الفصل 77
❤️📝 روايات وقصص مميزة 📝❤️:
💕 356 🎀
أسيل بخوف : علامك تكلمي ؟؟
نجد : لا لا لا مو معقوله أنا اللي صورها أنا ظن أني رنا ..
أسيل زاد صدمتها : شنو متأكده ..
نجد : أيه أنا لحظه لحظه رنا أنا أخذت جوالك بتصل بأمي وطلعت للحديقه ولما خلصت المكالمه دق يوسف وقلت لك صح ..
رنا : صح وقلت لك طنشيه وطنشناه بس والله ما كنت أعرف أنه موجود أو يعرف من أنا ..
نجد : إذا نشرها بتكون نهايتي أسيل كيف بتصرف ..
أسيل : نجد تطمني بنلقى حل ولو مالقينا بنقول لأهلي وهم بيتصرفون بس الحين قولن لي سالفة يوسف كلها ولا تنسن شيء ..
رنا : طيب بقول لك كل شيء من أول ما عرفته لآخر مكالمه
مشعل يحاول يهدي راشد الثاير
مشعل : ياراشد أهدي
راشد بعصبيه : شنو اهدى أقولك تكلم واحد أسمه يوسف
مشعل : لاحول ولا قوة إلا بالله يمكن غلطان أو متصل غلط
راشد : موصاحي أنت أقولك سمعتها تقوله يوسف أنتظر خلنا نتفاهم عارفته مو غلطان ..
مشعل : طيب هذا ما يعطيك الحق تمد يدك عليها عندها أبوها وأخوانها ..
راشد قرب منه لدرجه مشعل خاف من نظراته : هي لي لي فاهم ..
مشعل أنصدم : أنت أنت أنت تحب رنا
راشد يقعد جنبه وبحزن مكبوت : أنا أعشق رنا هي سري اللي أعيشه من زمن
مشعل : لا لا لا ما أصدق ههههه راشد يحب ومن هههه رنا اللي دوم يقول عنها دلوعه ..
راشد أبتسم رغم صدمته فيها : هي دلوعتي وطفلتي هي قلبي وروحي بس خساره (طق على قلبه بقوه تعكس الألم فيه) خساره هذا القلب فيها ..
مشعل : أهدى أهدى لنا كلام ثاني جراح ومحمد جايين..
أما بالمطبخ الثلاثي المرح .......
وجدان تصب لها قهوه : لا والله
مناير تاخذ قطعت حلى : هذا اللي صار خالتي قبل تروح الحج كلمت أمي بالموضوع ..
شهد تمد الفنجان لوجدان تصب لها : طبعا بترفضينه
مناير : ليه سلمان ماعليه غبار
شهد شهمقت : وجراح ؟؟
مناير بحزن : هذا أحنا قدام بعض ماتقدم ولا خطى ولا أعطى أمل أنه يبيني معناه حب من طرف واحد ..
وجدان : بهذي معاك حق
شهد : وتنسين الحب كله
وجدان تمد لها الفنجان : ياقلبي يا شهد مو كل حب ينتهي بالزواج هذا أنا أكبر مثال حبيت محمد أخوك سنين وسنين من وعيت على الدنيا وأنتظره وبالنهايه أنصدمت يحب أختي بس الله عوضني بسعود عرفت الفرق بين حب المراهقه والحب الحقيقي مع سعود ..
مناير : وبعدين جراح عنده فرصه أسبوع إذا يبيني يتدخل واذا سكت النهايه الفاصله بينا ..
شهد : مدري أنا أعتبر الحب هو أساس الزواج
وجدان : مو أهلنا ماتزوجوا عن حب وعايشين ..
شهد : زمنا غير زمنهم
مناير : بس يبقى الرجل الشرقي هو الرجل
وجدان : شهد أنتي ليه رافضه عمر أسمحي لي من زمان أبي أسألك ..
مناير : حتى انا ودي أعرف ..
شهد تحرك فنجانها بأيدها وببرود : لأني ما أحبه
مناير : ومن اللي كانت ماتصدق تقول لها بشاير بنروح بيت خوالي إلا أول وحده تركب و مرتزه
شهد : ههههه مو قلنا حب مراهقه ..
