الفصل 82
❤️📝 روايات وقصص مميزة 📝❤️:
🎀 381 💕
أسيل بصدمه : تقصد أن الطقم والشعر وكل هذا ؟؟
حمد : ولا كان على بالي لين أتصلت مناير ولا هو طلبيه من فرنسا ولا من بلجيكا ..
أسيل نزلت دموعها : أكرهك نذل كل ما طالعتك زاد كرهي واشمئزازي منك أكرهك ..
حمد عصب ومسك كتوفها وضغط عليهن : من النذل هذا وأنا فكيتك من الأحراج واستهزاءهم منك ..
أسيل تضربه على صدره بعصبيه وبصراخ : أكرهك أطلع برا ..
دخلت عايشه وروابي وأم حمد وأمينه عليهم وهو معصب وماسكها وهي تصارخ بقهر
الأم : حمد حمد أتركها
حمد : مجنونه مجنونه
أسيل ضمت عايشه وتصيح : المجنون أنت آه طلقني أكرهك طلقني ما أبيك ..
الأم بعصبيه : شنو اللي حصل حمد شنو سويت فيها تكلم ؟؟
حمد بعصبيه : مدري مدري جبت لها هديه وهي ما هي كفو وقعدت تصارخ وتقول أكرهك ونذل ..
أسيل تصارخ وهي ترتجف من الصدمه والقهر : آآه يمه جاب الهديه يغيض طيف يقول لي بكل وقاحه مافكرت أجيب لك لين أتصلت علي مناير على شان طيف تعرف أن حمد بن فهد يجيب طقم مو خاتم يقولي حمدي ربك فكيتك من الأحراج ..
الأم تمسك يده بعصبيه : مو صاحي ليتك ماجبتها ولا جرحت مشاعرها ليه تسوي كذا ؟؟
عايشه ضامه أختها وتصيح قهر عليها : حرام عليك كانت فرحانه فيها ليه قلت لها ليه كان سكت ولا تجرحها وتحطمها ..
أمينه : يمه روابي تصرفي البنت بتروح منا شوفي حالتها ..
روابي : بجيب لها أبره تخدرها وتهديها ..
الأم : أمينه خليك معها وأنت تعال معي يا مسبب المصايب والمشاكل لا حول ولا قوة إلا بالله
دخل حمد غرفته بعد مارجع كانت نايمه ببراءة وباين مو مرتاحه وقف حمد يتأملها فترة ..
حمد : والله أني نذل كيف أسوي فيها كذا أفا ياحمد هانت عليك مهما كان هذي أسيل(جلس جنبها وباس جبينها) أسيل أسيل أصحي ..
أسيل فتحت عيونها بكسل وبس تذكرت اللي صار دزته(دفته) بقوه بعيد عنها) : أبعد أبعد أكرهك لا تقرب أكرهك ..
حمد منصدم : شنو أكرهك علامك أسيل أنا حمد ..
أسيل : ليه تسوي كذا فيني حرام (بدت تصيح) طلقني ما أبيك طلقني والله لأقول لأبوي طلقني ..
حمد : أطلقك أسيل شنو تقولين أصحي ..
أسيل بعصبيه : انا صاحيه قلت لك طلقني ما أبيك أكرهك ..
حمد أنصدم : أطلقك كل هذا عشان أيدك
أسيل زادت عصبيتها : تتطنز نسيت العقد لما جيت بعد صلاة العصر جبته عشان تغيض طيف حرام أنا شنو سويت فيك أول عيد لنا مع بعض وتكسر نفسي ..
حمد مسكها بكتوفها وهزها : هيه يالخبله أي عقد وأي طيف وأي بطيخ مؤذن العصر بعده ما أذن توه باقي عليه 10 دقايق وأنا توني واصل أكيد حــــــــــــــــــــــلــــــــــــــــــــــم أصحي يالخبله
أسيل بصدمه : حـــــــــــــــــــلـــــــــــــــــــــــم
#صباح_الخير
أحلى متابعين
@storykaligi
🎀 382 💕
أسيل : حـــــــــــــــــــــــلــــــــــــــــــــم
حمد : أيه حلم شوفي الساعه بعده ما أذن
أسيل تطالع الساعه 3 العصر وتحط يدها على صدرها وتاخذ نفس وتطلعه ..
