الفصل 68
❤️📝 روايات وقصص مميزة 📝❤️:
💕 311 🎀
دانه بصدمه : تحبين !!!
رنا أبتسمت : أيه أحب مالك قلبي وكياني صدق هذا الحب حبيس بقلبي بس هو ملكني أسرني أكابر واتصنع بس تنهار صروح قلبي بوجوده ..
منيره : ممكن أعرف من
رنا : نو سوري هذا سر بصندوق مقفله عليه لين يشوف النور ..
منيره : على راحتك والحين سولفي لي ليه سويتي كذا والتمثيليه هذي ليه ...
تمن البنات يسولفن ومنيره مالامت دانه بحب رنا وأعجبها اخلاق رنا وأنها ما خضعت ليوسف وتمت بنت محافظه على نفسها رغم الأغرائات لها من يوسف وكلامه العسول اللي تعرفه طلبت رنا منهم ما يقولن ليوسف شيء عنها أحترمن رغبتها وعاهدنا ما يتكلمن سر بينهن ..
بعد ماطلعن منها صعدت ودقت على نجد تبلغها باللي صار
رنا : ألو
نجد : هلا
رنا تعجبت من نبرة صوتها : نونو علامك شفيه صوتك ؟؟
نجد بحزن : نجود يا رنا تعبانه
رنا بخوف : شنو صاير ؟؟
نجد : آه أنتي عارفه ملكت أخوك بعد 3 أيام وهي كل ما تتذكر قرب الموعد تجيها نوبة بكي رنا ليه ؟؟
رنا : ليه شنو ؟؟
نجد بدت تبكي حال أختها : ليه تحبن وتسلمن قلوبكن ليه تصدقن كلامهم ويطعنونكم وتتحملن
ليه ؟؟
رنا : نجد اهدي مو كلهم اللي يمر فيه زياد ونجود ازمه وبتعدي
نجد : لا لا كيف تعدي هي تتعذب وأهو بعد بس الحل بأيده لكنه جبان
رنا : .........................
نجد : رنا
رنا : ياعيونها
نجد : آسفه عارفه أنه أخوك بس والله من حرتي على أختي
رنا : تعوذي من الشيطان هذا النصيب ومحد ياخذ غير نصيبه ..
نجد : أعوذ بالله (تمسح دموعها ) انتي ليه داقه
رنا : عندي مفاجئه لك ما تصدقين من زارني اليوم
نجد : من ؟؟؟
رنا : دااااااااااااااااااااانه
نجد : حلفي شنو صار
رنا : تراضينا كنت فاهمتها غلط
نجد : يا حماره قلت لك ومارضيتي
رنا : رضيت والله رضيت لا واللي صار ههههه ..
نجد : خير شنو صار على شنو كل هذا الضحك ؟؟
رنا : منيره أختها سألتني إذا أقبل بيوسف لو تقدم لي
نجد : وافقتي ؟؟
رنا : لا يالتبن قلبي ملك شخص واحد بس أوافق عليه
نجد بصدمه : شخص تحبين يارنا ؟؟
رنا عضت على لسانها اللي فلت : ...............................
نجد بصراخ : تكلمي لا أذبحك تخبين علي أنا نجد ..
رنا : نجد أمزح وأنتي تصدقين ..
نجد : لا ما تمزحين تكلمي
رنا : يوه نجد جدتي تناديني
نجد : والله ما أتركك هين أهربي الحين بس بعرف يا رنو يالزفته نطري لين تعرف سلوى ونجود ماراح يصدقن ..
رنا : نجد لا لا لا لا تقولين طلبتك
نجد بخبث : بشرط
رنا : شنو ؟؟
نجد : تسولفين لي عن حبيبك المجهول
رنا : ................................
نجد : كيفك باي بروح أخبرهن ..
