الفصل 73
❤️📝 روايات وقصص مميزة 📝❤️:
💕 336 🎀
أسيل : روابي عندنا وعمه وسلوى هلا والله
ورابي تبتسم : هلا تعالي أفطري
أسيل : صباح الخير
الكل : صباح النور
أسيل جلست جنب روابي على الطاوله : أنتو عندنا على خبري روحتو البارحه ..
روابي : أيه لما جينا كنتي نايمه
حمد : بسكن هذره هذي حزت فطور اذا منت ساكتات قومن أحسن
أسيل طالعت له وهي لايعه كبدها من تصرفاته بعد الفطور جلسوا بغرفة الجلوس ..
أسيل تسولف مع روابي : إلا شنو حصل ؟؟
روابي تشرب شاي : أبدا يالغاليه رجعنا البارحه للبيت لقينا البيت مسروق ..
أسيل بصدمه :حلفي وبعدين
روابي : والله بس مسروق أشياء بسيطه الأوراق والمجوهرات بالتجوري(الخزنه) محد لمسهن أتصلنا على حمد اللي جانا وطلب الشرطه طبعا حمد رفض نجلس بالبيت لأنا حريم بروحنا فقرر انا نسكن معكم هنا على طول بعد محاورات وقرارات مع اخوالي اللي تدخلوا وجدتي
أسيل بفرح : حلفي بتقعدون هنا هنا
روابي : أيه هنا بنقعد على كبدك وأغثك
أسيل : أحلى غثا وربي على قلبي مثل العسل
روابي : أجل لو تعرفين أنا بغينا نسكن عند جدتي بس حمد رفض لأن زياد ماراح ياخذ راحته وحنا بعد راح نكون بشيالنا طول الوقت
أسيل : أحلى قرار أخذه بالعالم ..
حمد : شنو القرار ؟؟
أسيل لفت للباب اللي وراها كان واقف وهي ما أنتبهت : هاه
حمد : شنو أحلى قرار
أسيل في نفسها : مو صاحي متى وقف هنا غبيه ماتشوفين
روابي : تقول أحلى قرار أتخذته بحياتك انا نسكن عندكم هنا
حمد يبتسم : يمكن هذا ثاني أحلى قرار بس أحلى قرار أتخذته هو زواجي من أسيل (غمز لها قاصد يحرجها) ..
أسيل شوي ويغمى عليها من حركاته اللي يتعمد يحرجها ..
روابي : اخص يالحب
أسيل تهمس لها بعد مارجع حمد مكانه عند أمه وعمته : هيه أنتي لا تصدقين هذا وانتي تعرفين الحقيقه ..
روابي : صدقيني يوم قلتي لي امس أنصدمت منه بس هههههه فضيع حمودي صدقته ..
أسيل : إلا كذاب
روابي : الله يهديه صبري يالغلا
أسيل في خاطرها : لو تعرفين ياروابي شنو اخطط له لأخليه هو يصبر ويمله (لفت لها) بصبر وأشوف ..
روابي : تجين معي ما رتبت أغراضي بغرفتي
أسيل : معاكي على الأقل أنحاش من أخوك ونظراته
روابي : الحب
أسيل : ولي قال حب ومن من حمد بعيد قومي بس قبل تلوع كبدي ..
بعد مارتبن الأغراض أنسدحن على السرير جنب روابي يطالعن السقف ويسولفن
أسيل : سلاوه ماداومت
روابي : أبدا تقول بعد يومين عطله للعيد وماتبي تداوم
أسيل : روابي تدرين أني فرحانه أنك بتكونين هنا دوم
روابي تلف لها : ولا عشان بصير زوجة أخوك
أسيل تتعدل فجأة : حلفي يعني موافقه
روابي بحيا : أيه البارحه صليت الاستخاره وأحس أني مرتاحه له ..
أسيل تحبها وتضمها بفرح : واو فرحانه ..
: ناس تنباس وناس منسيين
أسيل لفت للباب وفي نفسها : هذا متى جاء يمه يمه
حمد : علامك ؟؟
أسيل : .................
روابي : علامك أنت كل شوي ناقز لنا
أسيل توقف : بروح أصلي و أجي ثواني
روابي : أسوله صلي هنا عندي بدل تروحين وترجعين
حمد : خير شنو محتكره زوجتي فكي شوي عنها ..
