الفصل 53
❤️📝 روايات وقصص مميزة 📝❤️:
🐚 241 ✨
البنات : شنو !!!
أسيل : فراس حلف ما يملك الشيخ لسعود على وجدان لين يملك له على بشاير ويحاولن ورافض أخذ كتاب الشيخ ..
البنات : هههههههه ..
وجدان : الظاهر سمعنا
بشاير : مو صاحي هههه زوجي أنهبل ..
هيام ترد على جوالها : ألو هلا بابا ........ أيه عندي لحظه........ بشاير بابا يبي يكلمك ..
بشاير تاخذ الجوال : ألو هلا عم ...... بخير جعلك بخير ........ هااااااه ...... وأبوي وش قال ....... لا مالي كلمه بعد أبوي ......... (بحيا) الله يبارك فيك مع السلامه ..
أسيل : كلوش ألف مبروك
رشا : سمعن اللولشه(زغروطه) تحت بلغوهن
البنات : هههههههه ..
أما بمجلس الرجاجيل .............
بعد ما وقعت بشاير و وجدان باركوا لسعود وفراس
من اواسط المجلس تكلم رجل عمة سعود (أبو غاده زوجة حمد)
أبو صالح : يابو فهد طلبتك وأتمنى ماتردني ..
أبوفهد : ماعاش من يرد آمر يابو صالح
أبو صالح : والله هذا العشم فيك وأنا حاب أني أغتنم الفرصه في اليوم وأخطب منك درتكم المصونه أسيل لولدي البكر صالح وش قلت ؟؟؟
عم السكوت المجلس وبعد فتره قطع الصمت حمد ..
حمد وقف : ياجماعة الخير لا هنت ياعم ولا هان عمي صالح ولا هنتو يا وجيه الخير بس بنت عمي أسيل محيره لي وأن شاء الله الملكه قريب والحضور معزومين ..
أبو فهد يبتسم : والله يابوصالح بنتي مثل ماقال حمد معطيه له ..
أبو صالح : والله والنعم بحمد ألف مبروك ياولدي
حمد : الله يبارك فيك
عبدالله طلع من المجلس وطلع جواله : ألو أسيل ........ طلعي لي بالحديقه الخلفيه ...... باي
فراس يطلع وراه : علامك ؟؟
عبدالله : مافيه بس تعرف الحين تبدا الأتصالات وخفت تعرف خصوصا أنه عزم على الملكه
فراس : خذني معك
أسيل طلعت من المطبخ : هلا بالمعرس ألف مبروك والفال لك عبود ..
فراس يسلم عليها : الله يبارك فيك والفال لك ..
أسيل : هههه بعيد
عبدالله وفراس يتبادلون النظرات
أسيل : علامكم في شئ صار ؟؟(تلف لفراس) ما أحب هذي النظره شفتها لما حمد ...(بخوف) لا تقول ملك حمد علي ..!!
عبدالله وفراس : ههههه ..
أسيل شوي تصيح : لا عن جد تكفون
عبدالله : لا ماملك
أسيل تاخذ نفس : الحمد لله ..
عبدالله يمسك يدها ويجلسها على الكراسي : سمعي اليوم في واحد طلبك من أبوك ..
أسيل ترجف : لا تقول وافق ..
فراس : لا لأن حمد وقف وقال أنك محيره له وعزم الكل على الملكه قريب
أسيل بصدمه : شنو قرر وحدد كيفه ..
#مساءالخير
أحلى متابعين
@storykaligi
🐚 242 ✨
أسيل بصدمه : شنو قرر وحدد كيفه ..
فراس : الكل عرف مافيه مفر ..
أسيل بحزن : قال متى يوم موتي
عبدالله يرفع وجهها بأيده : بعيد الشر عنك لا ماقال أظن قريب ..
فراس : أسيل حمد مو شرير لهذي الدرجه
عبدالله : تذكرين كلامي لك في جده تكفين لا تشمتين الناس فينا ..
أسيل تبتسم غصب : باركو لي شايلين الهم ليه أنا صار لي 3 شهور تأقلمت على الفكره ماني زعلانه ..
فراس وعبدالله : ألف مبروك
رجعوا للمجلس وأسيل رجعت للمعازيم دخلت وطاحت عينها بعين غاده وطيف اللي يطالعنها ويتهامسن أبتسمت وأجلست جنب جدتها وقالت لها أن حمد خطبها اليوم حبت تغيض طيف وغاده ماتدري ليه ..
