الفصل 62
❤️📝 روايات وقصص مميزة 📝❤️:
🐚 281 ✨
أمجد : رنا علامها ؟؟
يوسف : حرام ذابحينها المسكينه بالشغل مستغلين موت أمها <<<< أنقلبت ضد رنا الخطه مسكينه يارنا ...
أمجد : مسكينه فقيره ويتيمه طيب قل لي شنو حصل وشنو سمعت ؟؟
بدا يوسف يقص عليه كل شيء سمعه وأمجد تأثر باللي سمعه .....
هوب هوب بس وصلنا لجده
عقدتكم حبايبي منقسمين وش أسوي الله يجمعهم ......
أسيل تصب الشوربه وتوزعها
أسيل : تفضلي جده ... بالعافيه يبه ...تفضل حمد ..
حمد يغمز لها : مشكوره
أسيل صبت لها صحن وشالته : أسمحو لي ..
الأب : وين قعدي أفطري ..
أسيل تبتسم : بجلس بالحديقه الجو حلو ..
الجده : مو برد عليك وبعدين الشوربه ما تسد الجوع ..
أسيل : لا لا جده الشوربه كفايه
طلعت أسيل وعيون حمد تراقبها جلست على الكرسي الطويل ومدت رجولها على الطاوله وسندت راسها للخلف ولا لمست الشوربه ..
حمد قام : أسمحو لي ..
سعد : وين يالحبيب أشتقنا ..
حمد يبتسم : القلب ياعم
أم حمد : رح يمه الله يهنيكم وحاول فيها تاكل ترى أكلها هالأيام ماهو عاجبني ..
حمد : حاضر يمه ..
حمد قعد جنبها على نفس الكرسي أرتعبت لما شافته بغت تقوم بس هو مسك أيدها اليمين عشان ترجع تقعد ..
أسيل : حمد
حمد : يا عيون حمد
أسيل تطالع أهلها محد صوبهم وبخوف : أيدي لو سمحت ..
حمد ببلاهه : علامها ؟؟
أم ياسر جتهم شايله الصينيه : تفزل استاز حمد بالهنا ..
حمد : مشكوره
أسيل : شنو هذا ؟؟
حمد : فطور ..
أسيل : لمن ؟؟
حمد : لي أنا ما حبيت افطر داخل الجو هنا حلو ..
أسيل : حمد لو سمحت أترك يدي
حمد : مرتاح كذا
أسيل تصر على ضروسها : أنا مو مرتاحه ..
حمد : ماوراك شيء لنتي ماكله ولا قايمه مو محتاجه ليدك ..
أسيل في نفسها وبعصبيه : خلني ساكته لين يجيني الفرج وأشوف آخرتها معك يا حمد تبي يدي خذها
حمد حب يطلعها من طورها ويعصبها ما يبيها ساكته ..
حمد : أسيل ترى بنعيد هنا
أسيل : ...........
حمد : بس انا وأنتي قلت لعمي و وافق ونرجع صبح عرس فراس ..
أسيل : .................
حمد : علامك يعني موافقه ..
أسيل في نفسها : كيف أبعده كيف كيف أيه لقيتها (لفت لحمد وبدلع) حمد ..
حمد سمع أسمه بدلع ومن من أسيل شرق : كح كح كح ..
أسيل تمسح على ظهره وتعطيه ماء : بسم الله حلو حلو بسم الله عليك ..
حمد لف لها وبنص عين : أيش عندك ؟؟
أسيل تدعي البرائه : ما عندي ..
حمد : وليه الدلع اللي فجأه نزل عليك ..
أسيل تلعب بكم الجاكيت اللي عليه وبدلع : الدلع عشانك كم حمودي عندي ..
حمد : إذا قصدك أترك يدك لا
أسيل تبتسم وتمد يدها الثانيه : إذا تبي هذي بعد ما تنرد خذها ..
حمد بخبث يضمها له : لا أنا أبيك كلك ..
أسيل في نفسها : هين كل شيء يهون عشان الخطه تنجح (بدلع تضحك ) ههههه يعني وين بطير مردي لك ..
حمد يمسكها من كتوفها ويبعدها خاف : لا مو صاحيه فيك شيء مخططه لشنو تخوفين ..