أسيل أبتسمت وفي خاطرها : مسكين ياحمد تعتقد ان روابي مو فاهمتك (لفت لروابي) أوكيه
دخلت الحمام تتوضأ وحمد طلع لغرفته بهدوء وروابي سرحت بخيالها
روابي : معقوله يتحقق حلمي أكون لعبدالله معقوله قاسيت بصمت وصبرت وجازاني ربي فيه على صبري
أحس بطير بطير من الفرح أهو يبيني وأنا أبيه كنا على مفترق الطرق بس سبحان من جمعنا
شغلت المسجل على اغنيتها المفضله وسرحت بأحلامها الورديه مع حبيبها عبدالله
بحبك
اسيل طلعت وشافتها عايشه بحلمها ماحبت تصحيها منه طلعت وسكرت الباب وراها ولا حست روابي فيها
في بيت يوسف ......
دخل يوسف وأمه جالسه في الصاله
يوسف : السلام عليكم
الأم : وعليكم السلام
يوسف : يمه
الأم : هلا
يوسف : أنا حاب أتزوج
الأم بفرح : أخيرا يا يوسف أخيرا
يوسف : أيه يمه فكرت لمتى ببقى عزوبي خلاص
الأم : طيب يمه تحب أخطب من بنات العائله ولا بنات برا أنا شفت مزيونتين من بنات المحسن ماشاء الله عليهن
يوسف : لا أبي رنا
الأم فرحت زود : رنا رنا بنت محمد الـ....
يوسف : لا رنا البنت الفقيره اليتيمه
الأم بعصبيه : شنو أنت مو صاحي ؟؟
يوسف : يمه علامك
الأم : لا يايوسف بتاخذ وحده لا تعرف أصلها ولا فصلها بس أنها أسمها رنا
يوسف : يمه ما أبي غيرها
الأم توقف : جعلك ما أعرست زين
يوسف : يمه يمه تعالي ........ يوه باخذها يعني باخذها (يطلع جواله) ألو مجودي مر علي بنطلع ........ متضايق أحس بختنق ...... أنتظرك باي
@storykaligi
💕 337 🎀
في نفس الوقت .............
نجود : هلا زيود كيفك
زياد : بخير توك واصله
نجود : أيه تعبانه حدي
زياد : ياجعل التعب فيني ولا فيك يا عمري
نجود بحيا : بسم الله عليك
نجد دخلت صفقت الباب معصبيه : هيه أنتي ماخلصتي حاطين الغدا ..
نجود : علامك معصبه
نجد : أبدا أبي أتغدا وأمي مو راضيه لين تجي نجود اللي تكلم حبيب القلب زيود
نجود : هههههه طيب جايه .... ألو
زياد : هههههه شابه ضو فاصله
نجود : أيه أكلمك بعد الغدا
زياد : لا بعد الغدا نامي وكلميني لما تصحين أوكيه .... يله باي
نجود : باي
بعد الغدا طلعت نجد للحديقه تطالع الغيوم اللي تتكون......
نجود : اللي ماخذ عقلك
نجد : محد بعقلي
نجود : ومشعل تعتقدين مو عارفه
نجد بحزن : مشعل خلاص خطب بنت خالته سوسن وأنا شنو دخلني فيه
نجود : ما انا قلت لك مشعل يعزك لا تسوين كذا بس عناديه
نجد : نجود لو يعزني أو يحبني انا موله موله أنا ما أحب اكون ملك لأحد أبي أكون ملك نفسي
نجود : تعتقدين اذا تزوجتي أو حبيتي بتنسلب منك نفسك شخصيتك لا بتصير الحياه حلوه
نجد : أنا بفهم ليه تجيبين السيره شكيت لك شيء بعدين مشعل ما يهمني ما يهمني افهمي صار لغيري ما أبي أتنازل خلاص كلن ياخذ نصيبه الله يهنيه
نجود : من ورا قلبك
نجد عصبت وقربت منها وصرت على ضروسها : لا تختبرين صبري نجود أنا تعبانه سكتي ولا أقولك أحسن أروح عن المكان تاركته لك
نجود : نجد نجد أففف متى تخضعين الله يعين يارب
في غرفة أسيل بعد ماكلمت عايشه يتواعدن ببيت أمها قررت تقول لحمد
حمد : أدخل
أسيل فتحت الباب : حمد
حمد : خير ؟؟
أسيل : ممكن أطلبك شيء
حمد يقط البلوزه وينسدح بفراشه : لا
أسيل شافته أستحت وصدت (لفت) : بس طلب واحد
حمد ببرود : لا
أسيل عصبت من بروده : حمد أسمعني بس ..
