الفصل 54
❤️📝 روايات وقصص مميزة 📝❤️:
🐚 246 ✨
اليوم الثاني ........
نجد : ههههه طيب بغسل أيدي وأجي ..
سلوى : لا تتأخرين بنطلب يجيبون حلى على ما تجين ..
نجد : أوكيه
طلعت نجد متجهه للحمامات(وأنتو بكرامه) تغسل أيديها وصدمت بواحد
نجد : أخ أعمى .
راشد بصدمه : نجد !!
نجد رفعت النظر راشد ومعه بنت : راشد !!
راشد أرتبك : هلا وش جابك للمطعم ومع من ؟؟
نجد تكتف أيديها وتحاول تضبط أعصابها : مع البنات ماعرفتني بالأخت ؟؟
ريم : هاي أنا ريم رشودي من هذي ..
نجد تطالع لها من فوق لتحت : هايات أنا غيرفريند السابقه ..
راشد : نجد !!
ريم تضربه مع كتفه بعصبيه : وتقول ما تعرف بنات ..
نجد : لا لا تونا لنا يومين زعلت عليه شفته مع وحده بس هو وعدني يراضيني رشودي أهون عليك ؟؟
راشد : نجيد سكتي ريم تضحك عليك هذي أختي ..
نجد : لا لا كل مره يكذب أول مره تعرفت عليه شفت معه وحده تصدقين قال أمي يهب يا كذبه ..
ريم بدت تصيح : أكرهك صدقتك وجبت معي منى عشان ولد عمك الأثنين مثل بعض لا تتصل بذبحك ..
ريم طلعت تبكي وراشد لف بعصبيه
راشد : الغير فريند هاه
نجد : ..............
مشعل جاه مانتبه لنجد المتغطيه بعصبيه : رشيدوه يالغبي ليه تزعل ريم ؟؟
راشد بعصبيه : مالي دخل ..
مشعل يقاطعه : أحلف دافع لك ثمن العشاء عشان أخذ راحتي مع منى تخرب علي يوم مليت بطنك ..
نجد من وراه كاتمه غيضها ربتت على كتفه بخفه : أحم أحم ..
مشعل لف بعصبيه : خير ؟؟
نجد رفعت نظرها له وتصر على ضروسها : أنا زعلتها عندك شيء ..
مشعل بعصبيه : ومن أنتــ.......(بصدمه) ن ن ن ن ن نجد ..
نجد : أيه تبي اراضي منى لك وريم له وش رايكم تعطوني الأرقام ..
مشعل : نجد أنـ...(تلعثم)
نجد تاخذ نفس تخفي عصبيتها وتلف عنهم : بالطقاق ..
مشعل : راشد
راشد : خلاص طحنا من عينها
مشعل : بس أنا ضيعتها ياليتني ماجيت ..
راشد : مشـ..
مشعل طلع ماقدر يبقى تمنى كل الناس تشوفه وتعرف عن علاقاته ولا نجد البنت اللي تمناها من شافها البنت اللي يوم عرف أنها بنت عمه كان بيطير من الوناسه تمناها حلم كل اللي صار حلم بس صحاه صوت هرن السياره ..
راشد يمسكه : مشعل علامك ؟؟
مشعل أنتبه أنه كان بيقطع الشارع : أنا شنو صار ؟؟
راشد : أهدى ياخوي تعال نروح البيت ..
مشعل بصدمه : أيه البيت صح !!
نجود : نجوده فيك شئ
نجد حزن : لا شوي راسي مصدع ..
رنا : تحبين نقوم
نجد : ياليت ما عليه بنات
سلوى : أفا وكم نجد عندنا خليني أتصل بالسايق يجينا ..
رنا : اوكيه يله ننزل على ما يجي
نزلن البنات ونجد كل تفكيرها باللي حصل ..
نجود : هذا راشد ومشعل ..
نجد رفعت النظر : هاه ..
@storykaligi
🐚 247 ✨
نجد رفعت النظر : هاه ..
نجود : سلوى لا تتصلين بنخليهم يوصلونا ..
