الفصل 87
❤️📝 روايات وقصص مميزة 📝❤️:
🏹 406 ✨
اليوم الثاني على الساعه 8 الصبح....
صحت أسيل وأتصلت على روابي...
اسيل : ألو .... صباح الخير يالعروس ....... ههههههههههه وربي تعبانه من الرقص ....... أيش عليك مو أنتي العروس ..... لامالي خلق انزل.... طيب بذوقك نسكافيه من أيديه وأجيبه لك .... طيب باي
قامت وغسلت وصلت ورفعت شعرها بشباكيه بشكل سريع وغير مرتب مالها خلق تغير البجامه وسوت نسكافيه كوبين وطلعت لغرفة روابي اللي رجعت تنام يوم سكرت أسيل منها
أسيل : روابي وجع
روابي غطت راسها باللحاف : شنو ؟؟
أسيل تقرب النسكافيه منها : شمي شمي يم يم ..
روابي تعدل بسرعه وأخذته : أهمم ياحلوك ريحته تهبل مشكوره
أسيل : العفو تستاهلين موصيني عليك
روابي بحيا : فديته
أسيل تجلس على الكرسي وتتربع : هاه سولفي لي شنو أنطباعك عنه
روابي : حنون متفاهم كلمته عن شغلي ما عارض وطيب و و و و كله على بعضه يهبل ..
أسيل تبتسم : الله يهنيكم (تشرب من كوبها) طيب والزواج والسكن مثل ما أتفقتوا أول ..
روابي : الزواج مدري هو حاب مع عرس زياد ومحمد ماعندي مانع والسكن ما نستغني عن قرب خاله زهره ..
أسيل فرحت تعرف طيبة وحب روابي لأم أسيل : الله يهنيكم وسلوى
روابي : لا سلوى توها عبدالرحمن مأجل لأنه ماخلص دراسه هذي آخر سنه له وما يبي يبعدها عن أهلي قال اذ خلصت ورجعت بنتزوج أن شاء الله
أسيل : ماباقي عليه إلا أقل من كورس (ترم)
روابي : صح ............(بعد صمت) حمد صاحي ولا نايم
أسيل ترفع كتوفها : مدري ...
روابي : أسيل ليه طالبه الطلاق منه ..
أسيل انصدمت : شنو عرفك !!
روابي : سمعتك وعلى فكره عبدالله سمعك لما قلتي له ..
أسيل : عبدالله حلفي
روابي : والله وزعل عليك كثير
أسيل : ههههههه ...
روابي : علامك أنهبلتي
أسيل : ياروابي حمد ما يطلقني لو بست رجوله أفهمي لو طلبته ما بيقول تم ..
روابي : أجل ليه ؟؟
أسيل تبي تغير السالفه : أقول الساعه صارت 9 ونص بروح آخذ دش والبس ناسيه أن اليوم الجمعه يعني بيت جدتي عايشه يالله باي ..
روابي أخذت الجوال وبحيا : أجل بكلم عبودي باي ..
أسيل : هههههه الله يهنيكم باي باي وسلمي عليه ..
ْ
دخلت جناحها لقته صاحي وجالس بالصاله.....
أسيل : صباح الخير
حمد : صباح النور وين كنتي
أسيل : كنت عند روابي
حمد : شنو تشربين
أسيل : نسكافيه تحب أسوي لك
حمد : لا اذا ممكن قهوه
أسيل تبتسم : من عيوني ثواني
حمد : تسلم عيونك
@storykaligi
🏹 407 ✨
اسيل تسوي القهوه وهي تحس بمراقبته ونظراته لها تحس بإرتباك وشعور مزلزل أعاصير وأحاسيس تقتحم قلبها بوجوده تهدد بهدم صروح القلب ..
أسيل أول ما خلصت لفت تبي توديه له بس تفاجأت أنه قدامها ..
أسيل : حمد
حمد يبتسم : هلا
اسيل : ممكن تزيح بمر
حمد : مري حد ماسكك
أسيل : لا والله وانت صادق ساد علي الطريق ..
حمد ياخذ فنجان القهوه منها ويرجع على الكرسي ..
