الفصل 69
❤️📝 روايات وقصص مميزة 📝❤️:
💕 316 🎀
عبدالرحمن(بحنيه ونعومه) : أحبك
سلوى ترمي الجوال على رنا وتصارخ : الحقير الخايس الله يلعنه ما بوجهه حيا ..
رنا : عبدالرحمن شنو قلت ؟؟
عبدالرحمن : ولا شيء خذي مها اطمنك صحة الخبله هههههه
مها تصارخ : خبله بعينك يالباندا ..... ألو رنوه
رنا : يالتبن وين رحتي خوفتيني ..
مها بدت تبكي : أنصدمت ما قدرت أستوعب كيف مخدرات ..
رنا : والله كذب كلنا نعرف نجد ونجود
مها : أنا ما أشك فيهن لا بس كيف حالهن ألحين
رنا : والله بغيبوبه تصدقين (بدت تبكي) نجد وقف قلبها مره وأنعشوها
مها (تبكي) : لا ..
رنا : أهدي ربك ستر
مها : التلفون ما ينفع لازم أشوفكن
رنا : بكره نلتقي شنو رايك
مها : اوكيه بس وين
رنا : تعالي لبيتنا
مها : لا صعب أنا بزور نجد ونجود مع امي بكره نلتقي هناك
رنا : حلو يالله قلبووو باي
مها : باي
رنا لفت لسلوى اللي تغلي : أحم سلوى
سلوى : على تبن أنطمي لا أذبحك ..
رنا كاتمه ضحكتها : سوري قلبي بس شنو قال لك عشان تعصبين ..
سلوى تصر على ضروسها : قال أحبك حبه برص يارب
رنا : ههههههه والله صرنا ننحب يا سلوى ..
سلوى تاخذ المخده وتضربها : يا حماره ليه مو بشر عشان انحب
رنا تحاول تحمي وجها من الضرب وتضحك : هههههه إلا بشر بس ليه معصبه روقي ..
سلوى مستمره بالضرب : لأنه وقح جريء حمار
رنا : بس حلو ..
سلوى توقف عن الضرب : شنو حلو
رنا بخبث : أيه حلو واو يهبل روعه لذيذ ..
سلوى بعصبيه : ياحماره تتغزلين فيه ماتستحين
رنا : ليه هو بشر كيفي ..
سلوى : من تقصدين ؟؟
رنا بهمس : الحب
سلوى(حمر وجها وأبتسمت) : ..................
رنا : واو أيه اطلعي على حقيقتك تقولين وقح وحمار ههههه ..
سلوى رجعت تضربها بالمخده وهي مستحيه ورنا تقط كلام وكلام لين تعبن ونامن ..
أما بالمستشفى طلعت الأم وراحت عايشه عشان تبات ببيت أهلها جنب أمها أسيل بقت مع نجد ونجود بغرفة العنايه تطل عليهن من فتره لفتره روابي أصرت ماترد للبيت خافت يصير شيء لهن محسن بات بمكتبه عشان يصير قريب منهن
أسيل تسندت على الكرسي وتمسح دموعها : .................
روابي : بسم الله عليك فيك شيء ..
أسيل : تعب خفيف
روابي : أسيل ردي البيت أرتاحي لك فتره قليله طالعه من المستشفى ومن ساعات وافقه على حيلك لا أكلتي ولا أرتحتي
أسيل تقاطعها : ولا راح أرتاح لين يصحن واعرف من سوى فيهن كذا لا تضنين أني مثلهم أشك فيهن لا أعرفهن بس اللي متأكده منه مو هن يسون كذا مو تربية عناد ..
روابي : عارفه (جلست جنبها) بيني وبينك أنصدمت لما عرفت بانهن شاكين زادت صدمتي لما شفتهم ياخذون من رنا وسلوى تحاليل بس سكت ..
أسيل : عارفه لازم نسكت بــ....
الممرضه : دكتوره المريضه نجود صحت
أسيل وروابي طالعن بعض بفرح ودخلن غرفة العنايه
نجود بتعب : أبي ماء يمه ..
