الفصل 70
❤️📝 روايات وقصص مميزة 📝❤️:
💕 321 🎀
نجود : سمعن شنو صار ..
سلوى : يعني ذاكره
نجود : أيه كل شيء كل شيء بس أبي أول آخذ حقي منها وأثبت للكل أني ونجد بريئات من شكهم ..
رنا : حتى حنا ماسلمنا سووا لنا تحاليل عشان يتأكدون من ان دمنا ما يشيل مخدرات
سلوى : سكتي أنقهرت منهم كيف يشكون ..
نجود : مو مهم الحين الكل بيعرف غلطته يوم شكوا فينا
رنا : طيب قولي لي شنو صار
نجود : كنت أبكي ونجد تحاول تهديني المهم
نجد : بس يانجود بس طلبتك
نجود : خذته مني خذته يا نجد
نجد : ماهو من نصيبك خلاص نجود أنتي الله بيرزقك ..
نجود : قهر قهر انا تخليت عنه لو صدق أحبه ما تنازلت عنه لها لو بمال الدنيا
نجد تضمها : ياعمري أنتي أصيله ماتبين تكونين السبب بقطع صلة الرحم بينه وبين أبوه
نجود : ......................
نجد : سكتي الخادمه جايه
الخادمه(معها صينيه فيها عصير) : ماما رنا يقول هذا أثنين عصير عشان انتو ..
نجود : ما أبي شيء
نجد : هاتيه يمكن يطفي النار اللي داخلي خذي أشربي أنتي قاهره نفسك وغيرك يضحك خذي ولا داري عنك ..
رنا تقاطعها : بس أنا ما دزيت شيء لك ..
نجود تصر على ضروسها : عارفه اللي عارفته أن غيداء لها يد بالموضوع ..
رنا وسلوى بصدمه : غيداء
نجود : أيه
رنا : كيف غيداء طول الوقت مع زياد وأحنا حولها ..
نجود : بعد ماشربت انا ونجد اللي كانت تشرب بعصبيه وانا عشانها اشرب منه شوي شوي غابت عن الوعي هي أول أنا ماحسيت فيها لين صار راسها على كتفي قلت لها عن المزح قومي مالي خلق لك ما تحركت هزيتها ماتحركت حسيت بدوخه وثقل براسي حسيت لساني ثقيل بصرخ بناديكم بس ماقدرت سندت راسي على راس نجد عيوني غصب تسكر بقاوم بس ما قدرت غمضت سمعت خطوات جايه ناحيتي فتحت عيوني قدر ما أقدر بس مو فاتحتهن كامل سمعتها وهي تضحك الحين غيداء تخلصت من الد اعدائها من حجر كان بطريق سعادتها مع زياد بتفرح كثير لما تعرف انك يا نجود أنتهيتي لو أطلب لبن العصفور منها بتعطيني هههههههههه ..
رنا : ومن الحقيره اللي سوت كذا من ؟؟
نجود : ماعرفت هذا اللي سمعته بس لحظه سوت شغله
رنا : شنو ؟؟
نجود : كانت تشم مدري شنو بس كأنها تنتشي سمعت ضحك بهستيريه مدري كأنها مو صاحيه ..
رنا : شم من هذي ؟؟
بعد صمت وقفت رنا فجأه
رنا : لا لا مو معقوله تكون اللي في بالي ..
سلوى : من تقصدين عرفتيها ؟؟
رنا : أظن بس (بحده) ياويلها أن كان ضني صح موتها على يدي
نجود : من رنا من ؟؟
رنا : غدير بنت خالة غيداء أنا مره شفتها تشم أيه هي مدمنه صح ..
سلوى : وسكتي عنها شلون ؟؟
رنا : ترجتني كسرت خاطري وحنيت على أمها من الفضيحه
نجود : متأكده رنا ما أبي أظلم البنت ..
رنا : سمعي أوصفي لي الخادمه لأن الخادمات كثير ببيت عمي
نجود : فلبينيه وشعرها بوي فيه خصل مصبوغه مدري أظن عنابي وتحط 3 تراجي
سلوى : هههه ..
نجود : شنو تضحكين عليه يالخبله ؟؟
سلوى : هذا وانتي تصيحين ومنهاره وحالتك حاله قزيتي الخدامه قز هههه ..
رنا : أيه والله صدق هههه ..
نجود : جـــــــــــــــــــــب الصراحه شكلها كان ملفت خصوصا مشيتها اللي لفت نظري المايعه ..
