الفصل 78
❤️📝 روايات وقصص مميزة 📝❤️:
🎀 361 💕
ما صدقت طلعت وجوده قريب يربك أحاسيسها ينتابها فرح وسرور خوف وقلق
نزلوا الصالة ....
حمد : محد موجود يمكن برا ؟؟
أسيل : يمكن الجو حلو وتعرف يحبون الجلسة برا ..
حمد : يله
أسيل : طيب أنا أسمع صوت البنات داخل المطبخ أسبقني
حمد : لا تتاخرين زين
دخلت المطبخ ولقت روابي عايشه وأوراد
أوراد : هلا بالعروس
أسيل : طلبتك لا تبدون طنازه ..
عايشه : ما بغيتوا تنزلون
أسيل : عيوش
عايشه : ههههه طيب لا تعصبين تبين قهوه صح ..
أسيل تقعد : أيه طلبتك راسي يعورني أحسه بينفجر ..
روابي : خير الجرح يا ألمك
اسيل تشرب القهوه : لا بس كيف حمد جابني لجناحه ولاحسيت فيه ونقل كل أغراضي لا راسي يعورني أبي أعرف كيف صار كل هذا أنا نومي خفيف ..
الكل سكت وأسيل حست أن في شيء رفعت نظرها شافت روابي تأشر بأصبعها تطلب يسكتن
أسيل : روابي فيك شيء ؟؟
روابي : لا
أسيل لاحظت عايشه واوراد يبتسمن ..
أسيل وقفت وخزتها : روابي أنتي شنو عطيتيني شنو كان بالأبره ؟؟
روابي : ..........
أسيل : روابي تكلمي أنتي عطيتيني مخدر ..
روابي(كتمت الضحكه وهزت راسها أيه ) : ..................
عايشه : أهدي أسيل أحنا قلنا لها تعطيك مخدر لأنك لك فتره ماتنامين حتى الأكل مو عدل ..
أسيل تكتف أيديها : أحنا من تقصدين ؟؟
أوراد : أحنا وخالتي زهره و....و...و
أسيل تغمض عيونها : لا تقولين حمد بعد ..
روابي : أيه حمد كان يحاتيك..
في الجلسه الثانيه.....
الجده : عساها صارت زينه
حمد : أيه الحمد لله بخير
محسن : إلا هي وين ؟؟
حمد : داخل عند البنات بالمطبخ
سعاد تهمس له : درت عن المخدر ؟؟
حمد ابتسم : لا بعد مادرت عنـ...
رواااااااابي
سعاد : ههههه درت ..
حمد : هههه الله يستر ..
طلعت روابي تركض وأسيل تلحقها معصبه
الجده : هذيلن علامهن يتلاحقن ؟
نجد : يلعبن يمكن
الجده : مايعقلن وحده معرسه والثانيه قرب عرسها ..
ام حمد : يمه حمد ماتبي توقفهن ..
حمد يشرب قهوه : لا خليهن
أمينه : ليتها تمسكها عشان ما تسوي فيها كذا مره ثانيه ..
محسن : شنو اللي سوته روابي زعل أسيل
أمينه : ياخوي عطتها منوم ..
حمد يغمز لعمته : ياعم عشان تنام تبيها ترتاح ..
محسن : حمد انتبه لأسيل باين لا تنام ولا تاكل ما اوصيك ..
حمد : تامر ياعم
هيام : ياويلها مسكتها
الكل : ههههه ..
أم حمد : حمد قم مو تسبب المشاكل وتجلس ..
حمد دخل يده بشعره : يمه
أم حمد : قوم ولا أقوم
حمد : أقوم حاضر
روابي ورا الشجره : أسيل خلاص توبه ..
أسيل : ليه كذا ؟؟
روابي : توبه بس والله قالوا لي ..
أسيل : كنتي عارفه باللي راح يصير ..
روابي : قصدك حمد ونقلتك لا والله ماكنت اعرف غير أنه يبيك تنامين أما أخذك لا
أسيل تصد عنها): ما أكلمك ليه تخلين له مجال ليه ..
روابي : اسيل
أسيل : ............................
روابي تضمها : آسفه آسفه آسفه
روابي : ردي علي أرجوك
أسيل تلف لها وأبتسمت : وأنا أقول ماشفت عبود اليوم ..
