الفصل 89
❤️📝 روايات وقصص مميزة 📝❤️:
🏹 416 ✨
أحمد خبط على الطاوله : انا هنا النقيب أحمد لا أعرف ولد عمي ولا أعرف ولد خالي فاهم
يوسف : ...............
أحمد : ما تبون تتكلمون ..
راشد : سوء تفاهم
أحمد : وبالضرب ينحل وقدام الخلق ما كان هذا العشم بتربية عبدالوهاب وطلال ما تستحون انتو ..
يوسف : هو اللي ما يستحي جاي يتهجم علي عشان خطيبتي ..
راشد عصب : لا تقول خطيبتك ما هي لك
يوسف بعصبيه : غصب عنك لي
راشد مسكه مع ثوبه وبعصبيه : والله ما تاخذها إلا على جثتي ..
يوسف مسكه وبعصبيه : ماطلبت شيء إذا وصولي لرنا بيكون بموتك لك ما طلبت ..
أحمد بصراخ : ياشرطي ..
الشرطي : آمر طال عمرك ..
أحمد مسك يوسف وراشد كلن من ثوبه لانه أضخم منهم وبعصبيه : حط كل ورع بزنزانه لين يعقل ..
الشرطي : تامر قدامي منك له
أحمد يرد على جواله وبعصبيه : نعم
عايشه : بسم الله علامك ؟؟
احمد : فاضي لك أنتي بعد ألاقيها منك ولا من اخوك ..
عايشه مصدومه : شنو قلت لهذي الدرجه شايل هم على قلبك لا والله جاء اليوم اللي تبين اللي بنفسك آسفه يا زوجي على ازعاجك ..
أحمد أستوعب اللي قاله : عايشه
عايشه بدت تبكي: لا تنطق أسمي أحمد آسفه ماكنت أعرف أني هم ..
أحمد : عايشـ.... (ماعطته مجال وسكرت رمى التلفون بعصبيه على المكتب إلا بدخلت الشرطي ) : نـــــــــــــــــعـــــــــــــــــم
الشرطي يرجف: السموحه طال عمرك بس اهل المتهمين برا ..
أحمد : سويتهم متهمين أنقلع خلهم يدخلون وقل يسوون لي قهوه ساده هاليوم باين من اوله هم انا وش خلاني اطلع من البيت ..
الشرطي : تكلمني
احمد عض بعصبيه على لسانه : احد كلمك أذلف قبل أرتكب جريمه روح ..
الشرطي : تامر تامر
دخل أبو يوسف واخوه خالد وعادل وأمجد ودخل فراس وأبوه ومحسن ومشعل وجراح ومحمد وعبدالله
احمد وقف : خير خير وين داخلين كلكم الحين ما أبي أشوف أحد من الشباب برا ..
طلعوا الشباب وبقوا بس أبو يوسف واخوه خالد وعبدالوهاب ومحسن
أحمد : تفضلوا بس قبل أي شيء تقولون يوسف وراشد الليله ماراح يطلعون ..
خالدعم يوسف بعصبيه : ماهو كيفك بتلفون يطلع ولدنا ..
احمد صر على ضروسه مو ناقص بعد : شوف أنا محترم شيبتك فلا تخليني ادخلك مع ولد اخوك الزنزانه تسليه الليله ..
أبويوسف : أجلس ياخوي ..
محسن : أحـــــــــــــــــمــــــــــــــــد
أحمد : آمر يالوالد بس لا تنسى أني بالمركز
محسن أبتسم : مايامر عليك عدو يالنقيب احمد بس حبينا نفهم السالفه ..
احمد : أبدا يوسف وراشد تضاربوا بأحد الأستراحات وأضطريت أحولهم للمركز ..
أبويوسف : وسبب الهوشه ..
احمد ياخذ قلمه ويخط على الورق قدامه : أبدا بسبب خطبت يوسف لرنا وراشد مايرضى بنت عمته لغيره ..
عم يوسف : قلت لك خله ياخذ من بنات عمه مارضيت غير هذي ياخذها ..
أحمد خبط بعصبيه على المكتب : رجاء هذي تراها بنت عمتي تكلم عنها عدل لا ترى أخر قطرة صبر نفذت عندي ..
محسن غمز لولده يتحكم باعصابه : يا أخ خالد هذي اللي تتكلم عنها ترى بتنا وأنتو مو مجبورين تاخذونها ..
عم يوسف : العذر ماكان قصدي ..
