الفصل 84
❤️📝 روايات وقصص مميزة 📝❤️:
🎀 391 💕
شهد : انــ أنـ انت
بشاير : هلا خالي تأخرت ..
شهد شهقت ....
: بسم الله عليك ...
شهد لفت وراها وانصدمت زياده : يبه
محسن حط يده على كتفها وأبتسم : عيونه
شهد قامت تنقل نظرها بين الثلاثه الصدمه عمر وأبوها وبشاير وما حست إلا أنها تظلم الدنيا وبعدها هذا آخر شيء تتذكره
أما عند حمد واسيل ..............
أسيل ما صدقت توصل لجدها اللي ماشافته من عرسها وركضت وضمته ..
أسيل : اشتقت لك
الجده : هلا هلا بالعروس ..
أسيل : هلا بجدي وقلبي وعمري
حمد : طيب خليني أسلم
الجد يسلم : والله أنك غالي من غلاة أبوك وعمامك والحين أغلى لأنك أخذت الغالية ...
حمد : تسلم يا جدي
أسيل : ماجاء خالي ؟؟
الجد : بكره الصبح يجي إلا أنتي شخبارك مع حمد أخاف مزعلك قولي لي ..
أسيل تجلس جنبه : أيه ياجدي حارمني من الوضحه كاسر قلبي عليها ..
حمد خاف من نظرات الجد : ياجدي مو هي طاحت منها مره وخفنا تطيح ثاني ..
أسيل : من مبطي ياجد تكفه قله يخليني أركبها
الجد : اسيل فارسه من الصغر والوضحه عشقها وشف يا حمد كله ولا أسيل ...
حمد هين يا أسيلوه خلينا نرجع بس أبتسم : تامر يا جد تامر ..
الجد : حمد طلبتك قل تم ..
حمد : تم يا جد
الجد يطالع لأسيل اللي تبتسم : خل أسيل تبات عندي اليوم وبكره بعد العشى خذها ...
حمد أنقهر طلبه مو وقته : لك ما طلبت يا جدي بكره آخذها ..
الجد : أسيل ماتبين تقهويني من أيديك ..
أسيل تقط لفتها وعبايتهاوتأشر على عيونها : من عيوني يا جدي ..
حمد : اسيل
أسيل : هلا
حمد : ترى بنتغدى عند جدي هالله هالله بالغدا ..
أسيل : تامر آمر من عيوني
حمد يغمز لها : تسلم عيونك ..
صلحت لهم قهوه وبعدين راحت للمطبخ تزهب(تجهز) الغدا وقعدت تقطع السلطه لين يستوي ..
نعووووود لشهد
بدت تصحي وتحس أحد يخبط بشويش على خدها صوت تعرف كله حنيه صوت أبوها
محسن : شهد شهوده بابا أصحي شهد ..
شهد فتحت عيونها : يبه انا وين حلم عمر انت ..
محسن أبتسم : لا مو حلم أنتي عندي شنو تحسين
شهد التفت حولها وشافت عمر وبشاير بس بعيد شوي عنهم وهم للحين داخل المزرعه ماردوا للبيت ..
شهد : وش قاعد يصير حولي شنو السالفه وعمر شنو جابه من سمح له ؟؟
محسن : جلسي بالأول وبفهمك كل شيء ..
شهد أعتدلت وأنصدمت كأن كل شيء مخطط له حاطين جلسه عاديه وقهوه وشاي والحلى كل شيء موجود ...
#صباح_الخير
أحلى متابعين
@storykaligi
🎀 392 💕
محسن : أهدي وأسمعي اللي بقول
شهد بتتكلم : أنــ..
محسن : أص أسمعي معروف عندنا إذا أحد جانا يخطب من حقه النظره الشرعيه وعمر خطبك وانا وافقت ..
شهد كتفت أيديها وبان أنها معصبه : خطه بس أنا مو موافقه ..
محسن : وبعدين خليني أكمل
شهد : طيب
محسن : مثل ماقلت لك عمر من حقه النظره الشرعيه وقلت بما انا هنا نستغل الفرصه ويشوفك وتتكلمون وبعدين نقرر ..
شهد(صدت عنه : ليه تقول لي دام قررت كل شيء ..
محسن أستغل الفرصه وأشر لعمر يقرب بشويش وهو أبتعد هو مع بشاير عشان يتكلمون بحريه محسن ماخذ قرار شهد محد ياخذها غير عمر لانه يقدر يأمن عليها معاه وعارف مقدار حب عمر لها ..