روابي : من ؟؟
اسيل تاشر وراها : عبودي وراك أكيد حسيت أنها روابي
روابي صدقت وقامت ترجف عبدالله قريب و وراها بعد عجزت تلف وماعليها غطا ..
أسيل بخبث تبتسم : عارفه ان كل واحد منكم مستحي من الثاني بس بخليكم تاخذون حريتكم ..
روابي تمسك يدها وهي تهمس بخوف : وين يالهبله لا تخليني معه ما علي غطا ؟؟
أسيل دزتها له : خذها ..
روابي صارت بين أيديه ترجف رفعت راسها وشوي تبكي وبعصبيه : حــــــــــــــــــــــمــــــــــــــــــد
@storykaligi
🎀 362 💕
حمد وأسيل : ههههه ..
روابي : يالدب يالسخيف أنت مع مرتك
أسيل تكتف أيديها : كما تدين تدان
حمد : هههه تعالي رورو روابي نمزح ..
روابي بعصبيه : مالت عليك هذا وانا أساعدك هين يا حمد تجي تطلب ماراح أرضى
أسيل : هههههه حيلهم بينهم ..
حمد يخزها : كنتي قاصدتها
أسيل تكتف أيديها : كما تدين تدان ..
روابي : لا والله تبين تخربينها بيننا وتقولين كما تدين هين حمد اطلب وانا أنفذ ..
أسيل تمد لها لسانها : أيه بس هالمره عدت المره الجايه شوفي من يصدقك يا دكتوره ..
حمد قرب وحاوط خصرها بايده وأبتسم : كما تدين تدان راد لك الدين (وغمز لها) ..
أسيل تحاول توخر يده بس هو محكمها : حمد هدني ..
حمد : روحي روابي
روابي: ههههههه احسن باي ..
أسيل : روابي رورو يالزفته حمد وين رايحيين هدني شكلنا مو حلو ..
حمد : شنو فيها مع زوجك ورايحين بتكلم معك شوي ..
اسيل : بعدين (تحاول تفك يده اللي محاوطتها بأحكام منه) هدني ..
حمد : أسيل لا تخليني أشيلك أهدي
أسيل : طيب وين رايحيين هذا صوب المسبح
حمد : .....................
أسيل : لا يكون بتسبح برد ..
حمد دخلوا المسبح المغلق وقفل الباب : لا ما بسبح ..
أسيل بدت ترجف يوم قفل الباب وبعدت عنه : خير خير ليه قفلت الباب ؟؟
حمد يقرب : ليه خايفه ؟؟
أسيل تتراجع وعيونها بعيونه : م م م م ماني خايفه من قال ؟؟
حمد :طيب صرتي على الطرف الثاني تعالي بكلمك ..
أسيل صارت على أخر المسبح وأهو أوله وحست براحه شوي : تكلم أسمعك ..
حمد يجلس على الكراسي ويشعل السيجاره : أسوله ..
أسيل غمضت عيونها من سمعت أسمها أول مره يدلعها : .....................
حمد : فيك شيء ؟؟
أسيل : .................................................. .....
حمد وقف : أسيل ..
أسيل : لا لا أنا بخير لا تجي شنو تبي حمد ؟؟
حمد : أنتي اللي شنو تبين شنو آخر هالحركات ..
أسيل : حركات أي حركات
حمد : ماتاكلين ماتنامين ما تحبين وجودي ساكته ماتضحكين ما تجلسين مع الكل مثل قبل ..
اسيل : الطلاق
حمدبصرخه لوهله يشعر الشخص أنها هزت المسبح : أسيل
نعود للجلسه .....
روابي : السلام عليكم
الكل : وعليكم السلام
الجده : أنتن ورا ماتستحن تتلاحقن مثل البزران ..
روابي : نلعب ياجده عادي
محسن : طيب كيف أسيل الحين ؟؟
روابي : بخير مع حمد بس ياخال مهمله بنفسها كثير
الجده : إلا وينهم ؟؟
روابي : راحوا يتمشون ياجده
أم احمد : وعايشه ماشفتها ..
هيام : نايمه ياخاله تقول الوقفه تتعبها
سعاد : عاد أنا موصيتها ما تولد قبل تعيد معنا ..