أسيل ترفرف بعيونها بغنج ودلع : أنا حرام عليك ..
حمد رجع يفطر : طيب شنو تبين ؟؟
أسيل : خالتي ريم اللي ساكنه هنا عازمتنا وأبيك تودينا ..
حمد : بــــــــــــــس
أسيل : بس هاه شنو قلت
حمد : طيب روحي قولي لهم بعد صلاة العشاء ..
أسيل فرحت الخطه نجحت : تسلم بروح أقول لهم ..
حمد يمسك يدها : وين وين ؟؟
أسيل : بروح أقول لهم ..
حمد بخبث : ومكافئتي
أسيل : على شنو ؟؟
حمد : أني بوديكم لخالتك
أسيل بتعجب : شنو مكافئتك مو خابره قلت لك عن مكافئه إذا وديتنا ..
حمد يأشر على خده بخبث : بوسيه شكر على الأقل ..
أسيل : هاه ...
@storykaligi
🐚 282 ✨
أسيل : هاه
حمد أبتسم : مكافئتي والا ما أودي نقعد كلنا ..
أسيل باست خده وأنحاشت لغرفتها
حمد : ههههههه توك إن ما جننتك يا أم عيون ...
أسيل في غرفتها وقلبها طبول من اللي صار طلعت جوالها : ألو .. هلا خالتي ..
ريم : هلا وغلا بأهل الرياض
أسيل : ههههههههه هلا فيك أحنا بجده ..
ريم متفاجئه : بجده والله من متى ووينكم ؟؟
أسيل : اليوم في فيلا حمد انا وأمي وأبوي وجدتي وعمي سعد وخاله سارا وخالتي تهاني وووو حمد ...
ريم : هههههه ووووحمد الحبيب هنا ...
أسيل : خالتي لا تحرجيني
ريم : أموت باللي يستحون
أسيل : ريمي ريمو قلبي أنتي أطلب منك خدمه ماراح أنساها لك
ريم : عيوني لك
أسيل : تسلم عيونك ابيك تعزمين أهلي اللي هنا ..
ريم : أفا ما يحتاج تقولين أنتم أهل بيت ..
أسيل : لا أفهميني ببعد عن حمد تكفين خاله ببات عندك ...
ريم : هههه الحين فهمت وأنا أقول مشتاقه لي ..
أسيل : بليز خالتي ..
ريم : طيب بخلي صالح يتصل يله باي
أسيل : أحبك أمواح باي باي ..
فعلا أتصل صالح وعزمهم ولما جت الساعه 11 قالوا الرجاجيل مشينا أسيل وريم طلبوا ام أسيل تبات أسيل عندها وافقت إذا رضى أبوها حمد لما سمع عمه يوافق حس بغيض ولعن نفسه أنه ما أنتبه لخطتها كان مخطط لها شيء لكن كل خططه ذهبت أدراج الرياح<< ياقلبي يا أسيل حاسه فيه ...
حمد اتجه للبحر بعد ما وصل الأهل للفيلا ووقف يطالع البحر بغيض
حمد : خبل خبل هين انا يا أسيلوه تضحكين علي تغديتي فيني قبل أتعشى فيك (تذكر كلامها قبل تنزل ) ...
حمد يغمز لها : بنكمل كلامنا الليله نبي نسهر للصبح ..
أسيل أبتسمت له : هذا إذا تقابلنا ..
حمد رفع حاجبه : شنو تقصدين ؟؟
أسيل ترد له الغمزه بجرأه تقهره : صدق خبل عبالك هذا الدلع لخاطر عيونك السود لا يابابا هذي خطه عشان أبات عند خالتي ولا اشوفك ..
حمد عصب : شنو يعني أستغليتيني كنت غبي ..
أسيل : وانت أستغليت الروحه عشان البوسه لأنك مغرور تظن بصدقك ..
حمد : أسيل أسيل
حمد رجع للواقع وهو يتوعد فيها ورجع للفيلا مقهور ومعصب ولا نفسه يكلم أحد حط راسه ونام
الليله تسبق العيد
وصلوا المعتمرين للمزرعه الساعه 8 بالليل وسهرن البنات يسولفن عن اللي صار لهن هنا والأحداث والمقالب اللي سووها الشباب بفراس وقالت لهم أسيل عن اللي صار بحمد وكيف عصب يوم شافته ثاني يوم راجعه من خالتها على الساعه 12 برد الجو أكثر وأكثر نزلن البنات يجلسن برا بعد ما حطن الكراسي وسون لهن نسكافيه نزلت أسيل وهيام وبشاير وروابي وترفه ..
