الفصل 85
❤️📝 روايات وقصص مميزة 📝❤️:
🎀 396 💕
عبدالله : أف أف أختي تبكي والسبب أنت لا
فراس : أقول يله شفتها رد للمزرعه ..
حمد : نعم
فهد : خلاص شفتها وشافتك يله لمزرعتكم ..
حمد : يعني أنتو كنتو مخططين لكل هذا ؟؟
فهد وفراس وعبدالله : ههههههه ...
فراس : بصراحه كنا نبي نشوف ردت فعلكم لما تشوفون بعض ..
الجد : يالخسيسين تبكون الغاليه عشان تفرحون ..
حمد عصب : يالزفتين ..
عبدالله : أوه عصب أجل ليه تخرعها إذا ماتهون دموعها ؟؟
فراس : وليه تزعلها إذا تهمك ؟؟
فهد : وليه تبي تبرر شيء أنت الغلط فيه من الاول ؟؟
فراس : أنتو مفضوحين كل واحد يبي الثاني بس يكابر ..
عبدالله : واللي صار اليوم خيره وعسى أن تكرهوا شيء وهو خير لكم وأظن عرفت بنفسك شعور أسيل ناحيتك ..
حمد أبتسم وكأنه فهم لهم : ............................
فهد : ترى نقدر نراضي أختنا بس حبينا ناخذ برأيك أحنا أو أنت ..
حمد يوقف : لا أنتو ولا أنا هي بتهدا من نفسها ..
فهد : انت من صدق تتكلم
عبدالله : لا مو صاحي عادي يعني ؟؟
حمد : عادي
فراس : من صدق !!
حمد مشى لسيارته وفتح المسجل على أعلى صوت حطها وشغل الأغنيه وجلس على مقدمه السياره كان موجها للغرفه اللي مخصصه البنات
(ما هي عــادية ....نبيل شعيل)
يسألـــــوني ليه دايم تزعلها
و أنت عارف إنها ماهي غلطانه
ما دروا إني إذا جيت أقابلها
زينها يزداد إذا جات زعــــــلانة
تزعــــل و ما أرضى غيري يرضيها
عمري ما أغليت أحد كثر ما أغليها
ربي سبحــــانه بعيني محلـــــــيها
كن ربي ما خلق غيرها إنسانه
ما هي عادية حشى ما هي عاديه
كلـــــها طيـــــبة و رقــــة و حنية
كل مزيــــونة خـــــذت منها شوية
مصدر الحسن اللي في الأرض و أوطانه
عبدالله وفراس وفهد قاموا يرقصون والجد يضحك على خبالهم وحمد عينه للستاره اللي لفتت نظره وانزاحت و العيون اللي تراقبه ومتأكد انها هي بعد اللي حصل اليوم تاكد من مشاعرها المخفيه عرف وأكتشف سرها وعرف قلبها الكبير وشنو هو بالنسبه لها اختفت كل اللي كان مخطط له انهدم صروح قلبه وانبعث الحب من جديد لقلبه ينبض حتى لو كابرت لو صدته بيتملكها باسلوبه وبتتعلم الخضوع ..
مانزلت اسيل ورجعوا الشباب لمزرعة حمد اللي أستلم من عمامه سعد ومحسن كلام ماقدر يرد عليهم بسبب انه مايرد وخلى الكل على اعصابه ..
اليوم الثاني .............
كان آخر يوم لهم بالمزرعه حملوا الأغراض والكل اتجه لبيته وحمد ومحسن وسعد وفراس وأحمد اللي أخذ زوجته والخاله زهره والتوأم بس وأتجهوا لمزرعة الجد عناد بمناسبة العشاء اللي مسويه خلف لبنته أمل وزوجها ويوم جات الساعه 9 ونص أرسل حمد على أسيل تتجهز بيرجعون البيت ودعت الكل وطلعت و وصلوا للبيت وصعدت الغرفه وتوها بتحط شنطتها على السرير كان وراها شخص ضمها بس
مايوصل إلا لخصرها لفت وأبتسمت
أسيل : عمري ملوك ..