نجد : لا لا
رنا : بسم الله عليك ليه
سلوى : ماعليه بنات كاهو السايق مانبي نعطلهم ..
نجد في نفسها : الحمد لله ماراح أقدر امسك أعصابي قدامهم خساره يامشعل هديت باللي سويته كل حصون الحب محيت حلم وشتته قبل يطلع للنور خلاص ما فيه صدق ضنيتك غير كل الرجال نسيت انك مثلهم الخيانه بدمكم أساسكم الغدر والخديعه مكارين مالك أمل ولا مكان أنتهينا قبل نبدي ..
ما صدقت وصلت للبيت حطت راسها ونامت من التعب ومشعل جفاه النوم من الموقف اللي حصل قدام نجد ..
بعد أسبوع .............
عايشه تدخل : بسم الله ماشاء الله وش كل هذا ..
أسيل تتنهد : آه خلاص صرت واقع لحمد حرم حمد بن فهد ..
عايشه : طيب يله الكل ينتظر تحت ..
أسيل تلبس نظارتها : يله ..
عايشه متفاجئة : ليه النظاره ؟؟
أسيل : لحد يعترض ماشوف ..
عايشه : كان لبستي عدسات ..
أسيل : نسيت والحين مقدر ألبسهن أخرب المكياج ..
عايشه : مافيه حل
أسيل : إلا أجلس وما انزل ..
عايشه : لا لا لا راضين لبسيهن يله ننزل
نزلت واللولشه
والزغاريط و
على أغنية
(( .. ماكنك))
والورد ينثر عليها كانت المفاجئه لها أن عبدالله وفراس طبعا بمساعدة مدام فراس أحم أحم متفقين تنزل أسيل من الدرج ويدخل حمد من الباب ويتلاقون بآخر الدرج حمد مد يده لها وماحبت تسوي مشاكل مدت يدها له وباسها بحنيه أسيل أتفاجئت وأنحرجت والكل أعجب بالرومنسيه جلسوا على الكوشه وصوروا وبعدها تحجبت أسيل ودخلوا عمامها وعيال عمامها وباركوا لهم وبعد ما طلعوا بقى عبدالله وفراس و راشد و فهد اللي ناذرين إذا تزوج حمد وأسيل يرقصون تلطموا وشغلوا
أغنية (( هلي ))
بعد ما أنتهت الأغنيه طلعوا الشباب
حمد مسك يدها وسحبت أيدها تنرفز وبهمس : هين يا أسيلوه
أسيل بهمس : أسيلوه بعينك ..
حمد : لا طلع صوتك الحين ..
أسيل : لا تفهم من سكوتي خوف إحترام للموجودين وبعدين شيل قناع المحب والفرحان بعرسه ترى مو أول مره تعرس ..
حمد يحاول يمسك أعصابه هي الوحيده اللي كاشفته : طيب ليه لابسه هالنظاره شيليها ..
أسيل : عاجبتني وبعدين ماشيه مع الفستان ..
حمد يطالع لها وبخبث : عاد الفستان روعه ..
أسيل بعصبيه : شيل عينك لا تطيح من محلها ..
حمد يبتسم : حلالي
أسيل أنحرجت : ....................
@storykaligi
🐚 248 ✨
أسيل أنحرجت : ....................
أم أسيل : ألف مبروك ياعيالي
أسيل وحمد : الله يبارك فيك
أم أسيل تهمس لأسيل : راح تدخلون المجلس ما أبي مشاكل ..
أسيل بهمس : لوحدنا
أم أسيل : أجل أجيب أبوك أيه بروحكم
أسيل بهمس وعصبيه : لا لا ما أتفقنا أنت قلتي بس للكوشه ..
حمد سمعها وحب يعصبيها : خير خاله ؟؟
أسيل لفت له : مالك شغل ..
أم أسيل تصر على ضروسها : أستحي هذا زوجك ..
أسيل شوي وتصيح : يمه ..
أم أسيل بصوت عالي : يمه حمد دخلوا لغرفة المجلس لولشن يا حريم عساه فال لعيالكن
لولووووش ....
