الفصل 74
❤️📝 روايات وقصص مميزة 📝❤️:
💕 341 🎀
بشاير مستغربه : أي معرس ؟؟
أوراد : معرس متقدم لهيام و ماتبيه
بشاير : لا تجبرونها عليه ..
الام : عيارت بنات هذا خامس معرس ماهي صاحيه بس مو على كيفها اليوم جاي يشوفها ..
بشاير : ما تقبل يا خاله بالعناد ترفض
الام : يمكن أن شافته تقبل عاد روحن كلمنها أقنعنها لا تفضحنا
بشاير و أوراد : تبشرين
هيام تبكي : ما أبيه ما أبي أتزوج
أوراد : أهدي شوفيه بالأول
هيام بعصبيه : ما أبي أقول ما أبي
بشاير : خلاص هو جاي اليوم و تعرفين عمي عصبي ..
هيام تحط أيديها على وجهها و تصيح : حرام البنت دوم مغصوبه ..
أوراد : أهدي شوفيه بعدين أحكمي قومي غسلي وجهك خلينا ننزل خالتي تحاتيك ..
هيام : أن شاء الله روحن بلحقكن ..
في بيت الجده ............
سعاد تدخل مع عيالها :السلام عليكم
الجده و رنا : و عليكم السلام
رنا تأخذ رزان : يويسي يا قلبي ..
سعاد :رنا يا قلبي خذيهم بكلم جدتك
رنا :حاضر خاله رياض روان يله بوريكم شى حلو ..
الجده : خير يمه ؟؟
سعاد (تقط لفتها و عبايتها ) :أمس قال لي فارس بيخطبون مناير لسلمان أول ما يرجع من الحج ..
الجده تفاجئت :ما قلتي له أن مناير لجراح ..
سعاد : قلت يمه قالي سكتي هو ما خطب ..
الجده : في هذا صادق الولد ما لمح لنا إذا يبيها ..
سعاد : يعني بتسكتين وياخذها سلمان منه ؟؟
الجده : ما أقدر أغصبه هو رجال
سعاد : غبي أن ضيعها مناير ماتتعوض
الجده : أهدي يابنتي أنا بقول له وبشوف رايه إذا يبيها البنت له واذا ماله خاطر فيها تشوف نصيبها والله يسعدها يارب إلا أبشرك ..
سعاد : خير
الجده : العنود خالة جراح وافقت على أخوك سعد ..
سعاد بفرح : الحمد لله ألف مبروك يمه ..
الجده : بس مايبون حفله ولا عرس بيملكون بالمحكمه بعد بكره وياخذها لبيته هي وأمها بعد ..
سعاد : الله عوض عليه العنود زينة البنات كلهن والله
الجده : أيه الحمد لله إلا تتغدين عندنا
سعاد : أيه فارس مشغول بروح أشوف ليندا شنو مسويه للغدا
نجد نزلت للصاله ....
نجد : السلام عليكم
الأم ونجود : وعليكم السلام
الأم : علامك يمه
#مساءالخير
أحلى متابعين
@storykaligi
🎀 342 💕
الأم : علامك يمه ؟؟
نجد : ولاشيء بكلم مها (رفعت التلفون) ألو مرحبا ..
مها : هلا نجد كيفك ؟؟
نجد : زينه
مها : زينه ولا نحول
نجد : خخخخخخ سخيفه ..
مها : لا النفسيه كلش مو حلوه
نجد : تقدرين تقولين كذا مهاوي تقدرين تجين ؟؟
مها : لا مقدر بنطلع للسوق انا والحان عشان البيبي
نجد : لحظه (تلف لامها) هلا
الأم : نسيت أقول لك بكره بنروح المزرعه خلي أغراضك جاهزة ..
نجد : المزرعه طيب الحين ... أول مهاوي بسكر أمي تقول لازم أجهز شنطتي بنروح للمزرعه
مها : بتعيدون فيها
نجد : أيه أبوي بيسافر بكره المغرب لمكه والأهل بيتجمعون هناك يله باي ..
مها : باي
سكرت وطلعت لغرفتها تزهب الشنطه ترتبها ..
نجود دق جوالها أستأذنت من أمها : ألو هلا
زياد : هلا وغلا
نجود : جهزت كل شيء للسفر ؟؟
زياد : أيه بس حزين
نجود : ليه فيك شيء ؟؟
زياد : بفارق الأحباب
نجود : زيودي بتروح للي أحلى من الأحباب وأفضل بتروح بيت الله
زياد : بشتاق لك كثير
نجود : وانا أكثر
زياد : بسألك قلتي لنجد عن مشعل ؟؟
نجود : أيه قلت بس خايفه
زياد : من شنو ؟؟
نجود : نجد لو عرفت أن خطبة مشعل كذب بس عشان نجس نبضها لاتذبحني ..