ملاك : أشتقت لك
أسيل تنزل لها وتضمها : وانا أشتقت لك أكثر ..
حمد متسند على باب الغرفه : ما أشتقتي إلا لها بس ..
أسيل شالت ملاك على السرير وبغرور : من أشتاق له غير ملاك قلبي بس ملوكتي ..
حمد أبتسم وسكت : ........
ملاك : أسيل بنام معك ..
أسيل : من عيوني يله أشيل لك الغطا ونامي بغير وأرجع ..
غيرت أسيل وطلعت وأنصدمت من حمد اللي نايم جنب ملاك في سريرها ..
أسيل تحط يدها على خصرها : نعم نعم نعم خير شنو منومك هنا ؟؟
حمد يستهبل : ملاك أسيل تكلمك ؟؟
ملاك ببرائه : أنا قلتي لي أنام عندك !!
أسيل بحنان : لا حبيبتي مو انتي أقصد بابا حمد ..
حمد يقلب للجهه الثانيه : كيفي تبين تنامين نامي ما تبين طفي اللمبه(النور) وطلعي ..
أسيل في نفسها : أف تعبانه ومالي خلق هواش دام ملاك بينتا وعندنا أضمن ما يتهور خلني أنام بكره أبوي يجي ومشتاقه له بحفظ طاقتي له ..
حمد : أسيل بسألك كم لنا متزوجين
أسيل : أف هذا وقتك صار لنا 3 أسابيع ..
حمد أبتسم : طيب تصبحين على خير
أسيل : وانت من أهله
تسمع جوالها يدق ولا ردت تبي تنام بس الأتصال يتكرر فتحت الأبجوره وطالعت الساعه 2 شافت جوالها رقم نجد ..
أسيل معصبه وبصوت واطي لأن ملاك وحمد نايمين : نجدوه وجع أحد يتصل بهذا الوقت ..
نجد : بسم الله علامك هذا جزاتي ببشرك عايشه ولدت ..
أسيل بفرح : حلفي متى وكيف أنا طلعت منكم الساعه 9 ونص ماكان فيها شيء ..
نجد : من ساعه ولدت كانت تتوجع وتظن فروع بس على الساعه11 زادت الألام وودتها أمي وأحمد وقالوا عندها ولاده وجابت محسن الصغير ..
أسيل فرحت زياده : محسن الصغير خلاص بكره أزورها يله باي ..
نجد : باي
حمد : عايشه جابت ولد ..
أسيل لفت جنبها بفرح : أيـ.... (ماكان بمكانه لفت صوب الباب واقف ويبتسم بخبث وبلعت ريقها) ..
حمد : ملاك بفراشها نايمه ماحبيت تزعجك أو بالأصح تزعجنا ..
أسيل : ح ح ح ح حمد
حمد يبتسم ودخل وسكر الباب وقرب من صوبها
حمد : عيونه وقلبه يا أسوله
مد يده وطفا الأبجوره
@storykaligi
🎀 397 💕
صحت روابي على الساعه 11 الظهر ونزلت لقت امها وأمها سارا
روابي معها نسكافيه : صباح الخير
أمينه وسارا : صباح النور ..
أمينه : هاه يمه شخبار تجهيزاتك للملكه ماباقي غير يومين ..
روابي : والله يمه ثوبي اللي مفصلته لملكة سلوى بلبسه حلو اللي متعبني يمه زواجي بعد أقل من 3 أسابيع وما جهزت شيء ..
أمينه تشوف بنتها اللي شوي وتصيح : لا ياقلبي لا تزعلين الساعه 4 تجهزي بنطلع للسوق عشان ثوبك ونحجز الصالون(المشغل) ..
سارا : ناسيه الليله عند بيت خالتي عشاء للحجيج اللي وصلوا اليوم الصبح
روابي بفرح : وصلوا ماشاء الله متى ؟؟
سارا : ماصار لهم ساعتين واصلين
روابي : الحمد لله على وصولهم بروح أبشر أسيل ..
