الفصل 67
❤️📝 روايات وقصص مميزة 📝❤️:
🎀 306 💕 ْ
حمد : لا لا لا بصراخ وعصبيه وبلا شعور انتم تكذبون
مسك يدها يحاول يصحيها : أسيل أصحي أسيل طلبتك أصحي والله والله لو صحيتي لأنفذ طلباتك لأطلقك وأرجع لك مازن بس طلبتك
أصحي أسيل لا تخليني ..
أسييييل
حمد حس بايد على كتفه تهزه وتناديه ماكان مستوعب شيء ..
:حمد حمد حمد بسم الله عليك حمد
حمد رفع راسه وانصدم أمه : يمه
الأم تمسح على شعره : بسم الله عليك أيه أمك اجل من ؟؟
حمد يتلفت حوله : اسيل دم يمه أسيل وين
الأم : هههههه لهذي الدرجه ماخذه عقلك بسم الله عليك أسيل بالمستشفى ..
حمد وقف تذكر كلام أسماء وبسرعه أخذ جواله : ألو
أحمد : ههههه صباح الخير يا اخي تعبت وانا أتصل وينك ؟؟
حمد : غفيت احمد شنو صار ؟؟
أحمد : هي بخير وكل شيء تمام محد قدر يتعرض لها ..
حمد : محد كيف والتهديد
احمد : شف الجريده فيها خبر بيفرحك كثير ..
حمد :الجريده (لف لأمه ) يمه وين الجريده ؟؟
الام : مثل العاده تلقاها على طاولة الاكل
حمد طلع وهوللحين مو مسكر من أحمد وفتح الجريده وأنصدم الخبر الرئيسي القبض على شبكة دعاره وترويج مخدرات في فيلا المليونير محمود سلطان الـ.....
حمد : هههه ...
أحمد : أنجنيت علامك ؟؟
حمد : لا والله هههه من الفرحه فرحان ..
أحمد : دوم ياولد عمي يله تبي شيء
حمد : مشكور يا أحمد مشكور
وأخيرا أنزاح جبل من الهم والقلق عن صدر حمد تأكد انها بخير وأن الخطر زال على فكره إسماعيل وطيف وإبراهيم نفذوا من المداهمه سبحان الله طلعوا قبل وصول الشرطه طبعا أسماء ماهانوا عليها أخوانها رغم اللي سووه ولا صديقة عمرها اللي ما حبت ترد لحمد جميله بفضيحه بعائلته أتصلت وبلغتهم قبل توصل الشرطه حمد وأحمد قرروا يبقى الموضوع سر وطي الكتمان بينهم للأبد
بعد 3 أيام من الأحداث................
أسيل بالمستشفى ومعصبه : أف وأفين بعد ..
الأم : لا حول وقوة إلا بالله علامك تتأففين ؟؟
أسيل تكتف أيديها : بطلع يمه خلاص أنتو قلتو يوم وهذا أنا صار لي 3 أيام
الأم : أنا لو علي كان خليتك هنا على طول شوفي صحتك تحسنت
أسيل : يمه لا تبالغين ترا مافيني شيء بس فقر دم عادي ..
روابي تدخل : السلام عليكم
أسيل والام : وعليكم السلام
روابي : علامك مزعجه خالتي ؟؟
أسيل : روابي بطلع زهقت
روابي : عدم أهتمامك بنفسك وبصحتك سبب فقر دم وكنتي على وشك تتسببين لنفسك بجلطه صح ولا وانتي عارفه نقص الدم يسبب نقص الكريات الحمراء وهبوط بالقلب
اسيل : عارفه والله عارفه خلاص مره ثانيه بنتبه لنفسي زين
روابي : طيب بتبقين لين نشوف خالي شنو يقول
دخل عبدالله ونجد ونجود بهذا الوقت وسلموا
روابي : طيب أستأذن
عبدالله غمز لأسيل اللي فهمته: ..................
أسيل أبتسمت : روابي
روابي : هلا
أسيل : لا تطلعين لين تتقهوين من قهوه نجد ونجود (غمزت لنجد) ..
