الفصل 64
❤️📝 روايات وقصص مميزة 📝❤️:
🐚 291 ✨
بشاير : فراس لا تحاول
فراس : طيب شوي
بشاير : لا والله واذا شافوني معك ؟؟
فراس : عادي أنتي زوجتي وبكره عرسنا
بشاير بحيا : قلتها بكرا عرسنا يعني بكره أشوفك ..
فراس : بشاير بشوفك الحين ..
بشاير : فروسي لا تحرجني
فراس : عشان خاطري
: لا
فراس : نعم شنو لا
: أيه لا شنو الدنيا سايبه تشوفها ماتعرف تنتظر لبكره ..
فراس عصب : وأنتي وش دخلك ؟؟
: أحم أحم وش دخلني معك أخت المعرس أسيل
فراس : هههههه أسيلوه ووجع كيفك يالدبه ؟؟
أسيل : بخير أقول أنت شنو تبي
فراس : بشوف عروستي
أسيل : آسفه
فراس : أسيل عشان أخوك حبيبك
أسيل بخبث : والله يا فراس ما تشوفها عشان تعرف كيف أسيل تنتقم لنفسها ..
فراس : تنتقمين مني ليه
أسيل : على اللي سويتوه فيني
فراس : طيب كان معي حمد وعبدالله ليه أنا بالذات حرام ...
أسيل : شوف أنا أعرف نقطت ضعفك(تطالع لبشاير اللي ميته ضحك) وعبود ما كلمته زعلانه عليه أما ذاك ..
فراس : ذاك قولي زوجي
أسيل : طيب زوجي رضيت الصراحه مدري كيف أعاقبه المغرور ..
فراس : أسيل إذا ما كلمت بشاير بقول لحمد أنك تقولين عنه مغرور
أسيل(بأستهزاء) : هين إذا حصلني يله يله أشغلتنا باي أيه وعلى فكره لا تتصل الجهاز مغلق ومعي باي ..
فراس عصب : أسيلوه
سكرت الخط وأخذت الجوال بعد موافقة بشاير ..
عبدالله : هههههه ..
فراس : تضحك مع وجهك
عبدالله : ليه معصب ؟؟
فراس : من أختك
عبدالله : ما كأنها أختك علامها أسيل شنو سوت فيك بعد ..
فراس : بعد ليه مسويه لك شيء بعد
عبدالله يقعد جنبه على كراسي المجلس الخارجيه : ما تكلمني زعلانه علي ..
فراس : أما أنا كنت أكلم بشاير وأحاول أقنعها أني أشوفها دخلت أسيل بالخط عرض ورفضت وقفلت الجوال وأخذته
عبدالله : هههههه ...
جراح وحمد وفهد : السلام عليكم
فراس وعبدالله : وعليكم السلام
فهد : ضحكونا معكم
عبدالله : أبدا أسيل معاقبه فراس على اللي سواه أمس فيها ..
فراس : حتى أنت
عبدالله يكتف أيديه : على الأقل أنا ما أحرمتني من شوفت العروس ..
حمد : أنت كنت تبي تشوف بشاير ؟؟
فراس : أيه ..
فهد : ياويلي منك مجنون لهذي الدرجه مستعجل بكره عرسك شفها لين تمل ..
فراس : شنو فيها بعايدها
جراح يغمز له : تعايدها ..
الكل : ههههه ..
فهد : والله طحتو فيها وما سلم غير حمد منها
فراس : هاي ضحكتني أسيل تقول الصراحه مدري كيف أعاقبه هالمغرور ..
حمد : مغرور ما نستها ههههه ..
عبدالله : حاقده علينا
فراس : حاقده ماعليه رادها لها أنتظري يا أسيل ..
فهد : وناسه دامها زعلانه عليكم بستغل الفرصه واروح أجلس معها ومع خواتي بروحنا ..
فراس : هذا اللي يبيني أذبحه أنثبر ..
عبدالله يوقف : أسمحو لي ..
