الفصل 60
❤️📝 روايات وقصص مميزة 📝❤️:
🐚 271 ✨
حمد : تعالي ..
أسيل حست برعشه بكل جسدها وتطالع للبنات : ضروري
حمد : ههههه طيب روابي تعالي معها يمكن خايفه ؟؟
أسيل بنفسها : خايفه مصدق نفسك ماعرفت اسيل ههههههه تونا ياحمد خلني كذا الخوافه لين أشوف أخرتها معك ولوين بتوصل بلعبتك هذي ..
بشاير : خلاص أحنا بندخل هذا المحل إذا خلصتن تعالن ..
جلسوا في ستار بوكس وطلبوا لهم عصير
حمد : حاب أتكلم معك بموضوعنا ..
روابي تاخذ العصير وتوقف : أنا بالطاوله الثانيه خذوا راحتكم ..
حمد يبتسم : تسلمين يأحلى اخت (لف لأسيل) لمتى راح تضلين ساكته ..
أسيل(تحرك القشه(العود) بالعصير) : لين تخلص هالمسرحيه وتنكشف الأقنعه
حمد رفع حاجبه : مسرحيه وأقنعه !!
أسيل : .........................
حمد : أسيل أنا حاب أتفاهم معك عن حياتنا مع بعض ..
أسيل : ...........................
حمد : أسيل
أسيل : حمد تضحك على نفسك شنو حياتنا مع بعض ..
حمد : أضحك ليه كلامك ألغاز قولي وش عندك ؟؟
أسيل ترفع له النظر وبنظرت تحدي وتشتت لاحظها حمد : لا الغاز ولا شئ أنت اللي معيشني بألغاز من عرفتك مافيه حياة لنا مع بعض حياتنا بدت غلط وحمد أنا من فتره أتمنى التقي معك ونحط النقاط على الحروف أنا عارفه أنك أخذتني عناد مو حب غرورك ما سمح تخليني لحالي دمرت حياتي مع مازن .. (لا حظت تغير ملامح وجهه من ذكرت مازن كأنه عصب حبت تزيد جرعة الاستفزاز) أستغليت صفه منه ضدي بينت لأهلي البطل اللي أنقذ بنت عمه من زوج مخدوعه فيه ممكن تتحول حياتها لجحيم معه كل الرجال طماعين بالمال بالجسد بالسلطه بالقوه محد خالي من العيوب وكانت مكافئتك أسيل قدموها لك على طبق من ذهب أسيل مرفوض تقولين لا تدري ليه لأن الفضل لك بعد الله لأنك أنقذتني من طمع مازن بس ..
حمد : بس
أسيل : أيه بس طمعك فيني وضعفك صوب المرأه وغرورك وكبريائك أن الوحده ترفضك خلاك ترفض تصلح الامور بيني وبين مازن مثل ماطلبت أمك قلت لا وضعتني في خانة ملك حمد بن فهد أستأثرت فيني لنفسك على حساب قبولي أو رفضي لك قلت أهي لي لو رفضت ..
حمد اللي يسمع والصدمه شالته حتى عن الكلام عجز يتكلم كل اللي تقوله حقيقه كأنها بجسده تسير كل أسراره مكشوف قدامها كأنه يصرخ بداخل
كيف تعرف ..
أسيل لاحظت صدمته وكملت :صدمتك صح أولا معرفتي بموضوع اصلاح الأمور بيني وبين مازن من أمك قالت لي أنا طلبت حمد يكلم مازن ورضى وثانيا لأني مو غبيه لا مو مثل غاده اللي أنصدمت من طلاقها بكل برود تقول لها أنتي طالق والصدمه الثانيه يوم عرفت أن أبوها أشترك معك بمؤامره ما يحتاج أذكرك كيف قلت أسيل محيره لي صدمات ياحمد تجيني من كل صوب أنت السبب فيها بس لازم تعرف لا أنا ولا غاده ولا وحده من زواجاتك السابقات اللي أعدهن ولا أحصيهن
دخلن قلبك لا المرأه عندك لرغبه في نفسك حتى أنا مثلهن لأني رفضتك في البدايه تحديتك رغبتك تكسرني تذلني خلتك تعرف كيف توصل لي بس غلطان أنا أسيل ولا تحلم أكون لك أموت ولا أسلم نفسي لواحد مثلك (حسته بدا يعصب قالت هي خاربه خاربه خليني أعميها) حتى لو زوجي مهمش ماتسوى شيء عندي ..