أسيل اللي ماقدرت تقول شئ أمها حطتها قدام الأمر الواقع وقفت ودخلت الغرفه وجلست بعيد عنه
حمد : ليه جالسه بعيد ماتبين تجلسين جنبي ؟؟
أسيل تكتفت وتحط رجل على رجل : فهمتها بروحك ..
حمد يبتسم : أجرب أنا
أسيل : يمكن
حمد يوقف : تحبين تتأكدين
أسيل بخوف توقف : خلك محلك مو لازم أتأكد
حمد يقرب : لا ماتهونين علي أخاف غشوك بالمعرس ..
أسيل حاولت تطلع بس هو أسرع مسك يدها : حمد هدني ..
حمد رفع يده وأخذ النظاره وحطها بجيبه وابتسم : كذا أحلى ..
أسيل : رجعها ماشوف
حمد : أحسن
أسيل : طيب خلني لا أصارخ ..
حمد يقرب منها لين لصقت بالباب مد يده وحاصرها عند الباب : لا وتهددين أنا حمد زوجك ..
أسيل بخوف وأرتباك من قربه : أيه زوج مجبوره عليه أكرهك ..
حمد بخبث : أهم أجبروك علي لا تخليني أجبرك على شئ ما تبينه ..
أسيل : وخر شنو ماصدقت ..
حمد يمسك يدها ويجلسها بجنبه ويحط يده من وراها : قعدي هنا ..
أسيل تحاول توخر يده : طيب وخر شنو ماصدقت جريء أستحي ..
حمد : جريء على زوجتي(يبتسم ويغمز بخبث) الجريء مخليها لوقت ثاني ماطلعتها ..
أسيل توقف وبعصبيه : زودتها أنا بروح ..
حمد يمسك يدها ويجلسها : قعدي لا أعطيك كف يعدل حنوكك(فكها) ..
أسيل بعصبيه : تخسي تعطيني كف
حمد عصب ومسك فكها بأيده : أنا تتعدلين بالكلام معي فاهمه أنا زوجك الحين ..
أسيل : فاهمه أتركني
حمد : أيه تعدلي متى تحبين يكون العرس ..
أسيل تطالع له بنص عين : بعد 20 سنه يكون أحسن ..
حمد بعصبيه : الحق علي أسألك يا أم عيون ..
أسيل عصبت : مغرور ..
حمد وقف والشر يتطاير من عيونه بس أسيل أسرع منه وطلعت من الغرفه وهو ميت ضحك عليها ...
ههههه
أسيل دخلت ورمت نفسها على سريرها تبكي : غبيه غبيه ليه وافقت أنا اللي بطيح فيها آه لو يرجع الزمن والله ما آخذك نامت من التعب والتفكير والبكي ..
أما بغرفة التوأم
@storykaligi
🐚 249 ✨
أما بغرفة التوأم
نجد تدخل : ياي كانت ليلــ... نجود علامك ليه تبكين ؟؟
نجود تصيح : زياد راح بيتزوج يا نجد ..
نجد جلست بصدمه : يتزوج وأنتي وحبك من قال لك هذا الكلام
نجود : بنت عمه غيداء العروس
نجد : أهدي أهدي زياد يحبك وأنتي عارفه ..
نجود تقاطعها ويزيد صياحها : زياد مغصوب عليها رافضها بسببي وأبوه غضبان عليه وحالف ليتبرأ منه
آه يانجد زياد بيروح مني ..
نجد بعصبيه : أيش هالأب اللي ما يدور مصلحة عياله ..
نجود : نجد هو بين نارين بيني وبين أبوه وش أسوي ؟؟
نجد تضمها وتمسك بحنيه على ظهرها : هو يحبك ماراح يتخلى عنك ..
نجود : ما أبيه يتعذب بيننا أنا لازم أبعد ..
نجد : لا لا تقولينها زياد يحبك ..
نجود : مجبوره مجبوره ..
نامت نجود بعد بكاء وهي أتخذت قرار ما ترجع فيه بتضحي عشان زياد ما يتعب
يوم الجمعه كالعاده
بيت الجده.........
تتمشى بالحديقه رايحه وجايه وتحرك الجوال بأيدها لمحته جاي سوت نفسها تسولف وعطته ظهرها
نجود : هههه ..