أسيل : أف خرعني الحمد لله أنه حلم
حمد يبتسم : شكله حلم يخرع قوليه لي
أسيل بحيا : بقوله بس لا تتطنز زين
حمد : زين
أسيل : لما أذن المؤذن لصلاة الظهر قلت بروح أصلي وأنام قالت أمي ما تبين غدا قلت لا
حمد رفع حاجبه : ردينا على الأكل حتى فطور مافطرتي ..
أسيل منزله عيونها منحرجه منه مو قادره تطالع له لانه قريب حيل منها ..
أسيل : مو مشتهيه أكمل
حمد : كملي
أسيل : صعدت وغيرت وما صدقت أحط راسي ونمت وحلمت ........
وأسيل تحكي لحمد الحلم وهو يضحك عليها وكل فتره توقف ويطلبها تكمل وترجع تقول لين خلصت ..
حمد يمسح دموعه : ههههههه فظيع حلمك هذا لهذي الدرجه نذل ..
أسيل : ...............
حمد : أسيل
أسيل : هلا
حمد : وريني يدك ..
أسيل رفعت راسها له وخبت يدها و رى ظهرها : علامها ؟؟
حمد : طلعيها بشوفها روابي تقول مورمه وماهي سبب دولاب(كبت) ..
أسيل : روابي دهنتها وهي زينه أسمح لي بروح أصلي ..
حمد : طيب خليني أشوفها بالأول
أسيل : مو لازم ..
حمد مسك يدها ولفها ورا ظهرها قبل توقف : قلت لك بشوفها
أسيل تتألم : آي حمد علامك على أيدي بتكسرهن حرام عليك خذ شوفها ..
حمد يطالع يدها وتذكر اللي صار البارحه : أنا السبب صح آسف ماكان قصدي ..
أسيل نزلت دموعها لا أراديا : عادي كان لازم ما أتكلم معك بهذا الأسلوب
حمد ضمها وباس جبينها : السموحه بس ما أنتبهت لنفسي وفقدت أعصابي ..
أسيل أنحرجت وهي بين أيديه أول مره : حمد بروح أصلي ..
حمد طالع لها وأبتسم على وجهها المصبوغ للأحمر : عاش مصرف
أسيل رفعت نظرها له لأن حمد ضخم مثل أصحاب كمال الأجسام وهي بالنسبه له نتفه صغيره كان محاوطها بأيديه ..
أسيل : حمد أرجوك خلني وراي صلاه وعزيمه ..
حمد بخبث : وأن ما خليتك ناسيه شنو قلتي البارحه الحين أنتي قريبه ..
أسيل تحاول تبعد : حمد أرجوك مالي خلق لك مشغوله ..
حمد : ههههه حلفي مالك خلق لي بس أنا فاضي ..
أسيل : والله لاصرخ خلني ما أبيك
حمد : صارخي منيه لابكره ما هميتيني ..
بهذي اللحظه مره ثانيه خربت مخططاته طق باب الجناح ودخلت الجده لأن الباب مفتوح
الجده : أسيل أسيل ..
@storykaligi
🎀 383 💕
الجده : أسيل أسيل
أسيل تبتسم بنصر وتطالع حمد وتحمد ربها : هلا جده حياك أنا بغرفتي ..
حمد : يالخبيثه فكك الله
أسيل تدفه وتطلع لجدتها : هلا وغلا
الجده تمسك يدها بحنيه : كيفك الحين وكيف يدك ؟؟
أسيل : بخير لله الحمد
الجده بهمس : رجلك داخل ؟؟
أسيل بهمس : نايم يمه حياك أجلسي
الجده تجلس : الله يسعدكم
تمت تسولف مع جدتها وبعد ربع ساعه طلع حمد وعليه روب الحمام وينشف شعره عن الماي ..
