الفصل 71
❤️📝 روايات وقصص مميزة 📝❤️:
💕 326 🎀
راشد : خير؟؟؟
رنا : ج ج جدتي تقول خذوا وقـ قـ قهوو الضيوف
راشد : وليه جايبتها أنتي بالذات
رنا رفعت راسها له : هاه
راشد أرتبك ونزل عيونه للدله والحلى : عطينياهن ويله روحي وثاني مره دقوا وحنا نجي ناخذهن لا أحش رجولك ماتشوفين عندنا رجاجيل ..
رنا للحين مصدومه هذا شنو سالفته : هاه
راشد صر على ضروسه يكتم غيضه قبل يذبحها : هويتي في بير ما تطلعين منه يله فارقي ولا عاجبك أنهم يتفرجون على هالشيفه ..
رنا قطبت حواجبها وخزته : تصدق أنك سخيف ..
لفت رنا تروح بترجع لفت نظرها الشاب الوسيم اللي جالس معهم هي تعرف عبدالرحمن من قبل شافته بالعمره بس من هذا من رجعت وهي تفكر بشيئين تصرف راشد معها اليوم والشاب الوسيم مثل ما أطلقت عليه دخلت وهي سرحانه
سلوى : رنو ..
رنا : هاه قالو لك صمخه خير
نجود : سلامتك لك فتره ساكته نناديك وماتردين ..
رنا : ولاشيء ولا شيء
دانه دق جوالها : ألو هلا تامر الحين طالعين ..
نجد : وين تو الناس
دانه : سوري ياقلبوو مره ثانيه بس بنروح بيت جدي ..
نجد أبتسمت : أوكيه
دانه : يمه يوسف يقول يله
رنا (شهقت من سمعت أسمه ) : شنو
الكل لف صوبها البنات فهمنها من سمعت أسم يوسف ..
مها أنتبهت لأنظار الكل لها فهمست : رنو أهدي قلبو ...
الجده : رنا بسم الله عليك فيك شيء
رنا : هاه لا يمه عباتي لمست رجلي حسبت صرصور لا مافيه شيء أسفه
البنات كتمن الضحكه
رنا بهمس : دندونه اللي برا اللي برا هو ماغيره
دانه تبتسم : أيه شنو رايك ؟؟
رنا مافهمت : رأي بشنووو ؟؟
دانه : بيوسف يوم المنى تاخذينه
نجد أبتسمت : دندونه يوسف الله يرزقه ورنو الله ينولها اللي ببالها يارب ..
نجود وسلوى : ببالها من
رنا : هههه ما تقصد شيء (غمزت لنجد) صح
نجد : صح
دانه : للحين على رأيك رنووو والله أتمناك له
رنا (تمسك يدها وتبتسم) : صدقيني قلبي مو ملكي آسفه يوسف رجال ما ينرد الله يرزقه
دانه (تبوسها بخدها) : ويهنيك يا حبيبتي يله بنات باي
البنات : باي
البنات ماخلن رنا لين سولفت لهن عن يوسف ووسامته وسولفت لهن عن تصرف راشد اللي تفاجئن فيه مثلها مها أتصل عليها عبدالرحمن وطلعت مع أمها وماقدرت تمسك نفسها انها تشوفه لو نظره خاطفه تحس ناحيته باعجاب شيء يشدها لشخصيته لكن ما هو حب هذا من وجهة نظرها ناحية مشاعرها لاحظها رفع عينه بكل جرأه طالع لها أبتسم ونزل راسه قبل أحد يشوفه أرتبكت يوم شافت ابتسامته بغت تطيح لولا ستر الله حطت يدها على قلبها من دخلت السياره واهي ترفض أن هذي المشاعر تغزو قلبها هي تعرف راشد وسوالفه تعوذت من أبليس وكرهت هذا الشعور اللي دليل على ضعفها وأهي ماتحب تكون ضعيفه
أما راشد تناقض مايدري شنو يبي فيها غير أنه ما يحبها يمكن جذبته بشخصيتها بسبب نجد اللي دوم تسولف عنها بكل مكان وكل فرصه مها ومها ومهاوي مها مها وبس مها ألفتت نظره بس ما ألفتت نظر قلبه أو جذبت مشاعره ناحيتها لأن بأختصار قلبه ماعاد ملكه من زمن مسلمه للي ملكة قلبه وكيانه وحياته بس هي لها الحق بهذي المشاعر نظر ناحية باب غرفة خواته تمنى لو تطلع مره ثانيه يحبها من زمن كاتم هذا الحب يحسه ضعف لو اعترف ما يحب يبين ضعفه لو أمام محبوبته أحبها يا ناس ...