أبو يوسف : خلاص كلمتك ما تنزل الأرض وما تضره ليله بالسجن خله ..
عم يوسف : أنت وش تقول ولدنا ولد طلال الـ.. يبات بالسجن
أبو يوسف : عشان يسوي مثل عيال الشوارع مو يستعرض قوته خله تنفعه يعطيك العافيه ياولدي ..
أحمد : الله يعافيك والسموحه ياعم إذا علا صوتي عليكم
أبو يوسف : مسموح يله ياخوي ..
محسن : أحمد
احمد يحب راس أبوه : العذر يا غالي على طريقة كلامي كنت متضايق
محسن : شنو فيك ؟؟
عبدالوهاب حب يتركهم : ياولدي بشوف راشد قبل اروح تسمح ..
أحمد : ياشرطي
الشرطي : آمر طال عمرك
احمد : خذ العم عبدالوهاب يشوف ولده راشد
الشرطي : تفضل ياعم معي
محسن : وش فيك قل لي ؟؟
أحمد : والله يا بوي زعلت الحبيبه مني غلطت عليها ..
محسن : أفا زعلت عيوش كيف ؟؟
أحمد : ابدا دقت علي وانا بقمة عصبيتي وحطيت حرتي فيها
محسن : ما تهون الحبيبه علي رح يابوك طيب خاطرها هي نفاس ما يصير تزعل ..
أحمد : شايف كذا
محسن : تهون عليك تنام وهي زعلانه
أحمد أبتسم : لا والله خلاص بروح الحين
محسن : وأنا بروح أشوف راشد
عند زنزانة راشد ....
راشد : طلبتك يبه
الأب : يابوك صعب وش أقوله ؟؟
راشد : قله راشد يحب رنا بس لا تروح لغيري
محسن حط يده على كتف أخوه وأبتسم : هي لك باذن الله
راشد بفرح : والله ياعم
محسن : والله ما يطولها يوسف وراسي يشم الهواء دام راشد يبيها ..
عبدالوهاب : كيف ياخوي ما يجوز خطبه على خطبه ..
محسن : ولعيون راشد أبوها هو اللي يرفضه خلنا نروح له
عبدالوهاب : خلنا نصلي العشاء بالأول ونروح له
طلعوا وعند باب المركز الشباب متجمعين......
محسن : بسم الله كلكم هنا ..
@storykaligi
🏹 417✨
عبدالله : للفزعه ياعم
محسن : ماشاء الله فازع لولد خال المدام أسد طيب أنتو من الأول هنا حمد وزياد وش جابكم لا وسلمان بعد كملت ماجاء زوج عمتك فارس بعد يكمل العدد ..
فراس : لا خالي يطقنا عين بكره كلنا متسدحين هنا ..
محمد : والله حلفت عليه ما يفزع اخاف يفزعنا لقبورنا من كثرنا ...
الكل : ههههههه ...
محسن : وأنت ياحمد ؟؟
حمد : والله المدام حلفت أشوف أخوها الله يخسه ..
فراس : بعد والله لأقول لأسيل
حمد : قل وبكره ما اعطيك أذن خروج نحاسه مو أخوك بسبب اللي سواه خرب علي طلعه مع المدام ..
عبدالله : وانا خرب علي روحه لعروستي متفق معها ..
محمد : وانا خرب علي روحه لأبو عروستي أتفق معه ..
زياد : وأنا خرب علي أحتفل مع المدام بعيد ميلادها وأسهر معها
جراح : وأنا بعد كنت بروح أداوم وسحبت عليه ..
محسن : شنو ؟؟
جراح : والله نسيت انك مدري عاد لازم تسامحني مو الفزعه لولد أخوك
محسن : هين عذر ..
عبدالوهاب : هههه وانا بفزع لجراح ياخوي تقبلها ..
محسن : هههه أقبلها مو الفزعه عرق فيكم أقول يله خلونا نروح للمسجد وكلن يتسهل على بيته وأهله ..
أتجهوا للمسجد وبعدها أفترقوا وراح محسن وعبدالوهاب وزياد لبيت أبوه وحمد اتجه لبيت عمه هو وعبدالله وفراس والباقي كلن تسهل لبيته
دخلوا المجلس ...
حمد يقعد: عبدالله الله لا يهينك ناد أسيل بنمشي ..
عبدالله : تامر يالنسيب ثواني بس ..
فراس : وليه تمشون الحين تعش
حمد : والله مالي نفس سالفة راشد سدت نفسي بروح أريح ..
