقيعك كتوقيع أول وتوقيعي ثاني
حمد يمسك القلم ويوقع ويرميه : خلصنا
فراس يطالع للأوراق ويرد يطالع له : انت شلون توقع على شيء ما تعرف شنو ؟؟
حمد : لأني واثق
فراس : انت عارف أن الأوراق اللي وقعتهن تنازل منك لي عن كامل أملاكك
حمد بصدمه : شنو !
فراس : عشان تتعلم درس شف لو ما أبي أعلمك لوين أنت وصلت حتى الورقه ما نظرت لها أو شنو هي
(مزق- شق إلى قطع صغيره) ياخوي أصحى طلبتك كفايه سرحان ..
حمد : بعدها جنني يا فراس أبيها أبي نظره من عيونها أبيع كل ما أملك بس أرد لها وترجع لي ..
: واللي يردها لك تصونها ولا تخونها
حمد وفراس لفوا للباب
حمد : أصونها برموش عيوني يالنسيب الحمد لله على سلامتك
عبدالله يسلم عليه : الله يسلمك يارب
فراس : شخبارك يالعريس ؟؟
عبدالله : بخير الحمد لله (تأمل حمد نحفان وغير حمد المرتب دوم) شنو صار ؟؟
حمد : حاولت يا عبدالله بس هالمره لبؤتي شرسه رافضه ترضخ .
فراس : انا بروح لمكتبي اذا خلصت مره علي
عبدالله : تامر (لف لحمد) وبعدين
حمد(يشعل سيجاره) : رفضت تسمع لي عبدالله والله ندمان والله كانت زله بعتذر لين ترضى بس ترجع لي
عبدالله (أبتسم وثق أنه صادق) : بساعدك بس تراها آخر فرصه لك بعديك من سور مزرعة جدي وانت عليك الباقي
حمد(يطفي السيجاره وبفرح) : احلف كيف
عبدالله : أسمع وأفهم كل شيء
@storykaligi
🏹 438 ✨
عبدالله عارف أنه تآمر ضد أسيل مع حمد بس عبدالله قرر يحط اسيل أمام الأمر الواقع لامهرب منه بس على حمد التنفيذ وبسرعه أسيل غاليه عنده بس اللي تسويه غلط لازم تعطييه فرصه وتسمع له وتغفر وتبدا حياة جديده مو من اول مطب أو عقبه تتخلى عن كل شيء ولا تقاوم ..
ودع عبدالله حمد على أساس اللقاء بكره الساعه 8 ويطلعون المزرعه كلن بسيارته
في مزرعة الجد....
صحت الساعه 8 وأخذت دش ولبست بنطلون جنز وقميص أخضر مخطط بالطول ولمت شعرها بشكل عشوائي ونزلت وسوت قهوة لجدها وطلعت للخيمه اللي يجلس فيها
اسيل : صبحك الله بالخير ياوجه الخير ..
الجد : صباح النور والنوير
أسيل تصب لجدها قهوه : عسى ماطولت عليك
الجد : لا ماطولتي يازينك ويازين قهوتك ..
أسيل : يوه جدي بروح اجيب جوالي ثواني
الجد : طيب
اسيل صعدت وأخذت جوالها ونزلت لجدها يوم دخلت انصدمت
أسيل : واو عبودي
عبدالله يبتسم : عيونه وقلب عبود
أسيل تضمه وتبكي : أشتقت لك
عبدالله : وانا بعد والله
الجد : الله يهداك ليه الدموع
أسيل تمسح دموعها : لأني أشتقت له ياجدي
: وانا ما أشتقتي لي
أسيل تلف والصدمه عقدت لسانها ولاأراديا نزلت دمعتها على خدها ..
الجد : حياك ياحمد تعال سلم ياولدي
حمد مر من جنبها وتعمد كتفه يلامس كتفها
حمد : هلا جدي
أسيل غمضت عيونها لمسته سببت لها قشعريره رعشه ورائحة عطره اللي غطى على المكان ما قدرت لها شهر ماشافته ركضت لغرفتها ورمت نفسها على سريرها تبكي تذكرت الخيانه الجنين الألم ..
الجد : القهوه زاهبه قدامكم العذر ياحمد يوم أردك يوم تجينا بس أسيل ان قالت لا محد يجبرها ..
حمد : والله ياجدي ندمان والأنسان مو معصوم عن الغلط أبي فرصه
الجد : أسيل رافضه
عبدالله يغمز لحمد : إلا ماشاء الله البلح والتمر طالع ..