شهدضمت أيديها : يبه ليه تحرجني وتحرج نفسك وبعدين كيفي أنا القرار لي ..
عمر من وراها أبتسم طول عمرها تظل طفله : ومن قال القرار لغير بطتي ...
شهد لفت وأنصدمت وتوها تبي تقوم أشر لها أبوها من بعيد تجلس وخافت منه لانه عصبي وتعرف نظراته وبعدت شوي عن عمر ..
شهد صرت على ضروسها : بطتك بط الله جنوبك ..
عمر : عادي مقبوله شخبارك بطوطتي ؟؟؟
شهد خزته وبعصبيه :
يقول بطه عسـى الله يبـط لـي عينـه
ورع ٍ يعـكّـر كـلامـه صـافـي الجـمَّـه
صحيـح بـطـه ولـكـن خـوّتـي زيـنـه
وجلسه معي تنشـرا بالمـال يـا رمـه
وانتـه نحيـف وثقيـل الـدم والطيـنـه
ولا حد ٍ يخاويك كـود النـذل والخمـه
من شاف وجهك يسبّح باقـي سنينـه
ويقـول عـزّي لأبـوه وعـزتـي لأمــه
والمشكلـه فـي المراجـل مالكـم بينـه
ومـن يزهمـك يبطـي بسلالـه وغـمـه
يعني جميع الوصوف اللي بكم شينه
وزود ٍ عليهـا تحـب الحكـي والنـمـه
ياللي في قلبك حسد واحقاد وضغينه
حسبي عليك الولـي يـا هافـي الذمـه
اقـول واحفـظ لسانـك لا حـد ٍ يديـنـه
واحـذر تقـارش متيـن ٍ بـالـغ القـمـه
عمر: هههههه انا بقلبي حسد والله ما قلبي لك غير
تفنن في طروق الحب شرقني وغربني
معك يازين دوخات الهوى ويا حلو مشواره
وغرد في سما سمعي ابي تحكي وتطربني
سواليفك مطر عمري، ربيعه وضحكة انهاري
حبيبي يا بعد كلي وكلك صدق تعجبني
بغيباتك وصداتك وتلويعك وتكراره
تجنن كل ما اشوفك احس انك تعذبني
وتضيعني من الدنيا و تشب بخافقي ناره
جمالك ناهب قلبي وتفكيري وناهبني
ودلالك يا رقيق العود عود تعزف اوتاره
كتبتك نبض في شعري دخيل الله تكتبني
حبيب في مواعيد الغرام ارضاه بزياره
تولعت بتصانيفك وتعذيبك يولعني
وعلى اية حال راضي بك شمس العمر وانواره
شهد رفعت خشمها : لا تحاول تعتقد أنكم بهذي الطريقه بتكسروني لا قراري مثل ماهو ..
عمر : اللي هو ؟؟
شهد بتحدي تطالع له : ما أبيك
عمر يطالع لها وأبتسم : شهوده بهديك شيء ..
شهد أستحت من تدليعه لها بس ما حبت تبين : قل يا
عمر ...
@storykaligi
🎀 393 💕
عمر :
بهديك يالغالي وياليــــت.................
تقبل هديت قلب مضنـــــــاك
من خافي الوجدان عديـت................
قول صريح يطلب رضـــــــاك
ياسيد عيني ماتمنيــــــــت..............
غير الحياه بقلـــب لامـــــــاك
كل العذارى عنهم اقفـــيت...............
حبك ملكني بطيــــب حسناك
هذا سؤالي وصوبك انشيت...............
جـــيل وفيه العد ينصــــــاك
عايش فقربك ماتهنيتــــــت................
اسال لبكره كيف دنيــــــاك
عدت النظر صوبك ورديـــت...............
عينن تمنت شوف رويــــــاك
هل كيف لو تبعد وصديـــت..............
كيف الحياه بيوم فرقــــــاك
صبح ومساء والليل ونيــت..............
ابكي خيالك كيف بنســـــاك
هذا حياتي وانت اقفـــــيت.............
