الفصل 58
❤️📝 روايات وقصص مميزة 📝❤️:
🐚 261 ✨
رنا زادت عصبيتها : حثاله وأنا ما أسوى يا شاطر أنا رنا على سن (شهقت عرفت انها خارتها) ...
يوسف : هههههه هلا هلا برنا أسمك حلو هههه ..
رنا سكرت الجوال ورمته وخبطت على خدودها : ياويلي ياويلي غبيه ..
دانه : أسمها رنا كيف قالت لك ؟؟
يوسف طلع الشريحه من تلفون اخته : ههههه فقدت أعصابها خليتها تعصب ...
دانه : هيه يوسف شريحتي ..
يوسف : بكره عندك شريحه جديده هذي أنسيها ..
دانه تحط يدها على خصرها : والأرقام ؟؟
يوسف : بسجلها لك والصبح خذيها أنا طالع بجيب لك شريحه وأنا راجع ..
دانه : شنو سوت فيك هالرنا
يوسف : مدري باي ..
دانه : باي
دانه بخبث تطلع ورقه وقلم : مسكين يا يوسف تظن إذا اخذت الشريحه بنسى الرقم تبي تصيدها من جوالي عشان تظنك دانه وتسولف معك مدري بس ما أظنها مثل خوياتك اللي ما يصدقن يوسف طلال الـ... يكلمهن الرقم أنحفر هين ..
في بيت غيداء
غدير : نجود عبدالوهاب ..
غيداء : أيه مع بنت عمي رنا بالجامعه أول سنه ..
غدير بنت خالة غيداء بعمر رنا ومعها بنفس الجامعه
غدير : آه أيه أشوفها معها دايم ..
غيداء : أبيها تطيح في مصيبه تموتها
غدير :هههه يا شريره تموتيها مره وحده ليه حاقده عليها لهذي الدرجه ؟؟
غيداء : بسبب زياد يحبها بنت خاله ..
غدير : أعتبريها أنتهت ..
غيداء : كيف ؟؟
غدير : خليها علي بس أبي الفرصه أنتي عارفه رنا ماتحبني وكاشفتني ..
غيداء : هههههه رنا ماتحب سوالفك إلا شخبار الكيف ماخليتيه ..
غدير بنشوه : آه من الكيف وسحره لا الحين أجرب شئ ثاني يسبب الأنتعاش تجربين ..
غيداء بقرف : أعوذ بالله أنا أصير عبده للأدمان الله يقرفك ..
غدير : تضيعين على نفسك وناسه ..
غيداء : والله أضيع الوناسه ولا أضيع نفسي وأنتهي
غدير بخبث : هذا أنتي قلتيها تنتهي
غيداء خافت : قصدك نجود ؟؟؟
#مساءالخير
أحلى متابعين نعتذر على التأخير ومكملين معكم روايتنا المنقولة ..
@storykaligi
🐚 262 ✨
غيداء خافت : قصدك نجود ؟؟
غدير : وعلامك خفتي لا يكون هونتي ..
غيداء : لا أنا أقصد ببعدها بس بهذي الطريقه ؟؟
غدير : خلاص تصرفي أنتي بالطريقه اللي تعجبك ..
غيداء : لا لا لا خلاص على كيفك ..
: شنو على كيفك
غدير وغيداء التفتن للدرج ..
غيداء : هلا سلمان
سليمان : هلا غيداء غدير شلونك
غدير ذابت من ابتسامته : هاه بخير ..
سليمان: وأنا بخير
غيداء : من سألك
سليمان: شفتها ما سألت قلت أجاوب ..
غدير في نفسها : يالهوي ..
سليمان : ماقلتن لي شنو على كيفك ؟؟
غيداء : هاه أبدا قلنا بنروح للسوق قالت مع السواق قلت يمكن سلمان اخوي الحبيب يودينا قلت على كيفك اختاري كم غدير عندنا ..
