الفصل 59
❤️📝 روايات وقصص مميزة 📝❤️:
🐚 266 ✨
ويمر رمضان على خير وغمض عين وتفتح عين تلاقينا بنص الشهر
كما العاده يوم الجمعه ببيت الجده مجتمعين ويجهزن الفطور
سعاد : ياربي أحس بولد ..
بشاير : لا عمه أحضري عرسي بالأول
سعاد : مو ولد عمتك مستعجل أقوله هانت كلها 15 يوم
روابي تصب الشوربه بالصحون : تصدقون باقي 15 يوم بس سبحان الله نص رمضان مر ولا حسينا ..
شهد داخلة بفرح : بنات بنات بشاره بعد أسبوع بنروح للمزرعه ليوم العرس ...
: لاااااااا
الكل لف لأسيل
سعاد : بسم الله علامك تصرخين ..
أسيل : ما ابي اروح للمزرعه ..
سعاد تغمز لها : عشان حمد ؟؟
أسيل بعصبيه : سعاد آخر مره شفته حدد العرس أخاف أشوفه ياخذني للبيت ..
البنات : ههههههه ..
روابي : يحبك
أسيل تصب العصير وبسخريه : كثري منها أخوك يمين والحب يسار
بنفس اللحظه دخل فراس وحمد وجراح ومحمد بياخذون الفطور للمجلس ..
الشباب : السلام عليكم
الكل : وعليكم السلام
أسيل تعض على شفايفها وبخاطرها : أنا ليه فتحت فمي ليه ما اعرف امسك هاللسان لا بالله سمعني(لفت تكمل صب العصير) باين من نظراته الله يستر ..
فراس : هاه عمه نشيل الصواني للمجلس
سعاد : أيه خلصنا ..
حمد يقرب ياخذ العصير من أسيل وبهمس : أسيل شنو رايك بالحب وانا
أسيل : .................
روابي تهمس لبشاير : شوفي شوفي لا يفوتك أسيل وحمد ..
بشاير : والله سمعها أخوك يخوف طالعي نظراته ..
روابي : حتى ولد خالي فراس طالعي ..
بشاير لفت له وهو غمز ولفت عنه وبخاطرها : ياربي ياحلوك
حمد : هاه ردي
سعاد لاحظت ارتباك أسيل ونظرتها لعمتها رحمت حالها
سعاد : حمد أقول خذ العصير المؤذن بيأذن ..
أسيل أبتسمت لعمتها وكانها تشكرها
حمد أبتسم : حاضر يا عمه .. (وبهمس ) بعد شهرين ونص باي
أسيل : شفتن يمه منه بذبحه ..
@storykaligi
🐚 267 ✨
سعاد : يله خذن الصواني لطاولة الاكل ..
رشا توها واصله سلمت عليهن : شخباركن ؟؟
البنات : بخير
سعاد : والله فقدت الأمل تجين تأخرتي ..
رشا : كنت مع سامي بالمستشفى ..
سعاد بخوف : فيك شئ ؟؟
رشا بحيا : أنا حامل ياخاله ..
الكل فرح لها بهذا الخبر وبارك لها
بشاير : بأي شهر
رشا : الأول يوه لو تشوفون سامي كيف فرحان ماكان يبي يجيبني ..
روابي : ليه عاد ؟؟
رشا : خاف أتعب
أسيل : الله يهنيك يارب
رشا : وأنتي بعد الله يهنيك قالت لي رنا حددتو عرسكم أول السنه ..
أسيل : أيه تراك معزومه
رشا تحط يدها على قلبها : ياربي كنت أحاتي ماتعزميني
الكل : ههههههه ..
سعاد : يله بيأذن المؤذن ..
بعد الأفطار............
اللي صعد لغرفة رنا و اللي طلع للحديقه واللي بقى بالمجلس
نجد : طلعتن فساتينكن ؟؟
رنا : أنا بعد بكره بروح اشوفه إذا مضبوط باخذه ..
