الفصل 76
❤️📝 روايات وقصص مميزة 📝❤️:
🎀 351 💕
أسيل عصبت من بروده وقفت لكن داخت وكانت بتطيح بس حمد مسكها وساعدها لين جلست مره ثانيه على السرير ..
حمد : قعدي أسيل أنتي دايخه للحين من الضربة ..
أسيل : طيب ساعدني لين أروح للفراش
حمد : أسيل خلاص أنتي مو عند غريب عند زوجك ..
أسيل في نفسها : ياربي شنو هالورطه بطلع مو متحمله وجوده وبعدين شنو زوجك عفيه نسى شسوي شسوي أيه لقيتها (لفت له) حمد جوعانه باكل ..
حمد أبتسم : طيب بروح أجيب لك شيء تاكلينه لا تتحركين ..
أسيل أبتسمت : طيب
نزل حمد و لقى عشى حطه بالميكرويف وصب قلاص لبن بحليب وصعد
حمد : أحلى عشـ... (يتلفت) هذي وين (حط الصينيه على الطاوله وأخذ الورقه المحطوطه )... حمد أنا رحت أنام عند البنات تصبح على خير يا زوجي ..
حمد حس انها تستهزئ خصوصا بكلمة زوجي عفس الورقه ورماها بعصبيه
حمد : هين يا أسيل هين أنام وبكره لي تصرف ثاني معك سويتيني مثل البزر ضحكتي علي أف ..
نزع البلوزه ورمى بنفسه على السرير ونام من التعب والسهر والخوف عليها ..
على الساعه 9 رن المنبه اللي موقته حمد صحى وأخذ دش وصلى ونزل للصاله تنحنح ودخل ..
حمد : السلام عليكم
الكل : وعليكم السلام
حمد طالع لأسيل اللي جالسه عند جدته وعض على شفايفه وكانه يتوعد فيها وأسيل فهمته ونزلت راسها وهي تبتسم قرر يجلس جنبها ..
حمد بهمس لها : كيفك
أسيل منحرجه منه ومن نظرات الكل : بخير
حمد : كذا تقصين علي مو حرام عليك ..
أسيل : قلت لك ما طعتني
طيف بلقافه : علامكم تتهامسون خير ؟؟
أسيل أف أبتسمت : أبدا (طالعت لحمد ) بس أقوله
سلام ياكاسب غلا كـل مغليـك
يامالك زمان المراجـل بيمانـك
الطيب ساسك والعرب عزها فيك
لا ضاعت علوم الرجاجيل تنصاك
ربعك تفاخر وتفتخـر بطاريـك
لاهان ذاك اللي على الطيب رباك
أسيل تبتسم : وسلامتكم ..
الكل : صح لسانك
الجده تبتسم : حمد شنو بترد عليها يله ..
حمد أبتسم : تستاهل اللي يرد عليها (لف ومسك يديها الثنتين بأيديه ) أقو لها
حي الصباح اللي يساوي ملايين
واللي بدونك مالقى الصبح لونه
يسعد صباحك ياصباح المحبين
انا اشهد ان الورد بك يوصفونة
أسيل أنحرجت وسط تصفيق الكل وتصفير البنات إلا بدخلة أحمد وفهد وفراس وراشد ومشعل توهم صاحين تنحنحوا ودخلوا
الشباب : السلام عليكم
الكل : وعليكم السلام
أحمد : علامكم خير فيه مباراة للمنتخب ؟؟
بشاير : لا والله ياخوي مباراة للشعر والغزل بين عرسانا الجدد
الكل : ههههههه ..
مشعل : أوه أجل جالسين ..
فهد يجلس : أول الحمد لله على سلامتك أسيل
أسيل : الله يسلمك ياخوي
راشد : خوفتينا عليك يالغاليه
أسيل تبتسم : بسم الله على قلبك
فراس بخبث : أما الحبيب اللي جنبك بقى يموت (يقلد صوته) أسيييييييييييييييييييييييييييل ..