الجده بفرح : لللوووش ألف مبروك يمه ..
أسيل : الله يبارك فيك
أمينه : علامك يمه
الجده : باركوا لأسيل حمد خطبها من أبوها وهو وافق وهي موافقه بعد ..
الكل بارك لأسيل اللي تبتسم وتراقب غاده وطيف اللي لاحظت تغير ملامحهن يوم سمعن الخبر تضحك وهي بداخلها نار وبراكين رهبه وخوف كانت ممتازه بدور الخجوله والحيا كاسيها أستأذنت وطلعت للحديقه وعايشه طلعت وراها ...
عايشه : أسيل
أسيل : آه مخنوقه يا عايشه قدر علي وأنا اللي ظنيت أني بأمان ..
عايشه : أهدي هذا اللي قاسمه ربي
أسيل : الحمد لله عيوش تكفين رجعي معنا اليوم محتاجه لك ..
عايشه : أوكيه بقول لأحمد عاد أنتي عارفه من يوم حملت وهو ما يحب يبتعد عني
أسيل : عنك ولا عن النونو محسن الصغيرون
عايشه : ينتظر 5 شهور تمر بفارغ الصبر ..
أسيل : يعني لازم تحملين بسرعه كان أنتظرتوا
عايشه : وهو بكيفنا من الله
أسيل تضمها : الله يخليك لي ..
عايشه : ويخليك بروح أتصل عليه ثواني بس
أسيل جلست تفكر باللي صار خير ولا شيء قررت تصلي صلاة الاستخاره اذا لها خير أكيد بيتم واذا لها شر بيبعده الله
أما في مكان ثاني واقف معه...
أبو صالح بخبث : هاه وش رايك أعجبتك ..
حمد : أتقنت الدور يابو صالح خذ هذي 10 آلاف اللي وعدتك فيها ..
أبوصالح : مشكور يالنسيب
حمد : والحين أذلف وأن قلت لأحد عارف حمد بن فهد أخفيك من الوجود ..
أبو صالح : أنا مسافر أصلا لو تعرف غاده وأمها بيذبحني
حمد : يكون أحسن
ألتفت يدخل البيت ولمح وحده يعرف زولها غاده بس وين رايحه قرر يلحقها
غاده بدون نفس : أنتي أسيل ؟؟؟؟
@storykaligi
🐚 243 ✨
غاده بدون نفس : أنتي أسيل ؟؟
أسيل تعدل جلستها وتحط رجل على رجل : نعم أنا خير ..
غاده تطالع لها من فوق لتحت : عاد مافيك زود عن الحريم ..
أسيل بأبتسامة سخريه : أجل أنتي عميه أنا الزود كله عندي ..
غاده : على شنو
أسيل : كفايه أن زوجك المصون حفى وراي لين خطبني يا شاطره مو مثلك ..
غاده بعصبيه : أيش فيني ؟؟
أسيل توقف وبغرور : ركضتي وراه لين خذاك (تركتها وراحت) ..
غاده زادت عصبيتها ومسكت يد أسيل ولفتها لها : ماعاشت ولا كانت من تاخذ حمد مني ..
أسيل تأشر على نفسها بغرور : أنا خذيته وورقة زواجي بنفس اليوم تكون ورقة طلاقك ..
غادة رفعت يدها بتعطيها كف : يالحقيـ...
حمد مسك يدها وبعصبيه : حدك ..
أسيل وغاده : حمد
أسيل حبت تختفي وتبتعد لأنها مو متغطيه ومكان يجمعها بحمد وغاده يرعب وتوها تبي تتحرك حمد أسرع منها ومسك يدها ..
أسيل بخوف : ح ح ح ح حمد ..
حمد بعصبيه : غاده
غاده بدلع : ياعيون غاده
حمد : شنو جابك هنا !!
غاده : ملكة ولد خالي ليه ما احضر ؟؟
أسيل : طيب وش دخلني انا حلو مشاكلكم بروحكم هذي زوجتك ..
حمد بسخريه : وأنتي زوجتي ..
أسيل تصر على ضروسها تخفي عصبيتها : توني ما صرت هد أيدي وتفاهم مع زوجتك ..
حمد لف لغاده : تقصدين هذي ؟؟
أسيل بأستهزاء : أعتقد هنادي بجده ومنى بالشرقيه ما فيه إلا غاده بالرياض ..