الجد : أيه فضل من الله
عبدالله : إلا ياجدي العروس تسلم عليك ..
الجد : الله يسلمها ليه ماجبتها معك تسلي خويتها ؟؟
عبدالله : بجيبها بأذن الله بس هي قالت سلم على جدي ومشتهيه بلح من عندك ..
الجد : وأنا اخو وضحه تبشر روابي في نخله قل لراجو يعطيك منها بلحها سكري ..
عبدالله : جدي عارف راجو خبل وش رايك أروح انا وانت لها وانا اللي اجيب البلح عشان مرتي تفرح
الجد : ههههه تبي تفرحها انك جبت بيدك البلح طيب تجي ياحمد ..
حمد : هاه
عبدالله : خله هنا ما نتأخر بأذن الله
الجد : على راحتك
لما حمد تطمن ان الجد وعبدالله بعدوا دخل البيت وصعد لفوق يعرف الغرف لانه جاء أكثر من مره معها لجدها وارتاحوا بالغرف دخل كانت تبكي وما حست فيه ولا شعرت بوجوده
أسيل اللي بعالم الذكريات صحاها لمسه يد شخص على ظهرها ألتفت وأنصدمت ..
@storykaligi
🏹 439 ✨
أسيل تبتعد عنه لأبعد زاويه بالغرفه : شنو دخلك هنا ؟؟
حمد : عادي مو غريب عند زوجتي ..
أسيل تسد أذونها : لا تقول زوجتك لا تقول جدي ..
حمد يمسك يدينها ونزلها : جدك راح مو هنا أخذه عبدالله بس أنا وأنتي بس ..
أسيل تهز راسها : لا لا لا كذاب أكيد خطه منك ..
حمد أبتسم : وعبدالله بعد
أسيل تشهق : عبدالله يتعاون معك علي على اخته كيف ؟؟
حمد : لما تكون اخته عنيده وراسها يابس ..
أسيل بعصبيه : ولما يكون زوجها حقير ونذل وما يفهم على نفسه ونسوانجي
طراخ ..
حمد بعصبيه : ياويلك إذا أهنتيني ثاني فاهمه انا زوجك ..
أسيل أنصدمت حطت يدها على خدها اللي تحسه نار من قوة الضربه اللي حمد حط كل حرته وقوته وكتمته طوال الشهر منها في هذا الكف ..
أسيل بعصبيه : تعتقد بتخوفني او تسكتني بعد اللي سويته ما أستبعد الضرب منك لأنك نذل نذل ..
حمد عصب وطلع جوال : ماراح يفيد الكلام ... ألو أسمع أنا باخذها .. لا لا ماراح اتركها أنتهينا سامحني عبدالله هذي زوجتي وباخذها .. تسلم مع السلامه (سكر جواله وحطه بجيبه) ..
أسيل تتراجع وبخوف : وين بتاخذني مستحيل أروح معك فاهم ..
حمد أخذ شرشف السرير ورماه عليها وشالها وهي تصارخ وتحاول تفك نفسها حسته يوم حطها بالسياره وماسك الشرشف عدل وحرك السياره وتأكدت انها طلعت من مزرعة الجد كانت تظن متجهين للفيلا بس الطريق ما أخذ 10 دقايق و وقفت السياره وشالها ودخل كتمت صوتها خافت لين حست باب ينفتح و واحد يتسكر وكأنهم يصعدون درج وحطها على سرير ويوم حست ابتعد وسمعت تسكير الباب بعدت الشرشف أنصدمت بالمزرعه يعني خاطفها بالمزرعه ..
أسيل طلعت جوالها : ألو يبه ... يبه تكفه حمد خطفني للمزرعه.... تكفه يبه تعال خذني مابيه (ماحست إلا باللي ياخذ الجوال منها) ..
حمد : هلا عمي .... لا أرجوك هذي زوجتي وخلوني أحل مشاكلي بنفسي .... طيب مع السلامه ..
حمد رمى الجوال على السريربعد ماقفله وأبتسم بخبث : هلا هلا بأسوله مشتاق لك ما أشتقتي لي ..
أسيل تراجعت لين صارت لازقه بالحيطه وخافت منه : حمد لا تقرب أحسن لك اطلع برا ..
حمد كل ماله يقرب : مو على كيفك أنتي زوجتي ..
أسيل تهز راسها : لا لا موكيفك انا ما أبيك حمد لا تقرب حمدددددددد ......
