الفصل 63
❤️📝 روايات وقصص مميزة 📝❤️:
🐚 286 ✨
أسيل : طلعت من الباب ..
فهد : تنكتين لا تقولين الدكتور ما رخص لك ..
أسيل بعصبيه : يولي
فهد يهمس لها : جاك الموت يا تارك الصلاه شوفي عمي وأبوي صحوا ..
أسيل بهمس : صدقت لو واحد يهون أثنين بياكلوني ..
الأب بخوف : خير منين جايين ؟؟
فهد : يبه لا تحاتي مافيه إلا كل عافيه ..
محسن يشوف أيد أسيل عليها ضماد : أسيل كنتي بالمستشفى ؟؟
الأب : مستشفى بابا أسيل شنو فيك أنتي تعبانه ..
أسيل تبتسم : لا يبه تعبت شوي وطلبتهم أروح للمستشفى دوخه وارهاق من السفر بس ..
الأب يلف لراشد : راشد شنو قال الدكتور ؟؟
راشد : مدري يبه ..
الأب أعتقد راشد يستهبل عليه : شلون ما تدري مو موديها ؟؟
راشد بخوف : لا فراس وعبدالله وحمد ..
أسيل : يبه مافيني شيء كاهم جايين ورانا ..
محسن : من الدكتور المناوب
أسيل : الدكتور أسامه فهد وصلني تعبت من الوقفه برتاح ..
فهد وراشد سندوا اسيل ودخلوها للبيت وكانت أم فهد تسبح على سجادتها وشافتهم وقفت ..
تهاني : أسيل يمه علامك ؟؟
أسيل تبتسم : كنت تعبانه شوي خالتي ..
تهاني تمسك أيدها :سلامتك يمه أنا أسندها روحوا ..
أسيل : مشكورين
فهد : أسيل إذا أحتجتي شيء قولي لي
أسيل : الله يخليك لي
طلعت أمينه وزهره وشافن تهاني ساندتها وطمنتهن أنها بخير كانت تعبانه عن الصعود فدخلت الغرفه اللي تنام فيها أمها ونامت وراسها بحضن أمها تقرى عليها ..
أما بهذا الوقت بالمجلس عبدالوهاب ومحسن مستلمين راشد ومشعل تهزأ بسبب أنهم طلعوها بدون أستشارة الدكتور ..
أحمد بيهديهم : يبه خلاص عم الله يهديكم ما حصل إلا كل خير ..
محسن بعصبيه : أي خير دكتور أسامه يقول طلعت على مسؤوليتها ..
فهد : الحين الثلاثي المرح وينه عنها ؟؟
حمد وفراس وعبدالله : السلام عليكم ..
عبدالوهاب بعصبيه : الله لا يسلم فيكم مغز أبره ..
فراس خاف : خير يبه ؟؟
محسن : كيف تطلع أسيل بدون علمكم ؟؟
حمد : والله ياعم
محسن : عمى بشكلكم بلا مو عيب 3 رجال بشنبات تقدر عليكم أسيل ..
عبدالوهاب : كان أتصلتوا علينا
فهد : يبه الله يهداك خلاص أسيل وأنت عارفها ..
عبدالله : والله يا عم ما أعتقدنا أنها تطلع قال لنا الدكتور ان المخدر ياخذ من 9 إلى 12 ساعه بس تفاجئنا أنها بعد 5 ساعات أختفت ..
محسن بدا يهدى : قالي الدكتور أسامه أنها بسبب المنبهات ..
فراس يبي يلطف الجو : إلا ما سألته شلون خشمه ؟؟
محسن : خشمه علامه ؟؟
#صباح_الخير
أحلى متابعين
@storykaligi
🐚 287 ✨
محسن : خشمه علامه ؟؟
فراس : هههههه عطته أسيل بقس على خشمه ..
الكل :هههه ..
عبدالله : قالت له ما تبي مخدر وماطاع وعطته بقس ..
محمد : وبعدين ؟؟
عبدالله يطالع لحمد : زوجها المحترم قدر عليها وخدروها ..
فهد يغمز له : أخص يا ولد عمي كيف ما عطتك بقس مثله خابرها عنديه ..
فراس غمز لحمد ماحب يحرجه على تعليقات الشباب : صرخ عليها وهدت ..
حمد أبتسم وفي نفسه : فديتك يا خوي ..