كانت متسنده على الطوفه الخارجيه وقريبه من الباب مكتفه أيديها وتسمع بهدوء لهن
بشاير تبتسم : آه ياشهد وآه منك تحبين وتكابرين ذكرتيني بنفسي بس ما يهون علي تمرين باللي مريت فيه طول 3 سنوات أحب وكاتمته (طلعت جوالها)
بشاير : ألو
عمر : هلا وغلا بالزين
بشاير : هلا فيك شخبارك عموري شخبارك
عمر : تمام وأنت
بشاير : بخير عمر أسمع بقولك شيء
عمر : خير
بشاير : أنت تبي شهد للحين
عمر : آه من شهد عذبتني برفضها ..
بشاير : لا تتنازل عن شهد أبدا
عمر بحزن : رافضه يا بشاير مر أسبوعين من خطبت وأنا ما أبي أجبرها ..
بشاير : خالي والله شهد تحبك تحبك لا ومن زمان بعد
عمر : ما أظن اللي يحب يعذب حبيبه ليه رافضه
بشاير : مدري يمكن خوف أو تردد بس لا تتنازل
عمر : شنو تبيني أسوي أمسكها بشعرها وأقول تزوجيني غصب لاني ولد عمها ولا ولد خالها وأجبرها ..
بشاير : طيب والحين
عمر : مدري إذا عايفتني خلاص ما بجبرها بشوف دربي بتزوج
بشاير : لا عمر لا تيأس دخل جدتي سلمى تدري جدتي عايشه ماترفض طلب لها تكفه خالي شهد تحبك والله تكابر بس
عمر : خير خير تبين شيء
بشاير : لا باي
عمر : باي
@storykaligi
💕 357 🎀
نعود للبنات ........
نجد : أسيل لك ربع ساعه ساكته
أسيل تطل من الشباك : صعب نتصرف يبيله تفكير ..
رنا : والتصوير
نجد : هذا الشيء يبيله رجال يتصرفون هذي عرضنا ..
أسيل : صدقتي بس خليني بالأول أشوف هالمتهور راشد يله أنا رايحه
نزلت أسيل للصاله كان البنات جالسات الكبار .......
روابي : وينك أسوله
أسيل تبتسم : موجوده آمري
روابي : بغير للجرح وتاخذين الدواء ياربي كأنك بزر ندورك عشان الدواء ..
أسيل : هههههه لا بس أنشغلت مولازم الحين شوفي مافيه شيء ..
حمد (توه داخل وسمعها) : لالازم السلام عليكم
الكل : وعليكم السلام
حمد : روابي غيري لها على الجرح
أسيل : بعد الغدا روابي
روابي : الغدا توه
أسيل : والله مشغوله حمد
حمد : هلا
أسيل : راشد موجود بالخيمه
حمد : أيه خير ؟؟
أسيل : سلامتك يله باي
عايشه : هذي علامها ؟؟
طيف : يمكن الطقه أثرت على مخها ههههه ..
حمد بحده : طيف حدك
روابي : حمد الله يهداك طيف تمزح ..
طيف : أيه أمزح
حمد : أنا بغرفتي إذا حطيتوا الغدا خبروني ..
روابي : تامر ياخوي
حمد اللي صعد ويشوف أسيل من الشباك شنو تسوي
أسيل تمسك يده : تعال راشد
راشد : يا أسيل ما أبي أسمع شيء
أسيل : راشد حرام عليك رنا والله شريفه ليه تقول كذا ..
راشد : ويوسف اللي تكلمه وتقول أنتظر خلنا نتفاهم
أسيل : أسمع السالفه من الأول يا خوي ..
خبرته أسيل بكل شيء عن يوسف من الأول بس ماقالت له عن التصوير وعلل عصبيتها أنه عرفها ويبي يخطبها وهو عارف أبوها مايرده لأنه ولد عز
أسيل : وأنت بدل لا تحل الموضوع طينته ..
راشد : الله يلعن الشيطان اللي خلاني أشك فيها ..
أسيل : تعترف انك غلطت عليها صح
راشد : أعترف بس ماراح تسامحني
أسيل توقف وتغمز له : أنت وشطارتك يله باي
راشد يبتسم : باي
مشعل أول ماشاف أسيل تبعد راح لراشد : بشر عرفت السالفه ؟؟
راشد : أيه كنت غلطان
مشعل : مو دوم أنت عصبي شفت قلت لك في شيء غلط مهما تكون هذي تربية جدتي عايشه ..
راشد : طيب الحين شنو راح أسوي ودي أعتذر منها ..
مشعل : صعب ترضى بسهوله
راشد : صدقت هذي (أبتسم) دلوعتي ..