@storykaligi
💕 327 🎀
عايشه معصبه : أففف أسيل خلاص تعبتيني ..
أسيل ببرود : خير
عايشه تقعد جنبها : أسيل ياقلبي علامك ولا كأنك عروس قومي خلينا نروح للصالون كذا بنتأخر ..
أسيل تتغطى : تو الناس
عايشه : أسيل الساعه صارت 3 قومي
أسيل : ...................
طق الباب .............
عبدالله : السلام عليكم
عايشه وأسيل من تحت الغطا : وعليكم السلام
عبدالله : أسوله علامك مخبيه وجهك مريضه ؟؟
عايشه : لا بس تعاند ماتبي تروح للصالون تقول مو اليوم عرسها ولا مهتمه
أسيل توخر الغطا : أففف عروس وعروس واذا (دمعت عيونها) واذا اذا ..
عبدالله يضمها : بسم الله عليك علامك ياقلب عبدالله
أسيل تتمسك فيه وتصيح تتمناه ما يتركها تروح مع حمد : ما أبي أترك البيت وأتركك عبود ما أبي ما أبي ..
عايشه : هذي سنة الحياه كل بنت مصيرها تتزوج وتترك بيت أهلها وتأسس عائله جديدة ..
عبدالله : وانتي مو عايشه برا كاه قريبه منى متى ماحبيتي واشتقتي لنا دقي علي وأجي آخذك ..
أسيل تبعد عنه وتمسح دموعها : الله يخليكم لي ..
عبدالله باسها على راسها وابتسم : يله خليني أوديك للصالون واطلع أضبط نفسي مو أخو العروس وبزفك
عايشه تبتسم : الفال لك يارب
عبدالله يبتسم : اذا عندك وحده قولي لي ترا جاهز ..
عايشه وأسيل : شنو !!
عبدالله : ههههه علامكن بتزوج ..
أسيل : عندك وحده معينه
عبدالله في نفسه : اللي أبيها خلاص الله رزقها ما اتمنى غير الله يهنيها ..
أسيل : هاه عبود
عبدالله : لا ماعندي
أسيل تلف لعايشه : عيوش شنو رأيك بروابي تهبل صح ..
عبدالله : روابي من ؟؟
عايشه : صدقتي روابي تهبل وألف من يتمناها
عبدالله : روابي من ؟؟
أسيل : علامك من اليوم روابي من روابي من روابي بنت عمتي أمينه بعد من ..
عبدالله مصدوم : لحظه لحظه الحين بتخطبون لي روابي اللي خاطبها عيسى ولد عمها ..
أسيل تضرب على جبهتها : يوه نسيت أقول لك رفضت ولد عمها لانه طيار ما يستقر بالبلاد كثير ..
عبدالله عصب طول الشهر والنص اللي مر وهو يعاني يحسب أنها أنخطبت لولد عمها أخذ المخده وقرب من أسيل
عبدالله يصر على ضروسه : الحين أتعذب طول الفتره من حبها وفراقها ولا تقولين لي ..
أسيل : عبود أستهدى بالله خلنا نتفاهم والله نسيت وانت ما جبت طاري عنها كلش كلش ..
عبدالله يقرب أكثر : أذبحك
عايشه مكتفه أيديها : يذبحك حمد
عبدالله : أضربك واخلي الكل يتشمت فيك عروس مضروبه
عايشه على وضعها: يقص حمد أيديك
عبدالله : أعطيك بقس يعلم على عينك
عايشه : يرسل لك حمد حرسه بشعرك يجيبونك
أسيل : يوه حمد وحمد علامك !!
عايشه : الحقيقه حمد ماراح يرضى عليك شيء ..
أسيل تكتف أيديها وفي خاطرها : كثري منها من الحب اللي مقطعه تقصون على نفسكم هههههه الله يخلف ..
عبدالله : يالله قومن أوصلكن
أسيل ترفع نظرها له : وروابي
عبدالله أبتسم : روابي ماراح القى اللي أحسن منها يازين ما أخترتن ..
عايشه أبتسمت له : أختارها قلبك قبل نختارها ياخوي خلاص خلنا نخلص من عرس أسيل ونتفرغ لك
@storykaligi
🎀 328 💕
بعد ما أخذن كل اللي يحتاجن له طلعن للصالون وكانن البنات سابقاتهن جلست على الكرسي بدت تسوي شعرها وهن حولها رايحات وجايات عليها وأسيل تطالع لهن وتبتسم تعكس التوتر والخوف اللي داخلها تتذكر أحداث الشهر والنص اللي مر على كل وحده من البنات ..