هيام : شكلها بتولد قريب
أم أسيل : لا هذي فروع ماصار لها أسبوع داخلة شهرها ..
نجد : السلام عليكم
الكل : وعليكم السلام
نجد تبوس راس عمها وجدتها : عمي شلونك ؟؟
محسن : بخير كيفك دكتورتنا ؟؟
نجد : بخير أسمحو لي باخذ عمي شوي ..
الجده : وأنا ما تبيني ..
نجد : أفا أنتي الخير والبركه ..
محسن : تعالي وأنا عمك
نجد وهي حاطه يدها بأيد عمها يتمشون : عمي انت حسبت الوالد
محسن : أمري ياقلب عمك
نجد : عندي صديقه طايحه في مشكله كبيره وماهي عارفه شنو تسوي ؟؟
محسن : سولفي لي ..
نجد : تقول أن اخو وحده من صاحباتها صورها بجواله يوم كانت عندهم زايره أخته وهي والله ماتدري والحين يهددها ..
محسن : بشنو وليه ؟؟؟
@storykaligi
💕 363 🎀
نجد : تتزوجه أو يتصرف بالصور
محسن : حقير هذا لو صادق ويبيها ما يسوي كذا يطق الباب أكيد حافي منتف ..
نجد : لا هو غني وهي ما عليها قصور ..
محسن حس أن لها دخل بالسالفه بس ماحب يجبرها على شيء هذي نجد الغاليه ..
محسن : وانا عمك أفضل تقول لأهلها يوقفونه عند حده قبل تتعقد الأمور ..
نجد تقابل عمها : ياعمي اتمنى تسمعني للنهايه ولا تعصب ..
محسن سمع كل سالفة يوسف واهو بدا يعصب كيف يتجرا ورنا اللي مرت بكل هذا وكيف ماتشتكي يمكن لبعد الكل عنها وبقائها وحيده بس صبرها وجود نجد ونجود وسلوى معها واللي خلا محسن يهدا هو نجد اللي جته وحكت له كل شيء لثقتها بعمها وحكمه مع انه عصبي لأبعد حدود بس نجد وأسيل هن يقدرن يخلنه يتحكم بأعصابه ..
نجد تمسح دموعها : وهذي كل السالفه لحد امس ..
محسن : يوسف ولد من
نجد : طلال الـ....
محسن : تصدقين يانجد لو ماقلتي لي كان ذبحتكن أربعتكن لو صارت السالفه ..
نجد : والله يا عمي خفنا من اللي حصل
محسن : طيب أخته معه ..
نجد : تأكد أن دانه من أفضل البنات وأخلاقها عاليه
محسن : طيب كيف تأكدتي أنها مو مسويتها مع أخوها أقصد خطه
نجد : لأن قبل أجيك أتصلنا عليها وقلنا لها وأنصدمت ماضنت في يوم أخوها يتجرأ ويسويها كذا ..
محسن : طيب جيبي لي رقم يوسف
نجد : عمي
محسن أبتسم : لا تخافين أنا بتصرف معه ..
نجد تبتسم وتحب راسه : مشكور ثواني بجيبه
نعووووووووووووووود .......
أسيل : ليه معصب
حمد بقمة العصبيه : أنتي لمتى لمتى ما تفهمين ..
أسيل عصبت : أففف خلاص كله تعصب تعصب احمد ربي جدران المسبح عازل ولا كان الكل سمع وتشمتوا فيني مو صاحي ..
حمد عصب وبسرعه ركض لها مالحقت تهرب منه ومسكها بايديها : لمتى تعبت حسي ..
أسيل خافت من نظرته وعروق الغضب باينه : انا أنا ..
حمد : أسيل أرجوك تعبتيني أفهميني ولو مره ..
أسيل فكها يرجف ودمعها بعيونها : حرام عليك انت تعبتني (بصرخه وحده) كفايه
تعبتيني كفايه طلبتك ريحني ..
حمد ضمها يهديها ونسى عصبيته : أسيل أهدي مو قصدي أسيل ..
أسيل تضربه على صدره بقوه وتبكي : اتركني أكرهك أكرهك ..
حمد : أسيل أهدي بتركك بس أهدي ..