فراس بخبث : رح بروحك وليه أسيل تاخذها خلها مع أهلها بمحنتهم
حمد : قم أذلف كيفي
فراس : لا أختي حنونه ما يهونون أهلها عليها
أسيل أبتسمت : ولا يهون أبو ملاك عندي ..
حمد أبتسم : فديت الطله أنا
فراس : احم أحم أحشموا
حمد : على شحم زين
فراس : آخ لو مو مديري كان عرفت
حمد خزه : كان شنو ؟؟
فراس : حبيت خشمك أجل أنا بروح أشوف الغاليه غرت منكم(وقف جنب أسيل وهمس لها ) تراه خيخه لا تشوفينه كذا بالشركه ممشيه على عجين ما يلخبطه بس سامح يستعرض عضلاته قدامك ..
حمد أنتبه لأسيل اللي تضحك : خير تحش فيني ..
فراس : أبدا طال عمرك أقول لا تنسين تقعدينه الساعه 8 عندنا اجتماع بكره ..
حمد : يالكذاب ..
فراس : أروح أحسن لي باي ..
حمد : أحسن (ولف لأسيل وأبتسم قرب وحب يدها وخدها) اشتقت لك ..
أسيل حمر وجها : يالأخو نسيت حنا وين ببيت أبوي يالفشله لو أحد يدخل ..
فراس من برا : كاك ما شفت شيء بس تراني سمعت ..
حمد : ههههه الله يخسك أذلف ..
أسيل غطت وجها بأيديها من الفشيله : لا ..
حمد ضمها : هههههه ماعليك منه أسوله ..
أسيل : أبعد والله لو يدخل ويشوفنا كذا هذا ينشرها حمد ..
حمد : مالي دخل أسوله يله خلينا نمشي ..
أسيل : هاه حمد بطلبك ممكن ..
حمد : عيوني لك شنو ؟؟
@storykaligi
🏹 418 ✨
أسيل تجلسه وتجلس جنبه : ببات الليله عند اهلي ..
حمد حط يده على فمها : لا تكملين مرفوض
أسيل تشيل يده وتلعب بأصابعه بدلع : حمودي طلبتك والله صعب اتركهم بهذي الظروف ..
حمد سحب يده وكتف أيديه ولف عنها : أحلفي وأنا مو صعب تتركيني بهذي الظروف
أسيل : وش فيك مافيك غير العافيه ؟؟
حمد لف لها : ايه هين بلا ماتعرفين ما أقدر انام لين تكونين جنبي ..
أسيل بحيا: بس لا تحلف وقبل كيف ؟؟
حمد : ابدا قبل غير وكنت أتصبر بصورتك والحين أبي الأصل
أسيل : هي ليله
حمد : لا
أسيل : ولخاطري
حمد : .......................
أسيل : طيب حمد أسهر عندنا وبعدين رح إذا جاك نوم
حمد : لا لا شوفي ياتروحين معي يا أنام عندكم ..
أسيل : يا ويلي ما يصير ..
حمد : مو لك غرفه خلاص مثل بيتنا
أسيل : من صدق انت تتكلم
حمد : شوفي تباتين عند اهلك لا أختاري يا تمشين يا أنام هنا
أسيل : ....................................
عبدالله : لا بتروح معك وش تبات عندنا
حمد : أفا يالنسيب هذي طرده ..
فراس شايل الشاي والقهوه والحلى : لك صدر البيت ولنا العتبه ..
حمد : تسلم من طيبك
فراس : بس
حمد : خير ؟؟
عبدالله : ما نستحمل شخيرك
الكل : هههههه ..
حمد أخذ المخده وحذفه فيها : كل تبن والله لو تجي تبي تشوف روابي لأذلك ..
أسيل : ومن بيخليك تسويها
حمد : ومن بيمنعني
أسيل : أنا وأعوذ بالله من كلمة أنا وروابي
حمد همس لها وبخبث : سويها وشوفي من اللي يفكك ..
أسيل أستحت وهمست له : أقول شكلك مكيف قم خلنا نمشي
حمد : ماقلنا من الاول ما ترضين إلا لما يجيك الكلام هاه ..
أسيل أنحرجت : رحمتك يا عبود خلاص بجهز أغراضي 10 دقايق ونروح ..
عبدالله : لا والله ما تمشون قبل العشاء
حمد : ياخوي نتأخر ورانا مشاغل
فراس : هههه أما مشغول ..