محسن : طيب يله قوموا غيروا اليوم عيد
فراس : إلا وين عمي سعد وزياد وجراح
أحمد : عند الذبايح يسنون السكاكين
حمد : أوه اليوم القصابين جراح وزياد ..
عبدالله : تسمح لي ياعم أذبح ذبيحة أمي ..
عبدالوهاب : أيه ياولدي فهد وصله
أما عند البنات ...
اللي تلبسن وتزيين وكل وحده تقول الزين عندي نزلن كلهن مع بعض يسلمن ويهنن بالعيد على الامهات والجده
عايشه : عمه لطيفه
لطيفه : هلا
عايشه : أمي وينها ؟؟
لطيفه : فالغرفه داخل مع أسيل نايمه
عايشه : أسيل علامها ؟؟
لطيفه : تعبانه شوي ..
عايشه بخوف : بسم الله عليها بروح أشوفها ..
نجد تلف لها : تشوفين من ؟؟
عايشه : أسيل ..
روابي : أسيل هي هنا ؟؟
عايشه : ليه وين لازم تكون ؟؟
روابي : أنا لما كلمت حمد البارحه قال لازم تبات بالمستشفى يومين ..
نجود شوي وتصيح : يا قلبي يا أختي مستشفى ليه محد قال لنا ..
هيام : ما بغينا نخوفكم
تهاني : يا بنات أسيل بخير والله لا تخافن بس لا تروحن نايمه خلنها لين تصحى وأسألنها عن اللي تبنه ..
الجده : يا جعل ينعاد عليكم بالخير
الكل : أمين ..
أمينه : يمه خلصوا الذبايح
الجده : والله توهم بدوا
مناير : جده تكفين بنروح نشوفهم
الجده : عيب شنو تروحن
شهد تحب راسها : تكفين والله نتغطى عدل ..
أمينه تبتسم : يمه خليهن يروحن ..
الجده : روحن بس لاتقربن كثير
البنات : ان شاء الله
طلعن البنات إلا عايشه وترفه وطبعا بشاير عروسنا المستحيه ورشا اللي ما تتحمل منظر الدم بعد ما تغطن جلسن يشوفن الشباب
هيام : بنات من هذا اللي مسوي عمامه ..
نجد : أخوي عبدالل ..ه
روابي في نفسها : ما شاء الله عليك يا هنيك يا نوره فيه صدق ياحظ اللي عبدالله من نصيبها (سرحت بذكرى صارت لها) ..
كان عندها مناوبه بالمستشفى وترفه وبشاير بعد راحت تسهر عندهن بغرفة الممرضات سمعتهن يجيبن سيرته ..
بشاير : شنو يغصبونه ؟؟
ترفه بحزن : يسوونها أمي و أبوي يبونه ياخذ نوره بنت عمي متعب
بشاير : وعبدالله شنو رايه ؟؟
@storykaligu
🐚 288 ✨
بشاير : وعبدالله شنو رايه ؟؟
ترفه : رافض بنت عمي بنت ولا كل البنات عقل وثقل بسم الله عليها وست بيت ممتازه ..
روابي تدخل : السلام عليكم من ست البيت لا يكون بشاير خابرتها بيض ما تعرف تقلي ..
ترفه و بشاير : عليكم السلام
بشاير : سخيفه يعني من شطارتك مقطعه نفسك الشيف اسامه ..
روابي : لا صدق من ست البيت ..
ترفه : خطيبة أخوي عبدالله
روابي طاح منها القلاص وانكسر : هاه أوه بسم الله
ترفه : طاح الشر
بشاير : فيك شيء أنجرحتي ..
روابي : لا لا (في نفسها) قلبي اللي أنجرح آه ..
بشاير : خلي الخدامات يجن ينظفنه
روابي تخفي صدمتها بتصنع الفرح : ماشاء الله عبدالله خطب لا هههه ويقولون مضرب عن الزواج أثره طاح ..
ترفه : هههه حتى العروس طاحت تحبه بجنون ..
روابي : الله يهنيهم (طالعت للساعه) يوه تأخرت يله بنات باي ..
روابي رجعت للواقع على صوت أمها ..
روابي : هلا
أمينه : يله بنات قومن
روابي : خير يمه
أمينه : خذن الصواني وروحن جيبن اللحم فيها عشان نوزعه ..
سلوى : والله أنا ما بروح بخيسوني
نجد : أنا باخذ وأجيب من لحم
نجود : معاك
رنا : سلوى خلينا نروح يله
سلوى: لا لا والله ما أبي وع ..