حمد عصب : لا والله تعرفين تعصبين
أهي شافته وقف ركضت لغرفتها وقفلت الباب عليها
حمد يصفق الباب : هين أصغر عيالك طلعي بس ..
أسيل : والله ما أطلع رح خلاص مابي شيء
بعد ما تأكدت أنه سكر الباب راحت وأتصلت بعايشه
أسيل : ألو هلا عيوش
عايشه : شفيك
أسيل : بعد شنو فيني هالحمد احد غيره
عايشه : لا تقولين رفض
أسيل : وأهو سمعني عشان يرفض مارضى يسمعني
عايشه : مو صاحي ماعقل للحين
أسيل : بيعقل قريب على أيدي (لا أراديا تجمعت الدموع) عيوش تعبانه وخايفه والله اهو مو متقبل شيء
عايشه : أسوله ماعليه بتاخذون على بعض وتتعودون
أسيل : كيف وأحنا مانجلس مع بعض قدام أهله الزوج الولهان المعرس ولما نكون بجناحنا وحش ..
عايشه : ماعليه ماصار لكم يومين ..
أسيل تمسح دموعها : طيب أخليك الحين وسلمي على أمي اذا جيتيها وقولي ماقدرت أوكيه ..
عايشه : أوكي باي
أسيل : باي
أسيل قررت تروح لروابي تتسلى معها شافت شكلها بالمرايه لبسها أوكيه رفعت شعرها بربطه وطلعت من غرفتها لغرفة روابي لمحت ملاك جالسه بغرفتها ومبوزه دخلت وجلست جنبها
أسيل : ملوكه شنو فيك
ملاك : زعلانه
أسيل تشيلها : ياقلبو زعلانه ليه يخسى الزعل يعرف هالوجه الحلو
ملاك : كل واحد مشغول ما عندي أحد يلعب معي ..
أسيل : أنا العب تعالي
ملاك : وين ؟؟
أسيل شافت ربطت شعر أخذتها : نلعب أنا بعد متضايقه وزعلانه ..
ملاك تبتسم : طيب
واهن نازلات شافن روابي
روابي : وين رحتي ؟؟
أسيل : أبدا شفتك مو صوبي تركتك مع احلامك
روابي تبتسم : طيب وين رايحات ؟؟
ملاك : بنلعب انا وأسيل ..
ورابي : ممكن العب معكم بعد
ملاك : أيه
أسيل بعد ما نزلوا الحديقه ربطت عيون روابي
أسيل : ملوك لا تمسكنا
ملاك تبتسم : طيب
روابي : أسوله يالدبه ما أبي اول
أسيل : أنت دبه (تلفها تلفها) يله
روابي : حسبي الله على أبليسك دوختيني
تمن يضحكن ويلعبن وملاك فرحانه بروابي وأسيل لين أذن العصر صلت أسيل عند روابي
@storykaligi
💕 338 🎀
روابي تبي تصلي : أسوله طلبتك أشتهيت قهوتك
أسيل : أفا ما طلبتي شيء أنا سابقتك ..
مرت أسيل على مناير وسلوى تسألهن إذا يبن قهوه ورضن تجمعن البنات بالمطبخ يتقهون ضحك وسوالف وتخطيط للعيد ..
سلوى : يعني منتي شاريه
أسيل : لا عندي بدله حلوه من تجهيزات عرسي بلبسها
روابي : أما أنا ما عندي
مناير : أنا شريت بدله لما كنت أجهز لعرسكم كانت معروضه ماحبيت تفوتني وشريتها ..
سلوى: ماشفتها
مناير : تعالي بنجيبها
حمد نازل من الدرج : منتن صاحيات شوي شوي أحد يركض (دخل المطبخ يوم سمعهم) السلام عليكم ..
أسيل وروابي : وعليكم السلام
روابي : حياك تقهوى بس ترى أسيل اللي مسويتها ..
حمد : ما عليه المهم أبي قهوه صبي لي (جلس حمد)
أسيل تذكرت حركته أمس حبت ترد له الصاع قامت وأخذت الدله وكتت القهوه بالمغسله وكتفت أيديها وأبتسمت ..
حمد وروابي أنصدموا
أسيل : مايهون على تغير روتينك المتعود عليه
روابي لفت لحمد اللي عروق رقبته تنبض بقوه دليل عصبيته من الحركه الأسفزازيه ..