حمد يذوق القهوه : تفضلي بس مو كل مره تسلم الجره ولا تضنين حركتك البارح ناسيها يا قلب حمد انتي ...
دخلت غرفتها وأهي تحاول تاخذ نفس من الموقف اللي حصل قررت تاخذ دش بس اللي أنتبهت له أن مفتاح الغرفه مو موجود بالباب فتشت عنه بس مالقت وطلعت للصاله ..
أسيل : حمد لو سمحت أبي مفتاح غرفتي
حمديشرب وببرود : مدري عنه ؟؟
أسيل : كيف ما تدري عنه مافيه غيري وغيرك ...
حمد يطالع لها من فوق لتحت : قلتيها مافيه غيرنا ليه الحاجه للمفتاح ؟؟
أسيل بعصبيه: يعني أنت اللي ماخذه
حمد بعصبيه : أيــــــــــــــــــــــه أنـــــــــــــــــــــــــــــــا
أسيل تمد يدها له : عطنياه حمد لو سمحت ..
حمد : لا وبعدين شنو حاجتك فيه أعتقد أنا زوجك ..
أسيل تكتف أيديها : أبي خصوصيه كيفي
حمد بدا يفقد أعصابه : أي خصوصيه أنتي زوجتي ..
أسيل : شنو زوجتك ناسي أنك ههه متنازل عني ياولد عمي والحين ممكن تعطيني المفتاح ..
حمد : أسيل أقول أقصري الشر وروحي غرفتك مفتاح مافيه ..
أسيل بعصبيه : وليه ما تقصر أنت الشر وتعطيني مفتاحي ..
حمد مسك يدها بعصبيه : ماقلت لك تقصرين الشر أحسن ..
أسيل تتألم : آي خل أيدي حمد
حمد بعصبيه : ماتفهمين لين الواحد يعصب عليك ..
أسيل : حمد هدني والله تألمني ..
حمد يدزها على الكرسي : خلي صوتك يعلى على مره ثانيه لأقص لسانك ..
خلاها وأخذ شماغه وطلع وهي تتألم من المسكه ودزته على الكرسي بعنف ..
أما في بيت الجده ....
رنا تعدل مكياجها ومشغله المسجل :
لو تعرفوه لو يوم يئابلكو اسألوه؟ليه الايام يأخدوه؟
طق الباب .....
رنا : واو نجودتي (طفت المسجل)
نجود تسلم عليها : شخبارك ؟؟
رنا : من جابك جيتو بدري
زياد يدخل ويبتسم : لا انا اللي جبتها وش رايك بالمفاجئه ؟؟
رنا : أحلى مفاجئه والله
زياد يحط يده على كتف نجود وأبتسم :
ياالمها قلبي فيك مغـرم ومذبـوح
قلبي عناوين الغلى لـك وضعهـا
ماتدري أنك ساكن ٍ مهجة الـروح
روحي وروحك رب الأنفس جمعها
رنا تصفق : واو روعه
نجود : صح لسانك
زياد : صح بدنك سوري رنو نترك الحين باخذ زوجتي أبيها بكلمة رأس ..
رنا : أها لا أبدا ما يحتاج عذر ولا شيء خذ راحتك ياخوي بس هاه مو بزياده ..
نجود أستحت : .............
زياد : ههههه أخص يالتفكير
رنا تستغبى : ماقلت شيء شنو تقصد ؟؟
زياد يطقها على راسها بشويش : أنطمي تعالي نجودتي
حط يده ورا ظهرها وطلعوا من الغرفه ورنا ردت تكمل المكياج وتوها تبي تعلي على صوت المسجل دق جوالها رقم غريب له فتره يدق عليها ..
رنا : ألو
سمعت صوت أغنيه ....
(أحبــــــــه .....لنبيل شعيل)
@storykaligi
🏹 408 ✨
رنا : ألو ألو يا تتكلم والا بسكر شنو لعب البزران هذا
: ألو
رنا جلست من الصدمه وبهمس : يوسف
يوسف : عيون وقلب وحياة يوسف
رنا : ........................