أسيل قدرت تبعد عنه وأبتعدت بعيد وجلست وهي ضامه نفسها وتبكي حمد جلس مكانه ويطالع لها بصمت ..
بعد فتره هدت ورفعت وجهها تطالع له ..
اسيل بحرج منه وبهمس : آسفه ماكان قصدي ..
حمد أبتسم : حلوه بكل حالاتك حتى لما تبكين
اسيل فتحت عيونها مصدومه يتغزل فيها : .............................
حمد كانت الصدمه واضحه على وجهها: ههههههه
أسيل عصبت وصدت عنه : سخيف
حمد : هههه طيب سخيف سخيف أعلمك بدارنا ..
اسيل رجعت تطالع له : شنو تقصد ؟؟
حمد غمز لها : خلينا نروح لدارنا وأفهمك ..
أسيل تلعثمت : أصـ أصـ أ صـ أصلا من قال لك بروح معك أفتح الباب حمد بطلع..
حمد يكتف أيديه : آسف
اسيل : حمد
حمد : بنسهر هنا الليله
أسيل : شنو ؟؟؟
حمد : اللي سمعتي (رن جواله) هلا فروس .... أيه أيه (طالع لأسيل وبان على وجهه خيبة الأمل) ..... طيب هالزفت شنو جابه هالحزه ......... اف.... مالك دخل شنو مشغول فيه ههههه كل تبن زين....... فراس (بعصبيه) أقسم لأخصم عليك والأجازات بنص الدوام عشان المدام مرفوضه ..... لا لا لا تحاول .... أيه نذاله عشان تتشمت (لاحظ أسيل اللي ضحكت وصدت ) لا والله جايك أنت والتبن اللي عندك بوطي ببطنه باي أقلب وجهك باي ..
أسيل كتمت ضحكتها وصدت عنها ماحست إلا باللي يحاوطها جمدت بين أيديه : ....................
حمد حس فيها خاف يصير لها مثل المره اللي فاتت قرب وحط راسه على كتفها قريب من وجهها
حمد بهدوء يخفي خوفه عليها : خذي نفس لا تتشنجين مثل المره اللي فاتت ..... أسيل ماراح اتركك اخاف تطيحين خذي نفس مثل ماقالت لك روابي.... أسيل لا تعاندين خذي نفس وطلعي نفس ما أقدر أبعد جسمك متصلب ..
أسيل تحس فعلا جسمها تصلب وحقيقه لو تركها حمد تطيح ما تتوازن نفذت أوامره لين حست أرتخت طبيعي ..
حمد أبتسم وباس خدها وأبتعد : يا عمري
اسيل جمدت وسرحت لدرجة ما أنتبهت أنه طلع وترك الباب مفتوح لين حست بهواء بارد لفت مالقته أبتسمت وحطت يدها على خدها وحست بخجل بس كأنها صحت وهزت راسها تبعد الافكار هذي عنها ...
أسيل تصر على ضروسها من عصبيتها على سذاجتها : غبيه غبيه يالحقير تبي تسلب عقلي بحركاتك تبطي انا لك بالمرصاد والله ماتنال اللي تتمنى مني بسهوله الزمن بعده ما شفى جروحي ..
@storykaligi
💕 364 🎀
رجعت اسيل بس دخلت من الباب الخلفي للمطبخ مالها خلق لأحد ونغزاتهم فتحت الثلاجه وأخذت أيس كريم وجلست على الكرسي ورفعت رجولها عن الأرض وضمتهن وفتحت الأيس كريم تاكله ..
حليمه : أسيل بارد عليك تمرضين ..
أسيل : لا دادا مو بارد لهذي الدرجه
حليمه : طيب العشاء بيجهز بيسد نفسك
أسيل تهز راسها بلا : دادا أكلت الأكل اللي دزيتيه لنا كان حلو كثير شبعت ..
حليمه : بالعافيه
طلعت جوالها لقت اتصال من عبدالله دقت الأرقام إلا بدخلة روابي
روابي : أسوله هنا فك قيدك هههههههههه ..
أسيل : ......................