رنا : بس بس بس عرفتها ليز هذي الوحيده المايعه لزقه للشباب
سلوى : والحين كيف نثبت الأمر ؟؟
رنا : بروح لبيت عمي وبرشيها بتعترف أحب شيء لها الرجال والمال عارفه لها وبرد لكم خبر ونشوف اذا لغدير يد بالموضوع ساعتها بنفكر كيف نخليها تقر وتعترف ..
نجود : رنا طلبتك أبي الموضوع بسرعه بيسألوني وما بقدر أتحمل ما عندي اثبات ومثلك عارفه لو اتهمت غدير وغيداء بيقولون من الغيره ..
: بس انا ما أصدقهم
البنات لفن للباب وأنصدمن : زياد ..
#صباح_الخير
أحلى متابعين ..
جمعة مباركة ..
@storykaligi
💕 322 🎀
البنات لفن للباب وأنصدمن : زياد ..
نجود تلبس لفتها : ز ز ز زياد انت ..
زياد يقرب : أنا مصدقك يا نجود مصدقك ..
نجود بدت تبكي : والله يا زياد ما أكذب أنا ما أتعاطى والله
زياد يمسك يدها : نجود لا تبكين عارف أنك أخلاق بس والله لأخلي الحقيقه تطلع اليوم والله لآخذ بحقك وحق نجد من الحقيرات ..
نجود : زياد وين بتروح ؟؟
زياد : لبيت عمي لحرمي المصون
نجود : لا زياد لا تروح
زياد خلاها وطلع وهو جنون الدنيا تتناقز قدامه
سلوى : كيف راح نتصرف الحين زياد معصب ..
نجود : أتصلي على أي أحد خليهم يلحقونه ..
رنا : أبوي (طلعت جوالها ) ألو بابا الحق بابا زياد راح لبيت عمي سلطان معصب ...... بابا مافيه وقت أشرح لك روح الحق عليه قبل يرتكب جريمه (بدت تبكي) بابا روح زياد معصب روووح بسرعه... طيب باي ..
نجود تمسح دموعها : شنو قال ؟؟
رنا : قال بروح الحين وبياخذ معه زيد أخوي بعد الله يستر ..
أما في بيت عم زياد............
الكل يضحك ولا عالم بأن السر انكشف بس يحتاج لدليل يدعمه
سامي : هلا بخالتي كيفك
أم غدير : بخير شلونك أنت ورشا
سامي ورشا : بخير
سليمان : خاله ماجن البنات معك
أم غدير : إلا غدير جت وغاليه عندها دراسه تجي مره ثانيه
سليمان : وينها ؟؟
سامي يخزه : شنو تبي فيها ؟؟
سليمان : عادي بنت خالتي وبسلم عليها
غدير نازله مع غيداء بعد ما عدلت لفتها : كاني موجوده ..
سليمان يبتسم لها : هلا والله هلا
سامي : سليمان قم للمجلس
سليمان : مافيه أحد غريب
سامي بعصبيه : قـــــــــــــــــــــــم
سليمان بوز وقام : زين
وعلى فتحت الباب إلا زياد داخل وهو معصب
سليمان عصب : هيه وين داخل
زياد بعصبيه : جـــــــــــــــــــــــــــب(لف لغيداء وبسرعه مسكها بشعرها) أيا الحقيره ..
سليمان وسامي عصبوا : زياد
سامي يحاول يفك أخته : هدها هد زيااااااااد
زياد بعصبيه : وخر مالك شغل وخر سامي لا أذبحك ..
سليمان عصب : هدها يالحيوان هدها ..
غيداء تصارخ : بعدوه آي ..
زياد مايدري منين له كل هذي القوه دز سليمان وبعد سامي وعصب : ليه تسوين كذا ليه ..
رشا تبكي من الموقف أخوها معصب شنو صار : زياد خلها زياد ..
غيداء تحاول تفك نفسها : هدني زياد وخروه آآآآآه ..
دخل العم بهذي الحزه وشاف بنته كيف زياد ماسكها
العم : زياااااد
الكل لف للباب .......
غيداء تصيح : يبه خله يهدني يبه ..
العم : خلها أحسن لك ما وراها رجال تمد يدك عليها ..
زياد بعصبيه : لأنك ماتعرف شنو سوت ؟؟
العم بعصبيه : مهما سوت ما لك الحق تمد يدك عليها وراها رجال يتصرفون معها توها ماصارت ببيتك تسوي فيها اللي تسوي لحد الحين ببيت أبوها تبقى معززه ومكرمه زياد خلها أحسن لك لا تطلعني عن طوري ..