حمد عصب : مهمش مو أنتي اللي تقررين انتي غصب عنك لي ..
أسيل بسخريه تخفي خوفها منه : لو أنك رجال كان مارضيت تاخذ وحده ماتبيك تنفر من وجودك وشوفتك ..
حمد زادت عصبيته مسك يدها وضغط عليها : أحمدي ربك أنا بين ناس والا لأعلمك كيف تتكلمين معي ...
#مساءالخير
أحلى متابعين
@storykaligi
🐚 272 ✨
أسيل تتألم بس تكابر : أنا مو خايفه منك وهذي مو رجوله خلني طلقني أكرهك طلقني ..
حمد شد من قبضته على يدها وصر على ضروسه : طلاق لا تحلمين عشان ترجعين لمازن هاه وانا رجال غصبن عليك لا تظنين إذا قلتي منت رجال بطلقك بعيد عنك يابنت عبدالوهاب ..
أسيل بنظرت تحدي : لأنك ماتملك مشاعر وأحاسيس ولا تتأثر صخر قلت ما ابيك طلقني ..
حمد : لو تنطبق السماء على الأرض ماعتقتك وزين كشفتي الاقنعه مثل ماتقولين وفرتي علي طريق طويل من المجاملات لين توصلين لعندي هين الأيام بيننا ..
وقف حمد بعصبيه لدرجه الكرسي طاح بالأرض وخلف صدى في المكان كان واضح لروابي ملامحه العصبيه يوم طلع ركضت لأسيل اللي كانت تبكي ..
روابي : أسيل
أسيل (أرتمت بحضن روابي تدور الملجأ الراحه الأمان بعد كلام حمد كل ضنونها صح كشفت حمد وأسقطت الأقنعه المزيفه ) ..
أسيل تبكي : روابي أخوك ما يحبني خليه يطلقني ليه يعذبني روابي أبوس أيدك خليه يطلقني حرام عليه ..
روابي : تعوذي من الشيطان تبينا نرجع للبيت ..
أسيل تعدل نفسها وتمسح دموعها : لا خليهم يخلصون ما أبي احرمهم فرحتهم ..
روابي : سولفي لي لك فتره متغيره ..
أسيل : أبي أشكي لأحد همي بس محد بيصدقني
روابي : جربيني
أسيل بحزن : أيش أقول لك حقيقة اخوك المره وانه السبب بتركي لمازن ..
روابي بصدمه : شنو ..
أسيل : أيه بقولك كل شئ من اول ماشفته لليوم شنو صار
بدت أسيل تقول لها كل شيء حتى كيف كانت تجيب المعلومات عنه من ألحان وكيف طلق غاده بكل برود ..
روابي حاولت تكتم صدماتها وحده ورا الثانيه وبهدوء : بس أنتي بنت عمه غير عن زوجـ...
أسيل : هههههه لا تضحكيني وتضحكين على نفسك أنا غير حمد يحب التحدي حلف لي يمين يندمني وفعلا والله والله ندمت على ظهوري للحياه من عرفت حمد وأنا حياتي بالنازل أحاول ما أضعف قدامه بس حمد حطمني حطمني آه ..
روابي خافت عليها : أسوله أهدي أهدي كاهم جونا ..
شهد وبشاير : السلام عليكم
روابي وأسيل : وعليكم السلام
روابي : خلصتن ؟؟
بشاير بفرح : وأخيرا أيه ..
أسيل منزله راسها : بشاير دقي على خالد نبي نمشي تعبانه ..