يوسف : ليه تحرميني من صوتك رنا
رنا : وش تبي أنساني
يوسف : بس كلميني وبعدها أنتي حره
رنا : هذي خيانه لأهلي
يوسف : أحسبيني صديق
رنا : الصداقه بين البنت والولد محرمه
يوسف : طيب اسمعيني
رنا : أغضب ربي لأسعدك
يوسف : داويني رنا ولو بكلمه
رنا : جرحتني وتطلب الدواء مني
يوسف : بعتذر لين ترضين
رنا : والعذر ما أقبله
يوسف : سامحيني
رنا : ما يغفر لك عندي شيء
يوسف : لا تعانديني تكسبين
رنا : ان رضخت بضيع
يوسف : لا تمشين عكس التيار تغرقين
رنا : وان مشيت معه تهت
يوسف : رنا أرجوك لآخر مره سايريني
رنا : وأرجوك لآخر مره أنساني
يوسف : رنا بعتذر بس اللي بسويه انتي أجبرتيني عليه ..
رنا خافت : وش تقصد ؟؟؟
يوسف : قبل نهاية اليوم بتعرفين
رنا : يوسف أرجوك اطلع من حياتي تعبت منك
يوسف : حياتك ملكي لي
رنا : وأنا ما أحبك ما أحبك ليه مو قادر تصدق
يوسف ببرود : تحبين راشد ؟؟
رنا أنصدمت : راشد كيف عرفت ؟؟
يوسف : انا يوسف أعرف كل شيء
رنا : لا لا أنت كيف عرفت قل لي محد يعرف بحبي له غير بنات خوالي ودانه (شهقت) دانه
يوسف : ههههه صح دانه ..
رنا دمعت عيونها : دانه كيف تفضحني كيف ؟؟
يوسف : ريحي بالك ماكان بكيفها غصب عليها أعترفت كنت شاك أن احد في قلبك ودانه رضخت لي وقالت مو برضاها ..
رنا : أنت حقير حتى أختك ..
يوسف : اللي يوقف ضدي أمحيه وسمعي أنتي لي يا تكونين لي يا نهاية من تحبين ..
رنا : يوسف لا تقرب لراشد تكون نهايتك فاهم إلا راشد
يوسف : هههههه لهذي الدرجه تحبينه بس اللي أعرفه أنه مايعرف بحبك ..
رنا تصر على ضروسها بعصبيه : أنت شنو دخلك ؟؟
يوسف : هو غريمي عدو
رنا : عدوك ليه ؟؟
يوسف : من يقرب من ممتلكات يوسف طلال ينتهي ..
رنا وقفت : أنا مو من ممتلكاتك أنا مو لحد مو لحد ....
يوسف يقاطعها : وراشد ..
رنا : مالك دخل فاهم أنا ما أبيك وأحب اللي أحب شنو دخلك وأعرف أن جرحت راشد يكون موتك عشان تعرف أن من يقرب من ممتلكات رنا محمد ينتهي ..
يوسف : موعدنا آخر النهار باي ياعمري
رنا : يوسف يوسف ألو (دقت على نجد) ألو نجد
تجد : رنوه شوفي جالسه البس لا تعصبين لأني تأخرت(سمعت شهقات رنا) قلبي شفيك ..
رنا : نجد راشد وين ؟؟
نجد أرتعبت : راشد راشد فيه شيء ؟؟؟
رنا : لا بس يوسف أتصل علي
نجد : الحمار رجع يتصل
رنا تصيح : أيه
نجد : وش تبين براشد بتقولين له ؟؟
رنا : خايفه عليه
نجد : من شنو ؟؟
رنا : يوسف هددني يضره ..
@storykaligi
🏹 409 ✨
نجد بعصبيه : يخسي يتعرض له بتكون نهايته ..
رنا : بطلبك تكفين ما أبيه اليوم يكون بروحه ..
نجد : وليه اليوم ؟؟
رنا : هو قالي اليوم بيوصل لي خبر وأنا خايفه يسوي له شيء يوسف ما عاد يهمه أحد ..
نجد : قصدك خبر راشد لا لا لا بسم الله عليه
رنا : خلي اليوم يعدي بخير وبعدين أتصرف معه ..