زياد أبتسم : فديتها هذي نجود ..
نجود بدلع : لا سلوم أحبك ياعمري ..
زياد منصدم : سلوم أحبك !!!
نجود حسته وقف معناها نجحت : ههههه والله محد بقلبي غيرك(تقولها وتقصد فيها زياد وقلبها ينعصر ألم من اللي تسويه)
أحبك أحبك ..
زياد بدا يعصب : أحبك
نجود : أممم تخطبني موافقه ..
زياد أنصدم : موافقه وأنا وحبي لها
نجود : لا لا لا تحاتي محد بقلبي غيرك أنا حبيبي وما آخذ غيرك ..
زياد : وأنا اللي بغيت أخسر أبوي عشانها
نجود : أمواح باي قلبو
زياد بعصبيه : نجود ..
نجود سوت نفسها تخرعت ولفت له : زياد من متى أنت هنا ؟؟
زياد : من بداية المكالمه طايحه حب وغزل وأمواح من تكلمين ؟؟
نجود بغرور : وش دخلك ؟؟
زياد يمسك يدها بعصبيه : وش دخلني أنا زياد حبيبك ..
نجود : حبيبي من متى أنا أحبك أنت فاهم غلط
زياد : وتصرفاتك معي
نجود : أنا أتصرف مع الكل عادي
زياد بعصبيه : ومن سلوم اللي تكلمينه ؟؟
نجود : وليه تسأل وش دخلك فيه هذا بريحك زوج المستقبل قريب بعزمك على عرسنا وبعدين عادي أكلمه أيش خصك ..
زياد(رفع يده وطراخ) : عادي يا خساره يا نجود وأنا بعد عازمك على عرسي من بنت عمي
نجود حطت يدها على خدها وأهي تشوفه يرجع للمجلس وبكت مو من ألم الكف من ألم كلامه ..
نجد من وراها : خلاص أرتحتي نفذتي اللي تبين ليه سويتي كذا ؟؟
نجود تضم نجد وتصيح : كذا يرتاح هو خلاص كرهني ..
نجد : ليه خليتيه ياخذ فكره سيئه عنك
نجود : يفتكر أخونه وما أفكر فيه ينساني ويطيع أبوه ويكرهني ولا يفكر فيني بس بغيداء ..
نجد : خساره كل هذا الحب ينتهي وهو أعمى الغيره أعمته أن مستحيل نجود بنت عمه تكلم غرب ..
نجود : المهم يكون مرتاح وبخير
نجد : مسحي دموعك وخلينا ندخل
دخلت نجد ونجود وما حسن برنا اللي سمعت كل شيء دار بينهن
حقيقه زياد أتصل على أبوه وبلغه أنه موافق على بنت عمه بس طلب الملكه بعد رمضان بشهرين
حمد حاول يكلم أسيل اللي رافضه مكالماته وهذا عصبه ونرفزه علاقة فراس وبشاير بزدياد وحب
زياد اللي يتحاشا النظر لنجود كل ماشافها
رشا اللي باقي أسبوع على عرسها والكل يستعد له
رنا اللي محتاره تقول لأخوها ولا تسكت أستسلمت للواقع وسكتت
@storykaligi
🐚 250 ✨
في بيت محسن...........
ترفه تقعد جنب خالد على السرير : حبيبي
خالد : عيونه
ترفه : تسلم عيونك حنا لنا 6 شهور متزوجين صح
خالد : أيه
ترفه : وما حملت وأنا حابه أكون أم
خالد : والمطلوب
ترفه : بسوي فحوصات إذا ماكان عندك مانع ..
خالد بعد صمت وبحزن : لا تتعبين نفسك ..
ترفه : خالد ..
خالد يلف عنها ويعطيها ظهره : أنا فحصت والسبب مني ..
ترفه بصدمه : منك ليه ما قلت لي ساكت كل هذا الوقت ..
خالد : خفت تتركيني إذا عرفتي ..
ترفه تهمس بأذنه : أحبك كيف أتركك ؟؟
خالد يلف لها : يعني
ترفه : يعني الأنجاب من الله أنا راضيه بحكمه بس عتبانه عليك ما صارحتني ليه ..