رنا : نجد نجد تعالي موافقه بس يكون سر بينا
نجد : وعد يله سولفي
رنا : مو على التلفون لما نلتقي وعد
نجد : وعد
رنا : يله باي
نجد : باي
مرت الأيام 3 محمله بالهم والألم الانكسار على زياد ونجود أسيل أعتذرت عن حضور حفلة الملكه اللي ببيت أهل العروس وأتصلت على زياد وباركت له حاولت نجود تعتذر عن الحضور بس ضغطت الأم عليها تروح تخللها شعور بالأنهزام ما تقدر تشوفه معها وملك لغيرها طوال الوقت وأهي مرتبكه خايفه أيش راح يكون موقفها لما تشوفه كيف راح تتصرف رنا وسلوى ونجد ودانه اللي حضرت مع حلا وسلمى بدعوه من رنا البنات ما خلن نجود بروحها
نجد لاحظت نظرات غيداء بعد ما نزلت على الكوشه هي وبنت خالتها غدير لها ولنجود كأنها شرار غضب بس مو فاهمه ليه ...
نجد تهمس لرنا : رنوه علامها بنت عمك وبنت خالتها كذا يناظرنا كانا ذابحين أحد من أهلهن ؟؟
رنا : ماعليك منهن غيرانات مو أنتن تهبلن ماشاء الله مطقمات بكل شيء اللبس والتسريحه والمكياج روعه هالحركه ..
نجد : أحم أحم تسلمين من بعض ما عندكم
نجود بهمس : وقعوا العقد ..
@storykaligi
💕 312 🎀
نجود بهمس : وقعوا العقد ..
سلوى ورنا ونجد لفتن لها حتى دانه وحلا وسلمى اللي مو عارفات بحب نجود وزياد لبعض ..
سلوى بحزن : نجود أذكري الله
نجود بحزن وهمس : صار لها خلاص واقع وانا ..
نجد تمسك يد أختها وتقوم معها : عن أذنكم تعالي يا قلبي ..
طلعن للحديقه قبل اختها تفقد اعصابها اللي متماسكه
أما عند غدير وغيداء.....
غيداء بعصبيه : غديروه وين اللي تبي تمحيها ماتشوفينها مرتزه بكامل أناقتها ..
غدير : ما أعرف شنو أسوي مو هن مثل بعض ما قدرت أعرف من نجد من نجود ؟؟
غيداء : غدير
غدير : خلاص خلاص أنا بتصرف الله يستر
غيداء : ما يهمني شنو تسوين المهم ما يشوفها فاهمه
أم غيداء : غيداء ترى بيدخل الحين
غيداء : من قال لك يمه
أم غيداء : يقول سامي بس حسب ما سمعت أنه ماكان بيدخل بس أبوه غصبه ..
غيداء تصر على ضروسها : مو عشان الحيوانه نجود حبيبة قلبه مايهون عليه يشوفها حزينه ..
غدير تهمس لها : أوص خلاص صار لك زوجك وهي خلاص ..
غيداء بغضب : لو ماتصرفتي بذبحك أنهيها
قالوا للحريم أن زياد بيدخل بلغت رنا نجد ونجود ورفضت نجود تروح مو قادره تشوفهم مع بعض نجد ما قدرت تخليها وبقت معها ورجعت رنا عشان أخوها دخلت تبارك له وانتبهت لنظراته يدور عليها يبي يملي عيونه منها مشتاق لها هزت رنا راسها له كان جسد مع الناس بس بدون روح ..
طلعن البنات بعد فتره لنجد ونجود
سلوى : هذي وين
رنا : قالن بيروحن للحديقه ..
دانه تأشر : كاهن تعالن نوسع عليها ضيقتها ياقلبي على نجد مو قادره تترك أختها شوفت هاديات تعالن بنات ..
تقربن البنات يصفرن يبن يغيرن مزاجهن عشان يضحكن ويطلعن من جو الكآبه ..
أما زياد اللي طول الجلسه ساكت
زياد : ..............