صعدت وطقت على الباب بنغمات .......
حمد فتح الباب يفرك عيونه وبعصبيه : خبله أحد يطق الباب كذا ؟؟
روابي تنحت حمد نايم هنا لفت لباب غرفته الثانيه ورجعت تطالع له وانحرجت ونزلت عيونها ..
روابي : آسفه
حمد : عادي زين صحيتيني بروح أتوضأ عشان صلاة الظهر ..
تركها ودخل الغرفه الثانيه ودخلت روابي وأسيل تعدلت بجلستها وتربعت وحطت المخده(الوساده) على رجولها ..
روابي تغمز : حركات
أسيل(ما خلتها تكمل وتصكها(تضربها) بالمخده بوجها) : مالت عليك ...
روابي : آه علامك معصبه علي أنا مو حمد روابي روابي ..
أسيل تصر على ضروسها : بذبحه بذبحه ..
روابي : ههههه يا حليلك ياحمد قدرت تكسرها هههه ..
أسيل أخذت المخده وبدت تضربها من زود الحره : بذبحك قهرني وما عبرني آه ياليتني أنولدت رجال لأكسر سنون أخوك كل ما أبتسم تقولين يسوي دعاية معجون أسنان أكرهه ..
روابي ميته ضحك : هههههه والله تكذبين أنك تموتين فيه بس مو قادره تعترفين هذا جزاء جايه أقول لك خالي وصل بالسلامه ..
أسيل بفرح : حلفي متى ؟؟
روابي تتعدل : من ساعتين تقريبا الليله عشاء عند بيت جدتي ..
أسيل : أبي أروح له الحين مشتاقه له ..
روابي تبي تطفرها وتغمز لها : وحمد ماراح تشتاقين له ..
أسيل أنحرجت وعصبت منها : آه بذبحك
طلعت روابي تركض وطلعت أسيل تبي تلحقها ماحست إلا باللي يمسكها ويحاوطها بأيديه وروابي نزلت تحت ميته ضحك عليها وفرحانه لها ..
أسيل عقدت حواجبها وبدون نفس : خير ؟؟
حمد مبتسم : الخير بوجهك
أسيل تحاول تبعد : شنو تبي وخر حمد ..
حمد يأشر على قلبها : أبي هذا لي أنا بس ..
أسيل تبعد عنه ورفعت حاجبها بتحدي له : أظن اللي تبيه خذيته ولا تظن بعطيك زياده فاهم ... وهذا(أشرت على قلبها) أشيله من محله لو فكر يوم يكون لك فاهم أعيش دونه أحسن لي ..
أشرت له وبدت دموعها تنساب على خدها وبنظرت تحدي ..
جبرك الوقت ترجعلي جبـرك وجيتنـي ندمـان
..........دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
..........تأكد مـا يشرفنـي طريـق(ن) دربـه وصالـك
تبيني اخضع لجل عينك وانا ما اخضع ومهما كان
..........اقـطع الـراس قدامـك ولا أخضـع لأشكالـك
صدت عنه تبي تدخل لغرفتها ووقفها صوته قررت تسمع له بدون لا تلف له ..
