الفصل 72
❤️📝 روايات وقصص مميزة 📝❤️:
💕 331 🎀
كانت أسيل تمشي جنبه وهي تسمع تعليقات البعض
: واو شفتي رومنسيه المعرس ..
: أيه مالومه دام هذا الجمال زوجته ..
: لا هو يغطي عليها يهبل
: لا لا أنا أبي مثله رومنسي يهدي أغنيه لها ياويل حالي ..
أسيل بنفسها : بلا ماتعرفن حقيقة الأنسان اللي واقف جنبي آه يازمن خسرتني حتى مشاعري قمت بسبتك ياحمد ما أعرف صدق ولا كذب (لفت له تطالعه) شنو تبي ياحمد ليه كل هذا شنو بقى عشان تأكد أنك رديت كرامتك بس أعرف ياحمد الحين أن قلبت الأدوار بخليك تنطق بأسمي لأخليك تهوجس فيني حتى بحضوري لأكسر غرورك وأحطمه الزمن بيننا
بعد ما طلعوا من باب الصاله شافت رجال واقف جنب سياره ومتكي على عصاه
أسيل بفرح : جدي
الجد يبتسم : قلبه وروح جدك ألف مبروك يابنتي ..
أسيل تحب راسه وتضمه : آه خفت ما أشوفك ياجدي ..
الجد : أفا وأفوت علي شوفة أحلى وأغلى عروس عندي الله يهينك يابنتي
أسيل : الله يخليك لي يارب
عبدالله : جدي يله خلها تروح الدنيا برد عليها عروس تبيها تمرض ثاني يوم ..
أسيل في نفسها : آه لو تعرف ما أبي الروحه يا عبود لولا الحيا لأروح معكم ..
عبدالله : يله أسيل ركبي (يلف لحمد) هاه يالنسيب ماغيرت رأيك وأسوق بدالك
حمد يبتسم : تسلم أنا أسوق ركبي أسيل ..
ركبت أسيل بمساعدة عبدالله وأول ما شغل السياره كانوا عيال عمه مسوين له مفاجئه الكل بنفس الوقت طقوا هرنات (بوري) تقريبا 10 سيارات صوت الهرنات غطى على المكان لدرجة الكل ضحك على خبالهم أشر لهم وحرك السياره أسيل مو عارفه وين بيروحون اللي عارفته ان حمد خبر عبدالله أنهم ماراح يسافرون لظروف شغل حمد وصلوا لبوابه كبيره مذهبه فتحوا حارسين ضخام ..
أسيل : حمد وين حنا ؟؟
@storykaligi
💕 332 🎀
أسيل : حمد وين حنا ؟؟
حمد يغمز لها : في بيتنا هذي فلتي ..
أسيل نزلت راسها وانحرجت وفي خاطرها : ياملقوفه ليه اللقافه أنا أول مره أشوف بيتهم أفف خلاص أهدي ..
نزلت أسيل بعد مانزل حمد ودخل ولا عطاها بال ودخلت تشيل ثوبها وهي تتمنى ما تطيح فيه أنبهرت من جمال البيت روعه روعه أثاثه المذهب وصالات وممر وتحف فخم جدا
حمد واقف على الدرج : تعالي فوق
أسيل بلعت ريقها وصعدت كانت فيه غرف كثيره شافت باب مفتوح سمت بسم الله ودخلت شافت صاله فخمه كلمه قليله فيها ولفت يمين شافت مطبخ تحضير وفي باب مفتوح ومافيه غير أضاءة الأبجوره فتحت الباب بشويش شافته جالس على السرير قلبها كانه طبول وتحس ودها ترجع من مكان ماجت ..
حمد يبتسم وبنبرة أستهزاء : حيالله العروس ..
أسيل شوي وتصيح ترجف منه : ............
حمد : دخلي دخلي هذي غرفتك وأخيرا يا أسيل ..
أسيل مشت لين جلست على كرسي طويل كان مقابل لحمد ..
حمد يقرب منها وبسرعه وقفت لما حست فيه تبي تطلع بس هو أسرع مسك يدها بقوه آلمتها
حمد : وين وين ؟؟
أسيل : حمد أرجوك أنا
حمد : ههههه أول مره أشوفك خايفه ..