سليمان : يله بوديكن البسن
غيداء (أبتسمت بخبث وتطالع للأثنين وفي نفسها) : لا يقين لبعض خلك يمكن تنسى رنو الزفته كافي رشا الخايسه اللي هيمان فيها سامي ..
سليمان: يله ولا ترى بهون ..
غيداء توقف : ثواني بجيب عباتي ..
سليمان يتأمل غدير بصمت
غيداء : يله
سليمان : يله ..
في بيت عبدالوهاب
زياد : شخبار تجهيزات عرسك يافراس
فراس : الحمد لله زينه
حمد : يا أخي خلونا نطلع للمزرعه قبل العرس بأسبوع ..
فراس بفرح : أيه راضي ..
محمد : لا حنا كلنا نجي إلا العروس بنحطها ببيت خالها ليوم العرس ..
فهد : أيه كذا أحسن ..
فراس(بوز) : نحيسين
حمد : هههههه والله مكشوف ...
الكل : ههههه ..
محمد : أيه العم فراس يظن أنه يقدر ياخذ راحته بشوف الحبايب ..
جراح : السلام عليكم
الكل : وعليكم السلام
جراح : شخباركم
الشباب : كويسين ..
جراح يصب له قهوه : إلا صدق سالفة العمره بالعشر أواخر ..
فهد : والله أبوي سمعته يقول نفكر بس مو الكل عشان العرس ..
زياد : جدتي تقول تبي تروح عمره ..
جراح : وأبوي بعد لا والمصيبه أبتسام وبسام عندي ..
حمد : الله يعينك أنا ملاك ويالله يالله
فهد : خاله سارا بتروح وأنت بعد
حمد : أنا لا ما أقدر مو فراس مشغول بتجهيزات عرسه مقدر أخلي الشركة .. (رن جواله رقم المزرعه) ألو هلا مدحت ........ أيه وبعدين(وقف وبصدمه ) شنو ..........(بصراخ ارعب الكل ) جايك الحين .......... لا ياغبي لا تتصرف أنا أتصرف (وسكر الجوال معصب) ..
فهد : خير حمد ؟؟
حمد بعصبيه : مدحت يقول أنه رجع لقى الحارس مكتف والوضحه مختفيه ..
فراس : الوضحه ؟؟
حمد : أنا رايح لهم ..
فراس خاف من عصبيه حمد : خذني معك ..
جراح : طمنونا
حمد كان يسوق بسرعه جنونيه وفراس يحاول يهديه
فراس : حمد هد ياخوي أنا بصير معرس خلني أتهنا ..
حمد بعصبيه : فراس ماني رايق لك هذي الوضحه ..
فراس : عارف أنها الوضحه راح نلقاها قريب ..
حمد : أتمنى ياويله ياللي سرقها
فراس : يمكن مقلب مسوينه فيك ؟؟
حمد : غبي أنت ومن يتجرأ أنه يمد أيده على أملاك حمد بن فهد مــــــــــــــــــــــــــــــــــــن !!
فراس : خلنا ننزل ونعرف وش صار هذا مدحت
حمد نزل بدون لا يطفي السياره : هاه مدحت ؟؟
مدحت خاف من عصبية حمد : والله يابيه مش عارف غيت من الصلاة لأيت راغو مكمم ويئول أن واحد لا لا اربعه دخلو وواحد ركب الوزحه وخرغ بيها ..
فراس : أربعه
مدحت : آه
حمد يطلع جواله : ببلغ الشرطه ..
مدحت : سيد حمد بيئول اللي خطف الوزحه بكره بيرغعها
فراس : ههههههه حرامي مؤدب ...