شهد : خلاص خليها أروح معك أنا
مناير : وأنا بشيل لوحدي
أمينه : روابي تساعدك
روابي تطالع لعبدالله بخاطرها : مع ان قربك يعذبني ما قد أهتميت بأحد ولا لفت نظري غيرك(وقفت) تامرين يالغلا يله ..
أمينه : شيلنه عدل لا يطيح بالتراب
البنات : أن شاء الله
روابي : السلام عليكم وعيدكم مبارك
الشباب : وعليكم السلام من العايدين ..
روابي : يعطيكم العافيه أسمحولنا بناخذ اللحم
حمد : روابي ثواني ..
عبدالله ماكان يشوفهن أحترام لأخوانهن وأهلهن لأنه غريب بس يوم سمع أسمها غصب عنه لا أراديا رفع البصر لها وهي تتجه لأخوها ..
روابي : لبيه
نجد ونجود يسلمن على عبدالله ويعايدنه : عيدك مبارك
عبدالله : أيامكن سعيده
عبدالله : شلون أسيل
نجود : نايمه ما صحت للحين
نجد : عبود شنو حصل لها
عبدالله : والله مدري الدكتور يقول يمكن قلة أكل ونفسيه ..
نجود تبتسم : طيب حط اللحم ..
عبدالله يرفع حاجبه : وليه ما تحطينه انتي ؟؟
نجود : لا كله دم زين جيت أشيل الصحن ..
نجد تدفها بشويش : وخري الحمد لله والشكر لو تشرحين مثلنا شنو راح تسوين ..
نجود منقرفه : نجيد وجع ..
نجد ترفع قطعت لحم وتقربها لنجود بخبث : أعتذري
نجود : هيه هزلت ما بقى إلا أهي أعتذر ..
نجد تتقرب ونجود تتراجع : أعتذري
نجود : عبدالله شوفها ..
عبدالله : نجد أعقلي
نجد : والله لو ما اعتذرت لأحطها فوق راسها
: اللحم مو للعب حطيه
نجد عرفته مشعل بس جنا على نفسه ياشين الحشريه سوت نفسها متفاجئه ولفت
وطراخ صفقت اللحمه فيه على ثوبه كله دم ..
نجد مسويه نفسها منصدمه : أسفه بس خرعتني ..
مشعل يطالع لثوبه ثوب العيد ويطالع لها بعصبيه : عميه ..
نجد ترفع حاجبها وبسخريه : يمكن بس مو حشريه ..
مشعل فهم أنها قاصدتها عصب بزود بس سكت لما سمع شهد
مشعل : هلا
شهد : عطني ثوبك أغسله لك ساعه ويكون مثل أول
مشعل يخز نجد ووده يذبحها : ثواني بلبس وأجيبه لك
عبدالله : نجد نجد يله شيلي مع نجود ..
نجد : هاه أيه يله بسم الله
عبدالله يحط السكين فوق اللحم : يا بنات إذا صحت أسيل خلنها تكلمني ..
نجود : تبشر (وأهن متجهات للبيت بعصبيه) أيش اللي سويتيه ..
نجد : شنو سويت ؟؟؟
@storykaligi
🐚 289 ✨
نجد : شنو سويت ؟؟
نجود عصبت زياده : نجيدوه مشعل
نجد ببرود : هو جابه لنفسه أحنا نضحك ليه يدخل عمره ..
نجود : والله شكيت أنك قاصدتها ..
نجد بعناد : أيه ..
نجود : يمه منك والله ولا خفتي نظرته تروع
نجد : يولي يله خلينا نستعجل بروح أشوف أسولتي ..
نجود : يله
أما عند روابي وحمد........
روابي : حمد والله بخير نايمه (بخبث) ياعيني على الحب يوم تحبها ليه تكابر ..
حمد : مو حب هي زوجتي مسؤوله مني ..
روابي : ههههه طيب صدقنا ..
حمد : روحي مناير تنتظرك ..
روابي : زين زين لا تدف باي
حمد : باي
رجعن البنات ودخلت روابي المطبخ على أمها
روابي : يمه وش تسوين شنو هالريحه الحلوه ..
أمينه (تبتسم) : تكه
روابي : يم يم بساعدك
أمينه : حياك إلا أسيل صحت ..