نجد : أيه أبي رايك اول مره أسوي قهوه
روابي : باخذ فنجان على الماشي عندي شغل
أسيل تلف لعبدالله اللي يبتسم : راضين
عبدالله أخيرا نطق : روابي شلونك ؟؟
روابي أرتبكت : ب ب ب بخير وأنت ؟؟
عبدالله : تمام شخبار الشغل
روابي : ماشـ..
قطع الحوار دخلت حريم عليهم لفت روابي تشوفهم شافت أم أسيل تهلي فيهم بحب وفرح ..
نجد تصرخ : نوره قلبي وانا أشوف الرياض منوره
هيا : لا والله يعني انا ما أنور الرياض
نجود : ماعليك منها أنتي تسدين عن ضوء الشمس بنورك
روابي سكتت تطالع لنوره اللي من دخلوا أستأذن عبدالله وطلع لمحمد ولد عمه نزلت نوره وهيا غطاويهن وجلسن بعد ما سلمن على الكل
أم أسيل : حيالله أم عايض نورتونا
أم عايض : الله يحييك بنورك كيفك والحمد لله على سلامة أسيل ..
أم أسيل : الله يسلمك يارب
أسيل : الله يسلمك ياخاله شخبار خالي متعب ؟؟
أم عايض : بخير ويسلم عليك
نوره : يالعياره كل هذا من التفكير بالعرس همه
أسيل : هههه لا والله بس تعبت من التجهيز لعرس أمل
هيا : تهبل شفناها قبل نجي الله يهنيها بكره عرسها حليانه بسم الله عليها
أم عايض : الفال للجميع
روابي طول الوقت ساكته حست بحزن تطالع لنوره ..
#صباح_الخير
أحلى متابعين ...
@storykaligi
🎀 307 💕
حلوه لا لا مملوحه يا هنيك بعبدالله آه ياعبود حلم وصرت سراب هي أصغر مني صح بس مو أحلى يالله مغروره صرت كأني حمد والله من حرتي صار لك يا نوره وأنا صح أنا لمن عيسى(قطع عليها صوت هيا) ..
روابي تلف لها تبتسم : هلا
هيا : الماخذ عقلك
روابي تحط الفنجان وتوقف : لا ماخذ عقلي ولا شيء أعذروني عندي شغل أمر عليك بعدين ..
أسيل حست فيها شيء : روابي
روابي مالفت وبهمس : بعدين أسيل مشغوله ..
توها بتطلع إلا بدخلت عبدالله ألتقت النظرات نظرت عبدالله اللي مليئه بالسعاده روابي لفت لنوره تظن أن هالنظره اللي مليانه فرح وسرور لأن نوره موجوده ما هي عارفه أن هالنظره عشانها هي فرحان فيها
عبدالله لاحظ بنظراتها حزن دمعه بطرف عينها تحاول تمسكها لاتنزل حزن بس مو فاهم شنو فيها تمنى يمد يده ويمسحها تمنى يكون له حق يسألها طلعت وتركته يتابعها بنظره لين أختفت عنه تنبه على عمره يوم لف شاف الكل يتابعه بتعجب أبتسم ...
عبدالله : محمد بيدخل يسلم على أسيل ..
أم أسيل : الله يحييه خله يدخل
كان اليوم كئيب لروابي دخلت مكتبها تكمل ملفات ولا لها نفس لشيء بس تشغل نفسها عن التفكير فيه وفيها أنطق الباب رفعت نظرها أبتسمت ..
روابي : ليه جيتي
أسيل تدخلها السستر وهي جالسه على كرسي متحرك : كنت أحاتيك وأنتي قلتي بتجين ما جيتي ..
روابي : راحو أهل خالك
أسيل : من زمان حتى خواتي وأمي لأن بيت خالي بيباتون عندنا بالبيت ..
روابي وقفت وراحت عند الشباك وبخاطرها : معه بنفس المكان لا وردي أصرخ ليه كل شيء ضدي ليه يادنيا تقهريني وتزيدين من المي ليه ..
أسيل : روابي شفيك
روابي لفت لها تبتسم : ولاشيء بس أمي معطيتني أسبوع أتخذ قراري
أسيل : بشنو
روابي : بخصوص عيسى ولد عمي متقدم لي ..
أسيل شهقت : من متى ؟؟
روابي : من العيد
أسيل في نفسها : عبدالله لا عبدالله بيصير له شيء أنتي ما تعرفينه أنتي نور عيونه حلمه رافض كل البنات وقابلك كيف بقول له ..