أسيل تمسك يدها ودموعها تغلبها : نجود قلبي
نجود : أسيل أبي ماي عطشانه
أسيل تشربها ماي : شوي شوي بسم الله
نجود كأنها تذكرت شيء : نجد وين نجد
روابي : نجد بخير كاهي جنبك
نجود تلف راسها شافتها موصله بالاجهزه دمعت عيونها ورجعت راسها : الله لا يوفقك الله لا يوفقك ..
أسيل : من يا نجود من سوى فيكن كذا كيف المخدرات جت لجسمكن ..
روابي : أهدي أسيل توها صاحيه من غيبوبه أستمرت ساعات
نجود : غيبوبه من متى ؟؟
روابي : لكن 12 ساعه من أمس الساعه 9 بالليل
نجود : ونجد صحت
أسيل : بتصحى بس قولي لنا شنو حصل
روابي : خليها ترتاح بعدين نعرف
أسيل : لا لا عارفه لو أهم عرفوا بأنها صحت بيصير سين وجيم
نجود : شنو حصل ومن اللي عرفوا وشنو حصل لنا ؟؟
أسيل : أهدي وأسمعي اللي صار لقوكم البنات بغيبوبه انتي ونجد بالحديقه ونقلناكم للمستشفى وأنعشناكم ولما سوينا الفحوصات اتضح وجود نسبه كبيره من المخدرات أدت لتوقف القلب عالجناكم المخدر لازال بجسدكن للحين بس أنتي أقل من نجد هذا كل اللي صار بس الحين عليك تقولين لي شنو صار قبل هذي الأحداث
نجود : ........................
أسيل : نجود تكلمي
@storykaligi
💕 317 🎀
أسيل : نجود تكلمي
نجود : ........................
روابي : نجود فيك شيء نجود
نجود : ........................
أسيل : طلبتك لا تبكين بس ردي علي شنو صار
نجود : ولاشيء مذكر شيء
أسيل : نجود تكلمي لا تسكتين
نجود بدت تصارخ : خلاص قلت ما اذكر تعبت تعبت
نجد ..
روابي : سستر مريم جيبي لي مخدر نجود أهدي نجود
أسيل أبتعدت حطت يدها على فمها حست انها مكسوره قدام اللي يصير مو قادره الثنتين وأمها وهي وحمد ودنيتها تعبت هي بعد ما عادت تستحمل طلعت من الغرفه وهي تشوف روابي تهدي نجود ويعطونها إبره مخدره حست الدنيا تلف فيها بتمسك الكرسي أختل توازنها وقبل تطيح مسكها ..
أسيل شافته صدمات صدمات صدمات بتصرخ لا مو وقتك لا لا الصدمه قويه والتنفس صار أصعب تشوفه هو أيه ماحست بالدنيا بعدها غابت عن الوعي وهي بين ايديه ..
في بيت الجده .........
نزلت رنا وسلوى : صباح الخير
الجده : صباح النور نمتن عدل
رنا تطالع سلوى وبخبث : أنا عني نمت عدل مدري عن بعض الناس
سلوى تقرصها بيدها : جب
رنا : آي يالمتوحشه يمه شوفيها
الجده : عارفتكن المهم ببشركن بشيء
رنا سلوى : شنو !!
الجده تبتسم : نجود صحت ..
رنا بفرح : والله ونجد
الجده بحزن : للحين بس بأذن الله بتصحى
سلوى : جده بنروح لها
الجده : طبعا بنروح بس بعد الغدا
رنا : أيه صدق صحينا متأخر
سلوى : أنا ما أبي غدا حسيت أني شبعت من سمعت خبر عن نجود ..
رنا : بروح أفرح مها ودانه أيه وحتى حلا وسلمى ياقلبي عنهن يحاتن (لفت لسلوى) سوسو
سلوى : هلا
رنا : أممم أتصلي بمها أنتي ..
سلوى : لا
رنا : بليز والله بتصل بدانه وحلا وسلمى ..
سلوى : رنو ..
رنا : مالي شغل ما أبي أتصل وأن قالت ليه مابلغتوني أقول أنتي ..
سلوى بصراخ ورنا تصعد تجيب جوالها : يالخايسه فاهمتك بس ماراح أتصل ..
الجده : ليه يمه دقي فرحيها
سلوى أرتبكت : بعدين يمه بعدين ...