بشاير تنزل قدامها وبخوف عليها : فيك شيء يالغلا
أسيل : لا بس تعبت من الفراره ..
رجعن للبيت رمت نفسها على سريرها تبكي بمراره وألم ضنت إذا قابلت حمد بتكون خاتمة أحزانها بس هيهات أزدادت الحزن والقلق والخوف أنعدم الامان والاستقرار تشتت طريق التواصل خلاص لوكان لها أمل بالبعد عن حمد بعد هذا الكلام صار الامل مفقود أصرارها على ترك حمد قابله أصرار حمد على تملكها وازياد قبضته على رقبتها بدل يرخيها وتقدر تتنفس نامت بعد صراعات ودموع ...
@storykaligi
🐚 273 ✨
اليوم الثاني........
في كفتريا الجامعه............
حلا : دانه علامك سرحانه ؟؟
دانه : ............
سلمى : صار لك فتره مو على بعضك لا يكون زوجوك غصب عنك ..
دانه : بسم الله علي (بغرور مصطنع) أنا دانه طلال غصب عني اتزوج هزلت ..
حلا : أجل شنو السالفه ؟؟
دانه : أبدا بنت محيرتني
حلا : قايله لكـ...
سلمى تقاطعهن : بنات بنات شوفن من دخل ؟؟
دانه تلف : من هذلن ؟؟
حلا : هذي أم شعر بني نجود عبدالوهاب ..
دانه : ماشاء الله جمال ومال أظن أبوي يعرفهم ..
سلمى : أهلها معروفين لا وولد عمها حمد بن فهد ..
دانه بصدمه : المزيون وانا أقول منين جايبه ها الحلا ..
سلمى : لا وأزيدك من الشعر بيت ماخذ أختها ..
دانه : مزيونه مثله على ما سمعت محد مثله إلا أخته أظن تضاهييه حلا
حلا تلف لها : هلا
دانه تطقها على كتفها : ماناديتك قلت عن حلا حمد مو حلا ناصر ..
سلمى : يقول لها القمر أقوم وتقعدين مكاني ..
حلا : عن من تتكلمين
سلمى : مرت حمد بن فهد
حلا : أنا شفتها بعرس لجيرانا تهبل ..
دانه : إذا هو مزيون وهي مزيونه أجل عيالهم شنو يطلعون جمال ..
دانه تلف لسلمى : كملي من الثانيات ..
سلمى تأشر : أم شعر قصير هذي أخت حمد بالرضاعه أمها عمته ...
دانه تطالع لها بنص عين : أنتي وين تسكنين بالسجلات المدنيه حشى كل شئ تعرفينه ..
سلمى : كش عليك بسم الله علي من عيونك أنا ياماما أجتماعيه مو مثل بعض الناس مغروره ..
دانه تشهق : مغروره لو مغروره ما نزلت وتنازلت وتعرفت بسلمى ..
سلمى : لك الشرف يا بقره
دانه : يالدلفين
سلمى : يالصرصور
دانه : يالسحليه
حلا : وأنتن بزران منتن صاحيات
دانه وسلمى كل وحده لفت صوب عن الثانيه ..
دانه تراقب البنات : حلا من الثالثه قمر لا إله إلا الله
حلا : ما أعرفها أسألي سلمى ..
سلمى : ما كلمها
دانه : سألتك عشان تتكلمين ..
دانه ترد على جوالها : ألو ....... هلا يوسف ...... ما أقدر أكلمك ....... مايصير ممنوع......... طيب زين زين باي ..
سلمى : علامك ؟؟
دانه : شنو دخلك مو تقولين ما أكلمها
سلمى تضايقت وسكتت : ............
دانه حست أنها زودتها وقامت وباست سلمى على خدها : سوري والله أمزح هذا يوسف أخوي يبيني أكلم وحده أتطمن عليها ..
حلا : تكلمين وحده عادي تكلمين صاحباته ..