زياد هدها ودزها : تامر ياعم ولك الحشيمه ..
العم : ممكن أعرف شنو حصل خلاك تسوي كذا ؟؟
زياد يلف لغدير وغيداء : أسألهن شنو سون بنجد ونجود بنات خالي
غيداء عصبت وبصراخ : الحين تطق وتهين زوجتك عشان نجود الحقيـ....
زياد يقاطعها بعصبيه : جــــــــــــــــــب نجود أشرف وأحسن منك ..
غيداء عصبت زياده : لأنك تحبها ..
الكل أنصدم ماعدا رشا وغدير زياد يحب نجود ويتزوج غيداء ..
العم : زياد صدق الكلام ...
@storykaligi
💕 323 🎀
العم : زياد صدق الكلام
زياد : ................
العم : أجل ليه تزوجت بنتي دام تحب غيرها وما تحبها ..
أبو زياد وصل بهذا الوقت مع زيد ودخلو : أنا السبب ..
زياد يلتفت : يبه !!
الأب : أنا آسف سامحني ياولدي أجبرتك على شيء ضد رغبتك ..
العم : يعني ولدك ما يبي بنتي ..
غيداء تصيح : شفت يبه ما يحبني ما يحبني يحبها ..
زياد بعصبيه : عشان كذا حطيتي لها مخدرات بالعصير ..
الكل وقف مصدوم : مخدرات ..
سامي بعصبيه : شنو قاعد تقول ؟؟
زياد : أسأل غدير أسأل ليز اللي ودت العصير لهن بأمر من غدير ..
غديرخافت من نظرت الكل : مالي دخل مالي دخل ..
زياد عصب ومسك يدها بعصبيه : من اللي له دخل من اللي حطه بالعصير ..
غيداء تحاول تفك غدير منه : وخر مالنا دخل شف نجود منين تجيبه وخر زياد لا تتبلا علينا ..
زياد يلف لها ويمسك كل وحده بيد ويهزهن بعصبيه : والقلاصات اللي عليها بصمات غدير وداخله المخدرات وتحليل الدم اذا سوينا لغدير يثبت أنها تتعاطى مخدرات كيف قدرتن تسون كذا (لف لغدير) الشرطه بتثبت انك السبب وما يردك إلا حبل المشنقة ..
الكل مصدوم ترددت الكلمات بأذن كل واحد
(مخدرات – غدير – بصمات – شرطه – حبل المشنقه )
غدير بعد ما أستوعبت الكلام صرخت : لا لا لا الشرطه حبل المشنقه لا مالي دخل وهي تأشر على غيداء أيه هي اللي قالت لي ..
غيداء بعصبيه : اسكتي اسكتي كذاب اسكتي ..
غدير تلف لها تصيح : لامايصير أروح لحبل المشنقه بسبتك مايصير كله ذنب غيداء قالت لي أحط لها مخدرات بالعصير عشان تتخلص منها بعد ماعرفت من رشا ورنا أن زياد ونجود يحبون بعض ورفضت نجود زياد وحبه عشان أبوه مايزعل عليه ..
غيداء تصارخ بعصبيه : كذابه يبه كذابه لا تصدقونها ..
العم : مو معقوله بنتي تسوي كذا شنو ربيت وحش ..
سامي بعصبيه : لا ما أصدق كيف غيداء تسوين كذا
غيداء طالعت الكل وبدت تبكي فضيحه و أنكشفت قدام الكل قررت تلملم بقايا كرامتها وتروح غرفتها وقبل تصعد الدرج ..
زياد بصوت عالي وقفها : غيداء وقفي ..
غيداء تلف له بقهر : شنو بقى بعد تضربني خلاص أكرهك ..
زياد بنظرت حزن عليها : ليه يابنت العم كيف تسوين سوات المجرمين هانت عليك نفوس البشر ..
غيداء بعصبيه : أنت السبب أنت ...
@storykaligi
💕 324 🎀 ْ
زياد زادت عصبيته : وأنتي طالق طالق طالق ..
غيداء أنصدمت : لا زياد لا
رشا شهقت : زياد
زياد لف لعمه وحب راسه : سامحني ياعم ما أقدر أأمن على نفسي معها آسف ..
العم ماقدر يوقف زياده صدمته ببنته وصدمة طلاقها نزل راسه : مالومك مالومك ياولدي .