كيف الحياه بصد مغــــــــزاك
شهد تعرف انها زودتها وتعرف ومتأكده من حب عمر لها وبنفس الشيء متاكده من حبها له من الصغر بس تبي تلوعه(تشقيه) شوي
عمر : والحين وش قلتي وشوفي ياشهد والله لو ماتبيني ماحد بيغصبك على شيء عايفته أنا طلبت أتكلم معك وأعرف وين مكاني بقلبك أبي أسمع القرار منك وهذاني أهديتك قلبي يا تقبلينه يا لي رب يصبرني ..
شهد أبتسمت ونزلت راسها بحيا وهذا الشيء كان واضح لعمر اللي حس بالأمل يسري لقلبه كانت ثواني ورفعت راسها بأبتسامة خبث
شهد وقفت :
مادمت أنا غاليك.. تحمل شقى مغليك.
. لأتقول كيف وليش.. ابعد وارد اجيك.
.كيفي حلالي أنت..ازعلك وأرضيك
.... بتبكي وانا بضحك .... كيفي حلالي أنت...ازعلك وأرضيك
عمر وقف معاها : والقصد ؟؟
شهد : لا تقول كيف وليش ..
عمر صر على ضورسه خلاص بيفقد أعصابه : شهيدوه خلاص ماعاد فيني أعصاب قولي وش تقصدين جننتيني ؟؟
شهد حبت تزيد العيار عليه شوي : بتبكي وأنا أضحك كيفي وحلالي أنت
عمر : أبكي ...... أنت تقصدين ؟؟؟
شهد : .................
عمر نسى محسن وبشاير ومسك يدها وأبتسم : حلفي أنك موافقه ومو يتهيأ لي ..
شهد أنحرجت من مسكته وشوفها لأبوها وبشاير اللي يقربون : عمر هد يدي ...
عمر : لا أول قولي
محسن : احم أحم ياولد ما صدقت خل البنت لا نهون ...
عمر : طلبتك ياعم خلها تقول لي موافقه ولا أحلم ..
بشاير : ياويل حالي خالي أنهبل شهوده وش سويتي فيه يا خال أتركها ..
شهد بحيا : قلت لك كيفي وحلالي أنت خلاص ..
الكل : هههههه ...
عمر ترك يدها والفرحه مو سايعته : وأنا حلالك يا شهد وأنتي حلالي ...
محسن : ردن البيت وبشرن الكل وخلن الكل يفرح ..
عمر يشوفها وهي تبتسم ومشت مع بشاير و وده تبقى ويسولف لين يشبع منها وهو عارف انه ماراح يمل الجلسه مع طفلته مثل ما يسميها دوم طفلة قلبي ..
عمر بصوت عالي : شـــــــــــــــــــــــــهـــــــــــــــــــــد
لفت شهد وبشاير له
عمر : حبيت أقول لك شيء قبل تروحين ..
محسن : لا حول ولا قوة إلا بالله الولد ولا معبرني ..
عمر : لك الحشيمه بس بنتك سلبت عقلي آخر شيء ..
محسن : أخلص
عمر لف لشهد وأبتسم : حبيت أقولك
أحـــــــــــــــــبـــــــــــــــــــــــــك
رجعت شهد وبشاير للحريم واللولشه(الزغاريط) عمت البيت والكل يبارك ويهني ....
@storykaligi
🎀 394 💕
شنو رايكم أرجعكم لأسيل وحمد .......
حمد متسند على الباب : حرمه سنعه
أسيل رفعت عيونها له أبتسمت ونزلت تكمل تقطيع السلطه ..
حمد ياخذ خياره : شخبار الغدا خلص
أسيل : ماباقي شيء إلا جدي وين ؟؟
حمد : نايم يقول بينام قبل الغدا شوي
أسيل : طيب
حمد : بسألك شيء تجاوبيني ..
أسيل توقف تشوف الرز : خير ؟؟
حمد : متى دقيتي على جدك وقلتيله يطلبني تباتين هنا ..
أسيل لفت له بصدمه: قال لك ؟؟؟
حمد : لا ماقال بس الحين طلع شكي صح كنت شاك من ضحكك أسيلوه
أسيل عضت على شفايفها ونزلت راسها منحرجه منه ...