مشعل : أخاف تحاول ترضيها تزيدها أقول خل الأمور ماشيه كذا ..
راشد : شايف كذا
مشعل : أيه خلها تجي بروحها ونشوف
راشد : طيب
أما أسيل اللي تتمشى صوب الحظيرة رن جوالها....
أسيل : ألو
عايشه : أسوله حطينا الغدا وينك ؟؟
أسيل : مو مشتهيه بروح للوضحه ..
عايشه : لا تركبينها مثل أمس
أسيل : لا ما أبي أركبها بشوفها بس
عايشه : نشيل لك أكل
أسيل : لا ما أبي باي عيوش
عايشه : باي
أسيل دخلت الحظيره وتفحصتها خافت اللي صار أمس أثر عليها بس أرتاحت يوم عرفت ما صابها شيء سحبت حزمة تبن وحطتها قدامها وقعدت مقابل للوضحه اللي تنزل راسها لأسيل تمسح عليها بحب وسرور
أسيل : آه يالغلا كيف أتصرف محتاجه لسند محد حولي أبي أرسى على أرض شنو أسوي و وين الحقيقه مو قادره أحدد مشاعري (أبتسمت ) زمان قالت طيف شيء لو قالت الحين قلت صح لسانك صدق تقصديني بهذي ..
""أبيه و ما أبيه! و لا يغيب بكل حزاتي""
""احبه و أكرهه مدري! أحبه و ألعن أوقاته""
""ليا من غاب عن عيني افكر فيه و أحاتي""
""و إذا عندي يضايقني كلامه و اكره سكاته""
@storykaligi
🎀 358 💕
هههههههه صدق زمان والحين زمان (قطع سرحانها صوت جوالها يرن مره ومرتين وثلاث واللي يتصل ماتعرفه وشكله ملزم ) أرد أحسن (بعصبيه) : ألو خير
: خير بوجهك علامك معصبه ؟؟
أسيل عصبت : شنو دخلك وليه متصل علي ؟؟
(عصب من أسلوبها) :ماانتي صاحيه أسيلوه وجع تكلمي عدل ..
أسيل أنصدمت : حمد آسفه ماكنت أدري انه انت ..
حمد : ليه ماتعرفين رقم رجلك ؟؟
أسيل : لا لأني (بأستهزاء) زوجي ماعطاني الرقم أبدا شنو أغصبه ..
حمد : زين ليه ماتعرفين تطلبينه ؟؟
أسيل : صعب
حمد : صعب تطلبين من زوجك ؟؟
أسيل : بلاش هالكلام الحين تبي شيء
حمد : أبي افهم بالأول ليه صعب أنا مو غريب
أسيل : بسألك أول عندك أحد
حمد تعجب : أحد ليه ؟؟
أسيل(بأستهزاء) : لأنك تتكلم عدل بدون صراخ معناها لابس القناع ..
حمد حزن وهو عارف صعب تصدقه وتغفر له : ليه لهذي الدرجه صعب تصدقين ؟؟
أسيل : ترمي الكلام تظن قلبي بيجهلك أصعب الكلام اللي جروحه ماتروح ..
سكرت الجوال ماتبيه يسمع بكاها قامت تفكر بكلامه
ههههه كيف ينسى بسهوله الكلام اللي قاله كيف ينسى الجرح فأول الفرحه كيف ينسى التنازل وراجع يقول زوجك ..
مسحت دمعتها وسرجت الوضحه ضاربه لكل تحذيراتهم لها بانها ماتركبها عرض الحائط دخلت الحلبه تركض فيها تتمنى لو تطير معها لمكان مافيه بشر ولا جروح حست بضغط براسها وتعب نفسي هدت سرعتها ماكانت للحظه تظن أنه ممكن يجي بس تفاجئت يوم شافته واقف بهيبته وكشخته المعتاده أشرلها تقرب ماكانت تبي تقرب بس مجبوره تلتزم للأوامر قربت بالوضحه لين وصلت له بس مانزلت عنها
أسيل : هلا
حمد : أنزلي عن الوضحه يا أسيل
أسيل : حمد
حمد أبتسم يخفي عصبيته الواضحه لها : أقول نزلي وماراح أكرر كلامي ..
أسيل نزلت بس وقفت بعيد عنه شوي : هلا
حمد أشر بأيده : مدحت مدحت
أسيل : مدحت ليه تبيه ؟؟
مدحت : أيوه يابيه
حمد : خذها
أسيل وهي تشوف مدحت ياخذها ويبعد فيها ..