روابي : حمد هد حمودي
حمد وقف بعصبيه : شنو سويتي ؟؟
أسيل ببرود : اللي شفته ..
حمد زادت عصبيته : بس أنا أبي قهوه
أسيل : قل لدادا حليمه ..
أسيل شافته يتقدم منها وبسرعه طلعت قبل يصيدها وأنحاشت (هربت) لغرفتها وهو يلحقها بس سبقته وقفلت الغرفه قبل يوصل ..
حمد بصوت عالي : فتحي الباب أحسن لك
أسيل : لا لا لا
حمد : أسيل فتحي الباب قبل أكسره فوق راسك
أسيل : بالمشمش
حمد : هين لولا عندي شغل كان علمتك خليني بس أرجع لك ..
أسيل دقت على عبدالله : هلا عبودي
عبدالله : هلا بالعروس كيفك
أسيل : بخير عبود ببشرك بشيء ترى روابي موافقه عليك ..
عبدالله بفرح : حلفي
أسيل : والله ألف ألف مبروك ياخوي
عبدالله : الله يبارك فيك
أسيل : كلم أبوي وأخطبها منه لأنه كبير العائله وخبر خالي
عبدالله : الحين بتصل لا لا بكلم أمي زهره وبعدين بقول للكل تامرين على شيء
أسيل : لا سلم عليهم باي
عبدالله : بايْ
أما في بيت يوسف حالة أستنفار قصوى .......
أبو يوسف نازل من الدرج معصب : منيره منيره
منيره : هلا يبه
الأب : دقي على الثور أخوك خليه يجي بسرعه
منيره : أن شاء الله
دانه نازله وشافت أبوها معصب جلست جنب منيره : خير شنو حصل ؟؟
منيره بهمس تشوف أبوها معصب : مدري شكل أخوك فتح سالفة زواجه من رنا ..
دانه : أقص أيدي إذا (تطالع ساعتها) 5 دقايق شيوخ ورجلها عادل داخلين
منيره : أمك ما تخبي شيء خليني أتصل عليه أحسن
أتصلت على يوسف إلا وصل بعد ربع ساعه معه أمجد وكانت شيخه ورجلها وصلوا بعد بالصاله جلسوا ..
يوسف جلس جنب أبوه : خير يبه فيك شيء
الأب : أمك تقول بتتزوج
يوسف : أيه
الخوات ماصدقن فرحن وباركن وانطمن لما أبوهن سكتهن
الأب : تقول بتاخذ رنا الفقيره
الكل سكت ............
يوسف : شنو فيها يبه البنت محترمه رغم فقرها نفسها عزيزه
الأم : يعني تكلمها الحقيره لعبت بمخك
يوسف : لا هي رفضت تكلمني
شيخه : شنو عرفك أنها محترمه
يوسف (في نفسه) : أدوس ببطنها شنو جابها
الأب (بعصبيه) : أنت ماتستحي بنت شوارع لا أبو ولا أم شنو راح تكون التربيه بيئه قذاره
شيخه : أقص أيدي أذا مو داخله على طمع بنت اللذينا
الأم : أطلب أي بنت إلا بنت الشوارع لا حسيب ولا رقيب شنو ضمنك ماتعرف غيرك
يوسف : يمه أنا بتزوجها وبعد فتره بطلقها ووعد آخذ من تبين بعدها
دانه أنصدمت : شنو ؟؟
@storykaligi
💕 339 🎀
دانه أنصدمت : شنو
منيره : أجل ليه تتزوجها بالاساس
يوسف بنظره تحدي : عشان تعرف اني قد كلمتي قلت أجيبها أجيبها ...
الأم : تقص علينا أنت من الأول تحبها ..
الأب : حبها مثل ماتبي بس زواج لا أنا تكون مرة ولدي وحده حقيره لا أصل ولا فصل
دانه وقفت وبعصبيه : بس بس حرام عليكم كفايه نهش بلحم البنت ..
منيره توقف : دانه سكتي سكتي ..
دانه من غلاة رنا ماحبت يجرحون فيها أزيد ونزلت دموعها : حرام منيره اللي يقول شوارع واللي يقول حقيره وقذره واللي يقول داخله على طمع رنا أشرف بنت
شيخه : لأنك متعاطفه معها أنا عرفت أنك كلمتيها صح
الأم شهقت : كلمتها ؟؟
يوسف : يمه أنا السبب أنا قلت لها
الأب بعصبيه : ماتستحي أختك تصادق بنت شوارع ..