نجد : اذا يريحك خلاص بخليه يتم اليوم كله معي أصلا اليوم عيد ميلادي ..
رنا تمسح دموعها : صدق كل عام وانتي بخير ..
نجد : تو الناس
رنا : سوري والله ياقلبي
نجد : لنا الله ناس ما يذكرونهم وناس يفاجئونهم
رنا : ههههه فهمتك قصد نجود ..
نجد : أيه تصدقين الحمد لله انا وهي بغرفه والا كان أخوك المجنون دخل عليها يعني مسوي مفاجئه ..
رنا : هههههههههه زياد وش سوى قولي لي ..
نجد : أبدا صحينا والغرفه كلها ورود أحمر صراحه بغيت أنهبل وصحيت نجود قامت تضحك قلت أنهبلت البنت كان تحدي بينها بين زياد أن قدر يملى لها الغرفه ورد تسهر معه الليله
رنا : ههههه صدق ورعان هههه ..
نجد : أيه أضحكي تراها حركات يعني تتغلى عليه ..
رنا : بيطلع الغلا من عيونها الليله ههههه أخوي من جت وهو مسنتر عندها ..
نجد : ههههه لا والله أختى راحت فيها ..
رنا : أقول بروح أخرب عليهم تبين شيء ؟؟
نجد : لا سلامتك وأول ما أوصل بلغيني ههههه ..
رنا : أوكيه باي
نجد : باي
نجد أتصلت على راشد : ألو
راشد : مبروك كل سنه وأنتي طيبه
نجد : وأنت طيب وينك ؟؟
راشد : نزلي تحت تلقيني ..
نجد فتحت الباب ونزلت وهي مو مصدقته : أيه أكذب علي
راشد : أفا طيب نزلي
نجد : هذاني نازله ونشفـ..... واااااو ..
راشد : ههه بس بطيتي أذني ..
نجد سكرت التلفون وهي وافقه أول الدرج وتشوفه تحت وابتسمت : كيف أعبر لك عن شكري ..
راشد أبتسم : تكفيني شوفت البسمه على شفاتك يالغاليه وبعدين زياد محمد مو أحسن من راشد عبدالوهاب يترس الغرفه ورد انا لخاطر عيونك هذاني مليت البيت كله ورد ..
نجد نزلت له وضمته :مشكور
راشد : العفو وجهزي نفسك باخذك الليله لأحلى مطعم وأنتي أختاري ..
نجد : أحلف
راشد : والله
نجد : فديتك ياخوي
راشد : طيب يله لبسي بنروح بيت جدتي تأخرنا أنا قلت لخالتي وأبوي أنا بجيبك ..
نجد : ثواني بجيب عباتي وشنطتي
راشد : يله
@storykaligi
🏹 410 ✨
نزلت بعد ما غيرت و لبست لها فستان قصير عنابي بأكمام طويله و شريطة ستان على الخصر
سوده ورده و لبست بوت نص السق أسود رفعت شعرها و حطت كرستاله ورد عنابي على الغره و شنطه صغيره سوده تنمسك باليد ..
أسيل : السلام عليكم
الكل : وعليكم السلام
حمد رفع نظره لها مع أنه معصب بس دوم تجذبه .. بأناقتها بدون نفس): خلصتي ؟؟
أم حمد لفت على ولدها : علامك تقولها بدون نفس ؟؟
أسيل اكتفت بهز راسها بنعم و هي منزله عيونها :...................
حمد يوقف : يله خلونا نمشي
أم حمد سبقونا أنتو مع البنات بروح أنا و أمينه لعايشه نبارك لها ..
حمد: يله بنات
البنات قررن يركبن ورا رغم أن أسيل حاولت بروابي تجي قدام رفضت أسيل خايفه و متردده ..
حمد بأستهزاء : تركبين و لا أشيلك
أسيل تخزه : لا ما يحتاج أعرف أركب
كانت القعده حلوه خصوصا البنات العرايس نجود وروابي وهيام أتفقن البنات يبدن من بكره التجهيز للعرس وبيطلعن مع بعض كمجموعات لأن مو هين تجهيز 3 عرايس الجده رفضت يكون العرس بصاله خافت من الحسد فطلبت يكون العرس في بيت الجده لأنه الأكبر ويكون مقتصر على العائله والأصحاب بس ..