@storykaligi
🎀 352 💕
فراس بخبث : أما الحبيب اللي جنبك بقى يموت (يقلد صوته) أسيييييييييييييييييييييييييييل
حمد أخذ كوشيه ورماها عليه : جـــــــــــــب ..
الكل : ههههههههه ..
حمد يهمس لها : تضحكين علي وأنا كنت خايف عليك
أسيل أبتسمت : ................................
مشعل : شنو بعد قلت لها شعر سمعنا
حمد أبتسم : أقول لها
سيد الإحساس من بإحساسه يجاريـك
من قال انـه وصـل للشعـور كـذاب
تطري علي يا كثر ما سـرح بطاريـك
وارسم خيالك واحبسه بيـن الأهـداب
و أغمض عيوني بالأجفان و أغطيـك
وافتـح أناظـر مـن زود الإعجـاب
اعجاب خلاني اعشقك وامـوت فيـك
ولولا الحقيقة كنـت ظنيتـك سـراب
ايه احبك يا منـى الـروح و أغليـك
لو شاب راسي منك القلـب مـا تـاب
لو قلت احبك ما وفيت إحساسي فيـك
و لو قلت أعشقك أكون مغالط بالحساب
انت حب لـو فقدتـه العيـن تبكيـك
بعـدك حياتـي عـذاب فـي عـذاب ..
حمد : وسلامتكم
الكل : صح لسانك
روابي : الله لا يجيب فراق ياخوي (طالعت لأسيل اللي نظرتها حزن وغمزت لها) يالله أسوله أغلبيه ..
أسيل في نفسها : مشاعري مشتته كيف أردها لك ومدري صادق ولا لابس القناع (طالعت لحمد تتأمل عيونه) مدري شنو هاللي في عيونك نظره غير عن اللي كنت أشوفها تحدي جديد ولا قدام الناس ولا من صدق مو قادره أحدد بس لازم أرد ولا مجبوره الله يهداك ياحمد لازم ..
الجده : هاه أسيل شنو تردين عليه
أسيل بحرج :
محد يغلب سيد الأحساس بس بقول له
العشق من غير قربك سايرا كنـه هـلاك
والعمر لي وش يساوي دام اني ماني معاك
لو ادور الكون كله ماملا عينـي سـواك
ساحرا قلبي وعقلي والبلا بسمـة شفـاك
إن بعدت ازداد شوقي وكل يوما في طراك
وإن قربت اشعلـت نـاري فـي هـواك
كل يوم وكل ساعه انتظـر لحظـة لقـاك
واتذكر كيف نجلس وكيف كنـا يـوم ذاك
يوم اقلك يا حبيبي ترد لي يا نعم لبيك جاك
وقتها الدنيا با اكملها ما تسع مشيت خطاك
وانا اقول اكثر تدلل واطلب اعيوني وهاك
يكفي اشوفك وسط قلبي زيدا والله غـلاك
فراس : يسلم فمك ولسانك (لف لبشاير) ماتتعلمين غزل ومدح ..
بشاير : لا أحلف ياقيس بن الملوح كل يوم وأنت تصحيني على قصيده وتنيمني على قصيده ..
فراس غمز لها : والله اللي يكون معك ينسى نفسه كيف عاد قصيده ..
الكل ضحك وبشاير أنحرجت وسكتت
راشد : أقول فطرونا خواتي ياخواتي
عايشه : لعيونك أحلى فطور ثواني بس
أحمد يمسك يدها ويردها تجلس : وين قعدي يالله يالله تشيلين بطنك خلي الخادمات يسون له ..
راشد : أهب ياشينك أنا مسكين أمي وأبوي راحوا لمكه إهئ أهئ أهئ جوووووووووعااااااااااااااااااان أهئ أهئ ..
نجد ورنا وسلوى : السلام عليكم
الكل : وعليكم السلام
نجد : من اللي يبكي
راشد يرفع يده بأدب ويقلد الطفل ويبوز : أنا أنا ما يعطوني فطور أمي وأبوي راحو وأحمد البطه عيا يخلي عيوش تجيب ..