أسيل تطالع النجوم : إلا وين الدب القطبي بينهم ..
روابي :راح لبيته وش قطبيه مو صاحيه
أسيل : سخيفه
بشاير : سمعتن آخر خبر ؟؟
@storykaligi
🐚 283 ✨
بشاير : سمعتن آخر خبر ؟؟
هيام : قصدك شغلك
بشاير :أيه
أسيل : علامه تغير الدوام يعني
بشاير : لا بس أخوك يبيني أتركه ..
أسيل : هبله توافقين
بشاير : شسوي عشانه
أسيل : وليه درستي كل هذي السنين أجل غلطانه تعبتي نفسك ..
ترفه : يعني لو حمد قالك تتركين الشغل تتركينه ..
أسيل بثقه : أكيد لا ما اتركه ..
روابي : ومن يسمعك ؟؟
أسيل : عنه ما سمع هذا مستقبلي
هيام : مستقبلك مع حمد منتي محتاجه الوظيفة ..
أسيل بحزن : تهقين كلامك صح ..
البنات انصدمن من ردها
أسيل تكمل : كل وحده محدده مواصفات فارس أحلامها رغباتها آمالها أحلامها حياتها مع زوجها اللي تختاره عن قناعه أنا بالاول صح كنت احس مع (حست الأسم يطلع غصب) مازن أن لي أحلام وآمال بس تلاشت مع اللي صار وكمل حمد على الباقي تحطمت وماعاد لي ثقه لا بأحلام ولا عندي رغبات لشيء ..
ترفه (حزنت عليها هي أقرب البنات لها وعارفتها) : لا تتشائمين يا قلبي ..
روابي : حمد والله مو بذاك الشين
أسيل تبتسم بتعب وأشرت على قلبها : قولي له مو مصدق ..
بشاير : أسيل ناسيه اللي صار لي مع فراس وكيف الحين يوم شلت الغشاوه عن عيوني وشفت الجانب الحلو فيه وتغاضيت عن الجانب السيئ فيه ..
أسيل بدت تحس بتعب وضغط براسها وقفت : يله بنات صارت الساعه 1 وبكره عيد وضحايا وانـ....
فجأه غابت عن الوعي سندنها البنات ..
روابي : بشويش بشويش أسيل أسيل تضربها بخفه على وجها.. أسيل حبيبتي ...
هيام شوي وتصيح : علامها
إلا يسمعون صوت نحنحه من بعيد ..
بشاير : وراك ياولد من انت ؟؟
محمد : بشوره انا محمد
بشاير : خير محمد تبي شيء ؟؟
محمد : المطبخ دخلن
بشاير : ماعليه محمد البنات سفور(مومتغطيات) مانقدر ندخل ..
محمد : بشاير عن الدلع دخلن باخذ كم شغله من المطبخ
بشاير : والله ياخوي مدري شقول أسيل طاحت علينا ونحاول نصحيها ..
محمد بخوف : خير فيها شيء ؟؟
بشاير : مدري فجأه
ترفه : بروح أجيب ماء لها
بشاير : صحت ..
روابي : لا أسيل أسيل أصحي يا قلبي ..
محمد رجع وبلغ الشباب وطلع حمد وفهد وفراس وعبدالله
روابي : ردوا يا شباب محنا متغطيات
حمد بعصبيه : دخلن أنا جايكن لحظه شباب
دخلن البنات وبقت روابي ..
حمد بخوف على أسيل قرب لها : روابي علامها ؟؟
روابي : مدري طاحت فجأة ما كان فيها شيء
حمد يشيلها : بسرعه جيبي لها عبايه بوديها للمستشفى ..
ترفه تمد لروابي شالها : خذي هذا
حمد لفها وطلع مع عبدالله وفراس للمستشفى ونبهوا البنات ما يقولون للأهل دخل الدكتور والممرضات وبعد وقت طلع ..