حمد : ألو هلا بو عبدالكريم ....... بخير جعلك بخير ...... بو عبدالكريم أنا طالبك بخدمه...... تسلم هذا العشم ..... اليوم 4 هاجموا الحارس بالمزرعه وسرقوا مني فرس أصيله ....... أيه بعد صلاة المغرب قالو بيرجعونها بكره ...... لا ملثمين خلاص أنتظرك ......... واللي يعافيك الفرس عزيزه علي أبيها بأسرع وقت ............(بحده) السجن مصيره من يتجرأعلى حمد بن فهد يخسر....... مشكور مع السلامه
فراس : شنو حصل ؟؟
حمد : بيرسل عناصر لهنا ..
فراس يطالع الساعه : أقول لك خلنا دامنا هنا نروح للجد عناد نسلم عليه ونهنئه برمضان ..
حمد : الوقت مو متأخر الساعه 9 ..
فراس يغمز له : لا مو متأخر خصوصا الحبايب عنده اليوم ..
حمد : الحبايب !!
فراس : أسيل عند جدها بايته
حمد : آها طيب يله ..
@storykaligi
🐚 263 ✨
أسيل راكبه الوضحه وفرحانه واو يالوضحه شهور ما شفتك ..
نجد : والله حمد بيذبحنا لو عرف ..
نجود : مو لو إلا أكيد الحين عرف ..
أمل تعدل شماغها على شعرها : بس وناسه مغامره حلوه لبس شباب وشماغ وسرقه ماكنت أتصور بيوم اسويها بتكون ذكرى حلوه ..
نجود : الله يستر ماتكون مره لو عرف حمد ..
نجد : هيه انتي بلاش تذكرين اسمه وربي يرعبني ..
نجود تطالع لأسيل الفرحانه : كل شيء يهون عشانها فرحتها بالدنيا كلها أنط النار لخاطرها ..
أمل : صادقه أسيل تستاهل نخاطر من زمان والبسمه مفارقتها خلها تفرح بالوضحه ..
أسيل على ظهر الوضحه : أسرع (تركض بكل قوتها الوضحه حاسه براعيتها اللي لا أراديا نزلت دمعتها الفرحه مو سايعتها) آه يالغاليه حرمني منك وحرمني من السعاده والراحه(نزلت راسها على رقبة الوضحه وتمسح على رقبتها) ياحلوك عشانك تحديت حمد مو عارفه شنو ممكن يسوي يمكن يذبحني او يطلقني ياي ياليت يطلقني وافتك وأن عرف بالطقاق ..
نجود : شوفوها فرحانه كيف ؟؟
نجد : من فرحتها ماغيرت الثوب والشماغ يا حليلها
: ليه
نجود : بسبب الوضـ........
لفن البنات بصدمه وشهقن : حــــــــــــمـــــــــــد ....
فراس : هههه فله هالأسيل هههه ..
حمد بقمة العصبيه : يعني أنتن ساعدتنها وسرقتن الوضحه ..
أمل في نفسها : ياويلي هذا حمد ما لومكن يخوف يمه ..
نجد : هاه
نجود بخوف وترتعش بمواجهة حمد : مالنا دخل ..
نجد شوي وتبكي : ف ف ف فراس ..
فراس : مالهن دخل هن مسيرات مو مخيرات (غمز للبنات) صح ...
البنات : صــــــــــــــــــح
خونه 😂😂
فراس : حيلك بزوجتك ..
حمد يصر على ضروسه وبعصبيه : خذهن من قدامي قبل أفقد أعصابي وأنا بتفاهم مع هالزوجه العنيده يلا ...
فراس : لا تنسى تخبر أبو عبدالكريم أنك لقيتها ههههه ..
حمد : كل تبن وأذلف يالسخيف ..
أسيل اللي كانت بعالم ثاني بتستغل كل دقيقه كل ثانيه مع الوضحه رفيقه عمرها قبل ترجعها لمزرعة حمد وأه من هالحمد << صدق آآآآه منه ...
أسيل نزلت عن الوضحه وهي تركض والوضحه تلحقها وتضحك من كل قلبها
فجأة
طراخ
صدمت بحاجز أسمنتي أوه العذر بصدر حمد ..
أسيل رفعت النظر وشهقت : حمد !!!