غيداء : زياد علامك
زياد بدون نفس : ماعلامي
رشا جايبه الشبكه : زياد لبس عروسك ..
زياد : لازم ؟؟
غيداء عضت على لسانها من العصبيه :..............
رشا تهمس له : لا تفضحنا لبسها ..
زياد أخذ الخاتم وهو نافر حتى من لمسها بس لازم يلمسها عشان يلبسها
زياد : طيب عطيني يدك
فجأأأأأأأه
نجووود
نجددد
زياد وقف وطاح الخاتم منه : نجود !!
رشا تحط يدها على قلبها : الصوت صوت رنا من الحديقه
زياد طلع يركض وأم أسيل والجده والكل الكل صدمهم اللي شافوه رنا وسلوى ماسكات نجد ونجود اللي ما يتحركن ..
الأم شافت بناتها الدنيا درات فيها وطاحت سندنها سعاد وأمينه
رنا تصيح : زياد ما يتحركن زياد نجد ونجود
زياد ركض لنجود ونجد يطالع لهن ..
زياد يصرخ : شنو صار ؟؟؟
سلوى : مدري لقيناهن على هذي الحال
ترفه تتصل على خالد : خالد
خالد أرتاع من صوتها : ترفه شنو صار وشنو الصراخ ..
ترفه : خالد الحق علينا نجد ونجود ما يصحن خالد تعال بسرعه للحديقه تعال
تغطن الحريم والجده والعمه عطن روابي وزياد عباياتهن يغطون نجد ونجود
روابي تجص النبض وبصدمه : زياد النبض
زياد : لا مستحيل
الجده تصيح : ياويل قلبي علامهن زياد روابي
عبدالله وخالد والشباب أول ماعرفوا دخلوا ولا أهتموا للحريم صدمه الثنتين ما يتحركن
عبدالله : نجد نجود
رنا تصارخ وتصيح : ماتن لا ..
خالد يصارخ : خلونا ننقلهن للمستشفى بسرعه بسرعه
عبدالله يشيل أخته وفراس شال نجد وركبوا السياره للمستشفى وأم أسيل صحت وراحت مع الجده والعمات الكل لحقهم للمستشفى
غدير دخلت ترجف : ماتن ماتن
غيداء بصدمه : ماتن ذبحتيهن
غدير تهز راسها : لا لا مالي شغل
غيداء : مالك شغل أجل من السبب ؟؟
غدير : أنتي أيه أنتي اللي طلبتي أني أبعدها عن زياد ..
غيداء : أنا قلت لك نجود مو نجد مو الثنتين
غدير : ماعرفت أفرق بينهن ما عرفت حاولت بس ماقدرت أضطريت أعطي الثنتين أنتي قلتي لي أتصرف ..
غيداء : غبيه أنا ماقلت اذبحيها
غدير : لا لا أنتي السبب الثنتين ماتن كيف راح نتصرف أكيد بيعرفون وأنا أنشنق لأني قتلتهن بس لا لا بقول لهم الحقيقه أنتي قلتي لي
غيداء : أنطمي أنطمي (مسكت يدها) تعالي نروح لغرفتي لحد يسمعنا ..
غدير تصعد وأهي بحالة صدمه : ماتن ماتن ماتن
@storykaligi
💕 313 🎀
في مكتب محسن الكل بحالة صدمه
عبدالوهاب يقعد مصدوم : بناتي انا !!!
أسيل اللي بلغوها وجتهم لا تقل صدمه عن الكل : لا ما اصدق إلا نجد ونجود لا لا
خالد : شنو ما تصدقين شوفي هذي التحاليل تثبت وجود المخدرات بجسمن بكميات كبيره ..
أسيل : أسكت أسكت لا يمكن أصدق التوأم يتعاطن
فهد : كيف أجل جاهن كذا ..
عايشه تبكي حال خواتها وأمها اللي أرتفع السكري منهاره : لا لا تصدقون غلط غلط والله نجد ونجود ما يسونها ..