سلوى : وأنا مع رنا أخر مره كان موسعه وأنتن ؟؟
نجد : أيه
رنا : نفس الشيء
نجود : أيه أنا بني وهي ذهبي نفس التصميم ..
سلوى : كان جبتن هن نشوفهن ..
نجد : تعالن و شوفنهن والله فكره تعالن بكره وأفطرن عندنا ..
رنا : مها بتكون موجوده
نجد : ياهذي المها اللي أكلت الجو علي ..
سلوى : يالغيره لا بس تنحب
نجد : خلاص أكلمها ونلتقي
رنا يدق جوالها وتطالع الرقم : أفف ..
سلوى : يوسف
نجود : ما يأس
رنا : هههههههه لا كذا مره أزفه ولا فايده ..
نجد : قولي له أنتي بنت تخافين من أهلك وأنتم ناس على قد حالكم يتركك ويروح ..
رنا : والله فكره يمكن يتركني بحالي إذا عرف أني مو من مستواه
نجود : مستواه وش عرفك بمستواه ؟؟
رنا : أبدا مره قالي أنا يوسف طلال الـ...
نجد : واو والله طلع له مستوى يا أختي صدق له مستوى ومركز لا وبعد له مستوى عند البنات يا أنه مغازل نص إذا مو تارك نص لمشعل وراشد من بنات الرياض
البنات : هههههههه ...
سلوى تمسح دموعها : هههههه نجد يامجنونه وش جاب سيرة مشعل وراشد يالخبله ..
نجد تبوز : الخبله أنتي وأنا صادقه مغازله تجري بدمهم مالت أقول رنوه ردي عليه صدع روسنا ..
رنا : طيب طيب ...... ألو نعم
يوسف : الله ينعم عليك
رنا : ياسيد يوسف أرجوك
يوسف : سيد ..
رنا تتصنع الحزن والأنكسار : أرجوك أنا مو من مستواك ولا قدك خلني بروحي أهلي راح يذبحوني إذا عرفوا ويحرموني من الجوال والدنيا ..
يوسف : أف أف كل هذا ترى ماقلت لك أطلعي معي بس بتطمن عليك ..
رنا بعصبيه : منت صاحي ؟؟
يوسف عصب : كل ماكلمتك تقولين منت صاحي أجيبلك تقرير أني بكامل عقلي ..
رنا سدت التلفون بوجهه : مالت عليك ..
نجود : علامك بعد ؟؟
رنا : يا أختي مدري مو صاحي هذا الولد عقله مقفل ما يبي يفهم عنيد ..
نجد : أبي أسألك شلون جاب رقمك ومن متى يتصل ؟؟
رنا : بقول لك كل شئ من يوم حصل لهذا اليوم
نترك رنا تسرد قصة يوسف للبنات ونروح للحديقه للجو الحلو والهواء البارد ..
أسيل : ثوبي عادي ليموني ..
روابي : أسيل أمانه لا تقولين معه نظاره إطارها ليموني ..
أسيل : لا
روابي : الحمد لله
أسيل بخبث : أزرق إطار أزرق لأن الثوب فيه كرستال أ
روابي بققت عيونها : شنو ..
@storykaligi
🐚 268 ✨
روابي بققت عيونها : شنو !!!
أسيل : أمزح أمزح ههههه ..
البنات : هههههه ..
بشاير : بنات خلنا نطلع للسوق ..
سعاد : أنا مالي قدره على المشي
عايشه : وأنا أسمحي لي قبل أمس معك كنت بالسوق
ترفه : بكلم خالد لخاطر عروسنا وأقوله يودينا للسوق ثواني بس ..
بشاير بصوت عالي : عاشت بنت خلف ما غلطت يوم خطبتك لأخوي (تلف لأسيل) هاه تروحين ؟؟
أسيل : أخص يالنصابه ماعندي مانع بجيب لي نظاره تصلح لثوب العرس(قالت آخر جمله وتطالع بروابي وتبتسم) ..