زياد : لا تخافين الحين عرفنا انها تحبه بس تكابر
نجود : أنت ماتعرف نجد مثلي إلا الخداع والغدر ما تغفر له ما تغفر له ..
زياد : كيف يعني ؟؟
نجود : نجد مره شافت مشعل وراشد مواعدين بنات كانت ترتاح لمشعل بس تخاف من الأرتباط حست بمشاعر تجاه مشعل بس هو مع أحترامي غبي غبي هدها بغلطه لا يمكن تغفر له
زياد : ماراح تسامحه يعني ؟؟
نجود : هو وشطارته بس الطريق قدامه مو معبد كله صخور وجسور يعديها لين يوصل ..
زياد : مشعل متمسك فيها لأخر الحياه مثل ما أنا متمسك فيك
نجود(أبتسمت) : ............................
زياد : نجود بشوفك
نجود : متى ؟؟
زياد : بعد شهر أقول بشوفك يعني متى الحين
نجود : شنو ؟؟
زياد : أقول بسكر بدق على خالي واطلبه أطلع معك
نجود : زياد لالا لا
زياد : شنو لا ماتبين تطلعين معي ؟؟
نجود : هاه مو قصدي بس عبود
زياد : ...................................
نجود : زياد
زياد : ...................................
نجود خافت زعل : زيودي حبيبي
زياد : هههههههه ..
نجود : ليه تضحك
زياد : أخيرا قلتي حبيبي يا حبيبة زياد
نجود : تتمصخر علي ولا شنو ؟؟
زياد : حبيبتي بعد ربع ساعه بمرك خليك متجهزه بنطلع
نجود : وأبوي وعبود
زياد : نجودتي قلبي خالي وعبود ماقالوا شيء سمحوا لي يله تجهزي 10 دقايق ..
نجود : نعم توها ربع ساعه كيف 10 دقايق
زياد : أنتي تسولفين أنا وش علي
نجود بدلع : زيودي خلها نص ساعه ..
زياد : نجوده قلبي
نجود بدلع : لبيه
زياد : باقي 5 دقايق
نجود عصبت : يوه يله باي باي
زياد : هههههه باي ..
مشعل : بشر
زياد يوقف وياخذ مفتاحه من الطاوله : لك بأذن الله بس شوف كيف تقدر تستعيدها بعد ما سودت ملفك بنقطه سوداء من ورا المغازله ..
مشعل : توبه هي وبس وبس ..
محمد : هيه الحبيب وين رايح
زياد : عازم الحب على العشاء بقضي اليوم كله معها ..
راشد : لا أوصيك على أختي والله لو أتصلت وقالت لي أنك مزعلها ياويلك بتروح مكه على نقاله ..
زياد : أعوذ بالله منك أنا أزعلها أزعل ولا أزعلها يله باي
الشباب : باي
@storykaligi
🎀 343 💕
على الساعه 5 المغرب
الأم : يله انزلي أبوك تحت ..
هيام : يمه ما ابيه ما أبيه أفهموني
الأم : هياموه نزلي لا يطلع لك أبوك
هيام : أفففف زين ...
نزلت هيام ودخلت بالعصير اللي تتمنى تصبه فوق راسه وهي مارفعت النظر له تشوفه ..
الأب : هيام رفعي نظرك خليه يشوفك
هيام في نفسها : بهيمه يشوفها يحلل فلوسها ما أبي
طلعت هيام بدون أي كلمه وأبوها وفهد أنحرجوا من تصرفها ..
فهد يبرر : أسمح لنا البنت مستحيه
الشاب : حق لها خلاص ياعم نتوكل على الله ونملك أنا مستعجل ..
الأب : خلاص خله بالعطله بعد الامتحانات الترم الاول زين يعني بعد شهر
الشاب : زين توكلنا على الله
طلعت هيام تصيح بعد ما ضنت أن بتصرفها هذا راح يحتقرها ويرفضها بس فهد وابوها خبروها أنا الزواج بعد شهر ..
وصلها مسج وفتحته ما صدقت المكتوب مسحت دموعها ورجعت تقراه مره مرتين ثلاث نزلت تركض للمطبخ
هيام : يمه يمه يماه ..