أسيل عصبت شنو يتلذذ بخوفي ليه يستقوى علي ليه يسوي كذا فيني حرام
حمد ترك يدها وكأنه ينفض قذاره عنه بكل قرف ومشى للباب حركته صدمت اسيل ..
حمد قبل يطلع لف لها : سمعي هذي غرفتك واللي قدامها غرفتي أنا وأحلام وأظن عارفه سبب زواجي منك هاه يابنت العم أثبت أني رجال قد كلمتي ...
أسيل حست بغصه تشوف كرامتها تنهان وحمد يقط عليها كلام مثل السم ومو مسموح ترد لانها معه بروحهم وأن ردت ممكن يذبحها ولا أحد يسأله ليه مو هذا حمد بن فهد ..
حمد يبتسم وبااستهزاء : على فكره يابنت عمي أنا متنازل عن حقوقي فيك بالعربي ما أبيك زوجه لي ..
أسيل حست بطعنه بقلبها ليلة زفافها أجمل ليله في حياة الناس ينفر منها ممكن يكون زعلان بس يجرح ليه تتمنى تصرخ فيه ..
حمد يكمل : وبما أننا عايشين مع أمي وأختي في بيت واحد ما أبي أحد يعرف عن وضعنا وأتوقع الاحترام والتكتم قدامهم وياويلك ياويلك أن أحد عرف عن حياتنا مع بعض (باستهزاء) يا عرووووووس ..
طلع حمد بعد ماصفق الباب بقوه خلت اسيل ترجف قعدت على سريرها وتحجرت الدموع بعيونها من الصدمه
شنو صار يا أسيل........ اللي صار حقيقه ولا حلم......... حست بضيق والغرفه تصغر عليها....... مو معقوله في أنسان قاسي لهذي الدرجه........ عديم أحساس وخالي من الانسانيه يقتل الفرحه قبل ظهورها........ أنسان قلبه من حجر متلبد المشاعر ........ مو من حقه يطعني بكبريائي وأنوثتي ........ أنهيت ياحمد كل شيء لو كانت توجد في قلبي ذرة حب لك قتلتها ............. للأسف مالها أي أعتراض أو أراده مالها معنى ........... للأسف أن حياتها ملك له تحت تصرفه ومسؤوليته وأمره
أسيل وقفت وهزت راسها وطالعت لنفسها بالمرايه ماله أي معنى للتحسر على عمرك خلاص العاصفه اللي كنتي خايفة منها من 3 شهور مرت وبنظره كلها تحدي وغرور وعناد وقهر وجرح .. أنتظر ياحمد علي والله لأقلب حياتك فوق تحت أن ماكسرت غرورك وعلمتك حجمك ومن انا ما أكون أسيل غلطان يا حمد يوم ما عرفت أن تحت هالبرود والسكوت بركان كان خامد ومن الداخل يغلي ويغلي وحرارته بالملايين أشعلت الفتيل ياولد العم وفجرت البركان والله لاتندم قد شعر راسك مثل ما صغرتني وأهنتني اليوم ..
فتحت الدولاب واخذت لها بجامه وفكت شعرها ونزعت الثوب ودخلت تاخذ دش وتشيل المكياج اللي أرهقها
حطت راسها وغطت بنوم حبت تحتفظ بقوتها لمواجهت حمد (للغد يا حمد ^_^)
#انتهى
* ماالذي ينتظر اسيل في حياتها مع حمد ؟؟
مكملين معكم غدا" بإذن الله
انتظرونا ...
@storykaligi
💕 333 🎀
في اليوم الثاني ..........
صحت أسيل على صوت الباب يتسكر عرفت ان حمد صحى طالعت ساعتها كانت 1 الظهر بسرعه أخذت دش وصلت وسرحت شعرها سوت مكياج خفيف مو ثقيل ولبست دراعه تركواز مشكوكه بخيوط فضيه طلعت ما حصلت حمد بالجناح نزلت وهي نازله سمعت أم حمد تسأله عنها ..
حمد : نايمه تعرفين يمه العرائس بروح أصحيها ..
أسيل دخلت تتصنع الحيا : السلام عليكم
الكل : وعليكم السلام
حمد تعجب من نزولها ظن أنها ماراح تنزل بعد الكلام اللي سمعته منه البارح إلا غصب ..
الأم : تعالي يمه صباحيه مباركه ..