الجده : لا يا وليدي مها تحب البنات كثير وأنا سمعت من أمها اللي أتصلت علي اليوم أنها تبكي طول الليل على حال البنات ..
سلوى : هاه
الجده : يله يا بنتي قومي خليها تفرح شوي عسى يارب يفرحنا بصحوة نجد ..
سلوى تحب راسها : بأذن الله الحين بتصل(في خاطرها) يا رب يا رب ما يرد يا رب ..
الشغاله: ألو
سلوى أرتاحت : ألو وين مها ؟؟
الشغاله : مها نوم
سلوى : طيب وين ماما كبير
الشغاله : مو فيه كلو مو فيه بس نفر واحد فيه
سلوى تلف لجدتها : يمه مافيه أحد بس تقول نفر واحد ..
الجده : ههههههه كأنك من الخدامات طيب كلمي النفر الواحد وقولي له يبلغ مها ..
سلوى : يمه مو قصدي تتطنزين علي خذي كلميه أنتي
الجده : يمه والله مافيني حيل أقوم
سلوى : طيب نشوف من النفر الواحد هذا
(كان يتسمع لها وهي تسولف مع جدتها) : النفر تبينه هندي سيلاني ولا سعودي أحلى
سلوى (أنصدمت وسكتت) : ........................
@storykaligi
💕 318 🎀
سلوى (أنصدمت وسكتت) : ........................
عبدالرحمن أبتسم وبهمس : أحبك أحبك أحبك ..
سلوى تحس أنها بتولع منه بس مو قادره تصارخ عشان جدتها : جده
الجده : هلا يمه
سلوى بخبث : الله يلعنها خدامتهم معطيتني سواقهم الزفر الحمار ..
عبدالرحمن : أنا حمار
الجده : ههههه هندي عاد ياويل حالي من الخبله عاد يفهم عربي ..
سلوى : مدري لحظه .... ألو
عبدالرحمن : أحلى ألو
سلوى تكتم غيضها : أسمع انت نفر أنت يعرف عربي والا بهيم ..
الجده : لا تسبين يمه عيب ..
عبدالرحمن سمعها : صح عيب
سلوى : جده العيب أن الواحد يغازل صح
الجده على نياتها : صح
سلوى : العيب أن الشخص ما يحترم محارم الغير صح
الجده : صح
سلوى : العيب ما يجي إلا من أهل العيب (بصوت أعلى بسماعه) العيب أن الغبي الحمار يعتقد أني مثل الخمه اللي يعرفهن الوقحات الحقيرات العيب اللي مايعرف الباب ويجي منه يدخل من الشباك ..
الجده : بسم الله عليك يمه تكلمين الهندي ولا تعطين محاضره
عبدالرحمن أبتسم : عارف أنه عيب وفاهمك بس ليه تجرحين يهون عليك حبيبك يا حلوه طيب ما يحتاج كل هذي المحاضره قولي أنك تبيني أخطبك من اهلك قولي ما يحتاج لف ودوان أنطقيها
سلوى : لاااااا لا
الجده : بسم الله عليك علامك ؟؟
سلوى تبكي : تعرف انك حقير وحمار أكرهك
عبدالرحمن أنصدم : سلوى انا آسف مو قصدي ..
سلوى تركت التلفون وتركض لغرفة رنا وعبدالرحمن ينادي ولا ترد
عبدالرحمن ارتبك بس سمع صوت الجده : هلا
الجده : أنت من ؟؟
عبدالرحمن : انا عبدالرحمن
الجده : زين ياولدي أنك رديت بلا بنتي سلوى من اليوم تكلم هنديكم الظاهر عصبها أنه ما يفهم وبكاها ياقلبي عنها غبي ما يفهم ..
عبدالرحمن في نفسه : صدق غبي صدق صيحتها ياقلبي دموعك غاليه
الجده : أنت سمعت اللي قلت ؟؟
عبدالرحمن : هاه !!
الجده : لا والله منت معي أسمع تروح لمها وتقول لها أن نجود صحت وهي بخير ..