روابي بعصبيه : بذبحك ..
أسيل ببرائه : أمزح ..
روابي : بروح معكن وما بخليها هالمجنونه بروحها لين تشتري عدسات ..
بشاير : هاه الثلاثي المرح تروحون هيومه تخاوينا
هيام : سوري أنا و وجدان مانقدر أسمحي لنا بنروح بيت جدتي طيبه تعبانه شوي ..
الكل : سلامتها
شهد : أنا ما عندي مانع لأروح منور تروحين ..
مناير : أنا بعد سوري حالي من حال هيام ووجدان بروح بيت خالتي ..
ترفه بحزن تقعد : مارضي ..
بشاير : خساره ..
ترفه تبتسم : مارضى إلا الساعه 8 يودينا تجهزن ..
بشاير تبوس خدها: فديتك قد كلمتك ..
نعود
للدفء لا تلوموني ذبحني البرد بالحديقة ..
نجد : والله هالشخصيه غريبه ؟؟
نجود : يمكن حن عليك لما شافك تبكين
رنا دق جوالها وتطالع الرقم
سلوى : أهو
رنا : لا رقم غريب صرت أخاف أرد يكون هو خليه يولي بحطه سايلنت
نجود : ماتبين تقولين لزيـ... (سكتت حست بغصه قبل تقول اسمه) ..
البنات تبادلن النظرات يتأملن ملامحها طلعت من الغرفه قبل تخونها دمعتها وقفت بالممر المكان الوحيد الفاضي بكت تذكرت لقائهم الأخير قبل رمضان عند الجده وكيف قابلها كان جاف ونظرته كلها قرف لها ما صافحها مثل البقيه حست أنه مشمئز من لمسها يومها عرفت أنه أنتهى كل شئ عرفت انه خطب رسمي غيداء ..
شدها الفضول تدخل غرفته تبي تحس بوجوده لو من خلال أشياءه تبي تشوف طيفه بغرفته لو محرم عليها ..
فتحت الباب بشويش ولعت الأبجوره نورها خافت .. وجلست على سريره مررت يدها الصغيره على وسادته خذتها وحضنتها لصدرها أستنشقت رائحة عطره الأخاذ بصمت مررت يدها على صورته بالبرواز تتامل تلك الأبتسامه اللي ياما سحرتها كلها عذوبه ورقه ضمت الوساده أكثر وأكثر حست ودها تدخلها لقلبها شئ من زياد تبيه يسري بدمها يعلن أستمراريه حبها له بيصرخ ما خنته ما أحب غيره ما أبي غيره ..
نجود بهمس : أشتقت لك
: وأنا بعد
@storykaligi
🐚 269 ✨
: وأنا بعد
نجود وقفت من الصدمه وطاحت الوساده منها حست الدنيا وقفت عند هذي اللحظه ..
نجود : زياد
زياد أبتسم حس روحه رجعت له يوم شافها : ياعيون زياد ..
نجود بخاطرها : وش صار ومن متى هو هنا وجودي غلط لازم أطلع قبل أضعف لا لا تخونيني يا رجولي طلبتك جسمي تخدر أحس مو قادره أوقف على طولي لا لا لا ....
زياد : كيفك أشتقت لك ؟؟
نجود بدون نفس : بخير .. (كانت مرغمه تكلمه بهذا الأسلوب ومشت للباب) ممكن تبعد ..
زياد ساد الباب بأيده ما يبيها تطلع وتختفي عن ناظريه من جديد وبحزن : ليه تكابرين نجود أنـ...
نجود تقاطعه : زياد وجودي غلط معك ممكن تبعد ..
زياد : وليه دخلتي غرفتي أذن تحبيني صح أفتقدتيني ..