روابي تجلس جنبها وتدفها بشويش : أحبك
أسيل : أقول لا تقصين علي روحي روحي لأخوك مسويه علي عصابه معه .. هين لأخلي أخوي يهون عنك بنخطب له غيرك
روابي : نعم نعم شوفي حبيبتي إلا عبودي لا تقربين منه وبعدين حرام عليك تعرفين أنه نقطة ضعفي عبدالله
أسيل : كلي تبن يالعياره ويوم تسوين كذا ما حسبتي حساب أن عبدالله يسمع كلامي ..
روابي : هاه تقصدين ؟؟
اسيل : أيه أيه أقصد لو قلت له يسويها وياخذ غيرك وبعدين ليه عبود بالذات ..
روابي بحيا : بقول لك لأني أحبه ..
فجأه سمعت صوت تعرفه ولا يغيب عن بالها أبدا سمعته يقول
و شلون اعبر لك اذا قلت اهواك ..
كلمة احبك ما توصف شعوري ..
عمري فداك و فوقه الدنيا تفداك ..
يفداك عمري في غيابي و حضوري
روابي حطت يدها على فمها تداري شهقتها يوم شافت أسيل مطلعه الجوال وحاطته سبيكر
أسيل : هههههه صح لسانك يالغالي ..
عبدالله : صح بدنك روابي وانا بعد أحبك إلا أموت فيك ..
أسيل : هههههه عبود البنت ساحت خلاص باي ..
عبدالله : أنتبهي لنور عيون أخوك باي
روابي وقفت ومن الصدمه صرخت : أسيل ...
أسيل وقفت ومدت لسانها : كما تدين تدان ما قدرت أرد أخوي عن سماع صوتك مثل ما أنتي ما قدرتي تردين حمد ..
وأنحاشت برا تركض وروابي متحلفه فيها وتخبت ورا عمها محسن
الجده : هذلن ما هن صاحيات أول أسيل والحين روابي ..
أسيل : عمي عمي دخليك أنا بحمايتك
محسن : علامك ؟؟
روابي تحط يدها على خصرها وتهز رجلها بعصبيه : ما أبي طلعي طلعي اليوم ذابحتك ..
سعاد : صدق بزران وبعدين ليه تخبيتي ورا عمك وما تخبيتي ورا رجلك ..
أسيل تطالع لحمد : لأن حمد يفزع لها عارفته وعمي ما أهون عليه ..
حمد أبتسم : .......................
روابي : طلعي أسيلوه طلعي ..
أسيل : مجنونه أطلع رورو كما تدين تدان يالغلا
روابي : لا ما تردين الدين كذا لا لالا
سلوى : علامك روابي تبيني اصيدها معك ..
هيام : نعم نعم لا تقربين من أختي
اسيل : بعد عمري اللي يفزعون
سيرينا : ماما عسا خلاص يقول دادا
أم حمد : جيبوه هنا الجو حلو شنو رايكم
الجميع : موافقين
محسن : بروح للمجلس عشان العيال
حمد يوقف : بجيب العشاء وأجي وراك
الجده : طيب وهالبزرتين كيف يعني ؟؟
حمد : أنا بتصرف ( مسك يد روابي ومسك يد اسيل) تعالن
روابي تبتسم وأسيل منحرجه منه كثير ودخلوا المطبخ و وقفهن قدامه وأشر للخدم يطلعون ويسكرون الباب ..
حمد : والحين شنو السالفه ؟؟
@storykaligi
🎀 365 💕
أسيل : أسأل روابي
روابي خزتها : أسيلوه
حمد يكتف ايديه ويبتسم : أسأل روابي مع اني متأكد انه أنتي السبب ..
أسيل تأشر على نفسها ببرائه : اناااا ...
حمد : أيه أنتي يله قولي لي شنو سويتي ؟؟
أسيل : ولاشيء أسأل رورو (طالعت لها بخبث وابتسمت) هاه رورو شنو سويت خلاك تعصبين ..
روابي تذكرت وولع وجهها أستحت : ولا شيء بس مردوده بقوه بقوه لك يا أسيل ..
طلعت واسيل تبي تطلع بس حمد حجزها بين أيديه وهو قدامها والطوفه(الحائط) خلفها يبتسم ..
أسيل تبلع ريقها : حمد
حمد : همممممممم
أسيل : ب ب ب ب بطلع
حمد : لازم
أسيل نزلت من بين أيديه وطلعت بسرعه وهي تسمع ضحكاته تعرفه يحب يحرجها ..