روابي : هههههه شنو أنتقلت لك العدوه بالسرحان ..
أسيل : بسألك أنتي أنتي أنتي ممكن تقبلين بعيسى ؟؟
روابي : ليش لا ولد عمي ووظيفه وأعرفه
أسيل : طيب وعـ...
قطع الكلام دخلو
حــــــــــــــــــــــــــــمــــــــــــــــــــ ــــــــد
أسيل حست فجأه ببرد كل أطرافها جمدت من شافته تمنت تختفي بس هيهات
حمد أبتسم يوم شافها : السلام عليكم
أسيل وروابي : وعليكم السلام
حمد لف لأسيل : أنتي هنا وحنا ندورك ؟؟
أسيل : ..........................
روابي : أنتو منو ؟؟
حمد : أمي ومناير وملاك حتى أمي أمينه و سلوى جوا معنا
روابي : والله وينهم ؟؟
حمد : بغرفة المدام ينتظرونها ..
روابي : خلاص الحين نجي
حمد : لا سبقينا انا بجيبها وطمنيهم عليها
روابي : حاضر
أسيل : روابي
حمد سكر الباب وقرب منها وهو يبتسم واسيل تبلع ريقها ماحبت نظراته لها ..
حمد : شلونك الحين
أسيل : بخير حـ..
حمد : أش ولا كلمه الحين الكل ينتظرنا بعد ما يروحون لنا كلام
دفع الكرسي وهو يبتسم وأسيل تحس برعب من قربه حاسه هدوء قبل العاصفه تعرف حمد يستغل أي فرصه عشان ينكد عليها دخلت غرفتها وأرتسمت أبتسامه مزيفه تخفي رعبها ..
أم حمد : يا هلا
أسيل : هلا خالتي
سلمت على الكل وساعدها حمد بأنها تجلس رغم أنها ترجته يبعد حست بفشله منهم بس هو همس لها ..
جمد : مستحيه هذا بس ساعدتك أجل
أسيل لفت له بعصبيه يعني أسكت وبهمس : كفايه ...
حمد : جلسي قبل أعلمك كيف تردي ؟؟
@storykaligi
💕 308 🎀
حمد : جلسي قبل أعلمك كيف تردين ..
أسيل : أنا
حمد : أش
أمينه : ياويل حالي حمد أسيل ترى كلها جلسه ليه اللزق ..
أسيل أستحت واللي خايفه منه حصل فشله
حمد أبتسم : أعوذ بالله من العذال زوجتي عادي أدور راحتها كيف ماتبي تجلس ..
روابي تحط يدها على قلبها : آه من الحب يعمل عمايل لا يساعدها ويبي راحتها ولا الأحلى الورد ...
أسيل لفت توها تنتبه لباقة ورد كبيره محطوطه على الطاوله حلوه كلمه قليله عليها وفخمه
مناير : ياويل حالي ضاعت اسيل وأختفى الكلام
أسيل : ..............................
أم حمد : هيه بسكم أحراج لأسيل حميدوه ترى أعرف سوالفك ..
حمد يوقف جنب سرير أسيل : يمه مالي سوالف علامك ؟؟
أمينه : طالعي طالعي لازق خل البنت تاخذ نفس ما صدقت أيه وش عليك مستغل فرصة أخوها وأبوها مهم هنا وماخذ راحتك ..
حمد يطالع لأسيل وبخبث : آه لو منتو هنا بعد كان أحلى ..
أسيل ودها تصرخ
بس ..
سلوى : أجل نطلع بكرامتنا أحسن
روابي : صدقتي يله يمه
أسيل : لا (حطت يدها على فمها وهي تحس بأحراج من صرختها)
الكل : هههه ..
أسيل ودها الأرض تنشق وتبلعها
أم حمد بحنيتها المعهوده : لا تخافين ما راح أسويها لو شنو وأنا عارفه حمد وسوالفه لا تحاتين بيكون أول من يطلع هو
حمد : اخ ما كأني ولدك
الكل : ههههه ..
بعد ساعه...........