روابي(تحرك التكه) :يمه تو الناس الساعه 9 وأهي مانامت عدل البارحه والبنج يبيه وقت لين يروح مفعوله
أمينه : عرفتي ليه أغمى عليها ؟؟
روابي : خالي محسن يقول قلة اكل ونفسيه بس ينتظرون نتائج التحليل بعد يومين يطلعن عارفه اليوم وبكره عطله ..
أمينه : الله يستر أن شاء الله ما يكون شيء كبير ياقلبي يا أسيل أيه قبل أنسى بيت عمك محمد بيجون اليوم ..
روابي: واو غزل بتجي
أمينه : غزل وعيسى
روابي : عيسى جاء بعد شنو عنده
أمينه تطالع لروابي وتبتسم : يقولون ناوي يستقر ويدور على بنت الحلال ..
روابي بفرح : ألف مبروك ومن بنتـ...(حست بنظرات أمها وارتعشت ) يمه لا يكون ..
أمينه : لا يكون
روابي : بس أنا ما افكر بعيسى أكثر من أخ
أمينه : بس شعور عيسى رجال له مركز لا وما هو معارض شغلك ..
روابي : يمه عيسي طيار كل يوم ببلد ما أقدر أعيش حياتي أنتظر رجعته ..
أمينه : روابي هذا مو عذر لا تقررين الحين صلي صلاة الأستخاره وشوفي يمكن ترتاحين ..
روابي : توعديني إذا ما أرتحت ما تجبريني ..
أمينه : أنا ما أجبرت أوراد على فهد أجبرك أنا للحين حافظه وصيت أبوك أني ما أجبر حركي التكه لا تحترق ..
روابي بخاطرها : أنا اللي أحترق ولا أحد حاس فيني منين طلع لي هالعيسي أف يارب صبرني ..
أمينه : روابي التكه ..
روابي : هاه لا جت سليمه شوية أصابات وحروق
أمينه معصبه : تنكتين مع وجهك تقلعي برا هونت لا تساعديني ..
روابي : أحسن أروح للبنات باي
أمينه : باي بس روحي
بنفس الوقت
بدت أسيل تصحى وأبتسمت لشوفت أمها وعايشه
أسيل تبتسم : صباح الخير وعيدكم مبارك
الأم وعايشه : صباح النور وايامك سعيده
الأم : هاه يمه شلونك
أسيل تكابر : بخير يمه
عايشه : أيش حصل لك أمس
أسيل : مافيه أغمى علي يمكن من ارهاق السفر وقلة النوم
عايشه : أكيد
أسيل : أيه
عايشه : بس سمعت مو اول مره يغمى عليك ..
الأم بخوف : أسيل صدق
أسيل : يمه لا تحاتين هي مره بس
الأم : جوعانه
أسيل : لا يمه المغذي سد نفسي بس حابه أغير عشان أعايد الكل ..
عايشه توقف : بروح أجيب لك ملابس
أسيل : لحظه وين رايحه أنتي وكرشتك هذي أنا بروح أخذ دش وأغير ريحة المستشفى مغرفتني
الأم : أسندك يمه
أسيل : لا يالغلا أنا بخير
طلعت أسيل تجاهد رغم التعب والدوخه اللي تحس فيهن
عايشه : يمه أسيل مو عاجبتني
الأم بحزن : ضعفانه حيل وكارهه الأكل
عايشه : صدقتي لاحظته
الأم : ما تشتهي ..
@storykaligu
🐚 290 ✨
الأم : ما تشتهي دوم هذي كلمتها
عايشه : يمكن لأن عرسها قرب
الأم : والله يمه أسيل تغيرت من يوم اللي حصل مع مازن وزواجها من حمد والله مدري اللي سويناه صح أنا ضغطنا عليها تاخذ حمد ولا غلط ..
عايشه : أنا بروح لها أنتي طلعي للحريم عايديهن
الأم : يمه أنتبهي لأختك تراها بالفتره هذي محتاجه لنا
طلعت من الحمام (وأنتو بكرامه) وشافت عايشه جالسه أبتسمت لها
عايشه : حمام الهنا عقبال حمام صباحيتك ..
أسيل تنشف شعرها : ...........
عايشه في نفسها : الظاهر كلامك صح يا يمه ..
أسيل تمشط شعرها : عيوش
عايشه : هلا
أسيل : بأي شهر أنتي الحين
عايشه تحط يدها على بطنها وتبتسم : السادس توني داخلته ..