@storykaligi
🐚 292 ✨
عبدالله يوقف : أسمحولي
حمد : وين قاعدين ؟؟
عبدالله : باخذ امي زهره وبنمر على جدي ونعايده وبروح للوالد عنده عشاء الليله تراه موصي تجون
فراس : بيروح غير خاله زهره أحد ..
عبدالله : لا
حمد : بس والبنات
فهد : وليه السؤال هذا الغير بريء هاه هاه
حمد : هو بس سؤال
عبدالله : الخوف منك لا أسيل وزعلانه والتوأم مشغولات وعيوش زوجناها أحمد ..
أحمد : كأني سمعت أسمي خير ؟؟
فهد : أيه عبدالله يقول خلاص عايشه زوجناها أحمد لأنه بيودي خالتي للجد عناد ومحد رايح معه ..
أحمد : أيه قالت لي بتعايده
عبدالله : إذا حاب آخذها معي وأرجعها
أحمد يغمز له : لا ما تقصر أنا بوديها لأن عندنا كم مشوار بعدها ..
فراس : ههههه قل تبون تطلعون مع بعض ..
أحمد : تجرب بكره البعد وتعرف
فراس : مجرب والله مجرب
الشباب : ههههههه ..
عبدالله يطلع جواله : ألو هلا يمه ...... طيب طلعي مع السلامه (لف للشباب) تامرون على شيء ..
الكل : سلم بس
عبدالله : ما أوصيكم حياكم الليله أودعناكم
عبدالله يمشي لسيارته ويطلع مفتاح ويوم رفع النظر إلا البنت اللي لابسه جلالها وواقفه عند سيارته وقف خاف وحده من بناتهم ومضيعه ..
قالت :
يانسيم الورد لاهب الهبوب
ياشعاع الشمس من بعد المطر
يادواء همي وغمي والكروب
يا نديم الليل ياضوء القمر
يا حبيب الناس ياتاج البشر
يا جعل عيدك سعيد يا أغلى قمر ..
أبتسم عبدالله ورفع النظر لها وقال...
بسألك عن شيء بين الضلوع
ماتشوفه بس تحسه
لا يكل ولا يمل ولا يجوع
بس يوم تصد عنه توجعه
دوم يبكي واذا بكي ماله دموع
واذا بكى من حبكم أبكي معه
وش من الأشياء يكون إذا عرفته
تراك عرفت حبك وين موقعه
أحمد : شباب من هذي الواقفه عند سيارة عبدالله
جراح : يمكن وحده من البنات ..
فهد : طيب ليه ما تبعد عن دربه
جراح : يمكن وحده من خواته
فراس : كان راحت له ماتشوفها واقفه بعيد
كانت لحظات صمت بينهم بس ..
عبدالله فتح أيديه لها وأبتسم : تعالي يالغلا ما عايدتيني ..
أسيل تمشي له وتضمه : عيدك مبارك
عبدالله : أيامك سعيده (لفها بحيث تعطي الشباب ظهرها) رفعي جلالك بسلم عليك ..
أسيل ترفع الجلال وتحبه : كيفك عبود ؟؟
عبدالله يقرص خدوها : الحين بخير جاك قلب تزعلين مني ..
أسيل : شلون جاك قلب تزعلني منك قلت لك ما ابي ابات ..
عبدالله يضمها : كنت خايف عليك ..
فهد : أقص أيدي إذا مو أسيل ..
فراس يحط شماغه على الكرسي : جاك الموت يا أسيل
أحمد : وين وين ؟؟
فراس : بذبحها ..
حمد : فراسوه حدك عن زوجتي ..
فراس : أقول أقعد مكانك لا اذبحك معها
أسيل لاحظت عبدالله يضحك : علامك ؟؟
عبدالله : فراس جاينا ركض هههههه ..
أسيل بخوف تتخبى ورا عبدالله : بيذبحني ؟؟
فراس معصب : أقول طلعي طلعي ..
أسيل : ما أطلع خلنا نتفاهم أول
@storykaligi
🐚 293 ✨
أسيل : ما أطلع خلنا نتفاهم أول ..