رنا في نفسها : بموت يهبل يا ناس يهبل فديتك يا لبى قلبك ...
نجد تنغزها حست انها سرحت ومسكت يدها معها : أفا مايصير لؤلؤ ينزل من هالعيون رشود ثواني يالغالي أحلى فطور عندك ..
راحت نجد وسحبت رنا وسلوى كاتمه ضحكتها على شكل رنا دخلن المطبخ
سلوى ونجد : هههههه ..
رنا تحط يدها على صدها : فديته يهبل يهبل يلبى قلبه صغنوني
نجد : ههههه رنا خلاص وربي شكلك كأنك غبيه يوم تطالعين ..
رنا : أطالع هو بروحه يلفت إذا موجود
سلوى : الحمد لله أقول عقلي لا يكتشفون اللي أكتشفناه يا عاشقة بصمت ..
رنا حمرت خدودها : لولا عيوني ما كان أنفضحت قدامك عاد أنتي ما تسكتين خلقه ..
سلوى : يالبى قلبه هاه
رنا : بس
نجد وسلوى : ههههه ..
نعود للصاله ......
@storykaligi
🎀 353 💕
أسيل رن جوالها : ألو ........ صباح النور يالغالي ........ بخير ياقلبي ........ ثواني بس ...... أوكيه باي ..
حمد يهمس لها : وين ؟؟
أسيل : عبود يبيني ثواني بس ..
حمد : طيب بس لاتقولين لأحد غالي أو قلبي أو كلام حلو فاهمه ياويلك بذبحك ..
أسيل أبتسمت : تغير ..
حمد : أغير لا تضحكيني وبعدين اللي أقوله يتنفذ بدون نقاش فاهمه ..
أسيل طالعت له بنظرت حزينه كانت تجس نبضه بتعرف تصرفاته صادقه اليوم والا لا و(همست له بأذنه):
تجرح وتنساني ولا اقدر اسألك
من يسأل الجراح عن جور الجروح
واذا سألتك قلت لي وش مزعلك ؟
واذا سكت القهر فـ قلبي ينوح
ترمي الكلام تظن قلبي بيجهلك
اصعب كلام اللي جروحه ماتروح
دايم افكر كيف اقدر اوصلك
وانت تفكر كيف تهديني الجروح
تركته أسيل وهي تتمنى تخنقه من الغيض بس ما تقدر مالها حكم على مشاعره كل ماتحاول تغفر له يزيد بالذنب من ناحيتها خلاص كفايه تبرر له إذا قلبه حجر قلبها فولاذ
أما حمد تركته بدوامه يسترجع الكلمات
تجرح ...... جروح ........ قلبي ينوح .... تهديني الجرح ..
شنو زعلها ماقلت شيء شفيها ..
روابي تمد نسكافيه : حمد حمد حمودي ..
حمد اللي سرحان توه ينتبه : هاه هلا
روابي : تفضل يا خوي
أحمد : راحوا الحبايب
حمد أبتسم وأخذ النسكافيه : راجعين يابو محسن بأذن الله بروح للمجلس روابي عطيني كوب ثاني لعبدالله
روابي أستحت وحمر وجها ونزلته ومدت لأخوها قلاص ثاني : تفضل ..
نجد والبنات شايلات الفطور وحطنه قدام الشباب اللي ما صدقوا أكل قدامهم
سعاد : علامكم بشويش مفاجيع ..
الجده : ذكري الله لا يغصون
أمينه : يا حليلهم عرسانا ونسونا بالأشعار
أم حمد : الله يهنيهم
الجده : أيه والله يرزقهم بالخير
مشعل : جده شنو رأيك في بيت شعر
أم أحمد : مشعل شاعر من متى ؟؟
مشعل : يايمه الظروف تجبر نشعر
الجده : سمعني يا ولد محسن
مشعل : طيب أبي أحد يرد علي بشعر<< عارف أن نجد تحب الشعر وتحفظه
نجود تعمدت : نجد تعرف شعر
نجد : لا ما أعرف ..