دانه بصوت عالي : حرام رنا مو بنت شوارع رنا بنت محمد بن سلطان التاجر الكبير عمها سلطان السلطان خالها عبدالوهاب محسن الـ... أفهموني ..
الكل أنصدم من كلام دانه وحلت الصمت ثواني بس قطعه
شيخه : ههههههه حنا نعرف رنا بنت محمد وما نقصدها نقصد رنا اللي يتكلم عنها يوسف ..
دانه تجلس وتمسح دموعها : أهن واحد
يوسف بصدمه : شنو ..
منيره : أسمحو لي فعلا رنا الفقيره هي رنا محمد أنكرت من تكون عشان يوسف يبعد عنها ماحبت المشاكل بس يوسف رافض يبتعد عنها قالت يمكن اذا قلت أني مو من مستواه يبعد لانه ولد عز ما يرتبط ببنت الفقر ..
عادل : شيء ما يتصدق ..
الأم : أنتن تضحكن والا صادقات ..
دانه تطلع جواله وتتصل برنا وحطته سبيكر : ...ألو ..
رنا : هلا دنونه
دانه : شخبارك ؟؟
رنا : تمام وأنتي وينك يالقاطعه
دانه : موجوده شخبار نجد ونجود وسلوى
رنا : بخير يسألن عنك
دانه : سألت عنكم العافيه إلا رنا بسألك
رنا : آمري
يوسف في نفسه : صوتها أيه صوتها ...
دانه : يوسف أخوي دق عليك
رنا : أففف دندونه أرجوك يوسف أخوك ذبحني خليه يبعد ترى خلاص تعبت فقرت نفسي عشان يبعد عني لا يرسل للحين ما وصلت الامر لأبوي وأخوي زياد عشانك بس والله
دانه : طيب ياقلبي بكلمه باي
رنا : باي ..
الكل مصدوم ويوسف صدمته بزياده وزاد عليها قهره والغيض تمكن منه كيف تضحك وحده عليه مثل هذي تستغفله تنبذه ترفضه حس انه مضحكه قدام الكل صغرته قدام اهله طلع معصب ولحقه امجد يهديه ..
شيخه : ليه ما قلتن لنا ..
منيره: لأنها أمنتنا على سرها
الأم : و أخوكن شوفن حاله ...
منيره : خليه يمه يمكن ذا درس له أن بنات الناس مو لعبه عنده يله بروح لغرفتي ..
دانه: خذيني معك
يوسف معصب : أنا يوسف اللي أضحك على عشره من أشكالها بنت تضحك علي ...
أمجد : علامك هد يا خوك ما حصل إلا كل خير ..
يوسف : معقولة معقولة ..
أمجد في نفسه : الحمد لله ما خليتك تشوق ولا سويت فينا حادث ..
أمجد : خلاص يوسف هذي بنت لا راحت و لا جت
يوسف:لا والله ما عاشت و لا كانت اللي تسوي فيني كذا (بصوت عالي) تصغرني قدام أهلي هين و أنا يوسف ..
أمجد : هد يا رجال خلنا نروح للأستراحه عند الشباب
يوسف: طيب يله
@storykaligi
💕 340 🎀
في بيت حمد في المطبخ ...........
روابي :ههههههه ..
أسيل تطالع لها ومعصبه : جب زين جب جب ..
حمد : أقول أخلصي بلا كلام
أسيل: شوفها تضحك علي
حمد : أحسن تستاهلين
روابي : هههههه حمودي خلها تنتبه القهوه لا تحترق ...
حمد : والله لأخليها تعيدها ..
أسيل: أنت كم عازم الشارع كله هذي 6 قهوة ..
حمد يبتسم : عشان تعرفين أن أنتقامي شين ..
أسيل تبتسم و ترفرف بعيونها بدلع : أهون عليك ..
روابي: لا لا لا لا تصدقها حمد ..
حمد ابتسم : أقول كملي جربنا رفرفت العيون(يغمز لها) تذكرين ..
أسيل انحرجت و فهمت انه يقصد المقلب اللي سوته فيه بجده : زين بكمل ..
أم حمد : أسيل شنو تسوين
أسيل : قهوه لربع حمد يمه
أم حمد : ومن قال لك توك عروس
أسيل : يمه حمد قال لي شوفي ما يخليني أجلس و الدبه روبا تشجعه يانا يانا إهئ إهئ
أم حمد : حسبي الله على عدوك من ولد تخليها تسوي وما صار لها أسبوع حتى ..