حمد يبتسم : هلا جده منورتنا
الجده : هلا بالغالي توك صاحي
حمد رفع حاجبه : صاحي !!
الجده تبتسم وتطالع أسيل : قالت لي أنك نايم ماحبت تزعجك ..
حمد يبتسم ويجلس جنب أسيل ويحط يده ورا ظهرها ..
حمد : أيه هذي الزوجه السنعه
الجده توقف : يله أنا بروح تلبس واتزهب ..
أسيل أنتبهت لنظرات حمد وابتسامته الخبيثه وبلعت ريقها وايده المثبته على خصرها مانعه حركتها ..
اسيل : جده قعدي بدري ..
حمد بخبث : أسيل نسيتي تبين تتجهزين للعشاء بعد ما يمديك ..
أسيل : هاه أنا حلوه بدون شيء جده خليك
الجده : هههههه ماتخلص سوالفكم بروح أبرك ..
حمد بعد ماطلعت الجده شال أسيل وهي ترافس برجولها: ههههخ تقولين لها نايم يالكذابه ..
أسيل : حمد حمد خلني نزلني والله لأقول لأبوي واي حمد ..
حمد يدور فيها حب يلعب بأعصابها : محد له دخل فيني أسوي اللي أبي كيفي ..
أسيل تغطي وجهها بأيديها : حمودوه يالخايس نزلني دوختني يمه .
حمد نزلها على السرير وأبتسم : ثواني وراجع يا حلو
أسيل شافته طلع ركضت للحمام وسكرت الباب عليها وهي ترجف
أسيل : دوخني يمه الغبي
حمد رجع ما شافها : هذي وين (شاف باب الحمام وأنتو بكرامه طق الباب) أسوله طلعي ..
أسيل : ما أبي
حمد : شطوره طلعي ماصارت كل مره تسوين فيني كذا طلعي بتكلم معك ..
أسيل في نفسها : هين ياحمد تعتقد اللي قلته لي ينسى بسهوله واتغاضى عنه لا تحلم (فتحت الماء) باخذ دش سوري حمد ..
حمد ضرب الباب ضربه بعصبيه : هين ما بنساها لك مردي صايدك يا أسيل ..
لبس وطلع وصفق الباب بقوه وطلعت أسيل وبدلت ملابسها حبت تلبس ساري هندي بس محتشم باللونين الأسود والنقش الفضي ولبست كل الأكسسوارات هنديه هامه وخلاخل للرجل وصندل(حذاء) هندي خلت شعرها جدله هنديه لورا ولبست هامه هنديه سوت مكياج سموكي بفضي وأكتفت غلوس وطلعت
طقت باب غرفة البنات ودخلت على البنات
أسيل : هاي
البنات صفرن وصفقن على شكلها ..
أسيل تخرعت : علامكن بسم الله علي من عيونكن قل أعوذ برب الفلق ..
نجد : إلا بسألك شاروخان بجناحه ولا بالمجلس
الكل : هههههه
أسيل : لا بالمجلس
روابي : وشاف هالحلى أظن لو شايفك ما خلاك تطلعين اليوم (وغمزت لها) ..
أسيل أنحرجت : وجع زين أستحي ..
عايشه : ماشافها وأنا اظمن لكن
وجدان : بطقم مع أسيل هندي بس بنجابي هندي
أسيل : عندك ؟؟
وجدان : أيه كنت متردده ألبسه عنابي بذهبي وشهد ومناير مثلي
أسيل تلف على الرباعي : وأنتن
رنا : أنا وشلتي نلبس لبس السندباد(برمودا سير عند الرجول مثل مسلسل السندباد) ذهبي بأزرق ..
