الفصل 56
❤️📝 روايات وقصص مميزة 📝❤️:
🐚 256 ✨
دائم يمنعونها من الغرفه بس هي تتخبى وتدخلها ومحد يحس فيها أنسدحت على سرير أمها وضمت الوساده لصدرها تشم ريحة أمها رنا رفضت يغيرون شئ بالغرفه حتى الملائات(الشراشف) بقت مثل ماهي .
بدت الدموع لا شعوريا تنهمر على خديها
ماتوقعت أني بفقدك يالغاليه بغمضة عين يمه لو ترجعين يوم ببكي على صدرك بضمك أشتقت لك لصراخك وتهزيئك لكل شئ فيك ..
يمه يمه آه لو تسمعين نداي
دق جوالها وقطع سرحانها سحبت الجوال بدون لاتشوف الرقم ..
رنا : ألو
(حس أنها تبكي) : ليه الدموع
رنا : من زياد
: ايه زياد علامك تبكين من زعلك
رنا تبكي بزود : زياد فقدتها وفقدت وجودها مشتاقه لأمي
: ليه وينها امك
رنا تتعدل وبصدمه : من أنت أنت مو زياد ؟؟
: زياد من ؟؟
رنا بعصبيه : أنت منو وليه متصل على جوالي ؟؟
: الصدفه ماقلتي لي من زياد ..
رنا أنقهرت منه : أيش دخلك ياويلك لو أتصلت مره ثانيه فاهم ..
: طيب أدز رسائل مسموح
رنا عصبت : أنا مو ناقصه سخافه اللي فيني مكفيني (بدأت تبكي وسكرت الجوال ورمت نفسها على سرير أمها )
(يطالع جواله حن عليها وعلى حالتها) : هذي علامها
أمجد : يوسف يوسف !!
يوسف : هلا
أمجد : علامك من هذي ؟؟
يوسف : والله ياخوك بتصل على أختي شيخه غلطت بالرقم الأخير طلعت لي وحده ..
أمجد : وليه ماسكرت الجوال ولا(غمز له ) الصوت حلو ..
يوسف يبتسم : أما الصوت بلبل بس يالغالي كانت تبكي حنيت عليها باين من زمان تبكي ..
أمجد : كيف عرفت ؟؟
يوسف : تشهق وهي تتكلم ..
أمجد : عارفك فضولي ليه ما سألتها ؟؟
يوسف : سألتها كانت بالأول تظن أني واحد تقول فقدتها مشتاقه لأمي ..
أمجد : الظاهر ميته !!
يوسف : مدري كسرت خاطري ..
أمجد : هههههههه عاد أنت ضعيف عند البنات أنساها وخلنا نرجع للبيت الكل مجتمع هناك ..
يوسف : على رايك يله أمجد
أمجد : هلا
يوسف : كيف أعرف من هي ؟؟
أمجد : ياعمي خلها
يوسف : يوه مجيد أخلص ..
أمجد : طيب لا تعصب وأنا وش عرفني
يوسف يطلع جواله : أنا بتصل فيها ..
أمجد : يوسف أنجنيت
يوسف : أص يدق يوه ماترد برسل مسج لها ..
رنا أستلمت المسج
( أنا يابنت الناس مو قصدي خرابيط ودقتي غلط والله مو قاصد بس حاب أتطمن عليك ... يوسف)
رنا : ههههههه رايق ياللي أسمك يوسف مو قصدك وحاط أسمك رح زين ناقصه مراهقين ..
قفلت جوالها ونامت بعد ماصلت ركعتين لله
بعرفكم ببطل جديد بقصتي ....
يوسف طلال الـ... من عائلة غنيه وذات صيت وحيد بين 3 خوات
يوسف(27سنه) مزيون كلمه قليله بحقه مستلم أدارة شركات الوالد لعاب بس وقت الجد جد ووقت التسليه تسليه ..
شيخه (25س) متزوجه ولد عمها عادل وعندها ولد أسمه يوسف ..
منيره(23س) مدرسه مخطوبه لأمجد ولد خالتها وعرسهم بعد 4 شهور ..
دانه(18س) آخر العنقود تشابه يوسف بس هو أزين ..