بشاير اللي أكتشفت أنها حامل بشهرها الأول ياحلليها ماصبرت وكيف فراس من فرحته سوى عشاء عائلي لهم وتركت بشاير الشغل لخاطر عيونه (لفت الكرسي شوي) شافت رشا وبطنها اللي بدأ يبرز دخلت الشهر الرابع وشلون ارتاحت لما عرفت أن حياة زياد وغيداء مالها أي تأثير على حب سامي لها عشان يريحها شرى لهم بيت وطلع مع رشا عشان أخوانها يزورونها بلا قيود أو حواجز وبرضى عمها (لفت الكرسي يمين شافت سلوى اللي أبتسمت لها فردت الأبتسامه) سلوى تقدم لها عبدالرحمن رسمي وخطبها وافقت بعد ماصلت صلاة الأستخاره وقرروا الملكه بعد العيد بأسبوع يعني بعد 3 أسابيع من زواجها (رفعت نظرها للمرايه شافت أنعكاس نجود) اللي تحسنت صحتها هي ونجد كثير بعد كشف الحقيقه ورجعت البسمه لها لما برأت ساحتها من التهمه كان اول العلاج صعب لين جسمهن تخلص من السم ولأنهن مو مدمنات قدرن يعدن المرحله بشهرونجود تقدم لها زياد خافت من القيل والقال بس وجودنا حولها زاد من ثقتها لنفسها وقدمت حب زياد على الناس وتمت الملكه عائليه قبل 4 أيام نجود أحدث عروس بالعائله (عقبال الكل)
قطع سرحانها صوت راعية الميك أب
أم ليان : ماشاء الله بسم الله عليك
أسيل ترفع عينها : هذي انا !!
ام ليان : تئبريني شو هالجمال سبحان الله
أسيل تبتسم : مو من شغلك المضبوط تسلم أيدك ..
أم ليان : لا والله انا ماعملت أشي الجمال رباني تتهنى يا سيد حمد بالجوهره
أسيل في خاطرها : بلاك مو عارفه هو مو ملتفت لهذي الجوهره ولا مهتم ..
ترفه : بسم الله عليك لا إله إلا الله كلوش ..
عايشه : عين الحسود فيها مية عود وعود بسم الله عليك
أسيل أستحت ونزلت راسها : بس أحرجتوني
روابي : لا إله إلا الله يا هنيك ياحمد بغزال الـ.............. مالت علي ضنيت أني بغطي عليك ..
البنات : ههههههههه
عايشه : بتصل على عبدالله يجي ياخذنا ..
@storykaligi
💕 329 💕
عايشه : بتصل على عبدالله يجي ياخذنا
أسيل : والبنات ؟؟
روابي : بسم الله عليك البنات من وقت رايحات اللي ماخذ عقلك ..
أسيل أبتسمت وفي نفسها : ياربي ما ماخذ عقلي إلا آخر هذي التمثيليه وين (لفت تشوف نفسها بعد مالبست الثوب ) كانت كلمة جميله قليله عليها بفستانها الأبيض بخيوط من ذهب بطرحه طويله كلها تلمع بكرستال وشعرها رافعته شنيون بس بطريق فوضويه نوعا ما وموزع عليها كرستال صغير والمسكه قلب جوري وردي ببنفسجي وله أسواره لف نص اليد حست دقات قلبها تتسارع خلاص اللحظه الحاسمه حقيقه حصل
عايشه : يله أسوله عبود برا ..
أسيل أخذت نفس : يله
وصلن وطلعن على جناح المخصص للعروس.....
أسيل طول الوقت ساكته راسها صدع من كثر ماتفكر حمد شنو ناوي عليه ساعات تخاف من فكرة وجودها معه بمكان واحد ساعات تستغفر ربها وتقول هذا ولد عمي مستحيل يضرني ..
روابي : شوفن انا جهزت ملوكه ووهوبي بثياب معرس وعروس يهبلون
أسيل أكتفت انها تبتسم لهم وهم يسولفون ولا عارفين بالعاصفه اللي في نفسها ..
بشاير : عساهم ما يتخانقون
هيام : تخيلوا بنص الزفه يتماسكون
عايشه : لا ماعليكم حذرتهم
وجدان دخلت وخبرتهم بيزفون المعاريس بعد ربع ساعه وطلعت وأسيل من سمعت ما يعلم بحالها إلا الله
هيام : بروح أرقص لي رقصه قبل الزفه ..
روابي : خذيني معك
أسيل بهمس : عايشه
عايشه : عيونها
أسيل : عبدالله بيدخل ولا لا
عايشه : سمعي بعد ما نزفك أنتي وحمد وتجلسون على الكوشه يدخلون أخواني وعبود وعمامي وخوالي بس ..
أسيل : طيب
عايشه : فيك شيء ؟؟
بشاير : أسيل حاسه بشيء
أسيل : لا
روابي دخلت : بنات يله بنزفهم ..