عايشه : لولا كرشتي كان لبست زيكن
بشاير : خساره حتى أنا أتضايق من البناطيل بلبس دراعه
هيام : أنا تنوره قصيره من قدام طويله من ورا معها بلوزه كت وشال مثلث
أسيل : ورورو
روابي : أنا لا هذا ولا ذاك (بغرور مصطنع) الحلو حلو لو لبس خيشه
سلوى : يالواثقه
روابي : مالت عليك هذا وانا أختك تحطميني
أسيل : ههههههه ماعليكي منها أنتي الحلى ولولا حبي لك ما خليتك تطقمين معي ..
بشاير: مثلك مثلك
أسيل : أيه شرينا مثل الشيء بس هي ورديي بذهبي يله رورو لبسي
روابي : ثواني
عايشه منسدحه على السرير : أسيل تعالي ..
أسيل جت وجلست عند راسها : هلا
عايشه بهمس ولأن سريرها بعيد فصوتهم مو مسموع : شخبارج مع حمد ؟؟
@storykaligi
🎀 384 💕
أسيل بهمس : على حالنا ..
عايشه : أنتي فاهمي قصدي ؟؟
أسيل منحرجه : أيه هو أمممممم
عايشه : أسوله للحين مو راضيه عليه ..
أسيل : ولا برضى للحين ما برد ولا شفيت غلي وغيضي منه
عايشه : بس ما يجوز وعيب اللي تسوينه ..
أسيل : ......................
عايشه : أمس يوم تعبتي عمي ماقال بيفحصك ويودي تحاليل للمستشفى
أسيل : أيه قلت له ماله داعي ..
عايشه : كانوا شاكين انك حامل
أسيل حطت يدها على فمها تداري شهقتها وتخفي ابتسامتها : ......................
عايشه : علامك ؟؟
أسيل : والله شيء عشان تعبت ضنوا أجل لو يعرفون أني هههههه ...
عايشه : أش تفضحينا أنتي ..
أسيل : شر البلية ما يضحك
عايشه : ومتى راح تخلين البلية اللي براسك تعرفين أن حمد لو يبي شيء ياخذه لو من عيونك صح ..
أسيل : عارفه بس أنا مو تاركه له مجال أبدا خليه توه ياما عيشني بنار وجحيم خليه يستوي على نار هاديه ..
عايشه : أخاف النار تحرقك النار تحرق رجل واطيها
أسيل : لا تحاتين حمد سلم الرايه لي وخضع هذي حقيقه
عايشه : ومتى بتسلمين الرايه يا أسيل
أسيل : متى ما بردت حرتي ورديت كرامتي وأرضيت كبريائي
عايشه : الله يهديك يارب
طق الباب.......
سعاد : بسم الله ماشاء الله تهبلين أيش أيش هندي اليوم ..
أسيل بحيا : عيونك الحلوه
سعاد : بنات ماخلصتن يله الناس على وصول
عايشه توقف : أنا معك بنزل
سعاد : نزلي وأنتي يا أسيل ونجد ونجود أخوكن عبدالله أرسل عليكن يبي يسلم ..
نجود : عبودي جاء وينه
سعاد : تحت عند جدتك وأمك يسلم عليهن ..
أسيل بخبث : ما سأل عن خطيبته ؟؟
سعاد : إلا قال أذا بتجي تسلم ماعنده مانع ..
روابي شهقت : والله
الكل : ههههه
سعاد : ههههه لا والله أمزح ماقال مع أن أمي أحرجته ..
أسيل : خلني الحق على أخوي باي
نجد ونجود : معاك
نزلن وسلمن على عبدالله وجلسن جنبه.....
عبدالله : بسم الله عليك تهبلين شنو هذا الزين خواتي مزايين
أسيل : عيونك الحلوه(بهمس) حتى خطيبتك مثلي بالضبط ..
عبدالله بهمس : والله متفقات يعني ..
أسيل : أيه
عبدالله : أممممممم ممكن أشوفها أتمنى أشوفها ..
أسيل ترفع حاجبها : رح زين مهبوله ماتقدر تصبر كلها أسبوع وتصير حلالك ..