حمد :
يـا مـن تسكنيـن الفـؤاد إننـى
أبعـث اليـك قبـلـة اعـتـذار
علـى مابـدا مـنـى وآلمتـنـي
الدمـوع التـى كوتنـى كالـنـار
الاتعلميـن انهـا عنـدي غاليـة
فـلا تـذ رفـي منهـا الابمقـدار
واغفري واصفحـي قـولا وفعـلا
أخفي حبيبات اللؤلؤ فـي المحـار
وأضاق لك الصدور وكدر الصفـو
وأدار لك الدنيـا وشتـت الافكـار
وابعـدي عنـي حـدة النظـرات
التـي تسلطينهـا علـي كالبتـار
وعودى الي فاننى محتـاج اليـك
كحاجة الورود والازهار للامطـار
ضميني بقوة الي صـدرك الدافـئ
وحولي شتاء حياتي الى صيف حار
هـذا اعتـذاري بالحـب والقبـل
فاصفحي واغفري وانسي كل مادار
@storykaligi
🎀 398 💕
دخلت غرفتها وبكت بزياده وبعدها أخذت دش وصلت الظهر ولبست تنوره فوشيه قصيره و بلوزه ذهبي ورفعت شعرها بفيونكا فوشه وحطت كحل داخل العين تخفي احمرار عيونها من البكاء وحطت قلوس ونزلت قررت تتهرب من نظرات وغمزات روابي بان تتصل على أبوها وخالتها تهاني تتحمد لهم بالسلامه رجع حمد من الصلاه وماكانت منتبه وتلعب بسلك التلفون وتضحك شكلها كان ملفت وكيوت بيبي فيس
أنتبهت له ويوم جت عينه بعينها غمز لها نزلت عينها منحرجه منه وودعت أبوها وسكرت الخط ..
أسيل : يمه عمه نسيت أبشركم عيوش جابت ولد البارحه ..
أم حمد : والله ألف مبروك
أمينه : منتي صاحيه لك ساعه تهذرين بالتلفون توك تقولين
روابي تغمز لها : اللي ماخذ عقلها يمه ؟؟
حمد يبتسم : يتهنى فيه يارب
كات : مدام غدا خلاس
أم حمد : يله حياكم
أسيل : طيب بجيب ملاك وأجي ..
حمد : سيرينا عندها وأكيد اكلت تعالي كلي ..
أسيل أبتسمت غصب عنها : ما عليه بطلع أشوفها وأجي عن أذنكم ..
حمد شك أنها ماراح تنزل لأن طبعها إذا متنرفزه تأثر على أكلها وشهيتها وفعلا خلص الغدا وهي مانزلت دخل عليها وهي تتابع التلفزيون وتدندن على أغنيه وحاطه رجل على رجل وسانده ظهرها على الكرسي
أسيل : أبعد وخليني ...... مافيني يكفيني
حل عن سماي وروح ......... مالك شغل فيني
حمد جلس جنبها وأخذ الريموت منها وأبتعدت عنه لين لزقت بمسند الكرسي وهو يعاند ويقرب لين لزق فيها وكاتم الضحكه وهي مقهوره وتتأفف وهو مطنن ..
حمد : آه يا هيفا يازينك ..
أسيل : وع مافيها حلى ..
حمد فرح في حوار بينهم : تهبل شوفيها جسم وشعر أموت فيها ..
أسيل بعصبيه : ياجعلك للموت أنت وياها <<< غارت ^_*
أسيل دفته وطلعت لغرفة روابي تتأفف وحمد ميت ضحك عليها ..
روابي نقزت من دخلت أسيل : بسم الله علامك ؟؟
أسيل تجلس على الكرسي ومبوزه : أخوك خلاص بيذبحني ..
روابي تبتسم وبخبث : حب ولا شوق ولا(ماانتبهت إلا والمخده على وجها) أي وجع ...
أسيل : روابي بديت أكرهك الله يعين اخوي عليك
روابي تعدل بلوزتها : أحم احم الله يهنيه ..
أسيل تضمها وتبتسم : والله امزح الله ياقلبي
حمد عند الباب : وانا تمزحين معي ولا لا ياقلبي ..
أسيل في نفسها : ياربي ياربي تصبرني بذبحه
حمد جلس يطالع لها وغمز لروابي<< ملاحظه الأغنيه(أبي شورك) لعبدالكريم عبدالقادر وراشد الماجد بس لعب بالأسماء ..