حمد مسكها قبل تهرب وكاتم غضبه : على وين يالحراميه ؟؟
@storykaligi
🐚 264 ✨
أسيل لاحظت عصبيته وعرق ينبض يقوه برقبته : أنا أنا ..
حمد يصر على ضروسه وعيونه كلها نار : أنا أنا ما حذرتك من سوالفك (يطالع للبسها ) وثوب و شماغ لا وداخله المزرعه وسارقه الوضحه ..
أسيل بخوف تأشر عليها : كـ كـ كـ كـ كاهي مافيها شيء ..
حمد : وهو دخول الحمام زي خروجه على كيفك تاخذين ..
أسيل خافت منه زياده يوم التفتت وماشافت أحد حولها وتبي تفك نفسها تهرب من وجه الأعصار اللي قدامها بس حمد ضغط على كتوفها وكأن اصابعه بتتخلل جلدها من عصبيته ..
أسيل تتألم : آي حمد ..
حمد بصراخ : ماتعرفين تتوبين ليه ماتفهمين ؟؟
أسيل : أي حمد والله افهم كنت بشوفها بس ..
حمد : خليتيني أجي مسرع وأتصل على الشرطه وأعصابي فقدتها وتقولين بكل بساطه بشوفها ..
أسيل بخوف : طيب ليه معصب الوضحه مافيها شئ ..
حمد بصوت عالي : عارف وعارف أن انتي اللي فيك شيء منتي صاحيه هذي سواه تسويها وحده عاقله ..
أسيل تغمض عيونها خافت من صراخه : طيب خلاص والله
حمد : لا والله لأعلمك يا اسيل درس عشان ما تعودينها انا قلت لك آخر مره بعديها لك خلاص صبري عليك نفذ ..
أسيل : هاه شنو تقصد ؟؟
حمد حب يجننها مثل ما جننته هالليله وطلع جواله : الحين بتصل بعمي وبقوله باخذ أسيل معي للبيت ..
أسيل تحاول تاخذ الجوال من أيده : لا والله ما أروح معك ..
حمد يحاول يمسك أيدها : مو على كيفك غصب عنك أنتي متهوره وعمي حضاري بلا عرس ..
أسيل : لا لا حمد خلاص توبه والله
حمد طاح منه جواله ومسك أيديها وهزها بعصبيه : شنو خلاص كل مره تقولين خلاص أنتي زوجتي وايام زمان مايسوون عروس شكليات بس أقولك شيء بلاش البيت ..
أسيل أبتسمت : والله أيه كذا حمد قرار زين تعوذ من أبليس ..
حمد أبتسم : صادقه أعوذ بالله من أبليس (وبابتسامة خبث شالها ) أحنا ببيت الجد عناد ناخذ لنا أي غرفه (وغمز) يالعروس ..
أسيل ترفس برجولها وتصارخ : لا لا لا حمد نزلني مابيك يمه لا لا لا(بدت تصيح من الخوف)
حمد(فرح قدر يفقدها أعصابها) : هههههه وأنا أبي أخذ شورك كيفي زوجتي وكيفي ..
أسيل : حــــــــــــــــــــمـــــــــــــــــد لاااااااااااا
فراس سمع الصراخ وجاهم : علامكم ؟؟
أسيل تصيح : فراس قله يخليني ما ابي اروح معه ؟؟
فراس رفع حاجبه : تروحين معه وين ؟؟
حمد يغمز له : بنروح بيتي ..
فراس فهم عليه وابتسم : أها على بركة الل ..ه
أسيل بصراخ : فراس ..
فراس : هههه حمد تكفه خلاص ..
أسيل ترفع وجهها له وبترجي : أيه تكفه والله توبه ..
حمد حن عليها ونزلها وهمس لها : تذكري هذي ثاني مره أخليك عشان الغالي فراس الثالثه ثابته ..