رنا فهمت نجود : لا والله والقصايد اللي تقولينها لنا بين فتره وفتره ..
الجده : يله مشعل
مشعل نزل راسه للأكل عشان عيونه ما تفضحه : يقولون
ياشوق أنا ماقوى الجفا من عيونك
ماأقوى يطول الصد بينك وبيني
ولا أتصور يوم عمري بدونك
أنت الهوى واللي بقى من سنيني
مشتاق لك ولنظره من عيونك
رغم أن طيفك ساكن وسط عيني
ودي أكون بوسط قلبك وكونك
ودي أحس بغيرتي ياظنيني
أهواك انا رغم انهم يعشقونك
غيري يحبك وانت مالك سنيني
اللي يحبك ياحياتي يصونك
وحبك تمكن في خفوقي وفيني
الكل يصفق له ونجد بصدمه تعرفه يقصدها بالكلام بس وقح كيف يعلن حبه لي وهو بيخطب بنت خالته صدق راحمتها ياقلبي عنها لو تعرف عن غدرك ما تقبل فيك هين والله لأردها لك ..
راشد همس له : لو منت بحسبت اخوي كان وطيت ببطنك تتغزل باختي قدامي ..
مشعل يبتسم ويهمس له : جننتني أعلنها قدام الكل أحبها وربي عقبالك ياراشد ..
راشد ابتسم وفي نفسه : بلاك ماتعرفني يا مشعل قلبي ما يحب قلبي غارق في حبها وينبض لها وبس يارب تحس فيني ويجمعنا ..
الجده : هاه يا بنت عبدالوهاب علامك صخيتي ردي علي
نجد : لا ياجده برد عليه
الجده : يله خلينا نسمع
نجد باستهزاء : خذ ياولد عمي يقولون
ما ني من اللي يقضي العمر باوْهام
ولا ني من اللي يتبعون السرابي ...
ولا أتـبع المقفي ولو عمري حْطَام
أدوس قلبي لو شـــقيت بغــيابي...
لي عـــزةٍ واشيلها بصــدري وسام
واصبر على جور الزمن والعــذابي ...
يكفي أمـــاني مالـــها حد واحــلام
ما ارضــي بها لو راح فيها شبابي...
أنا بشر لي قلب واحساس والْهام
لكن في الحزَّاتْ أعـــــــرف صوابي ...
ملّـــيت من صــــبري وباكــر وقدَّام
يا رب صــــبِّرني وخـــفف مصابي...
بين الرجــا والــياس ســاهر ولا انام
تَعَـــبتْ اردد صرخــتي في عتابي ...
خــلاص انا ملَـــيت من تبع لَوهَـــام
ولا أتبع اللي في حـياتي سرابي ...
مشعل وقف عن الأكل من صدمته يعني سراب حبه ما هي مصدقه أنه من قلبه وتعلن صراحه أنها ما تبيه ليه يا نجد ليه سمعي اللي قلته شوفيه كله ينبض لك ولخاطر ..
مشعل وقف : أسمحو لي
راشد وقف معه : مشعل مشعل أنتظر (لف لنجد بنظرت عتاب) مشعل ..
نجد صعدت غرفتهن تخفي دمعتها
نجد في نفسها : كيف يحبني وهو يبي ياخذ بنت خالته هذي خيانه ما أقدر أعلق قلبي بقلب ماهو ملكي ما أقدر الله يسهل لك دروبك
نجود وسلوى ورنا لحقنها وعاتبنها بس نجد ماردت عليهن ودخلت الحمام (وانتو بكرامه) تخفي دموعها عنهن ..
@storykaligi
🎀 354 💕
أما عند أسيل وحمد وعبدالله فله
أسيل : خلاص أنتو ..
عبدالله : أراهنك تحبني أنا
حمد : ذاك زمان الحين أنا وبس
عبدالله يحاوطها بايديه ويبوس خدها : فديتك مو أنا بس ..