دانه : لا مو كذا الحكايه غريبه شوي هذا أول رمضان يوسف بيتصل بأختي شيخه وغلط بالرقم الأخير لجوال أختي وقبل يقول ألو سمع وحده تبكي وباين لها فتره تبكي حس بالفضول سالها ليه تبكين قالت من زياد ؟؟
حلا : من زياد ؟؟
دانه : أخوها قال يوسف أيه ليه تبكين قالت فقدت أمي ..
سلمى بحزن : ياقلبي أمها ميته ..
دانه : أيه
سلمى : اهي قالت له ..
دانه : لا هذي سالفه انا البطله فيها خليني اكمل لما قال وين أمك هنيه صحت من بكاها وقالت من انت قال أنا يوسف ياي هزئته شر تهزئيه وسدت التلفون بوجهه ..
حلا : يمه منك فرحانه بتهزأته ..
دانه : عشان يعرف مو كل البنات صنف واحد
حلا : طيب طيب كملي أكيد يأس
دانه : لا لجأ لحبيبته دندونه اللي هي انا طلب أتصل عليها من رقمي قلت لها اسمي ورفضت تقول أسمها أهلها محافظين طلبت تتكلم مع يوسف ..
سلمى : أكيد بتشكره على موقفه ..
دانه : ههههه تشكره أيه شكرته بس بطريقتها زفته وربي وجهه يعطي ألوان وقال أنتي ماتستاهلين اللي يسال عنك وهنيه ما استحملت قالت انا رنا وطاحت بمطب يوسف وسكرت بوجهه الخط ..
حلا : وكلمها مره ثانيه
دانه : حاول وحاول بس ماترد هالبنت لحست مخه ..
حلا : ايش حصل ؟؟
دانه : حاول اتصل من رقمي الجديد ردت علي وطلبت ابعد عنها انا وأخوي البنت مع انها فقيره إلا انها رفضت أغراءات اسم طلال الـ...
سلمى : ويوسف !!
دانه : يقول دقي عليها وده يساعدها أعتقد مشفق عليها يبي يتطمن ..
حلا : وانا بعد شوقتيني لها ..
سلمى : الفضول ذابحني يله أتصل لي ..
دانه تتصل ولفت أنتبهها صوت الجوال بالكفتريا سكرته ورجعت اتصلت نفس الشيء ..
دانه : ياربي
سلمى :علامك ماترد ؟؟
دانه : إذا اتصلت على رقم البنت يدق الجوال هنا بالكفتيريا واذا سكرت يسكت الصوت ..
حلا : تتوهمين اتصلي ..
دانه تتصل : شوفي نفس الحاله سمعن ..
حلا : تضنينها معنا ؟؟
دانه : هذا رقمها ..
سلمى : أنا عندي الحل دقي وانا أكتشفها لك ..
دانه تتصل مره ثنتين ثلاث ..
سلمى وقفت : بنات ماعليه اللي جوالها يدق ترد الله يعافيها حنا صيام ..
رنا تبتسم : سوري حبيبتي أحطه سايلنت سوري بنات ..
صدمه لدانه وحلا وسلمى بلمن وجلسن يناظرن لبعض وساد الصمت
@storykaligi
🐚 274 ✨
في مكان ثاني
كانت توها صاحيه وراسها مصدع بعد ليله كئيبه لها صلت الظهر ونزلت رمت نفسها على الكنبه جنب أمها وحطت راسها بحضن أمها ..
الأم : يمه فيك شيء ؟؟
أسيل : لا يمه بس مشتاقه لك
الأم تبتسم وتمسح على شعرها : ياقلبي
بعد فترة صمت...
الأم : يمه أسيل البارحه حمد عطا أبوك المهر كامل وحطاه بحسابك ..
أسيل : ليه ؟؟
الأم : ناسيه عرسك بعد شهرين ونص ما تبين تتجهزين ..
أسيل ببرود : طيب ..
الأم : منين حابه تجيبين فستانك من هنا ولا تطلبينه ..