عبدالله : أف الله يصبرني يارب تعالي أبيك بره (طالع للجده) أسمحي لي ياجده بروح تامرين على شيء ؟؟
الجده عبدالله يحب راسها :تسلم ياولدي
طلع عبدالله وأسيل عند الباب لأنها ماتقدر تبعد أكثر ..
عبدالله يمد لها علبه : خذي هذي هديه لروابي وسلمي عليها ..
أسيل في نفسها: يا حظكن ماشاء الله كل وحده لها هديه من زوجها او حبيبها إلا أنا (أبتسمت) ممكن أفتحها ..
عبدالله : أفتحيها
أسيل : واو يهبل السلسال خلاص بوصلها لها الحين ..
عبدالله : ماتبين تروحين لجدي ترى أمل مع زوجها بيجون بعد بكره وأبوي بيسوي عشاء بالمزرعه لهم ..
أسيل : واو أمل بتجي خلاص بقول لحمد
عبدالله : أحسبي حسابك تباتين هناك
أسيل بحزن : مايرضى بس بقول لجدي يقول له أحسن ..
عبدالله : أيه بسهر معك مثل قبل للصبح ومشاوي ونسكافيه وسوالف للفجر اشتقت لذيك الأيام ..
أسيل : خلاص نشوف الحين بدخل
: لا لا أنا أول مره أشوف القمر نازل يمشي بالأرض ..
أسيل لفت تطالع من ورا عبدالله : ههههههههه هلا رشود
راشد : لو يشوفك القمر يغير منك
: لا إلا يقوم ويخليك تجلسين مكانه
أسيل عرفت الصوت صوت انسان تحبه : ههههه منتو صاحين طيب رشود مو متزوج وانت لو تسمعك بشاير تذبحك ..
فراس : ماقلت إلا الصدق ماشاء الله عليك ..
عبدالله : شفتي مو بس أنا ..
راشد يغمز لها : احنا قلنا رأينا شنو رأي حمد هاه ..
أسيل أستحت منهم : أمممم أكيد قال كل شيء حلو علي يله شباب باي ..
الشباب : باي
رجعوا الشباب المجلس...
@storykaligi
🎀 385 💕
عبدالله وفراس وراشد : السلام عليكم
الكل : وعليكم السلام
أحمد : وين غطيتوا و وين القهوه ياراشد ؟؟
راشد يصفق جبهته : يوه شفت القمر يخطي على الأرض بسم الله عليه ونسيت ..
جراح : قمر
عبدالله : إلا والله حتى أنا وأزين من القمر ..
مشعل : والله وين بروح أشوفه
فراس : أحم أحم ما يجوز تشوفه إلا برضى حمد
حمدمتكي(متراكي – مستند) على المسند : وانا شنو دخلني تبي تشوفه رح ..
فراس : يشوفه أنا مو راضي يشوف أسيل ..
حمد أعتدل : أسيل تقصد أنها ؟؟
راشد : القمر اللي نسولف عنه الله يخليها لك خدمنا اليوم بيغيرون منها ..
فراس : هههههههه الله يقطع أبليسك عشان الساري
مشعل بخبث : أممممم حمد تراك سامح لي ..
حمد خزه بعصبيه : رح وأحش(أقطع) رجولك هذاك أول قبل أعرف من القمر أنثبر ...
الكل : ههههههه ..
فهد : أخص يا سلمان خان مايرضى عليها
أحمد : والقهوه والهيل من يجيبهن
حمد أستغل الفرصه عشان يشوفها ووقف : انا بروح أجيبهن
فراس : هههههه استغلال الفرص ..