أسيل : حمد وين ماخذها ؟؟
حمد : أنا والكل مو قايلين لك لا تركبينها بعد اللي صار أمس ليه ماتسمعين الكلام بطلعها من المزرعه ..
أسيل : لا حمد أسمع بس خلها تكفه لا تبعدها
حمد : أنتي تنسين العالم لما تكونين معها
أسيل بحزن : لأن العالم نساني خلها حمد صدقني ما أركبها
حمد : طيب بنشوف والحين ليه ما غيرتي على الجرح وماتغديتي ؟؟
أسيل : مو مشتهيه شيء وجرحي مافيه شيء ..
حمد : والدم هذا شنو
أسيل تلمس جبينها : دم عادي حمد الوضحه ..
حمد : طيب بشوف هذي المره يا أسيل آخر مره والله والله لأطلعها من المزرعه فاهمه ..
أسيل : فاهمه
حمد : يله قدامي خلينا نروح لدارنا ويغيرون لجرحك وترتاحين
أسيل : وين لا بجلس هنا
حمد : شنو تجلسين هنا الجو بارد وغيمت يمكن تمطر
أسيل : ......................
حمد بخبث : إذا مامشيتي قدامي بشيلك
أسيل فتحت عيونها تعرفه متهور : لا لا لا أقدر أمشي الحمد لله
حمد أبتسم : طيب يله قدامي ..
أسيل : لا مايصير الرجال قوامون على النساء حضرتك قدامي
حمد مسك يدها : مع بعض
أسيل حست بكهرباء تسري بجسمها من لمسته لها حست قلبها طبول رجفت من لمسته وقربه أول مره يكون بينهم تلامس ..
حمد حس أنها وقفت التفت لها : علامك ؟؟
اسيل سحبت يدها وضمتها بأيدها الثانيه : ولا شيء يله خلنا نروح
حمد : أسيل فيك شيء ؟؟
أسيل هزت راسها بلا : أنا بسبقك باي
حمد : أنتظري أسيل أسيل
أسيل تركض رغم أحساس الضغط بس تبي تبعد وهي تهمس ..
أسيل تخفي دمعها : كيف ياحمد تطلب أنتظر وأنت ما انتظرت ذبحتني لا تتأمل ولا أتأمل أصلا ماعدت أفهمك أو أفهم شيء منك ..
دخلت غرفة البنات ولقت روابي اللي هزئتها وعايشه اللي كملت عليها لأن الجرح ينزف غيرت لها الشاش وأضطرت تعطيها أبره عشان تنام لها كم يوم ما تنام وخافت يلتهب الجرح وأسيل ماصدقت تحط راسها تنام أعتقدته من التعب ما ضنت للحظه أنه من الأبرة .. المخدره اللي عطتها روابي بدون علمها (بتعرفون ليه ^_^)
@storykaligi
🎀 359 💕
أما بغرفة الجده.....
الجده تسمع طق : أدخل جراح
جراح دخل وهو يبتسم : كيف عرفتي أنه أنا ؟؟
الجده : لأنك مميز بطقك أجلس حبيبي
جراح يحب راسها ويجلس : آمري أحمد قال لي أنك تبيني ..
الجده : أول شيء أبوك وخالتك متى بيجون
جراح : بكره الظهر هنا بأذن الله
الجده : أن شاء الله
سكتت وجراح يطالع لها تسبح بأيديها وباين تبي تقول بس مو عارفه كيف ..
جراح : جده خير
الجده : خير بأذن الله مناير بنت عمك جوها خطابيه ..
جراح أنصدم وتوه بيتكلم بس زادت صدمته يوم عرف من خطبها : ..............
الجده : سلمان ولد خالتها خطبها
جراح في نفسه : سلمان لا مو معقوله سلمان أغلى ناسي لو يطلب عيوني ماوفيته حقه بس هذي مناير حبك وهذا سلمان أخو دنيه أخوي اللي ماجابته أمي خوي درب رفيق سفر ودراسه لا لا كيف الحين آه مالي قدر فيك يامناير لو غيره كان رفضت ووقفت وقلت تحملي عقدتي لين تفك بس سلمان(لف لجدته بفرح) صدق نذل ماقال لي ألف مبروك خلني بس أشوفه ..