حمد :
أبي شورك دخيل الله يا أم خالد
ترى هالدنيا ضاقت بي وأنا مليت
بلاني حب من خلا الفكر شارد
زعل مني وإذا مارد لي جنيـت
روابي تبتسم :
على هونك وقول شفيك يا حمد
عيوني لك وعنك عيوني ما رديـت
صديقك عدني أو حسبـة الوالـد
من اللي صد عنك وأنت ما صديت
حمد :
أنا حبيتـه والله عالـم وشاهـد
ويمكن دون ما أقصد عليه أخطيت
تعذرت وتعبت أقول مو قاصـد
ولا عبرني ما تسوى علي حبيت
روابي :
إذا أخطيت أكيد إن الخطا وارد
وإذا صدك لأنه يحبك وزليـت
هي فتره ومهما يروح ويباعد
بيرجع مثل ما يرجع حمام البيت
حمد :
ياشين الوقت من دونه وأنا قاعـد
ذبحني الشوق له من كثر ما حنيت
أنا الغلطان وما أنكر ولا أعانـد
وأظن يكفيهم اني بغلطتي حسيت
روابي :
تزاعلتو ولـو كـان الزعـل كايـد
يضل ملح الهوى ويا الـذي أغليـت
بدونه تشعر إن الحـب شـي بـارد
وش أحلى من الزعل لو بعده تراضيت
تركتهم اسيل وطلعت بدون لا تعبرهم وحمد باين منقهر وبدا يفقد أعصابه ...
روابي : ههه لا تقطع لسانك ..
حمد : تعبت تعبت
روابي تحط يدها على كتفه : لا تيأس ياخوي أسيل حساسه وأحلى مافيها قلبها وانا ياما نصحتك تذكر والحين الدين قاعده ترده لك بس بالهداوه وصدقني المر للي تمر فيه بتلقى بعده حلاوه ولا تنسى مابعد العداوه إلا حب ..
حمد : الله يعين يله بروح أنام شوي قبل صلاة العصر ..
روابي : باي
حمد بيدخل غرفته وفقه صوتها : نعم
أسيل : لو سمحت بزور عايشه العصر قبل أروح لبيت جدتي ..
حمد : طيب تجهزي الساعه 4 خليك جاهزه أوديك ..
@storykaligi
🎀 399 💕
أسيل : عادي أروح مع عبدالله
حمد : لا أنا المسؤول عنك أنا اوديك ..
أسيل : طيب ليه معصب ؟؟
حمد يصر على ضروسه : أقول روحي لا أعلمك العصبيه على أصولها ..
أسيل : يامامي زين
حمد أبتسم وبهمس : أموت عليك وعلى دلعك آه منك يا أسيل ..
أسيل سمعته بس ماعبرته ودخلت غرفتها تحاول تاخذ نفس بسرعه ركضت الحمام(وانتو بكرامه) تغسل وجهها رفعت نظرها للمرايه تستوعب الكلام اللي سمعته
أموت عليك وعلى دلعك أه منك يا اسيل
حستها تطلع من قلبه آه أبتسمت وخلاص مستعده تسلم صروحها ضمنته وضمنت حبه قدرت له وأنتهى ..
غيرت لبسها بعد ما صلت عشان يطلعون المستشفى ويباركون لعايشه ومن هناك يروحون لبيت الجده كان اليوم حلو للكل ولادت محسن الصغير والتخطيط للملكه باليوم الثاني قضوه بالتأكيد على الحجوزات والكماليات للحفله ..
يوم الملكه .................
الكل يتجهز ويساعد باللي يقدر عليه الكل حضر ماغير عايشه وأمها اللي أتصلن وباركن لهم على الساعه 5 كانت اسيل مخلصه المكياج وتسريحتها راحت تغير وتلبس ثوبها كان أخضر حرير قصير للركبه وعلاق من الصدر وعليه خيوط كرستال وشعرها ملفلف على الاطراف لفت انتباها علبه من المخمل على سريرها وجنبها ورده جوري حمراء فتحتها وكان طقم الماس بأحجار خضراء يناسب الثوب ومعاه كرت فتحته ..