عبدالرحمن بحزن على سلوى : حاضر تامرين على شيء بعد
الجده : سلامتك وسلم على أمك زين
عبدالرحمن : يوصل
الجده : مع السلامه
صعد لمها وبلغها بأن نجود صحت بس قبل يصحيها فتح جوالها ونقل رقم سلوى لجواله بدون لا تدري مها وطلع لغرفته
عبدالرحمن : ياربي أكلمها ولا لا كل مره تزفني برسل لها رسالة عذر والله انا زودتها معها بس والله أحبها والله أحبها بس مو راضيه تصدق أيه من ماضيك الأسود يا عبدالرحمن ماكفنك بنات السعوديه حتى بنات بريطانيا تعرفهن أعوذ بالله والله لأتوب أن وافقت علي سلوى والله لأصير ملك لها بروحها
أرسل مسج على سلوى اللي حالتها حاله
رنا : ياقلبي أهدي
سلوى تبكي : كيف يتجرأ ويكلمني بهذا الأسلوب طوفتها له البارحه اليوم بعد لا كثير
رنا : حقريه ياقلبي
سلوى : قليل أدب والله وقح متعود على الخايسات اللي يعرفهن ..
رنا تاخذ جوالها : الحين بوريك فيه
سلوى : شنو بتسوين
رنا : ألو مها قبل السلام والكلام سمعي أخوك عبدالرحمن زودها أمس قال كلام واليوم يوم أتصلت سلوى وكلمت البيت ورد قال بعد لها كلام بصراحه سلوى بس تبكي ..
مها : يووو حسبي الله على أبليسك يا عبدالرحمن والله مفشلني أعتذري لي منها ..
رنا : مها حنا عارفين معدنك بس سلوى ماتحب هذي الحركات والله من اليوم أهديها
مها : خلاص ألحين بتصرف لا تحاتين باي
رنا : باي
سلوى فتحت جوالها رساله منه وبعصبيه : حمار ..
رنا أخذت الجوال وقرت المكتوب وكتمت ضحكتها
سمنـي طيـف حبـك سمنـي غايتـك
سمني كيـف ماتبغـى حبيبـي سمنـي
مايهـم التسميـه دامهـا هـي رغبتـك
المهم أن كان اسمي عاجبك وش همنـي
يسعد الله كل عطر(ن) زارني في طلتك
يسعد الله هالوجود الي بشخصك لمنـي
المشاعر خايفه عيـت تقـاوم ضمتـك
كيف وأنت الي بنظراته ورمشه سمنـي
آه من قلبي رفض هالناس يطلب جنتك
مايهم الكون دام عيون خلـي موطنـي
ياغلاي ارجوك أسعف من مناته ضحكتك
شف ترى مابه أحد بالشوق مثلك شدنـي
أن حكيت الكون كله يستمع وش همستك
لاتلوم الـي يحبـك دام شوقـك هدنـي
في سكوتك كل مافيـه عذابـه سكتتـك
أرحم الي يتبعك من وين تبغـى ودنـي
الجروح الي من اسبابك تراهـا ذمتـك
ردني لك ياغـلا هالكـون بالله ردنـي
رنا : سوسو فضحتينا أهدي قبل أمي تجي وتسأل ليه الصراخ
سلوى : بذبحه الخايس مع شينه قوات عينه
رنا : خلاص مها بتتصرف معه
سلوى : بدخل آخذ دش يمكن تهدى أعصابي بعد مانرفزني الدب الزفت ..
رنا كاتمه الضحكه : طيب روحي ..
@storykaligi
💕 319 🎀 ْ
نعود لأسيل اللي بدت تصحى لاحظت أيدها الموصله بمغذي لفت أعتقدت أنها بحلم كيف ووينه لفت حولها شافته عدلت لفتها
روابي : أسوله كيفك ؟؟
أسيل تطالع له وتصر على ضروسها : زفت
روابي طالعت له وفهمت همست : أهدي ..
أسيل : شنو جابه روابي خليه يطلع برا ما أبي أشوفه طلعيه ..
روابي : طيب أهدي أهدي
أسيل : روابي أنتي ماتعرفينه ..
روابي : أعرفه الدكتور مازن سويلم
أسيل : تعرفين من هو ؟؟
روابي : عارفه
أسيل : شنو جابه لهنا
مازن : أنا جيت
أسيل تقاطعه : أنت تسكت تسكت ما أبي أسمع صوتك اطلع برا ..