أسيل : لازم الفستان
الأم عصبت من برود أسيل : أسيلوه شنو لازم فستان كيف تدخلين القاعه ببجامه ..
أسيل : يمه لا تروحين للعمره خليك معي هنا ..
الأم : فيك شيء ؟؟
أسيل بدأت دموعها لا أراديا تنزل : تعبانه كل ما قرب حقيقة وجودي مع حمد تحت سقف واحد تعبت ..
الأم : مايخالف يمه هذا خوف قبل الزواج كل بنت تمر فيه ..
أسيل تقعد قدام أمها : يمه هذا خوف من حمد نفسه ..
الأم بعصبيه : مانخلص من هذا الخوف حمد رجال زين كفايه انه ولد عمك وأنه لولاه ..
أسيل تقطع كلام أمها وتوقف وبعصبيه : عارفه عارفه لولاه كان الحين متزوجه مازن الطماع كل مره تكررونها تعبت أنا يمه أنا(بدت تبكي) ..
الأم توقف وضمتها : أنتي شنو وايش فيك يمه قولي لي أنا أمك صرتي ماتاكلين ومهمله لصحتك أسيل تكلمي ياقلب أمك ..
أسيل بخاطرها : وش أقول يمه اقول لك عن اللي حصل امس أنا عارفه هذا الأمر لا يقدم ولا يأخر(رفعت راسها عن صدر امها مسحت دموعها وابتسمت) يمه متى تسافرون لمكه ..
الأم : بعد 4 أيام
أسيل : أبوي وين ؟؟
الأم : أكيد بالمكتب ترى راح نروح الساعه 4 خليك جاهزه ..
أسيل : وين ؟؟
الأم : علامك نسيتي بيت عمك فهد اليوم الفطور عندهم ..
أسيل في نفسها : يعني حمد لا لا(ماحست وارتفع صوتها) لا لا
الأم مستغربه : شنو لا
أسيل : يمه ما أقدر أروح تعبانه ..
الأم : أخاف تزعل خالتك سارا
أسيل : لا ماتزعل يمه لا تضغطين علي أنا بغرفتي باي ..
نعود للجامعه
حلا تهز دانه : دانه أخوك أقصد هي ؟؟
دانه : سلمى هذي كشخه مو فقيره من هذي ؟؟
سلمى : هذي رنا محمد سلطان صاحب شركات ...........
دانه بصدمه : شنو ما اصدق يوسف يقول فقيره ...
حلا : يوسف شافها
سلمى : أجل تلعب
حلا : لا يمكن ماتلعب بس هي مو راعية حركات معروفه بأدبها وأخلاقها ..
دانه : الحين شقول ليوسف ؟؟
سلمى : بصراحه من رأي لا تقولين له شيء ..
حلا : بس قولي له كلمتها وبخير ..
دانه : أقول له من طلعت ؟؟
سلمى : لا لا مو لازم دانه طلبتك لا تضيعين البنت اخوك متهور أرجوك ..
دانه : تعرفينها سلمى ؟؟
سلمى : أيه بنت عسل وضحوكه ..
دانه : عرفيني عليها
حلا : وانا بعد
دانه : بس مانقول لها شيء فاهمات
عرفت سلمى حلا ودانه على رنا اللي عرفتهن ببنات خوالها واندمجن معهن وحسن أنهن مافيهن ذرة الغرور والكبرياء رغم مراكزهن دانه طول الفتره متردده تقول ليوسف ولا لا قررت ماتقول له عارفه اخوها وتهوره والبنت اخلاق حرام مثل ماتقول سلمى نضيعها ..
@storykaligi
🐚 275 ✨
الكل ببيت حمد مجتمعين إلا أسيل أعتذرت أنها تعبانه
بعد الأفطار جلسوا الرجال بالمجلس
فهد يشرب شاي : إلا ما قلتو لي من يبي يروح لمكه ؟؟
محسن : جدتك وعمك سعد ..
حمد : الوالده ؟؟
فراس : وامي وخالتي زهره وأبوي بس ..