حمد : ليه تبتعدين عني كل ما أبي أتقرب منك ليه ؟؟
أسيل تتهرب من سؤاله : قعد جدي بحط الغدا
حمد : أسيل جاوبيني أبي أفهم
أسيل : ماعندي جواب غير ان اللي مربيني علمني ما أسامح اللي يطعني جدي علمني ما أنسى بسهوله ولا أغفر ولا أتغاضى عن اللي يغلط بحقي هذا دين له برقبتي وأنت أنت جرحتني بأول ليله أول خطوه أبي أخطيها بحياتي معك تبيني أقول لك نسيت خلنا نبتدي حياة جديده أفتح لك ذراعي وأقول سامحتك لأنك أهنتني جرحت أنوثتي نقصتني وأنا كامله والكامل وجهه تعالى صعب صعب ياولد عمي صدقني أنت معيشني بعذاب ألم قهر طعنتني المصيبه ما أقدر أتكلم أبوح بجرحي شقول ولد عمي أخذني عشان يثبت أنه رجال إذا قال كلمه تصير صعب صعب صعب ... (لفت عنه وبدت تبكي طلعت كل اللي بقلبها وشايلته عليه)
حمد مو قادر يقول شيء هي صادقه بكلامها ...
جرحها وخدش أنوثتها يقول سامحيني غلطت وتسرعت لأنك صديتيني غروري غلب قلبي قلت اللي قلته عشان أحس أني تغلبت عليك مع انك غلبتيني تملكتي قلبي وعقلي أحاسيسي حياتي لو تبينها عطيتك أقول لك يا أسيل
أرجوك أغفري
سامحيني ...
ليت الزمن يرجع وأتدارك نفسي بالكلام اللي قلته آه ياحمد هدمت حياتك معها قبل تبداها ..
قام وطلع من المطبخ ماله وجه يشوفها جهزت الغدا بصحون وغسلت وجهها وطلعت الأكل لجدها وحمد كانت القعده يسودها الصمت مع ان حمد بين فتره وفتره يرفع راسه ويطالع لأسيل وهي حاسه فيه وبنظراته بس مارفعت النظر أكلت شوي وقامت تسوي شاي لهم يوم رجعت مالقت حمد استأذن من الجد ورجع للمزرعه ..
رجع حمد ودخل المجلس ما لقى احد قرر يدخل غرف الشباب ماله خلق يصعد لجناحه لقاهم كلهم مجتمعين راح لسريره القديم للحين موجود ...
حمد : السلام عليكم (أنسدح وعطاهم ظهره)
الكل : وعليكم السلام
فراس قعد قدام حمد : فيك شيء ووين أسيل ؟؟؟
حمد مغمض عيونه : مافيني شيء بس جدي عناد طلبني تبات عنده اليوم ..
مشعل : أشوف الحبيب جاي يبات عندنا رجعنا لأيام العزوبيه
الكل : ههههه ...
راشد : أخاف أختي ماصدقت تبتعد عنك ..
حمد أخذ مفتاحه وجواله وطلع وحرك سيارته برا المزرعه وهو معصب ...
فراس بعصبيه : ماتعرفون تسدون فمكم منك له ..
راشد : والله نمزح ..
فراس يطلع جواله يتصل عليه : أف مايرد ..
حمد يشوف شاشة جواله بأسم توأمي (فراس) ولا يرد : آه منك يا أسيل جننتيني بكل الطرق حاولت أجذبك كل اللي تزوجتهن يذوبن بكلامي أسلوبي شكلي إلا أنتي أخ خلاص تعبت معك تعبت بس ماراح أخضع بتكونين لي رضيتي ولا غصب صدق قدرتي علي بس للحين انا حمد بن فهد اللي يرجفون من أسمه رجال بشنبات تجين أنتي ولا تهز شعره لك قدامي خلينا نرجع بس والله لأروضك وأخليك تخضعين لي ..
مد يده وشغل أغنيه دوم يحب يسمعها لما يتذكر أسيل
الاغنية .. طيب تعال (عبدالمجيد عبدالله)
طيب تعال ومد كفك وسلم
أخطيت صح أخطيت لكني أغليك
تصدق إني ماعرفت أتكلم
وان الحكي لو أجمعه مايكفيك
من شفت زولك قلت يارب سلم
عزالله إني بعدها رايح فيك
أقوم واقعد والتفت واتولم
طيرت علقي من عقب ليلتك ذيك
ياللي عيونك من تخزه يبلم
يركض يبي قربك وفجأه يعديك
مثل الذي يحلم ولاهوب يحلم
يتوه في عطرك وكحلك وباقيك
@storykaligi
🎀 395 💕
مر الوقت بطيء على الكل والكل يحاول يتصل على حمد ويرد بس ولا يرد ما عند الحريم خبر بأختفاء حمد بس البنات لأن حمد يغلي روابي قرروا يطلبون منها تتصل عليه عل وعسى يرد عليها بس نفس الشيء ولا رد ...