روابي : دكتور مشكور تقدر تتفضل على مكتب الدكتور محسن تعرفه ..
مازن طالع لاسيل بحزن : أسيل آسف على كل شيء ..
أسيل الدمع بعيونها وبغضب : كلمة آسف ما تداوي الجرح كلمة آسف ماترد كرامتي كلمة آسف ماتعوضني سنه من عمري كلمة آسف ماتغفر لك اللي سببته لي ..
بهذي اللحظه دخل حمد وشاف مازن حمد يعرفه حس بغضب وروابي شهقت أما أسيل زاد غضبها وحقدها ..
أسيل : كلمة آسف ما تغفر لك أنك السبب بكل اللي مريت فيه وبمر فيه بعد كلمة آسف ما تشفع لك عندي أكرهك
حمد حس بالغيره وصر على ضروسه : لو سمحت أطلع برا أظن سمعت اللي قالته ..
روابي : لو سمحت دكتور مازن تفضل معي لغرفة الدكتور محسن
مازن : طيب
أسيل لفت لحمد بعصبيه بعد ماطلعوا : وأنت بعد برا ما أبي أشوفك ..
حمد : طيب أهدي
أسيل بدأت تبكي : أهدى أنت مو صاحي كيف أهدى وأنته زوجي أنت تجنن بلد فما بالك انسانه كل ماشفتها تحطمها أطلع برا ..
حمد يقرب يعرف انه يقسى عليها : طيب بطلع بس أهدي عشاني ..
أسيل : وأنت منو منو عشان تقول عشاني أنت ولاشيء ما أبي أشوفك أنت ومازن آخر أشخاص أتمنى أشوفهم أكرهكم ..
روابي دخلت : حمد أتركها أطلع أرجوك اطلع ..
حمد : ........................
روابي بعد ماطلع حمد : أهدي ياقلبي
أسيل تخبي وجهها بأيديها وتبكي : تعب ياروابي هو من جهه واللي يصير لي من جهه وكمل جيت مازن ما أبي أشوفهم ما أبي تعبت
بقت روابي تهديها لين نامت محتاجه للراحه كثير وطلعت لقت حمد جالس برا
روابي : مارحت
حمد : لا شلونها الحين ؟؟
روابي : تعبانه كثير ياحمد أنت مو حاس حرام عليك كفايه
حمد : روابي أنا ماسويت شيء ورجاء لا تتدخلين اذا تعزيني لا تتدخلين لف شاف مازن يمشي لهم هذا شنو يسوي هنا !!
روابي : أبدا دكتور حاله حالنا
حمد : نعم يعني يشتغل هنا
روابي حبت تلعب بأعصابه : أيه ..
حمد : ومن زمان ..
روابي : يعني فتره
حمد : ويشوف أسيل وتشوفه
روابي : ساعات الصدف
حمد : نعم
روابي : هههههه ..
حمد : روابي
روابي : أمزح أهو تخرج ويبي يشتغل هنا بمستشفى خالي ..
حمد بصدمه : بيشتغل هنا هنا
@storykaligi
💕 320 🎀
روابي : أيه بس لا تنفجر من الغيظ خالي رفض أوراق توظيفه هنا ..
حمد أبتسم : أحسن
روابي : حمد تحبها ؟؟
حمد : جــــــــــــــــــب انا رايح للشركه باي
روابي : لحظه من قال لك عن أسيل
حمد : هاه محد صدفه جيت
روابي : لها
حمد : جيت أشوف نجد ونجود عرفت اللي صار لها
روابي : هين
حمد : باي
روابي : باي (في خاطرها) حيرتني ياحمد حيرتني تحبها وتقسى عليها عشان سالفه قديمه تبي ترد كرامتك كرجل على حساب مشاعرك بس غلطان ياحمد بتندم على اللي تسويه قد شعر راسك بينقلب عليك الأمر وبتترجى لو الزمن يرد عشان تصلح أغلاطك الله يهديك ..