عبدالوهاب بهدوء : وأسيل بعد(الكل سكت) علامكم ؟؟
محسن : أسيل متى قررت
عبدالوهاب ياكل تمره ويشرب قهوته : اليوم أتصلت علي وقالت لي ..
عبدالله : غريبه ماقالت لي
حمد أستأذن وطلع للمطبخ وتنحنح ودخل ..
روابي تبتسم : هلا بالغالي ..
حمد : هلا روابي روابي أسيل هنا ؟؟
روابي : لا ماجت ..
حمد : ليه فيها شيء ؟؟
روابي تكتف أيديها : مدري أسأل نفسك ؟؟
حمد : نفسي !!
روابي : حمد أسيل أمس كانت تبي تنهار أرجوك أسيل حساسه لا تضغط زياده ..
حمد يبي يتهرب : بعدين نتكلم بروح للمجلس ..
روابي تبتسم : أيه أنحاش الحين مردك لي ..
حمد طلع جواله يتصل عليها : ياربي ماترد عارفها عنيده أرسل مسج ..
(أسيل ردي علي بكلمك)
أسيل :
(خير باقي قناع ما طاح)
حمد :
(ردي أحسن فاهمه)
أسيل :
(مابرد كيفي)
حمد :
(طيب خليها مسجات شنو سالفة روحت مكه)
أسيل :
(وش دخلك كيفي)
حمد :
(أسيل خلينا حلوين وردي عدل)
أسيل :
(تصبح على خير) ..
حمد(أتصل لقى الجهاز مغلق وعصب) : أخ لو أقدر أوصل لك لأكسر راسك بس هانت ..
أسيل سافرت بعد أيام مع ابوها لمكه كانت تعتبره مهرب من مكان يجمعها مع حمد ..
كانت بحاجه للأبتعاد وتصفية نفسها من الحزن والآلام وماكن ممكن تشعر بالراحه إلا في أطهر مكان بيت الله تغيرت نفستها من وصلوا لمكه ..
أما العائله تجمعت بالمزرعه ومنع فراس من دخول المزرعه الكل ضحك عليه الكل يعرف فراس معناه الأحراج الدائم لبشاير اللي حبوها تاخذ حريتها العم رأف بحاله وسمح يبات في المزرعه مع أن الشباب حاولوا يخربون عليه ويقنعون محسن اللي يوم أكتشف خطتهم أنهم بس حبوا يضايقونه ويسوون فيه مقلب قال خذوا راحتكم بس لا تزودونها عليه ..
الكل مجتمع بالمجلس إلا اهو جالس يم السور يراقب الخيل تركض من كل ناحيه ونظره لفرس وحده الوضحه ..
فراس من وراه : حنيت لها ؟؟
حمد يبتسم : حنيت لعصبيتها الأمور هاديه هنا ..
أحمد : يعني هي اللي تحركها ؟؟
خالد : أنا أشهد لما تكون مع البنات يفرفشن مقالب وسوالف وهبال وخبال ..
فهد : فديتها 5 أيام مرت على روحتها ..
حمد : إلا أنتو جايين ليه ؟؟
خالد يغمز له : جينا لك يالعاشق ..
فهد : بيرجعون بعد يومين أو ثلاث أن شاء الله لا تحاتي ..
فراس يغمز له : حمد مو قلت تبي ترتاح وتروح عمره برمضان ..
حمد فهم عليه وابتسم : والشركه ؟؟
خالد : لا تخاف بعد بكره أجازه للعيد وفراس ما يضره اذا داوم بكره ..
فهد : صادق فراس بيداوم بدالك يوم عادي ..
فراس : رح وسلم على الجماعه كثير ..
حمد أبتسم وطلع جواله : ألو خلدون أبي خلال ساعه تذكرة سفر لجده وتكلم أم ياسر ترسل لي السياره على المطار باي (لف لهم) لا تقولون لهم ..
الشباب بصوت واحد : مفاجئه ..
طلع حمد للمطار ومو عارف ليه افتقدها.........
@storykaligi