حمد مبقق عيونه على أسيل : يمه ما عليك منها كذابه أصلا ما تدرين أيش سوت الظهر فيني ..
أم حمد : أدري قالت لي أحسن أجل أمس فرحانه تسوي لك قهوه و تكتها ..
حمد لف لأسيل اللي ورا أمه : قلتي لها هاه
أسيل تمد له لسانها و تحب راس أم حمد : فديتها ما أخبي شئ على أمي ..
روابي : ههههه تستاهل ..
حمد يلف لروابي : جب أنتي معاهم معاهم عليهم عليهم ..
أم حمد : والله يا حمد أن عدتها لأزعل عليك
حمد : ما فيها شئ تخدمني أنا زوجها ..
أم حمد : أنت أيه الخمه و المصبنه اللي برا لا الشغالات و حليمه عندك ..
حمد يحب راس أمه : أن شاء الله يمه ..
طلعت أم حمد و قبل ما تطلع أسيل مسكها من يدها ..
حمد يخزها بعصبيه : يانا يانا إهئ إهئ يا أسيلوه ..
أسيل بصوت عالي : يـــــمـــــه ســـــارا ...
حمد هدها و هي أنحاشت
روابي : ههههه والله فله آه ياربي بطني ههههه ..
حمد ياخذ الدله : هين يا أم عيون وين تروحين أمك سارا بتنام هين ..
في بيت العمه سعاد..............
سعاد تنوم بنتها رزان اللي صار عمرها 4 شهور : عمتي بتحج
فارس : أيه بيروح معها سلمان محرم
سعاد : الله يتقبل منهم
فارس : عاد طيف بتجلس عندنا لين ترجع أمي
سعاد في نفسها : أف العقربه الله يصبرني عليها ..
سعاد : حياها الله
فارس يحب يدها : هذا العشم........ سعودتي ..
سعاد : قلبها
فارس : ترى نوينا نخطب لسلمان إذا رجع من الحج ..
سعاد : ما شاء الله من ..
فارس : بنت أخوك مناير
سعاد بصدمه : هاه .. مناير ما لقيتو غير مناير
فارس بتعجب : أيش فيها مناير ؟؟
سعاد : بصراحه جراح يفكر يخطبها
فارس : قلتي يفكر ما خطب
سعاد : فارس عفيه عفيه شوفوا غيرها
فارس: خلاص سكتي سعاد إذا له نصيب فيها بياخذه
سعاد : فارس تكفى تعرف جراح خجول
فارس : سكتي لأخر مره بنام تصبحين على خير
سعاد : و أنت من أهله
في بيت عبدالوهاب .............
بشاير و فراس : صباح الخير
الكل : صباح النور
الأم : هاه يمه بشاير شلونك اليوم
بشاير : والله يا خاله كبدي لحد ألحين لايعه علي
الأم : معليش ذا الوحام جلسي شربي حليب زين
بشاير : تسلمين
الأب : يا عيال أمس كلمني أبوعابد يخطب روابي لعبدالله
فهد : والله عبدالله و نعم الرجال يبه
فراس : والله أنا أتمنى تستاهل روابي
راشد : الفال لي أن شاء الله
الام : ما شاء الله تبي العرس
راشد : ليه يمه ما انفع
الأب : لا تنفع بس أول أنتبه لدوامك اللي يوم تداوم و3 لا و بعدين قل بأعرس
راشد يتأفف : أن شاء الله
الأب : أنا بكلم عمامكم وحمد ويأخذون شورها على فكره عبدالله يقول إذا وافقت و له نصيب بتكون ملكتها وملكت أختها بيوم واحد
الكل : الله يهنيهم
أوراد : خالي من يبي يروح للحج هذي السنه
الاب : أنا و خالتك تهاني و خالد و ترفه و زياد بيحج عن أمه بس
الكل: الله يتقبل و حج مبرور و ذنب مغفور
الاب يوقف : يله بروح لشركه يله فهد راشد قدامي
فراس : بعد أنا بطلع مع السلامه ..
الكل : مع السلامه
أوراد : خاله وين هيام و وجدان
الام : وجدان نايمه مثل ما تعرفين سهر مع سعود للصبح
بشاير و أوراد :الله يهنيها
الأم : و هيام زعلانه ما تبي تنزل
أوراد : عشان المعرس
بشاير مستغربه : أي معرس ؟؟
@storykaligi