دكتور(يسلم على حمد ويبتسم يعرف انه شخصيه) : أهلا أهلا سيد حمد ازيك
حمد أبتسم : بخير شلون أسيل ؟؟
دكتور : كويسه نايمه دلوئتي
عبدالله : طيب شنو سبب الأغماء ؟؟
دكتور : والله أحن أخزنا منها عينات للتحليل تطلع بكره بس خير
حمد : والأغماء ؟؟
دكتور : والله أسيل باين ما تكلش كويس ومهمله بصحتها ...
حمد(يلوم نفسه ) : .................
فراس : طيب نقدر ناخذها معنا مثلك عارف بكره عيد كل عام وانت بخير ..
دكتور : وأنت بخير صعب تخرغ بكرا لا تبئى يومين تلاته ..
عبدالله يهز راسه : ما توافق ..
حمد بعصبيه : غصبن عنها ..
عبدالله : ما توافق خصوصا أنه عيد ..
فراس : الصحه مو لعبه
عبدالله يلف لفراس : ناسي عرسك لو تبي تموت بعيد الشر عنها تحضره ...
الممرضه طلعت وخبرتهم ان أسيل صحت دخلوا بعد ما عدلت أسيل الجلال عليها
دكتور : أزيك يا مدام حمد ..
حمد أبتسم يعرفها تعصب
أسيل تصر على ضروسها : بخير بس بلاش تميلح ..
الدكتور : أيه !!!
@storykaligi
🐚 284 ✨
الدكتور : أيه !!!
حمد : ولا شيء
الدكتور : خوفتينا يا شيخه عليك
أسيل : عدت بخير
الدكتور : بسألك حاجه الأغماء ده حصل أبل كدا ..
أسيل تطالع أخوانها وحمد : ......................
الدكتور : يعني شكي بمحله مش أول مره تحصل ..
أسيل : دكتور أسامه ممكن تكتب لي خروج
عبدالله : أسيل وين ؟؟
دكتور : والله صعب لا تفضلي معانا هنا يومين ..
أسيل : تخسي ..
الشباب كتموا الضحكه والدكتور انحرج ..
أسيل : آسفه دكتور مثلك عارف بكره عيد وصعب وما اعيد مع أهلي وبعده عرس أخوي الفال لك يارب على المدام ..
فراس يكتم ضحكته : أسوله المهم صحتك وكانك حاضره ..
حمد طول الوقت ساكت مشى ووقف على صوب يراقب بهدوء لوين بتوصل أسيل
أسيل تصر بضروسها كاتمه العصبيه : بطلع يعني بطلع والحين انا صرت زينه وهذا شيء عادي ..
فراس : لا مو شيء عادي مو اول مره تحصل لك ..
عبدالله : ليه ما قلتي لنا ومن متى ؟؟
أسيل خلاص تعبت من النقاش وعصبت : شنو مسوين علي عصابه والله لأتصل على ابوي يطلعني ..
دكتور : دي الحاجه لمصلحتك سستر سميره جيبي لي المهدئ ..
أسيل : شنو لا ما اتفقنا على كذا عبدالله
عبدالله : عشان تنامين وترتاحين
أسيل تشوف ابرة التخدير مع الدكتور : لا لا لا ما أبي وان قربت ببطنك دكتور أسامه تعرفني متهوره لا تقرب
الدكتور ما اهتم وقرب بس أيدها اسرع على خشمه بقس ...
طاحت الأبره منه وشلعت المغذي وبعدت عن السرير ولا انتبهت لحمد اللي نست وجوده بسبب هدوئه ..
أسيل بعصبيه : علامكم عادي وإذا أغماء على شنو خايفين ما تبوني اعيد معكم وأحضر عرس فراس قولو ..
عبدالله بيطمنها : طيب باتي اليوم وبكره العصر تطلعين وعلى مسؤوليتي ..
أسيل تحط يدها على خصرها : والمخدر يا بابا أنا ممرضه وأعرف المخدر هذا ينوم فيل مو أسيل ..
فراس يتطمن على الدكتور : دكتور فيك شيء
دكتور (كاتم غيضه طبعا بنت اخو صاحب المستشفى وزوجه حمد بن فهد) : لا حصل خير سميرة جيبي أبره ثانيه
أسيل : يا هوه شنو عناد ما أبــــ....