الأم : وصمه خير فيك شيء ؟؟
هيام : يمه بسألك من اللي خطبني
الأم تلف : ماانتي صاحيه ؟؟
هيام توقف قدامها : لا يمه تكفين من
الأم : مهبوله اللي خطبك محمد ولد متعب أخو خالتك زهره
هيام شوي يغمى عليها : يعني اللي كان بالمجلس قبل شوي محمد محمد
الأم : أجل هندي من الشارع أيه محمد
هيام رجعت لغرفتها وهي تقرا المسج وتبتسم : مبروك عليك أنا يا هيام من رهين رهينة محمد متعب أحبك
قررت تدق وتعتذر منه....
محمد : ألو هلا بالعروس
هيام بحيا : هلا فيك كيفك محمد ؟؟
محمد : ماني بخير أجل أكون قدامك ولا تطالعين لي ولا نظره حتى زعلت عليك ..
هيام بدت تبكي : والله ماكنت أعرف أنه أنت ماقالوا لي من المعرس لاتزعل محمد ..
محمد : هيومه أمزح وانا ازعل من حبيبتي اللي بعد شهر هي لي
هيام متفاجئه : شهر لا محمد قليل مايمدي
محمد : لو على كيفي ملكت اليوم واخذتك بس مو كيفي شوفي أشتري أهم الأشياء والباقي كمليهن بعد العرس لما نروح الشرقيه
هيام : ماراح نسكن الرياض ؟؟
محمد : لا ما أقدر شغلي بالشرقيه
هيام : على راحتك ...... محمد
محمد : عارف شنو تفكرين كيف عرفت من انتي صح ..
هيام : صح
محمد : تعرفين ان خال بشاير صديقي طلبت منه يطلع لي الرقم بما انه من الرياض والرقم من الرياض حصله مسجل باسم فهد أخوك عرفت انه من بنات البيت شكيت فيك لاني عرفت ان وجدان متزوجه بس حبيت أتاكد بالأول طلبت من عمر يكشف لي رقم من من خلال بنت أخته سرق جوالها ولقى الأسم بعدها تذكرتك اللي ساعدتها مع عمر يوم كنتي بتنخطفين ..
هيام : يعني سرقتوا جوال بشاير ياويلكم ههههه ..
محمد : ماعندي مشكله إذا عرفت بتذبح خالها
هيام : ههههههه ..
محمد : فديت اللي يضحكون أوكيه حبيبتي أنا على خط الشرقيه أكلمك لما أوصل تامرين على شيء ..
هيام : سلامتك بس انتبه لا تسرع
محمد : تامرين له باي
هيام : باي
سكرت وضمت التلفون بفرح لها مو مصدقه محمد لها طلعت تفاجئ وجدان بالخبر وتتصل بالكل وتخبرهن بيفرحون لفرحها
في بيت حمد ......
أسيل : ههههههه ألف مبروك حبيبتي تتهنين يارب ..
هيام : يمه يا أسيل والله بقى قلبي يوقف يوم عرفت أنه محمد
أسيل : عاد حركات ولد خالي ما ضنيت ممكن يسويها ..
هيام : تضنين لو عرفت بشاير شنو بتسوي
أسيل : هههههه أكيد بتقهر خالها يمكن تخلي شهد ماتوافق عليه ..
هيام : ههههههه شهد خلقه ماتبيه أوكيه أسوله بروح اتصل على البنات ..
أسيل : أوكيه سلمي على أبوي وخالتي
هيام : يوصل باي
أسيل : باي
مناير : ماشاء الله مبروك عليها
أسيل : صدق الله يهنيها
أمينه : ماشاء الله بناتنا كل وحده تنخطب ورا الثانيه
حمد يدخل : السلام عليكم
الكل : وعليكم السلام
أم حمد : كان لازم تداوم اليوم ..
حمد : شسوي تارك الشغل لي أسبوعين وبس مقابل البرنسيسه ..
@storykaligi
🎀 344 💕
حمد : شسوي تارك الشغل لي أسبوعين وبس مقابل البرنسيسه ..
روابي : فرسي فيها شيء !!
حمد : فرس بعينك أنا أقصد أسيل برنسيستي أنا (غمز لها)
أسيل سكتت تصرفاته مغايره لشعوره تحس أنها تختنق بوجوده استأذنت وطلعت للحديقه ..
أمينه : تموت تحرجها ما تستحي
حمد : زوجتي يحق لي أتغزل فيها بروح أشوفها أسمحو لي ..
ملاك : هههههه لا أسيل ..