فراس يهز راسه : لا لا لا أجل انا تسوين فيني كذا ؟؟
أسيل : عشان تعرف الأنتقام طعمه مر ..
فراس : ياهوه عشان كنا خايفين عليك ..
أسيل : والله عارفه بس كل واحد يعرف نفسه ..
فراس : والله زعلت
أسيل تقرب وتبوس خده : فديتك لاتزعل ما أقدر على زعل معرسنا ..
فراس يبي ينتقم منها ويحرجها شالها وقعد يلف فيها : فديت لسانك اللي ينقط عسل ..
أسيل تفشلت الكل يطالع لها بنات وشباب : نزلني فراس تكفه تكفه ..
حمد أبتسم وهو ميت غيره من قرب فراس وعبدالله لها وهو بعيد تمنى يكون مكان فراس أستأذن يبدل ويروح لعشاء أبو عبدالله
بعد مارجعت أسيل للبنات اللي علقن عليها وضحكن
أوراد : بنات اليوم السهره صباحي عشان خاطر بشوره اللي تبي تودع العزوبيه لقفص الزواج السعيد ..
ترفه : خساره ما اقدر أكون معكن أبوي عنده عشاء بروح لهم
رشا : وأنا بعد مافيني أكون معكن عمي عنده عشاء بعد خساره ..
عايشه : وأنا بعد مشغوله بطلع مع احمد سوري
رنا : يعني لازم تسوون عرسكم بالعيد خساره بتفوتني الحفله
نجد : خسارة
رنا : بكلم أبوي وأطلبه أدعوا لي يوافق
البنات : يارب
قامت تكلم أبوها بعيد عن البنات...
عايشه : بنات ترى بجيب العشاء على حسابي لا تتعشن ..
شهد : من يجيبه
عايشه تغمز لها : أنا أختار وزوجي المحترم اللي هو أخوك يدفع ..
روابي : الدفع عليه والله مسكين وأنتي تعزمين من حلال غيرك
عايشه : لخاطر عروستنا الحلوه (ترد على جوالها) هلا .. خلاص أجيب عباتي وطالعه .... باي ..
شهد تغمز لها : روحي لزوجك ..
عايشه : باي بنات
رنا تترجى : باباتي تكفه تهز الرجال .........والله عارفه و وعد أبات عندكم يومين......... ترد رنو حبيبت قلبك آخر العنقود........ وانا مشتاقه
لك كثير بس جمعة بنات ............(بفرح) مشكور يارب يخليك لي باي (من فرحها دق الجوال وردت بدون ما تشوف الرقم)
ألو
يوسف حس بصوتها فرح وسرور : دوم الفرح كل عام وانتي بخير ..
رنا : يوسف
يوسف : قلبه
رنا عصبت : هيه وجع في قلبك ما تستحي ..
يوسف بصوت عالي وعصبيه : علامك ..
رنا خافت من صوته بس ماحبت تبين : علمو عليك يا قليل الحيا أستح على وجهك ..
يوسف أخذ نفس عشان يهدا : رنو علامك ؟؟
رنا : حشا منت صاحي منت صاحي
يوسف : حشا من يسمع صوتك يضيع ..
رنا : أسمع يا إبن الناس انا تعبت معك أنا مو مثل اللي تعرفهن فأرجوك وأرجوك ثم أرجوك بلاش مشاكل من وراك ..
يوسف : رنو ليه ما تعطيني فرصه بعوضك عن كل الهم ..
رنا : شكيت لك ترى مغتر بنفسك عيب ما ترضاها لأختك ..
يوسف : من حقي أغتر وأنتي تكلميني
رنا : دامك زودتها أسمع يا يوسف بن طلال سمعتك دايره بالجامعه على لسان كل البنات وأرقامك يتبادلنها بينهن وإذا تحب أذكر بعضهن وأنا مني منهن ..
يوسف عصب : على شنو مغروره أساسا لنتي من ثوبي ولا أنا من ثوبك فقيره مكروفه معدومه ..
رنا ببرود : أفتخر على الأقل سمعتي الماس مو مثل البعض تنداس الناس تذكرني بعزتي مو بأرقامي وعدد البنات ..