نجود بأرتباك : غلطت بس وأحبك هاي لا تتوهم ..
زياد أبتسم رغم مرارة كلامها : ودموعك هذي غلط بعد ؟؟
نجود تمسح دموعها : هذا هذا شيء طاح بعيني ..
زياد زاد حزنه : أرجوك لا تعذبيني كلمه منك بس أترك الكون لخاطرك ..
نجود دق جوالها كانت نجد بس حبت تستغله لصالحها : أسمح لي سلوم يتصل علي ..
زياد عصب ومسك يدها اللي فيها الجوال : سلوم تنسينه أنتي لي لي لي ..
نجود تتألم : آه زياد أنت تألمني أنا مو لك اللي لك غيداء ..
زياد : ما أحبها افهميني أنتي أجبرتيني نجود لا تعذبيني وتعذبين نفسك أرجوك ..
نجود تفك يدها وتكابر : أنا مولك أفهم ما أحبك (دفته وطلعت) ..
زياد جلس على السرير ودفن وجهه بين ايديه يحاول يضبط أعصابه قبل تفلت ويسوي شيء يندم عليه ماقدر يقعد بنفس المكان طلع من الغرفه ومر جنب البنات اللي سلمن ولا سمعهن كان بعالم ثاني طلع قبل ينفجر ويخل هذا الأنفجار
دمار ..
على الساعه 8
طلت تهاني وبناتها وسارا وبنتها مناير وحفيدتها لبيت أختها سلمن وجلسن يسولفن وسمعن رجال يتنحنح ومناير عدلت لفتها
أم طيف : يمه تعال محد غريب ..
سلمان يدخل : السلام عليكم ..
الكل : وعليكم السلام
سلمان : حيالله من جانا كيفكم ..
تهاني : بخير ياخوي كيفك أنت ؟؟
سلمان : بخير هاه وجدان هيام شخباركم ..
وجدان وهيام : بخير
سلمان : هلا بخاله سارا
أم حمد : هلا بسلمان كيفك يمه ؟؟
سلمان : بخير (لف لذلك الملاك الجميل الصامت وبهمس) : أحم كيفك مناير ؟؟
مناير بهمس : بخير ..
سلمان : كيف الجامعه معك ؟؟
مناير : زينه
وجدان : زينه ولا نحول أحم أحم ترى أنا معها بنفس الجامعه ولا ناس وناس ..
سلمان أبتسم : كل يوم أشوفك مليت ..
وجدان بأبتسامه تطالع مناير : خلاص بغيب مثل بعض الناس ..
مناير حست بخجل من وجود سلمان اللي يطالع لها بنظرات إعجاب خلها ماتقدر تاخذ راحتها مع الناس ..
سلمان (يسولف وكل شوي يسرق نظره لمناير وبخاطره ) : أحلويتي يامناير أيش أيش ماشاء الله مزيونه كانك اخوك حمد وينك من زمان وأنا اللي من فلانه لفلانه و بعائلتي أحسن لو أقعد أكثر بنفضح (وقف) يله أسمحولي ..
أم حمد : وين ياولدي ؟؟
سلمان : والله ياخاله مواعد الربع ..
أم حمد : بحفظ الله
تهاني : يمه وين طيف ؟؟
الأم : والله طالعه مع صاحبتها
تهاني : من بنته ؟؟
الأم : والله مدري ..
وجدان : يمه طيبه ما تبين حليب من أيدين حبيبتك وجدان ..
الأم : أيه والله وحطي زنجبيل شوي زين ..
وجدان : من عيوني يله منوره
مناير : أسمحو لي
@storykaligi
🐚 270 ✨
مناير : أسمحو لي ..
وجدان تمسك يدها : يامؤدبه يله يله
مناير تدخل المطبخ : بهيمه وراك ..
وجدان تحط الأبريق على النار : ههههههه لا لك الحشيمه بس حسيتك بتولعين قلت أخذك قبل تشبين نار ..