أسيل تقرب منها وتسوي نفسها بتاكلها : لا لا أنا مو أسيل أنا ملك الغابه يم يم
ملاك (تنحاش وأسيل تلحقها) : يابابا الحقني هههههه الأسد ..
أسيل تحاول تلهي نفسها بأي شيء بس تنسى حزنها : لا بابا ولا ماما ..
ملاك تلف لها وتتراجع على ورا وتبتسم بخبث لأبوها اللي أشر لها : بابا
أسيل : بابا مو هنا
ملاك : بابا أمسكها بتاكلني
أسيل : لا تحاولين تضحكين علي هههاااي ..
حمد أبتسم ومسكها من الخلف وحاوطها بأيديه : هههااااااي مسكتك ..
أسيل حست بكل جسمها يرتعش حست ببرد طاغي بجسدها أول مره يلمسها تبي نفس مو قادره تحس الهواء انقطع ..
حمد مو شايف وجهها ويظن انها هدت : هاه بابا شنو تبين تسوين فيها
ملاك : ...................................
حمد : ملوكه
ملاك اللي تطالع لملامح أسيل وأنعقد لسانها : .................................
حمد لف أسيل له وتخرع من شكلها : بسم الله أسيل أصحي أسيل
أسيل بعالم ثاني من اللاوعي لا ترمش ولا تتحرك تشنجت من الصدمه
حمد بصوت عالي : روابي ..
الكل طلع وشاف أسيل وحمد ضامها له وملاك تبكي
مناير وسلوى بسرعه أخذن ملاك ودخلن أما روابي قالت لحمد يشيلها لغرفتها وطلع حمد وبقت روابي تصحيها هي وأمينه وأم حمد ..
بعد ربع ساعه طلعت روابي
حمدكان جالس بالصاله ويهز رجله بتوتر أول ماشافها وقف : هاه بشري
روابي : بخير صحت بس أنصدمت وتشنجت بس الحمد لله بخير ..
حمد : من شنو شنو صار ما كانت بخير تلعب لين انا.... (سكت)
روابي : هذا انت قلتها لين أنت قربت لها
حمد : بس عادي أنا زوجها ..
روابي تجلس : حمد اللي يصير بينك وبين أسيل ما يخفى علي لا تظن ما اعرف انك لازلت تبات بغرفة أحلام الله يرحمها ..
حمد : هي قالت لك ؟؟
روابي : لا حمد أنت مالك أي ملابس أو أغراض شخصيه بغرفتها حتى غرفتك القديمه ماشلتها باقي عليها أسيل زوجه أمراه تبي وجود زوجها تبي تصحى وهو جنبها تنام بعد ما تكحل عيونها بوجوده انت بلا أحساس تظن ان لمستك اليوم ماراح تأثر عليها لا بتأثر وأنت راح تتحمل النتائج أنت غلطت ياخوي لما كرهتها فيك ولما صارت حليلتك نبذتها ونفرت منها واللي زاد عايش على ذكرى زوجتك الأوليه أحلام يعني مافيه شيء يشفع لك كل يوم تجرح فيها بدون سبب وهي تلتزم الصمت ليه
حمد : ......................................
روابي تمسح دموعها وتوقف : حابه أقول لك شيء أنت بتندم وراح يجي يوم تعض أناملك من الندم عشان أهنتها وجرحتها ..
حمد ندم وقبل تدخل : روابي
روابي : هلا
حمد : بشوفها
روابي : تفضل من حقك
حمد دخل ولقاها مغمضه عيونها وباين الدمع مبلل رموشها : أسيل
أسيل : ...........................
أم حمد تبتسم : تطمن يمه هي بخير الحين بس عشان ما تاكل عدل صار فيها كذا ..
أسيل في نفسها : ليتك تدرين يا يمه أن لمسته هي اللي كانت بتذبحني ما توقعت يقرب مني لو مزح لو مزح أنا شنو صار لي ليه أنصدمت ليه ..
حست المكان هدا فجأه فتحت عيونها شافته جالس بروحه ومافيه أحد بالغرفه جالس وساند وجهه بايديه اللي ضامهن لبعض ويطالع لها تعدلت وجلست عدل على السرير ..
أسيل : ليه تطالع لي كذا ؟؟
حمد : أتأملك فيها شيء ؟؟
أسيل : أيه ما أحب أحد يطالعني كذا ..
حمد : عادي أنا حلالي كيف أطالع ..
أسيل : ممكن تطلع بنام لو سمحت
حمد : نامي احد ماسكك ..
أسيل ماتدري ليه تذكرت مثل هذا الموقف .. بالمستشفى يوم قال لها الكلام القاسي خافت وأرتعشت يكرر كلامه خلاص مو قادره تتحمل اهانه أو جرح زياده تعبت ..