@storykaligi
🏹 440 ✨
عبدالله وصل لبيته....
عبدالله : السلام عليكم
الكل : وعليكم السلام
الأم : هاه بشرني ..
عبدالله أبتسم : تمام خلاص ..
الأم تبتسم : الله يطمنك يمه
نجد : خير شنو مسوين من ورانا ؟؟
عبدالله : مالك دخل هاه روابي اوديك الحين لخالتي او بعد الغدا ..
روابي : على راحتك
الأم : إذا تبين شوري باقي على الغدا شوي تغدوا وروحوا
روابي : حاضر يا خاله
نجد : بروح احط الغدا
روابي : خذيني معك
الأم تلف لعبدالله : قل شنو صار ؟؟
عبدالله : اخذها لمزرعته ..
الأم : خذاها مو تقول بتخليه يتكلم ويتفاهم معها ..
عبدالله : والله هذا المفروض بس تفاجأت حمد يتصل علي قال راح ياخذها تعرفين أسيل اكيد عندت وحمد استغله عذر وأخذها وهذي آخر فرصه إذا بنتك ما رضخت خلاص مافيه غير الطلاق ..
الأم : فال الله وفالك إلا جدك ماقال شيء ؟؟
عبدالله : لا قلنا بسم الله عليك انك تعبتي ولازم تشوفك وحمد وداها لك ..
الأم : الله يهدي سرهم يارب
نعووووووووووووود....
أما حمد دخل الغرفه شايل صينيه الغدا
حمد : اسيل بعدك نايمه قومي يا كسلانه تغدي ..
اسيل بدون نفس : ما ابي جعله سم
حمد : هههههه كل هذا حقد ول عليك ...
أسيل : لأنك معدوم الاحساس وفاقد الشيء لا يعطيه ..
حمد : حلوه بس لا تعيدينها يله قومي تغدي يله شطوره
أسيل : من مسوي الأكل ؟؟
حمد : دادا حليمه
أسيل تلف له : دادا هنا !!
حمد : أيه يله تعالي تغدي
أسيل : ما ابي باخذ دش وانزل لدادا ..
حمد : وانا تخليني بروحي
أسيل : شنو أسوي لك ؟؟
حمد : بجلس معك ونسولف وناخذ ونعطي
أسيل : مو مجبوره أسولف معك أكرهك أكرهك ..
حمد يشرب عصير : عادي المهم احبك احبك أحــــــــــــــبــــــــــــــك وبس
أسيل فولت منه قررت تاخذ دش بس تذكرت ماعندها ملابس ..
حمد حس بأرتباكها أبتسم : ترى فيه بدولابك ملابس انا جبت الملابس اللي تحتاجين لها خلال قعدتنا هنا
أسيل : ماشاء الله مخطط لكل شيء
حمد : طبعا
أسيل فتحت الدولاب وشقهت : هذي شنو ؟؟
حمد بخبث : الملابس اللي احبهن ياقلبي وبعدين احمدي ربك جايب البجامات بس مو شيء ثاني ..
أسيل حطت يدها على خصرها : كيف أنزل لدادا بهذي البجامات منت صاحي ..
حمد : هههه لا صاحي مولازم تنزلين خليك معي هنا ..
أسيل : حمد
حمد : ههه طيب جبت لك ملابس ثانيه بس غيارين تبدلين فيهن كل يوم وحده شفتي الذكي
أسيل تسوي بأيديها كانها تبي تخنقه : بخنقك بخنقك ..
حمد يفتح ذراعيه وبخبث : تعالي تعالي حلالك ..
أسيل تاخذ ملابس لها ومنشفه : أبرك لي آخذ دش بس هين ياحمد هين ..
حمديمسك يدها : ههههههه تعالي تعالي والله أمزح انا عارف انك ماتنامين إلا ببجايم وجبتهن لك والكبت الثاني كله ملابسك بس قصدت امزح بس دادا هي اللي رتبت أغراضك ..
أسيل تصر على ضروسها : يا ملقك وياثقل مزحك ..
حمد : طلبتك تعالي كلي وبعدها روحي إذا مو عشان خاطري عشان ملاك ..
اسيل : طيب لخاطر ملاك باكل
حمد فرح من شهر ما جمعتهم لحظات مثل هذي وقرر يصبر ويتحمل ولا ييأس مع أسيل ..
#انتهى
مكملين معكم غدا" بإذن الله ..
أنتظرونا ..
@storykaligi