(( إلى زوجتي العزيزه أسيل ألبسيه يحلى على رقبتك ملاحظه .. هذي حقيقه وليس حلم ولا أقصد أقهر أو أغيض طيف هاهاها من زوجك حمد))
أبتسمت أسيل ولبست العقد وطلعت بعد ماتاكدت أن كل شيء مضبوط
فجأه ......
تسمع تصفير لفت شافت حمد جالس بالصاله ويبتسم ..
أسيل أستحت : أنت هنا مارحت للمجلس ؟؟
حمد يوقف ويقرب لها : لا وأفوت على نفسي شوفه كل هذا الجمال ..
أسيل أرتبكت من قربه : خلاص شفت باي ..
حمد قبل تطلع مسك يدها وقربها منه : على كيفك باي ..
أسيل تبتسم : أيه كيفي ممكن تهدني ..
حمد أبتسم وقرب أكثر عناد : وأن ما هديتك ؟؟
أسيل : ما أحب وراي شغل حمد ..
حمد : ماهمني تحبين ولا لا المهم شنو احب انا ..
أسيل قدرت تفك نفسها منه : ماهمني انا بعد اللي تحبه ..
حمد رفع حاجبه : اللي أحبه من حلالي ولي ..
أسيل حست بالأحراج منه : على ما أذكر ياحمد انك تنازلت عن حقوقك فيني ..
حمد : متى ما أذكر ؟؟
أسيل : إذا ناسي أذكرك ليلة عرسنا ..
حمد خبث : أها ليلة عرسنا ..
أسيل زاد احراجها من نظراته وعصبت : أنا مورايقه لك خل الهبال عنك بروح أشوف البنات ..
حمد مسك يدها قبل تطلع : ماخلصنا كلامنا بتركك الحين بس لنا جلسه ياحلو ..
أسيل بأستهزاء : ههه هذا إذا جلسنا مع بعض
سحبت يدها وطلعت وهو يضحك عليها ومن أحراجها له وهي تبي تخفي أبتسامتها وأحاسيسها اللي بدت تتشكل وتتخذ موقعها بقلبها من ناحيته ..
@storykaligi
🎀 400💕
نزلت أسيل تسلم على أهلها وتتأكد كل شيء جاهز أتجهت بهيبتها لراعية الدي جي تتأكد من الأغاني ..
أسيل : مرحبا سميره كيفك ؟؟
سميره مشغلة الدي جي : أهلا مدام أسيل بخير ..
أسيل : جاهزه الأغاني ..
سميره : أيه كل شيء جاهز مثل ماطلبتي بس بعرف الساعه كم زفة العرايس أن شاء الل ..ه
أسيل : والله مدري ثواني بس (تأشر لمناير) تعالي
مناير لابسه ثوب بحري بتموج أبيض وجامعه شعرها كله على جهه ومثبته فيه كرستال ..
مناير : هلا وغلا آمري ياعيوني ..
أسيل : دقي على حمد اسأليه متى بيدخلونهم عشان نجهز الأغاني ..
مناير : ياعيني وليه ماتدقين أنتي مو زوجته ؟؟
أسيل : ما عليه عشان خاطري منوره قلبي دقي ..
مناير : طيب بس جوالي مافيه رصيد عطيني جوالك
أسيل : لا والله أحلفي جوالك فواتير بعدين جوالي بالدار ..
مناير : طيب حنانه ..... ألو هلا حمد ... بسألك متى بتكون الزفه .... اللي قالي (تطالع أسيل اللي تأشر لا تقول له) ... أسيل ....(تبتسم) ..طيب ... أسيل خذي بيكلمك ..
أسيل تخزها وتأشر لها بتذبحها : هلا
حمد : هلا وغلا
أسيل : حمد متى بتكون الزفه ؟؟
حمد : زفتنا الليله بأذن الله
أسيل في نفسها : عارفه ماتترك سالفتك بس حامض على بوزك (تصر على ضروسها) حمد ..
حمد : ههههههه ياعيونه طيب لا تعصبين الساعه 9 ..
أسيل : طيب باي (وسكرت بوجهه)
حمد يطالع جواله : هين تسدنيه بوجهي مردوده لك ..