أسيل أنحرجت وطلعت ماهي ناقصه كلام زياده ونغزات وحمد الله يسلمه ما يصدق يزيد بالأحراج
حمد : الله يخسك أحرجتها
فراس : أوما أحرجتها أحلف أقول بس أجلس تعش وأذلف بعدها
حمد : ومتى العشى
عبدالله : بس يوصل عمي عبدالوهاب نحطه
حمد : ليه وينه صدق خلص وطلع مع زياد وعمي محسن ..
فراس يتقهوى: يخطبون رنا أقصد يفسخون خطبة رنا على يوسف ويخطبونها لراشد
حمد : وكيف وبيقبل أبوها
فراس : أقص يدي دام السالفه فيها أبو احمد منتهيه ..
أحمد يدخل : كأني سمعت أسمي
فراس : يالله حيو
أحمد : الله يحييك شنو السالفه ؟؟
عبدالله : نقوله عن روحت أبوك وعمك لبيت العم أبو زياد
أحمد : الله يوفقهم
فراس : أصب لك قهوه
أحمد : لا بدخل أسلم على الأهل وأشوف ولدي
حمد : خذ راحتك بس تنحنح عشان المدام ..
أحمد : مالت عليك وعليها زين ذابحتك الغيره أذلف
فراس : ككككككك أحسـ.. ماكمل إلا المخده بوجهه
الكل : هههههه ..
اما عند البنات ....
أم أسيل : يمه عايشه فيك شيء
عايشه : لا يمه مافيني شيء بســ (سكتت يوم سمعت صوت أحمد يتنحنح) بشوره خذي محسن تذكرت شيء ..
أم اسيل : وين عيوش تعالي
ماردت عايشه وطلعت لغرفتها فوق ماتبي تشوفه ...
احمد يسلم وياخذ ولده ويجلس : شلونكم ؟؟
الكل : بخير
أم أسيل : شلونك أنت
أحمد : الحمد لله
ام فهد : تكفه يا ولدي شلون راشد ..
أحمد : والله بخير و وصيت عليه ربعي بالمركز ياخاله
أم فهد : الله يجزاك خير ويخليلك محسن الصغير يارب
أحمد أبتسم: تسلمين إلا وين أمه ؟؟
أم أسيل : تجي تقول نست شيء بتسويه ..
بشاير تقرب من أخوها : احمد فيكم شيء ؟؟
احمد أستغل سوالف العجز مع بعض وقرب لاخته : ليه قالت شيء ؟؟
بشاير : والله ياخوي كانت جالسه معنا وسرحانه وشفتها تمسح دموعها تحسب محد يمها وبعدين بس سمعت صوتك عطتني ولدها وتصعدت لغرفتها اللي فوق التحت ما دخلتها ..
أحمد لام نفسه : زعلتها يا بشوره زعلت الحبيبه ..
بشاير : رح لها
أحمد : مافيه أحد أروح
بشاير : قل لخالتي وأسألها عن الغرفه ورح نجد نايمه ونجود وأسيل بالمطبخ
أحمد : خاله زهره
أم أسيل : هلا
أحمد : تسمحين أصعد لعايشه
أم أسيل أبتسمت : بيتك ياولدي تعرف الغرفه
أحمد : لا والله
أم أسيل : فيروز فيروز
فيروز : نعم ماما
أم أسيل : خذي بابا أحمد لغرفه ماما عايشه
فيروز : حازر تفزل بابا
أحمد : يله قدامنا
بشاير : عطني محسن
أحمد غمز لها : هذا كرت الدخول
بشاير : هههه طيب رح
صعد احمد مع الخدامه .....
@storykaligi
🏹 419 ✨
عايشه قاعده على سريرها ومعطيه الباب ظهرها : نعم ..
فيروز : ماما هزا محسن يبكي ..
عايشه : عطيه ماما كبير قولي أنا في راس يعور
فيروز : ماما كبير مو فيه<<< الكلام حصري ومنقول من أحمد
عايشه : فيروز ذلفي مالي خلق
فيروز : ماما سوري
عايشه : فيروز لحظه ..
فيروز طالعت لأحمد اللي أبتسم : نعم
عايشه : بابا أحمد فيه تحت
احمد يأشر لها تقول لا : .............
فيروز : والله هو يقول لا
أحمد خبط على جبهته : ............
عايشه : شنو ؟؟
فيروز : مدري يخبز زبهه (يخبط جبهه^_*)
عايشه : فصلت أقول روحي ودي محسن لماما أسيل قولي أنا فيه تعبان ..