صحى يوسف ومزاجه متعكر لأنه سهر ينتظر رنا تتصل أو تدز مسج
بعد ما أخذ دش نزل على الساعه 9 بيروح للشركه
@storykaligi
🐚 257 ✨
منيره : صباح الخير
يوسف : صباح النور
منيره بأستهبال : ماتبي فطور ؟؟
يوسف يطالع لها : مو صاحيه حنا ثاني يوم رمضان ..
منيره تمد لسانها : أدري بش أشوفك متضايق قلت أضحكك ..
يوسف يقرص خدودها : أموت فيك ههههه يله باي ..
منيره تحك مكان القرصه : الله يعين زوجتك باي ..
الخال خلف قرر وشاور أخته زهره يروحون لمزرعة أبوه يتفطرون عنده ويباركون له برمضان عايشه وترفه طلبن من أزواجهن يروحن وما اعترضوا لأن اليوم الأربعاء طلبت أسيل تبات بالمزرعه عند جدها وشاورت البنات نجد ونجود وامل اللي ما أعترضن ...
أزواج عايشه وترفه رفضوا يباتون يومين سمحوا بيوم واحد وثاني يوم العصر ياخذونهن ..
بعد الفطور قعدوا بالخيمه البنات بصوب عشان ياخذن راحتهن
أسيل تاكل كيكه : يم يم تسلم أيدك أموله ..
أمل : بالعافيه
نجود : فاجأتيني أنا خابرتك ماتعرفين تطبخين بيض كيف كيكه مخبيه هالمواهب عنا ..
ترفه : طلعت بطلعت تركي ..
البنات : تركي !!!
أمل بحيا : أص فضحتني
البنات : هههههه
ترفه : زوجها المستقبلي أن شاء الله
عايشه : وجع ليه ماقلتي لنا(لفت لترفه) وأنتي في بيت واحد معي ولا تخبريني ..
ترفه : يمه يمه كلتيني ماصار له يومين خاطب واليوم عطيناه الموافقه ..
نجد : نبي نعرف التفاصيل عن تركي ..
ترفه : أقول والا تقولين
أمل بحيا : قولي ..
ترفه تبتسم : جيران عمتي ريم بجده شافها لما زرنا عمتي
البنات : شافها !!!
أمل بخوف : لا لا لا أمه والله أمه
البنات : هههه نمزح والله
أمل : وجع خرعتني تريفوه كملي عدل بلا خبال ...
ترفه : هههههه أمه أخطبتها وقلنا لها أنها مطلقه وما أعترضت وشافها عند عمتي الرؤية الشرعية وبيملكون هنا وبعد رمضان بس عشاء عادي ببيت أبوي ويسيرون للفندق والصبح لجده ..
نجود : بلا عرس ؟؟
أمل : لا طلب نسوي عرس بس أبوي قال عشاء يكفي ..
أسيل : يعني ماراح تلبسين ثوب عرس وانتي وافقتي ..
أمل : عادي
البنات حسن بنبرة حزن بصوتها ..
أسيل غمزت للبنات : عهدن علي يا أمل لا تكونين أحلى عروس وثوب العرس هديه مني ..
عايشه : وأنا مع أسيل شراكه ثوب العرس ولوازمه من خواتك هديه
أمل دمعة عيونها : مشكورات ..
ترفه : ومني هديه الدي جي لأحلى عروس
البنات دمعهن عيونهن وطالعن بعض : ههههه
أما في بيت أبو رنا اللي عازم عائلته وعائلة أخوه على الفطور رنا صعدت مع رشا يصلن وبعد الصلاه جلست رنا على السرير لين خلصت رشا صلاتها ...
@storykaligi
🐚 258 ✨
رنا : رشا حابه أقولك عن حاجه ..
رشا : خير ؟؟؟
رنا : أنا سمعت أقصد أنتي عارفه أن زياد مايحب غيداء ويحب نجود بنت خالي ..
رشا : بصراحه تعجبت يوم قال لأبوي أنه موافق على غيداء ..
غيداء كانت ماره وسمعت اسمها ووقفت تتسمع وش السالفه ..