ما حست إلا اللي يشيلها ويحطها على السرير ويثبتها من كتوفها
حمد : خدرها وخلصنا ..
أسيل تحاول تفك نفسها : حمد حمد خلني حمد ..
حمد يهمس بأذنها : هذا عقابك على اللي سويتيه فيني بجده (يلف للدكتور) أخلص ..
أسيل بصراخ : لا لا لا أكرهك هدني هـ... (وغابت عن الوعي) ..
شالها حمد وعدلها على السرير وغطاها ..
فراس : ياعيني على الحب
عبدالله : والله صرنا عذال
حمد : على تبن (لف للدكتور وهو كاتم ضحكته) كم ياخذ المخدر
دكتور : والله حتنام بين 9 إلى 12 ساعه
حمد : طيب شخبار خشمك عسى ما انكسر ..
دكتور يلمس خشمه : لا الحمد لله أستأزن ..
حمد : الحين من يبقى معها
عبدالله : أنا ..
فراس : طبعا أنا
حمد : وليه مو انا (لاحظ نظرت فراس وعبدالله المتفاجئين) أيه انا تراها زوجتي وأنا أحق أبقى معها منكم ..
عندوا الثلاثه وبقوا واتصلوا وطمنوا الكل عليها
على الساعه 6 صحوا أول أيام العيد فراس أول من صحى ..
فراس يفرك عيونه : هذي وين ؟؟
حمد يصحى بعده : علامك تصايح !!
فراس : أسيل أختفت
حمد : شنو ؟؟؟
@storykaligi
🐚 285 ✨
حمد : شنو ؟؟؟
عبدالله : علامكم أصواتكم عاليه
فراس : طالع أختفت
عبدالله يتعدل : من ؟؟
فراس : أسيل
عبدالله وقف دور بالحمام وانتو بكرامه : ماهي هنا !! الدكتور قال 9 إلى 12 ساعه ما صار لها 5 ساعات أنا بسأل الأستقبال ..
فراس : لحظه لحظه (أخذ ورقه على الطاوله) : هذي منها تقول رحت للمزرعه مع مشعل وراشد اللي ماردوا لي طلب مو مثلكم وياويلكم ياويلكم أن شفت رقعة وجيهكم وبعدين العبوها على غيري أنا أسيل (كل عام وانتو بخير ^_^ وجه يضحك)
عبدالله عصب : بروح أذبح الدكتور ..
حمد معصب : خذني معك بكسر خشمه اللي ما كسرته اسيل البارحه ..
فراس يقطع الورقه من عصبيته : أبتوطى ببطنه من 9 إلى 12
راحوا واستفسرو من الدكتور اللي خبرهم أنها شربت أمس قبل يغمى منبهات نسكافيه وقهوه اللي ما يأثر المخدر على جسدها ..
لما صحت سألوها وخبرتهم أنها شاربه كثير من المنبهات وحاولوا ترجع لسريرها ورفضت وطلعت مع شابين
طلعوا للمزرعه وأهم يتوعدون بالأغبياء مشعل وراشد
في سيارة راشد أسيل نامت بالكرسي الثاني
راشد : سلامتك يالغاليه
أسيل : الله يسلمك
مشعل : أسيل ليه طلعتي شكلك تعبانه
أسيل : أرهاق سفر وسهر وأفوت عرس فراس واول عيد يجمعني مع أهلي من 18 سنه ..
مشعل : والله انك غاليه بغلات خواتي
أسيل : تسلم يا خوي إلا بسألكم أحد حس فيكم ؟؟
راشد : لا مثل ماطلبتي محد يعرف كان خالد صاحي سألنا قلنا رايحين نجيب فطور وراجعين ..
أسيل : وأبوي وامي ؟؟
مشعل : ما عرفوا بس أظن بيشوفونا الحين وصلنا ..
راشد يساعد أسيل ساندها حس فهد سياره وصلت وتفاجئ بأسيل اللي يعرفه انها بتبات للعصر ..
فهد يمسك يدها : سلامتك
أسيل تبتسم : الله يسلمك
فهد : إلا كيف طلعوك ؟؟
أسيل : طلعت من الباب 😂😂
#انتهى
مكملين معكم غدا" بإذن الله
أنتظرونا ...
@storykaligi