يوسف عصب زياده : شوفي عاد بالأول مشفق عليك وبساعدك والحين يا رنوه والله لو ادفع اللي وراي واللي قدامي لألقاك وأوريك منهو يوسف بن طلال وأخليك تحت رجولي ونصيحه جيبيها من قاصرها قبل أجيبك بمعرفتي ..
رنا عصبت : تخسي لا أنت ولا عشره من أشكالك إلا رنا محد يهددها وما أنولد من يهددني لي رب خلقني ما ينساني ..
يوسف : الأيام بيننا ..
@storykaligi
🐚 294 ✨
رنا سكرت الخط بوجهه طلعت رقم أخته دانه الأول ما عرفت أن دانه هي دانه نفسها اللي معها بالجامعه قررت تدق وتطلب أخته تبعده عنها ..
دانه عرفت المتصل : منور منور ..
منيره : علامك ردي على جوالك ؟؟
دانه : منيره كلميها وقولي أني مشغوله ..
منيره : مالي خص
دانه : تكفين منور
منيره تاخذ الجوال : ألو
رنا : السلام عليكم
منيره : وعليكم السلام
رنا : الأخت دانه طلال
منيره : لا أنا أختها الكبيره خير من معي ؟؟
رنا : أنا وحده وسمعيني لو سمحتي
منيره : قولي يا وحده أسمعك ..
دخل يوسف وأمجد وسلموا وجلسوا يسولفون مع شيخه وأم يوسف ودانه موجهه أهتمامها لمنيره اللي ملامح وجها تتغير من اللي تسمعه ..
منيره تلف ليوسف : ........
يوسف : دنونه هذا جوالك منيره من تكلم ؟؟
دانه : .................
يوسف : من ؟؟
أمجد : وش دخلك يمكن صاحبتها ..
يوسف يصر على ضروسه : دانوه لا تختبرين صبري من هذي ؟؟
دانه تبلع ريقها : ر ر ر ر رنا
منيره تحس انها أنحرجت : خلاص والله أنك بنت أًصل ...... لا لا ماله داعي ما يوصل للأمر هذا الحد ......... أن شاء الله هلا حياك مع السلامه ..
يوسف : علامك ؟؟
منيره : ولا شيء
شيخه : منيره من هذي وأي أمر تقصدين
منيره : لا هذي وحده من صاحباتي
الام : بس هذا جوال دانه
يوسف : رنا صح
منيره : هاه
الأم : من رنا ؟؟
شيخه : أكيد وحده من اللي يعرفهن الله لا يبلانا ويهديه
يوسف : لا هذي زوجة المستقبل
الكل : شنو !!!
أمجد : صاحي هذي بنت فقر ما تعرفها
الأم : ياويل حالي منت طبيعي وش سوت فيك بنت الفقر ..
منيره : يوسف البنت تقول أبعد عنها أحسن لك ولا توصل الأمر للشرطه
يوسف عصب : تهددني والله وانا يوسف لأوريها ..
دانه : يوسف أتركها بحالها أرجوك بلاش أسلوبك هذا
يوسف : محد له دخل أنا أبيها أهي لي ..
الأب داخل : من اللي تبيها وأهي لك ..
شيخه : وحده بنت فقر ضحكت على عقله ويبي يتزوجها الحقيره ..
يوسف عصب : حدك يا أم يوسف لا تهينين زوجتي ..
الأب عصب : زوجتك منت صاحي تصارخ على أختك عشان وحده ما تسوى ..
أمجد يمسك يده : أمش أمش قبل تجلط أهلك ..
طلع يوسف مع أمجد وطلعت دانه لغرفتها قبل يسألونها وأهي ما تحب الكذب على أمها وأبوها ..
رنا رجعت للبنات وباين وجها حزين حسن فيها شلتها خذها بعيد وعرفن كل اللي صار وما خلنها لين رجعت البسمه لها وطمننها أن كل شيء بيكون بخير وهي تثق فيهن وقالن اذا ما وقف عند حده بيتصرفن ..