رنا : أنا عارفه ليه وافق على غيداء ..
رشا : عارفه من متى ؟؟
رنا : أيه من قبل مايقول لأبوي بيوم والله صدفه كنت ماره وسمعت نجد ونجود يسولفن........ (وقالت كل شئ سمعته)
رشا : أغبياء يهدون سعادتهم بتهورهم ..
رنا : إلا هدوها زياد ما يقدر يتراجع ويترك بنت عمه الناس بتسولف ..
رشا : ليه تسرع وأقدم على هالخطوه كان فكر
رنا : بتقولين له ؟؟
رشا : لا لا حتى أنتي زياد بدا يتعود على الفكره أن غيداء بتكون زوجته الأمر لله
رنا توقف : رشا والله يكابر مو قادر ينساها تعالي شوفيهم لما يلتقون ببيت جدتي ..
رشا تعدل لفتها يبون ينزلون وتوقف : أنا ملاحظه حتى هي تتحاشى النظر له بس الفؤاد فضاح يله خلينا ننزل
نزلن وهي تراقبهن وتشد عل خشب الدرج بقوه تغلي من الداخل ..
غيداء : نجود كنت شاكه فيك يازياد دوم سرحان وتفكر والفؤاد(بغيض) هالفؤاد أنا أملكه لا نجود ولا غيرها خسرانه من وقفت قدام غيداء سلطان بمحيك عن الوجود (تطلع جوالها) .. ألو وينك يالزفته .... أنا معصبه كيفي ...... سمعي يا غديروه بكره تجين لي فاهمه .........لا لا لالا مافيه أعذار بكره(بصوت عالي) فاهمه ..
سكرت الجوال وهي تبتسم بخبث
باي باي نجود ههههههههههههههههه
أما في بيت محسن........ في غرفة بشاير وشهد
@storykaligi
🐚 259 ✨
بشاير : شهد بكره معزومين عند جدتي ..
شهد : جدتي عايشه
بشاير : لا جدتي سلمى كل بيتنا
شهد : لا ما أحب أروح
بشاير : ليه عاد
شهد : بسبت خالك عمر كل مره يزفني
بشاير : ههههه إهي مره بس ..
شهد تبوز : لا و بعدين أهو يقولي البطه هالمعصقل
بشاير : ههههههه خلاص كبرتوا ..
شهد : لا والله حلفي أنا يمكن المصقل لالا حسبي الله على أبليسه ناسيه أول ما رجعنا من العمره رحنا نسلم عليهم أمانه دخلتي توزعين الحلا و قام الأخ و دخل المطبخ يأخذ حلى للمجلس سألك لمن قلتي لي و لشهد و خاله أماني و بناتها قال حطي لكل واحد 6 قطع إلا البطه قطعتين و أنتي رفضتي و حطيتي لي من قطعك
بشاير (متفاجئه): يعني سمعتينا ؟؟
شهد : و تمنيت أوطي ببطنه بس تذكرت أنه جلد على عظم ..
بشاير و شهد :هههههه ...
شهد : لا والمره الثانيه حشرني بالمطبخ تذكرين ..
بشاير : خلاص شهوده أنسي روحي معنا
شهد : لا بروح بيت عمي فهد عند مناير لا تحاولين خليني أنام ..
تصبحين على خير
بشاير : و أنتي من أهله
اليوم الثاني .............. في بيت حمد
مناير تدخل المطبخ : دادا حليمه كل شئ جاهز
حليمه : أيوه بس شهد تجي ..
شهد تدخل : شهد جت
حليمه : هلا شهوده
شهد تسلم على مناير و حليمه : كيفكم ؟؟
مناير : بخير
شهد تشم ريحة الأكل : يا حلو الريحه ...
مناير : تعالي جلسي دادا جهزي لنا الأكل هنا نبي نفطر
شهد : ليه وين الكل ما فيه أحد ..
مناير : معزومين أمي و ملاك عند خالتي طيبه و حمد مثل العاده فراس ..
حليمه :جلسن قرب يأذن الأذان
مناير : يعني ما رحتي مع أهلك ؟؟
شهد : لا مالي خلق المعصقل عمروه ما أحب وجوده
مناير : هههههه ...