أمينه : يله عاد بنمشي
أسيل : بدري عمه
أمينه : بدري من عمرك بس ياقلبي صارت الساعه 8 لو ما يعرفون من نحن كان طردونا أول ما خلصت الزياره ..
أم حمد : صدقتي ولازم ترتاحين
روابي : طبعا الراحه مهمه
سلوى : ماخلصتي دوامك
روابي : باقي ساعتين الساعه 10 أخلص
حمد : دقي علي لا ترجعين مع السواق ..
أسيل لفت له وبخاطرها : حنون مع خواتك وأنا ليه ياحمد شنو السر ليه تكرهني وتعاملني بجفا وقسوه (نزلت راسها قبل أحد ينتبه) ..
روابي : تامر
حمد : سبقوني ..
أم حمد : حمد !!!
حمد غمز لها : يمه دقايق بس (طلع مفتاح السياره) مناير خذي عشان تفتحين السياره لين أجي ..
روابي : بروح معهن لين تجي
طلعوا وأسيل تتمنى ما يطلعون مو قادره تفهم حمد وتصرفاته ..
حمد سحب كرسي وقعد يطالع لها : ................
أسيل : شكلك مو ناوي تطلع ؟؟
حمد : أيه
أسيل خافت من نظراته : ممكن تطلع ؟؟
حمد : شنو شنو !!
أسيل تصر على ضروسها : اللي سمعته
حمد : آسف سمعي ضعيف اليوم
أسيل بعصبيه : قم اطلع برا ما أبي أشوفك
حمد حط رجل على رجل وسند ظهره : أنا مرتاح هنا ..
أسيل رفعت حاجبها : أنا بنام وما أعرف انام واحد عندي ..
حمد يبتسم وبخبث : أجل شنو تبين تسوين أن تزوجنا مولازم ننام بغرفه (غمز لها) وحده ..
أسيل أنحرجت وما حبت كلامه : لا والله احلف أساسا ماراح ننام مع بعض أنت بغرفه وأنا بغرفه مهبوله أنا معك ..
حمد يحط يده على خده بأستهزاء : ومن بياخذ رايك
أسيل عصبت : أكرهك طلقني وفكني أكرهك
حمد : هههههه خبل اطلقك عارفه يا أسيل أذا انتي تكرهيني مره فأنا أكرهك
ألـــــــــــــــــــــــــــــــــــــــــــف مـــــــــــــــــــــــــــــره ..
أسيل بصدمه : تكرهني أجل ليه تزوجتني وقبل شوي ضحكك وكلامك وأسلوبك ومزحك معي شنو هذا ؟؟
حمد : أقنعه أجبار أضحك معك أدللك أرفعك عن الارض قدام الكل بس بيننا القناع يختفي أما ليه تزوجتك (حط أصبعه على راسه) عناد عشان تعرفين حمد بن فهد إذا قال شيء يصير ..
أسيل بغضب : لأنك مو رجال أنت مريض نفسي مو رجال ..
حمد عصب ومسك حنكها (الفك) بأيده وضغط عليه : أنا مو رجال مريض يا أسيلوه هين مابقى شيء وتكونين عندي والله لأخليك تعرفين من حمد ..
@storykaligi
🎀 309 💕
أسيل تتالم بس تكابر ومن شدت ضغطه صعب تتكلم بس نطقتها : أكرهك ..
حمد يشد لدرجة حس فكها بيتكسر بين أيده : توك يا اسيل ما فهمتيني أفهمي أجل أنا ما خذك عناد وردا على كلامك مني رجال هذا أنا قد كلمتي قلتها لك من قبل أنتي لي غصبن عنك فاهمه(يطالع لها من فوق لتحت) أنتي ماتهزين شعره مني ولا أشعر بقربك بشعور مثل ما اشعره مع غاده وهنادي أو حتى المرحومه أحلام لأنك ما تسوينهن لأنك ناقصه عنهن مضطر قدام الكل أهيم فيك وبعشقك أمثل الحب لك وجنوني بقربك لكن أنا يا أسيل والله لأمشيك على الصراط المستقيم رجاجيل بشنبات ماردوني ولا تصدوا لي تجي حرمه ناقصه مثلك وتصدني الحين عرفتي موقعك وين وشنو تسوين بحياة حمد بن فهد ..