فيروز : ماما اسيل يروح مع زوز(جوز) كل نفرات مافيه خلاص خزي ولد انتي ..
أحمد كاتم الضحكه على سوالف الهنديه : ........................
عايشه عصبت : لا تعالي عطيني كف ..
وفتحت الباب ناويه على فيروز بس شافت أحمد وتبي تسكر الباب حط يده وتركته وردت على وضعها الأول
احمد طلع 50 ريال : خذي محسن معك وانتبهي له ..
فيروز أخذت الفلوس : حازر بابا
أحمد دخل وسكر الباب وجلس جنبها : الحلو علامه علينا يتغلى
عايشه : ..............................
أحمد حط يده ورا ظهرها وأبتسم : الحبيبه
عايشه بأستهزاء : ايه قص علي بكلامك مو تلاقيها مني ولا من اخوي ؟؟
احمد : ومن قال ؟؟
عايشه تبعد يده : محد بس أحمد قال ..
أحمد يرد ويحاوط خصرها بيده وقربها يمه وهمس بأذنها : آسف
عايشه : ماتغفر لك (وبدت تصيح) ما ضنيت اني حمل ثقيل عليك ليه ما تكلمت من الاول ..
احمد ضمها بأيديه وأبتسم : فديت قلبك يالحبيبه والله زعلت لسان ..
عايشه : تضحك علي أبعد ما ابيك انا الحين أقول ما أبيك خلني ..
أحمد شد قبضتها عشان ما تقدر تفك نفسها منه : اهدي وخلينا نتفاهم عيوش انتي نفاس أهدي ..
عايشه : خلني خلني أحمد لا تقرب مني ما أبيك
احمد همس باذنها خاف يأذيها بمسكته وهي توها نفاس : قلبي خلاص سامحي طلبتك ..
عايشه : أسامحك ما أسامحك إلا لين نفترق وأنا ما أبيك مثل ما أنا عبأ أنت بعد برتاح وخذ ولدك معك
أحمد : هههههه ..
عايشه تضربه على صدره : يالدب وتضحك قايله نكته ..
احمد : أحبك يالمجنونه وتطلبين الطلاق لا وآخذ ولدي بعد أقول ..
عايشه : خير
أحمد بخبث : إلا خدامة أمك فيروز متزوجه ..
عايشه : ليه ؟؟
أحمد : أبدا بتزوجها عشان ولدي باين حنونه
عايشه : أحـــــــــــمــــــــــــــد
احمد : أعترفي تغيرين
عايشه : ههههه غلبتني بهذي ..
احمد يبوس يدها ويبتسم : وأنتي غلبتيني بحبك اللي ملكني يا أم محسن آسف كنت معصب من اللي صار وجت فيك
عايشه تمسح دموعها : معذور لو تعتذر تبقى غالي
أحمد يطلع علبه من جيبه ويفتحها ويبتسم : هذي رضاوتك سلسال حرفي وحرفك A ..
عايشه : دوم يارب مع بعض تعشيت ؟؟
أحمد : لا
عايشه : تحب تتعشى شنو ؟؟
احمد : أي شيء بس ما أبي أنزل بتعشى معك هنا من زمان أشتقت لجلستك يالحبيبه ..
عايشه : خلاص بقول لهم يجيبون العشى فوق لنا
احمد بخبث : من فيروز ؟؟
عايشه كشرت : تحلم
احمد : ههههه امزح والله
عايشه : أحسب بعد
انتهى هذا اليوم على خير وبعد العشى الكل سرى لبيته وأحمد سهر للساعه 2 الفجر عند عايشه وبعدها طلع لبيتهم ..
@storykaligi
🏹 420 ✨
مع سطوع شمس جديده على تعلن عن تتويج قلبين صغيرين ينبض بالحب للطرف الأخر
راشــــــــــــــــــــــــــــد و رنـــــــــــــــــــــــــــــــــــــــا
بهذا اليوم بعد خروج راشد من المركز زفوا له بشرى ساره له ومحطمه لغريمه وعدوه اللدود يوسف خبر فسخ أبو رنا خطبت بنته ليوسف وقبوله لخطبة راشد لها
بتعرفون شنو صار بقول لكم
يوم الهوشه وبعد ماطلع أبوفهد وأبو احمد وزياد من المسجد
أبو رنا وزايد يسلمون والكل يجلس بالمجلس...
محسن : يا أبو زياد حاب أتكلم معك بروحنا لو سمحت
أبو زياد : ياشباب خلونا بروحنا
زايد وزياد طلعوا ....