حمد يطالع غاده : أنتي طالق ..
غاده وأسيل أنصدمن بكل سهوله يطلق ..
غاده بصدمه ودموع : حمد ..
حمد بعصبيه : جب ولا كلمه ولو رفعتي يدك مره ثانيه على زوجتي لأذبحك فاهمه والحين تقلعي والشقه من بكره فاضية ..
غاده طلعت تركض ومقهوره ومطعونه بكبريائها كأنثى وتحس بأهانه
أسيل اللي مو مستوعبه اللي صار تحاول تفك يدها : أنا أنا ..
حمد يبتسم : شفيك ترتعشين كذا ؟؟
أسيل : أتركني لو سمحت شكلنا غلط وأنا مو متعجبه أقصد مو متحجبه ..
حمد : أنتي بحكم زوجتي كلها أيام وبس
أسيل : حمد خلني ..
حمد يبتسم ويهمس بأذنها : بس الحين بعدها أنتي ملكي فاهمة ..
أسيل ماصدقت تركها ركضت للبيت وهي ترتعش من الخوف لأول مره تخاف منه لهذي الدرجه يمكن لأنه صار واقع أرتباطها فيه بعد ليله سعيده رجعوا للبيت وعايشه معهم صلت أسيل صلاة الأستخاره وهي تدعي ما ترتبط بحمد وناموا يخططون للتجهيز للملكه
@storykaligi
🐚 244 ✨
اليوم الثاني
بيت أسيل على طاولة الأكل
أسيل سرحانه وتحرك الشوكه بصحنها وسرحانه
الأب : أسيل
أسيل ترفع راسها : هلا الغالي ..
الأب : عبدالله خبرني أنه قال لك عن حمد ..
أسيل : أيه يبه وسو اللي تشوفه صح
الأب : أنا خفت تزعلين
أسيل : حمد ولد عمي يبه
الأم بفرح : الله يكملك بعقلك ألف مبروك ..
أسيل : الله يبارك فيك يمه
الكل هنوها وبارك لها ..
أسيل : يبه لو سمحت أنا عندي شرطين إذا نفذهن بوافق
عبدالله : أسيل عيب تتشرطين هذا ولد عمك ..
أسيل : من حقي أضمن مستقبلي مع حمد
الأب : قولي
أسيل : أول شرط ينكتب بعقد الزواج ممنوع يتزوج علي واذا تزوج يحق لي الطلاق .. والثاني يطلق حريمه اللي على ذمته ما أحب الضراير ..
الأب يبتسم : هذا بس شروطك يبه هذا من حقك أنا نفسي ما أرضى ياخذ على بنتي حتى لو ولد أخوي ..
أسيل : شئ ثاني
الأم : شنو بعد
أسيل : ما فيه حفلة ملكه نملك وبس وأعتقد هو شايفني وعارفني ماله داعي نظره الشرعيه
نجد : لا أسيل شنو مافيه حفله ..
الأم : ليه تحرمينا من الفرحه
أسيل توقف : ما أبي أشوفه أنا بغرفتي أسمحو لي ..
عايشه : يبه أسيل من حقها تتشرط عليه بس الحفله لا توافقها لازم الحفلة ..
عبدالله : وأنا بعد مثل عايشه لازم تجلس معه وهي ماخذه فكره عنه لازم تغير نظرتها له ..
الأم : بنتي لا هي بايره ولا ناقصه ما نسوي لها حفله لا تطيعها
الأب يوقف : أنا رايح لها بس إذا ما رضت الكل يحترم رغبتها
الكل : موافقين ..
أسيل كانت تبكي ويوم حست بأبوها يدخل مسحت دموعها ..
الأب : أسيل علامك تبكين ..
أسيل : ............
الأب : ياقلبي إذا ما تبينه خلاص ولا همني أحد سواك ..
أسيل تبتسم : لا يالغالي أنا خايفه بس من هالخطوه المقبله عليها بس ..
الاب : طيب تحت زعلانين يبون حفله مسوين إضراب ..
أسيل : ههههه خلهم يفكون الأضراب و لخاطر جيتك لي موافقه على الحفله ..
الكل كان يتسمع : هيه ..
الأب وأسيل : ههههه...
الأب يحب راسها : الله يهنيك يا بنتي ...