أسيل تدعي الفرح : يعني تحضرين عرسي ..
عايشه تعرفها ولا خفى عليها حركتها أبتسمت : أيه وأنا بذيك الحزه اللي أزف فيها أسيل ..
أسيل : الله يخليك لي ..
عايشه : أسيل أمي تقول أنك ماتاكلين وباين عليك الضعف كثير
أسيل : ياقلبي أمي تكبرها الفتره اللي فاتت كنت مشغوله مع بشاير تتجهز لعرسها وناسيه أني تعبت لين لقيت لأمل ثوب عرسها والعمره اللي رحت لها وشغلي اللي يبي روحه وجيه وعرسـ.....
عايشه : قوليها عرسي علامك ؟؟
أسيل : يوه نسيته تصدقين ماجهزت له شيء حتى ثوب العرس تظنين الحق أخلص ؟؟
عايشه : بأذن الله خلاص بعد عرس أمل نروح نجهز لك ..
أسيل تضمها : الله يخليك لي
عايشه : ولا يحرمني منك
أسيل : يله عاد أنتي وكرشتك طلعوا بغير ملابسي
عايشه : مقبوله الطرده يله باي
أسيل : باي
جلسن البنات بالصاله الداخليه ياخذن راحتهن بالسوالف بعد ماكثروا بجيه أهل سناء(أم خالد) وأهل لطيفه (أم أحمد) وخوال بشاير وجدة جراح وخالته اللي
جابهن وبيت عم روابي
وفــــــــــــــجــــــــــــــــأه
: السلام عليكم
البنات لفن صوب الباب : وعليكم السلام
أسيل تهمس لبشاير : أف هذي شنو جابها ؟؟
بشاير : ناسيه أنها بنت خالة حمد وخالة العريس قومي خلينا نسلم
سلمت طيف ولاحظ الكل سلامها لأسيل من غير نفس ..
روابي بعصبيه تقعد جنب بنت عمها غزل : الحمد لله والشكر
غزل : علامك روبي ؟؟
روابي تلف لها بعصبيه : ناقصتك بعد كم مره قلت لك ما أحب أسم روبي
غزل : ههههه طيب أمزح قولي لي علامك ومن هذي ؟؟
روابي : هذي طيف بنت خالة حمد وخالة فراس المعرس ..
غزل : طيب أنا بس اللي لاحظت ولا الكل طريقة سلامها على أسيل
روابي : مو أسيل زوجة حمد
غزل : ما شاء الله تهبل عيني عليها بارده بس ليه النفس خايسه عليها ..
روابي : هذا اللي غاثني طيف تحب حمد من زمان بس من طرف واحد وأنقهرت لما حمد أخذ أسيل ..
غزل : أقول الحمد لله أخذ أسيل طيف ما توصل لمستوى جماله ماشاء الله
روابي توقف : تعالي تعالي أعرفك على البنات بتستانسين معهن ..
غزل : يله
غزل بنت عم روابي عمرها 20 سنه تدرس أدب أنجليزي وعندها أخو واحد عيسي 25 سنه يشتغل بطيران ..
قضوا البنات اليوم في فرح وسرور لولا أن وجود طيف وكلماتها اللي تقطهن بين فتره وفتره تغث بس ما عطنها مجال تغرب عليهن
بعد الغداء تجمعن البنات خلف البيت الكل راح بس خوال بشاير بقوا عشان عرسها وغزل اللي بقت بعد اقناع روابي وسلوى عمهن تبقى لبكره
صلن العصر رجعن خلف البيت مع شاي أنواع زعفران ونعناع وشاي أعشاب .. وجابن مكسرات بأنواعها ..
دق جوال أسيل بنفس الوقت دق جوال بشاير اللي أخذته وأبتعدت عن البنات
أسيل : ألو ... هلا لحونه ........... وانتي بصحه وسلامه............ لحقوا يعممون عني ههههه ......... لا بسيطه ............ أيه أيه ........ بخير....... مجتمعه مع البنات مكسرات وشاي ............. يوصل سلمي على خاله ام سعود وعلى مها ......أيه أوكيه باي
أسيل : بنات تراها تسلم عليكم
هيام : يا حليلها أم سمر درت عنك ودقت تتطمن ..
أسيل : أيه إلا وين بشاير
روابي تبتسم : مع حبيب القلب طايحه سوالف ..
رشا : حرام عليكن خلنها تتهنا
الكل : أمين
@storykaligi