أسيل تحب راسها وتجلس جنبها : الله يبارك فيك يمه ..
الأم : حلوه من فمك يمه
أسيل : منتي بحسبة أمي
مناير : مبروك يا مرة أخوي ..
أسيل : الله يبارك فيك الفال لك يا رب
حمد في خاطره : لامو صاحيه هذي علامها مصدقه عمرها عروس ضنيت أنها تعتكف بغرفتها اليوم شنو ما تحس ؟؟
الأم : يمه حمد حمد
حمد : هاه هلا يمه
الأم : اللي مآخذ عقلك (تطالع لأسيل) تتهن
أسيل نزلت رأسها تتصنع الحياء و ابتسمت ..
حمد مو قادر على حركاتها استفزازيه قام وطلع للمكتب وصفق الباب دليل غضبه ..
أسيل في خاطرها : توك عساك بالحال وأردى هين ههههه عارفتك ما تقاوم حركات النسوان مو غلط يوم سميتك مزواجي ههههه ..
مناير : أسوله شنو رايك بالبيت ؟؟
أسيل : ماشاء الله يهبل
الأم : أول مره تدخلينه صح
أسيل : أيه
سيرينا الخادمه : مدام غدا خلاص
الام : يله حياك على الغدا
أسيل (حبت تتصنع الأهتمام) : يمه وحمد ..
مناير : ياهوه مقدر من أول يوم أهتمام ..
الأم : ذكري الله الله يوفقهم
مناير : أمين
كان طول الوقت يأكل وهو ساكت ميت غيض منها كيف ما كسر شوكتها كيف و هي قدامه باين عليها يا جبل ما يهزك ريح تضحك و تسولف و تتدلع والنعومه لا ...
مناير : أسوله على فكره اليوم خالتي زهره بتجي
أسيل بفرح : أمي متى ؟؟
الأم : المغرب موبس أمك كل العائله بيجتمعون هنا يمه حمد وصيت على البوفيه
حمد : أيه يمه اسمحو لي الله يغنيكم
أسيل شافته يصعد فلازم تصعد بعده : اسمحو لي
الأم : وين ماكلتي ؟؟
مناير تغمز لها : يمه الحبيب صعد خليها
أسيل : منوره خلاص
الأم تبتسم : يمه روحي
أسيل صعدت ودخلت بشويش لغرفتها وسكرت الباب ما يمديها تجلس إلا أنفتح الباب بسرعه
أسيل : بسم الله
حمد بعصبيه : شايفه جني ؟؟
أسيل : علامك قاعده أسمي
حمد يمسك يدها بقوه : قصري حسك فاهمه ....... وبعدين شنو اللي تسوينه تحت
أسيل تتألم : أي شنو سويت ماسويت شيء والله
حمد : والدلع والمياعه والحيا اللي مو لايق ..
أسيل قدرت تبعد يده وبعدت عنه : مو أنت تقول ماتبي أحد يعرف أجل أكشر أعصب ويسألوني شنو فيك ..
حمد زادت عصبيته : مجنونه
طلع وصفق الباب وركضت وقفلته
أسيل : مامجنون غيرك هين والله لأجننك زود وزود .. (طالعت نفسها بالمرايه) عارفتك ياحمد مو غرور بنفسي بس أنت ضعيف قدام أي أمرأه ههههه الله يذكرك بالخير يا ألحان كل شيء عنك ياحمد أعرفه منها بالأول كنت غبيه صدمات ورا صدمات تجيني من كل صوب بس لما صحيت للواقع وكلامك أمس صحاني من غفلتي من ناحية نقاط ضعفك الحين عرفتك خلني أتجهز أفضل ولاحقه عليك
تجهزت أسيل للعشى العائلي لبست فستان أحمر للركبه كان بكم واحد عليه ستراس ذهبي ونعال (وأنتو بكرامه) ذهبي ربط لنص الرجل لففت شعرها من تحت ورفعت غرتها (القصه ) بمشبك أحمر بذهبي تعطرت وطالعت الساعه 6 المغرب طلعت من غرفتها تبي تطلع من باب الجناح ..
حمد بنفس اللحظه طلع من الغرفه : وقفي ..
#مساءالخير
أحلى متابعين
@storykaligi
💕 334 🎀
أسيل معطيته ظهرها : خير !!