طلع زياد طلع سليمان معصب مو مصدق كيف أخته تتسبب لهم بعار و فضيحه وكملت بطلاقها وغدير اللي يميل لها مشاركه بجريمة قتل نفس والصدمه الأكبر تعاطيها للمخدرات حس بأنه أنطعن من أعز الناس لقلبه أخته وحبه , سامي اللي صعد لجناحه الخاص يجر أذيال الخزي والعار من اللي سوته أخته ورشا اللي تتبع زوجها مو عارفه مصير حياتها معه هل الطلاق عشان يرد كرامة أخته والا يثبت على حبها أيدها على قلبها طوال الوقت خايفه على مصيرها ومصير ولدها أو بنتها اللي جاي بالطريق , غيداء اللي أنهارت طلاق وفضيحتها قدام أهلها طاحت من عين الكل بعد ماكانت الغاليه وبنتهم الدلوعه ماقدرت تواجه أحد حبست نفسها بغرفتها , والأب اللي مو قادر يواجه أخوه أو ولد أخوه أو الناس لو عرفت تاجره لقتل النفس مجرمه حاولت تقتل نجود والحين مطلقه من ثاني يوم ملك عليها ولد عمها , وغدير اللي طلعت مع أمها المنهاره والمصدومه من اللي عرفت عن حقيقة بنتها ..
وهل سيبقى الحال على ماهو عليه ؟؟؟؟؟؟؟
أما في مكان ثاني وبعيد عن المشاكل جالسين على مائدة الأكل
عبدالرحمن يغمز لأمه ويأشر براسه لأبوه : .................
الأم تأشر له أصبر : ............................................
مها حبت تخرب عليه أنتقام منه على اللي سواه بسلوى : أحم أحم حمني علامك من اليوم تهز راسك تقول هندي ؟؟
عبدالرحمن : مالك شغل
الأب يرفع راسه : خير فيه شيء ؟؟
عبدالرحمن : هاه لا سلامتك
مها : والله يبه أنا ما أعرف أكذب بس من اليوم يهز رقبته تقول حاطها على الهزاز ..
الكل : ههههه ..
عبدالرحمن : سخيفه ...
عبداللطيف : صادقه مهاوي يا أخي أحولتني اذا تبي شيء من أبوي قله من اليوم ماغير تأشر عليه براسك لأمي ..
عبدالرحمن : لطيفوه أسكت
عبداللطيف : أنا كم مره قلت لك لاتقول لطيفوه ..
مها : ويحك يافتى أتسمح لزوجك بأن تقول لطيفوه وأخيك أبن أمك وأبيك لا هزلت وآه من هذا الزمن ...
عبدالرحمن ضربها على راسها : جب يا عنتره بن شداد جب ..
الأب : خلصتو
الكل سكت....
الأب : عبدالرحمن
عبدالرحمن : لبيه
الأب يبتسم ويطالع زوجته : أمك قالت أنك ناوي تتزوج ..
عبدالرحمن أبتسم : أيه يبه اذا ماعندك مانع ..
الأب : لا والله هذا يوم المنى ومن اخترت ولا حاب أمك تختار لك
عبدالرحمن يحك شعره من الأرتباك : أبي بنت أخت العم عبدالوهاب سلوى
مها شهقت : سلوووووى ..
عبدالرحمن نقز من شهقتها : وجع أيه سلوى ..
مها بحزن مصطنع : بس سلوى بتنخطب قريب ..
عبدالرحمن وقف بصدمه : شنو ..
عبداللطيف : حمني أهدى مها صدق مخطوبه
مها تهز راسها بأيه ببرائه : أيه بتنخطب قريب ..
الأم : ومن هذا ؟؟
عبدالرحمن بعصبيه : مو مهم من المهم ما تنخطب لأحد غيري يمه أنا أبيها ..
الأب : عبدالرحمن أجلس ..
مها طالعت له : ماتبي تعرف غريمك منك ؟؟
عبدالرحمن صر على ضروسه : قولي وأخلصي ما أقدر أتحمل زياده قولي ..
مها(ببرائه ) : طالع وراك تشوفه
عبدالرحمن لف فجأه مالقى أحد بس أنتبه أن وراه منظره تعكس صورته فهمها لف لها بس مالقاها بمكانها
الكل : هههه ..
عبداللطيف : ههههه تعيش وتاكل غيرها ياروميو ..
عبدالرحمن : الحماره وينها ؟؟
الأم : ههههه صعدت لغرفتها ..
الأب : ياحليلها عرفت كيف تلعب عليك
عبدالرحمن : بذبحها بغيت أرتكب جريمه ... يمه
الأم : عيونها
عبدالرحمن : طلبتك خطبيها لي قبل يصير كلام مها صدق وتنخطب لغيري ..