مناير : خخخ سخيف ..
وجدان تغمز لها : وش رايك بخالي مزيون صح ؟؟
مناير ترفع حاجبها : وش المعنى من هالسؤال ؟؟
وجدان تزهب الصينيه : أبدا حسيته بياكلك بنظراته ..
مناير : جودي بلا خبال هاه تعرفين منوره وقلبها ملك من ...
وجدان : بس من ماتحرك لمتى والله خايفه يصير مثل ولد عمه محمد ..
مناير : مدري مدري ..
وجدان : والله مو قصدي أحزنك ولا اجمل خالي بعينك سلمان تعرفينه بس خايفه تنصدمين مثلي ..
مناير شهقت : لا
وجدان بخوف : علامك
مناير : الماي ينكت على الغاز ..
وجدان عصبت وضربتها بكتفها : يالخايسه قلت البنت انجلطت من كلامي ..
مناير : ههههه ..
وجدان : ذلفي عساني أشوف فيك يوم ...
مناير : هههههه ..
أما بالسوق ..........
خالد : هاه خلصتن
البنات : لا ..
خالد : بسم الله كلتني
بشاير تهمس لترفه اللي أبتسمت : فهمتي ..
ترفه : خلاص أن شاء الله خلودي ..
خالد أبتسم : ياعيونه
ترفه تبتسم من ورى النقاب : تسلم عيونك ..
شهد : هيه أنت وياها راعوا أن فيه عزابيه أولا وثانيا أنا بمكان عام عيونه وعيونها الحمد لله والشكر ..
خالد ضربها بشويش على راسها : جب أنتي
ترفه : من الحره خلودي حابه نتمشى لوحدنا بشتري بعض الأشياء الخاصه لي ..
خالد : والبنات
شهد : والبنات أقول عنتر خذ الخبله عبله وما عليك من الرعيه ندبر حالنا ..
خالد : هذي اللي ببطها اليوم ..
شهد : بط الله عدويني ..
ترفه تمسك يده : خلودي أفهمها البنات ما يبنك عندهم أشياء خاصة ..
خالد : خلاص تعالي ياقلب وروح وعمر خلودي (لف لشهد بخبث) قلت عمر خلودي مو عمر خال بشاير ..
شهد عصبت : سخيف ..
الكل : ههههه ..
بشاير : يمه كنت منحرجه منه يله خلنا ندخل هذا المحل
روابي : سبقينا بروح لراعي العدسات مع أم عيون ..
أسيل رفعت حاجبها : هيه كنك أخوك كل ماشافني قال أم عيون ..
البنات : هههههه ..
أسيل : علامكن ضحكتن من سركن بلا
روابي تأشر وراها : ناظري ..
أسيل تلف وتشهق : هذا شنو جابه ؟؟
شهد : يلحق الحبايب هههه ..
أسيل عصبت : يلحق الحبايب جب يالبطه ...
شهد عصبت : لا تقولين البطه بذبحك أن عدتيها ..
أسيل تعد على أصابعها : بطه وبطه وبـــــــــــــــــــــطــــــــــــــــه
شهد : يـــــــــــــــا أم عــــــــــيــــــــــــــون
روابي : بس بس فضحتنا خلاص بزران ..
أسيل : بنات عفيه شنو جابه هنا
روابي : كاهو اسأليه
حمد : السلام عليكم
البنات : وعليكم السلام
حمد يطالع لأسيل اللي نصها ورا بشاير ونصها باين وأبتسم : أسيل كيفك ؟؟
أسيل : بخير وأنت ..
حمد : بخير
بشاير : حمد أسمح لنا ورانا دواره بالمجمع ..
حمد : مسموحات (وقبل يروحن ) أسيل ..
أسيل وقفت بس مالفت له : هلا
حمد : تعالي ..
#انتهى
مكملين معكم غدا" بإذن الله ..
@storykaligi