حمد غار منه سحبها وضمها وباس خدها : لا أنا
وأسيل بينهم تحس ذابت من الأحراج هي عارفه أنهم يتعمدون بس رافضين يتركونها
عبدالله وحمد : هاه من تحبين أكثر
أسيل شافت ملاك تدخل أبتسمت : أحب ملاك أكثر ..
ملاك تركض لها وتضمها : وانا بعد أحبك موت ..
حمد غمز لها : لا مو جواب .
أسيل قدرت تفك نفسها وتمسك يد ملاك : تعالي نلعب وخليهم عنا
ملاك تمد لسانها لهم : تحبني انا بس
حمد وعبدالله : ههههه ..
ما صدقت تطلع عنهم تحس مولعه نار من الأحراج وتحمد ربها دخلت ملاك أنقذتها منهم أبتسمت على شكلهم يوم يتحدونها وركضت مع ملاك للمراجيح يلعبون
أما عند البنات......
سلوى : خلاص اللي صار صار ...
نجد تمسح دموعها : خلاص تكفن أنا مو قصدي أجرحه بس ما أبيه يتعلق فيني أنا قلبي مو للحب أرحموني ..
رنا : كان عطيتيه فرصه
نجد : وليه ما عطيتي يوسف فرصه
رنا : ........................
نجد : آسفه مو قصدي والله رنا آسفه
رنا : عادي يا قلبي
نجود : خلنا ننزل تحت نتمشى ونغير جو
نجد : مالي خلق أنزلن انتن ..
نجود في نفسها : ياليتني أقدر أقول لك الحقيقه أنتي تضنين مشعل بياخذ بنت خالته لو أقولك أنها خطه بيعرفون مشاعرك ناحيته وانا ساعدتهم بس ألحين متندمه كثير بصارحك بس عارفه ماراح تغفرين لي .. (لفت للبنات): خلنها على راحتها يله ننزل
قامن يتمشن والمناظر والجو حلو كثير
رنا ترد على جوالها : ألو هلا بدنونه
: أنا مو دانه أنا يوسف
رنا تجمدت : يوسف
نجود وسلوى : يوسف
رنا : ليه داق علي
يوسف : كيفك يابنت محمد سلطان يالفقيره
رنا ماحبت طريقته : خير أيه أنا بنت محمد سلطان
يوسف : ليه كذبتي علي ليه خليتيني مغفل
رنا : محد طقك على أيديك قلت لك من الأول ما أبيك ليه ما تفهم ..
يوسف : بس أنتي دخلتي مزاجي
رنا : مثل ما دخلت أطلع ..
يوسف بحده : لا يا رنا بعدك ماعرفتي يوسف أنا اللي يدخل مزاجي ما يطلع ؟؟
رنا : يعني شنو
يوسف : تصدقين أنا ما كنت عارف أنك بهذا الجمال تفاجئت يوم شفتك ..
رنا بصدمه : شفتني !!
#انتهى
مكملين معكم غدا" بإذن الله انتظرونا......
@storykaligi
🎀 355 💕
رنا بصدمه : شفتني ؟؟
يوسف : أيه شفتك عليك شعر وقوام والتنوره الوردي بأسود تهبل عليك جسمك روعه ..
رنا بلعت ريقها وغمضت عيونها : يوسف انت شفتني ببيت أهلك صح
يوسف : أيه هههههه يوم جيتي مع بنات خوالك تباركون لدانه على الملكه تصدقين ما قدرت أطلع لين أملي عيني منك ومن شوفتك (وبخبث) وعشان ما أنساك صورتك بجوالي ..
سلوى ونجود يسمعن الحوار وقلوبهن طبول من الخوف
رنا بصدمه : لا لا لا لا حقير ليه ..
يوسف : هههههه دقي علي تعرفين رقمي إذا تبينا نتفاهم يا حلوه ههههههه ..
رنا : يوسف يوسف أنتظر خلنا نتفاهم يوسف
ما عطاها مجال وسكر بوجهها رنا حست دمعتها بتنزل بس الصدمه وقفت دمعتها بصرخته آخر شخص تتمنى يسمع اللي أنقال
راشد : رنا ...