أحمد قرب لها وضمها : بس عيوش أهدي محد مصدق بس ..
عايشه رفعت له نظرها بنظراته شك : ما اصدق حتى أنت ..
فارس : مو قصد من ومن الحقيقه وين شنو حصل ..
محسن : الحقيقه ضايعه نجد ونجود بس معهن ..
عبدالله : مستحيل ما أصدق كذب
خالد : حنا سوينا التحليل مره وثنتين وثلاث تأكدنا من صحة النتيجه مو خطأ ..
أحمد : يبه
محسن : هلا
أحمد : نجد ونجود ورنا وسلوى دايم مع بعض ..
حمد : مستحيل تقصد ممكن يكون
أحمد لف له : ليش لا أهن دوم مع بعض وأسرارهن مع بعض كيف ممكن ما يقولن عن خطأ كبير مثل هذا ..
عايشه بعصبيه : أحمد كفايه تشك كفايه انت تذبحني هذلن خواتي
عبدالله : عايشه اهدي عشان الجنين
أحمد قرب لها : آسف الحقيقه مؤلمه بس لازم نتأكد ..
خالد : انا بسوي لهن التحاليل اللازمة
محسن : لا أنا بتصرف هن وين ؟؟
فهد : عند غرفة التوأم رفضن يتركنهن بروح
سعد : انا بجيبهن لهنا بلاش فضايح
أحمد : خذني معك
حمد : وانا بعد
أسيل : معناها صدقتوا أنهن يتعاطن
عبدالوهاب : مو مصدقين بس متفاجئين نبي نعرف الحقيقه رنا وسلوى آخر من شافهن شنو صار شنو !!!
فراس : يبه أهدى أرجوك كفايه خالتي زهره اللي منومه ارجوك
أسيل توقف وبغضب : بس من اليوم تتهمون البنات خلاص شنو نسيتو من مربي نجد ونجود جدي عناد هن بنات عبدالوهاب لا يمكن يسون شيء يفضح أهلهن ورنا تربية عايشه أمكم اللي ربتكم علمتها الاصول والاخلاق كيف تشكون بانها غلطت بتربيتها وسلوى اللي ما يختلف أثنين على أخلاقها تربيه أخت الرجال عمتي أمينه اللي حافظت عليها حتى لما توفى أبوها
محسن حط يده على كتفها وبحنيه : يا بنتي مو قصد نشك الزمن هذا قاسي نبي نعرف الحقيقه وين بس عشان نعرف كيف نتصرف ..
عبدالله : أسيل تعالي معي أنتي وعايشه نروح لامي نشوفها خلوهم يشوفون شغلهم
أسيل : بس
فراس : تعالي أسيل صدقينا لا يمكن نشك بلحمنا تعالن
أما رنا وسلوى رفضن يتحركن عن زجاج العنايه اللي يفصل بينهن وبين التوأم
رنا تمسح دموعها : شنو صار ؟؟
سلوى : مدري مدري الثنتين صدمه
رنا : طيب نبي نعرف شنو السبب
سلوى : حاولت بس رفضوا دخولنا
رنا : شنو السالفه الكل مجتمع
محسن قطع الكلام بينهن : رنا سلوى
رنا سلوى : هلا
رنا تهمس لسلوى : الله يستر شكلهم يخوف ..
محسن : سمعني عدل بتروحن مع خالد وبياخذ منكن عينات دم للتحليل
سلوى : ليه محتاجين نقل دم للتوأم
محسن : .................
رنا : خالي دمي كله فدا للتوأم
خالد : صح يله تعالن معي
مشن بس وقفت سلوى أول ماسمعت أحمد يسارر أبوه ..
أحمد : شكلهن ما يتعاطن لأنهن ما رفضن التحلـيـ..
سلوى : يتعاطن من
الكل : لف لها
رنا : شنو السالفه ؟؟
سلوى : أحمد يقول لخالي شكلهن ما يتعاطن لأنهن مارفضن التحليل
رنا : شنو !!!