حليمه تسكب الشوربه بالصحون : شهد أسمحي لي لتدخلي من عمر ذا ..
شهد : مسموحه عمر خال بشاير ..
حليمه : ليه تكرهينه
مناير : لأنه دوم يقول لها البطه هههههه ...
شهد عصبت : وجع مناير جب ...
حليمه : شهد بطه بسم الله عليها جسمها حلو
شهد : يارب يخليك وينه المعصقل يسمع أيه منقهر جلد على عظم
الـــــــــلـــــــــه أكـــــــــــــــــــبـــــــــــــــــر
حليمه : يله سمن و أفطرن ..
مناير : أجلسي دادا أفطري معنا
حليمه تجلس : بسم الله
مناير و شهد : بسم الله
@storykaligi
🐚 260 ✨
في مزرعة الجد .............
دخلت نجد على أسيل بالغرفه ..
نجد : راحو
أسيل تلف شماغها : يله مشينا
نزلن تحت لقين الجد ..
الجد : أسيل ليه لابسه كذا
أسيل : جدي بنطلع شوي أنا والبنات بسيارتك بس ساعه ..
الجد : أخاف عليكن
أسيل تأخذ المفتاح : لا تخاف و بعدين تونا المغرب يالله مع السلامه
الجد : مع السلامه ..
في بيت الجده
رنا تنشف شعرها بعد ماخذت دش دق جوالها : ألو ..
يوسف : أخيرا رديتي !!!
رنا : رديت أخوي غلطان (في خاطرها) يالليل كل مره يطلع لي واحد ..
يوسف : لا مو مغلط أنتي اللي كلمتك اول يوم رمضان كنتي تبكين ..
رنا تذكرته وعصبت : هذا أنت بس رقم غير ؟؟
يوسف فرح لعصبيتها وهذا المطلوب الأنسان لما يعصب يقول اشياء مو مسؤول عنها خارجه عن أرادته ..
يوسف : غيرته تعبت وأنا أتصل وأرسل ولا تردين
رنا تجلس على السرير وتاخذ نفس : خير شنو أرد من أهلي ..
يوسف : حبيت أتطمن عليك من بعد ذيك الليله ..
رنا : ..............
يوسف : ليه ساكته
رنا في خاطرها : شنو هالورطه يتطمن علي ويحاتيني لا أكيد حركات الشباب ..
يوسف : ألو أنتي مو حابه تتكلمين معي طيب ثواني
رنا : .............
: ألو
رنا أرتبكت : أنتي بنت
: أنا دانه أخت يوسف الصغيره
رنا : هلا دانه
دانه : يوسف قالي عنك هذا رقم جوالي وحب يتطمن ..
رنا : على شنو ؟؟
دانه : على حسب مافهمت من يوسف كنتي تبكين وتقولين مفتقده أمك ..
رنا بحزن : أمي !!
دانه : أسفه اذا تدخلت بشئ ما يعنيني
رنا : لا أنا ذكرت أمي المتوفيه وكان اول رمضان يمر علي من دونها ..
دانه : الله يرحمها طيب أنا قلت لك أسمي أنتي أيش أسمك ..
رنا في نفسها : أسمي لا والله هذا الناقص ..
دانه : وين رحتي ؟؟
رنا : لازم أسمي صعب أقوله اسفه
دانه : ثواني بس
يوسف : خير
دانه : ماتبي تقول اسمها
يوسف : يوه حاولي
دانه : زين ..... ألو
رنا : هلا ........ دانه يوسف عندك صح ..
دانه : أيه
رنا : اسمحي لي بكلمه وتشرفت بمعرفتك ..
يوسف ياخذ الجوال : ألو
رنا بعصبيه وصراخ : منت صاحي لأني ما أبي أكلمك تعطيني أختك ؟؟ مجنون فاهم لا تتصل يا ويلك ..
يوسف عصب : المجنونه أنتي الحق علي اللي أحاتي وحده مثلك فاهمه ماتسوي حثاله ..
#انتهى
مكملين معكم غدا" بإذن الله
أنتظرونا ..
@storykaligi