خالد يضمها : أنا عارف أن المرأه تتمنى طفل في حياتها ويفرحها ..
ترفه تبتسم : من قال ماعندي طفل لا وطفل كبير بعد ..
خالد : هههه(يأشر على نفسه) أنا تقصدين ..
ترفه : يا قلب ترفه
خالد وترفه : ههههه ..
تم فرح رشا وسامي الكل شهد لها بالجمال رغم بساطتها الكل كان حولها لين سافرت مع زوجها لباريس
أسيل اللي كانت تتأمل فرحت سامي ورشا هل ممكن تكون أهي تحس بهذي الفرحه مع حمد
فراس حدد زفافه ثاني أيام العيد وحب يسويه بالمزرعه كتغيير وأختلاف بعدها يطلعون للفندق يومين ويسافرون لبريطانيا لأسبوعين
أول أيام رمضان..........
الجده دعت العائله للأفطار مثل كل سنه أول يوم في بيتها بعد الأفطار طلعوا للخيمه بالحديقه لأن الجو بارد وحلو والكل جلس حول النار
حمد دخل وسلم وجلس جنب أسيل وبهمس : شلونك أم العيون ؟؟
أسيل حست بأحراج والعيون صوبها وعصبت من طنازته : مافيه أماكن قلن يعني تجلس جنبي ..
حمد : الحين أنا وين جالس جنب زوجتي صبي لي قهوه ..
أسيل : مالك يدين كاهي قدامك
حمد يبتسم ويصر على ضروسه : صبي قهوه ومدي حلى لا أخليها تسلم على راسك فاهمه
أسيل : زين ..
أسيل تصب له وبدون نفس تبتسم : تفضل ..
حمد : شكرا شكلي بقدم العرس يعجبني الدلال ..
أسيل لفت له بخوف : العرس حددته ..
حمد : فرحانه صح أكيد تبين تكونين بقربي ..
أسيل تصد عنه : لا يالواثق ..
فراس : ياماشاء الله على الحب ياعيني على اللي تصب قهوه وتقدم له حلى والوجه الحسن مو أنا مو دارين عني ..
محمد يصب له قهوه ويمد له الحلى : تفضل يالغالي ..
فراس : الله يقطع هالوجه أنا أقول الوجه الحسن مو القبيح ..
محمد يغمز له : ياراجل تراها تشبهني ..
فراس يطالع لبشاير ويبتسم : تخسي أهي الجمال كله ما مثلها مثيل ..
بشاير أستحت ووقفت : أسمحو لي ..
الكل : هههههه ..
الجده : أنت ما تجوز عن سوالفك ليه تحرجها يله قم خلها ترجع
فراس : حاضر ياجده(بنفسه) هذا اللي أبيه ..
أسيل ترد على جوالها : ألو .. هلا بالغالي ..
حمد حس بالغيره وهمس لها : محد غالي غيري فاهمة ..
أسيل حبت تغيظه : هلا بعمري وحياتي ونور عيون أسيل ..
حمد عصب وبهمس : أسيلوه وجع أيش قلت لك ..
أسيل تسكر الجوال بأيدها وتهمس له : أخوي ..
حمد يخزها : ولو أبوك فاهمه ..
أسيل تهز راسها لا وطلعت من الخيمه : قول يالغالي أسمعك ..
حمد بقمة العصبيه وفي نفسه : هين مايلين راسك حتى وأنا زوجك بس ليه أغير لا لا لا يكون لا أهدى ياحمد أنت مقرر مافيه حب فتره وتفترقون ..
أسيل رجعت وحبت راس جدتها : جده عبدالله يسلم عليك وأسمحي لي بطلع مع عبدالله
الجده : سلمي عليه
أسيل : يوصل الله يسلمك يارب ..
طلعت أسيل وطلع حمد وراها........
أسيل أخذت عبايتها وشنطتها وعند الباب شافت حمد واقف ..
حمد : وين رايحه ؟؟
#انتهى
مكملين معكم غدا" بإذن الله ..
انتظرونا ..
@storykaligi