الجده : فرحان أنها بتروح منك ؟؟
جراح رفع حاجبه : تروح
الجده : مو انت تبيها
جراح : جده مناير حسبت أختي وما فيه غير كذا وسلمان ونعم الرجال يستاهل والنعم فيه وكلن ياخذ نصيبه ..
الجده : يعني ماتبيها سامح
جراح : مناير بنت عمي وسلمان صاحبي وأتمنى لهم السعاده والزواج ما أفكر فيه لا من مناير ولا من غيرها خلها تشوف نصيبها ..
الجده : على راحتك
جراح يوقف : تامرين على شيء ؟؟
الجده : وين أجلس معي ..
جراح يحب راسها : الشباب ينتظروني مع السلامه
الجده : مع السلامه
بعد صلاة العصر ......
جلسن الحريم الكبار برا البيت لأن الجو حلو حبن يجتمعن مع الجده ومحسن اللي حب يجلس معهم
محسن : يمه للحين يعورك رجولك
الجده : خابر البرد وش يسوي
محسن : الله يخليك لنا تدفي
أم أحمد : ترى يا أبو احمد الجماعه ردوا علينا ..
محسن : خير شنو قالوا ؟؟
أم أحمد : موافقين وقالوا وين راح نلقى نسب أحسن منا
أم خالد : والله سوسن زينة البنات يتهنون يارب
الجده : خلاص الله يهنيهم يمه عجلوا بالعرس لا تأخرونه
محسن : لا يمه إذا ملكنا مايصير شهر إلا معرس ليه ننتظر كل شيء جاهز
الجده : زين والثانيين
البنات : السلام عليكم
الكل : وعليكم السلام
محسن : من قصدك يمه ؟؟
الجده تناظر شهد اللي تصب القهوه : شهيدوه
شهد تاخذ قطعة حلى : علامها شهيدوه يا قلب شهد ؟؟
الجده : ماتبين تنزلين الجنون اللي براسك وتاحذين عمر ..
شهد وهي تشرب القهوه شرقت : كح كح كح والله ما آخذه أبو العصاقل
محسن بعصبيه : شهد وجع أسمه عمر ماتستحين ..
شهد : هو السبب ما يستحي قلت له مابيه غصب
أم أحمد : وعلامك رافضته عمر زينة الشباب ..
شهد : يمه ما بيه كيفي ..
الجده : بلا عياره محسن أم عمر دقت اليوم طلبتها من ثاني وكلها أمل توافق يمه لا تردها طلبتك ..
محسن يبوس راس أمه : ماعاش من يردك ويردها قولي لها متى تبي الملكه ..
شهد مصدومه : يبه !!
@storykaligi
🎀 360 💕
شهد مصدومه : يبه
محسن خزها : ولا كلمه قلت شيء ما أثنيه ..
شهد وقفت وهي تصيح دخلت البيت : ظلم ظلم أكرهه ..
محسن : روابي كيف اسيل الحين ؟؟
روابي : بخير ياخال بنفسي غيرت لها الجرح ونامت ..
الجده : إلا وينها الحين ؟؟
بشاير تطالع البنات وأبتسمت : جده نايمه ..
الجده : عساه نوم العوافي يارب ..
أم أحمد : إلا عويش وينها ؟؟
هيام : نايمه يا خاله تقول الوقفه تتعبها
سعاد : عاد أنا موصيتها ماتولد قبل العيد
هيام : شكلها بتولد قريب
أم أسيل : لا هذي فروع ماصار لها أسبوع داخله شهرها تو الناس ..
أما أسيل اللي توها تصحي طالعت ساعتها
أسيل : أوه نمت للساعه 6 ليه ما صحنـ......(لفت حولها) أنا وين ؟؟
حمد أبتسم ما أنتبهت له : عندي أنا
أسيل لفت للجهه الثانيه من السرير كان جالس وماد رجوله ويقرا بملفات موزعهن قدامه على السرير تعدلت بسرعه
أسيل : حمد !!
حمد يبتسم : عيونه ..
أسيل عقدت حواجبها : أنا أذكر كنت نايمه عند البنات كيف جيت هنا ؟؟
حمد بخبث : شلتك وأنتي نايمه ..
أسيل كتفت أيديها : شنو شنو أحلف ..
حمد يدعي البراءه : والله
أسيل : ومن قالك ؟؟
حمد رجع يطالع الملف اللي بأيده وببرود : كيفي زوجتي ..