أسيل توقعت أنه يجرحها بس حمد طعنها بالصميم بكلامه ماكانت تقدر ترد لسانها انربط من الصدمه لا قدرت ترد عليه ولا قدرت ترد دموعها اللي تنزل بغزاره تركها حمد بصدمتها
اسيل وعيونها معلقه على الباب اللي طلع منه قاتلها : لهذي الدرجه حقير ونذل لهذي الدرجه باع القيم والأرتباط ولا أهتم لصلة الرحم لهذي الدرجه ما أهتم أنه دمر حياتي مستمر في تدميرها واهي بنت عمه مو قادره تستوعب أن غرورك ياحمد يوصل لحد انهيار العلاقات اللي مابدت كزوجين (لفت للورد بدموع) أعتقدت أن الورد وضحكك معي وأسلوبك اليوم معي تحول في مشاعره بديت أرتاح لك ضنيت أني لازم أعطيك واعطي نفسي فرصه ماضنيت ان بهذي الحركه يتظاهر قدام الكل بانك تهتم لي خوفك علي بالمزرعه شنو مظاهر
وأنا
ما أهز شعورك ناقصه ليه تحرمني من السعاده في أني أعيش مثل كل البنات ليه تعذبني يرد كرامته بأمتلاكي ..
(فقدت شعورها وبصوت عالي وبصراخ)
لا لا لا لااااااا
آآآه ذبحتني لالا
رمت الباقه بالأرض ومن قهرها داست على الورد وهي تصرخ من الغضب الألم
دخلت روابي والممرضات وأنصدمن تصارخ بعصبيه وتدوس الورد
روابي تقرب لها : أهدي أسيل أسيل
أسيل تصيح وتصارخ : لا لا حرام أكرهه ..
روابي بصر اخ : جيبو لي مهدئ بسرعه أسيل أهدي أرجوك أهدي
أسيل : روابي حرام أنا شنو سويت لا ..
روابي بمساعدة الممرضات قدرن يعطنها مهدئ طلعن الممرضات وبقت روابي معها تمسح على شعرها وتشوف بقايا الدموع على خدها تتامل رموشها المبلوله
أيش حصل يا أسيل خلاك تنهارين شنو اللي حصل ياترى حمد السبب (طلعت جوالها ) أدق عليك أبي أفهم شنو صار لما كنت بروحك معها (رفعت راسها تطالع لوجه أسيل) ياقلبي شنو صار أنا أعرفك ما ياثر فيك شيء قده آه ياخوي شنو سويت خليتها تنهار ..
بعد ساعتين خلصت شغلها وأتصلت بحمد يجي ياخذها بعد ما طلبت من الممرضات ينتبهون لها
بالسياره مع حمد كل شوي تنقل نظرها بين الطريق وحمد تتمنى تسأله قررت تساله تبي ترتاح
روابي : حمد
حمد أبتسم : هلا
روابي : شنو صار بينك وبين أسيل ؟؟
حمد : بيننا خير قالت لك شيء
روابي : بصراحه ياحمد أسيل بعد ما طلعت أنت أنهارت فقدت أعصابها وتصارخ و رمت الورد تدوس عليه ..
حمد عقد حواجبه : تصارخ شنو قالت ؟؟
روابي : تقول حرام لا وذبحتني و و وأكرهه حمد ..
حمد قاطعها : روابي لا تتدخلين
روابي بعصبيه : شنو ماتدخل انت ماشفت حالتها حمد قلي شنو سويت او قلت عشان توصل أسيل لهذي الدرجه ريحني حرام عليك ..
حمد بعصبيه : روابي قلت لج لا تتدخلين يله نزلي وصلنا ..
روابي طالعت له بنظره قهر وألم ونزلت بعد ما صفقت الباب بقوه تدل على غضبها وعصبيتها حرك حمد بعد مادخلت
حمد : انا عارف أنك زعلتي وعارف أني جرحت أسيل يمكن تهورت باللي سويته وقلته بس كرامتي فوق كل شيء أدوس على قلبي عشان كرامتي صعب أسمح لها تسيطر على قلبي
@storykaligi
💕 310 🎀
بعد يومين طلعت أسيل رغم نفسيتها التعبانه بس أرغمت الكل انها تطلع حاولت روابي تفهم منها شنو حصل بس أسيل رفضت تتكلم بالموضوع اللي خلاها تنهار طلبت منها ما تتدخل أبدا
عبدالله ساندها : الحمد لله على سلامتك نورتي البيت ..