رجعت لأسيل تتابع حالتها لا يصيبها أنهيار من اللي قاعده تمر فيه
على العصر الكل موجود بغرفة نجود الخاصه اللي نقلوها لها الكل يبي يسألها شنو جرى وكيف جت المخدرات لجسمهن بس محسن قال حالتها للحين صعبه بينتظرون 3 أيام بعدين يسألونها وبيعالجونها من أثر المخدارت خلال هذي الفتره
رنا تضمها : خفنا عليك
نجود : خنقتيني شوي شوي
الجده : شوي شوي
سلوى : بغينا نموت من الخوف
نجود : بسم الله عليكن (همست لسلوى) لا تروحن انتي ورنا في موضوع مهم قولي لها
سلوى : حاضر
أسيل تدخل مع روابي اللي ماسكه يدها تساعدها
الأب : بسم الله عليك كيفك الحين ..
أسيل تبتسم بتعب : بخير يبه تعب بسيط
عبدالله يقرب منها وهذا الشيء أربك روابي وما خفى عليه وابتسم : تعالي يالغلا بنروح البيت ترتاحين ..
أسيل تطالع روابي وتبتسم : راحتي معكم خلني شوي معكم ..
عبدالله : كيفك دكتوره روابي ؟؟
روابي تبلع ريقها : بخير وانت
عبدالله : بخير ممكن
روابي : هاه
عبدالله مسك ضحكته من ارتباكها : ممكن يد أختي باخذها
روابي : أيه أعذروني عندي شغل
طلعت ولا عطت أحد مجال يتكلم وقفت بالممر بعيد تاخذ نفس قربه عطره وسامته هيئته يربكها يربكها حست الهواء أنقطع من حولها من سمعت صوته وراها لفت ظنت تتخيل وأنصدمت واقف ويبتسم لها ..
عبدالله : فيك شيء ؟؟
روابي(هزت راسها لا ) : ........................
عبدالله : طيب تكلمي
روابي : هلا تبي شيء ؟؟
عبدالله أبتسم : أنا أبي أشياء وأشياء مو شيء
روابي فتحت عيونها : نعم
عبدالله : آسف أقصد أبي أسأل اذا في دواء لأسيل ..
روابي : أيه فيه أنا بجيبه
عبدالله : بروح معك
روابي بعد ماكانت معطيته ظهرها لفت له : نعم وين تروح معي ؟؟
عبدالله : أجيب الدواء ولا تحاولين ترفضين رجاء بطلع انا وياها للبيت ترتاح وما عندي وقت روحه ورده ..
روابي : طيب طيب فهمت تفضل
تمشي ووجوده قريب يربكها تحس بيغمى عليها من قربه ومن تعليقات الممرضات حولها
الممرضه1 : شوفي شوفي من هذا المزيون اللي مع الدكتوره ؟؟
الممرضه 2 : يمكن خطيبها شوفي وجهها كيف صاير
عبدالله يبتسم على كلامهن بس أختفت الابتسامه يوم سمع وحده تقول
الممرضه 3 : تقصدين ولد عمها الطيار عيسي هي وافقت عليه
الممرضه 1 : والله مدري بس من فتره متقدم لها اظن قبلت
روابي لفت لعبدالله اللي باين عليه الصدمه ماتوقع حبيبته تكون لغيره حس وده يصرخ بالعالم ويقول هي لي مو له يطالع لها ونسى العالم والناس ..
عبدالله : روابي
روابي غمضت عيونها أول مره يقول أسمها بدون لقب : هلا
عبدالله : صدق اللي سمعت قبلتي ولد عمك ..
روابي ماتعرف ليه سكتت ونزلت راسها : ......................
عبدالله ظن انه خجل من سيرة الخطيب : الله يهنيك آسف تذكرت شغل مهم ممكن توصلين العلاج لعايشه هي بتجيبه معها مع السلامه ..
روابي : عبدالـ.....
تتابعه بعيونها لين أختفى من قدامها دخلت غرفتها الطبيه وسند جسمها على الباب وجلست وبكت بصمت بكت أنتهى كل شيء هي لعيسى وأهو لنوره مالنا نصيب مالنا نصيب
نعود لنجود بعدما طلعوا الكل بقت رنا وسلوى بعد طلب قابله رفض ولكن الجده تدخلت ..
رنا : خير نجود
نجود : سمعن شنو صار ..
#انتهى
مكملين معكم غدا" بإذن الله
أنتظرونا ...
@storykaligi