الأم : والله يا عبدالرحمن صعب تلحين
عبدالرحمن : ليه ؟؟
الأب : عبدالرحمن تشوفها حلوه نخطب وبناتهم بغيبوبه وحده صحت والثانيه ما يعلم فيها إلا الله
عبدالرحمن : السموحه نسيت الله يقومها بالسلامه يارب
مها تصارخ جايه لهم ركض وتبكي : يمااااااااااااااااااااه
الأم (تركض لها والأب وأخوانها بخوف تلمها) : مها علامك بسم الله عليك
مها(ودموعها تسبقها) : يمه يمه يمااااااااااااااه نجد يمه نجد
عبداللطيف : ماتت ؟؟
@storykaligi
🎀 325 💕
عبداللطيف : ماتت ؟؟
مها تضربه على كتفه وبعصبيه : ياحمار لا تتفاول عليها يمه نجد صحت صحت
الكل فرح وضم مها وفرحوا لفرحها يعرفون نجد وش كثر تهم مها ..
مها برجا : يمه طلبتك بروح أشوفها
الأم تطالع زوجها اللي أبتسم لها : جيبي عباتك يمه عبداللطيف تودينا
عبدالرحمن : لا أنا بنتظركم بالسياره على ما تجهزون ..
عبداللطيف يهمس له : عشان تكحل عيونك بشوفتها ...
عبدالرحمن : آه منها عيون المها ..
مها : هاه
عبدالرحمن : خير
مها تمسح دموعها : قلت مها ؟؟
عبدالرحمن يغمز لعبداللطيف : أيه حبيبتي أقول روحي البسي قبل يتأخر الوقت علينا ..
مها بفرح قامت بسرعة ..
أما بالمستشفى الفرحه عمت على كل العائله بصحوة نجد من الغيبوبه وظهور الحقيقه للكل والناس ومن السبب مع أن الوقت متأخر إلا أن الكل تجمع بالمستشفى نجد ونجود حطوهم بغرفة وحده تلبيه لطلبهن وحطن سرايرهن جنب بعض ..
الغرفه يطغى عليها صوت الضحكات اللي أنفقدت من كم يوم النفوس أرتاحت والبال هدا
رنا تهمس لنجود : أقول يالعروس نبيك تشفين بسرعه ترى ولدنا مستعجل على الزواج ..
نجود رفعت نظرها لزياد اللي ماهمه اللي حوله غمز لها استحت ونزلت عينها وهمست لرنا : رنو قولي له يخفف من نظراته أحس الكل يطالع لي أحرجني ..
نجد رغم أنها تحس بتعب بس تتجاوب مع الكل : ههههههه أعترفي عاجبك صح ..
نجود أبتسمت : كلن تبن زين ..
جراح ينغزه بجنبه : يالأخو علامك أنهبلت راع أبوها وأخوانها جالسين ..
زياد وللحين يطالع لها ما يبي تفارق عيونه : ماهمني أحد بايعها بايعها
محمد : شنو تبي تسوي
زياد : بخطبها من خالي
محمد وجراح : الحين
زياد : أيه تلحين
بس قطع حوارهم طقت الباب ويوم فتح مشعل خبرهم انها صاحبة نجد وأمها طلعوا الشباب والشياب يسلمون على عبدالرحمن ويتركون المجال للحريم ياخذن راحتهن وبعد السلام وأخذ العلوم ضيفن أم مها ومها اللي تسولف مع البنات
الجده : رنا سلوى
رنا وسلوى : هلا
الجده : تعالن طلعن القهوه والحلى لخوالكن والعيال ..
رنا : حاضر
سلوى تهمس لها : رنو ما أبي الخايس معهم ..
رنا : خايس
سلوى : أبو عيون زايغه عبدالرحمن
رنا : ههههههه ..
الجده : ماخلصتن
رنا : بلا يمه أنا بوديهن سلوى رجولها تعورها شوي
الجده : تقدرين
رنا : أيه أقدر
أنطق الباب إلا بدخلت دانه وأمها واختها منيره
رنا : دنونه
دانه : هلا وغلا برنوه
الكل سلم عليهم وأستأذنت رنا تودي القهوه والحلى لخوالها قربت منهم ولاحظها جايه فز وراح لها وأهو باين على وجهه تكشيره رنا بلعت ريقها يخوفها خصوصا لما يعصب ..
@storykaligi