@storykaligi
💕 314 🎀
رنا : شنو !!!
زياد : السلام عليكم
الكل : وعليكم السلام
رنا : فهمونا شنو السالفه من يتعاطن وشنو تقصدون ؟؟
زياد : رنا أهدي
سلوى : شنو تهدى أنتو شاكين فينا بشنو ؟؟
محسن : خلوني مع البنات شوي بروحنا(بعد ماراحوا الشباب بعيد شوي عنهم) محسن جلسن يابنات
جلسن على الكراسي وهو قدامهن يطالع للتوأم اللي بغرفة العنايه
محسن : أنتن ماتعرفن شنو صار لنجد ونجود
سلوى : والله يا خالي طلعنا أحنا ودانه وحلا وسلمى لقيناهن متسندات على كتوف بعض ضنينا أنهن هاديات لان حالة نجود بعد زياد (حطت يدها على فمها) ..
محسن لف لها : شنو سالفة زياد وشنو دخله بالموضوع ..
رنا : ماتقصد تقصد
محسن بعصبيه : تكلمن ترى ماعاد عندي أعصاب مو كفايه المخدرات اللي بجسدهن
رنا وسلوى شهقن : شنو
رنا : مو معقوله إلا نجد ونجود ..
سلوى توقف : يعني أنتو شاكين بأني ورنا نتعاطى عشان كذا طلبتوا منا عينات
رنا : شنو خالي ؟؟
محسن : صح
سلوى بدت تبكي : لا لا أحنا تشكون فينا بعيد مستحيل نجد ونجود يتعاطن والله والله كذب مستحيل ..
رنا : سكتي سكتي
سلوى : ما تسمعين شنو يقول كله من اخوك ؟؟
رنا : أنطمي سلوى
الشباب (جوهم) : خير
محسن : رنا سلوى تكلمن شنو صار
رنا تصر على سنونها من غضبها : ولاشيء الحين انتو شاكين فينا (وتاشر على نجد ونجود) ومتأكدين هذلن يتعاطن صح
الكل : .......................
رنا : طيب تبون تحاليل صح ..
سلوى : رنا شنو تقولين ؟؟
رنا لفت لها : وان خليهم ياخذون التحاليل اللي يبون منا لين يشبعون
زياد : رنا تكلمي عدل
رنا : ...................................
سلوىتمسك أيد رنا : رنا ليه ساكته
رنا في خاطرها : كيف يشكون فينا مستحيل أهلي يشكون فينا (لفت لنجد ونجود) ونجد ونجود مستحيل يتعاطن كيف أتصرف أنا سلوى نجد نجود لا يمكن (رفعت نظرها لسلوى) سلوى ..
سلوى : هلا
رنا ساررتها بأذنها : خلينا نسوي التحاليل وبعدها بنبات ببيت جدتي عندي كلام كثير ..
سلوى : بس
رنا : أص (لفت لخالها) وين تبون ناخذ التحاليل انا تعبانه وسلوى بعد ..
محسن : رنا
رنا : كفايه وربي تعبانه خذوا اللي تبون بس أبي برأتي وبرأة سلوى (لفت لنجد ونجود) عهد علي لأبريهن من شككم
الكل تحسف أنهم شكوا هذولا بناتهم ومربينهن كيف يشكون بس حالة نجد ونجود ماعطت مجال الحقيقه ضايعه ..
تأكدوا بالتحاليل أن جسم رنا وسلوى خالي من المخدرات معناه الحقيقه مع التوأم رجعت رنا وسلوى لبيت الجده بعد ماخذن شاور عن التعب ومسحن المكياج جلسن
@storykaligi
💕 315 🎀
سلوى : كيف
رنا : لا تشكين انتي بعد
سلوى : ما أقصد بس
قطع الكلام دق الجوال لرنا ..
رنا : هلا مهاوي
مها تبكي : رنا صدق اللي سمعته نجد ونجود بغيبوبه ..