البنات التفتن لراشد اللي باين عيونه تتضرب شرار معناها سمع
رنا ترجف : ر ر رر ر راشد
نجود خافت : راشد أسمع ..
راشد بعصبيه : جب جب ولا كلمه (لف لرنا) من يوسف ؟؟
سلوى : راشد أنت فاهم الموضوع غلط
راشد زادت عصبيته : قلت جب جـــــــــــــــب جب ولا صوت
رنا : مالك دخل ؟؟
راشد مسك يدها بعصبيه : مالي دخل يالحيوانه من يوسف تكلمي ؟؟
رنا بعصبيه : ماني حيوانه واحفظ لسانك ومالك دخل فاهم وخر عني ..
راشد يشد على يدها ويصر على ضروسه : رنوه تلمي لا أدفنك هنا تكلمي أحسن لك من يوسف ..
رنا بعصبيه تخفي خوفها منه : تخسي
راشد فقد اعصابه ورفع يده عطاها كف نزل مثل الصاعقه على خدها وسلوى ونجود شهقن
طراخ ..
رنا تجمعت دموعها من الصدمه والألم : تضربني أنا رنا أنضرب ..
راشد بعصبيه : أيه تنضربين وأكسر راسك فاهمه ..
رنا مسكت نفسها عن الصياح وبتحدي : ماعاش ولا كان اللي يكسر راسي فاهم وأنت و رحمة أمي يا راشد لا تندم على الكف قد شعر راسك
راشد بتحدي وعصبيه : تخسين ما جابتها أمها اللي تندم راشد بن عبدالوهاب ويوسف هذا راح أعرفه وأوصل له وساعتها ياويلك وياويله
تركهن راشد ورنا واقفه بشموخ لين غاب عن نظرهن انهارت ومسكتها سلوى ونجود قبل تطيح ..
نجود : رنا رنا ..
رنا تبكي : صدمتين بيوم واحد ضربتين بالراس توجع يوسف الحقير مصورني وراشد يضربني راشد يجرحني كنت أضنه لي الدواء صار الجراح ..
أسيل لمحت اللي صار وجت لهم ركض ..
أسيل : رنا فيك شيء شنو صار ؟؟
رنا ونجود وسلوى شافنها ودخلن بدوامة بكي وأسيل مو فاهمه شيء ..
ملاك : ليه يصيحن
أسيل : يوه ملوكه تحبيني صح ..
ملاك : أيه
أسيل : لا تقولين لأحد شيء يالشاطره وروحي العبي عند المراجيح زين
ملاك : حاضر
أسيل تسند رنا : يله خلنا ندخل ونتكلم داخل
حمدن ربهن أن الوقت وقت صلاه محد موجود بالصاله وصعدن بشويش لين غرفهن ..
نجد بخوف : رنا علامك طايحه ؟؟
رنا تهز راسها بلا : ..............
أسيل بعد ما جلسن : قولن لي شنو اللي حصل ؟؟
البنات يتبادلن النظرات وخايفات من الجاي ونجد مو فاهمه شيء
نجد : علامكن في شيء حصل ؟؟
نجود بهمس : يوسف ..
أسيل : يوسف من يوسف
نجد : لا تقولين رجع يتصل
رنا : أيه (وحطت وجها بين أيديها تصيح) الحقير مصورني يوم كنا عندهم نزور دانه ونبارك لها ..
أسيل بعصبيه : صورك كيف ومن قال لك هو ؟؟
رنا : قالي بكل حقاره وجرأه أنا ما ضنيت أنك حلوه لهذي الدرجه شعر وقوام والتنوره الورديه بالأسود حلوه على جسـ...
البنات لفن لنجد اللي شهقت وحطت يدها على فمها لا تصرخ ..
أسيل بخوف : علامك تكلمي ؟؟
#صباح_الخير
أحلى متابعين
@storykaligi