محسن : أسمع ياخوي أحنا جينا اليوم نخطب بنتنا لولدنا راشد
أبو زياد : بنتكم من
محسن : رنا
أبو زياد : والله يا أبو أحمد ما عاش من يردكم بس انا عطيت الناس كلمه
عبدالوهاب : عطيتهم والله نعرف بس ياخوك الولد راغب ببنت عمته من زمان واليوم تهاوش مع الولد اللي طلبها وهذولا الأثنين بالسجن
أبو زياد : يا ستر الله
محسن : يوسف ما يستهال رنا
أبو زياد : أسمح لي ياخوك أنا أبوها
محسن : ما قصدت كذا لا تفهمني غلط
أبو زياد : العذر
محسن : أسمع ياخوي وهذا هو أبو فهد والله ما يعرف عن السالفه اللي بقولها غيري وغير سعد أخوي ورنا وسلوى ونجد ونجود ..
عبدالوهاب : سالفه ؟؟
محسن : هذا ياخوي يوسف ولد طلال كان يحاول يتقرب من رنا ويكلمها ...
أبو زياد بصدمه : شنو !!!
محسن : ايه أسمع السالفه كلها بتقولها لك رنا اليوم أسألها أحنا حليناها بس الظاهر الولد مو راضي يركد وأتمنى تسمع لراي بنتك هذي ضناك لا تظلمها ..
أبو زياد : أنا ما أظلمها شوف يا أبو أحمد وانت يا أبو فهد أن كان لكم نصيب ببنتي بتكون لولدكم وان ماكان العذر منك ..
محسن : بتكون بأذن الله وبتزفها بنفسك لولدنا أسمعوا مني وبعدين أسألها ..
أبو زياد : نسمع
أما عند زياد وزيد...
زياد يقعد بالحديقه : إلا منت ناوي تعرس
زيد : والله ياخوك مالقيت اللي تملى هالراس وتشغل القلب ..
زياد : أحلف وكيف بتلقاها يعني
زيد : مدري أبيها قويه شرسه أبيها أنثى مو مروضه أروضها
زياد : ههههه تزوج لبؤه وروضها قبل تاكلك
زيد : طس تتطنز والله أتكلم جد كل البنات اللي أتعرف عليهن مايعات مطيعات أبي وحده تذلني أبيها ترفضني يعني
زياد : تجيب خشمك للأرض
زيد : تخسي ماعاشت بس مدري مابيها مطيعه أبي قويه وعنيده
زياد : ذكرتني ببنت خالي نجد
زيد : إلا صدق ماشفت مثلها عنيده أأأأأأأأخ لو مشعل ما يحبها كان والله تزوجتها
زياد : أسكت لا يسمعك مشعل والله يدفنك بمكانك
زيد : مهي رفضته تقول حسبت أخوها
زياد : ههههههههههههه هي تموت فيه بس مثل ماقلت عنيده
زيد : ومن قال
زياد : مدامي أختها التوأم بس مشعل خلاص نفذ صبره الله يستر ما يتهور ويسوي شيء يندم عليه
زيد : خوفتني مثل شنو
زياد : مدري حاس كاتم بقلبه وقريب يفجرها في نجد
زيد : إلا عايلة خوالك مافيها بنات غير الرباعي أقصد مو مخطوبات
زياد : لا الكل مخطوب أو بيتزوج ليه
زيد : ابي وحده مثل نجد
زياد : ياليل هالنجد ياخوي فكنا من سالفتها لا يذبحك مشعل لأنك جبت سيرتها أقولك في وحده من صاحباتهن مثل نجد نسخه
زيد(جلس جنبه وبفرح ) : أحلف من
زياد : أخت عبدالرحمن وسعود رجال بنات خوالي
زيد : وش اسمها
زياد(يدفه) : أقلب وجهك وأستح قل أسمها أذلف أذا صارت حليلتك أسأل عن أسمها
زيد (وقف) : بروح أقول لأمي أحسن
زياد(يمسك يده) : اجلس خلنا نخلص من سالفة رنا وبعدين نشوف سالفتك يالخبل
زيد : أففففففففففففف زين شف خوالك طلعوا وأبوي يأشر لنا تعال
زياد : الله يستر
صعدوا لغرفة رنا اللي من جت ماطلعت ضامه رجولها لصدرها وتبكي محد راضي يسمع لها وهي بروحها
أنطق الباب ....
@storykaligi