بعد الغداء أرسل حمد لأسيل و خواته و أمهاته بيمشون فقررت أمينه تبقى مع بناتها عند أمها للعصر و ام حمد بتقعد شوي بتروح بيت أختها بس لحالها ومناير وملاك بيقعدن عند الجده ..
أسيل مع حمد بالسياره اللي يسودها الهدوء لما وصلوا للبيت قبل ينزلون :حمد
حمد: نعم
أسيل : علامك تكلمني من الصبح بدون نفس أنا شنو سويت ؟؟
حمد يلتفت عليها بعصبيه : ليه مسويه شئ يضايقني لا أبدا أنتي أسيل ..
أسيل : طيب أسفه بس حابه أتكلم معك بموضوع
حمد يطفي السياره : تعالي للمكتب
دخلوا المكتب و جلس حمد وولع سيجارته و جلست هي بعيد عنه على كنبه طويله قدامه
حمد : خير شنو بغيتي ؟؟
اسيل : حبيت أقول لك ان اجازتي تخلص بعد يومين وبرجع الشغل .
حمد : شغل
أسيل : أيه كنت ماخذه أجازه شهر عشان الزواج
حمد : تصدقين صار لنا شهر متزوجين ..
أسيل : أيه عارفه
حمد : وماعرفتي أني طلبت من عمي محسن يفصلك ..
أسيل مصدومه : يفصلني ليه !!
حمد يطفي السيجاره : أنا طلبت منه ..
أسيل بعصبيه : من سمح لك ؟؟
حمد : موضروري حد يسمح لي أنا زوجك وموحاب زوجتي تشتغل
أسيل وصلت حدها : يوه ماسك زوجتي وزوجتي حمد علامك أنا مو زوجتك ..
حمد : لا حلفي تنكتين أنتي زوجتي وحقي عليك تطيعيني
أسيل : آسفه لا مالك حق علي ..
حمد : خير
أسيل توقف : آسفه قلت لا مالك حق بأنك تأمرني وأظن تذكر كلامك ليلة عرسنا المشئومة ..
حمد عصب : تقولين وتكررين لا تتجرأين وتقولين لي لا وبوجهي بعد ..
أسيل تركته وأتجهت للباب تبي تقصر الشر خصوصا أن حمد بدى يعصب بس ماحست إلا باللي يمسكها بيدها بقوه ويلفها له ..
حمد بقمة العصبيه : لما أكلمك لا تعطيني ظهرك ..
أسيل خافت : حمد والله مو قصدي
حمد عصب زياده : مو قصدك سمعي بكره وعلى طول شغل مافيه فاهمه أنا قلت لعمي بتقدمين أستقالتك ..
أسيل تهز راسها بلا : .............
حمد مسك حنكها بأيده وبعصبيه : أنا ماقلت لك ماينقال لي لا
أسيل دمعت عيونها : حرام عليك هذا شغلي ليه كذا أنت خل لي شغلي .. حرام تعبت كل شيء موقف ضدي أكرهك ..
حمد بصوت عالي : جــــــــــــب ومو مهم تحبيني أو تكرهيني ..
أسيل بدت تبكي من ألم مسكته وألم قلبها اللي خضع : أيه مو مهم لأني مو مثل غاده أو هنادي أو حتى أحلام لأني ما أسواهن ناقصه عنهن لأنك ماتشعر فيني لأني لأني ..
نزلت راسها وبدت تبكي
حمد حس أنه نذل على اللي سواه و مد يده يمسح على خدها بحنيه : أسيل ...
أسيل دفته بقوه و طلعت تركض تسمعه ينادي حطت يدها على أذونها و تصرخ : أكرهك
حمد: أسيل أسيل
: حــــــــــــــــــــــــــــــــمــــــــــــــــ ـــــــــــــــد
حمد لف وكانت الصدمه : يـــــــــــمـــــــــــه
#انتهى
مكملين معكم غدا" بإذن الله ..
انتظرونا ..
@storykalifi