حمد قرب منها ومن يدها لفها : لما أكلمك لا تعطيني ظهرك ..
أسيل رفعت نظرها له وبهدوء : حاضر
حمد بلع ريقه يتأمل عيونها بالظلال السموكي وجمال هيأتها ..
حمد : يله خلينا ننزل
نزلت معه أقصد وراه كاتمه ضحكتها من شكله ونظراته الفاضحته خافت تضحك يعصب والبيت كله ناس وحمد ما يهمه أحد
تنحنح ودخلوا والكل يلولش ويبارك لهم طلع حمد للشباب وأسيل أول ماشافت أمها حضنتها ومسكت نفسها عن البكاء ...
الجده : شلونك يالعروس
أسيل : بخير جده
الجده : تعالي عندي
شهد : أوه الجده الظاهر تبي تعطي أسيل دروس بالزواج ..
الجده : وجع يم وجه وسيع أنعدم الحيا ..
الكل : هههههه ..
شهد : أفاا ياجده يعني بطه صرت
الجده : أيه إلا تعالي وافقت على ولد سلمى ولا بعدك ياويلك لو رديتيه
شهد : والله ما آخذه المعصقل ...
الجده بعصاها تاشر لها : معصقل بعينك أنا ماني عارفه ليه محسن ياخذ رايك بالأساس ..
شهد : ما أبيه ما ابيه
طلعت شهد ومناير ووجدان وراها << أصحاب عاد
أسيل تجلس : ليه جده خليها تفكر توه اليوم خاطب ما يمديها تقرر ..
الجده : هذا ولد الغاليه سلمى وهي تطول تاخذه ..
بشاير : ياجده عارفه أنهم دوم خناق ما يصلحون ...
الجده : يصكها (يضربها) على فمها تنطم ..
شهد سمعتها ورجعت بعصبيه : لا والله يصكني والله بس يجرب لأكسر يده وأخذ ماراح آخذه ..
أم أحمد : شهد خلاص مناير وجدان خذنها من هنا
أسيل في نفسها : ياحليلك ياشهد محد راد عليك اذا جدتي قررت والله كاسره خاطري ..
الجده تطلع من جيبها علبه : خذي عساه مبروك
أسيل تاخذ العلبه : شنو هذي جده
الجده : هدية زواجك افتحيها
أسيل تفتحها : واو تهبل مشكوره يا أحلى جده
هيام وروابي يتسابقن يشوفنها ..
روابي تغمز للجده : حركات يا جده حلوه الأسواره
الجده : ما عمري قصرت مع وحده فيكن الفال لكن ..
هيام وروابي طالعن بعض : أمييين ..
الجده : أخص يالبنات هالزمن ما يستحن
الكل : ههههههه ..
: السلام عليكم
أسيل في نفسها : أف هذي شنو جابها
دخلت أم طيف وطيف وباركن لأسيل وأسيل تتجنب طيف لأنها عارفه لسانها ينقط سم تشابه لحمد ..
أسيل : روبا
روابي : حلو روبا خير يا أسيلا
أسيل تطقها على كتفها : وجع كني سيلانيه
روابي : ههههه طيب يعني روبا شنو بنغلادشيه ..
أسيل : لا أنتي أحلى من البنغلاديشيه
روابي : طيب يالمصالح خير ؟؟
أسيل تلعب بأصابع روابي : أبي أسألك شنو رايك بأخوي عبدالله
روابي في نفسها : ليه يا أسيل تفتحين الجروح ... أه (أبتسمت) من أي ناحيه ؟؟
أسيل : من كل النواحي
روابي : والنعم فيه كفايه أنه أخوك بس أنا شنو دخلني فيه ..
أسيل تغمز لها : حبيت أسألك قبل يتقدم لك موافقه ولا لا
روابي ما فهمت ولا فهمت بس ما ستوعبت : يتقدم لي ليه ؟؟
أسيل : يتقدم لك ليه يعني بيتزوجك شنو بيضمك لتحفه زواج علامك ؟؟
روابي (من الصدمه وقفت مو مستوعبه) : ................................
أسيل خافت ووقفت معها : علامك روابي .... روابي ردي ..... رورو قلبي شفيك....
روابي تلف لها : شنو قلتي عيدي ؟؟
أم روابي : أسيل روابي فيكن شيء
أسيل : هاه لا عمه (تمسك يدها وتقعدها ) قعدي فضحتينا ..