أسيل بدت تعصب : بس أنا ما أبي أنام هنا وبعدين أنت كل مانمت جبتني لغرفتك ..
حمد رفع حاجبه : نامي هنا ولا أجيبك ..
أسيل : لا لا لا
حمد : أجل مافيه طلعه من هنا
أسيل بعند : لا بطلع وبطلع وبعد بطلع
حمد : ههههههه هذا إذا حصلتي المفتاح
أسيل : طيب بروح أجيب لي ملابس وأجي
حمد : ههههههه مو نقلت أغراضك هنا بالدولاب ..
أسيل شهقت : متى وكيف ؟؟
حمد : و أنتي نايمه خلاص مالك عذر تباتين هنا ..
أسيل تحط يدها على خصرها : لا والله أيش الله تغير خلاك تصر أني أبات هنا
حمد : أبدا كذا
أسيل توقف و تطلع من الغرفه لغرفة الجلوس و تتربع :أف ..
حمد يجلس و يحط رجل على رجل و بإستهزاء : علامك تتأفأفين ؟؟
أسيل بعناد : كيفي و بعدين شنو هذا حابسني خليني أطلع حمد
حمد : ههههههه حلوه ايه حابسك ..
أسيل : حمد جوعانه باكل ..
حمد يطالع لها بنص عين : أيه مثل البارح صح ..
أسيل: حرام عليك والله جوعانه ما أكلت من أمس ..
حمد : ثواني بتأكلين ..
أسيل : طيب
حمد : روحي صلي فاتك العصر والمغرب ما صار وقت وأذن
أسيل : طيب
توضت أسيل و رجعت لقت حمد على مكانه والأكل قدامه
أسيل : متى جبته ؟؟
حمد : جابته دادا لك
أسيل لفت على الباب :........................
حمد يبتسم : لا تخافين المفتاح معي ..
أسيل تخبط برجلها بالأرض بعصبيه : أكــرهــك أكــرهـــك بطلع بطلع ..
حمد : طيب كلي و بعدين طلعي
أسيل : مــا أبــي
حمد : أسيل أنتي من أمس ما أكلتي علامك ما تخافين على نفسك ؟؟
أسيل بعصبيه : لا لا لا ما تهمني نفسي
حمد يمسك يدها بعصبيه : علامك منتي صاحيه مجنونه الظاهر الضربه أثرت على مخك مثل ما تقول طيف
أسيل تحاول تفك يدها و تضربه على صدره بعصبيه : المجنون أنت و طيف أتركني أتركني ..
حمد يمسك أيدها الثنتين بعصبيه : أسيل ترى طولت بالي عليك لا تختبرين صبري كلي و أنتي هاديه (بصوت عالي) فـــــــــاهـــــــمــــــــــه ..
أسيل : زين هدني
حمد : يله قعدي و أكلي ..
أسيل تطالع الأكل و تطالعه : حمد
حمد بدأ يفقد صبره : خير ؟؟
أسيل : سوري ما أحب الرز
حمد : طيب كلي سلطه ودجاج
أسيل : حمد عفيه والله ما أبي خلني على راحتي ..
حمد : أنا بسألك كيف عايشه ؟؟
أسيل بهبال : عايشه بخير تلقاها بره ..
حمد خزها وبعصبيه : أسيل ..
أسيل كتمت ضحكتها وخافت تزودها يضربها : .....................
حمد : تاكلين ولاأأكلك أخلصي أختاري
أسيل : لا أنا آكل (أخذت شوية خياره ودجاجه قطعه) الحمد لله خلصنا خلنا نطلع عاد ..
حمد يطالع الأكل مستغرب : لا والله أحلفي هذا أكلك يعني ؟؟
أسيل : طيب باكل مع البنات على حزت العشاء موحابه أفقد شهيتي قبل العشاء ..
حمد : لنا ساعه أحايل فيك مثل البزر وهذا أكلك ..
أسيل (أبتسمت) : عاد شنو تشوي أخذت زوجه أكلها أكل عصافير
حمد غمز لها : وأحلى زوجه ..
أسيل ما أرتاحت لنظراته ووقفت : يله عاد أنت قلت إذا أكلت نطلع ..
حمد : مستعجله لهذي الدرجه ؟؟
أسيل : لا مو قصدي بس جمعت بنات ماتتعوض ..
حمد يوقف : طيب بس إذا جيتي تنامين نامي هنا ..
أسيل : أوكيه ..
@storykaligi