في غرفة البنات ....
روابي شايله صحن حلى خاشته لليل : طيف تجين ؟؟
طيف : لا
أسيل : أحسن
طيف بعصبيه : خلاص بنزل عناد ببعض الناس ..
بشاير : رجاء بلاش مشاكل والله مالنا خلق ..
أسيل : أنا ما عندي مشكله ..
طيف: حتى أنا
طلعن البنات وسمعن تنحنح عدلن لفاتهن وأسيل تتمنى الأرض تنشق وتبلعها عرفته
حـــــــــــــــــــــــــمـــــــــــــــــــــــ ــــــــد
حمد يرفع النظر وتفاجئ بالبنات : هلا بنات شلونكن ؟؟
البنات (من غير أسيل) : بخير ..
طيف حبت تحرج أسيل باين ان حمد ما أنتبه لها : حمد شلون أسيل يقولون تعبانه ..
أسيل في نفسها : الله لا يعطيك العافيه ..
حمد : هي بخير ما خبري فيها إلا أمس اليوم ما شفتها ..
روابي فهمت لطيف وحبت تخرب عليها : طيب حمد زيح شوي نبي نطلع يالغالي ..
حمد نزل لأنه كان صاعد 3 درجات : طوفن بس عطني حبة حلى أشتهيتهن ..
روابي : من عيوني
طيف : تصدق حمد يقولون أن الزوجين كالجسد الواحد يحسون ببعض في كل مكان ..
حمد قطب حواجبه : شنو دخل هذا ؟؟
روابي عصبت : طيف خلاص
طيف طنشتها : كيف ما تحس بزوجتك وهي تعبانه ما تسألها إذا بخير ولا لا
حمد : إذا قصدك تعبها والله ما شفتها اليوم بس زين ذكرتيني اذا شفتها بسألها ..
بشاير : خلاص طيف قالت روابي أسيل بخير ..
طيف ما أهتمت وأشرت على أسيل اللي قدامها وورا ظهر بشاير : كاهي قدامك شلون ما شفتها ؟؟
أسيل في نفسها : يالحقيره يالحيوانه يا جعلك تطيحين وتنكسر رقبتك يارب ..
@storykaligi
🐚 295 ✨
حمد أبتسم لمحها : أسيل شلونك الحين ؟؟
أسيل تبلع ريقها بهمس : بخير ..
حمد : عيدك مبارك
أسيل : من العايدين(نغزت بشاير بظهرها يعني أمشي) ..
بشاير : حمد أسمح لنا
حمد : تامرين يالعروس ..
بشاير أستحت ونزلت أسيل اللي ترجف متوقعه منه أي حركه لأن حمد جريء وطيف اللي تنتظر أي حركه أو ممسك على الأثنين بس هيهات حمد كاشفها وما حب يحرج أسيل وخلاها تمر بسلام ..
حمد في نفسه : طوفي طوفي الحين بس الأيام بيننا يا أسيل وأنتي ياطيف والله ما أنولك اللي في بالك ..
سهرن البنات لساعه 2 الفجر كان ضحك ورقص ومقالب وحطات على بشاير ونامن بعد ليله حلوه للبنات ..
صحن على الساعه 1 الظهر نزلن يفطرن إلا بشاير أستحت وقررت ترفه تجيب لها فطور وقبلت تشرب عصير بس ..
ترفه : بعد نص ساعه الغداء لا ترفضين فاهمه ..
بشاير : والله مالي نفس
ترفه : ما يصير أتجيك دوخه ..
أنطق الباب
ترفه : أدخل
أماني خالة بشاير :صباح الخير
ترفه وبشاير : صباح النور
أماني : كيفك بشوره ؟؟
ترفه حست أنها حابه تجلس معها بروحها وقفت : أسمحو لي ..
أماني : أجلسي يا بنتي
ترفه : معليه ياخاله بنزل أشوف التجهيزات
أماني بعد ماطلعت : والله أنها ذوق ..
بشاير : ونعم الصديقه
أماني : سمعي يابنتي أنا خالتك وبحسبة أمك الله يرحمها ..