رنا تحاول تتماسك : أيه ..
مها : آه شنو صار يا رنا قولي بموت ؟؟
رنا نزلت دمعتها : مها أرجوك أهدي اللي صار أنهم أكتشفوا أن نجد ونجود بجسمهم كميه كبيره من من من من المخدرات ..
مها بصدمه : .........................
رنا : ألو مها
سلوى : علامها ؟؟
رنا : مدري ... ألو مها ردي ..
سلوى تطلع جوالها : انا بتصل بالبيت
رنا : بسرعه البنت ماترد
سلوى : أكيد أغمى عليها انتظري ... ..... ألو
: ألو
سلوى بلعت ريقها : من ؟؟
: انتي المتصله من تبين ؟؟
رنا بعصبيه : سلوى يالخبله أخلصي البنت يمكن صار فيها شيء ..
: انتي سلوى
سلوى : أقول من انت أخلص
: انا اللي عذبتيه أنا الفاقد للحياه من شافك أنا اللي ما تمنت عيني تشوف غيرك أنا عبدالرحمن
سلوى تسمع له وهي مبلمه مو قادره تتكلم ..
لو شفـت حالي .. كيف عايــش بلياك ..
تبكي على حالي وتكـــره غيــابك ..
سولف لي عن غيبتك وشلون دنيـاك ..
عســاك تضحك والحزن مادرابــــــك ..
لامر طيفــك قلت اقلــط وحيـــــــاك ..
وســـط الفـــؤاد اللي هواك وشقى بك
رنا تسحب التلفون : هيه أنت روح لغرفة مها شفها حيه ولا ميته ..
عبدالرحمن : مها شنو صار ؟؟
رنا : روح ..
عبدالرحمن سكر بوجها وركض لغرفة مها طق الباب وطقه
عبدالرحمن فتحه لقى مها بأيدها سماعة التلفون وفاتحه عيونها قرب بخوف : مهاوي مها (هزها) مها
مها لفت له : هاه
عبدالرحمن : بسم الله عليج شنو فيك ؟؟
مها تأشر على التلفون وبصدمه : قالت قالوا يقولون مدري ..
عبدالرحمن ياخذ الجوال : ألو
رنا : من ؟؟
عبدالرحمن : انا عبدالرحمن أنتي سلوى
رنا : لا انا رنا عبدالرحمن طمني شفيها مها اكلمها ما ترد ..
عبدالرحمن : مدري رنا شنو قلتو لها مها بصدمه
رنا بخبث : أول قل لي شنو قلت لسلوى بنت خالتي خلاها بصدمه ..
عبدالرحمن : ههههههه ..
رنا : عطني مها
عبدالرحمن : بعطيك أياها بس بقول لسلوى كلمه
رنا : نعم ..
عبدالرحمن : رنا والله قصدي شريف طلبتك
رنا : عبدالرحمن طلبتك أنا ..
عبدالرحمن : طلبتك والله أحبها من شفتها ما العب كلمه والله كلمه ..
رنا تطالع لسلوى اللي ما تكلمت بس تطالع للجدار بصدمه : طيب كلمه
عبدالرحمن ابتسم : طيب
رنا تحط التلفون عند أذن سلوى بعد ما حست بصوت عبدالرحمن الصدق هي بعد تحب وتعرف الحب
عبدالرحمن : أحـــــــــــــــــــــــــــــــــبــــــــــــــ ـــــــــــــــــــــــــــــــــــك
حس بتنفس سلوى يتسارع من سمعة الكلمه
سلوى صحت من صدمتها شافت الجوال وعصبت : يا حيوان يالخايس يالتبن يا قليل الأدب ..
عبدالرحمن : هههههه لو تشتمين لبكره أحبك أحبك أحبك ..
سلوى : الحق مو عليك علي اللي يكلمك
عبدالرحمن بحنيه ونعومه : أحبك
@storykaligi