أسيل تبتسم : الله يسلمك
الأم : طلعي لغرفتك ترتاحين
أسيل : لا تعبت من النوم بجلس هنا معكم هنا
نجد : بس تعبانه بنجلس معك بغرفتك
أسيل : لا طلبتكم خلوني على راحتي
عبدالله : تعالي نجلس مثل ما تبين
جلست أسيل وبعد وقت جاها أبوها مع تهاني وأخوانها اللي ما خلت الجلسه من الضحك والمقالب بعد ما طلعوا من بيتهم طلعت لغرفتها ترتاح طفت النور وولعت الأبجوره كانت كل ليه تبكي من صارت سالفتها مع حمد تتذكر كل حرف كل كلمه كل تعبير شافته بوجهه ..
نامت بعد ماتعبت حتى دموعها تعبت منها حطت راسها على وسادتها تشكي لها همها هي عارفه لو شكت مهو مقدم شيء ولا مأخر خلاص واقع
اليوم الثاني في بيت الجده
رنا : زياد مو حاله
زياد : شنو تبيني أسوي رحت وكلمته مو راضي بيغضب علي فاهمه شنو الأب يغضب على ولده ؟؟
رنا : عارفه زياد انت ونجود تتعذبون حرام
زياد : حرام عليك رنا والله تعبان تعبان
رنا : حرام وأنت مو حرام تعلقها فيك اذا أنت مو قد هذا الحب ليه عشمتها حسافه
طلعت رنا معصبه وقابلتها ليندا الخدامه ..
رنا : نعم ؟؟
ليندا : في أسنين بنات تحت يبي أنتي
رنا : بنات أنتي يعرف
ليندا : لا اول مره يزي هنا
رنا : طيب قدمي لهن عصير وكيك وأنا جايه
ليندا : اوكيه
بعد غيرت لبسها نزلت وتفاجئة بدانه وأختها منيره
رنا بدون نفس : خير شنو جايبك هنا ؟؟
منيره : هذي مو طريقه تستقبلين فيها ضيوفك يابنت الأصول ..
رنا أنحرجت : أسفه تفضلوا
منيره : مشكوره سمعي يا رنا انا عرفت من دانه انك زعلانه عليها
رنا بحزن : صدمتي بدانه قويه ..
دانه مع أن أختها موصيتها تسكت بس ما قدرت تسكت أكثر : رنا والله ماكنت أعرف أنه أنتي لين صدفه بكفتريا أتصلت على رقمك وشفتك وسلمى قالت لي من انتي والله والله خفت أقولك من انا ماتتقبلين صداقتي وتبتعدين عني رنا أرجوك صدقيني ..
رنا : ..............................
منيره : صدقي يارنا ويوسف مايعرف من انتي ولا يعرف أن دانه صارت صاحبتك ..
رنا حست بكلامهم الصدق بالفتره القليله اللي عرفت فيها دانه عرفت أن الكذب آخر همها ..
رنا تطالعها وابتسمت : أنا آسفه ضنيت انك مخططه مع أخوك
دانه تبتسم لها : وأنا آسفه لو شرحت لك اللي صار ماكان وصلنا لهذي المرحله
ضمن بعض والفرحه مو سايعتهن ..
منيره تبتسم : خلاص ظهرت الحقيقه ..
رنا : بفضل الله ثم فضلك
منيره : تسلمين بس اللي خلاك تصدقين كلامنا قلبك الأبيض إلا بسألك شيء ممكن ما يزعلك ولا تتضايقين ..
رنا : تفضلي
منيره : بصراحه لو تقدم لك يوسف أخوي ترفضين أو تقبلين
رنا : ..............................
منيره : آسفه
رنا : سمعي يا منيره انا أرفض أخوك طبعا ..
منيره : ترفضين ليه طيب
رنا تقدم لهن العصير وتاخذ قلاص وتجلس : أنا أرفضه مو عشان اللي سواه ويسويه معي لا والله يوسف ما ينعاب ابدا بس أنا قلبي مو ملكي
دانه بصدمه : تحبين !!!!
@storykaligi