روابي : أسيل شنو قلتي ؟؟
أسيل : قلت عبدالله يبيك زوجه وحليله له ..
روابي : ونوره !!
أسيل : نوره من ؟؟
روابي : بنت عمه
أسيل : عبدالله رافض نوره هي حسبة أخته مثل ترفه وأمل
روابي : ...........................
أسيل (شافت الدمعه بعيونها) : رورو علامك
روابي مسحت الدمعه قبل تنزل وابتسمت : بسألك هو أختارني ولا أنتن
أسيل : والله هو أختارك قال أنه يرتاح لك
روابي : عطيني فرصه أفكر وأصلي الأستخاره
أسيل : تأكدي أن قبولك أو رفضك لا يقلل من غلاتك ..
روابي : ريحتيني
@storykaligi
💕 335 🎀
روابي : ريحتيني
قطع كلامهن طيف << كالعاده
طيف : إلا يا عروستنا شخبار شهر العسل
أسيل ابتسمت غصب عنها : أجلناه حمد مشغول بالشركه
عشان ماتعطيها مجال أكثر أستأذنت وراحت للمطبخ
أسيل : كيفك دادا
حليمه : هلا بالعروس
أسيل : أساعدك
حليمه : لا يابنتي عندي سيرينا وكات وأنتي عروس
أسيل : معليه حابه أشغل نفسي خليني أسوي قهوة المجلس
حليمه : لا يابنتي حمد مايحب حد يسويها غيري ..
أسيل : دادا تكفين
حليمه : طيب يله
أسيل بفرح : شكرا ..
روابي : هاي أوه أسوله تسوي قهوة
أسيل : بعدها ما خلصت أول ما تخلص لك اول فنجان ..
روابي تجلس : أوكيه
بعد ما خلصت القهوة صبت لها ورابي قهوة وصب لدادا تذوقها وجلسن عند الطاوله يسولفن ..
حمد جايب الدلال الفاضيه : السلام عليكم
الكل : وعليكم السلام
حمد : دادا خلصت القهوة
حليمه : أيه ولا المفاجئه لك أن العروس هي اللي صلحتها ..
حمد طالع لأسيل وبكل برود أخذ القهوه وكتها (كبها) بالمغسله
حمد لف لهم وعينه بعين أسيل : أنا ما أحب يسوي القهوه غيرك يادادا ..
روابي أنصدمت من تصرفه كانت تظن بيفرح وحست بالأحراج من أسيل اللي بان على وجهها أبتسامه أقرب للأستهزاء بتصرفه
أسيل أنقهرت حست بالاحراج قدام الدادا والخادمات يسويها بس ماحبت تبين له أبتسمت وهي تغلي من الداخل ...
حمد أنقهر من برودها وبسمتها اللي أرتسمت على شفاها اللي حسها أستهزاء له
حمد : دادا جهزوا قهوة بسرعه
حليمه : أن شاء الله ثواني
أسيل توقف : سمحولي بروح أصلي العشاء
روابي بعد ماطلعت أسيل بحزن : الله يسامحك كسرت بخاطرها وهي توها عروس ...
حمد : عشان ماتتلقف شنو تبي تخرب روتين متعود عليه
روابي : حمد هذي عروس كيف تتصرف معها كذا يوه الكلام معك غلط خلني أروح أشوفها أحسن ..
حليمه : تفضل القهوة
طلع حمد وطلعت روابي لأسيل اللي سمعت جملة حمد الاخير روتين متعود عليه روابي دخلت الغرفه وشافتها تصلي ضنت بتلقاها تبكي منهاره بس فاجأتها أسيل بقوتها ورابي ماتعرف أن أسيل أنكسرت وأنحرجت بس رفضت تنزل دمعه بحضور حمد فضلت لين تختلي بنفسها بعد الصلاه نزلت تكمل السهره مع الكل وأهي لا بسه قناع الفرح والخجل بعد العشاء طلعت أخذت دش ونامت بعد ما بكت وحلفت ترد له الحركه وحمد كمل السهره مع الشباب بالأستراحه ..
صحت وبدلت ونزلت تتفطر و هي تتمنى مايكون حمد موجود لكن المفاجئه
@storykaligi