@storykaligi
🐚 245 ✨
في مجلس محسن
مشعل : يا قوها شف
راشد : ههههه تهددك قل لها أنك هكر وبترسل فيروس على جهازها ..
مشعل : يهب تقول ما همها
راشد : لا كملت دخلت أم العيون الحلوه ..
جراح : لا أنا بطلع هذي تحشرنا لا
راشد : والله ما أطلع تخسي خلنا نذب عليها لين تعرف حجمها ..
مشعل : لحظه جتني خاص هههههه ..
جراح : علامك ؟؟
محمد : لا مشعل هذي عرفتك ..
مشعل : اذا خلها تولي لحظه برد عليها ..
مشعل(القناص الألماسي) : خير ؟؟
أم العيون الحلوه : مشعل صح ؟؟
القناص : صح واذا
أم العيون الحلوه : أنت ما تعرف تسكت لازم نكسر راسك كل مره ..
القناص : تخسين ما عاشت ولا كانت اللي تكسر راسي ..
أم العيون الحلوه : أقول أطلع بكرامتك لا أطلعك غصب ..
القناص : أقلبي وجهك لحظه أنتي شنب مو بنت
أم العيون الحلوه : ههههههه ضحكتني ..
القناص : لا بشري أمج
أم العيون الحلوه : ..............................
جراح : سكتت
راشد : مشعل ليه قلت لها بشري أمج ؟؟
مشعل : وإذا
راشد : أهي يتيمه الكل يعرف
مشعل : يوه لحظه ..
القناص : أم العيون العذر مو قصدي الله يرحمها
أم العيون الحلوه : .................
محمد : طلعت
مشعل : راشد طلبتك الفزعه ..
راشد : جاك ماطلبت آمر
مشعل : قل لريومه أبي رقمها ..
راشد عصب : أذلف
مشعل : ياغبي مو ريومه أم العيون الحلوه هذيك الخبله لك ..
راشد : وش عرفك أنه عندها ..
مشعل : مو صاحبتها ..
راشد : زين لحظه ..
ريومه : هلا كايدهم آمر ..
كايدهم(راشد) : قلبو أم العيون طلعت زعلانه من القناص وكسر خاطري يبي يعتذر لها ..
ريومه : والمطلوب
كايدهم : رقمها
ريومه : يو قويه ..
كايدهم : حبيبتي عمري طلبتك ..
ريومه : خاطرك غالي بس إيميلها ممكن الرقم نو ويه لا تحاول ..
مشعل : موافق خلها تعطيك أياه ..
كايدهم : أوكيه يله
مشعل بعد ما أخذ الأيميل سجله : برسل لها بطاقة أعتذار
جراح : أيه شفت اللي سويتها ذاك اليوم حلوه أرسلها ..
محمد : والله ما أظن ترد البنت عندها كبرياء وعزة نفس ..
مشعل : طير هذي حركات تسويها تموت وتكلم مشعل محسن الـ....
جراح : راشد ما تسمع خويك وش يقول ؟؟
محمد : الحبيب مو معك مع ريومه بالله وين أتفقتو تلتقون ..
راشد يلف لمشعل : مشعل لو خليتك تشوف أم العيون الحلوه وش تعطيني ؟؟
مشعل ينط جنبه : لك اللي تبي ..
راشد : أعزم ريومه على العشاء وتدفع انت هاه وش قلت ..
مشعل : موافق يله حدد وعلي كل شيء ..
كايدهم : ريومه ما اشتقتي لي
ريومه : موت من أسبوع
كايدهم : خلاص بكره بقابلك جايب لك هديه روعه ..
ريومه : والله خلاص وين
كايدهم : مطعم (.....) الساعه 7 بس لازم تجيبين أم العيون الحلوه
ريومه : ليه ؟؟
كايدهم : ليه العصبيه أنا أقصد أن القناص ناشب لي بشبكهم مع بعض وناخذ حريتنا ..
ريومه : هاه
كايدهم : قلبو تراه يهددني ماراح أشوفك إذا ما شاف أم العيون الحلوه ..
ريومه : خلاص بجيبها
مشعل بفرح : يس .
جراح : حلوه أنت ريومه وهو أم العيون وأنا ؟؟
محمد : معي بكره بعشيك على حسابي ..
جراح يطالع لمحمد ومشعل وراشد : مع أن وجيهن أحلى بس على حسابك موافق ..
محمد : أكول
الشباب : ههههه ..
@storykaligi