عايشه : شوفي ملاك وعبدالوهاب يدخلون قبلهم
وقفت أسيل واتجهت للباب اللي تطلع منه مقابل لها باب يطلع منه حمد ويلتقون بنص الدرج وينزلون مع بعض للكوشه ..
@storykaligi
💕 330 🎀
دخل عبدالوهاب من باب حمد ودخلت ملاك من باب أسيل كان عبدالوهاب لابس بشت وشماغ وعقال وملاك لابسه ثوب بطرحه أبيض وماسكه ورد جوري أحمر والكل يسمي عليهم والبنات يدعن ما يتهاوشون وبعد ماجلسوا على الكوشه تسكرت البيبان وبدأ عرض صور لحمد وأسيل من الصغر ليوم الملكه على شاشة عرض وبعدها شغلوا صوت صهيل الخيل وركضها وخطوات لهم و الأضاءه مركزه على البابين انفتح وحطوا صوت ريح وأدخلوا الأثنين والأنظار لهم كل واحد يطغى على الثاني بالجمال دخلوا على أغنيه لجواد العلي
حمد يتأملها كل مايقرب يبتسم من حلاها واليوم من نصيبه وأسيل ترتجف كل ماقربت له مو عارفه شنو مصيرها ..
مسك يدها ولا خفى عليه رجفتها سكت ونزلوا لين الكوشه وجلسوا بعدها الكل هناهم واعلنوا دخول العمام والخوال والأخوان دخلوا والهيبه تحاوطهم سلموا عليهم وكل واحد يوصي الثاني على شريكه ..
عبدالله : ألف الف مبروك يا أسيل
أسيل : الله يبارك فيك
عبدالله لف بيطلع بس حس أحد مسك ثوبه التفت بحنيه وهمس لها ..
عبدالله : أنا معك دوم لاتخافين وصيته عليك وأن سوي شيء أزعجك قولي لي وأدوس ببطنه ..
أسيل أبتسمت على كلامه لاحظ حمد وحس بفضول طلع عبدالله والعيون تراقبه من هذا الرزه مايشبه عيال محسن سبحان الله مزيون وطلع بعده فهد وفراس وراشد اللي رفض يطلع لين يرقص تلطم ورقص والبنات ذابن في طوله وعرضه ..
حمد : شنو قال لك عبدالله
أسيل بهمس : ولاشيء
حمد : وليه تبتسمين له ؟؟
أسيل : كيفي
حمد : وأنا ماشفت بسمه وحده
أسيل تبتسم غصب عنها : شنو تنتظر من وحده تزوجت واحد لا يدانيها ولا يحبها وغصب عنها تبتسم عنها تبتسم له والله فراغه بلاش تمثيل وتصنع ..
حمد كتم غضبه : هين ..
أسيل خافت من ملامحه بس ماراح تضعف يا حمد خلاص تعبت من الضعف بتواجهك بكل قوتها
على الساعه 1 وقف حمد واسيل اللي تحس كل جسدها برد وثلج وشغلوا لهم أغنيه من المعرس أهداء للعروس
لفت أسيل له متعجبه من حركته أبتسم لها بس تذكرت أنه لازال يحط الاقنعه قدام الناس أبتسمت بأستهزاء وسكتت
أعلنوا هذي الأغنيه أهداء من العريس حمد لأحلى عروس أسيل ..
والله احبك..احبك ويشهد الله عليّ
لما اشوفك ابتسم..صدقني ماهو بيدي
لا حاسدٍ يقدر يبعدنا..انا وانت لو شوي
يا الله احفظ حبي لي..يالله ربي يا قوي
.................................................. ...................
مافي غيره سكن روحي حبيبي وانا احبه
لو قالو تمنى..اتمنى عمري بقربه
.............
يعشقني .. وعذبني .. مرمرني .. وانا مالي سواه
............
يعشقني..يعشقني..يعشقني من قلبه وقال
انا ادري يحبني بس شوي اتغلى عليه
.................................................. .....................
وغلاتي..وغلاتي..وغلاتي يا عمري تعال
لو يطلب عمري كله..والله عمري بين ايديه
...........
يفهمني من نظرة..من كلمة..وانا بيدي دواه
...........
يفهمني..يفهمني..يفهمني وانا بيدي دواه
هذا الي احبه..احبه ومن قلبي ابيه
.................................................. ......................
حبيبي..حبيبي..حبيبي وكل عمري معاه
لو كل العواذل تفرق ما تقدر عليه
مافي غيره سكن روحي حبيبي وانا احبه
لو قالو تمنى..اتمنى عمري بقربه
..................................................
@storykaligi