: أحم أحم
محسن : مشعل راشد أستقبلوا الرجاجيل
مشعل : تبشر
وبدوا المعازيم يتوافدون وأمتلئ المجلس وعند النسوان بعد ماشاء الله الكل مشغول اللي يستقبل واللي يوزع الحلى واللي يمشي بالقهوه
روابي تدخل المطبخ : أي رجولي يعورني كوماري حطي قهوه في دله(ترمس – مطاره) بسرعه
كوماري : أن شاء الله
شهد قاعده : علامك ؟؟
روابي(تنزل الكعب(حذائها)) : رجولي ورمن من الوقفه وأنتي جالسه هنا ليه ؟؟
شهد تشرب ماء : أبدا حالي مثل حالك أنتظر الشاي يخلص
كوماري : تفزل شهد
شهد : يله باي
روابي : باي
اسيل تدخل : السلام عليكم
روابي ودادا : وعليكم السلام
أسيل : دادا طلعوا لي حلى جديد
حليمه : حاضر الحين
: ياربي حلى يطلب حلى
أسيل وروابي : حمد
حمد : أممم ماشاء الله مطقمات (يلف لحليمه) دادا نبي قهوه وهيل مطحونات اللي عندنا خلصن ..
روابي تلف حول نفسها : شنو رايك ؟؟
حمد : تهبل ماشاء الله
أسيل : دادا وين الحلى ؟؟
حمد يقرب بشكل أربكها وهمس بأذنها : الطعن بالميت حرام شنو كل هالزين ؟؟
أسيل أنحرجت وابتسمت : عيونك الحلوه (بصوت عالي) دادا الحلى ..
حمد ياخذ نفس : قصري حسك عيب ولا (يغمز لها) تصرفين ..
أسيل حبت تضيع السالفه : أمممممم من يسوي القهوه عندكم
حمد تعمد يحرج روابي : نسيبنا خطيب روابي عبدالله
روابي طلعت من المطبخ ومن الأحراج ما قدرت تنتظر القهوه تخلص ........
أسيل : هههههه حرام عليك أحرجتها ..
حمد بخبث : وانتي شنو اللي يخليك تنحرجين ..
أسيل بثقه : ولاشيء أنا عادي ..
حمد باسها على خدها : ههههههه والحين شخبار الأحراج
أسيل ضربته على كتفه وولعت أحراج خصوصا قدام الخادمات والدادا أخذت الحلى وطلعت ولا أنتبهت وصفقت وطاح الحلى منها وقبل تطيح مسكها حمد ..
حمد : بسم الله عليك
سعاد : بسم الله عليك فيك شيء
أسيل تعدل نفسها وهي بقمت الاحراج ونزلت تلم (تشيل) الحلى الطايح ..
حمد : كات شلي الأكل أسيل قومي فيك شيء
أسيل : لا
دادا : خذي صحن حلى ثاني حنا بنظفه
طلعت أسيل تقدم الحلى ومر العشاء بأحسن ما يكون وماصدقت أسيل توصل لجناحها ونزلت اكسسواراتها ولا غيرت لبسها ورمت نفسها على أول كنبه(كرسي) ونامت وعلى الساعه 1 بالليل صعد حمد ويوم دخل وشافها متكوره على نفسها رحمها وبدون غطا ماحب يصحيها وشالها وحطها على السرير غير لبسه وحط راسه ونام
صحت على الساعه 6 لأنها نايمه بدري شافته نايم وتسحبت بشويش خذت دش وصلت لبست بنطلون أسود بخط بنفسجي على جنب وبلوزه رقبه بنفسجي وبالطو طويل بفرو على الرقبه واليدين وجوتي(حذاء) رياضي بنفسجي ونزلت للصاله ..
كانت الجده عايشه والجده سلمى(جدة بشاير) جالسات يتقهون عمر وأمه ناموا عندهم كتغيير جو ..
أسيل تحب راس جدتها والجده سلمى : صباح الخير
الجده عايشه والجده سلمى : صباح الخير
الجده عايشه : صحيتي يالغاليه ..
أسيل : أيه نايمه بدري إلا وين الكل
الجده : نايمين ماتبين تفطرين
أسيل : بعلمكن سر
الجدتين : خير ؟؟
@storykaligi