بشاير : الله يرحمها
أماني : سمعي اللي بقوله لك يا حبيبتي ..
أستمعت بشاير لكلام خالتها بأهتمام وحست أن الله عوضها بخالتها حتى أم أحمد وأم خالد ما قصرن معها بشيء ..
على الساعه 3 كانت الكوافيره بدت بالبنات كانت ماشاء الله فنانه وسريعه وشغلها حلو هي وعاملاتها على الساعه 6 كل البنات خلصن ماباقي إلا تبدى بالعروس ..
عايشه : يله بنات تحت خلصت أستقبلن المعازيم
البنات : حاضر
بشاير : ترفه أسيل لحظه
أسيل : هلا
بشاير : أمانه أمانه لا تسون مقلب ..
عايشه : مقلب !!
ترفه وأسيل يطالعن بعض : ههههههههه ..
بشاير : يقولن أن اذا دخل فراس بيحطن أغنية مروى ..
عايشه : تصلح للدخله يعني ؟؟
ترفه : هههههه أيه ..
أسيل تصفق وتغني : يابوي يابوي هاتولي عريس ..
عايشه مصدومه الحين فهمت : يا ويلك إذا حطيتيها عرفتها ..
أسيل : حلوه عيوش
بشاير : لا أمانه
عايشه : بذبحك أسيلوه ..
أسيل تفتح الباب : إذا صدتيني يا أم محسـ... (طراخ) ..
أسيل صقعت فيه بقوه بس هو مسكها قبل تطيح وصار شعرها على وجهها لأنها مخليته مسيح (على طوله نعومي) رفعت راسها أنصدمت حمد وطالع لها أنصدم من الجمال البنات سمعن صوت رجال تراجعن صارن ورا الباب ..
حمد(أنصدم بالجمال اللي بين أيديه بس ما يميزها نزل أيده ومنحرج منها ) : آسف ..
عايشه : أسيل فيك شيء ؟؟
أسيل كانت معطيه حمد ظهرها بترجع للغرفه ما حست إلا اللي يسحبها له ..
أسيل بنفسها : ول تورطت الله يهداك يا عايشه ..
حمد يبتسم : هلا هلا بأسيل ..
أسيل تحاول تفك نفسها منه : حمد عفيه خلني الحريم يشوفونا ..
عايشه سكرت الباب : خليهم
ترفه : وأسيل ؟؟
عايشه : علامها واقفه مع زوجها وبعدين حمد ما ينخاف منه لا تحاتين ..
ترفه : عيوش
عايشه : ماعليه رب صدفه خير من ألف ميعاد ..
حمد يرفع وجهها بأيده يتأملها : قالوا أنك مزيونه بس ماشاء الله (باس جبينها) ..
أسيل ولعت أحراج وشوي تبكي : طيب خلني حمد ..
حمد يبتسم : ماودي والله تعرفين خليني أتصل على عمي بقوله بلا عرس باخذ زوجتي ..
أسيل بققت عيونها : هاه لا لا مجنون ..
حمد يرفع يدها ويبوسها ويبوس خدها : مجنون لو ما سويت لك عرس أحلى من كل العروس أنتي أسيل والحين روحي قبل أغير راي وما أرد (همس بأذنها) أخطفك ترى ..
أسيل رجعت تحس أنها تخدرت وجهها مولع من الحيا من اللي صار معقوله هذا حمد المغرور الأناني وين الكلام الجارح الأسلوب المعدوم من الذوق ما سلمت من تعليقات ترفه وبشاير وعايشه ..
بس اللي ماتعرفه أسيل أحنا بنعرفه كان طرف ثالث أنتبه له حمد يراقب بس أسيل ما شافته
طـــــــــــــــــــــــــــــيـــــــــــــــــــ ــــــــــف
حمد حب يستفز طيف اللي تترصد لهم وأوهمها بعشقه لأسيل اللي ذابت من كلامه تعتقد طالع من قلب حمد لها ما تدري أنه من تمثيل وآه لو تدري ..
@storykaligi