حمد شافها ترتعش : فيك شيء أنادي روابي ..
أسيل هزت راسها بلا : ...................................
حمد : أسيل
أسيل غمضت عيونها بقوه ماتبي تسمع شيء : ......................
حمد : أسيل
أسيل بسرعه وقفت : حمد لو سمحت ما أبي أتكلم إذا ماتبي تطلع بطلع ..
حمد يوقف : بطلع بس خلينا نجلس بتكلم معك ..
اسيل : لا لا ما ابي حمد أطلع اتركني حرام عليك كل مره تجرح وأسكت تعبت حمد أتركني بحال سبيلي
@storykaligi
🎀 345 💕
حمد : أسيل
أسيل بسرعه وقفت : حمد لو سمحت ما أبي أتكلم أذا ماتبي تطلع بطلع
حمد يوقف : بطلع بس خلينا نجلس بتكلم معك ..
اسيل : لا لا ما ابي حمد أطلع اتركني حرام عليك كل مره تجرح وأسكت تعبت حمد أتركني بحال سبيلي ...
حمد يقرب وهي تبعد للخلف : أسيل أناعارف ان كل اللي مرينا فيه خطأ بس سمعيني ..
أسيل تسكر أذونها وتطلع من الغرفه بسرعه متجهه لبرى الجناح : كفايه كذب كفايه شيل القناع محد فيه غيرنا تعبت منك
ماحست إلا باللي يمسكها ويلفها له
حمد بحزن لحالها وبهمس لانهم بالممر وممكن أي أحد يشوفهم : أسيل رجعي معي بتكلم بس سمعيني ..
أسيل تحاول تبعده عنها مو متحمله قربه : أبعد حمد كفايه تعبت حررني من قيودك أبي حريتي طلقـ...
حمد : أسيل
أسيل رفعت عيونها له بتحدي : طلقني طلقني
حمد عصب وصر على ضروسه : لا تجيبين هذي السيره وتعالي داخل جناحنا بهدوء احسن لك ..
قطع كلامهم طلعت ملاك اللي صرخت أو ماشافت أسيل
ملاك : أسيل ..
حمد هد أسيل لما شاف ملاك ومناير وسلوى طالعات من غرفة ملاك
اسيل تبتسم : هلا حبيبتي
ملاك تبكي : خفت عليك
أسيل تنزل لها وتضمها وتمسح على شعرها : أنا بخير
ملاك بفرح : والله
أسيل طالعت لحمد اللي كاظم غيضه ورجعت طالعت لها وأبتسمت : تعالي ننزل تحت عشان تصدقين أني بخير
مناير : مولازم تنزلين أرتاحي بغرفتك
حمد أبتسم : وانا بعد أقول كذا ..
أسيل توقف : أنا بخير يله ملوك ننزل
ملاك تمسك يدها وتمسك يد أبوها : كلنا تحت
حمد يطالع لها وبهمس : ليه ماتبين تسمعين لي
أسيل بهمس بدون تطالع له : لانك ماسمعت لي وهذا ما يعطيك الحق أني أسمع لك ..
حمد في خاطره : شنو اللي حصل لي ليه هذا الأحساس ذنب ولا خوف ولا صلة الرحم ولا رأفه لف يطالع لها بعد ما نزلوا او حب معقوله أنهزمت قدامها مو قادر أرسي على بر أبيها ولا لا أحبها ولا لا مو قادر أسيطر على نفسي ودي أقول لها كل اللي بخاطري بس(لف لروابي اللي تسولف معها) روابي تقول بندم أنا فعلا بديت أندم أني بديت حياتي بهذا الشكل (رجع يطالع لأسيل اللي تبتسم رغم التعب ) انا ما عمري قصرت بحق أي وحده تزوجتها رغم أنهن ما يساون ظفر اسيل ليه هي بالذات ليه ياحمد لأنها سيطرت عليك بدل أنت لا تسيطر عليها انها روضتك بدل أنت تروضها لا بنجن إذا بغيت (وقف بيطلع)
أم حمد : وين يمه ؟؟
حمد يطالع ساعته : مواعد الربع يمه الساعه 6 بنمشي للمزرعه عشان نوصل مبكر قبل الكل ونجهزها ..
أم حمد : أن شاء الله بس بنروح بسياره ولا سيارتين
حمد : سياره تكفي لنا تامرون على شيء
أمينه : حافظك الله يمه
أسيل : حمد
@storykaligi