فراس جلس جنبه : علامك تكلم نفسك ؟؟
حمد : من أختك بذبحها الليله ذابحها ..
فراس بخبث : والله أنها هي اللي ذابحتك أنت ميت أساسا ..
حمد يبتسم ويحط أيده على قلبه : آه منها ..
فراس : وليه تسوي بها كذا ياقاسي
حمد : خلاص
فراس : هههه ياثقيل ..
حمد يبتسم : فراس والله مو قادر أمثل زياده تعبت ..
فراس : ومن جابرك ياخوي ؟؟
حمد يأشر على راسه : هذا توني مابردت حرتي بأختك يا أنا يا هي ..
فراس : هههههه والله أهي أهي وبعد أهي لو مااني عارف أن نقطة ضعفك المرأه وخصوصا أسيل كان قلت أنت ..
حمد يوقف : ههههه خلني أشوف الخدمه يمشون بالقهوه أحسن من مقابلتك ..
فراس : أيه صرف صرف
فارس وسلمان (يسولفون) ....
فارس : هاه سلمان شف قام من عنده يله ..
سلمان : ياخوك أخاف يرفض أو البنت ترفض ..
فارس : لا تعال أنا معك لا تروح البنت من يدك ..
سلمان : يله
حمد يكلم مسؤول البوفيه : خلهم يوزعون القهوه والعصير لا توقفونها ..
الجرسون : حاضر يابيه
فارس: أحم أحم عساه مبارك ياخوي ..
حمد يلتف : تسلم يا أبو رياض
سلمان : الله يهنيهم ..
حمد : مشكور الفال لك ..
فارس يبتسم : قريب يا خوك بس يوافقون أهلها ..
حمد : أفا ومن يرفض سلمان بن حسن ؟؟؟
فارس : هذا انت قلتها ..
حمد : مو فاهم آمر
فارس : والله أحنا حابين نناسبك ياخوي نبي نطلب يد مناير لأخوي سلمان .. كلمنا خالتي وماردت علينا ..
حمد : والله يا أبورياض ماعندي مانع وسلمان ما ينرد بس لازم نشاور البنت ..
سلمان : تسلم يا أبو ملاك أنا قبل أروح الحج قلت لخالتي سارا عن الموضوع عشان أنا مستعجل ..
فارس : هذا حق خلاص أسألها ورد لنا خبر ..
حمد : أن شاء الله أسمحو لي نبي نزف عبدالله...
دخل حمد مع عبدالله واخواله وأسيل ماتغطت بس حطت شال على كتوفها لأنهم محارمها باركوا وطلعوا وبقى حمد ..
عبدالله لما قرب من روابي وشاف جمالها نسى أن أسيل قالت له يحب جبينها ويجلسون جمد من حلاتها ..
أسيل نغزته وهمست له : عبود علامك بوس جبينها وأجلسوا شكلكم يفطس ضحك ..
عبدالله : هاه أيه (باس جبينها وجلسوا) مبروك ..
روابي بحيا : الله يبارك فيك ..
أسيل : ألف مبروك
روابي وعبدالله : الله يبارك فيك
حمد همس لأسيل : شخبارك يالقمر ما حنيتي ليوم ملكتنا ..
أسيل شافت الكل يطالع لهم وأبتسمت وبهمس : من زين يوم ملكتنا ..
حمد : خلاص نجدد يوم الملكه ..
أسيل : شنو رأيك نخليها خطوبه رح لأبوي وأخطبني ؟؟
حمد ولا أهتم للموجودين وغمز لها : لا بلاش نمر بكل هذي المراحل ندخل على الزواج أحسن ..
أسيل أبتسمت : إلا شنو رأيك بلاش مخاسير ونتجه للمرحله الأخيره ..
حمد : شنو ؟؟
أسيل : الطلاق ...
#انتهى
مكملين معكم غدا" بإذن الله ..
انتظرونا ..
@storykaligi