طلع عبدالله وفراس وفهد لمزرعة الجده بيفهمون شنو صار لحمد خلى نفسيته كذا ..
أسيل قرصها قلبها يوم شافتهم جايين : خير علامكم ؟؟
عبدالله : علامك خايفه جينا نسلم على جدي بعدين فهد وفراس ما عايدوه ...
الجد : حياكم الله وأنتو بخير
أسيل تجلس جنب جدها : شنو حصل انا أعرفكم أبوي أو الحجيج لا يكون أمي ..
فراس : لا بصراحه حمد ..
أسيل : حمد لا تقول فيه شيء(بدت تدمع عيونها) قولو حمد شنو صار له ؟؟؟
الجد يمسح على ظهرها يحاول يهديها : بسم الله عليك هدي يابنتي يا عيال شنو حصل ؟؟
عبدالله : أسيل أهدي والله حمد مافيه شيء بس بعد مارجع من عندكم كانت نفسيته مو زينه وطلع من المزرعه له أكثر من 3 ساعات ونتصل مايرد علينا و .....(قطع كلامه صوت جوال فهد) ..
فهد : ألو ........ هلا أوراد......... لا لا كيف عرفت ........ طيب طيب مع السلامه ..
فراس : خير من اللي عرف ؟؟
فهد : الخاله سارا وتبكي وجدتي بعد يقولن أن صاير لحمد شيء وأحنا مخبينه عنهن ...
عبدالله : أسيل أتصلي عليه
أسيل ما أنتظرته يكمل اخذت جوالها وأتصلت مره يدق مرتين والثالثه رد ..
حمد بنبره كلها حزن : هلا
أسيل تشاهق من البكاء : حمد
حمد خاف عليها : اسيل فيك شيء جدي صار شيء ؟؟
اسيل : لا مافينا شيء حمد أنت وين ليه ماترد على الأتصالات ؟؟
حمد بأستهزاء : يهمك تعرفين أنا وين أهمك يا أسيل ؟؟
أسيل : مو بس انا أمي سارا وجدتي الكل الكل
حمد : أهاه الحين فهمت ليه دقيتي لا تخافين بطمنهم علي ..
أسيل تنرفزت منه وهي خايفه عليه وهو يستهزأ فيها رمت الجوال على عبدالله
أسيل توقف وبعصبيه : مافيه شيء بروح أسوي لكم قهوة ..
عبدالله : ألو بو ملاك ..
حمد متعجب : عبود
عبدالله : الله يهداك وينك أشغلتنا ؟؟
حمد : قريب كنت متضايق بس الحين أرجع ..
فراس ياخذ الجوال وبعصبيه : غــــــــــــبــــــــــــــــــــــي خوفتنا عليك زوجتك بغت تجيها جلطه من الخوف عليك وأحنا وامك عرفت وقاعده تبكي هين بس ترجع أوريك ..
حمد : ههههه طيب راجع الحين للمزرعه باي
فراس : لا أول تعال طمن زوجتك بعدين رح للمزرعه ..
حمد : تامر جايكم لا تروحون
بعد نص ساعه .........
أنتبهت أسيل لسيارة حمد يوم دخلت مزرعة جدها ما كانت عارفه انه بيجي شافت نظرات وأبتسامات أخوانها لها كانوا قاصدين ما يقولون لها ..
حمد : السلام عليكم
الكل : وعليكم السلام
فراس بعصبيه : وين كنت يالزفت ؟؟
أسيل نزلت راسها : .................
حمد جلس جنب فهد وصارت أسيل قدامه : ابدا كنت متضايق وبعدين وش دخلك زوجتي هي بس اللي تحاسبني ..
فهد : زوجتك اللي بغت تموت خافت صاير فيك شيء ..
حمد طالع لها وهي للحين منزله راسها وانتبه لكتوفها اللي تهتز نسى اللي حوله وبهمس : أسوله
أسيل وقفت ودخلت البيت تكمل بكاءها ماكانت تظن أنها بيوم بتهتم له أو تخاف عليه وغيابه اليوم خوفها عليه
@storykaligi