أم حمد يوم شافت أسيل جايه : تعالي تعشي يمه ..
وجدان : ماشاء الله العمه حريصه على مرة ولدها ..
أسيل تمشي لهم وتطالع السماء : ياربي ياربي يالغيره قل أعوذ برب الفلق يمه .. حطت لي دادا حليمه وسبقتكم بالاكل
الجده : أكيد
أسيل : أيه جده حتى حليت بأيس كريم أسألي روابي ..
روابي : شفتها تاكل أيس كريم ودادا ماراح تخليها تاكل قبل العشاء بس مدري ما أضمن أسيل
أسيل سمعت حمد ينادي لفت له وكان شايل صينيه الشباب عشاهم راحت له بس ما قربت كثير
أسيل : هلا
حمد : ليه واقفه بعيد
اسيل تطالع الأرض : مالك أمان
حمد : هههههه طيب تحبين تتعشين معنا
أسيل ترفع راسها : معكم من أنتو ؟؟
حمد : أنا وعمي محسن وعبدالله وفراس الباقي طلعوا للسوق يرجعون متاخر
أسيل : لا جدتي تقول كلي معنا روح انت ..
حمد : على راحتك بس تاكلين عدل ..
أسيل : أكيد جوعانه ما أكلت من امس بالعافيه عليكم
حمد : وعليك يله باي
أسيل : باي
دخلت المطبخ وصبت لها كوب ماي وجلست تشرب ..
حليمه : ليه ما أكلتي ؟؟
أسيل : ما عندي شهيه
حليمه : تبين أسوي لك شيء معين ؟؟
أسيل : لا مشكوره
حليمه تجلس قدامها : ليه قلتي لي انك أكلتي وأنتي ما لمستي الاكل ابدا
أسيل : كنت توني صاحيه ما احب آكل بس أكلك حلو كثير ..
حليمه : طيب متى ما حبيتي تاكلين قولي لي ..
أسيل توقف : أوكيه يله باي ..
حليمه : أسيل عشان خاطري خذي كاست حليب بلبن بس ..
أسيل تبتسم : عشان خاطرك بس
بعد ماصبت اللبن اخذته وطلعت للحريم ..
أسيل تقعد جنب الجده : خذي جده اللبن
الجده : يارب يخليك لي نست الخبله تجيبه لي ..
نجد : أسوله تعالي كلي
أسيل(تنسدح(تنام) ورا جدتها) : ما أبي شبعانه الليله حلوه وبكره يوم الوقفه لا تنسون تصومون ..
الجده : أيه والله بقول لحليمه عن السحور
أسيل : أنا بتسحر قبل أنام أحسن
طيف : أكيد ما يجيك نوم ..
أسيل ببرود : جــــــــــــــــب
طيف بدون نفس : عاد انا شنو قلت عشان تردين علي كذا ..
أسيل تلف وتعطيهم ظهرها وتغمض : طيب
أم أسيل توقف : أسيل تعالي أبيك
أسيل : حاضر يمه
دخلت أسيل وأمها الغرفه اللي تنام فيها أمها
الأم : جلسي يمه
أسيل : هلا
الأم : علامك يمه ماقمتي تاكلين ولا تضحكين مثل قبل صاير شيء بينك وبين حمد ؟؟
أسيل : لايمه بس ما أشتهي أكل أحب آكل خفايف
الأم : أنا أعرفك من يومك إذا كنتي متضايقه تعيفين(ترفضين) الأكل لين تتعبين قولي شنو متعبك ؟؟
أسيل تحط راسها بحضن أمها ودمعت عيونها : يمه البعد عنكم متعبني بس مو شيء ثاني ..
الأم بدت تمسح على شعرها وتقرا قرآن وتهدي نفسها
أسيل في نفسها : آه يا يمه تعبانه تعبانه كثير أبي أرتاح بس كيف عايشه بدوامه مو قادره أفهمه أبي أرتاح عشان نفسي ترتاح حمد شنو ولوين بيوصل سامحيني يالغاليه إذا حياتي مالها طعم فكيف للأكل طعم أحس كل ما أبي آكل أبي أرجعه مره ثانيه
عند البنات ..............
@storykaligi