أسيل تهز راسها : زين مافيه ثالثه والله
حمد مسك يدها قبل تروح : وين وين ؟؟
@storykaligi
🐚 265 ✨
حمد مسك يدها قبل تروح : وين وين ؟؟
أسيل بخوف : بروح لجدي ..
حمد رفع نظره لفراس : فراس أتركنا ..
أسيل تهز راسها بلا لفراس : لا لا
حمد : باكلك خوافه وين اسيل القويه ..
فراس : حمد يله ورانا درب أنتظرك بالسيارة ..
أسيل : ممكن أفهم أيش تبي ؟؟
حمد : ليه خايفه ؟؟
أسيل بمكابره : أنا ما أخاف إلا من اللي خلقني ..
حمد : لا ياشيخه أحلفي ومن اللي تو (يقلد صوتها) لا لا حمد نزلني مابيك يمه لا لا
أسيل تلف عنه وتكتف أيديها : سخيف ..
حمد : ههههههه ..
أسيل تلف له بعصبيه : أيش اللي يضحك ؟؟
حمد يمسك أيديها ويضمها له : أنتي وهبالك ..
أسيل أنصدمت وأنحرجت اول مره تصير وحاولت تفك نفسها : حمد خلني ..
حمد يبوس خدها وهمس بأذنها : بس الحين بتاريخ 1\1 بداية السنه الجديده فرحنا والله هذاك الوقت ماخليك ..
أسيل زادت صدمتها وبعد فتره استوعبت دفته ومسحت خدها : يع شنو على كيفك أنا ما بيك أفهم ..
حمد ياشر بأيده : 3 أشهر يا أسيل وتكونين لي ..
أسيل بعصبيه تبتعد وبصوت عالي : الله ياخذك أو ياخذني ما أحبك يالمغرور ما أحبك يارب تفكني من هالعله آه ..
حمد : ههههههه ...
دخلت البيت معصبه وصعدت للغرفه وصفقت الباب ..
نجد : طقك
نجود : هاوشك
أمل : طلقك
أسيل تتكتف : ياريت طلقني كان أرحم
البنات : شنو ؟؟؟
أسيل بعيون دامعه : حدد العرس بعد 3 أشهر ..
البنات : كلوش ..
نجد : ليه زعلانه وتصيحين
نجود : فرحانه
أسيل بصراخ : لا لااااااااااااااااا
أمل : طيب صميتينا ترى أذوننا نبيها ..
أسيل تطلع جوالها تتصل على آخر أمل لها : ألو عبود ..
عبدالله بغرفته كان منسدح عدل نفسه : أسيل فيك شيء ..
أسيل تصيح : عبود تعال خذني برجع للبيت ..
عبدالله : أيش حصل مو تقولين تبين تباتين هناك ؟؟
أسيل : أنا أنا ...
عبدالله : أسيل شنو صار
أسيل : أنا أخذت الوضحه من مزرعة حمد لمزرعتنا ..
عبدالله بصدمه : شنو !!!
أسيل بخوف : عبدالله لا تعصب ..
عبدالله بعصبيه : ما أعصب واللي سويتيه ما يعصب أكيد الحين بلغ الشرطه لازم أتصل عليه مجنونه ..
أسيل : حمد عرف أنها هنا وجانا ..
عبدالله : جاكم وبعدين أكيد زعل وعصب
أسيل : ...........
عبدالله : أسيل تكلمي ضربك
أسيل : لا حدد العرس بعد 3 شهور اول السنه الجديده (ورجعت تصيح)
عبدالله : هههههههه تستاهلين ...
أسيل تصيح : عبود ما ابيه أخاف منه فيه شئ يخوف ...
عبدالله : وحش أهو
عبدالله(يكمل) لا تصيحين خلاص انا بحاول فيه يأجل بس ما أضمن يرضى ..
أسيل : مايرضى
عبدالله : طيب نامي وبكره بجي آخذك ..
أسيل : طيب تصبح على خير
عبدالله : أنتي بخير
@storykaligi